RAPPORT dwar il-pożizzjoni tal-Kunsill dwar l-abbozz ta' baġit emendatorju Nru 9/2010 tal-Unjoni Ewropea għas-sena finanzjarja 2010, Taqsima III – Il-Kummissjoni
25.11.2010 - (0000/2010 – C7‑0000/2010 – 2010/2238(BUD))
Kumitat għall-Baġits
Rapporteur: László Surján
MOZZJONI GĦAL RI¯OLUZZJONI TAL-PARLAMENT EWROPEW
dwar l-abbozz ta' baġit emendatorju Nru 9/2010 tal-Unjoni Ewropea għas-sena finanzjarja 2010, Taqsima III – Il-Kummissjoni
(0000/2010 – C7‑0000/2010 – 2010/2238(BUD))
Il-Parlament Ewropew,
– wara li kkunsidra t-Trattat dwar il-Funzjonament tal-Unjoni Ewropea u b'mod partikolari l-Artikolu 314 tiegħu u t-Trattat li jistabbilixxi l-Komunità Ewropea tal-Enerġija Atomika u b'mod partikolari l-Artikolu 106a tiegħu,
– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanzjarju applikabbli għall-baġit ġenerali tal-Komunitajiet Ewropej[1], u b’mod partikolari l-Artikoli 37 u 38 tiegħu,
– wara li kkunsidra l-baġit ġenerali tal-Unjoni Ewropea għas-sena finanzjarja 2010, adottat b'mod definittiv fis-17 ta’ Diċembru 2009[2],
– wara li kkunsidra l-Ftehim Interistituzzjonali tas-17 ta' Mejju 2006 bejn il-Parlament Ewropew, il-Kunsill u l-Kummissjoni dwar id-dixxiplina baġitarja u l-amministrazzjoni finanzjarja tajba[3],
– wara li kkunsidra l-abbozz tal-baġit emendatorju Nru 9/2010 tal-Unjoni Ewropea għas-sena finanzjarja 2010, ippreżentat mill-Kummissjoni fit-13 ta’ Ottubru 2010 (COM(2010)0577),
– wara li kkunsidra l-pożizzjoni tal-Kunsill dwar l-abbozz ta' baġit emendatorju Nru 9/2010, stabbilit mill-Kunsill fi ... 2010 (0000/2010 – C7-0000/2010),
– wara li kkunsidra l-Artikoli 75b u 75e tar-Regoli ta' Proċedura tiegħu,
– wara li kkunsidra r-rapport tal-Kumitat għall-Baġits (A7-0341/2010),
A. billi l-Abbozz ta' baġit emendatorju Nru 9/2010 għall-baġit ġenerali 2010 jkopri l-punti li ġejjin:
– il-mobilizzazzjoni tal-Fond ta' Solidarjetà tal-UE għall-ammont ta’ EUR 66.9 miljun f’approprjazzjonijiet għall-impenji u għall-ħlasijiet li jikkonċernaw l-effetti taż-żerżiq tal-art u tal-għargħar serju fil-gżira ta’ Madejra, fil-Portugall, u l-effetti tal-maltempata Xynthia fi Franza,
– tnaqqis korrispondenti fl-approprjazzjonijiet għall-ħlasijiet ta’ EUR 66.9 miljun mil-linja 06 04 14 03 – Proġetti tal-enerġija biex jgħinu l-irkupru ekonomiku – Is-sistema Ewropea taż-żona tar-riħ lil hinn mill-kosta,
B. billi l-għan tal-Abbozz ta' baġit emendatorju Nru 9/2010 huwa li dan l-aġġustament baġitarju jiddaħħal b'mod formali fil-baġit tal-2010,
1. Jieħu nota tal-Abbozz ta' baġit emendatorju Nru 9/2010;
2. Japprova l-pożizzjoni tal-Kunsill dwar l-Abbozz ta' baġit emendatorju Nru 9/2010 mingħajr emendi u jagħti istruzzjonijiet lill-President tiegħu biex jiddikjara li l-Abbozz ta' baġit emendatorju Nru x/2010 ġie adottat b'mod definittiv u biex jiżgura li jiġi ppubblikat f’Il-Ġurnal Uffiċjali tal-Unjoni Ewropea;
3. Jagħti istruzzjonijiet lill-President tiegħu biex jgħaddi din ir-riżoluzzjoni lill-Kunsill u lill-Kummissjoni.
NOTA SPJEGATTIVA
Skont l-Artikolu 37(1) tar-Regolament Finanzjarju, il-Kummissjoni tista' tressaq abbozzi ta' baġits emendatorji jekk ikun hemm "ċirkustanzi li ma jistgħux jiġu evitati, li jkunu eċċezzjonali jew li ma jkunux prevedibbli".
