RAPPORT dwar il-proposta għal regolament tal-Parlament Ewropew u tal-Kunsill li tistabbilixxi l-Faċilità Nikkollegaw l-Ewropa

29.1.2013 - (COM(2011)0665/3 – C7‑0374/2011 – 2011/0302(COD)) - ***I

Kumitat għat-Trasport u t-Turiżmu
Kumitat għall-Industrija, ir-Riċerka u l-Enerġija
Rapporteur: Adina-Ioana Vălean, Dominique Riquet, Inés Ayala Sender,
(Laqgħat tal-Kumitati assoċjati - Artikolu 51 tar-Regoli ta' Proċedura)

Proċedura : 2011/0302(COD)

Ċiklu ta' ħajja waqt sessjoni

Ċiklu relatat mad-dokument :

A7-0021/2013

Testi mressqa :

A7-0021/2013

Dibattiti :

PV 18/11/2013 - 17
CRE 18/11/2013 - 17

Votazzjonijiet :

PV 19/11/2013 - 8.9
Spjegazzjoni tal-votazzjoni

Testi adottati :

P7_TA(2013)0463

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
NOTA SPJEGATTIVA
OPINJONI TAL-KUMITAT GĦALL-AFFARIJIET LEGALI
OPINJONI TAL-KUMITAT GĦALL-BAĠITS
OPINJONI GĦALL-IŻVILUPP REĠJONALI
PROĊEDURA

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal regolament tal-Parlament Ewropew u tal-Kunsill li tistabbilixxi l-Faċilità Nikkollegaw l-Ewropa

(COM(2011)0665/3 – C7‑0374/2011 – 2011/0302(COD))

(Proċedura leġiżlattiva ordinarja: l-ewwel qari)

Il-Parlament Ewropew,

– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2011) 0665/3),

– wara li kkunsidra l-Artikolu 294(2), u l-Artikolu 172 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C7-0374/2011),

– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

– wara li kkunsidra l-opinjoni tal-Kumitat għall-Affarijiet Legali dwar il-bażi legali proposta,

– wara li kkunsidra l-Artikoli 55 u 37 tar-Regoli ta' Proċedura tiegħu,

– wara li kkunsidra d-deliberazzjonijiet konġunti tal-Kumitat għall-Industrija, ir-Riċerka u l-Enerġija u tal-Kumitat għat-Trasport u t-Turiżmu skont l-Artikolu 51 tar-Regoli ta' Proċedura,

– wara li kkunsidra r-rapport tal-Kumitat għall-Industrija, ir-Riċerka u l-Enerġija u tal-Kumitat għat-Trasport u t-Turiżmu u l-opinjonijiet tal-Kumitat għall-Baġits u tal-Kumitat għall-Iżvilupp Reġjonali (A7-0021/2013),

1. Jadotta l-pożizzjoni tiegħu fl-ewwel qari kif tinstab hawn taħt;

2. Jinnota li l-pakkett finanzjarju li ġie speċifikat fil-proposta leġiżlattiva jikkostitwixxi biss indikazzjoni għall-awtorità leġiżlattiva u ma jistax jiġi stabbilit qabel ma jinkiseb ftehim dwar il-proposta għal regolament li jistabbilixxi l-qafas finanzjarju pluriennali għas-snin 2014-2020;

3. Ifakkar fir-riżoluzzjoni tiegħu tat-8 ta' Ġunju 2011 dwar "Ninvestu fil-ġejjieni: Qafas Finanzjarju Multiannwali (QFM) ġdid għal Ewropa kompetittiva, sostenibbli u inklużiva[1]; itenni li jinħtieġu riżorsi addizzjonali suffiċjenti fil-Qafas Finanzjarju Pluriennali (QFP) li jmiss sabiex l-Unjoni tkun tista' tilħaq il-prijoritajiet eżistenti tal-politika tagħha u twettaq il-kompiti l-ġodda previsti mit-Trattat ta' Lisbona, kif ukoll sabiex tirreaġixxi għal sitwazzjonijiet mhux mistennija; jindika li anke b'żieda fil-livell ta' riżorsi għall-QFP li jmiss ta' mill-anqas 5 % meta mqabbel mal-livell tal-2013, il-kontribut biex jintlaħqu l-objettivi u l-impenji miftiehma tal-Unjoni u għall-prinċipju tas-solidarjetà tal-Unjoni jista' jkun biss wieħed limitat; iħeġġeġ lill-Kunsill, f'każ li ma jaqbilx ma' dan l-approċċ, jidentifika b'mod ċar liema mill-prijoritajiet politiċi jew mill-proġetti tiegħu jistgħu jiġu abbandunati totalment, minkejja l-garanzija ta' valur miżjud Ewropew tagħhom;

4. Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;

5. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda 1

Proposta għal regolament

Kunsiderazzjoni 1

Test propost mill-Kummissjoni

Emenda

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 172 tiegħu,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikoli 172, 174 u 349 tiegħu,

Emenda 2

Proposta għal regolament

Premessi 1 sa 3

Test propost mill-Kummissjoni

Emenda

(1) Il-ħolqien tal-Faċilità Nikkollegaw l-Ewropa għandu joħroġ kemm jista' jkun l-potenzjal għat-tkabbir permezz tal-ħolqien ta’ sinerġiji bejn il-politiki tat-trasport, l-enerġija u t-telekomunikazzjoni u l-implimentazzjoni tagħhom, biex b’hekk tissaħħaħ l-effiċjenza tal-intervent tal-Unjoni.

(1) Sabiex tikseb tkabbir intelliġenti, sostenibbli u inklużiv u sabiex tistimola l-ħolqien tal-impjiegi, f’konformità mal-objettivi tal-istrateġija Ewropa 2020¹, l-Unjoni teħtieġ infrastrutturi moderni u bi prestazzjoni għolja li jikkontribwixxu biex jikkollegaw u jintegraw l-Unjoni u r-reġjuni kollha tagħha, b’mod partikolari fl-oqsma tat-trasport, l-enerġija u t-telekomunikazzjoni. Dawn il-konnessjonijiet għandhom jippermettu titjib fiċ-ċirkolazzjoni ħielsa tal-persuni, il-merkanzija, il-kapital u l-ideat, billi jiffaċilitaw konnessjonijiet transkonfinali, filwaqt li jħeġġu koeżjoni ekonomika, soċjali u territorjali akbar, u, konsegwentement, jikkontribwixxu lejn ekonomija soċjali tas-suq aktar kompetittiva u l-ġlieda kontra t-tibdil fil-klima.

(1a) Teżisti ħtieġa urġenti għas-semplifikazzjoni finanzjarja sabiex jinħatfu l-vantaġġi tas-sinerġiji possibbli rigward l-użu, l-iżvilupp u l-manutenzjoni tan-netwerks tat-telekomunikazzjoni u tal-enerġija.

(2) Suq uniku li jaħdem b’mod sħiħ jiddependi fuq infrastruttura moderna u bi prestazzjoni tajba ħafna li tgħaqqad l-Ewropa partikolarment fl-oqsma tat-trasport, l-enerġija u t-telekomunikazzjoni. Dawn il-kollegamenti li jżidu t-tkabbir għandhom jipprovdu aċċess aħjar għas-suq intern u bħala riżultat, jikkontribwixxu għal ekonomija tas-suq aktar kompetittiva skont l-objettivi u l-miri tal-Istrateġija Ewropa 2020.

(2) L-għan li tinħoloq il-Faċilità Nikkollegaw l-Ewropa (CEF) hu biex jitħaffef l-investiment fil-qasam tan-netwerks trans-Ewropej u tingħata spinta lill-fondi mis-settur pubbliku u dak privat, filwaqt li tiżdied iċ-ċertezza legali u r-rispett għall-prinċipju tan-newtralità teknoloġika. B’din il-perspettiva, is-CEF għandha tippermetti li jiġu sfruttati s-sinerġiji bejn is-setturi tat-trasport, l-enerġija u t-telekomunikazzjoni, billi ssaħħaħ konsegwentement l-effikaċja tal-azzjoni tal-Unjoni u tippermetti ottimizzazzjoni tal-kostijiet tal-implimentazzjoni.

(2a) Is-CEF tirrifletti l-ħtiġijiet tas-setturi industrijali ta’ prijorità għall-Ewropa. Din se ssir għodda indispensabbli li tagħti bidu għal politika industrijali Ewropea, sors ta’ tkabbir sostenibbli.

(3) Il-ħolqien tal-Faċilità Nikkollegaw l-Ewropa għandu l-għan li jżid il-pass tal-investimenti fil-qasam tan-netwerks trans-Ewropej u jingrana finanzjament kemm mis-settur pubbliku u kemm minn dak privat.

