RAPPORT dwar il-proposta għal-direttiva tal-Parlament Ewropew u tal-Kunsill li temenda d-Direttiva 1999/62/KE dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi

18.2.2009 - (COM(2008)0436 – C6‑0276/2008 – 2008/0147(COD)) - ***I

Kumitat għat-Trasport u t-Turiżmu
Rapporteur: Saïd El Khadraoui

ABBOZZ TAR-RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal direttiva tal-Parlament Ewropew u tal-Kunsill li temenda d-Direttiva 1999/62/KE dwar il-ħlas li jrid isir minn vetturi ta' merkanzija tqila għall-użu ta' ċerti infrastrutturi

(COM(2008)0436 – C6‑0276/2008 – 2008/0147(COD))

( Proċedura ta’ kodeċiżjoni: l-ewwel qari)

Il-Parlament Ewropew,

–   wara li kkunsidra l-proposta tal-Kummisjoni lill-Parlament Ewropew u lill-Kunsill (COM(2008)0436),

–   wara li kkunsidra l-Artikolu 251(2) u l-Artikolu 71(1) tat-trattat tal-KE, li f’konformità magħhom il-Kummissjoni ressqet il-proposta tagħha lill-Parlament (C6‑0276/2008),

–   wara li kkunsidra l-Artikolu 51 tar-Regoli tal-Proċedura tiegħu,

–   wara li kkunsidra r-rapport tal-Kumitat għat-Trasport u t-Turiżmu u l-opinjoni tal-Kumitat għall-Industrija, ir-Riċerka u l-Enerġija (A6‑0066/2008),

1.  Japprova l-proposta tal-Kummissjoni kif emendata;

2.  Jitlob lill-Kummissjoni biex terġa’ tirreferi l-materja lill-Parlament jekk ikollha l-intenzjoni li temenda l-proposta sostanzjalment jew tibdilha b’test ieħor;

