RAPPORT dwar il-proposta għal regolament tal-Parlament Ewropew u tal-Kunsill li jemenda r-Regolament (KE) Nru 1905/2006 li jistabbilixxi strument ta' finanzjament tal-koperazzjoni għall-iżvilupp u li jemenda r-Regolament (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja
2.12.2009 - (COM(2009)0194 – C7‑0043/2009 – 2009/0060A(COD)) - ***I
Kumitat għall-Iżvilupp
Rapporteur: Gay Mitchell
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal regolament tal-Parlament Ewropew u tal-Kunsill li jemenda r-Regolament (KE) Nru 1905/2006 li jistabbilixxi strument ta' finanzjament tal-koperazzjoni għall-iżvilupp u li jemenda r-Regolament (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja
(COM(2009)0194 – C7‑0043/2009 – 2009/0060A(COD))
(Proċedura ta' kodeċiżjoni: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2009)0194),
– wara li kkunsidra l-Artikolu 251(2), u l-Artikoli 179(1) u 181, l-ewwel paragrafu, tat-Trattat KE, skont liema artikoli l-Kummissjoni ppreżentat il-proposta lill-Parlament (C7-0043/2009),
– wara li kkunsidra l-Artikolu 55 tar-Regoli ta’ Proċedura tiegħu,
– wara li kkunsidra r-rapport tal-Kumitat għall-Iżvilupp (A7-0078/2009),
1. Japprova l-proposta tal-Kummissjoni kif emendata;
2. Jinnota li l-kliem ta' ċertu dispożizzjonijiet tar-Regolament propost rigward l-adozzjoni tal-miżuri implimentattivi se jkollu jiġi adattat fid-dawl tal-Artikoli 290 u 291 tat-Trattat dwar il-Funzjonament tal-Unjoni Ewropea;
3. Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni.
Emenda 1 Proposta għal regolament – att li jemenda Titolu | |||||||||||||||||||||||||||||||
Test propost mill-Kummissjoni |
Emenda | ||||||||||||||||||||||||||||||
li jemenda r-Regolament (KE) Nru 1905/2006 li jistabbilixxi strument ta' finanzjament tal-koperazzjoni għall-iżvilupp u li jemenda r-Regolament (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja |
li jemenda r-Regolament (KE) Nru 1905/2006 li jistabbilixxi strument ta' finanzjament tal-koperazzjoni għall-iżvilupp | ||||||||||||||||||||||||||||||
Emenda 2 Proposta għal regolament – att li jemenda Ċitazzjoni 1 | |||||||||||||||||||||||||||||||
Test propost mill-Kummissjoni |
Emenda | ||||||||||||||||||||||||||||||
Wara li kkunsidraw it-Trattat li jistabbilixxi l-Komunità Ewropea, u b’mod speċjali l-Artikolu 179(1) u l-ewwel paragrafu tal-Artikolu 181 tiegħu, |
Wara li kkunsidraw it-Trattat li jistabbilixxi l-Komunità Ewropea, u b’mod speċjali l-Artikolu 179(1) tiegħu, | ||||||||||||||||||||||||||||||
Emenda 3 Proposta għal regolament – att li jemenda Premessa 2 | |||||||||||||||||||||||||||||||
Test propost mill-Kummissjoni |
Emenda | ||||||||||||||||||||||||||||||
(2) Fl-implimentazzjoni ta' dawn ir-Regolamenti ħarġu xi inkosistenzi fir-rigward tal-eżenzjoni għall-prinċipju tan-nuqqas ta' eliġibbiltà tal-ispejjeż relatati ma' taxxi, dazji u spejjeż oħra għall-finanzjament tal-KE. Fid-dawl ta' dan, hu propost li jkunu emendati d-dispożizzjonijiet relevanti tar-Regolamenti (KE) Nru 1905/2006 u (KE) Nru 1889/2006 sabiex ikunu konformi mal-istrumenti oħrajn. |