Dwar il-punti differenti tal-Abbozz ta' baġit emendatorju Nru 9/2010, ir-rapporteur għandu dawn il-kummenti li ġejjin:
1. Mobilizzazzjoni tal-Fond ta' Solidarjetà tal-UE
Il-Kummissjoni tipproponi li jiġi mmobilizzat il-Fond ta' Solidarjetà tal-Unjoni Ewropea favur il-Portugall u Franza fuq il-bażi tal-punt 26 tal-Ftehim Interistituzzjonali tas-17 ta' Mejju 2006 dwar id-dixxiplina baġitarja u l-amministrazzjoni finanzjarja tajba. Il-Ftehim Interistituzzjonali jippermetti l-mobilizzazzjoni tal-Fond ta’ Solidarjetà sal-limitu massimu annwali ta’ EUR 1 biljun.
Il-kundizzjonijiet tal-eliġibilità għall-Fond huma mogħtija fid-dettall hawnhekk kif ukoll fir-Regolament tal-Kunsill Nru 2012/2002[1] li jistabbilixxi l-FSUE. Huwa importanti li jiġi nnotat li l-objettiv tal-Fond mhuwiex il-kumpens għal ħsara privata imma li tissewwa l-infrastruttura billi huwa għodda ta’ rifinanzjament.
S’issa fl-2010 proposta waħda biss tressqet mill-Kummissjoni biex timmobilizza l-Fond ta' Solidarjetà, il-proposta tal-24 ta' Settembru 2010 biex jiġu mmobilizzati EUR 13.02 miljun wara għargħar kbir fl-Irlanda f'Novembru 2009 (COM(2010)0534).
L-awtoritajiet Portugiżi stmaw li l-ħsara diretta totali hija ta’ EUR 1.08 biljun. Dan l-ammont huwa 0.68% tad-dħul gross nazzjonali (DGN) tal-Portugall. Peress li l-ħsara diretta totali stmata taqbeż il-limitu ta' 0.6% tad-DGN applikabbli għall-Portugall biex ikun mobilizzat il-Fond ta' Solidarjetà, id-diżastru jikkwalifika bħala "diżastru naturali kbir" skont ir-Regolament (KE) Nru 2012/2002 li jistipula l-kundizzjonijiet għall-mobilizzazzjoni tal-Fond ta' Solidarjetà u għaldaqstant jaqa' fil-qasam prinċipali ta' applikazzjoni tar-regolament.
L-awtoritajiet Franċiżi jistmaw li l-ħsara diretta totali kkawżata mid-diżastru hija ta’ EUR 1 425.43 miljun. Dan l-ammont huwa 41.12% tal-livell minimu normali applikabbli għal Franza biex jiġi mmobilizzat il-Fond ta’ Solidarjetà, li fl-2010 huwa ta’ EUR 3 466.57 miljun (jiġifieri, EUR 3 biljun bil-prezzijiet tal-2002). Peress li f'dan il-każ il-ħsara totali tibqa’ taħt il-limitu normali, l-applikazzjoni ġiet eżaminata mill-Kummissjoni fuq il-bażi ta' dak magħruf bħala l-kriterju tad-"diżastru reġjonali straordinarju" stabbilit fl-Artikolu 2(2), subparagrafu finali, tar-Regolament (KE) Nru 2012/2002. Skont dan il-kriterju, reġjun jista’ eċċezzjonalment jibbenefika wkoll minn għajnuna mill-Fond fejn dan jintlaqat minn diżastru straordinarju, prinċipalment wieħed naturali, li jaffettwa l-parti l-kbira tal-popolazzjoni tiegħu, u li jħalli riperkussjonijiet serji u li jdumu fuq il-kundizzjonijiet tal-għajxien u fuq l-istabbiltà ekonomika tar-reġjun.
Id-deċiżjoni tal-mobilizzazzjoni hija s-suġġett ta' abbozz ta' rapport parallel li jirrakkomanda li d-deċiżjoni tiġi approvata. Dan l-abbozz ta’ baġit emendatorju jsegwi d-deċiżjoni bażika skont il-punt 26 tal-Ftehim Interistituzzjonali tas-17 ta’ Mejju 2006.
