RAPPORT dwar il-proposta għal direttiva tal-Parlament Ewropew u tal-Kunsill li temenda d-Direttiva 94/19/KE dwar Skemi ta' Garanzija għal Depożiti fir-rigward tal-livell ta' kopertura u d-dewma għall-ħlas

10.12.2008 - (COM(2008)0661 – C6‑0361/2008 – 2008/0199(COD)) - ***I

Kumitat għall-Affarijiet Ekonomiċi u Monetarji
Rapporteur: Christian Ehler

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal direttiva tal-Parlament Ewropew u tal-Kunsill li temenda d-Direttiva 94/19/KE dwar Skemi ta' Garanzija għal Depożiti fir-rigward tal-livell ta' kopertura u d-dewma għall-ħlas

(COM(2008)0661 – C6‑0361/2008 – 2008/0199(COD))

(Proċedura ta' kodeċiżjoni: l-ewwel qari)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2008)0661),

–   wara li kkunsidra l-Artikolu 251(2) u l-Artikolu 47(2) tat-Trattat KE, skont liema artikoli l-Kummissjoni ppreżentat il-proposta lill-Parlament (C6-0361/2008),

–   wara li kkunsidra l-Artikolu 51 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Ekonomiċi u Monetarji (A6-0494/2008),

1.  Approves the Commission proposal as amended;

2.  Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b’test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.

