RAPPORT dwar il-proposta għal Regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1098/2007 tat-18 ta’ Settembru 2007 li jistabbilixxi pjan pluriennali għall-istokkijiet tal-merluzz fil-Baħar Baltiku u s-sajd li jisfrutta dawk l-istokkijiet

4.12.2012 - (COM(2012)0155 – C7‑0090/2012 – 2012/0077(COD)) - ***I

Kumitat għas-Sajd
Rapporteur: Jarosław Leszek Wałęsa

Emendi

• 001-017 (PDF - 169 KB)
• 001-017 (DOC - 129 KB)

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal Regolament tal-Parlament Ewropew u tal-Kunsill li jemenda r-Regolament tal-Kunsill (KE) Nru 1098/2007 tat-18 ta’ Settembru 2007 li jistabbilixxi pjan pluriennali għall-istokkijiet tal-merluzz fil-Baħar Baltiku u s-sajd li jisfrutta dawk l-istokkijiet

(COM(2012)0155 – C7‑0090/2012 – 2012/0077(COD))

(Proċedura leġiżlattiva ordinarja: l-ewwel qari)

Il-Parlament Ewropew,

–   wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2012)0155),

–   wara li kkunsidra l-Artikolu 294(2) u l-Artikolu 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7‑0090/2012),

–   wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–   wara li kkunsidra l-opinjoni tal-Kumitat Ekonomiku u Soċjali Ewropew tal-11 ta' Lulju 2012[1],