(3) Il-pakkett finanzjarju għall-implimentazzjoni tal-Faċilità Nikkollegaw l-Ewropa għall-perjodu mill-2014 sal-2020 għandu jkun ta’ EUR 50 000 000 000, li għandu jikkostitwixxi r-referenza ewlenija għall-awtorità baġitarja matul il-proċedura baġitarja annwali, fi ħdan it-tifsira tal-punt [17] tal-Ftehim Interistituzzjonali ta' XX/XX/2013 bejn il-Parlament Ewropew, il-Kunsill u l-Kummissjoni dwar kooperazzjoni f'materji marbuta mal-baġit fir-rigward ta' ġestjoni finanzjarja soda.

__________________

¹Komunikazzjoni mill-Kummissjoni tat-3 ta’ Marzu 2010 bit-titolu 'Ewropa 2020: Strateġija għal tkabbir intelliġenti, sostenibbli u inklussiv” (COM(2010)2020).

Emenda 3

Proposta għal regolament

Premessa 5

Test propost mill-Kummissjoni

Emenda

(5) Il-Kummissjoni impenjat ruħha li ddaħħal it-tibdil fil-klima f’kull programm ta’ nfiq tal-Unjoni u li tiddedika tal-anqas 20 % tal-baġit tal-Unjoni għal objettivi marbutin mal-klima. Huwa importanti li jiġi żgurat li l-mitigazzjoni tal-tibdil fil-klima u l-addattament għalih, kif ukoll il-prevenzjoni tar-riskji u l-amministrazzjoni tagħhom jitmexxew 'il quddiem fit-tħejjija, it-tfassil u l-implimentazzjoni ta’ proġetti ta’ interess komuni. L-investimenti infrastrutturali koperti minn dan ir-Regolament għandhom jikkontribwixxu biex titmexxa 'l quddiem it-tranżizzjoni lejn ekonomija u soċjetà b'livell baxx ta' emissjonijiet ta' karbonju u li tiflaħ għall-klima u d-diżastri, filwaqt li jitqiesu l-ispeċifiċitajiet tar-reġjuni bi żvantaġġi naturali u demografiċi, b'mod partikolari r-reġjuni l-aktar imbiegħda u l-gżejjer. B'mod partikolari, fis-setturi tal-enerġija u tat-trasport, is-CEF għandha tikkontribwixxi għall-objettivi ta' dekarbonizzazzjoni tal-Unjoni fuq terminu medju u twil ta' żmien.

Emenda 4

Proposta għal regolament

Premessa 5a (ġdida)

Test propost mill-Kummissjoni

Emenda

(5a) Il-Kummissjoni għandha tiżgura li l-ftehimiet u l-istandards internazzjonali applikabbli fis-suq intern jiġu applikati b’mod ekwu għall-Istati Membri, mingħajr ma jinħolqu distorsjonijiet ta’ kompetizzjoni, sabiex jiġi żgurat is-suċċess tal-impriżi Ewropej fid-dawl ta' kompetizzjoni globali.

Emenda 5

Proposta għal regolament

Premessa 6a (ġdida)

Test propost mill-Kummissjoni

Emenda

(6a) Bejn l-istrumenti ta' finanzjament tas-CEF u l-Fond Ewropew għall-Iżvilupp Reġjonali għandhom jiġu ġġenerati sinerġiji b'saħħithom għall-finanzjament ta' infrastrutturi f'reġjuni transkonfinali fl-ambitu tal-iżvilupp tan-netwerk kollu.

Emenda 6

Proposta għal regolament

Premessa 7

Test propost mill-Kummissjoni

Emenda

(7) Fit-28 ta' Marzu 2011, il-Kummissjoni adottat White Paper "Pjan Direzzjonali għal Żona Unika tat-Trasport – Lejn sistema ta' trasport kompetittiva u effiċjenti fl-użu tar-riżorsi ". Il-White Paper għandha l-għan li tnaqqas b'tal-anqas 60 % l-emissjonijiet tal-gassijiet b'effett ta' serra (''GHG'') mis-settur tat-trasport sal-2050 meta mqabbel mal-1990. Għal dak li għandu x'jaqsam ma' infrastruttura, il-White Paper għandha l-għan li tistabbilixxi 'netwerk ewlieni' multimodali tat-TEN-T mifrux mal-Unjoni kollha kemm hi li jkun qed jaħdem b’mod sħiħ sal-2030. Il-White Paper għandha l-għan ukoll li ttejjeb kemm jista' jkun il-prestazzjoni ta’ ktajjen loġistiċi multimodali, billi wkoll tagħmel użu ikbar minn mezzi li huma aktar effiċjenti mil-lat ta’ enerġija. Għalhekk, qiegħda tistabbilixxi dawn il-miri rilevanti għall-politika tat-TEN-T: 30 % tal-ġarr ta’ merkanzija fit-toroq fuq distanza li taqbeż it-300 km għandu jaqleb għal mezzi oħra tat-trasport sal-2030, u aktar minn 50 % sal-2050; it-tul tan-netwerk eżistenti tal-linji ta’ ferroviji b’veloċità qawwija għandu jiżdied bi tliet darbiet sal-2030, u sal-2050 il-maġġoranza tal-passiġġieri li jivjaġġaw fuq distanza medja għandhom jużaw il-ferrovija; sal-2050, kull ajruport b’netwerk ewlieni għandu jkun ikkollegat man-netwerk tal-ferroviji; kull port tat-tbaħħir ma’ netwerks ta’ ferroviji li jġorru l-merkanzija, u fejn hu possibbli mas-sistema ta’ passaġġi tal-ilma ’l ġewwa fuq l-art.