Emenda  1 Proposta għal direttiva – att li jemenda Premessa 3
Text proposed by the Commission	Emenda
(3) Il-livell minimu attwali ta' kopertura previst fid-Direttiva 94/19/KE huwa ffissat għal EUR 20 000 bl-għażla għall-Istati Membri li jiddeterminaw kopertura ogħla. Madankollu, intwera li għal għadd kbir ta' depożiti fil-Komunità dan il-livell ta' kopertura mhuwiex adegwat. Sabiex tinżamm il-fiduċja tad-depożitanti, il-livell minimu ta' kopertura għandu jiżdied.	(3) Il-livell minimu attwali ta' kopertura stipulat fid-Direttiva 94/19/KE huwa ffissat għal EUR 20 000 bl-alternattiva li l-Istati Membri jiddeterminaw kopertura ogħla. Madankollu, intwera li għal għadd kbir ta' depożiti fil-Komunità dan il-livell ta' kopertura mhuwiex adegwat. Sabiex tinżamm il-fiduċja tad-depożitanti u stabilita akbar fis-swieq finanzjarji, il-livell minimu ta' kopertura għandu jiżdied għal EUR 50 000. Sa mhux aktar tard mill-31 ta' Diċembru 2009 il-kopertura tad-depożiti aggregati ta' kull depożitur għandha tiżdied għal EUR 100 000, jew l-ekwivalenti, sakemm evalwazzjoni tal-impatt tal-Kummissjoni, ippreżentata lill-Parlament Ewropew u lill-Kunsill qabel il-30 ta’ April 2009, tikkonkludi li din iż-żieda mhijiex adegwata u mhijiex finanzjarjament vijabbli għall-Istati Membri kollha biex tiżgura l-ħarsien tal-konsumatur u l-istabilità tas-swieq finanzjarji. Għandhom jiġu żgurati ż-żamma tal-garanzija istituzzjonali, il-possibilità ta' kopertura sħiħa ta' ċerti depożiti - inklużi l-bilanċi tal-kontijiet li żdiedu temporanjament - u l-arranġamenti relatati mar-rati tal-kambju għall-valuti tal-pajjiżi li ma jinsabux fiz-zona tal-Euro.
Emenda  2 Proposta għal direttiva – att li jemenda Premessa 5
Text proposed by the Commission	Emenda
(5) Il-perjodu ta' tliet xhur stipulat attwalment għall-ħlas, li jista' jittawwal għal disa' xhur, imur kontra l-ħtieġa li tinżamm il-fiduċja tad-depożitanti u ma jissodisfax il-ħtiġijiet tagħhom. Għalhekk, id-dewma għall-ħlas għandha titnaqqas għal perjodu ta' tlitt ijiem mid-data ta' meta l-iskema ta' garanzija għad-depożiti konċernata tkun irċeviet it-tagħrif rilevanti. Barra dan, fil-każijiet fejn il-ħlas iseħħ skont determinazzjoni tal-awtoritajiet kompetenti, il-perjodu ta' deċiżjoni ta' 21 jum stipulat attwalment għandu jitnaqqas għal 3 ijiem sabiex ma jfixkilx ħlas rapidu.	(5) Il-perjodu ta' tliet xhur stipulat attwalment għall-ħlas, li jista' jittawwal għal disa' xhur, imur kontra l-ħtieġa li tinżamm il-fiduċja tad-depożitanti u ma jissodisfax il-ħtiġijiet tagħhom. Għalhekk, id-dewma għall-ħlas għandha titnaqqas għal perjodu ta' 14-il jum, li tkopri l-anailiżi tad-dejta u l-implimetazzjoni tad-deċiżjoni tal-ħlas, u li tkun tgħodd mid-data ta' meta l-iskema ta' garanzija għad-depożiti konċernata tkun irċeviet it-tagħrif rilevanti. Barra dan, fil-każijiet fejn il-ħlas iseħħ skont determinazzjoni tal-awtoritajiet kompetenti, il-perjodu ta' deċiżjoni ta' 21 jum stipulat attwalment għandu jitnaqqas għal 3 ijiem sabiex ma jfixkilx ħlas rapidu. F'każ li l-kontinwità tas-servizzi bankarji u l-aċċess għal flejjes ma tkunx tista' sseħħ, għandhom jitwaqqfu ħlasijiet ta' emerġenza għall-għoti tal-assi likwidi neċessarji, li jiżguraw ħlasijiet adegwati sa mill-inqas EUR 1000 fi żmien tlett ijiem mill-applikazzjoni. L-applikazzjonijiet u t-talbiet għal ħlasijiet ta' emerġenza għandhom ikunu jistgħu jitwettqu fir-reġjuni fejn jinsab il-bank jew fejn il-bank ikollu fergħat tiegħu.
Emenda  3 Proposta għal direttiva – att li jemenda Premessa 5 a (ġdida)
Text proposed by the Commission	Emenda
	(5a) Id-depożiti jistgħu jitqiesu mhux disponibbli ladarba l-miżuri ta' intervent bikri jew ta' rijorganizzazzjoni ma jkollhomx suċċess. Dan m'għandux iżomm lill-awtoritajiet kompetenti milli jagħmlu aktar sforzi ta' ristrutturar matul il-perjodu ta' ħlas.
Emenda  4 Proposta għal direttiva – att li jemenda Premessa 6
Text proposed by the Commission	Emenda
