RAPPORT dwar it-test konġunt approvat mill-Kumitat ta' Konċiljazzjoni għal regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja

24.11.2011 - (PE-CONS 00058/2011 – C7-0378/2011 – 2009/0060B(COD)) - ***III

Delegazzjoni tal-Parlament Ewropew għall-Kumitat ta' Konċiljazzjoni
President tad-delegazzjoni: Alejo Vidal-Quadras
Rapporteur: Kinga Gál, Barbara Lochbihler

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar it-test konġunt approvat mill-Kumitat ta' Konċiljazzjoni għal regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja

(PE-CONS 00058/2011 – C7-0378/2011 – 2009/0060B(COD))

(Proċedura leġiżlattiva ordinarja: it-tielet qari)

Il-Parlament Ewropew,

–   wara li kkunsidra t-test konġunt approvat mill-Kumitat ta' Konċiljazzjoni u d-dikjarazzjonijiet rilevanti tal-Parlament Ewropew u tal-Kunsill (PE-CONS 00058/2011 – C7-0378/2011),

–   wara li kkunsidra l-posizzjoni tiegħu fl-ewwel qari[1] dwar il-proposta tal-Kummissjoni lill-Parlament u lill-Kunsill (COM(2009) 0194) ,

–   wara li kkunsidra l-pożizzjoni tiegħu fit-tieni qari[2] dwar il-pożizzjoni tal-Kunsill fl-ewwel qari[3],

–   wara li kkunsidra l-opinjoni tal-Kummissjoni dwar l-emendi tal-Parlament għall-pożizzjoni tal-Kunsill fl-ewwel qari (COM(2011)0170),

–   wara li kkunsidra l-pożizzjoni tal-Kunsill fit-tieni qari,

–   wara li kkunsidra l-Artikolu 294(13) tat-Trattat dwar il-Funzjonament tal-Unjoni Ewropea,

–   wara li kkunsidra l-Artikolu 69 tar-Regoli ta’ Proċedura tiegħu,

–   wara li kkunsidra r-rapport tad-delegazzjoni tiegħu għall-Kumitat ta' Konċiljazzjoni (A7-0404/2011),

1.  Japprova t-test konġunt;

2.  Jikkonferma d-dikjarazzjoni konġunta tal-Parlament u tal-Kunsill annessa ma' din ir-riżoluzzjoni;

3.  Jagħti istruzzjonijiet lill-President tiegħu biex jiffirma l-att, flimkien mal-President tal-Kunsill, skont l-Artikolu 297(1) tat-Trattat dwar il-Funzjonament tal-Unjoni Ewropea;

4.  Jagħti istruzzjonijiet lis-Segretarju Ġenerali tiegħu biex jiffirma l-att, wara li jkun ġie vverifikat li l-proċeduri ntemmu kif imiss, u biex, bi qbil mas-Segretarju Ġenerali tal-Kunsill, jipproċedi għall-pubblikazzjoni tal-att, flimkien mad-dikjarazzjoni tal-Parlament u tal-Kunsill, f'Il-Ġurnal Uffiċjali tal-Unjoni Ewropea;

5.  Jagħti istruzzjonijiet lill-President tiegħu biex jgħaddi din ir-riżoluzzjoni leġiżlattiva lill-Kunsill u lill-Kummissjoni kif ukoll lill-parlamenti nazzjonali.

• [1]  Testi adottati tat-21.10.2010, P7_TA(2010)0380.
• [2]  Testi adottati tal-3.2.2011, P7_TA(2011)0031.
• [3]  ĠU C 7 E, 12.1.2011, p. 14.

NOTA SPJEGATTIVA

Kuntest

Il-Kummissjoni adottat il-proposta tagħha għal regolament li jemenda r-Regolament (KE) Nru 1889/2006 dwar l-istabbiliment ta' strument ta' finanzjament għall-promozzjoni tad-demokrazija u tad-drittijiet tal-bniedem madwar id-dinja fil-21 ta' April 2009.