(2) Fl-implimentazzjoni tar-Regolament (KE) Nru 1905/2006 ħarġu xi inkosistenzi fir-rigward tal-eċċezzjonijiet għall-prinċipju tan-nuqqas ta' eliġibbiltà tal-ispejjeż relatati ma' taxxi, dazji u spejjeż oħra għall-finanzjament tal-KE. Fid-dawl ta' dan, hu propost li jkunu emendati d-dispożizzjonijiet relevanti ta' dak ir-Regolament sabiex ikun konformi mal-istrumenti oħrajn. | ||||||||||||||||||||||||||||||
Emenda 4 Proposta għal regolament – att li jemenda Artikolu -1 a (ġdid) Regolament (KE) Nru 1905/2006 Premessa 27 | |||||||||||||||||||||||||||||||
| |||||||||||||||||||||||||||||||
Emenda 5 Proposta għal regolament – att li jemenda Artikolu -1 b (ġdid) Regolament (KE) Nru 1905/2006 Artikolu 17 - paragrafu 2 | |||||||||||||||||||||||||||||||
| |||||||||||||||||||||||||||||||
Emenda 6 Proposta għal regolament – att li jemenda Artikolu -1 c (ġdid) Regolament (KE) Nru 1905/2006 Artikolu 21 | |||||||||||||||||||||||||||||||
| |||||||||||||||||||||||||||||||
Emenda 7 Proposta għal regolament – att li jemenda Artikolu 1 a (ġdid) Regolament (KE) Nru 1905/2006 Artikolu 33 - paragrafu 1 | |||||||||||||||||||||||||||||||
| |||||||||||||||||||||||||||||||
Emenda 8 Proposta għal regolament – att li jemenda Artikolu 1 b (ġdid) Regolament (KE) Nru 1905/2006 Artikolu 34 - paragrafu 1 | |||||||||||||||||||||||||||||||
| |||||||||||||||||||||||||||||||
Emenda 9 Proposta għal regolament – att li jemenda Artikolu 1 c (ġdid) Regolament (KE) Nru 1905/2006 Artikolu 35 | |||||||||||||||||||||||||||||||
| |||||||||||||||||||||||||||||||
Emenda 10 Proposta għal regolament – att li jemenda Artikolu 2 Regolament (KE) Nru 1889/2006 Artikolu 13 - paragrafu 6 | |||||||||||||||||||||||||||||||
|
NOTA SPJEGATTIVA
Fil-proposta leġiżlattiva tagħha għar-reviżjoni ta' nofs il-perjodu tal-Istrument tal-Koperazzjoni għall-Iżvilupp, il-Kummissjoni tipproponi biss emenda teknika waħda li tippermetti li l-ispejjeż relatati mat-taxxi, id-dazji u spejjeż oħra relatati mal-iffinanzjar ta' azzjonijiet taħt l-Istrument tal-Koperazzjoni għall-Iżvilupp fil-pajjiżi benefiċjarji jiġu ffinanzjati mill-baġit tal-Istrument tal-Koperazzjoni għall-Iżvilupp. L-emenda tippermetti l-iffinanzjar ta' dawn l-ispejjeż f'ċirkustanzi eċċezzjonali, biex b'hekk tinħoloq flessibilità ikbar fl-implimentazzjoni tal-programmi u l-proġetti. Għalhekk, l-emenda għandha tiġi aċċettata.
Madankollu, il-Kummissjoni pproponiet fil-proposta li temenda tagħha li tintroduċi emenda identika għar-Regolament (KE) Nru 1905/2006 (Strument tal-Koperazzjoni għall-Iżvilupp) u r-Regolament (KE) Nru 1889/2006 (EIDHR), li jaqgħu taħt il-kompetenza ta' żewġ kumitati differenti fil-Parlament Ewropew. Għalhekk il-Parlament talab li l-proposta tinqasam f'żewġ proposti leġiżlattivi differenti, waħda għal kull strument finanzjarju, u ddeċieda li jirreferi l-proposta tal-Kummissjoni liż-żewġ kumitati differenti: DEVE għall-Istrument tal-Koperazzjoni għall-Iżvilupp, AFET (DROI) għall-EIDHR. Ir-rapporteur tagħkom jipproponi għalhekk l-ewwel sett ta' tliet emendi li jħassru r-referenzi għar-Regolament (KE) Nru 1889/2006.
