RAPPORT dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi għas-sena finanzjarja 2009

1. PROPOSTA GĦAL DEĊIŻJONI TAL-PARLAMENT EWROPEW

6.4.2011 - (C7‑0245/2010 – 2010/2185(DEC))

Kumitat għall-Kontroll tal-Baġit
Rapporteur: Georgios Stavrakakis

Proċedura : 2010/2185(DEC)

Ċiklu ta' ħajja waqt sessjoni

Ċiklu relatat mad-dokument :

A7-0127/2011

Testi mressqa :

A7-0127/2011

Dibattiti :

PV 10/05/2011 - 4
CRE 10/05/2011 - 4

Votazzjonijiet :

PV 10/05/2011 - 9.11
Spjegazzjoni tal-votazzjoni
Spjegazzjoni tal-votazzjoni

Testi adottati :

P7_TA(2011)0170

1. PROPOSTA GĦAL DEĊIŻJONI TAL-PARLAMENT EWROPEW

Data tal-adozzjoni

Riżultat tal-votazzjoni finali

+:

–:

0:

Membri preżenti għall-votazzjoni finali

János Áder, Kriton Arsenis, Pilar Ayuso, Paolo Bartolozzi, Sandrine Bélier, Sergio Berlato, Martin Callanan, Nessa Childers, Chris Davies, Bairbre de Brún, Bas Eickhout, Edite Estrela, Karl-Heinz Florenz, Elisabetta Gardini, Julie Girling, Cristina Gutiérrez-Cortines, Satu Hassi, Jolanta Emilia Hibner, Dan Jørgensen, Karin Kadenbach, Christa Klaß, Holger Krahmer, Jo Leinen, Corinne Lepage, Linda McAvan, Radvilė Morkūnaitė-Mikulėnienė, Miroslav Ouzký, Vladko Todorov Panayotov, Gilles Pargneaux, Antonyia Parvanova, Andres Perello Rodriguez, Sirpa Pietikäinen, Mario Pirillo, Pavel Poc, Vittorio Prodi, Frédérique Ries, Anna Rosbach, Oreste Rossi, Dagmar Roth-Behrendt, Daciana Octavia Sârbu, Horst Schnellhardt, Richard Seeber, Theodoros Skylakakis, Bogusław Sonik, Salvatore Tatarella, Åsa Westlund, Glenis Willmott, Sabine Wils, Marina Yannakoudakis

Sostitut(i) preżenti għall-votazzjoni finali

Jutta Haug, Marisa Matias, Bill Newton Dunn, Bart Staes, Eleni Theocharous, Thomas Ulmer, Anna Záborská

dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi għas-sena finanzjarja 2009

(C7‑0245/2010 – 2010/2185(DEC))

Il-Parlament Ewropew,

– wara li kkunsidra l-kontijiet annwali definittivi tal-Aġenzija Ewropea għas-Sustanzi Kimiċi għas-sena finanzjarja 2009,

– wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2009, flimkien mat-tweġibiet tal-Aġenzija[1],

– wara li kkunsidra r-rakkomandazzjoni tal-Kunsill tal-15 ta’ Frar 2011 (5892/2011 – C7‑0052/2011),

– wara li kkunsidra l-Artikolu 276 tat-Trattat KE u l-Artikolu 319 tat-Trattat dwar il-Funzjonament tal-Unjoni Ewropea,

– wara li kkunsidra r-Regolament tal-Kunsill (KE, Euratom) Nru 1605/2002 tal-25 ta' Ġunju 2002 dwar ir-Regolament Finanzjarju applikabbli għall-baġit ġenerali tal-Komunitajiet Ewropej[2], u b'mod partikolari l-Artikolu 185 tiegħu,

– wara li kkunsidra r-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 li jistabbilixxi Aġenzija Ewropea għas-Sustanzi Kimiċi[3], u b’mod partikulari l-Artikolu 97 tiegħu,

– wara li kkunsidra r-Regolament tal-Kummissjoni (KE, Euratom) Nru 2343/2002[4] tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament (KE, Euratom) Nru 1605/2002 u b’mod partikulari l-Artikolu 94 tiegħu,

– wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

– wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0127/2011),

1. Jagħti l-kwittanza lid-Direttur Eżekuttiv tal-Aġenzija Ewropea għas-Sustanzi Kimiċi għall-implimentazzjoni tal-baġit tal-Aġenzija għas-sena finanzjarja 2009;

2. Jippreżenta l-kummenti tiegħu fir-riżoluzzjoni t’hawn taħt;

3. Jagħti istruzzjonijiet lill-President tiegħu biex jgħaddi din id-deciżjoni, kif ukoll ir-riżoluzzjoni li hi parti integrali minnha, lid-Direttur Eżekuttiv tal-Aġenzija Ewropea għas-Sustanzi Kimiċi, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata fil-Ġurnal Uffiċjali tal-Unjoni Ewropea (serje L).

2. PROPOSTA GĦAL DEĊIŻJONI TAL-PARLAMENT EWROPEW

dwar l-għeluq tal-kontijiet tal-Aġenzija Ewropea għas-Sustanzi Kimiċi għas-sena finanzjarja 2009

(C7‑0245/2010 – 2010/2185(DEC))

Il-Parlament Ewropew,

– wara li kkunsidra l-kontijiet annwali definittivi tal-Aġenzija Ewropea għas-Sustanzi Kimiċi għas-sena finanzjarja 2009,

– wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2009, flimkien mat-tweġibiet tal-Aġenzija[5],

– wara li kkunsidra r-rakkomandazzjoni tal-Kunsill tal-15 ta’ Frar 2011 (5892/2011 – C7‑0052/2011),

– wara li kkunsidra l-Artikolu 276 tat-Trattat KE u l-Artikolu 319 tat-Trattat dwar il-Funzjonament tal-Unjoni Ewropea,

– wara li kkunsidra r-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 li jistabbilixxi Aġenzija Ewropea għas-Sustanzi Kimiċi[7], u b’mod partikulari l-Artikolu 97 tiegħu,

– wara li kkunsidra r-Regolament tal-Kummissjoni (KE, Euratom) Nru 2343/2002[8] tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament (KE, Euratom) Nru 1605/2002 u b’mod partikulari l-Artikolu 94 tiegħu,

– wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

– wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0127/2011),

1. Japprova l-għeluq tal-kontijiet tal-Aġenzija Ewropea għas-Sustanzi Kimiċi għas-sena finanzjarja 2009;

2. Jagħti istruzzjonijiet lill-President tiegħu biex jgħaddi din id-Deciżjoni lid-Direttur Eżekuttiv tal-Aġenzija Ewropea għas-Sustanzi Kimiċi, lill-Kunsill, lill-Kummissjoni u lill-Qorti tal-Awdituri, u biex jiżgura li tiġi ppubblikata fil-Ġurnal Uffiċjali tal-Unjoni Ewropea (serje L).

3. MOZZJONI GĦAL RIŻOLUZZJONI TAL-PARLAMENT EWROPEW

li tinkludi l-osservazzjonijiet li jagħmlu parti integrali mid-deċiżjoni dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi għas-sena finanzjarja 2009

(C7‑0245/2010 – 2010/2185(DEC))

Il-Parlament Ewropew,

– wara li kkunsidra l-kontijiet annwali definittivi tal-Aġenzija Ewropea għas-Sustanzi Kimiċi għas-sena finanzjarja 2009,

– wara li kkunsidra r-rapport tal-Qorti tal-Awdituri dwar il-kontijiet annwali tal-Aġenzija Ewropea għas-Sustanzi Kimiċi għas-sena finanzjarja 2009, flimkien mat-tweġibiet tal-Aġenzija[9],

– wara li kkunsidra r-rakkomandazzjoni tal-Kunsill tal-15 ta’ Frar 2011 (5892/2011 – C7‑0052/2011),

– wara li kkunsidra l-Artikolu 276 tat-Trattat KE u l-Artikolu 319 tat-Trattat dwar il-Funzjonament tal-Unjoni Ewropea,

– wara li kkunsidra r-Regolament (KE) Nru 1907/2006 tal-Parlament Ewropew u tal-Kunsill tat-18 ta' Diċembru 2006 li jistabbilixxi Aġenzija Ewropea għas-Sustanzi Kimiċi[11], u b’mod partikulari l-Artikolu 97 tiegħu,