(6) Il-possibbiltà ta' esklużjonijiet diskrezzjonali ta' ċerti kategoriji ta' depożitanti ddefiniti fl-Anness I għad-Direttiva 94/19/KE wasslet għal varjetà ta' kategoriji ta' benefiċjarji li għandhom jiġu identifikati waqt il-proċedura ta' ħlas. Din il-possibbiltà rriżultat diffiċli għall-infurzar tal-arranġamenti bejn skemi ta' pajjiżi tal-oriġini u dawk ospitanti (żieda fil-livell ta' kopertura) u li ddewwem il-ħlas u għalhekk għandha titwaqqaf. Barra dan il-biċċa l-kbira tal-esklużjonijiet stipulati attwalment jikkonċernaw entitajiet pubbliċi u istituzzjonijiet finanzjarji. Madankollu, protezzjoni ogħla għandha, tkun ta' benefiċċju għad-depożitanti li, bħala prinċipju, ma għandhomx wisq għarfien espert finanzjarju. Għalhekk il-protezzjoni għandha tkun illimitata għal depożitanti mhux professjonisti, filwaqt li tinżamm l-alternattiva fejn l-Istati Membri jkunu jistgħu jestendu dik il-protezzjoni għal kategoriji oħrajn ta' depożitanti.	(6) Il-possibbiltà ta' esklużjonijiet diskrezzjonali ta' ċerti kategoriji ta' depożitanti ddefiniti fl-Anness I għad-Direttiva 94/19/KE wasslet għal varjetà ta' kategoriji ta' benefiċjarji li għandhom jiġu identifikati waqt il-proċedura ta' ħlas. Din il-possibbiltà rriżultat diffiċli għall-infurzar tal-arranġamenti bejn skemi ta' pajjiżi tal-oriġini u dawk ospitanti (żieda fil-livell ta' kopertura) u li ddewwem il-ħlas u għalhekk għandha titwaqqaf. Barra dan il-biċċa l-kbira tal-esklużjonijiet stipulati attwalment jikkonċernaw entitajiet pubbliċi u istituzzjonijiet finanzjarji. Madankollu, protezzjoni ogħla għandha tkun ta' benefiċċju għad-depożitanti li, bħala prinċipju, ma għandhomx wisq għarfien espert finanzjarju. L-alternattiva fejn l-Istati Membri jkunu jistgħu jestendu l-protezzjoni għal kategoriji oħrajn ta' depożitanti għandha tinżamm.
Ġustifikazzjoni
Aġġustament meħtieġ għat-test legali emendat.
Emenda  5 Proposta għal direttiva – att li jemenda Premessa 7
Text proposed by the Commission	Emenda
(7) L-Istati Membri għandhom jiżguraw li l-iskemi ta' garanziji għad-depożiti jkollhom disponibbli biżżejjed fondi biex jissodisfaw il-ħtiġijiet tagħhom.	(7) L-Istati Membri għandhom jiżguraw li l-iskemi ta' garanziji għad-depożiti jkollhom disponibbli biżżejjed fondi biex jissodisfaw il-ħtiġijiet tagħhom. L-iskema ta’ garanzija għad-depożiti għandha tkun tista’ ġġib finanzjament bl-iskop li ssaħħaħ il-kontinwità tas-servizzi bankarji u l-aċċess għall-flus, u għandha sservi ta’ kreditur fis-sekwenza normali ta’ insolvenza.
Emenda  6 Proposta għal direttiva – att li jemenda Premessa 9
Text proposed by the Commission	Emenda
(9) B’mod partikolari, għandha tiġi kkonferita fuq il-Kummissjoni s-setgħa biex taġġusta l-livell ta' kopertura. Billi din il-miżura hija ta' ambitu ġenerali u hija mfassla biex temenda elementi mhux essenzjali tad-Direttiva 94/19/KE, għandha tiġi adottata skont il-proċedura regolatorja bi skrutinju stipulata fl-Artikolu 5a tad-Deċiżjoni 1999/468/KE.	imħassra
Ġustifikazzjoni
Aġġustament meħtieġ għat-test legali emendat.
Emenda  7 Proposta għal direttiva – att li jemenda Premessa 10
Text proposed by the Commission	Emenda
(10) Meta, għal raġunijiet imperattivi ta’ urġenza li jista' jkun hemm jekk il-fiduċja tad-depożitanti fis-sikurezza tas-swieq finanzjarji tiġi mhedda, ma jistax ikun hemm konformità mal-limiti ta’ żmien li huma normalment applikabbli fil-qafas tal-proċedura regolatorja bi skrutinju, il-Kummissjoni għandha tkun tista’ tapplika l-proċedura ta’ urġenza stipulata fl-Artikolu 5a(6) tad-Deċiżjoni 1999/468/KE għall-adozzjoni ta’ żieda temporanja tal-livell ta' kopertura.	imħassra
Ġustifikazzjoni
Aġġustament meħtieġ għat-test legali emendat.
Emenda  8 Proposta għal direttiva – att li jemenda Artikolu 1 – punt 1 a (ġdid) Id-Direttiva 94/19/KE Artikolu 1 – punt 3 – punt ii
Text proposed by the Commission Emenda   (1a) Il-punt (3)(ii) tal-Artikolu 1 jinbidel b'dan li ġej:   “(ii) awtorità ġudizzjarja li tkun tat digriet għar-raġunijiet li huma direttament relatati maċ-ċirkostanzi finanzjarji tal-istituzjoni ta' kreditu li jkollha l-effett li tissospendi l-abilita ta' depożitanti li jgħamlu talbiet biex jingħataw lura depożiti dovuti u pagabbli kontra tagħha, għandha sseħħ qabel ma d-determinazzjoni [...] tkun saret skont il-punt (i);”
Emenda  9 Proposta għal direttiva – att li jemenda Artikolu 1 – punt 2 – sottopunt a Id-Direttiva 94/19/KE Artikolu 4 – paragrafu 5
Text proposed by the Commission Emenda 5. Fil-każijiet imsemmija fil-paragrafi 1 sa 4, l-Istati Membri għandhom jiżguraw li Skemi ta' Garanzija għad-Depożiti jikkooperaw ma' xulxin. 5. Fil-każijiet imsemmija fil-paragrafi 1 sa 4, l-Istati Membri u l-iskemi ta' garanzija għad-depożiti tagħhom għandhom jidħlu fi ftehimiet rigward l-obbligi rispettivi ta' dawn tal-aħħar. Barra minn hekk, Il-Kummissjoni għandha, qabel il-31 ta’ Diċembru 2009, tissuġġerixxi miżuri relatati mal-proċeduri, l-iskambju tal-informazzjoni kollha relevanti u l-interazzjoni tal-parteċipanti kollha fil-każ ta’ kriżi transkonfinali possibbli.