Il-Parlament analizza bir-reqqa l-mod li bih id-dispożizzjonijiet tal-Istrument tal-Koperazzjoni għall-Iżvilupp huma implimentati sa minn meta daħlu fis-seħħ fl-2007. Fl-eżerċitar tad-dritt tiegħu ta' skrutinju skont il-proċedura tal-Komitoloġija, il-Parlament ġibed l-attenzjoni dwar numru ta' problemi u oġġezzjonijiet rigward il-mod li bih il-Kummissjoni implimentat l-istrument, u l-interpretazzjoni li tat lil uħud mid-dispożizzjonijiet ewlenin tiegħu. Madankollu l-Parlament ma sab l-ebda funzjonalitajiet li ma ħadmux tajjeb fid-dispożizzjonijiet tal-istrument innifsu. Waħda mill-preokkupazzjonijiet ewlenin tal-Parlament, it-tendenza tal-Kummissjoni li tiffinanzja, skont il-programmi ġeografiċi, miżuri mhux eliġibbli, skont il-kriterji aċċettati b'mod internazzjonali tal-OECD/DAC, bħala Għajnuna Uffiċjali għall-Iżvilupp (ODA), ġiet reċentament solvuta mill-Kummissjoni meta hija pproponiet, wara li ntalbet mill-Parlament, li toħloq bażi legali ġdida għal miżuri bħal dawn skont l-Istrument tal-Koperazzjoni ma' Pajjiżi Industrijalizzati.
It-tieni sett ta' emendi addizzjonali proposti mir-rapporteur tagħkom għalhekk ma jikkonċernax is-sustanza jew il-prijoritajiet li jinsabu fl-Istrument tal-Koperazzjoni għall-Iżvilupp – għandu jitfakkar li matul din il-leġiżlatura se jibdew in-negozjati għall-istrument suċċessur tal-Istrument tal-Koperazzjoni għall-Iżvilupp (li jiskadi fl-aħħar tal-2013) – imma t-tisħiħ tad-dritt ta' skrutinju tal-Parlament.
Hemm żewġ raġunijiet għal dan:
1. Fis-sitt riżoluzzjonijiet fil-qafas tal-proċedura tal-Komitoloġija li adotta l-Parlament mid-dħul fis-seħħ tal-Istrument tal-Koperazzjoni għall-Iżvilupp, identifika 12-il każ li fihom il-Kummissjoni marret lil hinn mis-setgħat implimentattivi tagħha billi ma rrispettatx ir-rekwiżit tal-eliġibilità tal-Għajnuna Uffiċjali għall-Iżvilupp. F'kull każ, il-Parlament talab lill-Kummissjoni biex temenda l-abbozz ta' deċiżjoni tagħha u tagħmlu konformi ma' dan ir-rekwiżit. Madankollu, il-Kummissjoni adattat jew irtirat l-abbozz ta' deċiżjoni tagħha fi tliet każijiet biss.
2. Ir-reviżjoni tad-Deċiżjoni tal-Komitoloġija saret fl-2006 u introduċiet il-Proċedura Regolatorja bi Skrutinju, li trid tiġi applikata għall-miżuri implimentattivi ta' atti kodeċiżi li jissodisfaw żewġ kriterji:
- il-miżuri jridu jkunu ta' ambitu ġenerali;
- il-miżuri jridu jitfasslu biex jemendaw elementi mhux essenzjali tar-regolament, jiġifieri billi jħassru ftit minn dawk l-elementi jew billi jissupplimentaw l-istrument biż-żieda ta' elementi ġodda mhux essenzjali.
Il-Proċedura Regolatorja bi Skrutinju ssaħħaħ b'mod sinifikanti s-setgħat tal-Parlament: Id-dritt għall-veto tal-Parlament jippermetti li dan iwaqqaf abbozz ta' miżura li jkollu objezzjoni għalih, u jeħtieġ lill-Kummissjoni li tressaq proposta emendata.
Jidher ċar li d-Dokumenti ta' Strateġija u l-Programmi Indikattivi Pluriennali skont l-Istrument tal-Koperazzjoni għall-Iżvilupp jikkonformaw bis-sħiħ mal-kriterji għall-applikazzjoni tal-Proċedura Regolatorja bi Skrutinju:
- huma ta' ambitu ġenerali, fis-sens li jirrelataw għal reġjun, pajjiż jew tema sħaħ u li l-ambitu tagħhom ikun fuq tul ta' żmien twil (7 snin għad-Dokumenti ta' Strateġija, 3-4 snin għall-Programmi Indikattivi Pluriennali);
- jissupplimentaw l-istrument billi jiddefinixxu oqsma ta' prijorità u objettivi għall-għajnuna mogħtija lil reġjun jew pajjiż, jew f'qasam tematiku.