L-Istrument Ewropew għad-Demokrazija u għad-Drittijiet tal-Bniedem (EIDHR) huwa wieħed mill-istrumenti ta' finanzjament esterni li huma ttrattati f'pakkett[1].

L-EIDHR u l-Istrument tal-Kooperazzjoni għall-Iżvilupp (DCI) huma l-uniċi strumenti għall-azzjoni esterna li ma jiddisponux minn eċċezzjoni għall-prinċipju tan-noneliġibbiltà għall-finanzjamenti tal-UE tal-kostijiet relatati ma' taxxi, dazji u imposti oħrajn. L-istrumenti kollha f'dan il-qasam jikkontemplaw il-flessibbiltà biex jaċċettaw, każ b'każ, il-finanzjament ta' dawn il-kostijiet fl-interess ta' implimentazzjoni korretta tal-programmi u tal-proġetti. Tali flessibbiltà hija essenzjali billi l-formulazzjoni riġida tal-istrumenti EIDHR u DCI l-azzjoni ffinanzjata mill-għajnuna esterna taf tagħmilha estremament diffiċli.

Il-proposta tal-Kummissjoni għandha l-għan li tallinja d-dispożizzjonijiet rilevanti mal-istrumenti l-oħra billi żżid il-kelmiet 'fil-prinċipju' fl-Artikolu 13(6).

I. Il-proċedura leġiżlattiva qabel il-konċiljazzjoni (l-ewwel u t-tieni qari)

Il-Parlament Ewropew adotta l-opinjoni tiegħu fl-ewwel qari fil-21 ta' Ottubru 2010. Il-Kunsill adotta l-pożizzjoni tiegħu fl-ewwel qari fil-21 ta' Diċembru 2010. Kemm il-Parlament Ewropew kif ukoll il-Kunsill qablu mal-modifika proposta bil-għan li l-istrumenti rilevanti jiġu armonizzati. Il-Kunsill qabel ukoll mal-proposta tal-Parlament Ewropew li l-proposta inizjali tinqasam fi tnejn (DCI u EIDHR). Barra minn hekk, il-Parlament Ewropew ippropona l-introduzzjoni tal-proċedura tal-Artikolu 290 TFUE għall-adozzjoni ta' programmi ta' kooperazzjoni multiannwali u ta' dokumenti ta' strateġija. Il-Kunsill, madankollu, dan ma aċċettahx u jsostni li dawn il-miżuri huma miżuri ta' implimentazzjoni (billi mhumiex atti ġuridikament vinkolanti).

Fit-3 ta' Frar 2011 il-Parlament Ewropew adotta l-pożizzjoni tiegħu fit-tieni qari.

Il-Kunsill ċaħad din il-pożizzjoni fit-tieni qari tiegħu fid-19 ta' Lulju 2011.

II. Konċiljazzjoni

Wara l-votazzjoni tat-tieni qari fit-3 ta' Frar u fid-dawl tar-rieda politika li l-konċiljazzjoni tiġi konkluża mill-aktar fis possibbli, il-laqgħa kostitwenti tad-delegazzjoni tal-PE għall-kumitat ta' konċiljazzjoni saret fi Strasburgu fil-15 ta' Frar 2011. Id-delegazzjoni tal-Parlament Ewropew iddeċidiet li tinnegozja l-erba' fajls (DCI, DCI/BAM, ICI+ u EIDHR) ikkonċernati bħala pakkett. Waqt ir-rieżami intermedju ta' DCI u EIDHR, intlaħaq qbil li dawn kellhom jibqgħu invarjati u għalhekk ma hemm l-ebda dokument ta' strateġija previst sal-2013. Għaldaqstant, in-negozjati komplew dwar il-fajl ICI+[2] u l-fajl DCI/BAM.

Il-proċedura

Saru tmien trilogi fit-30 ta' Marzu, fil-11 ta' Mejju, fil-25 ta' Mejju, fit-22 ta' Ġunju, fil-5 ta' Lulju, fis-6 ta' Settembru (l-ewwel laqgħa tal-kumitat ta' konċiljazzjoni), fis-27 ta' Settembru u fid-19 ta' Ottubru.