Emenda  10 Proposta għal direttiva – att li jemenda Artikolu 1 – punt 2 – sottopunt b Id-Direttiva 94/19/KE Artikolu 4 – paragrafu 6
Text proposed by the Commission Emenda 6. Il-Kummissjoni għandha tirrevedi l-funzjonament ta' dan l-Artikolu u, jekk xieraq, tipproponi emendi għalih. 6. Il-Kummissjoni għandha tirrevedi l-funzjonament ta' dan l-Artikolu kull tliet snin jew kull meta l-urġenza titlob dan u, jekk xieraq, tipproponi emendi għalih.
Emenda  11 Proposta għal direttiva – att li jemenda Artikolu 1 – punt 3 Id-Direttiva 94/19/KE Artikolu 7 – paragrafi 1, 2 u 3
Text proposed by the Commission Emenda (a) Il-paragrafi 1, 2 u 3 jitbiddlu b'dan li ġej: (a) Il-paragrafi 1 u 2 jitbiddlu b'dan li ġej: 1. Skemi ta' garanzija għad-Depożiti għandhom jistipulaw li d-depożiti aggregati ta' kull depożitant għandhom ikunu koperti sa massimu tal-anqas ta' EUR 50 000 fil-każ li depożiti ma jkunux disponibbli. 1. Skemi ta' garanzija għad-Depożiti għandhom jistipulaw li d-depożiti aggregati ta' kull depożitant għandhom ikunu koperti sa massimu tal-anqas ta' EUR 50 000 fil-każ li depożiti ma jkunux disponibbli. Sa mhux aktar tard mill-31 ta' Diċembru 2009 l-kopertura għandha tiżdied tal-anqas għal EUR 100 000. Sa mhux aktar tard mill-31 ta' Diċembru 2009 il-kopertura tad-depożiti aggregati ta' kull depożitur għandha tiżdied għal EUR 100 000, jew l-ekwivalenti, sakemm evalwazzjoni tal-impatt tal-Kummissjoni, ippreżentata lill-Parlament Ewropew u lill-Kunsill qabel il-30 ta’ April 2009, tikkonkludi li din iż-żieda mhijiex adegwata u mhijiex finanzjarjament vijabbli għall-Istati Membri kollha biex tiżgura l-ħarsien tal-konsumatur u l-istabilità tas-swieq finanzjarji. Għandhom jiġu żgurati ż-żamma tal-garanzija istituzzjonali, il-possibilità ta' kopertura sħiħa ta' ċerti depożiti - inklużi l-bilanċi tal-kontijiet li żdiedu temporanjament - u l-arranġamenti relatati mar-rati tal-kambju għall-valuti tal-pajjiżi li ma jinsabux fiz-zona tal-Euro. 2. L-Istati Membri jistgħu jistipulaw li ċerti depożiti, elenkati fl-Anness I, jiġu esklużi mill-garanzija jew jiġu allokati livell ta' garanzija aktar baxx sakemm il-ħlas lid-depożitanti kollha jitwettaq fi żmien l-iskadenza stabbilita fl-Artikolu 10(1). 2. L-Istati Membri jistgħu jistipulaw li ċerti depożiti, elenkati fl-Anness I, jiġu esklużi mill-garanzija jew jiġu allokati livell ta' garanzija aktar baxx sakemm il-ħlas lid-depożitanti kollha jitwettaq fi żmien l-iskadenza stabbilita fl-Artikolu 10(1). 3. Din id-Direttiva għandha tkopri depożitanti li huma persuni fiżiċi li qed jaġixxu għal skopijiet li ma jinvolvux il-kummerċ, in-negozju jew il-professjoni tagħhom.
Emenda  12 Proposta għal direttiva – att li jemenda Artikolu 1 – punt 3 – subpunt d Id-Direttiva 94/19/KE Artikolu 7 – paragrafu 6
Text proposed by the Commission Emenda 6. Il-Kummissjoni tista' taġġusta l-ammont imsemmi fil-paragrafu 1, billi tqis b'mod partikolari l-iżviluppi fis-settur bankarju u s-sitwazzjoni ekonomika u monetarja fil-Komunità. imħassra Dik il-miżura, imfassla sabiex temenda elementi mhux essenzjali ta' din id-Direttiva, għandha tkun adottata skont il-proċedura regolatorja bi skrutinju msemmija fl-Artikolu 7a(2).
Ġustifikazzjoni
Għandhom isiru tibdiliet ulterjuri fil-proċedura normali. Ir-reviżjoni annwali mill-Kummissjoni għandha tiżgura li l-azzjoni tista’ tittieħed fil-ħin.
Emenda  13 Proposta għal direttiva – att li jemenda Artikolu 1 – punt 3 – subpunt d Id-Direttiva 94/19/KE Artikolu 7 – paragrafu 7
Text proposed by the Commission Emenda 7. Il-Kummissjoni tista', għal perjodu li ma jaqbiżx 18-il xahar, tiddeċiedi dwar żieda temporanja tal-ammont imsemmi fil-paragrafu 1. imħassra Dik il-miżura, imfassla sabiex temenda elementi mhux essenzjali ta' din id-Direttiva, għandha tkun adottata skont il-proċedura regolatorja bi skrutinju msemmija fl-Artikolu 7a(3).
Ġustifikazzjoni
Għandhom isiru tibdiliet ulterjuri fil-proċdura normali. Ir-reviżjoni annwali mill-Kummissjoni għandha tiżgura li l-azzjoni tista’ tittieħed fil-ħin.
