RAPPORT dwar il-proposta għal deċiżjoni tal-Kunsill dwar il-konklużjoni, f’isem il-Komunità Ewropea, tal-Protokoll dwar l-Implimentazzjoni tal-Konvenzjoni Alpina fil-qasam tat-Trasport (Protokoll dwar it-Trasport)

2.4.2009 - (COM(2008)0895 – C6-0073/2009 – 2008/0262(CNS)) - *

Kumitat għat-Trasport u t-Turiżmu
Rapporteur: Reinhard Rack

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal deċiżjoni tal-Kunsill dwar il-konklużjoni, f’isem il-Komunità Ewropea, tal-Protokoll dwar l-Implimentazzjoni tal-Konvenzjoni Alpina fil-qasam tat-Trasport (Protokoll dwar it-Trasport)

(COM(2008)0895 – C6-0073/2009 – 2008/0262(CNS))

(Proċedura ta' konsultazzjoni)

Il-Parlament Ewropew,

–   wara li kkunsidra l-proposta għal deċiżjoni tal-Kunsill (COM(2008)0895),

–   wara li kkunsidra l-Artikolu 71 u l-Artikolu 300(2), l-ewwel subparagrafu tat-Trattat KE,

–   wara li kkunsidra l-Artikolu 300(3), l-ewwel subparagrafu, tat-Trattat KE skond liema artikolu ġie kkonsultat mill-Kunsill (C6‑0073/2009),

–   wara li kkunsidra l-Artikoli 51 u 83(7) tar-Regoli ta' Proċedura tiegħu,

–   wara li kkunsidra r-Rapport tal-Kumitat għat-Trasport u t-Turiżmu (A6-0000/2009),

1.  Japprova l-konklużjoni tal-Protokoll;

2.  Jagħti istruzzjonijiet lill-President tiegħu sabiex jinforma lill-Kunsill u l-Kummissjoni, u lill-gvernijiet u l-parlamenti tal-Istati Membri bil-pożizzjoni tal-Parlament.

NOTA SPJEGATTIVA

Ir-reġjun Alpin jestendi, b’kollox, madwar tmien pajjiżi, li jirsistu biex isibu soluzzjonijiet komuni u koordinazzjoni bejniethom għal dan ir-reġjun uniku u estremament sensittiv. Partikolarment biex jiġu solvuti problemi ambjentali u l-bidla fil-klima, li b’mod partikolari jeffettwaw dan ir-reġjun, hemm bżonn ta’ azzjoni kkoordinata u transkonfinali.

Bid-dħul fis-seħħ tal-Konvenzjoni Alpina tal-4 ta’ April 1998 ngħata sinjal importanti ħafna fis-sens li l-ħarsien u l-konservazzjoni ta’ dan ir-reġjun huma kwistjoni importanti u urġenti. Il-protezzjoni tar-reġjun Alpin titlob, speċjalment, politika komuni tat-trasport immirata lejn is-sostenibilità. B’dan l-isfond, il-Protokoll dwar l-Implimentazzjoni tal-Konvenzjoni Alpina fil-qasam tat-trasport (Protokoll dwar it-Trasport), li jipprovdi għal miżuri konkreti u qafas legali għall-mobilità sostenibbli fl-Alpi, ġie adottat fl-24-26 ta’ Mejju 2000.

Madankollu, il-Protokoll dwar it-Trasport għadu ma ġiex ratifikat mill-pajjiżi kollha li huma partijiet kontraenti tal-Konvenzjoni Alpina. Kważi disa’ snin wara l-adozzjoni tal-Protokoll, wasal iż-żmien sewwa li din is-sitwazzjoni insoddisfaċenti tintemm u li jiġi żgurat li l-Protokoll jidħol fis-seħħ fl-istati Alpini kollha.

Ir-rapporteur jilqa’ b’sodisfazzjon espressament ir-ratifika proposta tal-Protokoll dwar it-Trasport mill-Komunità Ewropea u jixtieq jirrimarka għal darb’oħra li ratifikazzjoni sħiħa tal-Protokoll għandha tkun prijorità. L-approvazzjoni tal-Parlament tar-ratifika tal-Protokoll għandha titqies ukoll bħala sejħa lil dawk il-pajjiżi li għadhom ma ffirmawx il-Protokoll biex jirsistu bil-proċess ta' ratifika.

PROĊEDURA

Titolu	Protokoll über die Durchführung der Alpenkonvention im Bereich Verkehr (Verkehrsprotokoll)
Referenzi	KOM(2008)0895 – C6-0073/2009 – 2008/0262(CNS)
Data meta ġie kkonsultat il-PE	24.2.2009
Kumitat responsabbli        Data tat-tħabbir fis-seduta plenarja	TRAN 9.3.2009
Kumitat(i) mitlub(a) jagħti/u opinjoni        Data tat-tħabbir fis-seduta plenarja	ENVI 9.3.2009
Opinjoni(jiet) mhux mogħtija        Data tad-deċiżjoni	ENVI 11.2.2009
Rapporteur(s)        Data tal-ħatra	Reinhard Rack 20.1.2009
Eżami fil-kumitat	16.3.2009
Data tal-adozzjoni	31.3.2009
Riżultat tal-votazzjoni finali	+: –: 0:	35 0 0
Membri preżenti għall-votazzjoni finali	Gabriele Albertini, Inés Ayala Sender, Paolo Costa, Luis de Grandes Pascual, Petr Duchoň, Saïd El Khadraoui, Robert Evans, Emanuel Jardim Fernandes, Francesco Ferrari, Brigitte Fouré, Mathieu Grosch, Georg Jarzembowski, Stanisław Jałowiecki, Timothy Kirkhope, Jaromír Kohlíček, Rodi Kratsa-Tsagaropoulou, Jörg Leichtfried, Eva Lichtenberger, Erik Meijer, Luís Queiró, Reinhard Rack, Ulrike Rodust, Gilles Savary, Brian Simpson, Renate Sommer, Dirk Sterckx, Ulrich Stockmann, Michel Teychenné, Yannick Vaugrenard, Armando Veneto, Roberts Zīle
Sostitut(i) preżenti għall-votazzjoni finali	Elisabeth Jeggle, Anne E. Jensen, Marie Panayotopoulos-Cassiotou
Sostitut(i) (skont l-Artikolu 178(2)) preżenti għall-votazzjoni finali	Elisabeth Schroedter