3.  Jagħti istruzzjonijiet lill-President tiegħu biex jgħaddi l-pożizzjoni tiegħu lill-Kunsill u lill-Kummissjoni.

Emenda  1 Proposta għal diretiva – Att li jemenda Recital 1
Text proposed by the Commission	Amendment
(1) Il-promozzjoni tat-trasport sostenibbli hija element essenzjali fil-politika komuni għat-trasport. Għal dan il-għan, l-impatti negattivi tat-trasport, b’mod partikolari l-konġestjoni, li tfixkel il-mobilità, it-tniġġis, li joħloq ħsara għas-saħħa u għall-ambjent, u l-kontribut tiegħu għat-tibdil fil-klima għandhom jitnaqqsu. Barra dan, ir-rekwiżiti għall-ħarsien ta’ l-ambjent għandhom jiġu integrati fid-definizzjonu u l-implimentazzjoni ta’ poltiki Komunitarji oħra, inkluża l-politika komuni għat-trasport.	(1) Il-promozzjoni tat-trasport sostenibbli hija element essenzjali fil-politika komuni għat-trasport. Għal dan il-għan, l-impatti negattivi tat-trasport, b’mod partikolari l-konġestjoni, li tfixkel il-mobilità, it-tniġġis, li joħloq ħsara għas-saħħa u għall-ambjent, u l-kontribut tiegħu għat-tibdil fil-klima għandhom jitnaqqsu. Barra dan, ir-rekwiżiti għall-ħarsien tal-ambjent għandhom jiġu integrati fid-definizzjonu u l-implimentazzjoni ta’ poltiki Komunitarji oħra, inkluża l-politika komuni għat-trasport. Il-prijoritajiet li ġejjin, jiġifieri l-protezzjoni ambjentali, l-objettivi ta’ koeżjoni soċjali u ekonomika u dawk tal-kompetittività tan-negozji tal-UE, għandhom jiġu rikonċiljati wkoll b’mod ibbilanċjat bħala parti mill-Istrateġija ta’ Liżbona għat-tkabbir u l-impjiegi.
Ġustifikazzjoni
Il-proposta ma tqisx l-ispejjeż li jeżistu diġà fuq l-operaturi tat-trasport minħabba l-konġestjoni u l-piż globali tat-taxxi fuq il-kumpaniji. Għalkemm it-trasport tal-merkanzija bit-triq huwa responsabbli għal 10% tal-konġesjonijiet tat-traffiku, l-operaturi tat-trasport ikollhom jerfgħu l-ispejjeż marbuta mal-konġestjoni permezz ta’ żieda fl-ispejjez fissi u varjabbli, ħin moħli u telf ta’ dħul. Barra minn hekk, l-Artikolu 7.10 tad-Direttiva 1999/62 diġà jipprevedi għodda li biha l-Istati Membri jistgħu jiġġieldu l-konġestjoni.
Emenda  2 Proposta għal direttiva – att li jemenda Premessa 2
Test propost mill-Kummissjoni	Emenda
(2) L-objettiv tat-tnaqqis tal-impatti negattivi tat-trasport għandhom jintlaħqu b’tali mod li jevita ostakli sproporzjonati għall-moviment ħieles fl-interess ta' tkabbir ekonomiku sod u ta’ tħaddim kif suppost tas-suq intern.	(2) L-objettiv tat-tnaqqis tal-impatti negattivi tat-trasport għandhom jintlaħqu b’tali mod li jevita ostakli sproporzjonati għall-moviment ħieles fl-interess ta' tkabbir ekonomiku sod u ta’ tħaddim kif suppost tas-suq intern. Għandu jiġi enfasizzat ukoll li l-prinċipju tal-internalizzazzjoni tal-ispejjeż esterni huwa ekwivalenti għal strument ta’ ġestjoni u għandu jħeġġeġ lill-utenti tat-triq u s-setturi industrijali relatati biex jisfruttaw u jespandu l-kapaċitajiet rispettivi tagħhom fil-qasam tat-trasport li jirrispetta l-ambjent, pereżempju permezz ta’ bidliet fl-imġiba tas-sewqan jew permezz ta’ żvilupp teknoloġiku ulterjuri. Huwa importanti ħafna li jinstabu mezzi u modi li jnaqqsu l-ħsara kkawżata mit-trasport bit-triq, aktar milli sempliċement jintuża d-dħul li jirriżulta biex jiġu koperti l-ispejjeż relevanti.
Ġustifikazzjoni
Din iż-żieda tiġbed l-attenzjoni għall-fatt li l-prinċipju tal-internalizzazzjoni tal-ispejjeż esterni għandu jitqies l-ewwel nett bħala għodda xierqa tal-ġestjoni, li tista’ tintuża fil-kuntest tal-isforzi biex jinbidel il-mod li huwa organizzat it-trasport u/jew is-settur tat-trasport, sabiex dan is-settur jitħejja għall-isfidi tal-ġejjieni u titnaqqas il-ħsara li jikkawża, aktar milli jiġu koperti l-ispejjeż li jirriżultaw. It-tariffi maħsuba biex sepliċement jipprovdu għajn addizzjonali ta’ dħul Statali mhumiex aċċettabbli.
Emenda  3 Proposta għal direttiva – att li jemenda Premessa 5
Test propost mill-Kummissjoni	Emenda
(5) Sabiex nimxu lejn politika sostenibblli għat-trasport, il-prezzijiet tat-trasport għandhom jirriflettu aħjar l-ispejjeż relatati mat-tniġġis tal-arja u ma’ l-istorbju tat-traffiku, it-tibdil fil-klima u l-konġestjoni kkawżati mill-użu reali tal-vetturi, tal-ferroviji, tal-ajruplani jew tal-vapuri bħala mezz għall-aħjar titjib tal-użu tal-infrastruttura, it-tnaqqis tat-tniġġis lokali, il-ġestjoni tal-konġestjoni u mezz kif nikkumbattu kontra t-tibdil fil-klima bl-inqas spiża għall-ekonomija. Dan jitlob approċċ gradwali fil-mezzi kollha tat-trasport, fejn jitqiesu l-karatteristiċi partikolari tagħhom.	(5) Sabiex nimxu lejn politika sostenibblli għat-trasport, il-prezzijiet tat-trasport għandhom jirriflettu aħjar l-ispejjeż esterni relatati mal-użu tal-vetturi, tal-ferroviji, tal-ajruplani jew tal-vapuri. Dan jitlob approċċ koerenti u ambizzjuż fil-mezzi kollha tat-trasport, filwaqt li jitqiesu l-karatteristiċi partikolari tagħhom.
Ġustifikazzjoni
Sabiex jiġi żgurat li l-miżuri ta’ politika maħsuba biex jinternalizzaw l-ispejjeż esterni jittieħdu għal kull mezz ta’ trasport sabiex jiġu garantiti l-istess kundizzjonijiet bejniethom.
Emenda  4 Proposta għal direttiva – att li jemenda Premessa 5 a (ġdida)
Test propost mill-Kummissjoni	Emenda
	(5a) Mezzi oħra ta’ trasport diġà bdew jinternalizzaw l-ispejjeż esterni u l-leġiżlazzjoni relevanti tal-Komunità jew tintroduċi din l-internalizzazzjoni gradwalment jew għall-inqas ma twaqqafhiex. L-emissjonijiet tas-CO2 għandhom jiġu indirizzati permezz tal-inklużjoni tal-avjazzjoni fl-Iskema għall-Iskambju tal-Emissjonijiet (ETS). Il-provvista tal-elettriku għall-ferroviji hija koperta wkoll mill-ETS u t-trasport marittimu għandu jiġi inkluż fl-ETS dalwaqt. Spejjeż esterni oħra jistgħu jiġu internalizzati permezz ta’ tariffi tal-ajruporti, li jistgħu jiġu ddivrenzjati għal skopijiet ambjentali u permezz ta’ tariffi infrastrutturali għall-użu tal-linji tal-ferroviji skont id-Direttiva 2001/14/KE tal-Parlament Ewropew u tal-Kunsill tas-26 ta’ Frar 2001 dwar l-allokazzjoni tal-kapaċità tal-infrastruttura tal-linji tal-ferrovija u l-impożizzjoni ta’ tariffi għall-użu tal-infrastruttura tal-linji tal-ferroviji1. Barra minn hekk, il-Kummissjoni dalwaqt tipproponi tfassil mill-ġdid tal-Ewwel Pakkett Ferrovjarju sabiex jiġu introdotti skemi ta’ tariffi armonizzati tal-aċċess għall-binarji marbuta mal-istorbju.
	1 ĠU L 75, 15.3.2001, p. 29.
Ġustifikazzjoni
L-inventarju tal-Kummisjoni, Nagħmlu t-Trasport Aktar Ekoloġiku (COM(2008)433) jagħti ħarsa ġenerali lejn l-għadd kbir ta’ miżuri diversi li diġà jeżistu għat-tnaqqis tal-impatti negattivi tat-trasport. L-evalwazzjoni tal-Impatt: L-istrateġija għall-internalizzazzjoni tal-ispejjeż esterni (SEC(2008) 2208) tiffoka fuq l-internalizzazzjoni tal-ispejjeż esterni marbuta mal-istorbju, it-tniġġis tal-arja, il-bidla fil-klima, il-konġestjoni u l-inċidenti mill-mezzi tat-trasport kollha permezz ta’ strumenti ta’ pprezzar bħal tariffi, taxxi u permessi negozjabbli.
Emenda  5 Proposta għal direttiva – att li jemenda Premessa 5 b (ġdida)
Test propost mill-Kummissjoni	Emenda
	(5b) Skont l-Artikolu 7 tad-Direttiva 2001/14/KE, li tiffissa l-prinċipji tat-tariffi għall-użu tal-infrastruttura tal-linji tal-ferrovija, l-internalizzazzjoni tal-ispejjeż esterni diġà hija possibbli. Madankollu, bħala prekondizzjoni, is-settur tat-trasport tat-triq għandu japplika wkoll it-tariffi tal-ispejjeż esterni sabiex jigu aġġustati t-tariffi tal-aċċess għall-binarji b’mod aktar wiesa’ u ssir internalizzazzjoni sħiħa tal-ispejjeż esterni fis-settur ferrovjarju.
Ġustifikazzjoni
L-Artikolu 7 tad-Direttiva 2001/14 jiffissa l-prinċipji tat-tariffi tal-ferroviji. Skont din id-Direttiva, il-manigers infrastrutturali huma obbligati li japplikaw tariffi għall-ferroviji kollha tal-aċċess għall-infrastruttura sabiex jiġbru lura l-ispejjeż biex jiġi operat is-servizz tal-ferrovija. L-applikazzjoni ta’ tariffi tal-ispejjeż tal-iskarsezza u tal-ispejjeż ambjentali hija permessa wkoll. Madankollu l-Artikolu 7,5 huwa restrittiv: “l-iċċarġjar tal-ispejjeż ambjentali li jirriżultaw f’żieda fid-dħul globali dovut lill-manager infrastrutturali għandu madankollu jiġi permess biss jekk dan l-iċċarġjar jiġi applikat f’livell komparabbli għall-mezzi tat-trasport kompetituri".
Emenda  6 Proposta għal direttiva – att li jemenda Premessa 5 c (ġdida)
Test propost mill-Kummissjoni	Emenda
	(5c) Fis-settur tat-trasport bit-triq, diġà japplikaw diversi taxxi u tariffi, inklużi taxxi u tariffi li jikkompensaw parzjalment l-ispiża esterna bħal dik tas-CO2, kif inhu pereżempju l-każ tat-taxxi tas-sisa fuq il-fjuwil.
Emenda  7 Proposta għal direttiva – att li jemenda Premessa 7
Test propost mill-Kummissjoni	Emenda
(7) L-analiżi tal-impatt turi li l-applikazzjoni ta’ taxxi għall-użu tat-triq ikkalkulati abbażi tal-ispiża tat-tniġġis, u fuq it-toroq traffikużi ħafna, abbażi tal-ispiża tal-konġestjoni jkollha effett pożittiv fuq is-sistema tat-trasport u tikkontribwixxi għall-istrateġija tal-Komunità biex tikkumbatti t-tibdil fil-klima. Tnaqqas il-konġestjoni u t-tniġġis lokali billi tinkuraġġixxi l-użu ta’ teknoloġiji aktar nodfa, ittejjeb bl-aħjar mod possibbli l-imġiba loġistika u tnaqqas il-vjaġġ lura mingħajr tagħbija. Indirettament ikollha rwol importanti fit-tnaqqis tal-konsum tal-fjuwil u fil-kontribut għall-ġlieda kontra t-tibdil fil-klima. Taxxi għall-użu tat-triq li jintegraw element ta’ spiża relatat mal-konġestjoni għall-użu ta’ toroq traffikużi ħafna fil-kalkolu tagħhom għandhom ikunu aktar effettivi fit-tnaqqis tal-konġestjoni jekk l-Istati Membri jinkludu l-utenti l-oħra tat-toroq li mhumiex fl-ambitu ta’ din id-Direttiva fi skema ta’ natura simili.	(7) L-analiżi tal-impatt turi li l-applikazzjoni ta’ taxxi għall-użu tat-triq ikkalkulati abbażi tal-ispiża tat-tniġġis, u fuq it-toroq traffikużi ħafna, abbażi tal-ispiża tal-konġestjoni, tista’ twassal jew tikkontribwixxi għal trasport bit-triq iktar effiċjenti u favur l-ambjent, u tikkontribwixxi għall-istrateġija tal-UE biex tikkumbatti l-bidla fil-klima. Tnaqqas il-konġestjoni u t-tniġġis lokali billi tinkuraġġixxi l-użu ta’ teknoloġiji aktar nodfa, ittejjeb bl-aħjar mod possibbli l-imġiba loġistika u tnaqqas il-vjaġġ lura mingħajr tagħbija. Indirettament ikollha rwol importanti fit-tnaqqis tal-konsum tal-fjuwil u fil-kontribut għall-ġlieda kontra t-tibdil fil-klima. Taxxi għall-użu tat-triq li jintegraw element ta’ spiża relatat mal-konġestjoni għall-użu ta’ toroq traffikużi ħafna fil-kalkolu tagħhom jistgħu jkunu effettivi biss jekk ikunu jiffurmaw parti minn pjan ta’ azzjoni li jinkludi miżuri relatati ma’ utenti oħrajn tat-toroq li mhumiex fl-ambitu ta’ din id-Direttiva, bħal skemi smili ta’ tariffi jew miżuri b’effett ekwivalenti bħal restrizzjonijiet ta’ traffiku u karreġġjati riżervati għall-vetturi li barra x-xufier ikollhom passiġġier wieħed jew iżjed. Madankollu, s’issa għadu ma ntweriex biżżejjed li dawn it-taxxi ġabu xi bidliet sostanzjali fl-użu tal-mezzi tat-trasport.
Emenda  8 Proposta għal direttiva – att li jemenda Premessa 8
Test propost mill-Kummissjoni	Emenda
(8) L-ispejjeż tat-tniġġis tal-arja u mill-istorbju minħabba t-traffiku u l-konġestjoni, bħall-ispejjeż tas-saħħa, inkluż il-kura medika, it-telfien ta’ uċuħ u telfien ieħor ta’ produzzjoni, u l-ispejjeż soċjali, joriġinaw fi ħdan it-territorju tal-Istat Membru li fih iseħħ it-trasport. Il-prinċipju ta' min iniġġes iħallas se jkun implimentat permezz tal-impożizzjoni tal-ispiża esterna u dan ukoll se jikkontribwixxi għat-tnaqqis tal-ispejjeż esterni.	(8) Il-prinċipju ta' min iniġġes iħallas se jkun implimentat permezz tal-impożizzjoni tal-ispiża esterna u dan ukoll se jikkontribwixxi għat-tnaqqis tal-ispejjeż esterni.
Emenda  9 Proposta għal direttiva – att li jemenda Premessa 9
Test propost mill-Kummissjoni	Emenda
(9) Il-mudell li l-Kummissjoni fasslet biex tikkalkula l-ispejjeż esterni tat-tniġġis tal-arja u dak mill-istorbju li jirriżulta mit-traffiku u l-konġestjoni jipprovdi metodi affidabbli u firxa ta’ valuri ta’ kull unità li jistgħu jservu bħala bażi għall-kalkolu tat-tariffi għall-użu tat-triq.	(9) Il-mudell li l-Kummissjoni fasslet biex tikkalkula l-ispejjeż esterni jipprovdi metodi affidabbli u firxa ta’ valuri ta’ kull unità li jistgħu jservu bħala bażi għall-kalkolu tat-tariffi għall-użu tat-triq.
Emenda  10 Proposta għal direttiva – att li jemenda Premessa 9 a (ġdida)
Test propost mill-Kummissjoni	Emenda
	(9a) Sabiex jiġi żgurat li t-trasportaturi tal-merkanzija bit-triq Ewropej jirċievu indikazzjonijiet ta’ prezz ċari li jservu ta’ inċentiv biex jottimizzaw l-imġiba tagħhom, għandhom isiru sforzi fuq terminu ta’ żmien medju biex tinkiseb konverġenza tal-metodi li jużaw is-sistemi tariffarji Ewropej kollha biex jikkalkulaw l-ispejjeż esterni.
Ġustifikazzjoni
Il-preżenza ta’ għadd kbir ta’ metodi possibbli għall-kalkolu tal-ispiża esterna qed toħloq konfużjoni fi ħdan l-UE, u dan imbagħad qed jiżgura li t-trasportaturi tal-merkanzija bit-triq ma jirċevux sinjali ta’ prezz ċari li jkunu ta’ inċentiv biex jirrinnovaw il-flotot tagħhom u jottimizzaw il-loġistika tagħhom. Għalhekk, fit-terminu medju ta’ żmien għandhom isiru sforzi biex tinkiseb konverġenza tal-metodi użati għall-kalkolu tal-fatturi tal-ispiża esterna.
Emenda 11 Proposta għal direttiva – att li jemenda Premessa 12
Test propost mill-Kummissjoni	Emenda
(12) Tariffi ibbażati fuq il-ħin li jiġu intaxxati kuljum, kull ġimgħa, kull xahar jew kull sena ma għandhomx jiddiskriminaw kontra l-utenti okkażjonali, għaliex parti kbira ta’ dan it-tip ta’ untenti ġeneralment ikunu trasportaturi tal-merkanzija li mhumiex nazzjonali. Għalhekk għandhom jiġu ffissati proporzjonijiet aktar dettaljati bejn ir-rati għal ġurnata, għal ġimgħa, għal xahar u għal sena.	(12) Tariffi ibbażati fuq il-ħin li jiġu intaxxati kuljum, kull ġimgħa, kull xahar jew kull sena ma għandhomx jiddiskriminaw kontra l-utenti okkażjonali, għaliex parti kbira ta’ dan it-tip ta’ untenti ġeneralment ikunu trasportaturi tal-merkanzija li mhumiex nazzjonali. Għalhekk għandhom jiġu ffissati proporzjonijiet aktar dettaljati bejn ir-rati għal ġurnata, għal ġimgħa, għal xahar u għal sena. Għal raġunijiet ta’ effiċjenza u ġustizzja, it-tariffi bbażati fuq il-ħin għandhom jitqiesu bħala strument tranżitorju għat-tariffi infrastrutturali. Għalhekk, għandha tiġi kkunsidrata t-tneħħija gradwali tas-sistemi tat-tariffi bbażati fuq il-ħin. L-Istati Membri bi fruntieri esterni ma’ pajjiżi terzi għandhom ikunu jistgħu jidderogaw minn din id-dispożizzjoni u jkomplu japplikaw sistemi ta’ tariffi bbażati fuq il-ħin għal vetturi ta' merkanzija tqila li jkunu fil kju fil-punti tal-qsim tal-fruntieri.
Emenda  12 Proposta għal direttiva – att li jemenda Premessa 17
Test propost mill-Kummissjoni	Emenda
(17) L-awtorità li tiffissa t-tariffa għall-ispiża esterna ma għandha jkollha l-ebda interess ta’ setgħa li tiffissa l-ammont f’livell mhux xieraq u għalhekk għandha tkun indipendenti mill-korp li jiġbor u jimmaniġġa id-dħul tat-taxxi għall-użu tat-triq. L-esperjenza wriet li mark-up fuq it-taxxi għall-użu tat-triq fiż-żoni muntanjużi, sabiex tiffinanzja proġetti ta’ prijorità tan-netwerk trans-Ewropew, mhijiex għażla prattika għall-operaturi tal-infrastruttura jekk id-devjazzjoni tat-traffiku li tista’ tirriżulta miż-żieda tat-taxxa għall-użu tat-triq tkun b’tali mod li timplika telf ta’ dħul. Sabiex din is-sitwazzjoni tiġi rrimedjata, mark-up għandha tkun permessa fuq rotot alternattivi li t-traffiku jista’ alternattivament jiġi devjat fihom.	(17) L-awtorità li tiffissa t-tariffa għall-ispiża esterna ma għandha jkollha l-ebda interess ta’ setgħa li tiffissa l-ammont f’livell mhux xieraq u għalhekk għandha tkun indipendenti mill-korp li jiġbor u jimmaniġġa id-dħul tat-taxxi għall-użu tat-triq. L-esperjenza wriet li żieda fit-taxxi għall-użu tat-triq fiż-żoni muntanjużi, sabiex jiġu ffinanzjati proġetti ta’ prijorità tan-netwerk trans-Ewropew, mhijiex għażla prattika jekk id-definizzjoni ta’ kurutur ma tkunx konsistenti mar-realtà tal-fluss tat-traffiku. Sabiex din is-sitwazzjoni tiġi rrimedjata, il-kurutur li fuqu tista’ tkun permessa żieda għandu b’mod partikolari jkopri partijiet ta’ toroq li għalihom l-introduzzjoni ta’ żieda tissarraf f’devjazzjoni tat-traffiku lejn il-proġett ta’ prijorità kkonċernat.
Ġustifikazzjoni
Emenda  13 Proposta għal direttiva – att li jemenda Premessa 18
Test propost mill-Kummissjoni	Emenda
(18) Sabiex tingħata preċedenza lill-bini ta’ proġetti prijoritarji ta’ interess Ewropew, l-Istati Membri li għandhom il-possibilità li japplikaw mark-up għandhom jużaw din l-għażla qabel jintaxxaw tariffa għall-ispiża esterna. Sabiex jiġi evitat ċċarġjar żejjed tal-utenti, tariffa għall-ispiża esterna ma għandhiex tiġi kkombinata ma’ mark-up sakemm l-ispejjeż esterni ma jaqbżux l-ammont tal-mark-up li diġà ġiet intaxxata. F’każ bħal dan, huwa għalhekk xieraq li l-ammont tal-mark-up għandu jitnaqqas mit-tariffa għall-ispiża esterna.	(18) Sabiex tingħata preċedenza lill-bini ta’ proġetti prijoritarji ta’ interess Ewropew, l-Istati Membri li għandhom il-possibilità li japplikaw mark-up għandhom jużaw din l-għażla qabel jintaxxaw tariffa għall-ispiża esterna.
Ġustifikazzjoni
Peress li l-mark-ups tat-tariffi għall-użu tat-triq jintużaw biex jiffinanzjaw infrastrutturi tat-trasport alternattivi, aktar favur l-ambjent u mhux miżuri oħra li jservu biex inaqqsu l-ispiża esterna, għandu jkun possibbli li jiġu imposti tariffi ta’ spiża esterna flimkien ma’ mark-ups għall-użu tat-triq sabiex ikunu wkoll jistgħu jittieħdu miżuri biex titnaqqas l-ispiża esterna fuq rotot intaxxati bil-mark-up tal-użu tat-triq.
Emenda  14 Proposta għal direttiva – att li jemenda Premessa 21
Test propost mill-Kummissjoni	Emenda
(21) L-iċċarġjar ta’ spejjeż esterni permezz ta’ taxxi għall-użu tat-triq għandu jkun aktar effettiv fl-influwenza fuq id-deċiżjonijiet tal-utenti dwar it-trasport jekk l-utenti jkunu konxji minn dawn l-ispejjeż. Għandhom għalhekk jiġu identifikati seperatament fuq dikjarazzjoni, kont jew dokument ekwivalenti mill-operatur tat-taxxi għall-użu tat-triq. Barra minn hekk tali dokument jista’ jagħmilha aktar faċli biex it-trasportaturi tal-merkanzija jgħaddu t-tariffa għall-ispiża esterna lil dak li jieħu ħsieb il-merkanzija jew lil kwalunkwe klijent ieħor.	(21) L-iċċarġjar ta’ spejjeż esterni permezz ta’ taxxi għall-użu tat-triq għandu jkun aktar effettiv fl-influwenza fuq id-deċiżjonijiet tal-utenti dwar it-trasport jekk l-utenti jkunu konxji minn dawn l-ispejjeż. Għandhom għalhekk jiġu identifikati seperatament fuq dikjarazzjoni komprensibbli, kont jew dokument ekwivalenti mill-operatur tat-taxxi għall-użu tat-triq. Barra minn hekk tali dokument jista’ jagħmilha aktar faċli biex it-trasportaturi tal-merkanzija jgħaddu t-tariffa għall-ispiża esterna lil dak li jieħu ħsieb il-merkanzija jew lil kwalunkwe klijent ieħor.
Ġustifikazzjoni
Għal skopijiet ta’ trasparenza huwa assolutament meħtieġ li l-operatur li jħallas biex juża t-triq jingħata rendikont, kont jew dokument ieħor li jkun jista’ jifhem irrispettivament mill-għarfien tiegħu tal-lingwa.
Emenda  15 Proposta għal direttiva – att li jemenda Premessa 22
Test propost mill-Kummissjoni	Emenda
(22) L-użu ta’ sistemi elettroniċi għall-ġbir tat-taxxi għall-użu tat-triq huwa essenzjali biex jevita t-tfixkil għaċ-ċirkolazzjoni libera tat-traffiku u biex jiprrevjeni effetti negattivi fuq l-ambjent lokali kkawżati minn kjuwijiet quddiem il-gradi tal-kabini għall-ġbir tat-taxxi għall-użu tat-triq. Huwa għalhekk xieraq li jkun żgurat li t-tariffa għall-ispiża esterna tinġabar permezz ta’ tali sistema, soġġetta għall-konformità mar-rekwiżiti tad-Direttiva 2004/52/KE tal-Parlament Ewropew u tal-Kunsill tad-29 ta’ April 2004 dwar l-interoperabilità ta' sistemi elettroniċi dwar taxxi tat-toroq fil-Komunità li tipprevedi miżuri xierqa u proporzjonati biex ikun żgurat li interessi tekniċi, legali, kummerċjali u ta' protezzjoni ta' dejta u privatezza jiġu indirizzati kif inhu xieraq fl-implimentazzjoni tas-sistemi elettroniċi għall-ġbir tat-taxxi. Barra minn hekk sistemi ta’ dan it-tip għandhom jitfasslu mingħajr gradi fit-toroq u f’tali mod li jippermettu estensjoni sussegwenti mingħajr ħafna spejjeż għal kwalunkwe triq parallela. Madankollu għandu jsir provvediment għall-perjodu tranżizzjonali li jippermetti li jsiru l-adattamenti meħtieġa.	(22) L-użu ta’ sistemi elettroniċi għall-ġbir tat-taxxi għall-użu tat-triq huwa essenzjali biex jevita t-tfixkil għaċ-ċirkolazzjoni libera tat-traffiku u biex jiprrevjeni effetti negattivi fuq l-ambjent lokali kkawżati minn kjuwijiet quddiem il-gradi tal-kabini għall-ġbir tat-taxxi għall-użu tat-triq. Huwa għalhekk xieraq li jkun żgurat li t-tariffi infrastrutturali u għall-ispiża esterna jinġabru permezz ta’ tali sistema, soġġetta għall-konformità mar-rekwiżiti tad-Direttiva 2004/52/KE tal-Parlament Ewropew u tal-Kunsill tad-29 ta’ April 2004 dwar l-interoperabilità ta' sistemi elettroniċi dwar taxxi tat-toroq fil-Komunità li tipprevedi miżuri xierqa u proporzjonati biex ikun żgurat li interessi tekniċi, legali, kummerċjali u ta' protezzjoni ta' dejta u privatezza jiġu indirizzati kif inhu xieraq fl-implimentazzjoni tas-sistemi elettroniċi għall-ġbir tat-taxxi. Barra minn hekk sistemi ta’ dan it-tip għandhom jitfasslu mingħajr gradi fit-toroq u f’tali mod li jippermettu estensjoni sussegwenti mingħajr ħafna spejjeż għal kwalunkwe triq parallela. Madankollu għandu jsir provvediment għall-perjodu tranżizzjonali li jippermetti li jsiru l-adattamenti meħtieġa.
Ġustifikazzjoni
M'għandux ikun hemm distinzjoni bejn is-sistemi ta' ċċarġjar għall-ispejjeż tal-infrastruttura u dawk għall-ispejjeż esterni.
Emenda  16 Proposta għal direttiva – att li jemenda Premessa 22 a (ġdida)
Test propost mill-Kummissjoni	Emenda
	(22a) Huwa importanti li l-għanijiet ta' din id-Direttiva għandhom jintlaħqu b’mod li ma jkunx ta’ ħsara għat-tħaddim kif suppost tas-suq intern. Barra minn hekk, huwa importanti li jiġi evitat li fil-ġejjieni s-sewwieqa tal-vetturi ta' merkanzija tqila jitgħabbew b’tagħmir elettroniku dejjem aktar inkompatibbli u għali fil-kabina tagħhom bir-riskju li jħaddmuh ħażin. Iż-żieda bla rażan ta' teknoloġiji mhix aċċettabbli. L-interoperabilità tas-sistemi tat-tariffi għall-użu tat-triq fil-Komunità, kif previst fid-Direttiva 2004/52/KE, għandha għalhekk tinkiseb mill-aktar fis possibbli. Għandhom isiru sforzi biex l-għadd ta’ strumenti fil-vettura jiġi limitat għal wieħed, li jagħmilha possibbli li jiġu applikati d-diversi rati fis-seħħ fid-diversi Stati Membri.
Emenda  17 Proposta għal direttiva – att li jemenda Premessa 22 b (ġdida)
Test propost mill-Kummissjoni	Emenda
	(22b) Il-Kummissjoni għandha tieħu l-miżuri kollha meħtieġa biex tiżgura l-introduzzjoni rapida ta’ sistema tabilħaqq interoperabbli, skont id-Direttiva 2004/52/KE, sal-aħħar tal-2010.
Emenda  18 Proposta għal direttiva – att li jemenda Premessa 23 a (ġdida)
Test propost mill-Kummissjoni	Emenda
	(23a) L-Istati Membri għandhom ikunu jistgħu jużaw il-baġit tan-netwerk trans-Ewropew tat-trasport (TEN-T) u l-Fondi Strutturali għat-titjib tal-infrastrutturi tat-trasport bil-għan li jitnaqqsu l-ispejjeż esterni tat-trasport b’mod ġenerali u sabiex jiġu implimentati mezzi elettroniċi biex jinġabru t-tariffi li jirriżultaw mid-dispożizzjonijiet ta’ din id-Direttiva.
Ġustifikazzjoni
Se jkun meħtieġ investiment sostanzjali kemm biex jitjieb l-infrastrutturi tat-trasport kif ukoll biex jiġu implimentati l-mezzi għal—ġbir tat-tariffi. L-Istati membri għandhom ikunu jistgħu jużaw kemm il-baġit tat-TEN-T kif ukoll il-Fondi Strutturali għat-titjib tal-infrastrutturi tat-trasport bil-għan li jitnaqqsu l-ispejjeż esterni.
Emenda  19 Proposta għal direttiva – att li jemenda Premessa 24
Test propost mill-Kummissjoni	Emenda