–   wara li kkunsidra l-Artikolu 55 tar-Regoli ta' Proċedura tiegħu,

–   wara li kkunsidra r-rapport tal-Kumitat għas-Sajd (A7‑0395/2012),

1.  Jadotta l-pożizzjoni fl-ewwel qari li tidher hawn taħt;

2. Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda  1 Proposta għal regolament – att li jemenda Premessa 3
Test propost mill-Kummissjoni	Emenda
(3) Skont l-Artikolu 290 tat-Trattat, il-Kummissjoni tista' tingħata s-setgħa li tissupplimenta jew temenda elementi mhux essenzjali ta' att leġiżlattiv permezz ta' atti delegati.	imħassar
Ġustifikazzjoni
Din il-premessa m’għadhiex valida.
Emenda  2 Proposta għal regolament Premessa 4
Test propost mill-Kummissjoni	Emenda
(4) Sabiex jintlaħqu b’mod effiċjenti l-miri stabbiliti fir-Regolament (KE) Nru 1098/2007 u sabiex ikun hemm reazzjoni rapida għall-bidliet fil-kundizzjonijiet tal-istokk jew fis-sajd, is-setgħa li jiġu adottati atti skont l-Artikolu 290 tat-Trattat għandha tiġi delegata lill-Kummissjoni fir-rigward tar-reviżjoni ta’ rati minimi ta’ mortalità mis-sajd, meta d-dejta xjentifika tindika li r-rati ma għadhomx xierqa u l-miżuri mhumiex biżżejjed biex jintlaħqu l-għanijiet tal-pjan. Huwa importanti ferm li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell tal-esperti.	(4) Sabiex jintlaħqu b’mod effiċjenti l-miri stabbiliti fir-Regolament (KE) Nru 1098/2007 u sabiex ikun hemm reazzjoni rapida għall-bidliet fil-kundizzjonijiet tal-istokk jew fis-sajd, is-setgħa li jiġu adottati atti skont l-Artikolu 290 tat-Trattat għandha tiġi delegata lill-Kummissjoni fir-rigward tal-iffissar tal-perjodi meta s-sajd b’ċerti tipi ta’ rkaptu huwa permess b’rabta ma’ ċerti żoni ġeografiċi. Huwa partikolarment importanti li l-Kummissjoni twettaq konsultazzjonijiet adatti mal-Kunsill Konsultattiv Reġjonali għall-Baħar Baltiku u l-partijiet interessati rilevanti matul il-ħidma preparatorja tagħha, inkluż fil-livell tal-esperti.
Emenda  3 Proposta għal regolament – att li jemenda Premessa 6
Test propost mill-Kummissjoni	Emenda
(6) Sabiex ikunu żgurati kundizzjonijiet uniformi għall-implimentazzjoni tal-Artikolu 29 tar-Regolament (KE) Nru 1098/2007, il-Kummissjoni għandha tingħata s-setgħat tal-implimentazzjoni. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni.	imħassar
Ġustifikazzjoni
F’dan il-każ, il-Kummissjoni għandha tingħata s-setgħat li tadotta atti delegati, qabbel ma' Emenda 2 aktar 'il fuq.
Emenda  4 Proposta għal regolament Artikolu 1 – punt 1 Ir-Regolament (KE) 1098/2007 Artikolu 4 ‑ paragrafu introduttorju
Test propost mill-Kummissjoni Emenda "Il-pjan għandu jiżgura l-isfruttament sostenibbli tal-istokkijiet tal-merluzz ikkonċernati abbażi tar-rendiment massimu sostenibbli billi gradwalment inaqqas u jżomm ir-rati ta’ mortalità mis-sajd f’livelli mhux aktar baxxi minn:" "Il-pjan għandu jiżgura l-isfruttament sostenibbli tal-istokkijiet tal-merluzz ikkonċernati abbażi tar-rendiment massimu sostenibbli billi gradwalment inaqqas u jżomm ir-rati ta’ mortalità mis-sajd f’livelli mhux ogħla minn:"
Ġustifikazzjoni
Il-pjan ta’ ġestjoni għandu jindika mortalità massima mis-sajd, u mhux mortalità minima mis-sajd.
Emenda  5 Proposta għal regolament Artikolu 1 – punt 1 Regolament (KE) Nru 1098/2007 Artikolu 4 – punt a
Test propost mill-Kummissjoni Emenda   (a) 0,25 għall-etajiet bejn 3 u 6 snin għall-istokk tal-merluzz fiż-Żona A; kif ukoll
Ġustifikazzjoni
Ir-rata ta' mortalità għal din iż-żona għandu jsegwi l-parir partikolari mill-ICES.
Emenda  6 Proposta għal regolament Artikolu 1 – punt 2 Regolament (KE) Nru 1098/2007 Artikolu 5 ‑ paragrafu 1
Test propost mill-Kummissjoni Emenda 1. Kull sena, il-Kunsill għandu jiddeċiedi skont it-Trattat dwar it-TACs għall-istokkijiet tal-merluzz ikkonċernati għas-sena ta' wara." 1. Kull sena, il-Kunsill għandu jiddeċiedi dwar it-TACs għall-istokkijiet tal-merluzz ikkonċernati għas-sena ta' wara."
Ġustifikazzjoni
Il-Kummissjoni pproponiet Artikolu 29c ġdid li jipprevedi li meta l-Kunsill jieħu deċiżjonijiet fl-ambitu tar-Regolament, dan għandu “jaġixxi skont it-Trattat.” Minħabba l-inklużjoni ta' din ir-regola ġenerali, ikun superfluwu li l-istess regola terġa’ tissemma hawnhekk.
