Traineeships fil-Parlament Ewropew 

L-applikanti għal traineeship Schuman irid li:

• jkollhom 18-il sena jew aktar;
• jkunu ċittadini ta' Stat Membru tal-Unjoni Ewropea jew ta' pajjiż fil-fażi ta' adeżjoni/kandidat (jistgħu jiġu offruti wkoll għadd limitat ħafna ta' traineeships għal ċittadini ta' pajjiżi oħra);
• jkollhom grad universitarju;
• jkollhom għarfien profond ta' waħda mil-lingwi uffiċjali tal-UE u għarfien tajjeb ħafna ta' lingwa oħra (ċittadini ta' stati mhux membri għandu jkollhom għarfien tajjeb ħafna tal-Ingliż, il-Franċiż jew il-Ġermaniż);
• jipprovdu ċertifikat ta' kondotta eliġibbli;
• ma jkunux ħadmu, jew ibbenefikaw minn xi tip ieħor ta' traineeship, għal aktar minn xahrejn konsekuttivi f'istituzzjoni, korp jew aġenzija tal-UE;
• u ma jkunux għamlu żjara ta' studju fis-Segretarjat tal-Parlament Ewropew sitt xhur qabel il-bidu tat-traineeship.

Sabiex tapplika, jekk jogħġbok żur il-paġna tal-applikazzjoni tat-traineeship tagħna:

1. agħżel u applika għal massimu ta' tliet traineeships;
2. jekk tintgħażel, tkun meħtieġ tipprovdi ċerti dokumenti ta' prova biex tagħti prova tal-eliġibbiltà tiegħek;
3. jekk tintgħażel, tirċievi Ittra ta' Ammissjoni uffiċjali bl-email.

It-traineeships Schuman jingħataw għal perjodu ta' ħames xhur.

• Perjodu ta' traineeship mill-1 ta' Ottubru sat-28 jew sad-29 ta' Frar
  • tista' tapplika mill-1 sat-31 ta' Mejju
• Perjodu ta' traineeship mill-1 ta' Marzu sal-31 ta' Lulju
  • tista' tapplika mill-1 sat-31 ta' Ottubru

L-applikazzjonijiet spontanji ma jiġux ikkunsidrati.

L-inklużjoni ta' persuni b'diżabilità hija prijorità tal-Parlament Ewropew. Minbarra l-possibiltà li jiġu reklutati skont il-proċedura ġenerali ta' selezzjoni għat-trainees Schuman, il-persuni b'diżabilità issa għandhom opportunità akbar li jieħdu sehem permezz tal-Iskema ta' Azzjoni Pożittiva għat-trainees b'diżabilità.

Persuni li għandhom indeboliment fiżiku, mentali, intellettwali jew sensorju fit-tul ta' mill-inqas 20% jistgħu japplikaw għal dan il-programm. Il-kandidati magħżula mill-Iskema ta' Azzjoni Pożittiva li jissodisfaw il-kriterji ġenerali ta' eliġibilità għal traineeship Schuman jistgħu jirċievu offerta għal traineeship, ladarba s-Servizz Mediku tal-Parlament Ewropew jikkonferma, li għandhom diżabilità kif deskritt hawn fuq.

Il-kandidati li jintgħażlu jistgħu jirċievu ħlas addizzjonali sa 50% tal-għotja ta' kull xahar tat-trainees Schuman, biex jikkumpensaw għall-ispejjeż addizzjonali mġarrba.

Il-kandidati li jixtiequ jiġu kkunsidrati għall-Iskema ta' Azzjoni Pożittiva għat-trainees b'diżabilità jridu japplikaw għal traineeship Schuman permezz tal-paġna tal-applikazzjoni għat-traineeship tagħna (ara t-taqsima "Kif tapplika?" hawn fuq)

Il-Programm ta' Reklutaġġ u Żvilupp Schuman huwa programm ġdid u eċċitanti li jwitti triq għal għadd ta' trainees Schuman bi prestazzjoni għolja biex ikomplu jaħdmu għall-Parlament bħala membri tal-persunal, wara li jtemmu b'suċċess it-traineeship tagħhom.

Il-programm ta' Reklutaġġ u Żvilupp Schuman huwa miftuħ għat-trainees Schuman li jaħdmu fil-Parlament Ewropew.

It-trainees Schuman bi prestazzjoni għolja – approvati mid-Direttorat Ġenerali li jospitahom – jiġu mistiedna jagħmlu sensiela ta' testijiet immirati biex jeżaminaw il-kompetenzi, il-motivazzjoni u l-adegwatezza tagħhom biex jaħdmu mal-Parlament Ewropew.

Lista finali ta' 25 trainee, li jkunu għaddew mill-proċedura ta' selezzjoni, se tiġi ppreparata għal kull perjodu ta' traineeship (darbtejn fis-sena). L-ismijiet tal-kandidati magħżula jibqgħu fil-lista ta' riżerva għal perjodu ta' sena.

Il-kandidati jistgħu jiġu reklutati bħala aġenti kuntrattwali. Is-servizzi ta' reklutaġġ tal-Parlament Ewropew se jikkonsultaw regolarment din il-lista meta jfittxu li jirreklutaw aġenti kuntrattwali. Ma hemm l-ebda obbligu ta' reklutaġġ fuq il-Parlament Ewropew fi tmiem il-proċedura ta' selezzjoni.

.

Il-Membri jagħżlu b'mod liberu t-trainees tagħhom. Madankollu, il-kandidati jridu jissodisfaw il-kriterji li ġejjin:

• ikollhom 18-il sena jew aktar (derogi minn dan il-limitu ta' età jistgħu jingħataw b'rispons għal talba debitament motivata);
• ikunu ċittadini ta' Stat Membru tal-Unjoni Ewropea jew ta' pajjiż fil-fażi ta' adeżjoni/kandidat Madankollu, il-Membri jistgħu joffru traineeship lil ċittadini ta' pajjiżi terzi, dment li jikkonformaw mar-rekwiżiti tal-viża;
• ikunu kisbu ċertifikat ta' edukazzjoni sekondarja li jikkorrispondi għal-livell meħtieġ għad-dħul fl-università, jew ikunu segwew kors ta' studju ogħla jew tekniku għal livell ekwivalenti, jew ikunu kisbu diploma universitarja;
• ikollhom għarfien profond ta' waħda mil-lingwi uffiċjali tal-Unjoni Ewropea;
• ma jkunux parti minn kuntratt ta' impjieg jew minn xi relazzjoni kuntrattwali matul it-traineeship tagħhom;
• ma jkunu la għamlu traineeship preċedenti ma' Membru, u lanqas ma jkunu ħadmu qabel bħala assistenti parlamentari ta' Membru, kemm jekk lokali kif ukoll jekk akkreditat.

Biex tibgħat applikazzjoni, huwa meħtieġ li tikkuntattja direttament lill-Membri tal-Parlament Ewropew.

It-tul ta' żmien tat-traineeship huwa bejn sitt ġimgħat u ħames xhur konsekuttivi, u jiġi deċiż mill-Membru tal-Parlament li jagħti t-traineeship. It-traineeship jista' jibda fi kwalunkwe żmien matul is-sena.

It-trainees jirċievu għotja ta' kull xahar li tista' tvarja bejn EUR 949 u EUR 1555 għal traineeship full-time.