RAKKOMANDAZZJONI dwar il-proposta għal Deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u r-Repubblika Iżlamika tal-Pakistan dwar ir-riammissjoni ta’ persuni li jirrisjedu mingħajr awtorizzazzjoni

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

NOTA SPJEGATTIVA

OPINJONI TA' MINORANZA

OPINJONI tal-Kumitat għall-Affarijiet Barranin (7.6.2010)

RIŻULTAT TAL-VOTAZZJONI FINALI FIL-KUMITAT

15.7.2010 - (05942/2010 – C7‑0264/2009 – 2009/0036(NLE)) - ***

Kumitat għal-Libertajiet Ċivili, il-Ġustizzja u l-Intern
Rapporteur: Csaba Sógor

Proċedura : 2009/0036(NLE)

Ċiklu ta' ħajja waqt sessjoni

Ċiklu relatat mad-dokument :

A7-0231/2010

Testi mressqa :

A7-0231/2010

Dibattiti :

PV 20/09/2010 - 17
CRE 20/09/2010 - 17

Votazzjonijiet :

PV 21/09/2010 - 5.5
CRE 21/09/2010 - 5.5
Spjegazzjoni tal-votazzjoni
Spjegazzjoni tal-votazzjoni

Testi adottati :

P7_TA(2010)0323

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
NOTA SPJEGATTIVA
OPINJONI TA' MINORANZA
OPINJONI tal-Kumitat għall-Affarijiet Barranin
RIŻULTAT TAL-VOTAZZJONI FINALI FIL-KUMITAT

dwar il-proposta għal Deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u r-Repubblika Iżlamika tal-Pakistan dwar ir-riammissjoni ta’ persuni li jirrisjedu mingħajr awtorizzazzjoni

(05942/2010 - C7‑0264/2009 – 2009/0036(NLE))

(Proċedura ta' approvazzjoni)

Il-Parlament Ewropew,

– wara li kkunsidra l-abbozz ta' Ftehim bejn il-Komunità Ewropea u r-Repubblika Iżlamika tal-Pakistan dwar ir-riammissjoni ta’ persuni li jirrisjedu mingħajr awtorizzazzjoni (8793/2009),

– wara li kkunsidra l-proposta għal Deċiżjoni tal-Kunsill (COM(2009)0106),

wara li kkunsidra l-abbozz ta' deċiżjoni tal-Kunsill (05942/2010),

– wara li kkunsidra l-Artikolu 63, l-ewwel paragrafu, punt 3, punt (b) u l-Artikolu 300(2), l-ewwel subparagrafu, l-ewwel sentenza, u l-Artikolu 300(3), l-ewwel subparagrafu, tat-Trattat KE, skont liema l-Kunsill ikkonsulta lill-Parlament (C7-0264/2009),

– wara li kkunsidra l-Komunikazzjoni mill-Kummissjoni lill-Parlament Ewropew u lill-Kunsill bit-titolu 'Konsegwenzi tad-dħul fis-seħħ tat-Trattat ta' Liżbona fuq il-proċeduri interistituzzjonali ta' teħid ta' deċiżjonijiet li għaddejjin bħalissa' (COM(2009)0665),

– wara li kkunsidra l-Artikolu 79(3) u l-Artikolu 218(6), it-tieni subparagrafu, punt (a), punt (v) tat-Trattat dwar il-Funzjonament tal-Unjoni Ewropea,

– wara li kkunsidra l-Artikoli 81 u 90(8) tar-Regoli ta' Proċedura tiegħu,

– wara li kkunsidra r-rakkomandazzjoni tal-Kumitat għal-Libertajiet Ċivili, il-Ġustizzja u l-Intern u l-opinjoni tal-Kumitat għall-Affarijiet Barranin (A7-0231/2010),

1. Jagħti l-kunsens tiegħu għall-konklużjoni tal-ftehim;

2. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill, lill-Kummissjoni u lill-gvernijiet u l-parlamenti tal-Istati Membri u tar-Repubblika Iżlamika tal-Pakistan.