Bħala konsegwenza, il-Proċedura Regolatorja bi Skrutinju trid tiġi applikata għall-abbozzi tal-miżuri li jistabbilixxu Dokumenti ta' Strateġija u Programmi Indikattivi Pluriennali. Għal Programmi ta' Azzjoni Annwali u Miżuri Speċjali, l-applikazzjoni tal-proċedura tal-immaniġġjar kif inhi attwalment prevista fl-Istrument tal-Koperazzjoni għall-Iżvilupp (id-dritt għal skrutinju), m'hemmx għalfejn tinbidel għax dawn il-miżuri għandhom ambitu iżjed limitat.
Għalkemm id-deċiżjoni tal-Komitoloġija emendata li tintroduċi l-Proċedura Regolatorja bi Skrutinju ttieħdet f'Lulju 2006, din il-proċedura ġdida saret tard wisq biex titqies fin-negozjati li jinvolvu tliet partijiet dwar l-Istrument tal-Koperazzjoni għall-Iżvilupp li kienu diġà kumplessi ħafna u li saru taħt pressjoni estrema ta' ħin. Ir-reviżjoni ta' nofs il-perjodu tal-istrument issa tipprovdi l-opportunità xierqa biex il-Proċedura tal-Komitoloġija tal-Istrument tal-Koperazzjoni għall-Iżvilupp tiġi konformi mad-deċiżjoni tal-Komitoloġija.
Għandu jitfakkar li l-proposta tar-rapporteur tagħkom hija għal kollox konsistenti mal-pożizzjoni espressa mill-Parlament fir-riżoluzzjoni tiegħu tat-23 ta' Settembru 2008 b'rakkomandazzjonijiet lill-Kummissjoni dwar l-allinjament ta' atti legali għad-Deċiżjoni tal-Komitoloġija l-ġdida[1]. Din ir-riżoluzzjoni tinkludi r-Regolament tal-Istrument tal-Koperazzjoni għall-Iżvilupp fost l-atti legali li għalihom il-Parlament jitlob lill-Kummissjoni biex tipprovdi proposti leġiżlattivi għal allinjament mal-Proċedura Regolatorja bi Skrutinju. Il-proposta leġiżlattiva tal-Kummissjoni għar-reviżjoni ta' nofs il-perjodu tal-Istrument tal-Koperazzjoni għall-Iżvilupp hija okkażjoni ideali biex it-talba tal-Parlament titqiegħed fil-prattika u biex jiġi żgurat li l-istrument jikkonforma mar-rekwiżiti l-ġodda tal-Komitoloġija.
PROĊEDURA
Titolu |
Strument ta’ finanzjament tal-koperazzjoni għall-iżvilupp (emenda tar-Regolament (KE) Nru 1905/2006) |
|||||||
Referenzi |
COM(2009)0194 – C7-0043/2009 – 2009/0060A(COD) |
|||||||
Data meta ġiet ippreżentata lill-PE |
21.4.2009 |
|||||||
Kumitat responsabbli Data tat-tħabbir fis-seduta plenarja |
DEVE 17.9.2009 |
|||||||
Kumitat(i) mitlub(a) jagħti/u opinjoni Data tat-tħabbir fis-seduta plenarja |
AFET 17.9.2009 |
INTA 17.9.2009 |
|
|
||||
Opinjoni(jiet) mhux mogħtija Data tad-deċiżjoni |
AFET 28.9.2009 |
INTA 10.11.2009 |
|
|
||||
Rapporteur(s) Data tal-ħatra |
Gay Mitchell 6.10.2009 |
|
|
|||||
Data tal-adozzjoni |
23.11.2009 |
|
|
|
||||
Riżultat tal-votazzjoni finali |
+: –: 0: |
22 0 0 |
||||||
Membri preżenti għall-votazzjoni finali |
Thijs Berman, Michael Cashman, Corina Creţu, Véronique De Keyser, Catherine Greze, Enrique Guerrero Salom, Eva Joly, Franziska Keller, Gay Mitchell, Norbert Neuser, Maurice Ponga, Birgit Schnieber-Jastram, Michèle Striffler, Alf Svensson, Eleni Theocharous, Ivo Vajgl, Anna Záborská, Iva Zanicchi, Gabriele Zimmer |
|||||||
Sostitut(i) preżenti għall-votazzjoni finali |
Bart Staes, Patrizia Toia |
|||||||
Sostitut(i) (skont l-Artikolu 187(2)) preżenti għall-votazzjoni finali |
Pascale Gruny |
|||||||
Data tat-tressiq |
1.12.2009 |
|||||||