(24) Skond l-objettivi tal-politika għat-trasport ta’ din id-Direttiva, id-dħul addizzjonali ġġenerat mit-tariffa għall-ispiża esterna għandu jintuża għal proġetti b’interess Komunitraju wiesgħa u mfassal biex jippromwovi l-mobilità sostenibbli in ġenerali. Proġetti ta’ dan it-tip għandhom għalhekk ikunu marbuta ma’ kif ikun iffaċilitat pprezzar aktar effiċjenti, tnaqqis mis-sors ta’ tniġġis tat-trasport, kif jittaffew l-effetti tiegħu, titjib fir-rendiment tas-CO2 u tal-enerġija tal-vetturi, u l-iżvilupp ta’ infrastruttura alternattiva għall-utenti tat-trasport. Tinkludi per eżempju riċerka u żvilupp dwar vetturi aktar nodfa u l-implimentazzjoni tal-parti dwar it-trasport fil-pjanijiet ta’ azzjoni skond id-Direttiva tal-Kunsill 96/62/KE tas-27 ta' Settembru 1996 dwar l-istima u l-immaniġġar tal-kwalità tal-arja ċirkostanti [arja ambjentali] u d-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 li tirrigwarda l-istudju u l-amministrazzjoni tal-ħsejjes [tal-istorbju] ambjentali, li jistgħu jinkludu miżuri biex jittaffa t-tniġġis tal-arja u mill-ħsejjes minħabba t-traffiku [l-istorbju mit-traffiku] madwar infrastrutturi kbar u f’agglomerazzjonijiet. L-allokazzjoni ta’ dan id-dħul ma teżonerax lill-Istati Membri mill-obbligu stipulat fl-Artikolu 88(3) tat-Trattat li l-Kummissjoni tkun mgħarrfa dwar ċerti miżuri nazzjonali lanqas ma tippreġudika l-konklużjoni ta’ kwalunkwe proċedura mibdija skond l-Artikoli 87 u 88 tat-Trattat.	(24) Skond l-objettivi tal-politika għat-trasport ta’ din id-Direttiva, id-dħul addizzjonali ġġenerat mit-tariffa għall-ispiża esterna għandu bħala prijorità jintuża biex titnaqqas u tiġi eliminata l-ispiża esterna tat-trasport bit-triq fejn possibbli. Jista’ jintuża wkoll biex jippromwovi l-mobilità sostenibbli b’mod ġenerali. Għalhekk, dawn il-proġetti għandhom ikunu marbuta mal-iffaċilitar ta’ prezzar effiċjenti, mat-tnaqqis mis-sors ta’ tniġġis tat-trasport, filwaqt li jittaffew l-effetti tiegħu, mat-titjib fir-rendiment tas-CO2 u tal-enerġija tal-vetturi tat-triq, u mat-titjib fl-infrastruttura eżistenti tat-toroq jew l-iżvilupp ta’ infrastruttura alternattiva għall-utenti tat-trasport. Tinkludi per eżempju riċerka u żvilupp dwar vetturi aktar nodfa u l-implimentazzjoni tal-parti dwar it-trasport fil-pjanijiet ta’ azzjoni skont id-Direttiva tal-Kunsill 96/62/KE tas-27 ta' Settembru 1996 dwar l-istima u l-immaniġġar tal-kwalità tal-arja ċirkostanti [arja ambjentali] u d-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 li tirrigwarda l-istudju u l-amministrazzjoni tal-ħsejjes [tal-istorbju] ambjentali, li jistgħu jinkludu miżuri biex jittaffa t-tniġġis tal-arja u mill-ħsejjes minħabba t-traffiku [l-istorbju mit-traffiku] madwar infrastrutturi kbar u f’agglomerazzjonijiet. L-allokazzjoni ta’ dan id-dħul ma teżonerax lill-Istati Membri mill-obbligu stipulat fl-Artikolu 88(3) tat-Trattat li l-Kummissjoni tkun mgħarrfa dwar ċerti miżuri nazzjonali lanqas ma tippreġudika l-konklużjoni ta’ kwalunkwe proċedura mibdija skont l-Artikoli 87 u 88 tat-Trattat.
Emenda  20 Proposta għal direttiva – att li jemenda Premessa 25
Test propost mill-Kummissjoni	Emenda
(25) Sabiex tiġi mħeġġa l-interoperabilità tal-arranġamenti tat-taxxi għall-użu tat-triq, żewġ Stati Membri jew aktar għandu jkollhom l-permess li jikkooperaw biex jintroduċu sistema komuni ta’ taxxi għall-użu tat-triq, soġġetti għall-konformità ma’ ċerti kundizzjonijiet.	(25) Sabiex tiġi promossa l-interoperabilità tal-arranġamenti tat-taxxi għall-użu tat-triq, il-kooperazzjoni bejn l-Istati Membri biex jintroduċu sistema komuni ta’ taxxi għall-użu tat-triq għandha tiġi mħeġġa, soġġetta għall-konformità ma’ ċerti kundizzjonijiet. Il-Kummissjoni għandha tappoġġja lill-Istati Membri li jixtiequ jikkooperaw biex idaħħlu sistema komuni ta’ taxxi għall-użu tat-triq fit-territorji kkombinati tagħhom.
Emenda 21 Proposta għal direttiva – att li jemenda Premessa 26
Test propost mill-Kummissjoni	Emenda
(26) Skond din id-Direttiva għandha tintbagħat valutazzjoni komprensiva tal-esperjenza miksuba f’dawk l-Istati Membri li japplikaw it-tariffa għall-ispiża esterna, fil-ħin mill-Kummissjoni lill-Parlament Ewropew u lill-Kunsill. Din il-valutazzjoni għandha tinkludi wkoll analiżi tal-progress fl-istrateġija biex nikkumbattu t-tibdil fil-klima, li tinkludi d-definizzjoni ta’ element komuni ta’ taxxa fuq il-fjuwil relatat mat-tibdil fil-klima fid-Direttiva tal-Kunsill 2003/96/KE tas-27 ta’ Ottubru 2003 li tirriforma l-istruttura tal-Komunità dwar tassazzjoni fuq prodotti ta' enerġija u elettriku, inkluża tal-fjuwil użat minn vetturi ta’ merkanzija tqila. Fid-dawl ta’ dan il-progress il-kwistjoni dwar l-emissjonijiet tad-diossidu tal-karbonju għandha tiġi inkluża u għandha titkompla analiżi ta’ kwalunkwe azzjoni oħra xierqa.	(26) Skond din id-Direttiva għandha tintbagħat valutazzjoni komprensiva tal-esperjenza miksuba f’dawk l-Istati Membri li japplikaw it-tariffa għall-ispiża esterna, fil-ħin mill-Kummissjoni lill-Parlament Ewropew u lill-Kunsill. Din il-valutazzjoni għandha tinkludi wkoll analiżi tal-progress fl-istrateġija biex nikkumbattu t-tibdil fil-klima, li tinkludi d-definizzjoni ta’ element komuni ta’ taxxa fuq il-fjuwil relatat mat-tibdil fil-klima fid-Direttiva tal-Kunsill 2003/96/KE tas-27 ta’ Ottubru 2003 li tirriforma l-istruttura tal-Komunità dwar tassazzjoni fuq prodotti ta' enerġija u elettriku, inkluża tal-fjuwil użat minn vetturi ta’ merkanzija tqila. Għandha titfassal ukoll evalwazzjoni komprensiva tal-ispejjeż esterni fil-mezzi l-oħra kollha tat-trasport, sabiex isservi bħala bażi għal proposti leġiżlattivi ulterjuri dwar l-internalizzazzjoni tal-ispejjeż esterni f’mezzi tat-trasport oħrajn. Dan għandu jiżgura l-introduzzjoni ta’ sistema ġusta u kompetittiva għall-internalizzazzjoni tal-ispejjeż esterni li tevita kwalunkwe tgħawwiġ tas-suq intern fil-mezzi kollha tat-trasport.
Emenda  22 Proposta għal direttiva – att li jemenda Premessa 27
Test propost mill-Kummissjoni	Emenda
(27) L-Artikolu 55(2) tar-Regolament tal-Kunsill (KE) Nru 1083/2006 tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament (KE) Nru 1260/1999 jistipula li d-dħul iġġenerat minn tariffi li jiġġarrbu direttament mill-utenti għandu jiġu kkunsidrat fid-determinazzjoni tan-nuqqas ta’ finanzjament f’każ ta’ proġett li jiġġenera d-dħul. Madankollu, minħabba li d-dħul iġġenerat minn tariffa għall-ispiża esterna huwa allokat għall-proġetti bl-għan li jnaqqsu t-tniġġis tat-trasport fit-toroq fis-sors, itaffu l-effetti tiegħu, itejbu r-rendiment tas-CO2 u tal-enerġija tal-vetturi, u jiżviluppaw infrastruttura alternattiva għall-utenti tat-trasport, ma għandux jiġi kkunsidrat fil-kalkolu tan-nuqqas ta’ finanzjament.	(27) L-Artikolu 55(2) tar-Regolament tal-Kunsill (KE) Nru 1083/2006 tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta' Koeżjoni u li jħassar ir-Regolament (KE) Nru 1260/1999 jistipula li d-dħul iġġenerat minn tariffi li jiġġarrbu direttament mill-utenti għandu jiġu kkunsidrat fid-determinazzjoni tan-nuqqas ta’ finanzjament f’każ ta’ proġett li jiġġenera d-dħul. Madankollu, minħabba li d-dħul iġġenerat minn tariffa għall-ispiża esterna huwa allokat għall-proġetti bl-għan li jnaqqsu t-tniġġis tat-trasport fit-toroq fis-sors, itaffu l-effetti tiegħu, itejbu r-rendiment tas-CO2 u tal-enerġija tal-vetturi, u jtejbu l-infrastruttura eżistenti tat-toroq jew jiżviluppaw infrastruttura alternattiva għall-utenti tat-trasport, ma għandux jiġi kkunsidrat fil-kalkolu tan-nuqqas ta’ finanzjament.
Ġustifikazzjoni
Id-dħul għandu jitwarrab speċifikament biex jinkludi s-settur tat-trasport bit-triq. Għall-appoġġ f’dan is-settur, huwa essenzjali li l-flus imħallsa għall-ispiża esterna jintużaw biex inaqqsu l-istess spiża esterna, speċjalment fis-settur innifsu.
Emenda  23 Proposta għal direttiva – att li jemenda Premessa 29
Test propost mill-Kummissjoni	Emenda
(29) B’mod partikolari, il-Kummissjoni għandu jkollha s-setgħa biex tadatta l-Annessi 0, III, IIIa u IV għall-progress tekniku u xjentifiku, u l-Annessi I u II għall-inflazzjoni. Minħabba li dawk il-miżuri huma ta' applikazzjoni ġenerali u huma mfassla biex jemendaw elementi mhux essenzjali ta' din id-direttiva, għandhom jiġu adottati skond-il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.	(29) B’mod partikolari, il-Kummissjoni għandu jkollha s-setgħa biex tadatta l-Annessi 0, III, IIIa u IV għall-progress tekniku u xjentifiku, u l-Annessi I, II u IIIa għall-inflazzjoni. Minħabba li dawk il-miżuri huma ta' applikazzjoni ġenerali u huma mfassla biex jemendaw elementi mhux essenzjali ta' din id-direttiva, għandhom jiġu adottati skont-il-proċedura regolatorja bi skrutinju prevista fl-Artikolu 5a tad-Deċiżjoni 1999/468/KE.
Emenda  24 Proposta għal direttiva – att li jemenda Artikolu 1 – punt 1
Direttiva 1999/62/KE
Artikolu 2 – punt ba
Test propost mill-Kummissjoni Emenda (ba) ‘tariffa għall-infrastruttura’ tfisser tariffa intaxxata permezz ta’ taxxa għall-użu tat-triq imġarrba minn Stat Membru għall-iskop ta’ rkupru ta’ spejjeż relatati ma’ l-infrastruttura; (ba) ‘tariffa għall-infrastruttura’ tfisser tariffa intaxxata permezz ta’ taxxa għall-użu tat-triq bl-iskop ta’ rkupru ta’ spejjeż relatati mal-infrastruttura, imġarrba minn Stat Membru wieħed jew aktar jekk il-proġett ikun twettaq b'mod konġunt;
Ġustifikazzjoni
Meta sezzjonijiet transkonfinali ta' proġetti tat-TEN-T jkunu saru b'mod konġunt minn aktar minn Stat Membru wieħed li jaqsmu l-ispejjeż operattivi u tal-kostruzzjoni, l-ispejjeż tal-infrastruttura marbuta jridu jqisu s-sitwazzjoni speċifika.
Emenda  25 Proposta għal direttiva – att li jemenda Artikolu 1 – punt 2
Direttiva 1999/62/KE
Artikolu 7 – paragrafu 1
Test propost mill-Kummissjoni Emenda 1. L-Istati Membri jistgħu jżommu jew jintroduċu taxxi u/jew tariffi għall-użu tat-triq fuq in-netwerk tat-toroq tagħhom jew fuq ċertu partijiet ta’ dak in-netwerk skond il-kundizzjonijiet stabbiliti fil-paragrafi 2, 3 u 4 ta’ dan l-Artikolu u fl-Artikoli 7a sa 7j. 1. L-Istati Membri jistgħu jżommu jew jintroduċu taxxi u/jew tariffi fuq in-netwerk trans-Ewropew tat-trasport jew fuq kwalunkwe taqsima tan-netwerk tat-toroq tagħhom li normalment ikollha volum sinifikanti ta' ġarr ta' prodotti internazzjonali skont il-kundizzjonijiet stabbiliti fil-paragrafi 2, 3 u 4 ta’ dan l-Artikolu u fl-Artikoli 7a sa 7j.
Ġustifikazzjoni
Id-direttiva għandha tippermetti l-moviment ħieles tal-prodotti fl-Unjoni filwaqt li tiggarantixxi t-trattament ugwali ta' min iġorrhom. Għalhekk huwa xieraq li tkun applikata fin-netwerk trans-Ewropew kollu tat-trasport u fit-toroq kollha li normalment jintużaw għall-ġarr tal-prodotti internazzjonali. Fuq il-bqija tan-netwerk tat-toroq, jeħtieġ li jkun evitat piż amministrattiv addizzjonali u mhux ġustifikat għaliex m'hemmx trasport internazzjonali sinifikanti. F'dawk it-toroq, madankollu, l-Istati jibqgħu liberi li jiġbru taxxi skont ir-regoli stipulati fit-Trattat.
Emenda  26 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7 – paragrafu 2
Test propost mill-Kummissjoni Emenda 2. L-Istati Membri ma għandhomx jimponu fi ħdan it-territorju tagħhom kemm it-taxxi kif ukoll it-tariffi għall-użu tat-triq fuq kwalunkwe kategorija speċifika ta’ vetturi. Madankollu, l-Istati Membri li jimponu tariffa għall-użu tat-triq fuq in-netwerk tagħhom jistgħu jimponu wkoll taxxi għall-użu ta’ pontijiet, mini u passaġġi fil-muntanji. 2. L-Istati Membri ma għandhomx jimponu fi ħdan it-territorju tagħhom kemm it-taxxi kif ukoll it-tariffi għall-użu tat-triq. Madankollu, l-Istati Membri li jimponu tariffa għall-użu tat-triq fuq in-netwerk tagħhom jistgħu jimponu wkoll taxxi għall-użu ta’ pontijiet, mini u passaġġi fil-muntanji.
Ġustifikazzjoni
It-tħassir huwa meqjus neċessarju sabiex tiġi eskluża kull possibilità ta’ sistema parallela: eż. tariffi bbażata fuq il-ħin għal trakkijiet eħfef, tariffi bbażati fuq id-distanza għal trakkijiet itqal.
Emenda  27 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7 – paragrafu 5 – parti introduttorja
Test propost mill-Kummissjoni Emenda 5. Sal-31 ta’ Diċembru 2011, Stat Membru jista' jagħżel li japplika taxxi u/jew tariffi għall-użu tat-triq biss għal vetturi li għandhom piż massimu permissibbli meta mgħobbija ta' mhux inqas minn 12-il tunnellata. Mill-1 ta’ Jannar 2012, taxxi u jew tariffi għall-użu tat-triq għandhom jiġu applikati lill-vetturi kolla fl-ambitu tal-Artikolu 2(d) sakemm Stat Membru ma jikkunsidrax li estensjoni għal vetturi ta’ inqas minn 12-il tunnellata tista’: 5. Sal-31 ta’ Diċembru 2011, Stat Membru jista' jagħżel li japplika taxxi u/jew tariffi għall-użu tat-triq biss għal vetturi li għandhom piż massimu permissibbli meta mgħobbija ta' mhux inqas minn 12-il tunnellata. Mill-1 ta’ Jannar 2012, taxxi u/ jew tariffi għall-użu tat-triq għandhom jiġu applikati lill-vetturi kollha fl-ambitu tal-Artikolu 2(d).
Ġustifikazzjoni
Fl-2006, il-leġiżlatur kien diġà ddeċieda li jestendi l-firxa tal-vetturi għal 3.5 tunnellati. Li tingħata eżenzjoni abbażi ta’ dawn il-fatturi jfisser, de facto, li jkun hemm firxa kompletament arbitrarja. L-Istati Membri huma ħielsa li jimponu tariffi anke fuq toroq sekondarji jekk jaħsbu li jista’ jkun hemm devjazzjonijiet.
Emenda  28 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7 – paragrafu 5 – punt a
Test propost mill-Kummissjoni Emenda (a) toħloq effetti negattivi sinifikanti fuq il-fluss liberu tat-traffiku, l-ambjent, il-livelli ta' storbju, il-konġestjoni jew is-saħħa; jew imħassar
Ġustifikazzjoni
Fl-2006, il-leġiżlatur kien diġà ddeċieda li jestendi l-firxa tal-vetturi għal 3.5 tunnellati. Li tingħata eżenzjoni abbażi ta’ dawn il-fatturi jfisser, de facto, li jkun hemm firxa kompletament arbitrarja. L-Istati Membri huma ħielsa li jimponu tariffi anke fuq toroq sekondarji jekk jaħsbu li jista’ jkun hemm devjazzjonijiet.
Emenda  29 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7 – paragrafu 5 – punt b
Test propost mill-Kummissjoni Emenda (b) tinvolvi spejjeż amministrattivi ta’ aktar minn 30 % tad-dħul addizzjonali li seta’ jiġi ġġenerat b’dik l-estensjoni. imħassar
Ġustifikazzjoni
Fl-2006, il-leġiżlatur kien diġà ddeċieda li jestendi l-firxa tal-vetturi għal 3.5 tunnellati. Li tingħata eżenzjoni abbażi ta’ dawn il-fatturi jfisser, de facto, li jkun hemm firxa kompletament arbitrarja. Dwar il-punt (a): L-Istati Membri huma ħielsa li jimponu tariffi anke fuq toroq sekondarji jekk jaħsbu li jista’ jkun hemm devjazzjonijiet.
Emenda  30 Proposta għal direttiva – att li jemenda Artikolu 1 – punt 2
Direttiva 1999/62/KE
Artikolu 7a – paragrafu 1 – subparagrafu 1
Test propost mill-Kummissjoni Emenda 1. It-tariffi għall-użu tat-triq għandhom ikunu proporzjonati mat-tul ta’ żmien li fih ġiet użata l-infrastruttura u għandhom ikunu disponibbli għal tul ta' ġurnata, ġimgħa, xahar u sena. B’mod partikolari, ir-rata annwali għandha tkun ta’ mhux anqas mir-rata ta’ kuljum għal 80 darba, ir-rata ta’ kull xahar ta’ mhux anqas mir-rata ta’ kuljum għal 13-il darba u r-rata ta’ kull ġimgħa għandha tkun ta’ mhux anqas mir-rata ta’ kuljum għal ħames darbiet. 1. It-tariffi għall-użu tat-triq għandhom ikunu proporzjonati mat-tul ta’ żmien li fih ġiet użata l-infrastruttura u għandhom ikunu disponibbli għal tul ta' ġurnata, ġimgħa, xahar u sena. B'mod partikolari, ir-rata ta' kull xahar għandha tkun ta' mhux aktar minn 10% tar-rata annwali u r-rata ta' kull ġimgħa għandha tkun ta' mhux aktar minn 2.7% tar-rata annwali.
Ġustifikazzjoni
Sabiex is-sewwieqa ma jkollhomx tariffi tal-utent sproporzjonati.
Emenda  31 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7a – paragrafu 1 – subparagrafu 2
Test propost mill-Kummissjoni Emenda     Stat Membru jista' biss japplika rati annwali għal vetturi rreġistrati f'dak l-Istat Membru. imħassar
Ġustifikazzjoni
Waħda mir-raġunijiet ewlenin għad-Direttiva Eurovignette hija biex tiġi evitata d-diskriminazzjoni fi ħdan l-UE
Emenda  32 Proposta għal direttiva – att li jemenda Artikolu 1 – punt 2
Direttiva 1999/62/KE
Artikolu 7 b – paragrafu 1
Test propost mill-Kummissjoni Emenda 1. It-tariffa għall-użu tal-infrastruttura għandha tkun ibbażata fuq il-prinċipju tal-irkupru tal-ispejjeż tal-infrastruttura. It-tariffa medja differenzjata għall-infrastruttura għandha tkun relatata ma' l-ispejjeż tal-bini u ma' l-ispejjeż tat-tħaddim, tal-manutenzjoni u tal-iżvilupp tas-sistema tal-infrastruttura kkonċernata. It-tariffa medja differenzjata għall-infrastruttura tista’ tinkludi wkoll dħul fuq il-kapital jew marġni ta' profitt ibbażat fuq il-kundizzjonijiet tas-suq. 1. It-tariffa għall-użu tal-infrastruttura għandha tkun ibbażata fuq il-prinċipju tal-irkupru tal-ispejjeż tal-infrastruttura. It-tariffa medja differenzjata għall-infrastruttura għandha tkun relatata ma' l-ispejjeż tal-bini u ma' l-ispejjeż tat-tħaddim, tal-manutenzjoni, tal-iżvilupp u tal-iżgurar ta' standards ta' sikurezza fin-netwerk tal-infrastruttura kkonċernat. It-tariffa medja differenzjata għall-infrastruttura tista’ tinkludi wkoll dħul fuq il-kapital jew marġni ta' profitt ibbażat fuq il-kundizzjonijiet tas-suq.
Ġustifikazzjoni
Is-sikurezza fit-toroq hija essenzjali sabiex ikunu evitati l-ispejjeż li jirriżultaw mill-inċidenti. Madankollu, dan jirrikjedi investiment fil-faċilitajiet (eż. ċentri ta' ttestjar u postijiet ta' kontroll għall-HGVs) kif ukoll nefqa għal persunal tas-sikurezza. F'xi pajjiżi, it-twettiq ta' wħud minn dawn il-funzjonijiet ta' kontroll huwa wkoll ir-responsabilità tal-awtoritajiet reġjonali jew territorjali, li qed jiffaċċjaw sfidi enormi minħabba ż-żieda tat-trasport tal-merkanzija fit-toroq.
Emenda  33 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7b – paragrafu 2
Test propost mill-Kummissjoni Emenda 2. It-tariffa għall-ispiża esterna għandha tkun relatata ma’ l-ispiża tat-tniġġis tal-arja minħabba t-traffiku, l-ispiża tat-tniġġis mill-istorbju minħabba t-traffiku, jew mat-tnejn. 2. It-tariffa għall-ispiża esterna għandha tkun relatata mal-ispiża tat-tniġġis tal-arja minħabba t-traffiku, l-ispiża tat-tniġġis mill-istorbju minħabba t-traffiku, jew mat-tnejn. F’partijiet ta’ toroq soġġetti għall-konġestjoni t-tariffa għall-ispiża esterna tista’ tinkludi wkoll l-ispiża tal-konġestjoni matul il-perjodi meta dawn il-partijiet tat-toroq ikunu ġeneralment traffikużi ħafna. F’partijiet ta’ toroq speċifiċi soġġetti għall-konġestjoni t-tariffa għall-ispiża esterna tista’ tinkludi wkoll tariffa tal-konġestjoni li tirrifletti l-ispiża tal-konġestjoni kkawżat mill-vetturi suġġetti għaliha matul il-perjodi meta l-użu ta’ dawn il-partijiet tat-toroq ġeneralment ikun viċin il-limiti tal-kapaċità.   Qabel l-implimentazzjoni ta’ tariffa tal-konġestjoni, l-Istati Membri kkonċernati għandhom jistipulaw pjan ta’ azzjoni li jidentifika, fuq il-bażi ta’ analiżi tal-ispejjeż imqabbla mal-benefiċċji, il-miżuri possibbli biex titjieb il-kapaċità tal-partijiet tat-toroq ikkonċernati billi jitnaqqas il-volum tat-traffiku jew permezz tal-bini ta’ infrastrutturi ġodda. Il-pjan ta’ azzjoni għandu jkopri l-utenti kollha tat-toroq li jikkawżaw il-konġestjoni.   It-tariffa tal-konġestjoni m’għandhiex twassal għal trattament inġust tat-traffiku kummerċjali meta mqabbel ma’ utenti oħrajn tat-toroq li jikkawżaw konġestjoni u l-anqas m’għandha twassal għal tgħawwiġ tal-kompetizzjoni bejn l-operaturi u għalhekk tiġi applikata tariffa b’effett ekwivalenti lill-utenti tat-toroq l-oħrajn kollha li jikkawżaw konġestjoni.
Ġustifikazzjoni
Emenda  34 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7c – paragrafu 1
Test propost mill-Kummissjoni Emenda 1. It-tariffa għall-ispiża esterna għandha tvarja skond it-tip ta’ triq u l-klassifika Ewropea ta’ emissjonijiet, u wkoll skond il-perjodu tal-ħin f’każijiet fejn it-tariffa tinkludi l-ispiża tal-konġestjoni u/jew tat-tniġġis mill-istorbju minħabba t-traffiku. 1. It-tariffa għall-ispiża esterna għandha tvarja skont it-tip ta’ triq u l-klassifika Ewropea tal-emissjonijiet (Anness IIIa, Tabella I), u wkoll skont il-perjodu tal-ħin f’każijiet fejn it-tariffa tinkludi l-ispiża tal-konġestjoni u/jew tat-tniġġis mill-istorbju minħabba t-traffiku.
Ġustifikazzjoni
Emenda  35 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7c – paragrafu 2 a (ġdid)
Test propost mill-Kummissjoni Emenda   2a. It-tariffi msemmija fil-paragrafi 1 u 2 m’għandhomx japplikaw għal vetturi li jkunu diġà jikkonformaw mal-istandards tal-emissjonijiet EURO futuri fir-rigward tad-dati stipulati fir-regoli relevanti.
Ġustifikazzjoni
L-iffissar ta’ tariffi għal dawk li biddlu l-flotta tal-vetturi tagħhom jew li l-vetturi tagħhom iħallu impatt ambjentali baxx ma jgħinx biex jintlaħqu l-għanijiet stabbiliti mir-reviżjoni proposta iżda, bil-maqlub, iwassal għal staġnar fil-proċess tat-tibdil tal-flotot tal-vetturi u t-tnaqqis tal-emissjonijiet, minħabba li jkun hemm anqas riżorsi disponibbli biex isir investiment f'vetturi ġodda.
Emenda  36 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7c – paragrafu 3
Test propost mill-Kummissjoni Emenda 3. L-ammont tat-tariffa tal-ispiża esterna għandu jiġi definit minn awtorità maħtura mill-Istat Membru għal dan l-iskop. L-awtorità għandha tkun legalment u finanzjarjament indipendenti mill-organizzazzjoni responsabbli mill-ġestjoni u l-ġbir tat-tariffa jew ta’ parti minnha. Madankollu, jekk dik l-organizzazzjoni hija kkontrollata mill-Istat Membru, l-awtorità tista' tkun entità amministrattiva ta’ dak l-Istat. 3. L-ammont tat-tariffa tal-ispiża esterna għandu jiġi definit minn kull Stat Membru. Jekk Stat Membru jaħtar awtorità għal din il-biċċa xogħol, dik l-awtorità għandha tkun legalment u finanzjarjament indipendenti mill-korp responsabbli mill-ġestjoni u l-ġbir tat-tariffa kollha jew ta’ parti minnha.
Ġustifikazzjoni
Is-sistema għandha toffri flessibiltà biżżejjed għad-diversi proċeduri li jeżistu.
Emenda  37 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7e – paragrafu 1 – parti introduttorja
Test propost mill-Kummissjoni Emenda (1) F’każijiet eċċezzjonali li jikkonċernaw infrastruttura f’reġjuni muntanjużi, u wara li tiġi mgħarrfa l-Kummissjoni, mark-up tista’ tiżdied mat-tariffa għall-infrastruttura intaxxata fuq partijiet speċifiċi ta’ toroq li huma soġġetti għall-konġestjoni kbira, jew li l-użu tagħhom minn vetturi huwa l-kawża ta’ ħsara ambjentali sinifikanti, b’kundizzjoni li: (1) F’każijiet eċċezzjonali li jikkonċernaw infrastruttura f’reġjuni muntanjużi u konurbazzjonijiet, u wara li tiġi mgħarrfa l-Kummissjoni, tista’ tiġi inkluża żieda fit-taxxa għall-użu tat-toroq mat-tariffa għall-infrastruttura intaxxata fuq partijiet speċifiċi ta’ toroq li huma soġġetti għal konġestjoni kbira, jew li l-użu tagħhom minn vetturi huwa l-kawża ta’ ħsara ambjentali sinifikanti, b’kundizzjoni li:
Ġustifikazzjoni
Il-konurbazzjonijiet jistgħu jiġu affettwati wkoll bil-konġestjoni, u dan jista’ jiġġustifika l-mark-up fuq it-taxxa għall-użu tat-triq.
Emenda  38 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7e – paragrafu 1 – punt a
Test propost mill-Kummissjoni Emenda (a) id-dħul iġġenerat mill-mark-up jiġi investit biex jiġi ffinanzjat il-bini ta' proġetti prijoritarji ta' interess Ewropew, identifikati fl-Anness III għad-Deċiżjoni Nru 1692/96/KE, li jikkontribwixxu direttament biex tittaffa l-konġestjoni jew il ħsara ambjentali u li jinsabu fl-istess passaġġ tal-parti tat-triq li fuqha hija applikata l-mark-up; (a) id-dħul iġġenerat mill-mark-up jiġi investit biex jiġu ffinanzjati proġetti mfassla biex jippromwovu l-mobbiltà sostenibbli u li jikkontribwixxu direttament biex tittaffa l-konġestjoni jew il-ħsara ambjentali u li jinsabu fl-istess passaġġ tal-parti tat-triq li fuqha hija applikata l-mark-up;
Ġustifikazzjoni
L-Istati Membri għandhom ikunu jistgħu jużaw id-dħul għat-titjib tal-infrastruttura tat-trasport in ġenerali skont il-prioritajiet tagħhom stess.
Emenda  39 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7e – paragrafu 1 – punt b
Test propost mill-Kummissjoni Emenda (b) il-mark-up ma taqbiżx il-15 % tat-tariffa medja differenzjata għall-infrastruttura kkalkulata skond l-Artikolu 7b(1) u l-Artikolu 7d ħlief fejn id-dħul iġġenerat jiġi investit f'taqsimiet transkonfinali ta' proġetti prijoritarji ta' interess Ewropew li jinvolvu infrastruttura f'reġjuni muntanjużi, f'liema każ il-mark-up ma għandhiex taqbeż il-25 %; (b) il-mark-up ma taqbiżx il-15 % tat-tariffa medja differenzjata għall-infrastruttura kkalkulata skont l-Artikolu 7b(1) u l-Artikolu 7d ħlief fejn id-dħul iġġenerat jiġi investit f'taqsimiet transkonfinali ta' proġetti mfassla biex jippromwovu l-mobbiltà sostenibbli li jinvolvu infrastruttura f'reġjuni muntanjużi, f'liema każ il-mark-up ma għandhiex taqbeż il-25 %;
Ġustifikazzjoni
L-Istati Membri għandhom ikunu jistgħu jużaw id-dħul għat-titjib tal-infrastruttura tat-trasport in ġenerali skont il-prioritajiet tagħhom stess.
Emenda  40 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7e – paragrafu 6
Test propost mill-Kummissjoni Emenda 6. L-ammont ta’ mark-up għandu jitnaqqas mill-ammont tat-tariffa għall-ispiża esterna kkalkulat skond l-Artikolu 7c. imħassar
Ġustifikazzjoni
Ir-raġuni għall-mark up hi dik li tagħti lill-Istati Membri aktar possibilitajiet biex jiffinanzjaw il-kostruzzjoni ta’ proġetti prijoritarji ta’ interess Ewropew u mhix marbuta mal-internalizzazzjoni tal-ispejjeż esterni.