Sfond

Fit-18 ta’ Settembru 2000, il-Kunsill awtorizza l-Kummissjoni biex tinnegozja ftehim ta' riammissjoni bejn il-Komunità Ewropea u l-Pakistan. Wara diversi rawnds ta' negozjati, il-ftehim kien inizjalat fil-livell tan-negozjaturi fid-9 ta' Settembru 2008. Il-Kunsill adotta d-deċiżjoni għall-iffirmar tal-ftehim fl-4 ta' Ġunju 2009 u l-ftehim kien iffirmat mill-Komunità Ewropea u l-Pakistan fi Brussell fis-26 ta' Ottubru 2009.

Bħala konsegwenza tad-dħul fis-seħħ tat-Trattat ta' Lisbona fl-1 ta' Diċmebru 2009, l-Unjoni Ewropea ssostitwiet u ssuċċediet il-Komunità Ewropea. Il-proċeduri li għandhom jiġu segwiti mill-Unjoni sabiex jiġi konkluż il-Ftehim huma rregolati mill-Artikolu 218(6)(a) tat-Trattat dwar il-Funzjonament tal-Unjoni Ewropea (TFUE), li jgħid li l-Kunsill għandu jadotta deċiżjoni li tikkonkludi l-ftehim.

Bid-dħul fis-seħħ tat-Trattat ta’ Lisbona, il-Parlament Ewropew se jkollu jagħti l-approvazzjoni tiegħu għall-ftehim propost. Il-Kumitat għal-Libertajiet Ċivili, il-Ġustizzja u l-Intern (LIBE) huwa l-kumitat responsabbli, u l-Kumitat għall-Affarijiet Barranin (AFET) kien mitlub jagħti opinjoni.

Suġġett

L-għan tal-Ftehim huwa li jtejjeb il-kooperazzjoni bejn l-amministrazzjonijiet tal-Istat li jagħmel it-talba u ta' dak li ssirlu t-talba sabiex il-proċess ta' riammissjoni jitħaffef iktar. Għal dak il-għan, il-Ftehim jistipula l-obbligu, fuq bażi totalment reċiproka, ta' riammissjoni ta' ċittadini proprji, u, b'ċerti kundizzjonijiet, iċ-ċittadini ta' pajjiżi terzi u persuni mingħajr stat kif ukoll id-dispożizzjonijiet tekniċi neċessarji dwar il-proċedura ta' riammissjoni (talba għal riammissjoni, mezzi ta' prova, limiti ta' żmien, modalitajiet ta' trasferiment u modi ta' trasport).

Il-Ftehim għandu l-għan li jkun strument importanti fil-ġlieda kontra l-migrazzjoni illegali fl-Unjoni Ewropea u għandu jżid is-sigurtà fit-territorju tagħha. Il-Pakistan huwa pajjiż importanti ta' oriġini jew tranżitu ta' migranti li ma jissodisfawx, jew m'għadhomx jissodisfaw, il-kundizzjonijiet fis-seħħ għad-dħul fit-territorju ta' Stat Membru tal-UE, jew għal preżenza jew residenza fih (skont id-data tal-Kummissjoni għall-2008 fl-UE27: 13,348 arrestati, 17,016-il deċiżjoni għar-ritorn, 4,424 tneħħija, li minnhom 3,667 marru lura f'pajjiż terz). Il-ftehim mal-Pakistan huwa wkoll rilevanti minn perspettiva reġjonali u se jkun ta' appoġġ għall-isforzi tal-UE għat-titjib tal-kooperazzjoni ma' pajjiżi oħra fir-reġjun.