Emenda  7 Proposta għal regolament – att li jemenda Artikolu 1 – punt 3 Regolament (KE) Nru 1098/2007 Artikolu 8 – paragrafu 3
Test propost mill-Kummissjoni Emenda "3. Il-Kunsill għandu jiddeċiedi kull sena skont it-Trattat dwar l-għadd massimu ta’ jiem nieqsa mill-port minbarra l-perjodi speċifikati fil-paragrafu 1 fis-sena ta’ wara meta s-sajd bl-irkaptu msemmi fil-paragrafu 1 ikun permessibbli, skont ir-regoli stabbiliti fil-paragrafi 4 u 5." "3. Il-Kummissjoni għandha tingħata s-setgħa li tadotta atti delegati, skont l-Artikolu 29a, u tiddefinixxi, għal kull sena, l-għadd massimu ta’ jiem nieqsa mill-port minbarra l-perjodi speċifikati fil-paragrafu 1 fis-sena ta’ wara meta s-sajd bl-irkaptu msemmi fil-paragrafu 1 ikun permessibbli, skont ir-regoli stabbiliti fil-paragrafi 4 u 5."
Ġustifikazzjoni
Id-deċiżjoni fl-ambitu ta’ dan il-paragrafu hi tali li aħjar tiġi trattata mill-Kummissjoni permezz ta’ atti delegati.
Emenda  8 Proposta għal regolament Artikolu 1 – punt 3 Regolament (KE) Nru 1098/2007 Artikolu 8 – paragrafu 4
Test propost mill-Kummissjoni Emenda   4. Fejn ir-rata ta' mortalità tal-ħut għall-waħda mill-ħażniet tal-merluzz konċernati kienet stmata mill-STECF li hija tal-inqas 10% akbar mir-rati fil-mira ta' mortalità tal-ħut mis-sajd definiti fl-Artikolu 4, in-numru total ta' jiem meta s-sajd bl-irkaptu msemmi fil-paragrafu 1 huwa permess għandu jitnaqqas b'10% meta mqabbel man-numru total ta' jiem permessi fis-sena attwali.
Ġustifikazzjoni
Il-kelma “minimu” se tinbidel u ssir "fil-mira” fit-test kollu tal-Pjan biex tiddefinixxi aħjar il-valuri tal-mortalità tas-sajd inklużi fl-Artikolu 4.
Emenda  9 Proposta għal regolament Artikolu 1 – punt 3 Regolament (KE) Nru 1098/2007 Artikolu 8 – paragrafu 6 – subparagrafu 1
Test propost mill-Kummissjoni Emenda   6. Permezz ta’ deroga mill-paragrafu 1, bastimenti tas-sajd b’tul globali ta’ inqas minn 12-il metru għandhom ikunu permessi jistadu b’irkaptu statiku fiż-żona ta’ mhux aktar minn 10-il mil nawtiku mkejla mil-linji ta’ bażi. Il-ħin ta’ immersjoni għall-irkapti statiċi m’għandux jaqbeż it-48 siegħa.
Ġustifikazzjoni
Din ir-regola ġiet introdotta meta l-istokkijiet tal-merluzz kienu f’livell baxx, li m’għadux il-każ. L-emenda se tippermetti lil impriżi tas-sajd fuq skala żgħira li jistagħdu għall-merluzz waqt l-istaġun magħluq, b’mod partikolari waqt ix-xhur tas-sajf mingħajr effetti negattivi fuq il-konċentrazzjonijiet tal-istokk qabel u waqt ir-riproduzzjoni, li sseħħ fiż-Żoni Fondi Baltiċi, ’l bogħod miż-żoni tal-kosta. Dan jaf ikun importanti ekonomikament għal din il-parti tal-flotta, għax il-prezzijiet waqt dan il-perjodu jkunu għoljin.
Emenda  10 Proposta għal regolament – att li jemenda Artikolu 1 – punt 4 Regolament Nru 1098/2007 Artikolu 26
Test propost mill-Kummissjoni Emenda "Kull ħames snin mit-18 ta' Settembru 2007, il-Kummissjoni għandha tevalwa l-operat u l-prestazzjoni ta' dan il-pjan multiannwali. Fejn huwa xieraq, il-Kummissjoni tista' tipproponi adattamenti għall-pjan multiannwali jew tadotta atti delegati skont l-Artikolu 27." "Kull ħames snin mit-18 ta' Settembru 2007, il-Kummissjoni għandha tevalwa l-operat u l-prestazzjoni ta' dan il-pjan multiannwali. Għall-finijiet ta’ din l-evalwazzjoni, il-Kummissjoni għandha tfittex il-parir tal-STECF u tal-Kunsill Konsultattiv Reġjonali tal-Baħar Baltiku. Fejn ikun meħtieġ, il-Kummissjoni għandha tagħmel proposti xierqa, għall-adozzjoni skont il-proċedura leġiżlattiva ordinarja, għall-emendar tal-pjan pluriennali.
Ġustifikazzjoni
Il-pjan multiannwali hu l-kwistjoni ewlenija tar-regolament u għaldaqstant ma jistax jitqies bħala element mhux essenzjali tiegħu. Din il-parti tar-regolament trid tiġi emendata, jekk tinqala’ l-ħtieġa, permezz tal-proċedura leġiżlattiva ordinarja. L-STECF u l-Kunsill Konsultattiv Reġjonali tal-Baħar Baltiku għandhom jiġu involuti b’mod mandatorju fil-proċess tal-evalwazzjoni tal-pjan multiannwali.
Emenda  11 Proposta għal regolament Artikolu 1 – punt 5 Ir-Regolament (KE) 1098/2007 Artikolu 27
