RAPPORT dwar il-proposta għal deċiżjoni tal-Kunsill dwar linji gwida għall-Politika ta' l-Impjiegi ta' l-Istati Membri

25.1.2007 - (COM(2006)0815 – C6‑0036/2007 – 2006/0271(CNS)) - *

Kumitat għall-Impjiegi u l-Affarijiet Soċjali
Rapporteur: Jan Andersson

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal deċiżjoni tal-Kunsill dwar linji gwida għall-Politika ta' l-Impjiegi ta' l-Istati Membri

(COM (2006)0815 – C6‑0036/2007 –2006/0271 (CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM (2006)0815)[1],

–   wara li kkunsidra Artikolu 128(2) tat-Trattat KE, li bis-saħħa tiegħu ġie kkonsultat mill-Kunsill (C6‑0036/2007),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Impjiegi u l-Affarijiet Soċjali (A6‑0008/2007),

1.  Japprova l-proposta tal-Kummissjoni kif emendata;

2.  Jistieden lill-Kummissjoni sabiex tbiddel il-proposta f'dan is-sens, skond l-Artikolu 250(2) tat-Trattat KE;

3.  Jistieden lill-Kunsill sabiex javżah jekk ikollu l-intenzjoni li jitbiegħed mit-test approvat mill-Parlament;

4.  Jitlob lill-Kunsill sabiex jikkonsultah mill-ġdid jekk ikollu l-intenzjoni li jemenda sostanzjalment proposta tal-Kummissjoni ;

5.  Jagħti istruzzjonijiet lill-President tiegħu sabiex jinforma lill-Kunsill u l-Kummissjoni bil-pożizzjoni tal-Parlament.       

Test propost mill-Kummissjoni	Emendi mill-Parlament
Emenda 1 Premessa 3(a) ġdida
	3a. Il-Parlament Ewropew għandu jingħata ż-żmien neċessarju, u f’kull eventwalità mhux inqas minn ħames xhur, biex jilħaq l-irwol konsultattiv tiegħu, kif stipulat fl-Artikolu 128(2) tat-Trattat li jistabbilixxi l-Komunità Ewropea, waqt ir-reviżjoni sħiħa tal-Linji Gwida għall-Impjiegi, li hi prevista fl-2008.
Ġustifikazzjoni
Din it-talba tikkonsidra li l-Linji Gwida ta’ l-Impjiegi 2008 jistgħu jibdlu b’mod sostanzjali u, għal din l-okkazzjoni, il-Parlament Ewropew għandu jingħata ż-żmien neċessarju biex jimplimenta bi sħiħ l-irwol konsultattiv tiegħu, kif stipulat fl-Artikolu 128(2) tat-Trattat li jistabbilixxi l-Komunità Ewropea.

• [1]  Għadha mhix ippubblikata fil-ĠU.

NOTA SPJEGATTIVA

Ir-rapporteur għal opinjoni u l-koordinaturi tal-Kumitat għall-Impjiegi u l-Affarijiet Soċjali ddeċiedew li jressqu biss “emenda proċedurali” b’referenza għad-dritt tal-Parlament għal konsultazzjoni proprja dwar il-Linji Gwida għall-Impjiegi li jmiss. Din it-talba tikkonsidra li l-Linji Gwida ta’ l-Impjiegi 2008 jistgħu jibdlu b’mod sostanzjali u, għal din l-okkazzjoni, il-Parlament Ewropew għandu jingħata ż-żmien neċessarju biex jimplimenta bi sħiħ l-irwol konsultattiv tiegħu, kif stipulat fl-Artikolu 128(2) tat-Trattat li jistabbilixxi l-Komunità Ewropea.

Beda fl-2005 bir-reviżjoni ta’ l-Istrateġija ta’ Liżbona, iċ-ċiklu l-ġdid ta' tmexxija għal tliet snin, li jġib flimkien il-Linji Gwida għall-Impjiegi (EGs) u l-Linji Gwida għall-Politika ta’ l-Ekonomija Wiesgħa (Broad Economics Policy Guidelines - BEPGs), jippermetti lill-Istati Membri biex jimmodifikaw il-programmi ta' Liżbona nazzjonali biex jakkomodaw sitwazzjonijiet nazzjonali tagħhom.

Din is-sena, evalwazzjoni tal-programmi ta’ riforma nazzjonali mill-Kummissjoni turi li l-impjieg qed jiżdied u l-qagħad qed jonqos. Madankollu, it-tkabbir tal-produttività u l-kwalità tax-xogħol jibqgħu inqas mill-ħtiġijiet ta’ l-Ewropa. Fil-fatt, minkejja li r-Rapporti ta' l-Implimentazzjoni juru li l-Istati Membri ħadu ħafna mill-passi neċessarji biex jimplimentaw il-programmi, ftit Stati Membri biss adottaw “strateġija integrata għax-xogħol ibbażata fuq iċ-ċiklu tal-ħajja”. Aktar sforzi huma meħtieġa biex jolqtu l-mira li ntlaħaq qbil dwarha s-sena li għaddiet, li għal kull żagħżugħ li jitlaq l-iskola jew l-università jiġi offrut xogħol, taħriġ jew miżura oħra ta’ impjegabilità fi żmien sitt xhur minn meta jkun spiċċa bla xogħol. Id-differenzi bejn is-sessi jibqgħu wkoll wiesgħin u d-disponibilità ta’ faċilitajiet bi prezzijiet li jistgħu jintlaħqu ta' fejn jieħdu ħsieb it-tfal ('affordable child care') għadha problema f’bosta Stati Membri u għalhekk hu aktar diffiċli li wieħed jirrikonċilja l-ħajja tax-xogħol u dik privata. Barra minn hekk, l-Istati Membri qed juru progress limitat dwar l-immodernizzar tal-leġiżlazzjoni tagħhom dwar il-ħarsien ta’ l-impjieġi.