Emenda  41 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7f – paragrafu 1
Test propost mill-Kummissjoni Emenda 1. Ir-rati tat-taxxi għall-użu tat-triq li jikkonsistu biss minn tariffa għall-infrastruttura għandhom jiġu varjati skond il-klassifika Ewropea tal-emissjonijiet b’tali mod li l-ebda taxxa għall-użu tat-triq ma tkun iżjed minn 100 % ogħla mill-ħlas tat-taxxa għall-użu tat-triq iċċarġjat għall-vetturi ekwivalenti li jissodisfaw l-istandards ta’ emissjonijiet l-aktar stretti. 1. Ir-rati tat-taxxi għall-użu tat-triq li jikkonsistu biss minn tariffa għall-infrastruttura għandhom jiġu varjati skont il-klassifika Ewropea tal-emissjonijiet (Anness IIIa, Tabella 1) b’tali mod li l-ebda taxxa għall-użu tat-triq ma tkun iżjed minn 100 % ogħla mill-ħlas tat-taxxa għall-użu tat-triq iċċarġjat għall-vetturi ekwivalenti li jissodisfaw l-istandards ta’ emissjonijiet l-aktar stretti.
Ġustifikazzjoni
Emenda  42 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7f – paragrafu 2
Test propost mill-Kummissjoni Emenda 2. Jekk f’każ ta’ kontroll, sewwieq mhux f’pożizzjoni li jippreżenta d-dokumenti meħtieġa tal-vettura biex jikkonferma l-klassi ta' emissjonijiet tal-vettura, l-Istati Membri jistgħu japplikaw taxxi għall-użu tat-triq sa l-ogħla livell ta’ ċċarġjar possibbli. 2. Jekk f’każ ta’ kontroll, sewwieq mhux f’pożizzjoni li jippreżenta d-dokumenti meħtieġa tal-vettura biex jikkonferma l-klassi ta' emissjonijiet EURO tal-vettura, l-Istati Membri jistgħu japplikaw taxxi għall-użu tat-triq sal-ogħla livell ta’ ċċarġjar possibbli, sakemm ikun hemm il-possibilità li aktar ’il quddiem issir rettifika biex jingħata lura l-eċċess miġbur.
Ġustifikazzjoni
Hemm bżonn li ssir dispożizzjoni għal proċedura li biha l-utenti jkunu jistgħu jieħdu lura d-differenza f’każi fejn ikunu ġew iċċarġjati ammont ogħla mir-rata applikabbli għalihom minħabba li ma kellhomx biżżejjed dokumentazzjoni fil-vettura.
Emenda  43 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7f – paragrafu 3 – punt c
Test propost mill-Kummissjoni Emenda (c) l-ebda taxxa għall-użu tat-triq ma tkun iżjed minn 100 % ogħla mill-ħlas tat-taxxa għall-użu tat-triq iċċarġjat matul l-irħas perjodu tal-ġurnata, tip tal-ġurnata jew staġun. (c) l-ebda taxxa għall-użu tat-triq ma tkun iżjed minn 500% ogħla mill-ħlas tat-taxxa għall-użu tat-triq iċċarġjat matul l-irħas perjodu tal-ġurnata, tip tal-ġurnata jew staġun.
Ġustifikazzjoni
L-Istati Membri għandhom jingħataw biżżejjed libertà biex jagħmlu differenza skont il-ħin tal-ġurnata u l-istaġun.
Emenda  44 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7g – paragrafu 2
Test propost mill-Kummissjoni Emenda 2. Il-Kummissjoni għandha, fi żmien sitt xhur minn meta tirċievi t-tagħrif kollu meħtieġ skond il-paragrafu 1, tagħti opinjoni dwar jekk kienx hemm konformità ma' l-obbligazzjonijiet tal-Artikolu 7d. L-opinjonijiet tal-Kummissjoni għandhom ikunu disponibbli għall-Kumitat imsemmi fl-Artikolu 9c. 2. Il-Kummissjoni għandha, fi żmien sitt xhur minn meta tirċievi t-tagħrif kollu meħtieġ skont il-paragrafu 1, tagħti opinjoni dwar jekk kienx hemm konformità ma' l-obbligazzjonijiet tal-Artikolu 7d. L-opinjonijiet tal-Kummissjoni għandhom ikunu disponibbli għall-Kumitat imsemmi fl-Artikolu 9c u għall-Parlament Ewropew.
Ġustifikazzjoni
Peress li l-għan ta’ din id-direttiva huwa li tiġi introdotta l-internalizzazzjoni tal-ispejjeż esterni, l-informazzjoni pprovduta mill-Istati Membri lill-Kummissjoni dwar fejn u kif dawn jiġu kkalkulati għandhom ikunu disponibbli għall-Parlament Ewropew.
Emenda  45 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7g – paragrafu 3 – punt d a (ġdid)
Test propost mill-Kummissjoni Emenda   (d a) l-allokazzjoni prevista tat-tariffa għall-ispiża esterna.
Ġustifikazzjoni
Din l-Emenda ssaħħaħ il-kunċett tal-earmarking.
Emenda  46 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7g – paragrafu 3 – punt d b (ġdid)
Test propost mill-Kummissjoni Emenda   (d b) pjan speċifiku li jindika kif id-dħul addizzjonali mit-tariffi għall-ispejjeż esterni se jintuża biex titnaqqas il-ħsara kkawżata.
Emenda  47 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7g – paragrafu 4
Test propost mill-Kummissjoni Emenda 4. Il-Kummissjoni, tista’ fi żmien sitt xhur minn meta tirċievi t-tagħrif meħtieġ skond il-paragrafu 3, tiddeċiedi li titlob lill-Istat Membru kkonċernat jadatta t-tariffa proposta tal-ispiża esterna, jekk tikkunsidra li ma kienx hemm konformità ma’ l-obbligazzjonijiet stipulati fl-Artikoli 7b, 7c, 7i jew 9(2). Id-deċiżjoni tal-Kummissjoni għandha tkun disponibbli għall-Kumitat imsemmi fl-Artikolu 9c. 4. Il-Kummissjoni, tista’ fi żmien sitt xhur minn meta tirċievi t-tagħrif meħtieġ skont il-paragrafu 3, tiddeċiedi li titlob lill-Istat Membru kkonċernat jadatta t-tariffa proposta tal-ispiża esterna, jekk tikkunsidra li ma kienx hemm konformità mal-obbligazzjonijiet stipulati fl-Artikoli 7b, 7c, 7i jew 9(2). L-opinjonijiet tal-Kummissjoni għandhom ikunu disponibbli għall-Kumitat imsemmi fl-Artikolu 9c u għall-Parlament Ewropew.
Ġustifikazzjoni
Peress li l-għan ta’ din id-direttiva huwa li tiġi introdotta l-internalizzazzjoni tal-ispejjeż esterni, l-informazzjoni pprovduta mill-Istati Membri lill-Kummissjoni dwar fejn u kif dawn jiġu kkalkulati għandhom ikunu disponibbli għall-Parlament Ewropew.
Emenda  48 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7h – paragrafu 3
Test propost mill-Kummissjoni Emenda 3. Bla ħsara għall-kundizzjonijiet tal-Artikolu 7f(3)(b) u fl-Artikolu 7f(4), ir-rati tat-taxxi għall-użu tat-triq jistgħu f'każijiet eċċezzjonali, jiġifieri, proġetti speċifiċi ta’ interess Ewropew qawwi, ikunu soġġetti għal forom oħra ta' varjazzjoni sabiex tiġi żgurata l-vijabbiltà kummerċjali ta' tali proġetti, meta jkunu esposti għal kompetizzjoni diretta ma' mezzi oħra ta' trasport b’vetturi. L-istruttura ta' ċċarġjar li tirriżulta għandha tkun lineari, proporzjonata, ppubblikata u disponibbli b’mod miftuħ għall-utenti kollha b’termini ugwali u ma għandhiex twassal għal spejjeż addizzjonali li jiġu mgħoddija lil utenti oħra f’forma ta' taxxi ogħla għall-użu tat-triq. Il-Kummissjoni għandha tivverifika l-konformità ma’ dawn il-kundizzjonijiet qabel l-implimentazzjoni tal-istruttura ta' ċċarġjar in kwistjoni. 3. Bla ħsara għall-kundizzjonijiet tal-Artikolu 7f(3)(b) u fl-Artikolu 7f(4), ir-rati tat-taxxi għall-użu tat-triq jistgħu f’każijiet eċċezzjonali, jiġifieri, proġetti speċifiċi ta’ interess Ewropew qawwi fil-qasam tat-trasport tal-merkanzija, ikunu suġġetti għal forom oħra ta’ varjazzjoni sabiex tiġi żgurata l-vijabbiltà kummerċjali ta’ tali proġetti, meta jkunu esposti għal kompetizzjoni diretta ma’ mezzi oħra ta’ trasport b’vetturi. L-istruttura ta' ċċarġjar li tirriżulta għandha tkun lineari, proporzjonata, ppubblikata u disponibbli b’mod miftuħ għall-utenti kollha b’termini ugwali u ma għandhiex twassal għal spejjeż addizzjonali li jiġu mgħoddija lil utenti oħra f’forma ta' taxxi ogħla għall-użu tat-triq. Il-Kummissjoni għandha tivverifika l-konformità ma’ dawn il-kundizzjonijiet qabel l-implimentazzjoni tal-istruttura ta' ċċarġjar in kwistjoni.
Ġustifikazzjoni
L-għan għandu jkun li tintlaħaq sistema ta’ trasport aktar effettiva u effiċjenti u biex tiġi żgurata l-integrazzjoni tas-suq.
Emenda  49 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7i – paragrafu 2
Test propost mill-Kummissjoni Emenda 2. L-arranġamenti għall-ġbir tat-taxxi u t-tariffi għall-użu tat-triq ma għandhomx, b’mod finanzjarju jew b’xi mod ieħor, iqiegħdu lil dawk li ma jużawx is-sistema tat-toroq regolarment fi żvantaġġ mhux ġustifikat. B'mod partikolari, fejn Stat Membru jiġbor it-taxxi jew it-tariffi għall-użu tat-triq esklusivament permezz ta' sistema li teħtieġ l-użu ta' unità abbord il-vettura, dan għandu jiżgura li l-unitajiet abbord li jkunu konformi mar-rekwiżiti tad-Direttiva 2004/52/KE jkunu jistgħu jinkisbu mill-utenti kollha skond arranġamenti amministrattivi u ekonomiċi raġonevoli. 2. L-arranġamenti għall-ġbir tat-taxxi u t-tariffi għall-użu tat-triq ma għandhomx, b’mod finanzjarju jew b’xi mod ieħor, iqiegħdu lil dawk li ma jużawx is-sistema tat-toroq regolarment fi żvantaġġ mhux ġustifikat meta mqabbla ma’ dawk li jużaw forom alternattivi ta’ ħlas. B'mod partikolari, fejn Stat Membru jiġbor it-taxxi jew it-tariffi għall-użu tat-triq esklusivament permezz ta' sistema li teħtieġ l-użu ta' unità abbord il-vettura, dan għandu jiżgura li l-unitajiet abbord li jkunu konformi mar-rekwiżiti tad-Direttiva 2004/52/KE jkunu jistgħu jinkisbu mill-utenti kollha skont arranġamenti amministrattivi u ekonomiċi raġonevoli.
Ġustifikazzjoni
Utenti mhux regolari għandhom ikunu jistgħu jħallsu dawn it-tariffi mingħajr ma jwaħħlu makkinarju obbligatorju.
Emenda  50 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7i – paragrafu 3
Test propost mill-Kummissjoni Emenda 3. Jekk Stat Membru jimponi fuq vettura, jimponi tariffa għall-ispiża esterna, l-ammont ta’ tali tariffa għandu jiġi indikat f’dokument provdut lit-trasportatur tal-merkanzija. 3. Jekk Stat Membru jimponi taxxa għall-użu tat-triq fuq vettura, l-ammont totali ta’ din it-taxxa, l-ammont tat-tariffa għall-infrastruttura u l-ammont tat-tariffa għall-ispiża esterna għandhom jiġu indikati f’dokument ipprovdut lit-trasportatur tal-merkanzija, u jekk jista’ jkun b’mezzi elettroniċi.
Ġustifikazzjoni
Id-dokument ipprovdut lit-trasportatur tal-merkanzija għandu jindika b’mod ċar l-ammonti mħallsa għat-tariffa tal-infrastruttura, għat-tariffa tal-ispiża esterna u għall-VAT.
Emenda  51 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7i – paragrafu 4
Test propost mill-Kummissjoni Emenda 4. Tariffa għall-ispiża esterna għandha tiġi imposta u miġbura permezz ta’ sistema elettronika li hija konformi mar-rekwiżiti tal-Artikolu 2(1) tad-Direttiva 2004/52/KE u li sussegewentement tista’ tiġi estiża għall-partijiet oħra ta’ toroq mingħajr il-ħtieġa ta’ gradi fit-toroq li jimplikaw investiment addizzjonali sinifikanti fit-triq. 4. Tariffa għall-ispiża esterna għandha tiġi imposta u miġbura permezz ta’ sistema elettronika li hija konformi mar-rekwiżiti tal-Artikolu 2(1) tad-Direttiva 2004/52/KE. L-Istati Membri għandhom ukoll jikkoperaw biex jiġi żgurat li jużaw sistemi elettroniċi interoperabbli, li jistgħu jintużaw fit-territorji ta’ xulxin, bil-kundizzjoni li, jekk ikun meħtieġ, ir-rati jiġu aġġustati.
Emenda  52 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7i – paragrafu 5
Test propost mill-Kummissjoni Emenda 5. Madankollu, sal-31 ta’ Diċembru 2013, tariffa għall-ispiża esterna tista’ tiġi imposta jew miġbura permezz ta’ arranġament eżistenti ta’ taxxa għall-użu tat-triq. F’dan il-każ, l-Istat Membru kkonċernat għandu jinnotifika lill-Kummissjoni bil-pjan tiegħu li jibdel għal sistema li tkun konformi mar-rekwiżiti tal-paragrafu 4 sa mhux aktar tard mill-31 ta’ Diċembru 2013. imħassar
Ġustifikazzjoni
Emenda  53 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7i – paragrafu 5 a (ġdid)
Test propost mill-Kummissjoni Emenda   5 a. Malli jinħadem il-mod tekniku kif se joperaw is-servizzi għall-ġbir tat-taxxi għall-użu tat-triq ibbażati fuq is-sistema għall-pożizzjonament satellitari Galileo, it-tariffi għall-ispejjeż esterni għandhom jiġu imposti u miġbura minn sistema elettronika Ewropea interoperabbli għall-ġbir tat-taxxi għall-użu tat-triq kif speċifikat fid-Direttiva 2004/52/KE.
Ġustifikazzjoni
Sistema Ewropea tabilħaqq interoperabbli tal-ġbir ta’ tariffi għall-użu tat-triq hija meħtieġa biex tiżgura effiċjenza u sigurtà ogħla fit-trasport.
Emenda  54 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7j
Test propost mill-Kummissjoni Emenda Din id-Direttiva ma taffetwax il-libertà tal-Istati Membri li jintroduċu sistema ta' taxxi u/jew tariffi għall-użu tat-triq għall-infrastruttura biex jipprovdu, mingħajr preġudizzju għall-Artikoli 87 u 88 tat-Trattat, kumpens xieraq għal dawn it-tariffi. Din id-Direttiva ma taffettwax il-libertà tal-Istati Membri li jintroduċu sistema ta’ taxxi u/jew tariffi għall-użu tat-triq għall-infrastruttura biex jipprovdu, mingħajr preġudizzju għall-Artikoli 87 u 88 tat-Trattat, kumpens xieraq għal dawn it-tariffi, anke jekk dawn ikunu taħt ir-rati minimi tal-Anness I.
Ġustifikazzjoni
Konsistenti meta t-trasformazzjoni tal-prinċipji “min juża jħallas” u “min iniġġes iħallas”.
Emenda  55 Proposta għal direttiva – att li jemenda Artikolu 1 – punt 4 Direttiva 1999/62/KE Artikolu 9 – paragrafu 2 – subparagrafu 1
Test propost mill-Kummissjoni Emenda 2. Stat Membru li fih tiġi miġbura tariffa għall-ispiża esterna għandu jiżgura li d-dħul iġġenerat mit-tariffa jiġi allokat għal miżuri li għandhom l-għan li jiffaċilitaw ipprezzar effiċjenti, inaqqsu t-tniġġis tat-trasport fit-toroq mis-sors, itaffu l-effetti tiegħu, itejbu ir-rendiment tas-CO2 u tal-enerġija tal-vetturi, u jiżviluppaw infrastruttura alternattiva għall-utenti tat-trasport. 2. Stat Membru li fih tiġi imposta tariffa għall-ispiża esterna għandu jiżgura li d-dħul iġġenerat mit-tariffa jiġi allokat bħala prijorità biex inaqqas u fejn ikun possibbli jelimina l-ispejjeż esterni li jirriżultaw mit-trasport fit-toroq. Id-dħul jista’ jintuża wkoll għal miżuri li għandhom l-għan li jiffaċilitaw ipprezzar effiċjenti, inaqqsu t-tniġġis tat-trasport fit-toroq mis-sors, itaffu l-effetti tiegħu, itejbu r-rendiment tas-CO2 u tal-enerġija tal-vetturi tat-trasport fit-toroq, u jiżviluppaw u jtejbu l-infrastruttura tat-toroq eżistenti jew jiżviluppaw infrastruttura alternattiva għall-utenti tat-trasport.
Emenda  56 Proposta għal direttiva – att li jemenda Artikolu 1 – punt 4 Direttiva 1999/62/KE Artikolu 9– paragrafu 2 – subparagrafu 2
Test propost mill-Kummissjoni Emenda Stat Membru li fih tiġi imposta tariffa għall-infrastruttura għandu jiddetermina kif għandu jintuża d-dħul iġġenerat minn dik it-tariffa. Biex is-sistema tat-trasport kollha tkun tista' tiġi żviluppata, id-dħul mit-tariffi għandu jintuża għall-benefiċċju tas-settur tat-trasport u biex ikun jista' jsir l-aħjar użu mis-sistema kollha tat-trasport. Stat Membru li fih tiġi imposta tariffa għall-infrastruttura għandu jiddetermina kif għandu jintuża d-dħul iġġenerat minn dik it-tariffa. Biex is-sistema tat-trasport kollha tkun tista' tiġi żviluppata, id-dħul mit-tariffi għandu jintuża prinċipalment għall-benefiċċju tas-settur tat-trasport fit-toroq u biex ikun jista' jsir l-aħjar użu mis-sistema tat-trasport fit-toroq.
Emenda  57 Proposta għal direttiva – att li jemenda Artikolu 1 – punt 4 Direttiva 1999/62/KE Artikolu 9 – paragrafu 2 – subparagrafu 2 a (ġdid)
Test propost mill-Kummissjoni Emenda   Mill-2011, mill-inqas 15% tad-dħul iġġenerat minn tariffi għall-ispejjeż esterni u minn tariffi infrastrutturali f’kull Stat Membru għandhom jiġu ddedikati għall-appoġġ finanzjarju tal-proġetti TEN-T sabiex tiżdied is-sostenibbiltà tat-trasport. Maż-żmien, dan il-persentaġġ għandu jiżdied gradwalment.
Ġustifikazzjoni
Huwa importanti li dħul ġenerat minn tariffi huwa parzjalment u gradwalment allokat biex jiffinanzja l-prġetti TEN li jipprovdu evidenza liċ-ċittadin dwar l-użu tagħhom
Emenda  58 Proposta għal direttiva – att li jemenda Artikolu 1 – punt 5 Direttiva 1999/62/KE Artikolu 9b
Test propost mill-Kummissjoni Emenda Il-Kummissjoni għandha tiffaċilita d-djalogu u l-iskambju ta' kapaċitajiet tekniċi bejn l-Istati Membri fir-rigward tal-implimentazzjoni ta' din id-Direttiva u b'mod partikolari l-Annessi. Il-Kummissjoni għandha tadatta l-Annessi 0, IIIa u IV fid-dawl tal-progress xjentifiku u tekniku u l-Annessi I u II fid-dawl tal-inflazzjoni. Dawk il-miżuri mfassla biex jemendaw elementi mhux essenzjali ta’ din id-Direttiva għandhom jiġu adottati skond il-proċedura regolatorja bi skrutinju msemmija fl-Artikolu 9c(3). Il-Kummissjoni għandha tiffaċilita d-djalogu u l-iskambju ta' kapaċitajiet tekniċi bejn l-Istati Membri fir-rigward tal-implimentazzjoni ta' din id-Direttiva u b'mod partikolari l-Annessi. Il-Kummissjoni għandha tadatta l-Annessi 0, IIIa u IV fid-dawl tal-progress xjentifiku u tekniku u l-Annessi I, II u IIIa fid-dawl tal-inflazzjoni. Dawk il-miżuri mfassla biex jemendaw elementi mhux essenzjali ta’ din id-Direttiva għandhom jiġu adottati skont il-proċedura regolatorja bi skrutinju msemmija fl-Artikolu 9c(3).
Emenda  59 Proposta għal direttiva – att li jemenda Artikolu 1 – punt 6 Direttiva 1999/62/KE Artikolu 11 – paragrafu 1 – punt b a (ġdid)
Test propost mill-Kummissjoni Emenda   (b a) l-effett tat-tariffa għall-ispiża esterna jew tat-tariffa għall-infrastruttura fuq il-bidla modali, l-ottimizzazzjoni tat-trasport fit-toroq u tal-ambjent u l-effett tat-tariffa għall-ispejjeż esterni fuq l-ispejjeż esterni li l-Istat Membru jkun qed jipprova jkopri permezz tat-taxxa.
Emenda  60 Proposta għal direttiva – att li jemenda Artikolu 1 – punt 6 Direttiva 1999/62/KE Artikolu 11 – paragrafu 1 a (ġdid)
Test propost mill-Kummissjoni Emenda   1 a. Sa mhux aktar tard mill-31 ta’ Diċembru 2010, il-Kummissjoni għandha tippreżenta rapport lill-Parlament Ewropew u lill-Kunsill dwar id-disponibbiltà ta’ postijiet ta’ parkeġġ sikuri u assigurati fin-Netwerk tat-Toroq Trans-Ewropew (TEN).   Barra li jinvolvi s-sieħba soċjali relevanti, dan ir-rapport għandu jkun akkumpanjat minn proposti dwar:   a) l-allokazzjoni ta’ tariffi infrastrutturali għal għadd suffiċjenti ta’ żoni ta’ parkeġġ sikuri u assigurati fuq it-TEN li għandhom jitħarsu mill-operaturi tal-infrastruttura jew mill-awtoritajiet pubbliċi responsabbli għat-TEN;   b) linji gwida għall-Bank Ewropew ta’ Investiment, għall-Fond Ewropew ta’ Koeżjoni u għall-Fond Ewropew Strutturali sabiex fit-tfassil u l-kofinanzjar tal-proġetti TEN jitqiesu kif suppost iż-żoni ta’ parkeġġ sikuri u assigurati.
Ġustifikazzjoni
Sewwieq għajjien huwa responsabbiltà fit-termini tas-sigurtà fit-toroq. Madankollu, numru mhux suffiċjenti ta’ postijiet ta’ parkeġġ sikuri u mhux assigurati fin-Netwerk Trans-Ewropew jagħmel impossibbli wkoll r-rispett legali ta’ obbligazzjonijiet ta’ sewwieqa dwar sewqan u mistrieħ. Sabiex ikunu evitati spejjeż ta’ aċċidenti u biex tkun imtejba s-saħħa u s-sikurezza ta’ sewwieqa ta’ trakkijiet, dan l-argument għandu jkun indirizzat ukoll fid-Direttiva tal-Eurovignette.
Emenda  61 Proposta għal direttiva – att li jemenda Artikolu 1 – punt 6 Direttiva 1999/62/KE Artikolu 11 – paragrafu 2 – punt d a (ġdid)
Test propost mill-Kummissjoni Emenda   (d a) il-fattibbiltà teknika u ekonomika tal-abolizzjoni gradwali tas-sistemi ta’ tariffi bbażati fuq il-ħin u l-introduzzjoni ta’ sistemi bbażati fuq id-distanza u l-ħtieġa li tinżamm deroga għall-Istati Membri li għandhom konfini esterni ma’ pajjiżi terzi biex ikomplu japplikaw sistemi ta’ tariffi bbażati fuq il-ħin għal vetturi ta' merkanzija tqila li jkunu fil-kju fil-punti tal-qsim tal-fruntieri.
Ġustifikazzjoni
Emenda  62 Proposta għal direttiva – att li jemenda Artikolu 1 – punt 6 Direttiva 1999/62/KE Artikolu 11 – paragrafu 2 – punt d b (ġdid)
Test propost mill-Kummissjoni Emenda   (d b) il-ħtieġa ta’ proposta għal skema li tiżgura l-internalizzazzjoni konsistenti u simultanja tal-ispejjeż esterni għall-mezzi l-oħra kollha tat-trasport.
Ġustifikazzjoni
Sabiex tkun prevenuta d-distorsjoni tal-kompetizzjoni bejn mezzi differenti tat-trasport, il-Kummissjoni għandha tissottometti proposti għal direttivi għall-internalizzazzjoni ta’ spejjeż esterni għall-mezzi kollha tat-trasport.
Emenda 63 Proposta għal direttiva – att li jemenda Artikolu 1 – punt 6 Direttiva 1999/62/KE Artikolu 11 – paragrafu 2 – subparagrafu 1 a (ġdid)
Test propost mill-Kummissjoni Emenda   Ir-rapport għandu jkun akkumpanjat minn evalwazzjoni tal-progress tal-internalizzazzjoni tal-ispejjeż esterni għall-mezzi kollha tat-trasport u minn proposta lill-Parlament Ewropew u lill-Kunsill għal reviżjoni ulterjuri ta’ din id-Direttiva.
Emenda  64 Proposta għal direttiva – att li jemenda Anness Direttiva 1999/62/KE Anness IIIa – punt 1 – subparagrafu 2 - parti introduttorja
Test propost mill-Kummissjoni Emenda Fejn Stat Membru jagħżel li jintaxxa tariffa għall-ispiża esterna fuq parti jew partijiet biss tan-netwerk, il-parti jew il-partijiet għandhom jintgħażlu wara valutazzjoni li tistabbilixxi li: Stat Membru jista’ jagħżel li jintaxxa tariffa għall-ispiża esterna fuq parti jew partijiet biss tan-netwerk fuq il-bażi ta’ kriterji oġġettivi.
Ġustifikazzjoni
Li timponi fuq SM valutazzjoni estensiva qabel ma jkun intitolat li jiċċarġja spejjeż esterni, huwa stmat bħala piż amministrattiv mhux neċessarju.
Emenda  65 Proposta għal direttiva – att li jemenda Anness Direttiva 1999/62/KE Anness IIIa – punt 1 – subparagrafu 2 – punt inċiż 1
Test propost mill-Kummissjoni Emenda l-użu tat-toroq minn vetturi fejn it-tariffa għall-ispiża esterna tiġi applikata jiġġenera ħsara ambjentali u aktar konġestjoni minn dik iġġenerata fil-medja f’partijiet oħra tan-netwerk tal-infrastruttura tat-toroq li mhumiex suġġetti għal tariffa għall-ispiża esterna, jew imħassar
Ġustifikazzjoni
Li timponi fuq SM valutazzjoni estensiva qabel ma jkun intitolat li jiċċarġja spejjeż esterni, huwa stmat bħala piż amministrattiv mhux neċessarju.
Emenda  66 Proposta għal direttiva – att li jemenda Anness Direttiva 1999/62/KE Anness IIIa – punt 1 – subparagrafu 2 – punt inċiż 2
Test propost mill-Kummissjoni Emenda l-impożizzjoni ta’ tariffa għall-ispiża esterna fuq partijiet oħra tan-netwerk jista' jkollha effetti negattivi fuq l-ambjent, il-konġestjoni u s-sikurezza fit-toroq, jew it-tassazzjoni u l-ġbir ta' tariffa għall-ispiża esterna fuqhom tkun tinvolvi spiża sproporzjonata. imħassar
Ġustifikazzjoni
Li timponi fuq SM valutazzjoni estensiva qabel ma jkun intitolat li jiċċarġja spejjeż esterni, huwa stmat bħala piż amministrattiv mhux neċessarju.
Emenda  67 Proposta għal direttiva – att li jemenda Anness Direttiva 1999/62/KE Anness IIIa – punt 3 – subparagrafu 1
Test propost mill-Kummissjoni Emenda Għal kull klassi ta’ vettura, tip ta’ triq u perjodu ta’ ħin, L-awtorità indipendenti għandha tiddetermina ammont wieħed speċifiku. L-istruttura ta’ ċċarġjar li tirriżulta għandha tkun trasparenti, ippubblikata u disponibbli b’mod miftuħ għall-utenti kollha b’termini ugwali. Għal kull klassi EURO ta’ vettura, tip ta’ triq u perjodu ta’ ħin, l-awtorità indipendenti għandha tiddetermina ammont wieħed speċifiku. L-istruttura ta’ ċċarġjar li tirriżulta għandha tkun trasparenti, ippubblikata u disponibbli b’mod miftuħ għall-utenti kollha b’termini ugwali.
Emenda  68 Proposta għal direttiva – att li jemenda Anness Direttiva 1999/62/KE Anness IIIa – punt 3 – subparagrafu 4
Test propost mill-Kummissjoni Emenda L-awtorità indipendenti għandha timmonitorja kemm hi effettiva l-iskema ta’ ċċarġjar biex tnaqqas il-ħsara ambjentali li sseħħ mit-trasport fit-toroq u biex tnaqqas il-konġestjoni, fejn din tiġi applikata. Għandha taġġusta regolarment l-istruttura ta’ ċċarġjar u l-ammont speċifiku tat-tariffa iffissata għall-klassi partikolari ta’ vetturi, għat-tip ta’ toroq u għall-perjodu tal-ħin skond it-tibdil fid-domanda għat-trasport. L-awtorità indipendenti għandha timmonitorja kemm hi effettiva l-iskema ta’ ċċarġjar biex tnaqqas il-ħsara ambjentali li sseħħ mit-trasport fit-toroq u biex tnaqqas il-konġestjoni, fejn din tiġi applikata. Għandha taġġusta regolarment l-istruttura ta’ ċċarġjar u l-ammont speċifiku tat-tariffa ffissata għall-klassi EURO partikolari ta’ vetturi, għat-tip ta’ toroq u għall-perjodu tal-ħin skont it-tibdil fid-domanda għat-trasport.
Emenda  69 Proposta għal direttiva – att li jemenda Anness Direttiva 1999/62/KE Anness IIIa – punt 4 – punt 4.1 – Tabella 1
Test propost mill-Kummissjoni
Tabella 1: L-ispiża għat-tniġġis tal-arja ta’ vettura (PCV)
Ċenteżmu Euro/vettura.kilometru Toroq suburbani Toroq oħra interurbani EURO 0 16 13 EURO I 11 8 EURO II 9 8 EURO III 7 6 EURO IV 4 4 EURO V u li jniġġsu anqas 3 2
Valuri f’ċenteżmi euro, 2000
Emenda
Tabella 1: L-ispiża massima li tista' tiġi ċċarġjata għat-tniġġis tal-arja ta’ kwalunkwe vettura fi klassi partikulari
Ċenteżmu Euro/vettura.kilometru Toroq suġġetti għal tariffi ogħla għall-ispejjeż esterni/ Toroq suburbani u awtostradi Toroq suġġetti għal tariffi iktar baxxi għall-ispejjeż esterni/ Toroq suburbani u awtostradi EURO 0 16 12 EURO I 11 8 EURO II 9 7 EURO III 7 6 EURO IV 4 3 EURO V 3 2 EURO VI 2 1 Dawk li jniġġsu anqas mill-EURO VI, pereżempju l-vetturi ta’ merkanzija tqila ibridi jew elettriċi jew vetturi li jaħdmu bi provvista ta’ enerġija tal-gass naturali/ tat-taħlitiet tal-idroġenu jew tal-idroġenu 0 0
Valuri f’ċenteżmi euro, 2000

