RAPPORT dwar l-approvazzjoni tad-dikjarazzjoni konġunta, "Nikkomunikaw l-Ewropa fi Sħubija"

7.10.2008 - (2007/2222(ACI))

Kumitat għall-Affarijiet Kostituzzjonali
Rapporteur: Jo Leinen
(Proċedura simplifikata - Artikolu 43(1) tar-Regoli ta' Proċedura)

Errata/Addenda

• ERR01 (PDF - 98 KB)
• ERR01 (DOC - 59 KB)

PROPOSTA GĦAL DEĊIŻJONI TAL-PARLAMENT EWROPEW

dwar l-approvazzjoni tad-dikjarazzjoni konġunta, "Nikkomunikaw l-Ewropa fi Sħubija"

(2007/2222(ACI))

Il-Parlament Ewropew,

- wara li kkunsidra l-Artikolu 255 tat-Trattat KE,

- wara li kkunsidra r-riżoluzzjoni tiegħu tat-13 ta’ Marzu 2002 dwar il-komunikazzjoni tal-Kummissjoni dwar qafas ġdid għall-koperazzjoni dwar attivitajiet li jikkonċernaw il-politika għall-informazzjoni u għall-komunikazzjoni tal-Unjoni Ewropea[1],

- wara li kkunsidra r-riżoluzzjoni tiegħu tal-10 ta’ April 2003 dwar l-istrateġija għall-informazzjoni u l-komunikazzjoni għall-Unjoni Ewropea[2],

- wara li kkunsidra r-riżoluzzjoni tiegħu tat-12 ta’ Mejju 2005 dwar l-implimentazzjoni tal-istrateġija ta' informazzjoni u komunikazzjoni tal-Unjoni Ewropea[3],

- wara li kkunsidra r-riżoluzzjoni tiegħu tas-16 ta’ Novembru 2006 dwar il-White Paper dwar politika ta' komunikazzjoni Ewropea[4],

- wara li kkunsidra d-deċiżjoni tal-Konferenza tal-Presidenti tal-25 ta’ Settembru 2008,

- wara li kkunsidra d-dikjarazzjoni konġunta proposta, "Nikkomunikaw l-Ewropa fis-Sħubija",

- wara li kkunsidra l-Artikoli 120(1) u 43(1) tar-Regoli ta' Proċedura tiegħu,

- wara li kkunsidra r-rapport tal-Kumitat għall-Affarijiet Kostituzzjonali (A6-0372/2008),

A.  billi l-komunikazzjoni hija element importanti tad-demokrazija, kemm dik rappreżentattiva u kemm dik parteċipatorja,

B.   billi wieħed mill-punti tajbin tal-elementi demokratiċi tal-UE hu marbut mal-istrutturi ta’ komunikazzjoni fil-livell Ewropew li jgħaqqdu l-istituzzjonijiet maċ-ċittadini,

C.  billi l-esperjenza li nkisbet mill-elezzjonijiet u r-referendums Ewropej preċedenti tissuġerixxi li hemm iktar ċans li dawk li huma konxji u interessati fi kwistjonijiet tal-UE jipparteċipaw, waqt li hemm iktar ċans li dawk li mhumiex infurmati daqshekk tajjeb jagħmlu dan; biili dan ġie ikkonfermat għal darba oħra mir-riċerka li saret wara r-referendum Irlandiż,

D.  billi l-komunikazzjoni dwar l-Unjoni Ewropea tirrikjedi impenn politiku mill-Istituzzjonijiet tal-UE u mill-Istati Membri fil-livelli kollha,

1.  Japprova d-dikjarazzjoni konġunta, "Nikkomunikaw l-Ewropa fis-Sħubija" annessa ma’ din id-deċiżjoni u jiddeċiedi li jehmeż id-Dikjarazzjoni mar-Regoli ta' Proċedura tiegħu; jitlob li d-dikjarazzjoni tiġi ppubblikata fil-Ġurnal Uffiċjali tal-Unjoni Ewropea;

2.  Jagħti istruzzjonijiet lill-President tiegħu biex jgħaddi din id-deċiżjoni u l-anness għaliha lill-Kunsill u lill-Kummissjoni.

• [1]  ĠU C 47 E, 27.2.2003, p. 400.
• [2]  ĠU C 64 E, 12.3.2004, p. 591.
• [3] ³ ĠU C 92 E, 20.4.2006, p. 403.
• [4]  ĠU C 314 E, 21.12.2006, p.369.

ANNESS (*)

se jiġi ppublikat separatament bħala Addendum għal dan ir-rapport

RIŻULTAT TAL-VOTAZZJONI FINALI FIL-KUMITAT

Data ta’ l-adozzjoni	7.10.2008
Riżultat tal-votazzjoni finali	+: –: 0:	10 0 2