Test propost mill-Kummissjoni Emenda Artikolu 27 Artikolu 27 Il-Kummissjoni għandha tingħata s-setgħa li tadotta atti delegati skont l-Artikolu 29a biex tirrevedi r-rati minimi ta’ mortalità mis-sajd stabbiliti fl-Artikolu 4, meta d-dejta xjentifika tindika li l-valuri għar-rati minimi ta’ mortalità mis-sajd mhumiex skont l-għanijiet tal-pjan ta' ġestjoni." Meta l-Kummissjoni ssib li r-rati minimi ta’ mortalità mis-sajd indikati fl-Artikolu 4 m’għadhomx xierqa biex jinkisbu l-għanijiet tal-pjan ta’ ġestjoni, il-Kummissjoni għandha, abbażi tal-parir mill-STECF u wara konsultazzjoni mal-Kunsill Konsultattiv Reġjonali għall-Baħar Baltiku u mal-parteċipanti interessati rilevanti, tressaq proposta, għall-adozzjoni skont l-proċedura leġiżlattiva ordinarja, biex tirrevedi r-rati mmirati ta’ mortalità mis-sajd stabbiliti fl-Artikolu 4.
Ġustifikazzjoni
L-STECF u l-Kunsill Konsultattiv Reġjonali tal-Baħar Baltiku għandhom jiġu involuti b’mod mandatorju fil-proċess tal-evalwazzjoni tal-pjan multiannwali. Il-kelma “minimu” se tinbidel u ssir "fil-mira” fit-test kollu tal-Pjan biex tiddefinixxi aħjar il-valuri tal-mortalità tas-sajd inklużi fl-Artikolu 4.
Emenda  12 Proposta għal regolament – att li jemenda Artikolu 1 – punt 6 Regulation No 1098/2007 Artikolu 29 – paragrafu 2
Test propost mill-Kummissjoni Emenda 2. L-Artikolu 8(1)(b), (3), (4) u (5) ma għandhomx japplikaw għas-Subdiviżjonijiet tal-ICES 27 u/jew 28.2 jekk ikun hemm evidenza li l-qabdiet tal-merluzz f'dawk is-Subdiviżjonijiet tal-ICES ikunu inqas minn 3 % tal-qabdiet totali tal-merluzz fiż-Żona B. Kull sena, il-Kummissjoni, permezz tal-atti ta' implimentazzjoni u abbażi tar-rapporti mill-Istati Membri msemmija fil-paragrafu 1 u ta' dejta xjentifika, għandha tikkonferma jekk teżistix din l-evidenza u, konsegwentement, jekk ir-restrizzjonijiet ipprovduti fl-Artikolu 8(1)(b), (3), (4) u (5) japplikawx fis-Subdiviżjonijiet ikkonċernati. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 29b(2)" 2. L-Artikolu 8(1)(b), (3), (4) u (5) ma għandhomx japplikaw għas-Subdiviżjonijiet tal-ICES 27 u/jew 28.2 jekk ikun hemm evidenza li l-qabdiet tal-merluzz f'dawk is-Subdiviżjonijiet tal-ICES ikunu inqas minn 3 % tal-qabdiet totali tal-merluzz fiż-Żona B. Il-Kummissjoni għandu jkollha s-setgħa li kull sena tadotta, abbażi tar-rapporti mill-Istati Membri msemmija fil-paragrafu 1 u tad-dejta xjentifika, atti delegati skont l-Artikolu 29a, filwaqt li tikkonferma jekk teżistix din l-evidenza u, konsegwentement, jekk ir-restrizzjonijiet ipprovduti fl-Artikolu 8(1)(b), (3), (4) u (5) japplikawx fis-Subdiviżjonijiet ikkonċernati.
Ġustifikazzjoni
Ir-regola proposta tistipula jekk ċerti restrizzjonijiet għas-sajd japplikaw f'ċerti żoni ġeografiċi. Ma tistipula l-ebda kundizzjoni uniformi. Għal din ir-raġuni, l-użu ta' atti implimentattivi f'dan il-każ mhuwiex skont it-Trattat, jitqies li jeżistu l-kundizzjonijiet biex jintużaw l-atti delegati.
Emenda  13 Proposta għal regolament – att li jemenda Artikolu 1 – punt 6 Regolament Nru 1098/2007 Artikolu 29 – paragrafu 3
Test propost mill-Kummissjoni Emenda 3. L-Artikolu 8(1)(b), (3), (4) u (5) għandhom japplikaw biss għas-Subdiviżjonijiet tal-ICES 28.1, jekk ikun hemm evidenza li l-qabdiet tal-merluzz huma iktar minn 1.5 % tal-qabdiet totali tal-merluzz fiż-Żona B. Kull sena, il-Kummissjoni, permezz tal-atti ta' implimentazzjoni u abbażi tar-rapporti mill-Istati Membri msemmija fil-paragrafu 1 u ta' dejta xjentifika, għandha tikkonferma jekk teżistix din l-evidenza u, konsegwentement, jekk ir-restrizzjonijiet ipprovduti fl-Artikolu 8(1)(b), (3), (4) u (5) japplikawx fis-subdiviżjoni kkonċernata. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 29b(2)" 3. L-Artikolu 8(1)(b), (3), (4) u (5) għandhom japplikaw biss għas-Subdiviżjonijiet tal-ICES 28.1, jekk ikun hemm evidenza li l-qabdiet tal-merluzz huma iktar minn 1.5 % tal-qabdiet totali tal-merluzz fiż-Żona B. Il-Kummissjoni għandu jkollha s-setgħa li kull sena tadotta, abbażi tar-rapporti mill-Istati Membri msemmija fil-paragrafu 1 u tad-dejta xjentifika, atti delegati skont l-Artikolu 29a, filwaqt li tikkonferma jekk teżistix din l-evidenza u, konsegwentement, jekk ir-restrizzjonijiet ipprovduti fl-Artikolu 8(1)(b), (3), (4) u (5) japplikawx fis-subdiviżjonijiet ikkonċernati.