Saru seba' laqgħat tad-delegazzjoni tal-Parlament fil-15 ta' Frar, fit-12 ta' Mejju, fil-5 ta' Lulju, fis-6 ta' Settembru, fl-20 ta' Settembru, fil-11 ta' Ottubru u fil-25 ta' Ottubru. Il-qbil politiku ntlaħaq fil-31 ta' Ottubru 2011.

Kontenut

Il-Parlament Ewropew u l-Kunsill qablu li jistabbilixxu d-deċiżjonijiet fundamentali (objettivi, prijoritajiet, allokazzjonijiet finanzjarji indikattivi u riżultati mistennija) bil-kodeċiżjoni. Waqt it-trilogu tas-27 ta' Settembru, intlaħaq qbil provviżorju dwar proposta għal pakkett ta' kompromess (dwar ICI+, DCI/BAM u dikjarazzjoni konġunta tal-Parlament Ewropew u tal-Kunsill dwar l-użu futur tal-atti delegati). Dan il-pakkett ġie approvat mill-Coreper fid-29 ta' Settembru 2011. Fil-laqgħa tal-11 ta' Ottubru, id-delegazzjoni tal-Parlament Ewropew iddeċidiet, madankollu, li n-negozjati kellhom jitkomplew, speċjalment dwar il-fajl DCI/BAM. Għalhekk fid-19 ta' Ottubru sar trilogu ieħor, fejn il-Kunsill żamm il-ftehim provviżorju milħuq fit-trilogu tas-27 ta' Settembru. Sar qbil li l-ftehim provviżorju jerġa' jitressaq quddiem id-delegazzjoni tal-Parlament għal votazzjoni finali. Id-delegazzjoni tal-PE adottat il-ftehim fil-laqgħa tagħha tal-25 ta' Ottubru.

Il-konċiljazzjoni ntemmet bi skambju ta' ittri (l-24 u s-26 ta' Ottubru 2011).

Ir-riżultat kumplessiv tal-konċiljazzjoni huwa pożittiv. Intlaħaq qbil li l-Parlament Ewropew u l-Kunsill jiddeċiedu flimkien dwar id-deċiżjonijiet strateġiċi importanti bil-kodeċiżjoni.

Barra minn hekk, intlaħaq qbil dwar Dikjarazzjoni Konġunta tal-Parlament Ewropew u tal-Kunsill dwar l-użu tal-atti delegati fil-qasam tar-relazzjonijiet esterni għall-istrumenti finanzjarji futuri, li ssaħħaħ il-pożizzjoni tal-Parlament Ewropew fin-negozjati favur l-inklużjoni ta' atti delegati fl-istrumenti l-ġodda.

III. Konklużjoni

Id-delegazzjoni tal-PE ddeċidiet li tinnegozja l-erba' fajls leġiżlattivi bħala pakkett. Dan l-approċċ wassal għal titjib konsiderevoli. Il-pakkett komprensiv konkluż fi tmiem il-proċedura ta' konċiljazzjoni se jtejjeb il-pożizzjoni tal-Parlament dwar l-atti delegati fl-istrumenti li jmiss. Id-delegazzjoni tirrakkomanda li, fi spirtu ta' kompromess, jinżamm l-approċċ ibbażat fuq pakkett, u li l-Parlament japprova t-test konġunt fit-tielet qari.

• [1]  flimkien mal-istrument DCI/BAM (2010/0059 (COD)), id-DCI (2009/0060A (COD))u l-ICI+ (2009/0059 (COD))
• [2]  Proposta għal regolament tal-Parlament Ewropew u l-Kunsill li jemenda r-Regolament (KE) Nru 1934/2006 li jistabbilixxi strument ta' finanzjament għall-kooperazzjoni ma' pajjiżi u territorji industrijalizzati u oħrajn bi dħul għoli 2009/0059(COD).

