RAPPORT dwar il-proposta għal direttiva tal-Parlament Ewropew u tal-Kunsill rigward appliances li jużaw il-gass (verżjoni kodifikata)

7.10.2009 - (COM(2007)0633 – C7‑0393/2007 – 2007/0225(COD)) - ***I

Kumitat għall-Affarijiet Legali
Rapporteur: Lidia Joanna Geringer de Oedenberg
(Kodifikazzjoni – Artikolu 86 tar-Regoli ta' Proċedura)

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal direttiva tal-Parlament Ewropew u tal-Kunsill rigward appliances li jużaw il-gass (verżjoni kodifikata)

(COM(2007)0633 – C7‑0393/2007 – 2007/0225(COD))

(Proċedura ta' kodeċiżjoni – kodifikazzjoni)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2007)0633),

–   wara li kkunsidra l-Artikolu 251(2) u l-Artikolu 95 tat-Trattat KE, skont liema artikoli l-Kummissjoni ppreżentat il-proposta lill-Parlament (C6‑0393/2007),

–   wara li kkunsidra l-Ftehima Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi[1],

–   wara li kkunsidra l-Artikoli 86 u 55 tar-Regoli ta' Proċedura tiegħu,

–   wara li kkunsidra r-rapport tal-Kumitat għall-Affarijiet Legali (A7 0025/2009),

A. billi, fl-opinjoni tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali,

1.  Japprova l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni;

2.  Jagħti istruzzjonijiet lill-President tiegħu sabiex jgħaddi/tgħaddi l-pożizzjoni tal-Parlament lill-Kunsill u lill-Kummissjoni.

• [1]  ĠU C 102, 4.4.1996, p.2.

ANNESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI

	GRUPP TA' ĦIDMA KONSULTATTIV TAS-SERVIZZI LEGALI

Brussell, 26 Ġunju 2009

OPINJONI

                     GĦALL-ATTENZJONI TAL-PARLAMENT EWROPEW

                                                              TAL-KUNSILL

                                                              TAL-KUMMISSJONI

Proposta għal direttiva tal-Parlament Ewropew u tal-Kunsill rigward apparati li jaħarqu karburanti gassużi (verżjoni kodifikata)

COM(2007)0633 tal-25.10.2007 – 2007/0225(COD)

Wara li kkunsidra l-Ftehima Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi, u b'mod partikulari l-punt 4 tagħha, il-Grupp ta' Ħidma Konsultattiv, magħmul mis-servizzi legali rispettivi tal-Parlament Ewropew, tal-Kunsill u tal-Kummissjoni, fil-31 ta' Ottubru, it-8 ta' Novembru 2007 u l-5 ta'Ġun ju 2009 kellu laqgħat ddedikati għall-eżami, fost affarijiet oħrajn, il-proposta msemmija hawn fuq, ippreżentata mill-Kummissjoni.

F'dawn il-laqgħat[1] l-eżami tal-proposta għal direttiva tal-Parlament Ewopew u tal-Kunsill li tikkodifika d-Direttiva tal-Kunsill 90/396/KEE tad-29 ta’ Ġunju 1990 dwar l-approssimazzjoni tal-liġijiet tal-Istati Membri li dwar apparati li jaħarqu karburanti gassużi wassal biex il-Grupp ta' Ħidma Konsultattiv jistabbilixxi, bi qbil komuni, dan li ġej:

1) Fl-Artikolu 2(2) il-kliem tal-ewwel subparagrafu għandu jinbidel b'dan li ġej: "L-Istati Membri għandhom jikkomunikaw fi żmien tajjeb lill-Istati Membri l-oħrajn u lill-Kummissjoni kull bidla rigward tipi ta' gass u l-pressjonijiet tal-provvista korrispondenti wżati fit-territorju tagħhom li jkunu ġew ikkomunikati skont l-Artikolu 2(2) tad-Direttiva 90/396/EEC".

2) Fit test kollu tal-proposta għall-kodifikazzjoni, kull meta jidhru l-kliem "marka CE" għandhom jiġu jinbidlu biex jinqraw "marka ta' konformità CE".

Bħala konsegwenza, eżami tal-proposta għen lill-Grupp ta' Ħidma Konsultattiv biex jikkonkludi, mingħajr nuqqas ta' qbil, li l-proposta hija kodifikazzjoni sempliċi ta' testi eżistenti mingħajr ebda bidla ta' sustanza.

C. PENNERA                                  J.-C. PIRIS                           L. ROMERO REQUENA

Ġuriskonsult                                     Ġuriskonsult                          Direttur Ġenerali

• [1]               Il-Grupp ta' Ħidma Konsultattiv kellu għad-dispożizzjoni tiegħu 22 verżjoni lingwistika tal-proposta u ħadem fuq il-bażi tal-verżjoni Ingliża, il-verżjoni oriġinali tat-test eżaminat.

PROĊEDURA

Titolu	Appliances li jużaw il-gass (Verżjoni kodifikata)
Referenzi	COM(2007)0633 – C6-0393/2007 – 2007/0225(COD)
Data meta ġiet ippreżentata lill-PE	25.10.2007
Kumitat responsabbli        Data tat-tħabbir fis-seduta plenarja	JURI 13.11.2007
Rapporteur(s)        Data tal-ħatra	Lidia Joanna Geringer de Oedenberg 2.9.2009
Data tal-adozzjoni	6.10.2009