Emenda  14 Proposta għal direttiva – att li jemenda Artikolu 1 – punt 4 Id-Direttiva 94/19/KE Atikolu 7 a – paragrafu 1
Text proposed by the Commission Emenda 1. Il-Kummissjoni għandha tiġi mgħejuna mill-Kumitat tal-Banek Ewropej, imwaqqaf bid-Deċiżjoni tal-Kummissjoni 2004/10/KE*. imħassra ___________________   * ĠU L 3, 7.1.2004, p. 36.
Ġustifikazzjoni
Aġġustament meħtieġ għat-test legali emendat.
Emenda  15 Proposta għal direttiva – att li jemenda Artikolu 1 – punt 4 Id-Direttiva 94/19/KE Atikolu 7a – paragrafu 2
Text proposed by the Commission Emenda 2. Fejn issir referenza għal dan il-paragrafu, għandhom japplikaw l-Artikolu 5a(1) sa (4), u l-Artikolu 7 tad-Deċiżjoni 1999/468/KE**, filwaqt li jiġu kkunsidrati d-dispożizzjonijiet tal-Artikolu 8 tagħha. imħassra ____________________   ** ĠU L 184, 17.7.1999, p. 23.
Ġustifikazzjoni
Għandhom isiru tibdiliet ulterjuri fil-proċedura normali. Ir-reviżjoni annwali mill-Kummissjoni għandha tiżgura li l-azzjoni tista’ tittieħed fil-ħin.
Emenda  16 Proposta għal direttiva – att li jemenda Artikolu 1 – punt 4 Id-Direttiva 94/19/KE Atikolu 7a – paragrafu 3
Text proposed by the Commission Emenda 3. Fejn issir referenza għal dan il-paragrafu, għandhom japplikaw l-Artikolu 5a(1), (2), (4) u (6), u l-Artikolu 7 tad-Deċiżjoni 1999/468/KE, filwaqt li jiġu kkunsidrati d-dispożizzjonijiet tal-Artikolu 8 tagħha. imħassra
Ġustifikazzjoni
Għandhom isiru tibdiliet ulterjuri fil-proċedura normali. Ir-reviżjoni annwali mill-Kummissjoni għandha tiżgura li l-azzjoni tista’ tittieħed fil-ħin.
Emenda  17 Proposta għal direttiva – att li jemenda Artikolu 1 – punt 4 a (ġdid) Id-Direttiva 94/19/KE Artikolu 9 – paragrafu 1 – subparagrafu 1
Text proposed by the Commission Emenda   (4a) Fl-Artikolu 9(1), l-ewwel subparagrafu jinbidel f'dan li ġej: "1. L-Istati Membri għandhom jiżguraw li l-istituzzjonijiet ta' kreditu jagħmlu disponibbli lejn id-depożitanti attwali u lejn dawk li jkollhom l-intenzjoni li jagħmlu depożitu, l-informazzjoni meħtieġa għall-identifikazjoni tal-iskema ta' garanzija ta' depositi li tagħha l-istituzjoni jew il-fergħat tagħha huma membri, fil-Komunità jew f'xi arranġament alternattiv li hemm dispożizzjoni dwaru fl-Artikolu 3(1), it-tieni subparagrafu, l-Artikolu 3(4). Id-depożitanti għandhom ikunu infurmati bid-dispożizzjonijiet tal-iskema ta' garanzija tat-depositi jew li arranġament alternattiv li jkun applikabbli, inkluż l-ammont u l-iskop tal-kopertura offruta mill-iskema ta' garanzija. Meta depożitu ma jkunx garantit permezz ta’ skema ta’ garanzija għad-depożitu skont l-Artikolu 7, l-istituzzjoni ta’ kreditu għandha tinforma lid-depożitanti tagħha b’dan. L-informazzjoni kollha għandha tkun disponibbli b'mod faċli u komprensibbli.''
Emenda  18 Proposta għal direttiva – att li jemenda Artikolu 1 – punt 5 – sottopunt a Id-Direttiva 94/19/KE Artikolu 10 – paragrafu 1 – subparagrafu 1
Text proposed by the Commission Emenda 1. L-Istati Membri għandhom jiżguraw li dejta preċiża dwar depożitanti u depożiti, li hija essenzjali għall-verifika tat-talbiet, tkun disponibbli għall-iskema ta' garanzija għad-depożiti meta l-awtoritajiet kompetenti jagħmlu d-determinazzjoni msemmija fil-punt 3(i) tal-Artikolu 1 jew l-awtorità ġudizzjarja tieħu d-deċiżjoni msemmija fil-punt 3(ii) ta' dak l-Artikolu. 1. L-Istati Membri għandhom jiżguraw li dejta preċiża dwar depożitanti u depożiti, li hija essenzjali għall-verifika tat-talbiet, tkun disponibbli mingħajr dewmien inutli għall-iskema ta' garanzija għad-depożiti ladarba l-awtoritajiet kompetenti ikunu għamlu d-determinazzjoni msemmija fil-punt 3(i) tal-Artikolu 1 jew l-awtorità ġudizzjarja tkun ħadet id-deċiżjoni msemmija fil-punt 3(ii) ta' dak l-Artikolu.
ĠustifikazzjoniL-emendi jiffaċilitaw strateġija aktar proporzjonata u prattika biex tiġi pprovduta d-dejta tad-depożitanti meta istituzzjoni ta’ kreditu tkun ġiet iddikjarata falluta. L-obbligu li tingħata dejta fl-istess waqt li jkun iddikjarat il-falliment jirrikjedi trasferiment ta' dejta fil-ħin reali li hu piż sinifikanti. Dawn il-proposti għandhom jiżguraw aktar eżattezza tad-dejta mogħtija u livell ogħla ta' ċertezza legali.
Emenda  19 Proposta għal direttiva – att li jemenda Artikolu 1 – punt 5 – sottopunt a Id-Direttiva 94/19/KE Artikolu 10 – paragrafu 1 – subparagrafu 2