2. Finanzjament
Wara li vverifikat li ż-żewġ applikazzjonijiet jikkonformaw mal-kriterji ta’ eliġibilità tar-Regolament (KE) Nru 2012/2002 il-Kummissjoni pproponiet li timmobilizza l-Fond ta’ Solidarjetà għall-ammont ta’ EUR 31 255 790 għall-Portugall (għargħar f’Madejra) u EUR 35 635 750 għal Franza (maltempata Xynthia) li jammontaw għal total ta’ EUR 66 891 540 mil-livell massimu ta’ EUR 1 000 miljun f'approprjazzjonijiet għall-impenji u għall-ħlasijiet. Qiegħed jiġi propost li l-approprjazzjonijiet għall-ħlasijiet korrispondenti jiġu riallokati mil-linja baġitarja 06 04 14 03: Proġetti tal-enerġija biex jgħinu l-irkupru ekonomiku – Is-sistema Ewropea taż-żona tar-riħ lil hinn mill-kosta.
Dan l-ammont ta’ kumpens se jħalli tal-anqas 92% tal-Fond ta’ Solidarjetà tal-Unjoni Ewropea disponibbli biex jiġi allokat matul il-bqija tas-sena.
Għaldaqstant, fl-ABE Nru 9/2010, il-Kummissjoni għamlet il-proposta li ġejja:
Ċifri – Fond ta' Solidarjetà
|
Artikolu Partita |
Intestatura |
FF |
Baġit 2010 |
Baġit emendatorju Nru 9 |
Ammont ġdid |
||||
|
CA |
PA |
CA |
PA |
CA |
PA |
||||
|
13 06 |
Fond ta’ Solidarjetà |
|
|
|
|
|
|
|
|
|
13 06 01 |
Fond ta’ Solidarjetà tal-Unjoni Ewropea — Stati Membri |
3.2 |
13 022 500 |
13 022 500 |
66 891 540 |
66 891 540 |
79 914 040 |
79 914 040 |
|
|
|
Artikolu 13 06 01 |
|
13 022 500 |
13 022 500 |
66 891 540 |
66 891 540 |
79 914 040 |
79 914 040 |
|
|
Titolu Kapitolu Artikolu Partita |
Intestatura |
FF |
Baġit 2010http://www.faz.net/s/Rub6F18BAF415B6420887CBEE496F217FEA/Doc~E3197FD1D61134AFB803177738920E9B1~ATpl~Ecommon~Scontent.html |
Baġit emendatorju Nru 9/2010 |
Ammont ġdid |
||||
|
Impenji |
Ħlasijiet |
Impenji |
Ħlasijiet |
Impenji |
Ħlasijiet |
||||
|
06 04 |
Enerġija konvenzjonali u rinnovabbli |
|
|
|
|
|
|
|
|
|
06 04 14 03 |
Proġetti tal-enerġija biex jgħinu l-irkupru ekonomiku – Is-sistema Ewropea taż-żona tar-riħ lil hinn mill-kosta |
1.1 |
280 900 000 |
253 583 000 |
|
-66 891 540 |
280 900 000 |
186 691 460 |
|
Il-Kummissjoni Ewropea pproponiet tnaqqis korrispondenti fl-approprjazzjonijiet għall-ħlasijiet mil-linja baġitarja 06 04 14 03: Proġetti tal-enerġija biex jgħinu l-irkupru ekonomiku – Sistema Ewropea taż-żona tar-riħ lil hinn mill-kosta.
Ir-Rapporteur jipproponi għalhekk li l-Abbozz ta' Baġit Emendatorju 9/2010 propost jiġi aċċettat.
- [1] Regolament tal-Kunsill (KE) Nru 2012/2002 tal-11 ta' Novembru 2002 li jistabilixxi l-Fond ta' Solidarjetà tal-Unjoni Ewropea ĠU L 311, 14.11.2002, p. 3-8.
RIŻULTAT TAL-VOTAZZJONI FINALI FIL-KUMITAT
|
Data tal-adozzjoni |
18.11.2010 |
|
|
|
||
|
Riżultat tal-votazzjoni finali |
+: –: 0: |
14 1 0 |
||||
|
Membri preżenti għall-votazzjoni finali |
Giovanni Collino, Jean-Luc Dehaene, José Manuel Fernandes, Eider Gardiazábal Rubial, Ingeborg Gräßle, Carl Haglund, Lucas Hartong, Monika Hohlmeier, Alain Lamassoure, Giovanni La Via, Vladimír Maňka, Barbara Matera, László Surján, Derek Vaughan, Jacek Włosowicz |
|||||