Il-Ftehim jinkludi klawsola ta' konsistenza ma' liġijiet internazzjonali u ma' regoli oħrajn ta' protezzjoni tad-data. Ir-ritorn tal-persuna fiżika fih innifsu huwa xogħol l-awtorità kompetenti fi Stat Membru u fil-Pakistan. Dawn għandhom jikkonformaw mal-obbligi rilevanti tal-liġi internazzjonali, bħall-prinċipju ta' non-refoulement, u se jinżammu responsabbli għat-tkeċċijiet quddiem il-qrati nazzjonali tagħhom. Il-prinċipju ta' non-refoulement għandu wkoll implikazzjonijiet proċedurali, ladarba l-Istati huma mitluba jagħmlu evalwazzjoni tar-riskju ta' trattament ħażin, inkluż f'każijiet ta' tneħħija indiretta għal pajjiż intermedjarju. L-Istati Membri kollha huma stati kontraenti għall-Konvenzjoni dwar l-Istatus tar-Rifuġjati u l-Konvenzjoni Ewropea dwar id-Drittijiet tal-Bniedem u għalhekk huma marbutin b'dawn l-obbligi.

Il-Ftehim jistabbilixxi Kumitat Konġunt tar-Riammissjoni li jista’ jadotta r-regoli ta' proċedura tiegħu.

Jekk wieħed iqis li fost l-istituzzjonijiet Ewropej, hija biss il-Kummissjoni Ewropea li tieħu sehem fil-Kumitat Konġunt tar-Riammissjoni, il-Parlament Ewropew għandu jitlob lill-Kummissjoni tipprovdi informazzjoni regolari dwar l-attività tal-Kumitat.

Applikazzjoni territorjali

Skont l-Artikolu 3 tal-Protokoll dwar il-pożizzjoni tar-Renju Unit u l-Irlanda fir-rigward tal-Ispazju tal-Libertà, is-Sigurtà u l-Ġustizzja, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, ir-Renju Unit wera x-xewqa li jieħu sehem fl-adozzjoni u l-applikazzjoni ta’ din id-Deċiżjoni. L-Irlanda, skont it-termini tal-istess Protokoll, iddeċidiet li ma tipparteċipax fl-adozzjoni ta' din id-Deċiżjoni. Skont l-Artikoli 1 u 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, id-Danimarka mhix qed tieħu sehem fl-adozzjoni ta’ din id-Deċiżjoni u mhix marbuta biha jew soġġetta għall-applikazzjoni tagħha.

Dħul fis-seħħ, tul taż-żmien u terminazzjoni

Dan il-Ftehim se jidħol fis-seħħ fl-ewwel jum tat-tieni xahar ta’ wara d-data li fiha l-Partijiet jinnotifikaw lil xulxin li l-proċeduri ta' ratifika jkunu tlestew.

L-Artikolu 20(3) fih klawsola li tistipula li l-ftehim mhux retroattiv, li tfisser li l-ftehim mhux se japplika għal dawk iċ-ċittadini Pakistani li jkunu waslu fit-territorju tal-Istati Membri qabel id-dħul fis-seħħ tal-ftehim.

Kunsiderazzjonijiet oħra

L-Unjoni Ewropea għandha tieħu kull azzjoni xierqa sabiex tiżgura li l-gvern tal-Pakistan jirratifika l-Patt Internazzjonali dwar id-Drittijiet Ċivili u Politiċi tal-1966, u l-Konvenzjoni tan-NU Kontra t-Tortura u Trattament jew Pieni Krudili, Inumani jew Degradanti Oħra tal-1984.

imressqa skont l-Artikolu 52(3) tar-Regoli ta' Proċedura minn

Sylvie Guillaume f'isem il-Grupp S&D,

Hélène Flautre, Franziska Keller, Jean Lambert u Judith Sargentini f'isem il-Grupp Verts/ALE

Rui Tavarès, Cornelia Ernst u Marie-Christine Vergiat f'isem il-Grupp GUE/NGL

Il-ftehim ta' riammissjoni bejn l-UE u l-Pakistan huwa l-ewwel wieħed konkluż taħt it-Trattat ta' Lisbona. Għalhekk, il-Parlament Ewropew għandu jiżgura li dan ikun konformi għal kollox mat-Trattati tal-UE, mal-liġi Ewropea u internazzjonali dwar id-drittijiet fundamentali u l-asil.