– wara li kkunsidra r-Regolament tal-Kummissjoni (KE, Euratom) Nru 2343/2002[12] tad-19 ta’ Novembru 2002 dwar ir-Regolament Finanzjarju strutturali għall-entitajiet imsemmijin fl-Artikolu 185 tar-Regolament (KE, Euratom) Nru 1605/2002 u b’mod partikulari l-Artikolu 94 tiegħu,

– wara li kkunsidra l-Artikolu 77 u l-Anness VI tar-Regoli ta’ Proċedura tiegħu,

– wara li kkunsidra r-rapport tal-Kumitat għall-Kontroll tal-Baġit u l-opinjoni tal-Kumitat għall-Ambjent, is-Saħħa Pubblika u s-Sikurezza tal-Ikel (A7-0127/2011),

A. billi l-Qorti tal-Awdituri ddikjarat li kisbet assikurazzjonijiet raġonevoli li l-kontijiet annwali għas-sena finanzjarja 2009 huma affidabbli u li t-transazzjonijiet sottostanti huma legali u regolari;

B. billi l-2009 kienet it-tieni sena li fiha kienet operattiva l-Aġenzija;

C. billi fil-5 ta’ Mejju 2010 l-Parlament ta l-kwittanza lid-Direttur Eżekuttiv tal-Aġenzija Ewropea għas-Sustanzi Kimiċi għall-implimentazzjoni tal-baġit tal-Aġenzija għas-sena finanzjarja 2008[13], u fir-riżoluzzjoni tiegħu li akkumpanjat id-deċiżjoni ta’ kwittanza, fost affarijiet oħra:

- ġibed l-attenzjoni għall-fatt li l-Qorti tal-Awdituri enfasizzat id-dewmien fl-attivitajiet operazzjonali kkawżat mid-diffikultajiet fl-implimentazzjoni tas-sistema tal-IT u min-nuqqas ta’ persunal ikkwalifikat;

- esprima s-sodisfazzjon tiegħu bl-ewwel sena ta’ operazzjoni b’suċċess tal-Aġenzija, li għal maniġment baġitarju tagħha fl-2007 kienet responsabbli l-Kummissjoni (DĠ Intrapriża u Industrija),

D. billi l-baġit tal-Aġenzija għas-sena finanzjarja 2009 kien ta’ EUR 70 400 000, żieda ta’ 6% mis-sena finanzjarja 2008;

1. Jinnota li l-Aġenzija kienet iffinanzjata fl-2008 minn sussidju Komunitarju ta’ EUR 62 200 000 skont l-Artikolu 185 tar-Regolament Finanzjarju, u fi kwantità minuri, minn pagamenti mill-industrija għal reġistrazzjonijiet ta’ sustanzi kimiċi skont ir-Regolament REACH (Regolament (KE) NRU 1907/2006 tal-Parlament Ewropew u tal-Kunsill tat-18 ta' Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta' sustanzi kimiċi (REACH), u li jistabbilixxi Aġenzija Ewropea għas-Sustanzi Kimiċi[14]),

2. Jisħaq dwar il-fatt li l-introjtu tal-Aġenzija fl-2009 kien ġej prinċipalment mis-sussidju ta’ kull sena mill-baġit ġenerali tal-Unjoni, li żdied b'EUR 4,000,000 miljuni meta mqabbel mal-2008 (EUR 62,600,000 miljun) u mill-introjtu ġġenerat mill-miżati ta' EUR 2,200,000 miljuni; jinnota li l-introjtu mill-miżati REACH IT jidħol mill-kumpaniji oġġett għar-reġistrazzjoni u n-notifika skont ir-Regolament REACH;

3. Josserva li ż-żieda taħt it-Titolu 3 - Nefqa Operazzjonali hija dovuta l-aktar għaż-żieda fil-kostijiet tal-iżvilupp tas-software, billi kienu meħtieġa investimetni kbar għat-titjib tal-arkitettura tas-sistema REACH IT u għall-iżvilupp ulterjuri ta’ għodda komprensiva ta’ valutazzjoni tas-sigurtà kimika/rapport tas-sigurtà kimika;