Text proposed by the Commission Emenda Skemi ta' garanzija għad-depożiti għandhom ikunu f'pożizzjoni li jħallsu, talbiet ivverifikati kif suppost li jirrigwardaw depożiti li mhumiex disponibbli, fi żmien tlitt ijiem mid-data ta' meta d-dejta msemmija fl-ewwel subparagrafu tkun saritilhom disponibbli. Fil-każ li l-kontinwita tas-servizzi bankarji u l-aċċess għall-flus ma jkunux possibbli, l-iskemi ta' garanzija għad-depożiti għandhom ikunu f'pożizzjoni li jħallsu, talbiet ivverifikati kif suppost li jirrigwardaw depożiti li mhumiex disponibbli, fi żmien 14-il jum mid-data ta' meta d-dejta msemmija fl-ewwel subparagrafu tkun saritilhom disponibbli. Sentejn wara d-dħul fis-seħħ tad-Direttiva, il-Kummissjoni għandha tevalwa jekk ikunx jista' jiġi propost tnaqqis ulterjuri ta' 10 ijiem, mingħajr ma jiġi llimitat l-iskop tal-kopertura.
Emenda  20 Proposta għal direttiva – att li jemenda Artikolu 1 – punt 5 – sottopunt a Id-Direttiva 94/19/KE Artikolu 10 – paragrafu 1 – subparagrafu 2 a (ġdid)
Text proposed by the Commission Emenda   Fil-każ li l-kontinwità tas-servizzi bankarji u l-aċċess għal flejjes ma jkunux jistgħu jseħħu, l-Istati Membri, b'koperazzjoni mal-Iskemi ta' Garanzija tad-Depożiti, għandhom jagħmlu arranġamenti sabiex jiżguraw il-ħlas ta' emerġenza f'ammonti adegwati meta ssir applikazzjoni tad-depożitant affettwat sa mill-inqas EUR 1 000 fi żmien tlett ijiem jew inqas wara li tkun saret l-applikazzjoni.
Emenda  21 Proposta għal direttiva – att li jemenda Artikolu 1 – punt 6 Id-Direttiva 94/19/KE Artikolu 12 – paragrafu 1
Text proposed by the Commission Emenda 1. Sa mhux aktar tard mill-31 ta' Diċembru 2009, il-Kummissjoni għandha tippreżenta lill-Parlament Ewropew u lill-Kunsill rapport dwar l-armonizzazzjoni tal-mekkaniżmi ta' finanzjament ta' skemi ta' garanzija għad-depożiti u l-possibbiltà tal-introduzzjoni ta' skema Komunitarja ta' garanzija għad-depożiti, flimkien ma' kwalunkwe proposta xierqa. Sa mhux aktar tard mill-31 ta' Diċembru 2009, il-Kummissjoni għandha tippreżenta lill-Parlament Ewropew u lill-Kunsill rapport dwar:     - l-armonizzazzjoni tal-mekkaniżmi ta' finanzjament ta' skemi ta' garanzija għad-depożiti li jindirizza, b’mod partikulari, l-effetti tal-armonizzjoni fil-każ ta’ kriż transkonfinali, fir-rigward tad-disponibilità tal-ħlasijiet ta’ kumpens tad-depożitu u fir-rigward tal-kompetizzjoni ġusta, u l-ispejjeż ta’ dan it-tip ta’ armonizzazzjoni;   - l-istandards għal titjib fit-twissija bikrija;   - il-mudelli possibbli għall-introduzzjoni tal-kontribuzzjonijiet ibbażati fuq ir-riskji;   - il-benefiċċji ta' possibilità ta' introduzzjoni ta' skema Komunitarja għall-Garanzija għad-Depożiti. Dan għandu jkopri wkoll l-impatt ta’ leġiżlazzjonijiet diverġenti rigward l-ibbilanċjar, fejn il-kreditu ta’ depożitant jiġi bbilanċjat kontra d-djun tiegħu, fuq l-effiċjenza tas-sistema u t-tagħwiġ possibbli, filwaqt li jitqiesu l-problemi transkonfinali..   - il-bżonnijiet speċifiċi tal-iSMEs u tal-awtoritajiet lokali fir-rigward tal-livelli ta' kopertura tal-garanziji għad-depożiti.   Jekk ikun meħtieġ, il-Kummissjoni għandha tressaq proposti xierqa biex temenda din id-Direttiva.''
Emenda  22 Proposta għal direttiva – att li jemenda Artikolu 1 – punt 7 – sottopunt a Id-Direttiva 94/19/KE Anness I – punti 1 sa 9
Text proposed by the Commission Emenda (a) il-punti 1 sa 9 jitħassru; imħassra
Ġustifikazzjoni
It-tneħħija tal-modifika fl-anness saret biex jinżamm il-kamp ta’ applikazzjoni oriġinali tad-Direttiva.
Emenda  23 Proposta għal direttiva – att li jemenda Artikolu 1 – punt 7 – sottopunt b Id-Direttiva 94/19/KE Anness I – punt 11
Text proposed by the Commission Emenda (b) il-punt 11 jitħassar; imħassra
Ġustifikazzjoni
It-tneħħija tal-modifika fl-anness saret biex jinżamm il-kamp ta’ applikazzjoni oriġinali tad-Direttiva.
Emenda  24 Proposta għal direttiva – att li jemenda Artikolu 1 – punt 7 – subpunt b a Id-Direttiva 94/19/KE Anness I - punt 13 - inċiż 2
Text proposed by the Commission Emenda   (ca) Fil-punt 13, it-tieni inċiż jinbidel b'dan li ġej:   "- euro."
Ġustifikazzjoni
L-isem tal-munita Ewropea hu “euro”.
Emenda  25 Proposta għal direttiva – att li jemenda Artikolu 1 –punt 7 – sottopunt c Id-Direttiva 94/19/KE Anness I – punt 14
Text proposed by the Commission Emenda (c) il-punt 14 jitħassar. imħassra
Ġustifikazzjoni
It-tneħħija tal-modifika fl-anness saret biex jinżamm il-kamp ta’ applikazzjoni oriġinali tad-Direttiva.

