RAPPORT dwar il-proposta għal deċiżjoni tal-Kunsill dwar il-konklużjoni f’isem il-Komunità Ewropea tal-Ftehima dwar Koperazzjoni Xjentifika u Teknoloġika bejn il-Komunità Ewropea fuq in-naħa l-waħda u l-Gvern ta’ New Zealand fuq in-naħa l-oħra

24.9.2008 - (COM(2008)0170 – C6‑0292/2008 – 2008/0066(CNS)) - *

Kumitat għall-Industrija, ir-Riċerka u l-Enerġija
Rapporteur: Angelika Niebler
Proċedura ssimplifikata – Artikolu 43(1) tar-Regoli ta’ Proċedura

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal deċiżjoni tal-Kunsill dwar il-konklużjoni f’isem il-Komunità Ewropea tal-Ftehima dwar Koperazzjoni Xjentifika u Teknoloġika bejn il-Komunità Ewropea fuq in-naħa l-waħda u l-Gvern ta’ New Zealand fuq in-naħa l-oħra

(COM(2008)0170 – C6‑0292/2008– 2008/0066(CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal deċiżjoni tal-Kunsill (COM(2008)0170),

–   wara li kkunsidra d-Deċiżjoni Nru 1982/2006/KE tal-Parlament Ewropew u tal-Kunsill tat-18 ta' Diċembru 2006 dwar is-Seba' Programm ta' Qafas tal-Komunità Ewropea għall-attivitajiet ta' riċerka, ta' żvilupp teknoloġiku u ta' attivitajiet ta' dimostrazzjoni (2007-2013)[1],

–   wara li kkunsidra l-Artikolu 170 u l-Artikolu 300(2), l-ewwel subparagrafu, l-ewwel sentenza, tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE, skont liema artikolu ġie kkonsultat mill-Kunsill (C6-0292/2008),

–   wara li kkunsidra l-Artikoli 51, 83(7) u 43(1) tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Industrija, ir-Riċerka u l-Enerġija (A6-0367/2008),

1.  Japprova l-konklużjoni tal-ftehima;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni, u lill-gvernijiet u l-parlamenti tal-Istati Membri u ta’ New Zealand.

• [1]  ĠU L 412, 30.12.2006, p. 1.

PROĊEDURA

Titolu	Ftehim għall-koperazzjoni Xjentifika u Teknoloġika bejn il-KE u New Zealand
Referenzi	COM(2008)0170 – C6-0292/2008 – 2008/0066(CNS)
Data meta ġie kkonsultat il-Parlament	23.7.2008
Kumitat responsabbli Data tat-tħabbir fis-seduta plenarja	ITRE 2.9.2008
Kumitat(i) mitlub(a) jagħti/u opinjoni Data tat-tħabbir fis-seduta plenarja	AFET 2.9.2008
Opinjonijiet mhux mogħtija Data tad-deċiżjoni	AFET 14.5.2008
Rapporteur(s) Data tal-ħatra	Angelika Niebler 6.5.2008
Proċedura ssimplifikata - data tad-deċiżjoni	6.5.2008
Data tal-adozzjoni	22.9.2008