Ġustifikazzjoni
Ir-regola proposta tistipula jekk ċerti restrizzjonijiet għas-sajd japplikaw f'ċerti żoni ġeografiċi. Ma tistipula l-ebda kundizzjoni uniformi. Għal din ir-raġuni, l-użu ta' atti implimentattivi f'dan il-każ mhuwiex skont it-Trattat, jitqies li jeżistu l-kundizzjonijiet biex jintużaw l-atti delegati.
Emenda  14 Proposta għal regolament – att li jemenda Artikolu 1 – punt 6 Regolament Nru 1098/2007 Artikolu 29 – paragrafu 4
Test propost mill-Kummissjoni Emenda 4. L-atti ta' implimentazzjoni msemmija fil-paragrafi 2 u 3 għandhom japplikaw mill-1 ta’ Jannar sal-31 ta’ Diċembru tas-sena ta’ wara." 4. L-atti ddelegati msemmija fil-paragrafi 2 u 3 għandhom japplikaw mill-1 ta’ Jannar sal-31 ta’ Diċembru tas-sena ta’ wara."
Ġustifikazzjoni
Waqt li s-setgħa mogħtija lill-Kummissjoni fiż-żewġ paragrafi preċedenti nbidlet u saret setgħa li tadotta atti delegati, dan il-paragrafu jeħtieġ li jinbidel ukoll.
Emenda  15 Proposta għal regolament – att li jemenda Artikolu 1 – punt 7 Regolament Nru 1098/2007 Kapitolu VIa – Artikolu 29a – paragrafu 2
Test propost mill-Kummissjoni Emenda 2. Id-delega ta' setgħa msemmija fl-Artikoli 26 u 27 għandha tingħata lill-Kummissjoni għal perjodu ta' żmien indeterminat. 2. Is-setgħa ta’ adozzjoni tal-atti ddelegati msemmija fl-Artikoli 8(3), (27) u (29) u l-Artikolu 2(3) għandhom jingħataw lill-Kummissjoni għal perjodu ta’ tliet snin minn …*. Il-Kummissjoni għandha tfassal rapport rigward id-delega tas-setgħat sa mhux aktar tard minn disa' xhur qabel tmiem il-perjodu ta' tliet snin. Id-delegazzjoni tas-setgħa għandha tiġi estiża bi qbil għal perjodi tal-istess tul ta’ żmien sakemm il-Parlament jew il-Kunsill ma jopponux din l-estensjoni mhux aktar minn tliet xhur qabel it-tmiem ta’ kull perjodu.   _______________   * ĠU jekk jogħġbok inserixxi l-ġurnata tad-dħul fis-seħħ ta’ dan ir-Regolament
Ġustifikazzjoni
L-għoti tas-setgħa tal-Kummissjoni għandha tkun limitata fiż-żmien.
Emenda  16 Proposta għal regolament – att li jemenda Artikolu 1 – punt 7 Regolament Nru 1098/2007 Kapitolu VIa – Artikolu 29a – paragrafu 3
Test propost mill-Kummissjoni Emenda 3. Id-delega tas-setgħa msemmija fl-Artikoli 26 u 27 tista’ tiġi rrevokata fi kwalunkwe ħin mill-Parlament Ewropew u mill-Kunsill. Deċiżjoni ta’ revoka għandha ġġib fi tmiemha d-delega tas-setgħa speċifikata f’dik id-deċiżjoni. Din għandha tidħol fis-seħħ fil-jum ta' wara l-pubblikazzjoni tad-Deċiżjoni f’Il-Ġurnal Uffiċjali tal-Unjoni Ewropea jew f’data sussegwenti li tkun speċifikata fiha. Ma għandha taffettwa l-validità tal-ebda att delegat li diġà jkun fis-seħħ. 3. Id-delega tas-setgħa msemmija fl-Artikoli 8(3), 27 u 29(2) u 29(3) tista’ tiġi rrevokata fi kwalunkwe ħin mill-Parlament Ewropew u mill-Kunsill. Deċiżjoni ta’ revoka għandha ġġib fi tmiemha d-delega tas-setgħa speċifikata f’dik id-deċiżjoni. Din għandha tidħol fis-seħħ fil-jum ta' wara l-pubblikazzjoni tad-Deċiżjoni f’Il-Ġurnal Uffiċjali tal-Unjoni Ewropea jew f’data sussegwenti li tkun speċifikata fiha. Ma għandha taffettwa l-validità tal-ebda att delegat li diġà jkun fis-seħħ.
Ġustifikazzjoni
Dan l-Artikolu għandu jirreferi għall-Artikoli 8(3), 27 u 29(2) and 29(3).
Emenda  17 Proposta għal regolament – att li jemenda Artikolu 1 – punt 7 Regolament Nru 1098/2007 Kapitolu VIa – Artikolu 29b
Test propost mill-Kummissjoni Emenda Artikolu 29b imħassar Il-proċedura tal-Kumitat   1. Il-Kummissjoni għandha tiġi megħjuna mill-Kumitat għas-Sajd u l-Akkwakultura mwaqqaf bl-Artikolu 30 tar-Regolament (KE) Nru 2371/2002. Dak il-Kumitat għandu jkun kumitat fit-tifsira tar-Regolament (UE) Nru 182/2011.   2. Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.”
Ġustifikazzjoni
Dan l-Artikolu m’għadux validu minħabba li l-Kummissjoni m’għadx għandha s-setgħa li tadotta atti implimentattivi fl-ambitu tar-Regolament.