(7) Fit-28 ta’ Marzu 2011, il-Kummissjoni addottat White Paper "Pjan Direzzjonali għal Żona Unika tat-Trasport – Lejn sistema ta' trasport kompetittiva u effiċjenti fl-użu tar-riżorsi ". Il-White Paper għandha l-għan li tnaqqas b'tal-anqas 60 % l-emissjonijiet tal-gassijiet b'effett ta' serra (''GHG'') mis-settur tat-trasport sal-2050 meta mqabbel mal-1990. Għal dak li għandu x'jaqsam ma' infrastruttura, il-White Paper għandha l-għan li tistabbilixxi 'netwerk ewlieni' multimodali u interoperabbli tat-TEN-T mifrux mal-Unjoni kollha kemm hi li jkun qed jaħdem b'mod sħiħ sal-2030. L-interoperabilità tista’ tittejjeb permezz ta’ soluzzjonijiet innovattivi li jtejbu l-kompatibilità bejn is-sistemi involuti. Il-White Paper għandha l-għan ukoll li ttejjeb kemm jista' jkun il-prestazzjoni ta’ ktajjen loġistiċi multimodali, billi wkoll tagħmel użu ikbar minn mezzi li huma aktar effiċjenti mil-lat ta’ enerġija. Għalhekk, qiegħda tistabbilixxi dawn il-miri rilevanti għall-politika tat-TEN-T: 30 % tal-ġarr ta’ merkanzija fit-toroq fuq distanza li taqbeż it-300 km għandu jaqleb għal mezzi oħra tat-trasport sal-2030, u aktar minn 50 % sal-2050; it-tul tan-netwerk eżistenti tal-linji ta’ ferroviji b’veloċità qawwija għandu jiżdied bi tliet darbiet sal-2030, u sal-2050 il-maġġoranza tal-passiġġieri li jivjaġġaw fuq distanza medja għandhom jużaw il-ferrovija; sal-2050, kull ajruport b’netwerk ewlieni għandu jkun ikkollegat man-netwerk tal-ferroviji; kull port tat-tbaħħir ma’ netwerks ta’ ferroviji li jġorru l-merkanzija, u fejn hu possibbli mas-sistema ta’ passaġġi tal-ilma ’l ġewwa fuq l-art.

Emenda 7

Proposta għal regolament

Premessa 8

Test propost mill-Kummissjoni

Emenda

(8) Il-Parlament Ewropew fir-Reżoluzzjoni tiegħu tas-6 ta’ Lulju 2010 dwar futur sostenibbli għat-trasport saħaq li politika effiċjenti tat-trasport tirrikjedi qafas finanzjarju li jkun addattat għall-isfidi li jinħolqu u li, għal dan il-għan, ir-riżorsi attwali għat-trasport u l-mobbiltà għandhom jiżdiedu; barra minn hekk huwa qies meħtieġ ukoll il-ħolqien ta’ faċilità li tikkoordina l-użu ta’ sorsi differenti ta’ finanzjament għat-trasport, fondi disponibbli taħt il-politika ta’ koeżjoni, sħubija bejn is-settur pubbliku u dak privat ("PPPs" - sħubijiet pubbliċi-privati) jew strumenti finanzjarji oħra bħalma huma l-garanziji.