NOTA SPJEGATTIVA

1. Is-sitwazzjoni attwali

Id-Direttiva Eurovignette 1999/68/KE attwali, kif emendata bid-Direttiva 2006/38/KE effettivament tipprojbixxi l-Istati Membri milli jiċċarġjaw vetturi ta’ ġarr ta’ merkanzija tqila (HGV) ta’ ’l fuq minn 12-il tunnellata (3,5 tunnellata mill-2012 ’il quddiem) għall-ispejjeż esterni fuq toroq li jagħmlu parti min-netwerk TEN.

Fuq it-toroq l-oħra kollha u għall-vetturi taħt it-tnax-il tunnellata, madankollu, l-Istati Membri taħt id-Direttiva Eurovignette attwali huma ħielsa li jiċċarġjaw liema spiża esterna jridu, sakemm jirrispettaw ir-regoli ġenerali tat-Trattat tal-Unjoni Ewropeja, speċjalment il-prinċipji tan-nondiskriminazzjoni u l-proporzjonalità.

2. Il-proposta tal-Kummissjoni

F’Lulju 2008, il-Kummissjoni Ewropea ppreżentat proposta għar-reviżjoni tad-Direttiva eżistenti li tkun tippermetti l-Istati Membri jinstallaw tariffa, intaxxata permezz ta’ taxxa fuq l-użu tat-triq għal ċerti spejjeż esterni. Il-Kummissjoni tipproponi wkoll estensjoni tal-ambitu ġeografiku tad-Direttiva. Għalhekk l-Istati Membri jkollhom bżonn jikkonformaw fuq it-toroq kollha mar-rekwiżiti tad-direttiva meta jiċċarġjaw għall-infrastruttura u l-ispejjeż esterni. Iż-żoni urbani biss jibqgħu ħielsa biex jintroduċu skemi ta’ tariffi regolatorji, kif diġà sar minn bliet differenti.

Il-proposta tal-Kummissjoni hija l-ewwel pass fl-applikazzjoni tal-prinċipju min iniġġes iħallas tat-trasport tat-triq. Ir-rekwiżiti li l-Istati Membri għandhom bżonn jilħqu sabiex jakkwistaw l-awtorizzazzjoni mill-Kummissjoni huma stretti mhux ħażin. Stati Membri jkunu jistgħu jiċċarġjaw biss għal ċertu spejjeż esterni, intaxxati biss permezz ta’ tariffi mingħajr barrikati maġenb it-triq u dan biss jekk isegwu ċerti metodi ta’ kalkulazzjoni kif definit f’Anness IIIa.

3. Sfond għall-proposta attwali

Il-Parlament Ewropew minn dejjem kien favur il-prinċipju tal-internalizzazzjoni tal-ispejjeż esterni. Matul ir-reviżjoni l-aktar riċenti tal-Eurovignette fl-2006, il-Parlament insista għal klawsola fl-Artikolu 11 tad-Direttiva attwali, fejn obbliga lill-Kummisjoni biex tasal għal “ mudell ta’ stima ġeneralment applikabbli, trasparenti, u komprensiv għall-istima tal-ispejjeż esterni sabiex iservi bħala l-bażi ta’ kalkulazzjonijiet futuri ta’ tariffi infrastrutturali.” Dan il-mudell kellu jkun “akkumpanjat minn analiżi tal-impatt tal-internalizzazzjoni tal-ispejjeż esterni għal kull mezz tat-trasport u strateġija għall-implimentazzjoni gradwali tal-mudell għal kull mezz tat-trasport.”