• [1]  ĠU C, 299, 4.10.2012, p. 145.

PROĊEDURA

Titolu	Emenda tar-Regolament tal-Kunsill (KE) Nru 1098/2007 tat-18 ta’ Settembru 2007 li jistabbilixxi pjan pluriennali għall-istokkijiet tal-merluzz fil-Baħar Baltiku u s-sajd li jisfrutta dawk l-istokkijiet
Referenzi	COM(2012)0155 – C7-0090/2012 – 2012/0077(COD)
Data meta ġiet ippreżentata lill-PE	2.4.2012
Kumitat responsabbli        Data tat-tħabbir fis-seduta plenarja	PECH 18.4.2012
Kumitat(i) mitlub(a) jagħti/u opinjoni        Data tat-tħabbir fis-seduta plenarja	ENVI 18.4.2012
Opinjoni(jiet) mhux mogħtija        Data tad-deċiżjoni	ENVI 26.4.2012
Rapporteur(s)        Data tal-ħatra	Jarosław Leszek Wałęsa 24.4.2012
Eżami fil-kumitat	31.5.2012	21.6.2012
Data tal-adozzjoni	28.11.2012
Riżultat tal-votazzjoni finali	+: –: 0:	17 5 1
Membri preżenti għall-votazzjoni finali	Antonello Antinoro, Kriton Arsenis, Alain Cadec, Chris Davies, Carmen Fraga Estévez, Pat the Cope Gallagher, Dolores García-Hierro Caraballo, Marek Józef Gróbarczyk, Werner Kuhn, Isabella Lövin, Gabriel Mato Adrover, Guido Milana, Maria do Céu Patrão Neves, Crescenzio Rivellini, Ulrike Rodust, Raül Romeva i Rueda, Struan Stevenson, Isabelle Thomas, Nils Torvalds, Jarosław Leszek Wałęsa
Sostitut(i) preżenti għall-votazzjoni finali	Jean-Paul Besset, Jens Nilsson, Nikolaos Salavrakos, Antolín Sánchez Presedo
Data tat-tressiq	4.12.2012