B’kunsiderazzjoni ta’ din is-sitwazzjoni inġenerali, ir-rapporteur għal opinjoni jemmen li l-Parlament Ewropew jista' jtejjeb il-kontribuzzjoni tiegħu għal tmexxija aħjar ta’ l-istrateġija ta’ Liżbona jekk iż-żmien neċessarju (u mhux anqas minn ħames xhur) jingħata lill-PE biex jimplimenta bi sħiħ l-irwol konsultattiv tiegħu fit-tfassil ta’ linji gwida li l-Istati Membri għandhom jikkunsidraw fil-politiki tagħhom għall-impjieġi. Aktar minn hekk, b’kunsiderazzjoni li l-istituzzjonijiet tal-Komunità, inkluż il-Parlament Ewropew, li issa huwa meħtieġ li jkun aktar assertiv fl-indikazzjoni tal-punti ta' dgħjufija fil-programmi ta’ riforma ta’ l-Istati Membri, il-PE jista' jkollu rwol aktar estensiv fil-monitoraġġ tal-progress ta' l-Istati Membri. Fir-rigward ta’ rakkomandazzjonijiet speċifiċi għal pajjiż, il-kwistjonijiet li l-PE jista’ jqajjem huma liema ċirkustanzi u f’liema forma rakkomandazzjoni magħmula nazzjonalment tista’ tkun l-aktar użu. Bħala wieħed mill-parteċipanti ewlenin fil-proċess politiku, il-Parlament Ewropew għandu wkoll s-setgħa politika li jintensifika l-isforzi tiegħu biex itejjeb il-kwalità tad-dibattitu publiku dwar riforma ekonomika u għal promozzjoni ta’ l-impjieg.

PROĊEDURA

Titolu	Proposta għal deċiżjoni tal-Kunsill dwar linji gwida għall-Politika ta' l-Impjiegi ta' l-Istati Membri
Referenzi	COM(2006)0815 – C6-0036/2007 –2006/0271(CNS)
Data meta ġie kkonsultat il-PE	12.1.2007
Kumitat responsabbli   Data tat-tħabbir fis-seduta plenarja	EMPL 17.1.2007
Kumitat(i) mitlub(a) jagħti/u opinjoni   Data tat-tħabbir fis-seduta plenarja	FEMM 17.1.2007		ITRE 17.1.2007	ECON 17.1.2007
Opinjoni(jiet) mhux mogħtija   Data tad-deċiżjoni	FEMM 22.1.2007		ITRE 22.1.2007	ECON 23.1.2007
Koperazzjoni aktar mill-qrib   Data tat-tħabbir fis-seduta plenarja	Le
Rapporteur(s)   Data tal-ħatra	Jan Andersson 13.12.2006
Rapporteur(s) preċedenti
Proċedura ssimplifikata - data tad-deċiżjoni  Data tad-deċiżjoni	22.11.2006
Bażi legali kkontestata   Data tal-opinjoni tal-JURI
Allokazzjoni finanzjarja emendata   Data tal-opinjoni tal-BUDG
Konsultazzjoni mill-PE mal-Kumitat Ekonomiku u Soċjali - data tad-deċiżjoni fis-seduta plenarja
Konsultazzjoni mill-PE mal-Kumitat tar-Reġjuni - data tad-deċiżjoni fis-seduta plenarja
Eżami fil-kumitat	23.1.2007
Data ta' l-adozzjoni	24.1.2007
Riżultat tal-votazzjoni finali	+: –: 0:	38 0 0
Membri preżenti għall-votazzjoni finali	Jan Andersson, Alexandru Athanasiu, Roselyne Bachelot-Narquin, Jean-Luc Bennahmias, Iles Braghetto, Philip Bushill-Matthews, Milan Cabrnoch, Alejandro Cercas, Derek Roland Clark, Luigi Cocilovo, Jean Louis Cottigny, Proinsias De Rossa, Richard Falbr, Carlo Fatuzzo, Ilda Figueiredo, Joel Hasse Ferreira, Roger Helmer, Stephen Hughes, Ona Juknevičienė, Jan Jerzy Kułakowski, Jean Lambert, Raymond Langendries, Elizabeth Lynne, Mary Lou McDonald, Thomas Mann, Mario Mantovani, Ana Mato Adrover, Maria Matsouka, Csaba Őry, Siiri Oviir, Marie Panayotopoulos-Cassiotou, Pier Antonio Panzeri, Jacek Protasiewicz, José Albino Silva Peneda
Sostitut(i) preżenti għall-votazzjoni finali	Françoise Castex, Richard Howitt, Gabriele Stauner, Patrizia Toia, Georgios Toussas, Tadeusz Zwiefka
Sostitut(i) (skond l-Artikolu 178(2)) preżenti għall-votazzjoni finali	Herbert Bösch, Pedro Guerreiro
Data tat-tressiq	25.1.2007
Kummenti (informazzjoni disponibbli b'lingwa waħda biss)	...