RAPPORT dwar il-proposta għal regolament tal-Kunsill li jemenda r-Regolament tal-Kunsill (KE) Nru 1543/2000 li jistabbilixxi struttura Komunitarja għall-ġbir u l-ġestjoni tad-data meħtieġa għat-twettiq tal-Politika Komuni tas-Sajd.

12.9.2007 - (COM(2007)0369 – C6‑0235/2007 – 2007/0127(CNS)) - *

Kumitat għas-Sajd
Rapporteur: Paulo Casaca

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal regolament tal-Kunsill li jemenda r-Regolament tal-Kunsill (KE) Nru 1543/2000 li jistabbilixxi struttura Komunitarja għall-ġbir u l-ġestjoni tad-data meħtieġa għat-twettiq tal-Politika Komuni tas-Sajd.

(COM(2007)0369 – C6‑0235/2007 – 2007/0127(CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2007)0369),

–   wara li kkunsidra l-Artikolu 37 tat-Trattat KE, skond liema artikolu ġie kkonsultat mill-Kunsill (C6-0235/2007),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd (A6-0317/2007),

1.  Japprova l-proposta tal-Kummissjoni;

2.  Jistieden lill-Kunsill biex jinfurmah jekk ikollu l-ħsieb li jitbiegħed mit-test approvat mill-Parlament;

3.  Jitlob lill-Kunsill biex jerġa' jikkonsultah jekk ikollu l-ħsieb li jemenda il-proposta tal-Kummissjoni b'mod sustanzjali;

4.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

NOTA SPJEGATTIVA

L-armonizzazzjoni u l-affidabilità ta' data u informazzjoni miġbura dwar l-attivitajiet tal-baħar huma ta' importanza kritika għas-settur tas-sajd u l-isforzi kollha li jsiru biex titjieb il-kwalità tagħhhom għandhom jiġu appoġġjati. F'dan ir-rigward, ir-Regolament tal-Kunsill 1543/2000 huwa magħmul minn qafas Komunitarju inizjali mmirat biex jikkordina l-ġbir u l-immaniġġjar tad-data neċessarja għall-implimentazzjoni tal-Politika Komuni tas-Sajd mill-Istati Membri.

Madankollu, fid-dawl ta' ħsieb ġdid dwar l-immaniġġjar tas-sajd u b'mod partikolari x-xewqa li jiġi applikat l-approċċ ta' l-ekosistema u biex isiru preparamenti għal politika marittima għall-Unjoni, il-Kummissjoni pproponiet li r-Regolament tal-Kunsill (KE) 1543/2000 irid jiġi rrevokat u mibdul ma' regolament ġdid u iżjed komprensiv għall-ġbir tad-data, li jkun iżjed adattat biex jissodisfa rekwiżiti attwali u futuri. F'dan il-kuntest, il-Parlament ġie kkonsultat b'mod formali skond l-Artikolu 37 tat-Trattat u attwalment ir-rapporteur tagħkom qed jipprepara abbozz tar-rapport dwar din il-kwistjoni.

Huwa mistenni li r-regolamenti l-ġodda għandhom jidħlu fis-seħħ fl-2008. Madankollu, fl-interim, huwa neċessarju li jiġi emendat ir-Regolament tal-Kunsill Nru 1543/2000 sabiex jiġi evitat irduppjar bejn ir-regolamenti l-qodma u l-ġodda u biex jiġi evitat kwalunkwe piż amministrattiv mhux neċessarju fuq l-Istati Membri u l-Kummissjoni. B'mod speċifiku, dan jelimina l-obbligu legali preżenti fuq l-Istati Membri skond Regolament Nru 1543/2000 biex jippreżentaw programmi nazzjonali fuq sitt snin għall-ġbir u l-ġestjoni tad-data mill-2007 sa l-2012, skond regoli li daqt iridu jinbidlu. Minflok, iridu jitfasslu programmi ta' tranżizzjoni li jkopru s-snin 2007 u 2008.

Il-proposta attwali tal-Kummissjoni tagħmel dawn il-bidliet neċessarji u loġiċi u b'riżultat ta' dan hija appoġġjata mir-rapporteur tagħkom mingħajr emendi.

PROĊEDURA

Titolu	Ġbir u l-ġestjoni tad-data meħtieġa għat-twettiq tal-Politika Komuni tas-Sajd
Referenzi	COM(2007)0369 - C6-0235/2007 - 2007/0127(CNS)
Data meta ġie kkonsultat il-PE	16.7.2007
Kumitat responsabbli        Data tat-tħabbir fis-seduta plenarja	PECH 3.9.2007
Rapporteur(s)        Data tal-ħatra	Paulo Casaca 17.7.2007
Data ta’ l-adozzjoni	11.9.2007
Riżultat tal-vot finali	+: –: 0:	18 0 0
Membri preżenti għall-vot finali	Elspeth Attwooll, Marie-Hélène Aubert, Luis Manuel Capoulas Santos, David Casa, Paulo Casaca, Zdzisław Kazimierz Chmielewski, Avril Doyle, Emanuel Jardim Fernandes, Carmen Fraga Estévez, Pedro Guerreiro, Ian Hudghton, Heinz Kindermann, Philippe Morillon, Seán Ó Neachtain, Luca Romagnoli, Struan Stevenson, Catherine Stihler, Daniel Varela Suanzes-Carpegna
Sostitut(i) preżenti għall-vot finali	Jan Mulder
Data tat-tressiq	12.9.2007