Din l-opinjoni kienet, matul is-snin ripetuta f’ħafna riżoluzzjonijiet tal-Parlament dwar kwistjonijiet tat-trasport[1]. Ir- risoluzzjoni tal-Parlament Ewropew tat-12 ta’ Lulju 2007 dwar l-implimentazzjoni tal-ewwel pakett ferrovjarju jgħid f’paragrafu 2:

"Jikkonsidra li d-Direttiva “Eurovignette 2” hija pass inizjali lejn kompetizzjoni ġusta bejn il-mezzi differenti : kompetizzjoni ġusta mhix possibbli meta l-iċċarġjar ta’ tariffi huwa mandatorju fl-UE għall-ferroviji kollha fuq ir-rotot ferrovjarji kollha, waqt li t-taxxi għall-użu tat-triq fl-UE għandhom limitu ogħla, huma ntaxxati fuq bażi volontarja mingħajr internalizzazzjoni tal-ispejjeż esterni , l-iktar fuq l-awtostrada biss għat-trakkijiet; jitlob, għalhekk lill-Kummissjoni biex tissottometti proposta għal direttiva sal-2008 (ara l-Artikolu 1(9) tad-Direttiva 2006/38/KE tal-Parlament Ewropew u tal-Kunsill tas-17 ta’ Mejju 2006 li temenda d-Direttiva 1999/62/KE dwar l-iċċarġjar ta’ vetturi li jġorru merkanzija tqila għall-użu ta’ ċerti infrastrutturi) fejn l-Eurovignette hija aġġustata skont is-sistema ta’ pprezzar ferrovjarju, taxxi għall-użu tat-triq huma mandatorji għat-trakkijiet kollha ta ’l fuq minn 3.5 tunnellata fuq it-toroq kollha fl-UE mingħajr modi ta’ kif wieħed jaħrab xi regola, u l-ispejjeż esterni huma internalizzati.

Ir-Risoluzzjoni tal-Parlament Ewropew tal-11 ta’ Marzu 2008, dwar politika tat-trasport Ewropew sostenibbli, filwaqt li tqis l-enerġija Ewropea u l-politika dwar l-ambjent tgħid f’paragrafu 12: “ Tinkoraġġixxi lill-Kummissjoni biex tissottometti sa mhux aktar tard minn Ġunju 2008 mudell kompresiv, trasparenti u applikabbli b’mod ġenerali biex issir stima tal-ispejjeż esterni tal-mezzi kollha tat-trasport, fuq liema mudell jiġi bbażat il-kalkolu futur tal-ispejjeż li jridu jiġu mħallsa għall-użu tal-infrastruttura; tosserva li, taħt id-Direttiva Eurovignette, il-mudell għandu jkun akkumpanjat minn analiżi tal-impatt tal-internalizzazzjoni tal-ispejjeż esterni; jistenna mill-Kummissjoni, flimkien mal-inizjattiva li tipproduċi proposti leġiżlattivi; billi tibda bir-reviżjoni tad-Direttiva Eurovignette.”

Abbażi tal-mudell mitlub għall-istima tal-ispejjeż esterni kollha, il-Kummissjoni finalment tipproponi din ir-reviżjoni flimkien ma’ strateġija komprensiva għall-internalizzazzjoni tal-ispejjeż esterni f’kull mezz tat-trasport. It-trasport fuq it-triq mhux waħdu. Mezzi oħra tat-trasport diġà bdew jarmonizzaw l-ispejjeż esterni. Leġiżlazzjoni tal-Kommunità relevanti għal mezzi oħra tat-trasport jew iddaħħal gradwalment tali internalizzazzjoni jew għall-anqas ma tipprevenihiex. Is- CO2 huwa ttrattat billi l-avjazzjoni ġiet inkluża fl-ETS, li tkopri wkoll il-provvista elettrika għall-ferroviji, u fil-futur qarib it-trasport marittimu se jiġi nkluż fis-sistema. Spejjeż oħra esterni jistgħu jiġu internalizzati permezz ta’ tariffi tal-ajruport u tariffi infrastrutturali għall-ferroviji (id-Direttiva 2001/14). Madankollu, sabiex it-tariffi fuq l-aċċess għall-binarji ferrovjarji jiġu mmodulati b’mod aktar wiesa’ u jkollhom internalizzazzjoni kompleta tal-ispejjeż esterni fis-settur ferrovjarju, hija prekondizzjoni li t-triq tapplika tariffi fuq spejjeż esterni.[2] Il-Kummissjoni waslet biex tipproponi t-tfassil mill-ġdid tal-Ewwel Pakkett Ferrovjarju sabiex tintroduċi skemi ta’ tariffi armonizzati dwar storbju relatat mal-aċċess għall-binarji ferrovjarji.

4. Pożizzjoni tar-rapporteur tagħkom u emendi ssuġġeriti

Il-prezzijiet għolja tal-fjuwil u l-kriżi finanzjarja: Iż-żmien għal din ir-reviżjoni seta’ kien aħjar. Imma l-verità inkonvenjenti hija li għandna bżonn naġġustaw mill-aktar fis possibbli[3] l-kondizzjonijiet għall-politika tat-trasport aktar effiċjenti u sostenibbli. Jekk il-prezzijiet ma jirriflettux kif suppost l-ispejjeż soċjali, huma jfallu milli jitrażmettu s-sinjali ekonomiċi t-tajba, u b’hekk iwasslu għal sitwazzjonijiet fejn l-attivitajiet tat-trasport jiġġeneraw spejjeż eċċessivi meta mqabbla ma’ sitwazzjoni effiċjenti. Ir-Rapporteur tagħkom jistma li sistema divrenzjata ta’ tariffi fuq it-triq hija element effiċjenti f’firxa ta’ għażliet politiċi li hemm bżonn għal politika tat-trasport aktar sostenibbli. Taxxi għall-użu tat-triq jistgħu jsiru aktar effikaċi b’mod divrenzjat aktar, madankollu, id-Direttiva attwali ma tippermettieħx. Aktar għażliet dwar tariffi fuq it-triq għall-Istati Membri, permezz tal-aċċettazzjoni tal-prinċipju tal-internalizzazzjoni tal-ispejjeż esterni, huma għalhekk meħtieġa.

Wara li jitqies dan kollu, ir-rapporteur tagħkom jipproponi dan li ġej:

a)  Il-kalkolu tal-ispejjeż esterni huwa possibbli

Il-kalkolu u l-metodoloġija huma sodi. Ejja nibdew bit-tliet esternalitajiet proposti u wkoll bl-ispejjeż esterni tas-CO2, għall-anqas sakemm dawn ma jkunux internalizzati permezz ta’ politika komuni ta’ taxxa fuq il-fjuwil.

Għalissa, ir-rapporteur tagħkom ma jipproponix l-inklużjoni tal-ispejjeż tal-inċidenti, minħabba l-varjetà kbira ta’ mudelli ta’ assikurazzjoni u livelli differenti ta’ internalizzazzjoni tal-ispejjeż tal-inċidenti fl-UE. Minkejja dan, ir-rapporteur tagħkom jappoġġa dan bħala prinċipju u jissuġġerixxi li mhux aktar tard mill-31 ta’ Diċembru 2010, il-Kummissjoni tippreżenta proposti leġiżlattivi dwar l-ispejjeż tal-inċidenti u fuq livelli differenti ta’ internalizzazzjoni fi premiums tal-assikurazzjoni orjentati mar-riskji nazzjonali, sabiex jiġi armonizzat il-livell ta’ internalizzazzjoni tal-ispejjeż tal-inċidenti fl-Istati Membri.

Ir-rapporteur tagħkom jenfasizza wkoll il-bżonn li l-konġestjoni tinżamm fil-proposta. X’uħud jargumentaw li l-vetturi kollha għandhom ikunu suġġett għat-tariffi, mhux il-vetturi li jġorru merkanzija tqila biss. Din hija premessa valida, imma jekk il-konġestjoni ma tkunx inkluża f’din id-Direttiva, qabelxejn, l-Istati Membri ma jistgħux jibdew jintroduċu tariffi fuq spejjeż esterni għall-konġestjoni fuq toroq interurbani.

b) It-ariffi divrenzjati huma effiċjenti

Agħti s-sinjali tal-prezz ġust: Ibda neħħi kemm jista’ jkun malajr is-sistemi ta’ tariffi bbażati fuq il-ħin, żomm kemm jista’ jkun possibbli qrib l-ispejjeż esterni reali (mingħajr limitazzjonijiet, adattament għall-inflazzjoni; korrezjoni tal-valuri mogħtija għall-konġestjoni fl-aqwa ħin tat-traffiku, billi dawn ma jirriflettux il-valuri medji attwali[4]).

c) Żid l-interoperabilità u l-armonizzazzjoni

Inkoraġġixxi sistemi ta’ tariffi mingħajr barrikati. Ipproponi tariffi madatorji kemm jista’ jkun malajr. L-istess regoli kullimkien: Iva mal-estensjoni tal-ambitu ġeografiku. Iddefinixxi l-iskop tal-vetturi aħjar. Id-Direttiva attwali tippermetti wkoll l-Istati Membri li jeskludu vetturi li jiżnu 3, 5 sa 12-il tunnellata mill-applikazzjoni tad-Direttiva. Biex aktar jiġu armonizzati t-tariffi fuq vetturi li jġorru merkanzija tqila fl-UE, ir-rapporteur tagħkom jissuġġerixxi li tiġi applikata d-Direttiva għal kull vettura li ġġorr merkanzija tqila li tiżen 3, 5 jew 12-il tunnellata, mingħajr eċċezzjonijiet.

d) Allokazzjoni tad-dħul

L-allokazzjoni tad-dħul hija essenzjali għal din id-Direttiva. Id-dħul iġġenerat minn tariffi fuq l-ispejjeż esterni m’għandux jispiċċa bħala forma oħra ta’ tassazzjoni. Ir-rapporteur tagħkom għalhekk jappoġġa l-proposta tal-Kummissjoni biex tinvesti lura d-dħul fis-sistema tat-trasport u jipproponi li jsaħħaħ l-obbligu ta’ kif id-dħul għandu jintuża biex jitnaqqsu l-ispejjeż esterni.

Il-proposta tgħid “dħul minn tariffi għandu jintuża għall-benefiċċju tas-settur tat-trasport u biex tiġi ottimizzata s-sistema tat-trasport kollu”. Ir-rapporteur tagħkom jissuġġerixxi li l-kliem “jrid” fit-test eżistenti sabiex it-test jinżamm b’saħħtu kemm jista’ jkun.

e) Passi Futuri

Fl-2013, il-Kummissjoni ser tfassal rapport dwar l-applikazzjoni tad-Direttiva u passi oħra li jridu jittieħdu. Ir-Rapporteur tagħkom jissuġġerixxi li sal-2010 jiżdied rapport u proposti leġiżlattivi dwar l-ispejjeż tal-inċidenti u fuq il-livelli differenti ta’ internalizzazzjoni ta’ dawn l-ispejjeż. Aktar minn hekk ir-rapporteur tagħkom jissuġġerixxi li l-Kummissjoni tingħata skadenza biex teżamina l-possibilitajiet li tintroduċi skemi mandatorji u t-tneħħija ta’ skemi ta’ tariffi bbażati fuq il-ħin sal-2013. Dawn ir-rapporti għandhom jiġu akkumpanjati minn proposti leġiżlattivi.

• [1]  Ara wkoll paragrafu 4 tar-riżoluzzjoni tal-Parlament P6_TA(2007)0345 tat-12 ta’ Lulju 2007 dwar iż-żamma tal-Ewropa miexja – mobilità sostenibbli għall-kontinent tagħna u paragrafu 1 tar-riżoluzzjoni tal-Parlament P6_TA(2007)0345 tal-4 ta’Settembru 2008 dwar it-trasport tal-merkanzija fl-Ewropa.
  .
• [2]  ara d-Direttiva 2001/14 l-Artikolu 7 Paragrafu 5.
• [3]  Id-dħul fis-seħħ tad-Direttiva l-ġdida għandu jkun sa mhux aktar tard mill-31 ta’ Diċembru 2010.
• [4]  Għall-kalkolu: Proġett GRACE – http://www.grace-eu.org

OPINJONI tal-Kumitat għall-Industrija, ir-Riċerka u l-Enerġija (16.12.2008)

għall-Kumitat għat-Trasport u t-Turiżmu

dwar il-proposta għal direttiva tal-Parlament Ewropew u tal-Kunsill li temenda d-Direttiva 1999/62/KE dwar il-ħlas li jrid isir minn vetturi ta’ merkanzija tqila għall-użu ta’ ċerti infrastrutturi
(COM(2008)0436 – C6-0276/2008 – 2008/0147(COD))

Rapporteur: Claude Turmes

ĠUSTIFIKAZZJONI QASIRA

Is-settur tat-trasport, il-punt massimu fil-produzzjoni taż-żejt u s-sostenibilità ambjentali

Is-settur tat-trasport b'mod ġenerali u dak tal-merkanzija b'mod partikolari jużaw il-fjuwils fossili għal 90% tal-ħtiġijiet tagħhom; bħala konsegwenza dan it-tip ta' trasport hu estremament espost għall-prezzijiet ferm volatili taż-żejt. Bħalissa meta l-Aġenzija Internazzjonali tal-Enerġija fil-World Energy Outlook[1] tal-2008 wissiet dwar id-disponibilità futura ta' żejt bi prezz irħis, l-UE saret l-aktar zona esposta, fost iz-zoni ekonomiċi dinjija prinċipali, b'10% biss mit-trasport tal-merkanzija isserraħ fuq mezzi oħra li ma jużawx iż-żejt.

Barra minn dan, fis-settur tat-trasport tal-merkanzija intern tal-UE, it-trasport bit-triq għandu sehem dominanti ta' 46%, it-trasport marittimu għandu 37% waqt li dak bil-ferrovija għandu inqas minn 11%[2]. Il-ġarr ta' merkanzija bit-triq ukoll kiber b'31% fil-perjodu 2000-05 u din it-tendenza hi mistennija li tibqa'.

Minħabba li fl-għexieren ta' snin li ġejjin l-alternattivi sostenibbli għal trakkijiet li jużaw il-fjuwil se jkunu ftit, l-aħjar mod biex tissaħħaħ il-qagħda tal-Unjoni kontra l-kriżijiet ewlenin imħabbra tal-prezz taż-żejt hu li jkun razzjonalizzat is-settur tat-trasport tal-merkanzija bit-triq u li jintużaw aktar il-ferrovija u l-vapur.

Eurovignette aktar favur l-ambjent - dispożizzjonijiet ewlenin

Bħala parti mill-pakkett 'Trasport favur l-Ambjent', il-Kummissjoni f'Lulju 2008 ressqet proposta għal reviżjoni tal-hekk imsejħa Direttiva dwar l-Eurovignette 2006/38/KE li fl-2006 ħadet l-ewwel passi biex ittejjeb id-Direttiva 1999 dwar il-ħlas li jrid isir minn vetturi ta' merkanzija tqila għall-użu ta’ ċerti infrastrutturi. Il-proposta attwali tintroduċi għall-ewwel darba l-opportunità għall-Istati Membri biex japplikaw ħlasijiet 'aktar intelliġenti' (smarter) għas-settur tat-trasport tal-merkanzija bit-triq biex ikopru l-ispejjeż esterni u b'hekk jinkoraġġixxu imġieba aktar sostenibbli fost dawn il-parteċipanti:

· it-tariffa għall-ispiża esterna (li tkopri l-konġestjoni, il-ħsejjes u t-tniġġis tal-arja) tista' tkun applikata mill-Istati Membri (dispożizzjoni mhix mandatorja) għal vetturi ta' merkanzija tqila fuq kwalunkwe parti min-netwerk tat-toroq tagħhom (minbarra zoni urbani) mill-31 ta' Diċembru 2010;

· l-emissjonijiet tas-CO2, id-dipendenza fuq iż-żejt u l-aċċidenti jibqgħu dejjem barra mid-definizzjoni ta' spejjeż esterni;

· it-tariffi se jkunu limitati għal livelli massimi u jvarjaw skont il-ħin tal-ġurnata, id-distanza tal-vjaġġ u l-klassi tat-tip tal-emissjonijiet EURO;

· il-ħlasijiet b'ostakli mhux se jibqgħu jkunu permessi aktar; il-ġbir ta' tariffa se jkun ibbażat fuq sistema elettronika - perjodu ta' tranżizzjoni sa Jannar 2014;

· id-dħul minn spejjeż esterni ta' tariffi se jkun allokat biex itejjeb ir-rendiment sostenibbli tat-trasport bit-triq;

· reviżjoni prevista ta' dispożizzjonijiet attwali fl-2013 minħabba l-evalwazzjoni jekk l-ispejjeż esterni se jsiru obligatorji u jinkludu l-emissjonijiet tas-CO2;

Punti ewlenin tal-proposta

Ir-rapporteur għal opinjoni jilqa' b'sodisfazzjon il-proposta tal-Kummissjoni minħabba li, għall-ewwel darba, tintroduċi l-prinċipju tal-internalizzazzjoni u għalhekk taħdem favur it-tkomplija tat-titjib leġiżlattiv inawgurat bid-Direttiva dwar l-Eurovignette tal-2006.

Hi l-opinjoni tiegħu li għandha tkun sfruttata b'mod sħiħ l-opportunità ta' din it-tieni reviżjoni permezz ta' miżuri konkreti u sostantivi biex jinkisbu riżultati tanġibbli u jsir kontribut biex jintlaħqu l-miri tal-Unjoni dwar l-ambjent u l-effiċjenza fl-enerġija sal-2020.

Għal dan il-għan, ir-rapporteur għal opinjoni jemmen li l-proposta għandha tkun imsaħħa b'dispożizzjonijiet aktar ambizzjużi:

v Dispożizzjoni li torbot għall-internalizzazzjoni mill-Istati Membri kollha

Il-metodu mhux obbligatorju għall-internalizzazzjoni mhux se jgħin biex iġib il-benefiċċji ambjentali u soċjali mistennija. Biex ikunu żgurati riżultati u biex ikun realizzat l-objettiv ta' sistema ta' trasport Ewropea aktar nadifa, it-tariffa għall-ispiża esterna għandha tapplika għall-Istati Membri kollha.

v Inklużjoni ta' ħsara lin-natura u l-pajsaġġ, il-bidla fil-klima, id-dipendenza fuq iż-żejt u l-aċċidenti (minbarra dawk koperti minn assigurazzjoni) fid-definizzjoni ta' 'spiża esterna'

Bla dubju l-fatturi kollha msemmija hawn iwasslu għal spiża kbira għall-ekonomija u s-soċjetà. Li dawn ikunu esklużi mid-definizzjoni ta' 'spejjeż esterni' imur kontra s-sejbiet tal-Handbook dwar stima ta' spejjeż esterni fis-settur tat-trasport[3]. Li wieħed jistrieħ fuq metodi oħra permezz ta' taxxa fuq il-fjuwil pereżempju fir-rigward tal-internalizzazzjoni tal-bidla fil-klima ma jidhirx li hu daqshekk promettenti biex iwassal għar-riżultati mitluba minħabba l-unanimità rikjesta fil-preżent għal miżuri dwar tassazzjoni fuq livell ta' UE.

v It-tneħħija tal-limiti fuq it-tariffi għall-ispiża esterna fl-Anness IIIA

Ir-rapporteur għal opinjoni hu tal-fehma li l-valuri massimi ta' tariffi għandhom jinżammu miftuħa sabiex jirriflettu b'mod preċiż il-valur tal-ispejjeż esterni f'sitwazzjoni partikolari u t-tariffa tkun stabbilita skont il-każ. Il-kontrolli mibnija internament f'din il-proposta dwar metodu ta' kalkolazzjoni u rappurtar lill-Kummissjoni huma garanzija kontra użu ħażin possibbli minn xi Stati Membri.

v Assenjazzjoni tad-dħul - tisħiħ tad-dispożizzjoni

L-użu xieraq tad-dħul iġġenerat minn tariffi għall-ispiża esterna hu ċentrali biex jintlaħqu l-għanijiet ta' din il-proposta. Dawn għandhom ikunu speċifikament immirati għal proġetti li l-għan tagħhom hu s-sotenibilità tan-netwerk tat-trasport. Ir-rapporteur għal opinjoni jissuġġerixxi li d-direzzjoni mogħtija lill-Istati Membri tkun aktar ristretta fir-rigward tal-oqsma fejn dan id-dħul jista' jkun investit biex tkun evitata l-possibilità li minflok dawn il-fondi jintużaw għal spejjeż normali ta' manutenzjoni tal-infrastruttura.