PROĊEDURA

Titolu	Regolament tal-Parlament Ewropew u tal-Kunsill li jimmodifika r-Regolament (KE) Nru 1889/2006 dwar l-istabbiliment ta’ strument ta’ finanzjament għall-promozzjoni tad-demokrazija u tad-drittijiet tal-bniedem madwar id-dinja
References	PE-CONS 00058/2011 – C7‑0378/2011 – 2009/0060B(COD)
President tad-delegazzjoni: Viċi President	Alejo Vidal-Quadras
Kumitat responsabbli   President	AFETElmar Brok
Rapporteur(s)	Kinga Gál, Barbara Lochbihler
Abbozz ta' att eżaminat fl-ewwel qari	COM(2009)0194 – C7‑0158/2009
Data tat-tieni qari tal-PE - Numru P	21.10.2010			P7_TA(2010) 0380
Proposta modifikata tal-Kummissjoni
Il-pożizzjoni tal-Kunsill fl-ewwel qari   Data tat-tħabbir fis-seduta plenarja	16446/1/2010 – C7‑0427/2010 16.12.2010
Il-pożizzjoni tal-Kummissjoni(skont l-Artikolu 294(6) tat-Trattat dwar il-Funzjonament tal-Unjoni Ewropea)	COM (2010)0789
Data tat-tieni qari tal-PE - Numru P	3.2.2011			P7_TA(2011) 0031
Opinjoni tal-Kummissjoni(skont l-Artikolu 294(7)(c) tat-Trattat dwar il-Funzjonament tal-Unjoni Ewropea)	COM (2011)0170
Data meta l-Kunsill irċieva t-tieni qari	23.3.2011
Data tal-ittra tal-Kunsill dwar iċ-ċaħda tal-emendi tal-PE	19.7.2011
Laqgħat tal-Kumitat ta' Konċiljazzjoni	6.9.2011
Data tal-votazzjoni tad-delegazzjoni tal-PE	25.10.2011
Riżultat tal-votazzjoni	+: –: 0:	17 6 3
Membri preżenti	Alejo Vidal-Quadras, Rodi Kratsa-Tsagaropoulou, Kinga Gál, Elmar Brok, Filip Kaczmarek, Godelieve Quisthoudt-Rowohl, José Ignacio Salafranca Sánchez-Neyra, Manfred Weber, Vital Moreira, Thijs, Berman, Ana Gomes, Richard Howitt, Gianluca Susta, Patrice Tirolien, Charles Goerens, Barbara Lochbihler, Eva Joly, Robert Sturdy, Helmut Scholz, Claudio Morganti
Sostitut(i) preżenti	Christofer Fjellner, Ioannis Kasoulides, Georgios Koumoutsakos, Eduard Kukan, Ria Oomen-Ruijten, Maurice Ponga, Kriton Arsenis, Ivo Vajgl, Bart Staes
Sostitut(i) (skont l-Artikolu 187(2) tar-Regoli ta' Proċedura) preżenti	Leonidas Donskis
Data tal-ftehim fil-Kumitat ta' Konċiljazzjoni
Ftehim permezz ta' skambju ta' ittri	24.10.2011		26.10.2011
Data meta l-kopresidenti stabbilew li t-test konġunt ġie approvat u ntbagħat lill-PE u lill-Kunsill	31.10.2011
Data tat-tressiq	24.11.2011
Kummenti (informazzjoni disponibbli b'lingwa waħda biss)	...

ESTENSJONI TAL-PERJODI TA' SKADENZA

Skadenza għat-tieni qari tal-Kunsill	23.7.2011
Skadenza għas-sejħa tal-Kumitat   Istituzzjoni li qed tagħmel it-talba - data	13.9.2011Il-Kunsill – 24.08.2011
Skadenza għall-ħidma fil-Kumitat   Istituzzjoni li qed tagħmel it-talba - data	01.11.2011Il-Kunsill – 6.10.2011
Skadenza għall-adozzjoni tal-att   Istituzzjoni li qed tagħmel it-talba - data