NOTA SPJEGATTIVA

Il-kriżi ta’ fiduċja attwali fis-swieq finanzjarji wriet li anke l-istandards attwali ta’ garanziji tad-depożiti mhumiex meqjusa li huma biżżejjed.

Fl-aħħar tas-sena 2007, il-Parlament għadda riżoluzzjoni li talbet li jsiru inkjesti estensivi dwar:

           - il-mekkaniżmi differenti ta’ finanzjament,

           - l-interazzjoni tal-parteċipanti kollha f’każ ta’ kriżi transkonfinali,

           - ugwaljanza tal-piżijiet f’sitwazzjonijiet ta’ kriżi transkonfinali, kif ukoll

- l-implimentazzjoni ta’ twissija bikrija mtejba dwar ir-riskji u l-possibilità li jiġu introdotti kontribuzzjonijiet ibbażati fuq ir-riskji.

Barra minn hekk, il-Parlament għamilha ċara li jara lok sinifikanti għal tqassir tal-iskadenzi fil-każ ta’ kumpens, u li hu mixtieq livell minimu ikbar ta’ ħarsien tad-depożitanti.

Il-Proposta sottomessa tal-Kummissjoni tippreżenta emendi dwar:

           - l-iskadenzi għall-ħlasijiet,

           - l-ammont kopert,

           - l-ambitu tal-kopertura tal-garanzija tad-depożiti,

           - id-diviżjoni tal-ispejjeż,

           - il-koperazzjoni transkonfinali.

Barra minn dan, il-Kummissjoni għandha tkun obbligata li tagħmel rapporti aktar milli proposti rispettivi għal emendi fil-liġijiet dwar il-mekkaniżmi ta’ finanzjament kif ukoll dwar skemi konġunti ta’ garanzija għad-depożiti.

Fl-opinjoni tar-Rapporteur, il-Proposta tal-Kummissjoni għandha dawn il-problemi partikulari:

-  Hu meqjus li l-iskadenza għall-ħlasijiet hi qasira. Ħlas fi żmien tlett ijiem mhux possibbli. Tqabbil ma’ sistemi oħra ma jagħmilx sens minħabba li r-responsabilitajiet jitwettqu b’mod differenti u l-iskemi ta’ garanziji huma organizzati b’mod differenti. Fil-fehma tar-Rapporteur, skadenza qasira ħafna u mhux realistika se tkompli xxekkel il-fiduċja tal-konsumaturi f’każ ta’ kriżi. Biex tipprovdi lin-nies bil-flus meħtieġa fi żmien qasir, u fl-istess ħin tiżgura l-ipproċessar xieraq tal-każijiet ta’ garanzija, ir-Rapporteur jitlob li jsiru arranġamenti għal ħlasijiet ta’ emerġenza fi żmien tlett ijiem.