(8) Il-Parlament Ewropew fir-Riżoluzzjoni tiegħu tas-6 ta’ Lulju 2010 dwar futur sostenibbli għat-trasport saħaq li politika effiċjenti tat-trasport tirrikjedi qafas finanzjarju li jkun addattat għall-isfidi li jinħolqu u li, għal dan il-għan, ir-riżorsi attwali għat-trasport u l-mobbiltà għandhom jiżdiedu fil-linji differenti tal-baġit li jikkonċernawhom; barra minn hekk huwa qies meħtieġ ukoll il-ħolqien ta’ faċilità li tikkoordina u ttejjeb għall-aqwa livell l-użu ta’ sorsi differenti ta’ finanzjament għat-trasport u tal-mezzi u l-mekkaniżmi finanzjarji kollha disponibbli fil-livell tal-Unjoni.

Emenda 8

Proposta għal regolament

Premessa 9a (ġdida)

Test propost mill-Kummissjoni

Emenda

(9a) Il-Qafas Finanzjarju Multiannwali (2007-2013) wera li baġit limitat għat-TEN-T iżomm milli jsir progress fl-aktar proġetti sostanzjali, b’mod partikolari proġetti transkonfinali. Qafas baġitarju Ewropew xieraq għat-TEN-T għandu jiżgura mhux biss attrazzjoni aktar b’saħħitha ta’ investimenti privati, iżda wkoll rieda politika nazzjonali akbar dwar proġetti Ewropej, u għalhekk kooperazzjoni aħjar bejn l-Istati Membri involuti fi proġett transkonfinali. L-Unjoni għandha ssaħħaħ l-ambizzjonijiet tagħha fir-rigward ta’ proġetti infrastrutturali kbar Ewropej, li l-kumplessità u s-severità tax-xogħlijiet tagħhom jeħtieġu żieda fil-baġit rivedut allokat għalihom, u adattament tar-regolament baġitarju li jikkonċernahom. Dan sabiex il-linji gwida ġodda tat-TEN-T jingħataw il-mezzi baġitarji u regolatorji meħtieġa għat-twettiq tagħhom.

Ġustifikazzjoni

Fir-rigward tal-qafas finanzjarju multiannwali preċedenti, jeħtieġ li jiġu enfasizzati r-riżultati diżappuntanti minħabba baġit limitat u qafas regolatorju li ftit li xejn huwa adattat. Il-Faċilità Nikkollegaw l-Ewropa hija stabbilita sew biex tiżgura qafas regolatorju u baġitarju adegwat għat-tlestija tat-TEN-T.

Emenda 9

Proposta għal regolament

Premessa 10

Test propost mill-Kummissjoni

Emenda

(10) Abbażi tal-objettivi stabbiliti fil-White Paper, il-linji gwida tat-TEN-T kif stabbiliti fir-Regolament (UE) Nru XXX/2012 tal-Parlament Ewropew u tal-Kunsill ta’… jidentifikaw l-infrastruttura tan-netwerk trans-Ewropew tat-trasport, jispeċifikaw l-objettivi li għandhom jiġu milħuqa minnu u jipprovdu għal miżuri biex jiġu implimentati. Il-Linji Gwida jipprevedu b’mod partikolari t-tlestija tan-netwerk ewlieni sal-2030.

(10) Abbażi tal-objettivi stabbiliti fil-White Paper, il-linji gwida tat-TEN-T kif stabbiliti fir-Regolament (UE) Nru XXX/2012 tal-Parlament Ewropew u tal-Kunsill ta’… jidentifikaw l-infrastruttura tat-TEN-T, jispeċifikaw l-objettivi li għandhom jiġu milħuqa minnu u jipprovdu għal miżuri biex jiġu implimentati. Il-linji gwida jipprevedu b’mod partikolari t-tlestija tan-netwerk ewlieni sal-2030 permezz tal-ħolqien ta’ infrastruttura ġdida kif ukoll permezz tat-titjib sostanzjali tal-infrastruttura eżistenti.

Emenda 10

Proposta għal regolament

Premessa 11

Test propost mill-Kummissjoni

Emenda

(11) Abbażi ta’ analiżi tal-pjanijiet għall-infrastruttura tat-trasport tal-Istati Membri, il-Kummissjoni tistma li l-investiment meħtieġ fit-trasport jammonta għal EUR 500 biljun għan-netwerk tat-TEN-T kollu kemm hu għall-perjodu 2014-2020, li minnhom, EUR 250 biljun huma stmati li jridu jiġu investiti fin-netwerk ewlieni tat-TEN-T. Fid-dawl tar-riżorsi disponibbli fuq il-livell tal-Unjoni, hemm bżonn ta’ konċentrazzjoni l-aktar fuq il-proġetti bl-ogħla valur miżjud Ewropew biex jintlaħaq l-impatt mixtieq. Għalhekk l-appoġġ għandu jkun iffukat fuq in-netwerk ewlieni (b'mod partikolari, il-kurituri tan-netwerk ewlieni) u fuq proġetti ta' interess komuni fil-qasam tas-sistemi ta' ġestjoni tat-traffiku (b'mod partikolari s-sistemi ta' ġestjoni tat-traffiku tal-ajru li jirrizultaw minn SESAR li jeħtieġu riżorsi baġitarji tal-Unjoni ta' madwar EUR 3 biljun).