4. Jieħu nota, f’dan il-kuntest, li l-Aġenzija ttrasferiet 29% tal-approprijazzjonijiet totali (EUR 20,000,000 miljun) minħabba li l-kuntratti għal proġetti ewlenin marbutin mat-tħejjija għall-ewwel skadenza tar-reġistrazzjoni ma kinux konklużi sa għeluq l-2009; jirrakkomanda li l-proporzjon ta’ trasferimenti titnaqqas ħalli jkun irrispettat il-prinċipju tal-annwalità;

Rendiment

5. Jifraħ lill-Aġenzija talli, f’tabella annessa mar-Rapport 2009 tal-Qorti tal-Awdituri, qabblet l-operazzjonijiet li saru fl-2009 ma’ dawk tal-2008 sabiex ippermettiet lill-awtorità tal-kwittanza tevalwa b’mod iktar effettiv ir-rendiment tagħha minn sena għall-oħra; jinnota li l-Aġenzija żiedet in-numru ta’ dossiers ta’ reġistrazzjoni kkompletati (500 fl-2009 u 70 fl-2008) u n-numru ta’ talbiet għall-informazzjoni (1000 fl-2009 u 250 fl-2008); jinnota wkoll żieda kemm fin-numru ta’ kontrolli tal-konformità kkompletati (14 fl-2009 u 1 fl-2008) u n-numru ta’ proposti għall-klassifikazzjoni u ttikkettar armonizzati (30 fl-2009 u 14 fl-2008);

6. Jesprimi s-sodisfazzjon tiegħu bit-tieni sena ta’ operazzjoni b’suċċess tal-Aġenzija, li għal maniġment baġitarju tagħha fl-2007 kienet responsabbli l-Kummissjoni (DĠ Intrapriża u Industrija), jenfasizza, b’mod partikulari, li t-twaqqif bla xkiel u relattivament rapidu tal-Aġenzija huwa dovut l-iktar għall-appoġġ effettiv ipprovdut mid-Direttorat-Ġenerali fejn oriġinat, skambji ta’ esperjenza ma’ aġenziji oħra simili u l-għoti ta’ appoġġ qawwi mill-pajjiż ospitanti;

7. Jilqa’ l-inizjattivi tal-Aġenziija għat-titjib tal-proċeduri li tuża biex tiffoka fuq il-klijent u tagħtih ir-risposti tagħha; jifraħ, b'mod partikolari, lill-Aġenzija talli wettqet stħarriġ tal-partijiet interessati fl-2009 u talli żiedet l-attivitajiet ta’ għajnuna għall-industrija (bħal pereżempju li toffri servizz ta’ pariri bit-telefown għar-reġistranti ewlenin, workshops, laqgħat tan-netwerk, konsultazzjonijiet pubbliċi, eċċ);

8. Jitlob lill-Qorti tal-Awdituri twettaq verifika ta' prestazzjoni fir-rigward tal-Aġenzija;

Approprjazzjonijiet ittrasferiti

9. Jistieden lill-Aġenzija sabiex tiżviluppa aktar l-ippjanar u l-monitoraġġ tal-akkwist pubbliku u l-eżekuzzjoni tal-baġit tagħha sabiex tnaqqas il-proporzjon ta’ approprjazzjonijiet li jkunu ttrasferiti għas-sena ta’ wara; jinnota, fil-fatt, li l-Qorti tal-Awdituri rreġistrat trasferiment għas-sena ta’ wara ta’ EUR 20,000,000 (29% tal-approprjazzjonijiet) għas-sena baġitarja 2010, li madwar 88% minnu jikkorrispondi għal attivitajiet li għadhom ma kinux implimentati (jew, f'xi każijiet, prodotti li ma waslux) fl-aħħar tas-sena; jirrimarka, barra minn hekk, li 5% tal-approprjazzjonijiet (EUR 3,000, 000) kienu kkanċellati;