Aħna vvutajna kontra l-ftehim attwali għaliex:

- għandu l-għan li jibgħat lura n-nies lejn pajjiż li ma jikkonformax mal-istandards rilevanti tad-drittijiet tal-bniedem, li ma ffirmax il-Konvenzjoni ta' Ġinevra tal-1951 u fejn is-sitwazzjoni attwali ma tippermettix ritorn sikur. Barra minn hekk, il-Pakistan diġà għandu l-problemi biex jilqa' numru kbir ta' persuni spostati.

- dan ma jinkludix salvagwardji u mekkaniżmi stretti rigward il-vjolazzjoni tad-drittijiet fundamentali.

- fih diversi lakuni u ambigwitajiet, b'mod partikulari rigward id-definizzjonijiet, id-dokumenti tal-ivvjaġġar, l-iskadenzi għar-risposti għat-talbiet ta' riammissjoni, l-operazzjonijiet ta' tranżitu, il-piż tal-prova, u l-possibilità ta' retroattività. Dawn l-ambigwitajiet għandhom jiġu ċċarati fil-Kumitat Konġunt tar-Riammissjoni li fih, sfortunatament, il-PE ma għandux vuċi, li jkun kompletament leġittimu fir-rigward tal-kompetenzi ġodda tiegħu.

- ma jagħtix garanzija adegwata ta' protezzjoni tad-data personali: id-data tista' tingħadda lil "entitajiet oħra", mingħajr il-ħtieġa tal-kunsens tal-persuna.

- qabel il-konklużjoni tal-ftehimiet il-ġodda, hija indipensabbli evalwazzjoni tal-ftehimiet preċedenti.

għall-Kumitat għal-Libertajiet Ċivili, il-Ġustizzja u l-Intern

dwar il-proposta għal deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u r-Repubblika Iżlamika tal-Pakistan dwar ir-riammissjoni ta’ persuni li jirrisjedu mingħajr awtorizzazzjoni
(5942/2010 – C7‑0264/2009 – 2009/0036(NLE))

Rapporteur: Gabriele Albertini

ĠUSTIFIKAZZJONI FIL-QOSOR

Wara 8 snin ta’ negozjati bejn il-Kummissjoni Ewropea u l-Pakistan, fl-aħħar intlaħaq ftehim dwar il-proċedura ta’ riammissjoni għal persuni li jirrisjedu mingħajr awtorizzazzjoni, u t-test maqbul ġie ffirmat f’Ottubru 2009, soġġett għall-konklużjoni tiegħu. Bid-dħul fis-seħħ tat-Trattat ta’ Lisbona, il-Parlament Ewropew se jkollu jagħti l-approvazzjoni tiegħu għall-ftehim propost; jekk il-Parlament jivvota biex jirrifjuta l-ftehim, dan ma jistax jidħol fis-seħħ. Il-Kumitat għal-Libertajiet Ċivili, il-Ġustizzja u l-Intern (LIBE) huwa l-kumitat li jmexxi u, meta wieħed jikkunsidra l-interess li l-Kumitat għall-Affarijiet Barranin minn żmien twil ilu għandu fil-Pakistan, l-AFET talab awtorizzazzjoni biex ifassal abbozz ta’ opinjoni.

Id-deċiżjoni proposta li tirrigwarda l-konklużjoni tal-ftehim tistabbilixxi l-arranġamenti interni meħtieġa għall-applikazzjoni prattika tal-Ftehim. Fil-Memorandum ta’ Spjegazzjoni mehmuż mal-proposta, il-Kummissjoni tenfasizza li l-obbligi tar-riammissjoni huma mfassla b’mod għalkollox reċiproku, u jinkludu ċittadini proprji kif ukoll dawk ta’ pajjiżi terzi u persuni mingħajr Stat. Intlaħaq ftehim dwar deroga mid-deċiżjoni għad-Danimarka u, reċentement, għall-Irlanda.