-  Il-Proposta tal-Kummissjoni ġiet ippreżentata mingħajr evalwazzjoni tal-impatt. Minħabba li s-sitwazzjoni attwali tas-suq finanzjarju tirrikjedi azzjoni immedjata, din ir-rinunzja tidher li hi aċċettabli. Madankollu, wieħed irid jara għalfejn iż-żieda ulterjuri tal-ammont kopert sal-aħħar tas-sena ta’ wara m’għandhiex tkun marbuta mal-preżentazzjoni ta’ evalwazzjoni tal-impatt.

-  Fil-ġejjieni, il-Kummissjoni tixtieq taħdem bl-għajnuna tal-proċedura tal-komitoloġija f’każ ta’ żieda fl-ammont garantit. Minħabba li l-livell ta’ kopertura miksub għad-depożiti medji hu ta’ EUR 50,000 minflok EUR 100,000, biex ikopru 80% tad-depożiti minflok 90%, din il-proċedura ma tidhirx li hi meħtieġa. Barra minn hekk, id-Direttiva u l-ammont kopert se jiġu riveduti kull sena. Fil-fehma tar-Rapporteur, emenda meħtieġa tkun tista’ ssir bil-proċedura normali.

-  L-obbligu ta’ koperazzjoni transkonfinali ġie integrat, madankollu, minħabba li ma ngħatawx id-dati tar-reviżjoni, u lanqas l-attivitajiet li jridu jsiru f’każ ta’ kriżi, kif talab il-Parlament Ewropew is-sena ta’ qabel.

-  Il-kamp ta’ applikazzjoni tad-Direttiva hu limitat għal investituri privati permezz tal-Proposta tal-Kummissjoni. Il-Kummissjoni tqis li l-iSMEs m’għadx għandhom bżonn ikunu protetti permezz tal-liġi Ewropea. Minħabba l-importanza tagħhom għas-sitwazzjoni ekonomika tal-Istati Membri u s-suq tax-xogħol fl-Ewropa, dawn l-intrapriżi jeħtieġ li jiġu inklużi u protetti b’mod ulterjuri.

-  Barra minn hekk, il-kunsiderazzjoni li fil-ġejjieni, il-mekkaniżmi ta’ finanzjament għandhom ikunu sottomessi fi żmien itwal minn tnax-il xahar tista’ tkun problematika. Minħabba d-diffikultajiet relatati mal-konformità mal-iskadenzi ġodda għall-ħlas permezz ta’ skemi ta’ garanzija uniċi, jeħtieġ li jitħaffef ir-ritmu tax-xogħol relatat mar-reviżjoni. Ir-Rapporteur jipproponi li jitfassal abbozz qabel it-tmiem ta’ April 2009.

PROĊEDURA

Titolu	Skemi ta' Garanzija għal Depożiti fir-rigward tal-livell ta' kopertura u d-dewma għall-ħlas
Referenzi	COM(2008)0661 – C6-0361/2008 – 2008/0199(COD)
Data meta ġiet ippreżentata lill-PE	15.10.2008
Kumitat responsabbli Data tat-tħabbir fis-seduta plenarja	ECON 23.10.2008
Kumitat/i mitlub/a jagħti/u opinjoni Data tat-tħabbir fis-seduta plenarja	IMCO 23.10.2008		JURI 23.10.2008
Opinjoni(jiet) mhux mogħtija Data tad-deċiżjoni	IMCO 5.11.2008		JURI 3.11.2008
Rapporteur(s) Data tal-ħatra	Christian Ehler 13.10.2008
Eżami fil-Kumitat	4.11.2008		17.11.2008
Data tal-adozzjoni	8.12.2008
Riżultat tal-votazzjoni finali	+: –: 0:	30 3 0
Membri preżenti għall-votazzjoni finali	Mariela Velichkova Baeva, Paolo Bartolozzi, Zsolt László Becsey, Pervenche Berès, Sharon Bowles, Manuel António dos Santos, Elisa Ferreira, José Manuel García-Margallo y Marfil, Jean-Paul Gauzès, Donata Gottardi, Louis Grech, Gunnar Hökmark, Wolf Klinz, Christoph Konrad, Guntars Krasts, Andrea Losco, Astrid Lulling, Gay Mitchell, John Purvis, Antolín Sánchez Presedo, Margarita Starkevičiūtė, Ivo Strejček, Cornelis Visser
Sostitut(i) preżenti għall-votazzjoni finali	Daniel Dăianu, Harald Ettl, Werner Langen, Alain Lipietz, Vladimír Maňka, Thomas Mann, Margaritis Schinas, Lars Wohlin
Sostitut(i) (skont l-Artikolu 178(2)) preżenti għall-votazzjoni finali	Herbert Bösch, Gary Titley