EMENDI

Il-Kumitat għall-Industrija, ir-Riċerka u l-Enerġija jistieden lill-Kumitat għat-Trasport u t-Turiżmu, bħala l-kumitat responsabbli, sabiex jinkorpora l-emendi li ġejjin fir-rapport tiegħu:

Emenda  1 Proposta għal direttiva – att li jemenda Premessa 1
Test propost mill-Kummissjoni	Emenda
(1) Il-promozzjoni tat-trasport sostenibbli hija element essenzjali fil-politika komuni għat-trasport. Għal dan il-għan, l-impatti negattivi tat-trasport, b’mod partikolari l-konġestjoni, li tfixkel il-mobilità, it-tniġġis, li joħloq ħsara għas-saħħa u għall-ambjent, u l-kontribut tiegħu għat-tibdil fil-klima għandhom jitnaqqsu. Barra dan, ir-rekwiżiti għall-ħarsien tal-ambjent għandhom jiġu integrati fid-definizzjonu u l-implimentazzjoni ta’ poltiki Komunitarji oħra, inkluża l-politika komuni għat-trasport.	(1) Il-promozzjoni tat-trasport sostenibbli hija element essenzjali fil-politika komuni għat-trasport. Għal dan il-għan, l-impatti negattivi tat-trasport, b’mod partikolari l-konġestjoni, li tfixkel il-mobilità, it-tniġġis, li joħloq ħsara għas-saħħa u għall-ambjent, u l-kontribut tiegħu għat-tibdil fil-klima għandhom jitnaqqsu. Barra dan, ir-rekwiżiti għall-ħarsien tal-ambjent għandhom jiġu integrati fid-definizzjoni u l-implimentazzjoni ta’ politiki Komunitarji oħra, inkluża l-politika komuni għat-trasport. Il-prijoritajiet tal-ħarsien tal-ambjent, tal-objettivi tal-koeżjoni soċjali u ekonomika u tal-kompetittività tal-kummerċ tal-UE għandhom ikunu rikonċiljati b'mod ibbilanċjat bħala parti mill-Istrateġija ta' Liżbona għat-tkabbir u l-impjiegi.
Ġustifikazzjoni
Il-proposta ma tqisx l-ispejjeż li jeżistu diġà fuq l-operaturi tat-trasport li ġejjin mill-konġestjoni u l-piż globali tat-taxxi fuq il-kumpaniji. Għalkemm it-trasport tal-merkanzija bit-triq jikkawża 10% tal-konġesjoni tat-traffiku, l-operaturi tat-trasport iridu jerfgħu l-ispejjeż marbuta mal-konġestjoni minħabba żieda fl-ispejjez fissi u varjabbli, il-ħin moħli u t-telfien ta’ dħul. Barra minn hekk, l-Artikolu 7.10 tad-Direttiva 1999/62 diġà jipprevedi għodda li biha l-Istati Membri jistgħu jikkumbattu l-konġestjoni.
Emenda  2 Proposta għal direttiva – att li jemenda Premessa 2 a (ġdida)
Test propost mill-Kummissjoni	Emenda
	(2a) Ir-riżultati ta'"Il-Programm għal politika ta' trasport sostenibbli fl-Ewropa" għandhom jiġu implimentati f'din id-Direttiva.
Ġustifikazzjoni
Huwa vitali li jitqiesu r-riżultati ta' "Il-programm għal politika ta' trasport sostenibbli fl-Ewropa".
Emenda  3 Proposta għal direttiva – att li jemenda Premessa 2 b (ġdida)
Test propost mill-Kummissjoni	Emenda
	(2b) Huwa vitali li jkun żgurat li l-progress fit-titjib tal-kwalità tal-fjuwil ma jkunx imfixkel, u li l-inċentivi għall-kumpaniji li jħallsu t-taxxi biex jinvestu fi fjuwils alternattivi, bħall-bijofjuwils, ikunu integrati f'din id-direttiva.
Ġustifikazzjoni
It-titjib tal-kwalità tal-fjuwil, kif ukoll it-tranżizzjoni mill-fjuwils ibbażati fuq iż-żejt għall-bijofjuwils huma prijoritajiet essenzjali biex tonqos id-dipendenza tal-Ewropa fuq iż-żejt, kif ukoll sabiex jintlaħqu l-miri tal-UE għat-tnaqqis tal-emissjonijiet.
Emenda  4 Proposta għal direttiva – att li jemenda Premessa 3
Test propost mill-Kummissjoni	Emenda
(3) Sabiex is-sistema tat-trasport titjieb bl-aħjar mod possibbli skond dan, il-politika komuni għat-trasport għandha tuża varjetà ta’ strumenti biex l-infrastuttura u t-teknoloġiji tat-trasport jitjiebu u jippermettu ġestjoni aktar effiċjenti tad-domanda għat-trasport. Dan jitlob aktar uża tal-prinċipju “l-utent iħallas” u għall-iżvilupp tal-prinċipju “min iniġġes iħallas” fis-settur tat-trasport.	(3) Sabiex is-sistema tat-trasport titjieb bl-aħjar mod possibbli skond dan, il-politika komuni għat-trasport għandha tuża varjetà ta’ strumenti biex l-infrastuttura u t-teknoloġiji tat-trasport jitjiebu u jippermettu ġestjoni aktar effiċjenti tad-domanda għat-trasport. Dan jitlob evalwazzjoni tal-impatt ta' kwalunkwe inizjattiva politika ġdida, skont id-dispożizzjonijiet tal-Istrateġija ta' Liżbona u l-Istrateġija għal Żvilupp Sostenibbli. Kwalunkwe deċiżjoni marbuta mal-prinċipju obbligatorju applikabbli fil-ġejjieni għad-dispożizzjonijiet ta' din id-Direttiva għandhom ikunu bbażati biss fuq analiżi fil-fond tal-ispejjeż f'termini ta' benefiċċju li tqis il-piż globali fuq it-trasport tal-merkanzija bit-triq.
Ġustifikazzjoni
Filwaqt li l-prinċipju ta' "min iniġġes iħallas" huwa mezz sabiex tiġi applikata taxxa li bl-ebda mod ma tiggarantixxi tnaqqis fl-effetti esterni fil-mira, analiżi fil-fond dwar l-ispejjeż f'termini ta' benefiċċji skont l-inizjattiva tal-UE dwar "regolamentazzjoni aħjar" tippromwovi aħjar it-tnaqqis, f'ras il-għajn, tal-effetti esterni tat-trasport tal-merkanzija bit-triq bi spiża minima għall-ekonomija Ewropea kollha.
Emenda  5 Proposta għal direttiva – att li jemenda Premessa 5
Test propost mill-Kummissjoni	Emenda
(5) Sabiex nimxu lejn politika sostenibblli għat-trasport, il-prezzijiet tat-trasport għandhom jirriflettu aħjar l-ispejjeż relatati mat-tniġġis tal-arja u ma’ l-istorbju tat-traffiku, it-tibdil fil-klima u l-konġestjoni kkawżati mill-użu reali tal-vetturi, tal-ferroviji, tal-ajruplani jew tal-vapuri bħala mezz għall-aħjar titjib tal-użu tal-infrastruttura, it-tnaqqis tat-tniġġis lokali, il-ġestjoni tal-konġestjoni u mezz kif nikkumbattu kontra t-tibdil fil-klima bl-inqas spiża għall-ekonomija. Dan jitlob approċċ gradwali fil-mezzi kollha tat-trasport, fejn jitqiesu l-karatteristiċi partikolari tagħhom.	(5) Sabiex nimxu lejn politika sostenibbli għat-trasport, il-prezzijiet tat-trasport għandhom jirriflettu aħjar l-ispejjeż relatati mat-tniġġis tal-arja u ma’ l-istorbju tat-traffiku, ma' ħsara lin-natura u l-pajsaġġ, it-tibdil fil-klima, aċċidenti li mhumiex koperti minn assigurazzjoni, u l-konġestjoni kkawżati mill-użu reali tal-vetturi, tal-ferroviji, tal-ajruplani jew tal-vapuri bħala mezz għall-aħjar użu tal-infrastruttura, it-tnaqqis tat-tniġġis lokali, il-ġestjoni tal-konġestjoni u mezz kif nikkumbattu kontra t-tibdil fil-klima bl-inqas spiża għall-ekonomija. Dan jitlob approċċ gradwali fil-mezzi kollha tat-trasport, fejn jitqiesu l-karatteristiċi partikolari tagħhom.
Emenda  6 Proposta għal direttiva – att li jemenda Premessa 9 a (ġdida)
Test propost mill-Kummissjoni	Emenda
	(9a) L-internalizzazzjoni tal-ispejjeż tat-trasport estern isseħħ mhux biss permezz ta' tariffi għall-utent imma wkoll permezz tal-iżvilupp ta' infrastrutturi bil-għan li jkunu offruti alternattivi veri għall-għamliet ta' trasport li l-aktar iniġġsu, permezz tal-promozzjoni tar-riċerka u l-avvanzi teknoloġiċi u l-armonizzazzjoni tal-istandards fuq il-livell tal-UE.
Ġustifikazzjoni
L-internalizzazzjoni tal-ispejjeż tat-trasport estern huwa proċess kumpless, fejn wieħed mill-komponenti prinċipali huwa l-introduzzjoni ta' sistema ta' tariffi msejsa fuq il-prinċipju ta' "min iniġġes iħallas".
Emenda  7 Proposta għal direttiva – att li jemenda Premessa 14
Test propost mill-Kummissjoni	Emenda
(14) Taxxi għall-użu tat-triq ibbażati fuq id-distanza li wieħed jivvjaġġa għandhom ikunu jistgħu jinkludu element tal-ispiża esterna bbażat fuq l-ispiża tat-tniġġis tal-arja u mill-istorbju tat-traffiku. Barra minn dan, fuq toroq li ġeneralment ikunu traffikużi ħafna u matul il-perjodi l-aktar traffikużi, l-ispejjeż tal-konġestjoni li l-biċċa l-kbira tagħhom jiġġarbu f’livell lokali, għandhom ukoll ikunu jistgħu jiġu rkuprati permezz tat-tariffa għall-ispiża esterna. L-element tal-ispiża esterna inkluż fit-taxxi għall-użu tat-triq għandu jkun jista’ jiġi miżjud mal-ispiża tal-infrastruttura, sakemm jiġu rispettati ċerti kundizzjonijiet fil-kalkolu tal-ispejjeż sabiex ikun evitat ċċarġjar żejjed.	(14) Taxxi għall-użu tat-triq ibbażati fuq id-distanza li wieħed jivvjaġġa għandhom ikunu jistgħu jinkludu element tal-ispiża esterna bbażat fuq l-ispiża tat-tniġġis tal-arja u mill-istorbju tat-traffiku, il-ħsara lin-natura u l-pajsaġġ, il-bidla fil-klima, u aċċidenti li mhumiex koperti minn assigurazzjoni. Barra minn dan, fuq toroq li ġeneralment ikunu traffikużi ħafna u matul il-perjodi l-aktar traffikużi, l-ispejjeż tal-konġestjoni li l-biċċa l-kbira tagħhom jiġġarbu f’livell lokali, għandhom ukoll ikunu jistgħu jiġu rkuprati permezz tat-tariffa għall-ispiża esterna. L-element tal-ispiża esterna inkluż fit-taxxi għall-użu tat-triq għandu jkun jista’ jiġi miżjud mal-ispiża tal-infrastruttura, sakemm jiġu rispettati ċerti kundizzjonijiet fil-kalkolu tal-ispejjeż sabiex ikun evitat ċċarġjar żejjed.
Emenda  8 Proposta għal direttiva – att li jemenda Premessa 15
Test propost mill-Kummissjoni	Emenda
(15) It-tariffa għall-ispiża esterna għandħa tvarja skond it-tipi ta' toroq, it-tipi ta’ vetturi u l-perjodi tal-ħin bħall-perjodi l-aktar u lanqas traffikużi tal-ġurnata, tal-ġimgħa u tal-istaġun u l-perjodu tal-lejl, sabiex jirriflettu aħjar l-ispiża tat-tniġġis tal-arja u mill-istorbju minħabba t-traffiku.	(15) It-tariffa għall-ispiża esterna għandha tvarja skond it-tipi ta' toroq, it-tipi ta’ vetturi u l-perjodi tal-ħin bħall-perjodi l-aktar u lanqas traffikużi tal-ġurnata, tal-ġimgħa u tal-istaġun u l-perjodu tal-lejl, sabiex jirriflettu aħjar l-ispiża tat-tniġġis tal-arja, mill-istorbju minħabba t-traffiku, mill-ħsara lin-natura u l-pajsaġġ, u minn aċċidenti li mhumiex koperti minn assigurazzjoni.
Emenda  9 Proposta għal direttiva – att li jemenda Premessa 21 a (ġdida)
Test propost mill-Kummissjoni	Emenda
	(21a) Jeħtieġ li jkun eżaminat l-istat attwali tal-affarijiet f'ċertu Stati Membri dwar il-ħlas tal-VAT fuq il-vignette jew fuq it-taxxa għall-użu tat-toroq kif ukoll dwar l-armonizzazzjoni tas-sistema fiskali applikabbli sabiex ma jinħolqux ostakli artifiċjali għall-moviment ħieles tal-merkanzija u jkun evitat il-ħlas doppju ta' taxxi.
Ġustifikazzjoni
Huwa importanti li r-reġim fiskali applikabbli għall-Eurovignette jew għat-taxxa għall-użu tat-toroq ikun ugwali fl-Istati Membri kollha, sabiex ikun żgurat li ma jinħolqux ostakli artifiċjali għall-moviment ħieles tal-merkanzija.
Emenda  10 Proposta għal direttiva – att li jemenda Premessa 23 a (ġdida)
Test propost mill-Kummissjoni	Emenda
	(23a) Il-konġestjoni fit-toroq hija r-riżultat tal-kwalità tal-infrastrutturi attwali tat-trasport u l-livelli ta' kapaċità u l-volum ta' traffiku tal-karozzi privati u tal-vetturi li jittrasportaw persuni u merkanzija; għalhekk huwa meħtieġ li Stat Membru jinvesti fl-infrastrutturi tat-trasport sabiex jitnaqqsu kemm jista' jkun l-ispejjeż esterni ġġenerati minnhom.
Ġustifikazzjoni
Il-konġestjoni u t-tniġġis huma riżultat tal-limitazzjonijiet tal-infrastrutturi tat-trasport f'termini ta' kapaċità u kwalità. It-trasportaturi mhumiex l-uniċi persuni li joħolqu problemi u m'għandhomx ikunu l-uniċi li jħallsu. Hija r-responsabilità tal-Istati Membri li jtejbu l-infrastruttura tat-trasport bil-għan li jnaqqsu l-ispejjeż esterni.
Emenda  11 Proposta għal direttiva – att li jemenda Premessa 23 b (ġdida)
Test propost mill-Kummissjoni	Emenda
	(23b) L-Istati Membri għandhom jużaw il-baġit tan-Netwerk tat-Trasport Trans-Ewropew (TEN-T) u l-Fondi Strutturali biex itejbu l-infrastrutturi tat-trasport bil-għan li jitnaqqsu l-ispejjeż esterni tat-trasport b'mod ġenerali u jimplimentaw mezzi elettroniċi għall-ġbir tat-tariffi li jirriżultaw mid-dispożizzjonijiet ta' din id-Direttiva.
Ġustifikazzjoni
Se jkun meħtieġ investiment sostanzjali kemm għat-titjib tal-infrastrutturi tat-trasport u kemm għall-implimentazzjoni tal-mezzi tal-ġbir tat-tariffi. L-Istati Membri għandhom ikunu jistgħu jużaw kemm il-baġit TEN-T u kemm il-Fondi Strutturali għal skopijiet ta' titjib tal-infrastrutturi tat-trasport bil-għan li jitnaqqsu l-ispejjeż esterni.
Emenda  12 Proposta għal direttiva – att li jemenda Premessa 24
Test propost mill-Kummissjoni	Emenda
(24) Skond l-objettivi tal-politika għat-trasport ta’ din id-Direttiva, id-dħul addizzjonali ġġenerat mit-tariffa għall-ispiża esterna għandu jintuża għal proġetti b’interess Komunitraju wiesgħa u mfassal biex jippromwovi l-mobilità sostenibbli in ġenerali. Proġetti ta’ dan it-tip għandhom għalhekk ikunu marbuta ma’ kif ikun iffaċilitat pprezzar aktar effiċjenti, tnaqqis mis-sors ta’ tniġġis tat-trasport, kif jittaffew l-effetti tiegħu, titjib fir-rendiment tas-CO2 u tal-enerġija tal-vetturi, u l-iżvilupp ta’ infrastruttura alternattiva għall-utenti tat-trasport. Tinkludi per eżempju riċerka u żvilupp dwar vetturi aktar nodfa u l-implimentazzjoni tal-parti dwar it-trasport fil-pjanijiet ta’ azzjoni skond id-Direttiva tal-Kunsill 96/62/KE tas-27 ta' Settembru 1996 dwar l-istima u l-immaniġġar tal-kwalità tal-arja ċirkostanti [arja ambjentali] u d-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 li tirrigwarda l-istudju u l-amministrazzjoni tal-ħsejjes [tal-istorbju] ambjentali, li jistgħu jinkludu miżuri biex jittaffa t-tniġġis tal-arja u mill-ħsejjes minħabba t-traffiku [l-istorbju mit-traffiku] madwar infrastrutturi kbar u f’agglomerazzjonijiet. L-allokazzjoni ta’ dan id-dħul ma teżonerax lill-Istati Membri mill-obbligu stipulat fl-Artikolu 88(3) tat-Trattat li l-Kummissjoni tkun mgħarrfa dwar ċerti miżuri nazzjonali lanqas ma tippreġudika l-konklużjoni ta’ kwalunkwe proċedura mibdija skond l-Artikoli 87 u 88 tat-Trattat.	(24) Skond l-objettivi tal-politika għat-trasport ta’ din id-Direttiva, id-dħul addizzjonali ġġenerat mit-tariffa għall-ispiża esterna għandu jintuża sabiex itejjeb is-settur tat-trasport b'mod ġenerali, speċjalment proġetti b’interess Komunitarju wiesa', u bil-għan li jitnaqqsu l-ispejjeż esterni. Proġetti ta’ dan it-tip għandhom għalhekk ikunu marbuta ma’ kif ikun iffaċilitat pprezzar aktar effiċjenti, tnaqqis mis-sors ta’ tniġġis tat-trasport, kif jittaffew l-effetti tiegħu u l-iżvilupp ta’ infrastruttura alternattiva u sostenibbli għall-utenti tat-trasport. Tinkludi per eżempju riċerka u żvilupp dwar vetturi aktar nodfa, tiswija, manutenzjoni u titjib tax-xogħlijiet fuq l-infrastrutturi eżistenti, l-iżvilupp ta' infrastruttura ġdida u l-implimentazzjoni tal-parti dwar it-trasport fil-pjanijiet ta’ azzjoni skond id-Direttiva tal-Kunsill 96/62/KE tas-27 ta' Settembru 1996 dwar l-istima u l-immaniġġar tal-kwalità tal-arja ċirkostanti [arja ambjentali] u d-Direttiva 2002/49/KE tal-Parlament Ewropew u tal-Kunsill tal-25 ta’ Ġunju 2002 li tirrigwarda l-istudju u l-amministrazzjoni tal-ħsejjes [tal-istorbju] ambjentali, li jistgħu jinkludu miżuri biex jittaffa t-tniġġis tal-arja u mill-ħsejjes minħabba t-traffiku [l-istorbju mit-traffiku] madwar infrastrutturi kbar u f’agglomerazzjonijiet. L-allokazzjoni ta’ dan id-dħul ma teżonerax lill-Istati Membri mill-obbligu stipulat fl-Artikolu 88(3) tat-Trattat li l-Kummissjoni tkun mgħarrfa dwar ċerti miżuri nazzjonali lanqas ma tippreġudika l-konklużjoni ta’ kwalunkwe proċedura mibdija skond l-Artikoli 87 u 88 tat-Trattat.
Ġustifikazzjoni
L-internalizzazzjoni tal-ispiża esterna m’għandhiex tkun għan fiha nnifisha, iżda orjentata għal għan, għall-iżvilupp ta’ infrastrutturi effiċjenti u sostenibbli. L-allokazzjoni ta’ dħul addizzjonali mill-internalizzazzjoni tal-ispiża esterna għandu jiġġenera l-aħjar kundizzjonijiet u dawk l-aktar sostenibbli ta’ mobilità għall-utenti tat-trasport.
Emenda  13 Proposta għal direttiva – att li jemenda Premessa 25 a (ġdida)
Test propost mill-Kummissjoni	Emenda
	(25a) Il-Kummissjoni għandha tieħu l-miżuri kollha meħtieġa biex tiżgura l-introduzzjoni ta’ sistema Ewropea tabilħaqq interoperabbli ta’ ġbir ta’ tariffi għall-użu tat-triq skont id-Direttiva 2004/52/KE.
Ġustifikazzjoni
Sistema li hija tassew sistema Ewropea interoperabbli għall-ġbir tat-taxxi għall-użu tat-triq hija meħtieġa biex tiġi żgurata effiċjenza ogħla u sikurezza fit-trasport.
Emenda  14 Proposta għal direttiva – att li jemenda Premessa 26 a (ġdida)
Test propost mill-Kummissjoni	Emenda
	(26a) L-Istati Membri meta jirċievu l-kofinzjament mill-UE għall-infrastruttura tat-toroq għandhom jipprovdu lill-Kummissjoni bi stima tad-dħul mistenni meta japplikaw din id-Direttiva kif ukoll id-Direttiva 1999/62/KE u d-Direttiva 2006/38/KE.
Emenda  15 Proposta għal direttiva – att li jemenda Premessa 27 a (ġdida)
Test propost mill-Kummissjoni	Emenda
	(27a) L-użu ta' fondi mill-UE u ta' dħul minn tariffi tat-toroq fil-qafas ta' din id-Direttiva kif ukoll tad-Direttiva 1999/62/KE u d-Direttiva 2006/38/KE għandhom jinkorporaw ir-rekwiżiti tad-Direttiva 2004/52/KE. Dan għandu jwassal għal pożizzjoni aktar b'saħħitha fis-suq dinji għall-industriji tal-UE li jipproduċu dawn is-sistemi.
Emenda  16 Proposta għal direttiva – att li jemenda Premessa 27 b (ġdida)
Test propost mill-Kummissjoni	Emenda
	(27b) Ir-reġjun muntanjuż transkonfinali Alpin għandu japplika l-prinċipji tal-Konvenzjoni Alpina tal-Protokoll dwar it-Trasport u għalhekk għandu jitħalla jintroduċi miżuri addizzjonali mhux diskriminatorji biex ikunu kkalkulati l-ispejjeż esterni u jsir sussidju trasversali għat-trasport bil-ferrovija.
Emenda  17 Proposta għal direttiva – att li jemenda Premessa 29 a (ġdida)
Test propost mill-Kummissjoni	Emenda
	(29a) Il-miżuri kumplimentarji għandhom jagħtu spinta lill-effetti tas-sistemi ta' pprezzar sabiex ikunu megħluba l-isfidi tal-bidla fil-klima u mtejba l-prestazzjoni ambjentali tas-sistema ta' trasport, b'mod partikulari sabiex jintlaħqu l-objettivi tal-politika tat-trasport tal-UE: bidla modali aktar ibbilanċjata, aktar effiċjenza fil-prestazzjoni loġistika tat-trasport bit-triq, tnaqqis fil-konsum tal-enerġija u fl-emissjonijiet mis-settur tat-trasport bl-użu tat-toroq.
Ġustifikazzjoni
Is-sistema ta' pprezzar għandha tkun parti waħda biss tal-miżuri maħsuba għat-titjib tal-prestazzjoni ambjentali tas-sistema tat-trasport.
Emenda  18 Proposta għal direttiva – att li jemenda Artikolu 1 – punt 1 Direttiva 1999/62/KE Artikolu 2 – punt b b
Test propost mill-Kummissjoni Emenda (bb) ‘tariffa għall-ispiża esterna’ tfisser tariffa intaxxata permezz ta’ taxxa għall-użu tat-triq imġarrba minn Stat Membru għall-iskop ta’ rkupru ta’ spejjeż relatati mat-tniġġis tal-arja u mill-istorbju minħabba t-traffiku u l-konġestjoni; (bb) ‘tariffa għall-ispiża esterna’ tfisser tariffa intaxxata permezz ta’ taxxa għall-użu tat-triq imġarrba minn Stat Membru għall-iskop ta’ rkupru ta’ spejjeż relatati mat-tniġġis tal-arja u mill-istorbju, mal-ħsara lin-natura u l-pajsaġġ, il-konġestjoni u aċċidenti li mhumiex koperti minn assigurazzjoni;
Emenda  19 Proposta għal direttiva – att li jemenda Artikolu 1 – punt 1 Direttiva 1999/62/KE Artikolu 2 – punt b c
Test propost mill-Kummissjoni Emenda (bc) ‘spiża tat-tniġġis tal-arja minħabba t-traffiku’ tfisser l-ispiża tal-ħsara kkawżata mir-rilaxx ta’ ċerti emissjonijiet ta’ ħsara fl-arja meta vettura tkun qiegħda titħaddem; (bc) ‘spiża tat-tniġġis tal-arja minħabba t-traffiku’ tfisser l-ispiża tal-ħsara kkawżata mir-rilaxx ta’ ċerti emissjonijiet ta’ ħsara fl-arja meta vettura tkun qiegħda tintuża, inklużi l-effetti tagħha fuq is-saħħa;
Emenda  20 Proposta għal direttiva – att li jemenda Artikolu 1 – punt 1 Direttiva 1999/62/KE Artikolu 2 – punt b d
Test propost mill-Kummissjoni Emenda (bd) ‘spiża tat-tniġġis mill-istorbju minħabba t-traffiku’ tfisser l-ispiża tal-ħsara kkawżata mill-istorbju li vettura tagħmel jew li jkun ġġenerat mill-interazzjoni tal-vettura mal-wiċċ tat-triq; (bd) ‘spiża tat-tniġġis mill-istorbju minħabba t-traffiku’ tfisser l-ispiża tal-ħsara kkawżata mill-istorbju li vettura tagħmel jew li jkun iġġenerat mill-interazzjoni tal-vettura mal-wiċċ tat-triq, inklużi l-effetti tagħha fuq is-saħħa;
Emenda  21 Proposta għal direttiva – att li jemenda Artikolu 1 – punt 1 Direttiva 1999/62/KE Artikolu 2 – punt be a (ġdid)
Test propost mill-Kummissjoni Emenda   (bea)'spiża ta' ħsara lin-natura u l-pajsaġġ' tfisser l-ispiża tal-ħsara kkawżata minn separazzjoni spazjali jew minn ostakli, minn tnaqqis fil-kwalità tal-pajsaġġ, minn telf ta' art naturali u ta' bijotipi, minn disturb tal-ekosistemi, kif ukoll minn tniġġis tal-ħamrija, tas-superfiċje u tal-ilma ta' taħt l-art.
Emenda  22 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7 – paragrafu 4 a (ġdid)
Test propost mill-Kummissjoni Emenda   (4a) L-internalizzazzjoni tal-ispejjeż esterni tat-trasport, speċjalment dawk marbuta mal-ambjent, għandhom jitneħħew gradwalment, sabiex ma jinħolqux spejjeż eċċessivi li jistgħu jaffettwaw ħażin il-kompetittività ta' kwalunkwe mezz ta' trasport partikulari.
Ġustifikazzjoni
L-internalizzazzjoni għandha titneħħa gradwalment sabiex it-tariffi ma jsirux ostakli għall-kompetittività ta' kwalunkwe mezz ta' trasport.
Emenda  23 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7a – paragrafu 1 – subparagrafu 2
Test propost mill-Kummissjoni Emenda Stat Membru jista' biss japplika rati annwali għal vetturi rreġistrati f'dak l-Istat Membru. imħassar
Ġustifikazzjoni
Wieħed mill-objettivi prinċipali tad-Direttiva dwar l-Eurovignette huwa li tkun evitata d-diskriminazzjoni fl-UE.
Emenda  24 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7a – paragrafu 2 a (ġdid)
Test propost mill-Kummissjoni Emenda   2a. L-applikazzjoni ta' dawn it-tariffi regolatorji fil-ġlieda kontra l-konġestjoni f'zoni b'densità għolja ta' popolazzjoni jew f'zoni sensittivi m'għandux ikollha effetti diskriminatorji fuq it-traffiku tal-passaġġ.
Ġustifikazzjoni
L-applikazzjoni ta' dawn it-tariffi regolatorji fil-ġlieda kontra l-konġestjoni f'zoni b'densità għolja ta' popolazzjoni jew f'zoni sensittivi m'għandux ikollha effetti diskriminatorji fuq it-traffiku tal-passaġġ.
Emenda  25 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7b – paragrafu 2
Test propost mill-Kummissjoni Emenda 2. It-tariffa għall-ispiża esterna għandha tkun relatata ma' l-ispiża tat-tniġġis tal-arja minħabba t-traffiku, l-ispiża tat-tniġġis mill-istorbju minħabba t-traffiku, jew mat-tnejn. F’partijiet ta’ toroq soġġetti għall-konġestjoni t-tariffa għall-ispiża esterna tista’ tinkludi wkoll l-ispiża tal-konġestjoni matul il-perjodi meta dawn il-partijiet tat-toroq ikunu ġeneralment traffikużi ħafna. 2. It-tariffa għall-ispiża esterna għandha tkun relatata ma’ l-ispiża tal-bidla fil-klima u tat-tniġġis tal-arja u mill-istorbju minħabba t-traffiku, mill-ħsara lin-natura u l-pajsaġġ, mal-ispiża tal-aċċidenti tat-traffiku li mhumiex koperti minn assigurazzjoni. F’partijiet ta’ toroq soġġetti għall-konġestjoni t-tariffa għall-ispiża esterna tista’ tinkludi wkoll l-ispiża tal-konġestjoni matul il-perjodi meta dawn il-partijiet tat-toroq ikunu ġeneralment traffikużi ħafna.
Emenda  26 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7c – paragrafu 2
Test propost mill-Kummissjoni Emenda 2. L-ammont tat-tariffa tal-ispiża esterna għal kull kombinazzjoni ta’ klassifika ta’ vetturi, tip ta’ triq u perjodu ta’ ħin għandu jiġi definit skond ir-rekwiżiti minimi, il-formuli komuni u l-ispejjeż esterni massimi li jistgħu jiġu ċċarġjati fl-Anness IIIa. 2. L-ammont tat-tariffa tal-ispiża esterna għal kull kombinazzjoni ta’ klassifika ta’ vetturi, tip ta’ triq u perjodu ta’ ħin għandu jiġi definit skond ir-rekwiżiti minimi u l-metodi komuni esterni fil-kalkolu tal-ispiża fl-Anness IIIa.
Emenda  27 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7f – paragrafu 3 – punt c
Test propost mill-Kummissjoni Emenda (c) l-ebda taxxa għall-użu tat-triq ma tkun iżjed minn 100% ogħla mill-ħlas tat-taxxa għall-użu tat-triq iċċarġjat matul l-irħas perjodu tal-ġurnata, tip tal-ġurnata jew staġun. (c) bl-eċċezzjoni tat-tariffi għall-konġestjoni l-ebda taxxa għall-użu tat-triq ma tkun iżjed minn 100 % ogħla mill-ħlas tat-taxxa għall-użu tat-triq iċċarġjat matul l-irħas perjodu tal-ġurnata, tip tal-ġurnata jew staġun.
Ġustifikazzjoni
L-ispejjeż għall-konġestjoni se jiġu kkunsidrati bħala inklużi fit-taxxa għall-użu tat-triq tal-infrastruttura.
Emenda  28 Proposta għal direttiva – att li jemenda Artikolu 1 – punt 2 Direttiva 1999/62/KE Artikolu 7f – paragrafu 3 – punt c a (ġdid)
Test propost mill-Kummissjoni Emenda   (ca) it-tariffi għall-użu tat-triq minħabba l-konġestjoni m'għandhomx ikunu iktar minn 200% tat-tariffa għall-użu tat-triq li titħallas waqt l-aktar perjodu irħis tal-ġurnata, tip ta' ġurnata jew staġun; meta l-ammont kollu tad-dħul mit-tariffi tal-konġestjoni jintefqu b'mod espliċitu biex titnaqqas il-konġestjoni permezz tal-użu ta' soluzzjonijiet ITS f'dawk it-toroq fejn tħallsu t-tariffi, it-tariffa tal-konġestjoni m'għandhiex tkun aktar minn 400% tat-tariffa għall-użu tat-triq li titħallas waqt l-irħas perjodu tal-ġurnata, tip ta' ġurnata jew staġun.
Ġustifikazzjoni
L-ispejjeż għall-konġestjoni se jiġu kkunsidrati bħala inklużi fit-taxxa għall-użu tat-triq tal-infrastruttura.
Emenda  29 Proposta għal direttiva – att li jemenda Artikolu 1 – punt 4 Direttiva 1999/62/KE Artikolu 9 – paragrafu 2 – subparagrafu 1
Test propost mill-Kummissjoni Emenda 2. Stat Membru li fih tiġi miġbura tariffa għall-ispiża esterna għandu jiżgura li d-dħul iġġenerat mit-tariffa jiġi allokat għal miżuri li għandhom l-għan li jiffaċilitaw ipprezzar effiċjenti, inaqqsu t-tniġġis tat-trasport fit-toroq mis-sors, itaffu l-effetti tiegħu, itejbu ir-rendiment tas-CO2 u tal-enerġija tal-vetturi, u jiżviluppaw infrastruttura alternattiva għall-utenti tat-trasport. 2. Stat Membru li fih tinġabar tariffa għall-ispiża esterna għandu jiżgura li d-dħul iġġenerat mit-tariffa jiġi allokat għal miżuri li għandhom l-għan li jiffaċilitaw ipprezzar effiċjenti, inaqqsu t-tniġġis (tal-arja jew tal-istorbju) tat-trasport fit-toroq mis-sors, itaffu l-effetti, itejbu l-infrastruttura eżistenti, jiżviluppaw sistemi ta' mmaniġġjar tat-trasport li għandhom l-għan li jagħmlu l-aħjar użu tal-infrastruttura eżistenti u jiżviluppaw netwerk ta' infrastruttura tat-trasport ibbilanċjat, skont il-ħtiġijiet u l-objettivi ta' tnaqqis ta' spejjeż esterni.
Emenda  30 Proposta għal direttiva – att li jemenda Artikolu 1 – punt 4 Direttiva 1999/62/KE Artikolu 9 – paragrafu 2 – subparagrafu 2
Test propost mill-Kummissjoni Emenda     Stat Membru li fih tiġi imposta tariffa għall-infrastruttura għandu jiddetermina kif għandu jintuża d-dħul iġġenerat minn dik it-tariffa. Biex is-sistema tat-trasport kollha tkun tista' tiġi żviluppata, id-dħul mit-tariffi għandu jintuża għall-benefiċċju tas-settur tat-trasport u biex ikun jista' jsir l-aħjar użu mis-sistema kollha tat-trasport. Stat Membru li fih tiġi imposta tariffa għall-infrastruttura għandu jiddetermina kif għandu jintuża d-dħul iġġenerat minn dik it-tariffa. Biex is-sistema tat-trasport kollha tkun tista' tiġi żviluppata, id-dħul mit-tariffi għandu jintuża għall-benefiċċju tas-settur tat-trasport, pereżempju, permezz tal-istallazzjoni u l-manutenzjoni tas-sistemi interoperabbli (permezz tas-satellita) tal-ġbir ta' taxxa kif imsemmi fid-Direttiva 2004/52/KE, billi jsir l-aħjar użu tal-loġistika, tal-ġestjoni tat-traffiku u tal-punti intermodali tan-netwerk kollu tat-trasport, bit-tnaqqis tal-istorbju mis-sors, b'investimenti f'infrastrutturi għal modi aktar sikuri u li jikkunsmaw inqas żejt, bħall-ferrovija, it-trasport sostenibbli fuq l-ilma u l-linji tal-pajpijiet.
Emenda  31 Proposta għal direttiva – att li jemenda Anness Direttiva 1999/62/KE Anness IIIa - titolu
Test propost mill-Kummissjoni Emenda IR-REKWIŻITI MINIMI BIEX TIĠI IMPOSTA TARIFFA GĦALL-ISPIŻA ESTERNA U L-ELEMENTI MASSIMI TAL-ISPIŻA ESTERNA LI JISTGĦU JIĠU ĊĊARĠJATI IR-REKWIŻITI MINIMI U L-METODI KOMUNI BIEX TIĠI IMPOSTA TARIFFA GĦALL-IŻPIŻA ESTERNA