Emenda 11

Proposta għal regolament

Premessa 12a (ġdida)

Test propost mill-Kummissjoni

Emenda

(12a) Sabiex tkejjel l-effettività tal-appoġġ pprovdut mill-Unjoni għall-infrastruttura tat-trasport u l-kontribut għall-objettivi mniżżla f'dan ir-Regolament, il-Kummissjoni għandha tiżviluppa metodoloġija komuni li turi b'mod ċar il-benefiċċji tal-proġetti ffinanzjati f'termini ekonomiċi u ambjentali.

Emenda 12

Proposta għal regolament

Premessa 13

Test propost mill-Kummissjoni

Emenda

(13) L-esperjenza bil-qafas finanzjarju attwali turi li bosta Stati Membri, li huma eliġibbli għall-Fond ta’ Koeżjoni, qegħdin iħabbtu wiċċhom ma' diffikultajiet imdaqqsa biex ilestu fil-ħin proġetti transkonfinali kumplessi ta’ infrastruttura ta’ trasport li għandhom valur miżjud għoli għall-Unjoni. Għalhekk, sabiex ikun hemm titjib fit-tlestija tal-proġetti tat-trasport, b'mod partikolari dawk transkonfinali b'valur miżjud għoli għall-Unjoni, parti mill-allokazzjoni tal-Fond ta’ Koeżjoni (EUR 10 biljun) għandha tiġi trasferita għall-finanzjament ta' proġetti tat-trasport fuq in-newtork ewlieni tat-trasport fl-Istati Membri eliġibbli għall-Fond ta’ Koeżjoni taħt il-Faċilità Nikkollegaw l-Ewropa. Il-Kummissjoni għandha tappoġġa Stati Membri eliġibbli għall-Fond ta’ Koeżjoni biex jiġu żviluppati sensiela adegwata ta’ proġetti ħalli tingħata l-aqwa prijorità possibbli għall-allokazzjonijiet nazzjonali taħt il-Fond ta’ Koeżjoni.

(13) L-esperjenza bil-qafas finanzjarju attwali turi li xi Stati Membri, li huma eliġibbli għall-Fond ta’ Koeżjoni, qegħdin iħabbtu wiċċhom ma' diffikultajiet imdaqqsa biex ilestu fil-ħin proġetti transkonfinali kumplessi ta’ infrastruttura ta’ trasport li għandhom valur miżjud għoli għall-Unjoni, kif ukoll sabiex jippermettu l-użu effiċjenti ta’ fondi Ewropej. Għalhekk, sabiex ikun hemm titjib fit-tlestija tal-proġetti tat-trasport, b'mod partikolari dawk transkonfinali b'valur miżjud għoli għall-Unjoni, parti mill-allokazzjoni tal-Fond ta’ Koeżjoni (EUR 10 biljun) għandha tiġi trasferita għall-finanzjament ta' proġetti tat-trasport fuq in-newtork ewlieni tat-trasport (u b’mod partikolari l-kurituri tan-netwerk ewlieni) jew proġetti tat-trasport relatati ma' prijoritjajiet orizzonali fl-Istati Membri eliġibbli għall-Fond ta’ Koeżjoni taħt is-CEF. F’fażi tal-bidu, l-għażla ta' proġetti eliġibbli għal finanzjament għandha tirrispetta l-allokazzjonijiet nazzjonali skont il-Fond ta' Koeżjoni. Il-Kummissjoni għandha tappoġġa Stati Membri eliġibbli għall-Fond ta’ Koeżjoni biex jiġu żviluppati sensiela adegwata ta’ proġetti, b’mod partikolari permezz tat-tisħiħ tal-kapaċità istituzzjonali tal-amministrazzjonijiet pubbliċi kkonċernati u billi jiġu organizzati sejħiet addizzjonali għal proposti, filwaqt li jkun assigurat proċess trasparenti fl-għażla tal-proġetti.