L-abbozz ta' opinjoni oriġinali kien talab lill-Kumitat għal-Libertajiet Ċivili, il-Ġustizzja u l-Intern, bħala l-kumitat responsabbli, biex jirrifjuta l-proposta, filwaqt li ġibed l-attenzjoni għall-qagħda interna instabbli u l-istampa persistenti tal-ksur tad-drittijiet tal-bniedem fil-Pakistan, in-nuqqas min-naħa tal-Kummissjoni, fin-negozjati tagħha, li tipprova tiżgura jkunu rrispettati d-drittijiet u s-sikurezza tal-persuni rritornati (sew ċittadini tal-Pakistan kif ukoll dawk ta' pajjiżi terzi jew persuni bla stat fi tranżitu għall-istat finali ta' destinazzjoni), kwistjonijiet li ftit li xejn huma rassikuranti fil-kuntest tar-riammissjoni furzata fil-Pakistan. Issemma wkoll bħala fatt disturbanti li sal-lum għadha ma saret l-ebda evalwazzjoni tal-11-il ftehim ta' riammissjoni diġà fis-seħħ, partikolarment fid-dawl ta' tħassib dwar ir-rispett tad-drittijeit tal-bniedem.

Il-membri qablu li dawn tassew kienu kwistjonijiet sinifikanti ta' tħassib, imma ddeċidew li qafas ċar għall-kooperazzjoni mal-Pakistan dwar ir-riammissjoni huwa preferibbli għal sitwazzjoni fejn hemm riskju li l-Istati Membri jirritornaw l-immigranti illegali fuq bażi ad hoc u bla superviżjoni tal-UE rigward ir-rispett tad-drittijiet tal-bniedem tal-persuni rritornati, sew jekk kienu ta' oriġini fil-Paksitan, f'pajjiż terz jew inkella persuni bla Stat fi tranżitu mill-Pakistan. L-Artikolu 16 tal-Ftehim dwar ir-Riammissjoni jiżgura li l-UE jkollha rwol f'dan ir-rigward. Il-Kumitat tenna l-ħtieġa għal evalwazzjoni tal-ftehimiet konklużi sal-lum mill-UE, imma wera l-fehma li dawn il-kunsiderazzjonijiet ġenerali m'għandhomx iwasslu għal rifjut ta' dan il-ftehim partikolari.

*******

Il-Kumitat għall-Affarijiet Barranin jitlob lill-Kumitat għal-Libertajiet Ċivili, il-Ġustizzja u l-Intern, bħala l-kumitat responsabbli, biex jipproponi li l-Parlament jagħti l-approvazzjoni tiegħu.

RIŻULTAT TAL-VOTAZZJONI FINALI FIL-KUMITAT

Data tal-adozzjoni

Riżultat tal-votazzjoni finali

+:

–:

0:

Membri preżenti għall-votazzjoni finali

Gabriele Albertini, Sir Robert Atkins, Michael Gahler, Marietta Giannakou, Andrzej Grzyb, Takis Hadjigeorgiou, Ioannis Kasoulides, Tunne Kelam, Nicole Kiil-Nielsen, Maria Eleni Koppa, Andrey Kovatchev, Wolfgang Kreissl-Dörfler, Eduard Kukan, Ryszard Antoni Legutko, Sabine Lösing, Ulrike Lunacek, Barry Madlener, Mario Mauro, Willy Meyer, Francisco José Millán Mon, Alexander Mirsky, Annemie Neyts-Uyttebroeck, Raimon Obiols, Kristiina Ojuland, Pier Antonio Panzeri, Alojz Peterle, Mirosław Piotrowski, Bernd Posselt, Cristian Dan Preda, Fiorello Provera, José Ignacio Salafranca Sánchez-Neyra, Jacek Saryusz-Wolski, Werner Schulz, Ernst Strasser, Charles Tannock, Zoran Thaler, Inese Vaidere, Kristian Vigenin, Boris Zala

Sostituti preżenti għall-votazzjoni finali

Elena Băsescu, Nikolaos Chountis, Hélène Flautre, Kinga Gál, Roberto Gualtieri, Judith Sargentini, György Schöpflin, Alf Svensson, Renate Weber

Sostituti (skont l-Artikolu 187(2)) preżenti għall-votazzjoni finali

Jean-Paul Besset, Michèle Striffler

Avviż legali - Politika tal-privatezza