RAPPORT dwar il-proposta għal regolament tal-Kunsill li jistabbilixxi Fond ta’ garanzija għall-azzjonijiet esterni (verżjoni kodifikata)

9.10.2008 - (COM(2008)0365 – C6‑0273/2008 – 2008/0117(CNS)) - *

Kumitat għall-Affarijiet Legali
Rapporteur: Diana Wallis
(Kodifikazzjoni – Artikolu 80 tar-Regoli ta' Proċedura)

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta ghal regolament tal-Kunsill li jistabbilixxi Fond ta’ garanzija għall-azzjonijiet esterni (verżjoni kodifikata)

(COM(2008)0365 – C6‑0273/2008 – 2008/0117(CNS))

(Proċedura ta' konsultazzjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Kunsill (COM(2008)0365),

–   wara li kkunsidra l-Artikolu 308 tat-Trattat KE, skond liema artikolu l-Kunsill ikkonsulta lill-Parlament (C6‑0273/2008),

–   wara li kkunsidra l-Ftehima Interistituzzjonali ta' l-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi[1],

–   wara li kkunsidra l-Artikoli 80 u 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A6-0387/2008),

A. billi, fl-opinjoni tal-Grupp ta' Ħidma Konsultattiv tas-servizzi legali tal-Parlament Ewropew, tal-Kunsill u tal-Kummissjoni, il-proposta tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-servizzi legali tal-Parlament, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

• [1]  ĠU L 102 4.4.1996, p. 2.

AnnESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI

	GRUPP TA' ĦIDMA KONSULTATTIV TAS-SERVIZZI LEGALI

Brussell, 6 Settembru 2008

OPINJONI

                     GĦALL-ATTENZJONI TAL-PARLAMENT EWROPEW

                                                              TAL-KUNSILL

                                                              TAL-KUMMISSJONI

Proposta għal regolament tal-Kunsill li jistabbilixxi Fond ta’ garanzija għall-azzjonijiet esterni

COM(2008) 365 finali tas-17.6.2008 - 2008/0117 (CNS)

Wara li kkunsidra l-Ftehima Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi, u b'mod partikulari l-punt 4 tagħha, il-Grupp ta' Ħidma Konsultattiv, magħmul mis-servizzi legali rispettivi tal-Parlament Ewropew, tal-Kunsill u tal-Kummissjoni, fis-7 u fil-15 ta' Lulju 2008 kellu laqgħat iddedikati għall-eżami, fost l-oħrajn, tal-proposta msemmija hawn fuq, ippreżentata mill-Kummissjoni.

Waqt dawk il-laqgħat[1] eżami tal-proposta għal deċiżjoni tal-Kunsill intenzjonata li tikkodifika r-Regolament tal-Kunsill (KE, Euratom) 2728/94 tal-31 ta' Ottubru 1994 li jistabbilixxi Fond ta’ garanzija għall-azzjonijiet esterni wasslet sabiex il-Grupp ta' Ħidma Konsultattiv stabilixxa, bi qbil komuni, dan li ġej:

1) Fi Premessa 2, il-kliem "riskju finanzjarju" għandu jiġi sostitwit bil-kliem "riskju finanzjarju miżjud".

2) Il-kliem "għall-perjodu 2007 sa 2013" għandu jiddaħħal fl-aħħar tat-test tal-Premessa 4, wara l-kliem "ta' l-Unjoni Ewropea".

3) Seħħew ċerti problemi tekniċi minħabba t-trattament elettroniku tal-verżjoni lingwistika Ingliża tal-proposta ta' kodifikazzjoni. Verżjoni korretta tat-test bl-Ingliż tal-proposta tinsab mehmuża hawenhekk.

B'konsegwenza, eżami tal-proposta ippermetta lill-Grupp ta' Ħidma Konsultattiv li jikkonkludi, bi qbil komuni, li l-proposta effettivament tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali.

C. PENNERA                                  J.-C. PIRIS                           C.-F.DURAND

Ġuriskonsult                                     Ġuriskonsult                          aġent Direttur Ġenerali

• [1]  Il-Grupp tal-Ħidma Konsultattiv kellu għad-dispożizzjoni tiegħu 22 verżjoni lingwistika tal-proposta u l-ħidma tiegħu bbażaha fuq il-verżjoni Ingliża, minħabba li kienet il-verżjoni lingwistika oriġinali tat-test diskuss.

PROĊEDURA

Titolu	Fond ta' garanzija għall-azzjonijiet esterni (verżjoni kodifikata)
Referenzi	COM(2008)0365 – C6-0273/2008 – 2008/0117(CNS)
Data meta ġiet ikkonsultat il-Parlament	9.7.2008
Kumitat responsabbli Data tat-tħabbir fis-seduta plenarja	JURI 10.7.2008
Rapporteur(s) Data tal-ħatra	Diana Wallis 25.6.2008
Data ta' l-adozzjoni	7.10.2008