Emenda 13

Proposta għal regolament

Premessa 13a (ġdida)

Test propost mill-Kummissjoni

Emenda

(13a) Il-kapaċità istituzzjonali u amministrattiva huma rekwiżiti preliminari essenzjali għall-ilħuq effikaċi tal-objettivi tas-CEF. Il-Kummissjoni għandha tiggarantixxi li dawn dejjem ikunu f'livell suffiċjenti biex jippermettu t-tfassil u l-implimentazzjoni ta' proġetti, u kull meta jkun meħtieġ, għandha toffri mezzi xierqa lill-Istati Membri kkonċernati.

Emenda 14

Proposta għal regolament

Premessa 15

Test propost mill-Kummissjoni

Emenda

(15) Hemm bżonn ta’ investimenti kbar sabiex tiġi modernizzata u mferrxa l-infrastruttura tal-enerġija tal-Ewropa u sabiex jiġu interkollegati netwerks minn pajjiż għall-ieħor sabiex jintlaħqu l-objettivi tal-politika tal-enerġija u tal-klima tal-Unjoni li jkun hemm kompetittività, sostenibbiltà u sigurtà fil-provvista b’mod li l-benefiċċji jiġġustifikaw il-prezz. Il-ħtiġijiet stmati tal-investiment fl-infrastruttura tal-enerġija sal-2020 jammontaw għal EUR 1 triljun, li minnhom madwar EUR 200 biljun huma għall-infrastrutturi meqjusa li huma ta' rilevanza Ewropea għat-twassil u l-ħżin ta’ elettriku u gass. Għall-proġetti ta' rilevanza Ewropea, madwar EUR 100 biljun ta’ investimenti huma f’riskju li ma jingħatawx minħabba ostakoli marbuta mal-ħruġ ta' permessi, regolamenti u finanzjamenti.

(15) Hemm bżonn ta’ investimenti kbar sabiex tiġi modernizzata u mferrxa l-infrastruttura tal-enerġija tal-Ewropa u sabiex jiġu interkollegati netwerks minn pajjiż għall-ieħor, biex tintemm l-eżistenza tal-ġżejjer tal-enerġija, sabiex jintlaħqu l-objettivi tal-politika tal-enerġija u tal-klima tal-Unjoni li jkun hemm kompetittività, sostenibbiltà u sigurtà fil-provvista b’mod li l-benefiċċji jiġġustifikaw il-prezz. L-awtostradi tal-elettriku fuq distanza twila se jgħinu b’mod sinifikanti sabiex tingħeleb il-varjabbiltà tas-sorsi rinnovabbli tal-elettriku billi dawk is-sorsi jkunu kondiviżi u mqassma fl-Unjoni kollha. Il-ħtiġijiet stmati tal-investiment fl-infrastruttura tal-enerġija sal-2020 jammontaw għal EUR 1 triljun, li minnhom madwar EUR 200 biljun huma għall-infrastrutturi meqjusa li huma ta' rilevanza Ewropea għat-twassil u l-ħżin ta’ elettriku u gass. Għall-proġetti ta' rilevanza Ewropea, madwar EUR 100 biljun ta’ investimenti huma f’riskju li ma jingħatawx minħabba ostakoli marbuta mal-ħruġ ta' permessi, regolamenti u finanzjamenti, skont id-Dokument ta’ Ħidma tal-Persunal tal-Kummissjoni imressaq lill-Kunsill tat-Trasport, it-Telekomunikazzjoni u l-Enerġija tal-10 ta’ Ġunju 2011, bit-titolu "Il-ħtiġijiet ta’ investiment u r-rekwiżiti ta’ finanzjament tal-infrastruttura tal-enerġija".

Emenda 15

Proposta għal regolament

Premessa 17

Test propost mill-Kummissjoni

Emenda

(17) Il-Kunsill Ewropew tal-4 ta’ Frar 2011 talab lill-Kummissjoni sabiex tirrazzjonalizza u ttejjeb il-proċeduri ta’ awtorizzazzjoni u sabiex tmexxi 'l quddiem qafas regolatorju attraenti għall-investiment. Il-Kunsill saħaq li l-biċċa l-kbira tal-investiment ikollu jiġi mis-suq bl-ispejjeż irkuprati mit-tariffi. Il-Kunsill Ewropew għaraf li hemm bżonn ta’ finanzjament pubbliku għal proġetti meħtieġa minn perspettiva ta’ sigurtà tal-provvista jew solidarjetà, li ma jkunx irnexxielhom jiġbdu lejhom finanzjament ibbażat fuq is-suq.