10. Jilqa’, madankollu, l-impenn tal-Aġenzija biex għall-2010 tnaqqas it-trasferiment tal-approprjazzjonijiet ta’ impenn taħt l-20% u tillimita l-approprjazzjonijiet ikkanċellati għal livell ħafna iktar baxx meta mqabbel mal-2008; jistieden, għalhekk, lill-Aġenzija biex tinforma lill-awtorità tal-kwittanza dwar l-iżviluppi f'din il-kwistjoni;

Riżorsi umani

11. Jinnota li n-numru totali ta’ postijiet fit-tabella tal-persunal żdied b’47% meta mqabbel mal-2008; jilqa’ l-fatt li sal-aħħar tas-sena l-Aġenzija wettqet 90% tax-xogħol li kellha tagħmel rigward it-tabella tal-persunal; ifakkar, madankollu, li hu importanti li l-Aġenzija tibqa’ timmonitorja l-implimentazzjoni tal-baġit u tal-pjan ta’ reklutaġġ tagħha;

Il-verifika interna

12. Jifraħ lill-Aġenzija talli waqqfet kapaċita tal-verifika interna (IAC) bi rwol tat-tmexxija tal-verifiki interni u li tagħti pariri lid-Direttur Eżekuttiv dwar is-sistemi ta’ ġestjoni u ta’ kontroll tar-riskju billi tagħti opinjonijiet u rakkomandazzjonijiet indipendenti;

13. Jirrikonoxxi li s-Servizz ta’ Verifika Interna (IAS) issottometta l-pjan ta' verifika strateġika finali tiegħu għall-2010-2012 fl-1 ta’ Diċembru 2009 (tliet snin fuq bażi kontinwa u permezz ta’ aġġornament annwali); jistieden, għalhekk, lid-Direttur Eżekuttiv tal-Aġenzija biex jinforma lill-awtorità tal-kwittanza dwar il-kontenut ta’ dan il-pjan ta’ verifika;

14. Jistieden lill-Aġenzija biex tinforma lill-awtorità tal-kwittanza dwar il-passi meħuda għat-titjib tas-sistema ta’ kontroll tagħha bit-tisħiħ taċ-ċirkwiti finanzjarji, tal-flussi tax-xogħol, tal-verifiki, tal-pjanijiet ta’ azzjoni, u tal-evalwazzjonijiet tar-riskju tagħha;

15. Iħeġġeġ lill-Aġenzija biex effettivament tiżgura li:

- il-komponenti kollha għal deċiżjonijiet ta’ finanzjament ikunu stabbiliti (eż. formati standard għall-Programm ta’ Ħidma Annwali u d-deċiżjonijiet finanzjarji tagħha),

- l-informazzjoni meħtieġa f'kull livell ġewwa l-organizzazzjoni tkun iddefinita u indirizzata kif suppost,

- il-programm ta’ ħidma annwali juri r-riżorsi kollha disponibbli permezz tal-baġit,

- id-dokumentazzjoni tal-proċeduri finanzjarji u l-listi ta’ kontroll ikunu iffinalizzati u aġġornati;

° °

16. Rigward l-osservazzjonijiet l-oħra li jakkumpanjaw id-Deċiżjoni tiegħu dwar il-kwittanza, li huma ta’ natura orizzontali, jirreferi għar-riżoluzzjoni ta’ ... Mejju 2011[15] dwar il-prestazzjoni, il-ġestjoni finanzjarja u l-kontroll tal-aġenziji.

16.3.2011

OPINJONI tal-Kumitat għall-Ambjent, is-Saħħa Pubblika u Sikurezza tal-Ikel

għall-Kumitat għall-Kontroll tal-Baġit

dwar il-kwittanza għall-implimentazzjoni tal-baġit tal-Aġenzija Ewropea għas-Sustanzi Kimiċi għas-sena finanzjarja 2009

(C7-0245/2010 - 2010/2185(DEC))

Rapporteur: Jutta Haug

SUĠĠERIMENTI

Il-Kumitat għall-Ambjent, is-Saħħa Pubblika u s-Sikurezza tal-Ikel jistieden lill-Kumitat għall-Kontroll tal-Baġit, bħala l-kumitat responsabbli, biex jinkorpora s-suġġerimenti li ġejjin fil-mozzjoni għal riżoluzzjoni tiegħu:

1. Ifisser is-sodisfazzjon tiegħu bil-ħidma ta’ suċċess tal-Aġenzija Ewropea għas-Sustanzi Kimiċi minn mindu tnediet; iqis li l-2009 kien parti mill-fażi ta’ bidu mmirat lejn it-twaqqif tal-infrastrutturi u l-proċeduri neċessarji derivanti mill-iskadenzi għar-reġistrazzjoni;

2. Jinnota, f’dan il-kuntest, li l-għadd totali ta’ vakanzi fil-pjan ta' twaqqif żdied b'104 meta mqabbel mal-220 vakanza fil-pjan ta' twaqqif tal-2008; iqis li din iż-żieda hija neċessarju biex jimtlew il-kompiti assenjati lill-Aġenzija mir-regolamentazzjoni relevanti tal-kimiċi;

3. Jisħaq dwar il-fatt li l-introju tal-Aġenzija fl-2009 kien ġej prinċipalment mis-sussidju ta’ kull sena mill-baġit ġenerali tal-Unjoni, li żdied b'EUR 4,000,000 miljuni meta mqabbel mal-2008 (EUR 62,600,000 miljun) u mill-introjtu ġġenerat mill-miżati ta' EUR 2,200,000 miljuni; jinnota li l-introjtu mill-miżati REACH IT jidħol mill-kumpaniji suġġetti għar-reġistrazzjoni u n-notifika skont ir-Regolament Reach[16];

4. Josserva li ż-żieda fl-infiq operazzjonijiet tat-Titolu 3 hija dovuta l-aktar għaż-żieda fil-kostijiet tal-iżvilupp tas-software, billi kienu meħtieġa investimetni kbar għat-titjib tal-arkitettura tas-sistema REACH IT u għal żvilupp ulterjuri ta’ għodda komprensiva ta’ valutazzjoni tas-sigurtà kimika/rapport tas-sigurtà kimika;

5. Jieħu nota, f’dan il-kuntest, li l-Aġenzija rriportat 29% tal-approprijazzjonijiet totali (EUR 20,000,000 miljun) dovuti għall-ikkuntrattar tal-proġetti ewlenin marbutin mat-tħejjija għall-ewwel skadenza tar-reġistrazzjoni, li ma kinux konklużi sa għeluq l-2009; jirrakkomanda li l-proporzjon ta’ riporti titnaqqas ħalli jkun irrispettat il-prinċipju tal-annwalità;

6. Jitlob lill-Qorti tal-Awdituri twettaq verifika ta' prestazzjoni fir-rigward tal-Aġenzija.

7. Huwa tal-fehma, fuq il-bażi tad-data disponibbli, li d-Direttur Eżekuttiv tal-Aġenzija Ewropea għas-Sustanzi Kimiċi jista’ jingħata kwittanza fir-rigward tal-implimentazzjoni tal-baġit tal-ECHA għas-sena finanzjarja 2009.

RIŻULTAT TAL-VOTAZZJONI FINALI FIL-KUMITAT

RIŻULTAT TAL-VOTAZZJONI FINALI FIL-KUMITAT

[1] ĠU C 338, 14.12.2010, p.34.
[2] ĠU L 248, 16.9.2002, p. 1.
[3] ĠU L 396, 30.12.2006, p. 1.
[4] ĠU L 357, 31.12.2002, p. 72.
[5] ĠU C 338, 14.12.2010, p.34..
[6] ĠU L 248, 16.9.2002, p. 1.
[7] ĠU L 396, 30.12.2006, p. 1.
[8] ĠU L 357, 31.12.2002, p. 72.
[9] ĠU C 338, 14.12.2010, p.34.
[10] ĠU L 248, 16.9.2002, p. 1.
[11] ĠU L 396, 30.12.2006, p. 1.
[12] ĠU L 357, 31.12.2002, p. 72.
[13] ĠU L 252, 25.9.2010, p. 146.
[14] ĠU L 396, 30.12.2006, p. 1.
[15] Test adottati, P7_TA-PROV(2011).
[16] ĠU L 396, 30.12.2006, p. 1.

Avviż legali - Politika tal-privatezza