PROĊEDURA

Titolu	Il-ħlas li jrid isir minn vetturi ta’ merkanzija tqila
Referenzi	(COM(2008)0436 – C6-0276/2008 – 2008/0147(COD))
Kumitat responsabbli	TRAN
Opinjoni mogħtija minn Data tat-tħabbir fis-seduta plenarja	ITRE 2.9.2008
Rapporteur għal opinjoni Data tal-ħatra	Claude Turmes 15.9.2008
Eżami fil-kumitat	16.10.2008		13.11.2008
Data tal-adozzjoni	11.12.2008
Riżultat tal-votazzjoni finali	+: –: 0:	21 0 10
Membri preżenti għall-votazzjoni finali	John Attard-Montalto, Jan Březina, Jorgo Chatzimarkakis, Dragoş Florin David, Den Dover, Nicole Fontaine, Adam Gierek, Norbert Glante, András Gyürk, Fiona Hall, Erna Hennicot-Schoepges, Eluned Morgan, Reino Paasilinna, Vladimír Remek, Teresa Riera Madurell, Britta Thomsen, Catherine Trautmann, Claude Turmes, Nikolaos Vakalis
Sostitut(i) preżenti għall-votazzjoni finali	Etelka Barsi-Pataky, Ivo Belet, Manuel António dos Santos, Neena Gill, Vladimir Urutchev, Lambert van Nistelrooij
Sostitut(i) (skont l-Artikolu 178(2)) preżenti għall-votazzjoni finali	Louis Grech, Aurelio Juri, Sepp Kusstatscher, Eva Lichtenberger, Rosa Miguélez Ramos, María Sornosa Martínez

• [1]  World Energy Outlook (Aġenzija Internazzjonali tal-Enerġija) 12 ta' Novembru 2008
• [2]  Energy and Transport in Figures, 2007 (Direttorat Ġenerali għat-Trasport u l-Enerġija u l-Eurostat) NB: statistika għall-2006
• [3]  “Handbook on the estimation of external cost in the transport sector” (CE Delft, 2008) http://ec.europa.eu/transport/costs/handbook/doc/2008_01_15_handbook_external_cost_en.pdf

PROĊEDURA

Titolu	Tassazzjoni fuq vetturi ta’ tagħbija tqal
Referenzi	COM(2008)0436 – C6-0276/2008 – 2008/0147(COD)
Data meta ġiet ippreżentata lill-PE	8.7.2008
Kumitat responsabbli        Data tat-tħabbir fis-seduta plenarja	TRAN 2.9.2008
Kumitat(i) mitlub(a) jagħti/u opinjoni        Data tat-tħabbir fis-seduta plenarja	ENVI 2.9.2008		ITRE 2.9.2008
Opinjoni(jiet) mhux mogħtija        Data tad-deċiżjoni	ENVI 10.9.2008
Rapporteur(s)        Data tal-ħatra	Saïd El Khadraoui 26.8.2008
Eżami fil-kumitat	9.9.2008		7.10.2008		3.11.2008		20.1.2009
Data tal-adozzjoni	11.2.2009
Riżultat tal-votazzjoni finali	+: –: 0:	32 14 0
Membri preżenti għall-votazzjoni finali	Gabriele Albertini, Inés Ayala Sender, Etelka Barsi-Pataky, Paolo Costa, Michael Cramer, Luis de Grandes Pascual, Arūnas Degutis, Christine De Veyrac, Petr Duchoň, Saïd El Khadraoui, Robert Evans, Emanuel Jardim Fernandes, Francesco Ferrari, Brigitte Fouré, Mathieu Grosch, Georg Jarzembowski, Stanisław Jałowiecki, Timothy Kirkhope, Jaromír Kohlíček, Rodi Kratsa-Tsagaropoulou, Sepp Kusstatscher, Jörg Leichtfried, Bogusław Liberadzki, Erik Meijer, Luís Queiró, Reinhard Rack, Ulrike Rodust, Gilles Savary, Renate Sommer, Dirk Sterckx, Michel Teychenné, Silvia-Adriana Ţicău, Yannick Vaugrenard, Armando Veneto, Roberts Zīle
Sostitut(i) preżenti għall-votazzjoni finali	Johannes Blokland, Luigi Cocilovo, Markus Ferber, Armando França, Lily Jacobs, Elisabeth Jeggle, Eleonora Lo Curto, Helmuth Markov, Corien Wortmann-Kool
Sostitut(i) (skont l-Artikolu 178(2)) preżenti għall-votazzjoni finali	Samuli Pohjamo, Claude Turmes