(17) Il-Kunsill Ewropew tal-4 ta’ Frar 2011 talab lill-Kummissjoni sabiex tirrazzjonalizza, tissimplifika, tħaffef u ttejjeb il-proċeduri ta’ awtorizzazzjoni u sabiex tmexxi 'l quddiem qafas regolatorju attraenti għall-investiment. Il-Kunsill saħaq li l-biċċa l-kbira tal-investiment ikollu jiġi mis-suq bl-ispejjeż irkuprati mit-tariffi. Il-Kunsill Ewropew għaraf li hemm bżonn ta’ finanzjament pubbliku għal proġetti meħtieġa minn perspettiva ta’ sigurtà tal-provvista jew solidarjetà, li ma jkunx irnexxielhom jiġbdu lejhom finanzjament ibbażat fuq is-suq. Huwa enfasizza wkoll li jeħtieġ isiru sforzi kbar biex tiġi modernizzata u mkabbra l-infrastruttura tal-enerġija tal-Ewropa u jiġu interkonnessi n-netwerks minn fruntiera għall-oħra, sabiex jiġi żgurat li s-solidarjetà bejn l-Istati Membri ssir operattiva, sabiex tiġi pprovduta provvista jew rotot ta’ tranżitu u sorsi ta’ enerġija alternattivi u biex jiġu żviluppati sorsi ta’ enerġija rinnovabbli b’kompetizzjoni mas-sorsi tradizzjonali.

Emenda 16

Proposta għal regolament

Premessa 19

Test propost mill-Kummissjoni

Emenda

(19) Il-mezzi ta' telekomunikazzjoni qegħdin kull ma jmur isiru dejjem aktar infrastrutturi bbażati fuq l-internet, b'interrelazzjoni mill-qrib bejn in-netwerks tal-broadband u dawk tas-servizzi diġitali. L-internet qed isir il-pjattaforma dominanti għall-komunikazzjoni, l-għoti ta' servizzi, u l-prattiki tan-negozju. Għalhekk, id-disponibbiltà trans-Ewropea ta’ aċċess veloċi għall-internet u servizzi diġitali hija essenzjali għat-tkabbir ekonomiku u għas-Suq Uniku.

(19) Il-mezzi ta' telekomunikazzjoni qegħdin kull ma jmur isiru dejjem aktar infrastrutturi bbażati fuq l-internet, bl-infrastruttura tan-netwerks tal-broadband tikkatalizza l-użu tas-servizzi diġitali f’firxa sħiħa ta’ attivitajiet fis-soċjetà. L-internet qed isir il-pjattaforma dominanti għall-komunikazzjoni, sabiex jitwettqu l-prattiki tan-negozju, sabiex jiġu pprovduti servizzi pubbliċi u privati u għall-koeżjoni soċjali u kulturali. Barra dan, il-cloud computing u s-softwer bħala servizz huma l-paradigmi ġodda emerġenti fil-qasam tax-xogħol relatat mal-kompjuters. Għalhekk, id-disponibbiltà trans-Ewropea ta’ aċċess dejjem preżenti, disponibbli u veloċi għall-internet u servizzi diġitali innovattivi hija essenzjali għat-tkabbir ekonomiku u għas-Suq Uniku.

Emenda 17

Proposta għal regolament

Premessa 20

Test propost mill-Kummissjoni

Emenda

(20) Netwerks moderni u li jkunu bbażati fuq il-fibra huma infrastruttura kruċjali għall-ġejjieni mil-lat ta' konnettività għall-kumpaniji Ewropej, b'mod partikolari għall-SMEs li jkunu jridu jużaw il-cloud computing (grilja li toffri servizzi komuni ta' softwer u riżorsi oħra komuni lil min ikun imqabbad magħha) sabiex il-benefiċċji jiġġustifikaw dejjem aktar l-ispiża.

(20) Netwerks moderni u veloċi huma infrastruttura kruċjali għall-ġejjieni mil-lat ta' konnettività għall-kumpaniji Ewropej, b'mod partikolari għall-SMEs li jkunu jridu jużaw il-cloud computing (grilja li toffri servizzi komuni ta' softwer u riżorsi oħra komuni lil min ikun imqabbad magħha) sabiex il-benefiċċji jiġġustifikaw dejjem aktar l-ispiża. Fil-qasam tat-telekomunikazzjoni, se titqiegħed enfasi speċjali fuq azzjonijiet li jappoġġjaw l-għanijiet tal-użu tan-netwerks cloud u tan-netwerks mingħajr fili ultraveloċi. Sabiex tiġi evitata d-duplikazzjoni tal-infrastruttura, jiġi evitat l-ispustament tal-investiment privat u jitjieb il-bini tal-kapaċitajiet għall-ħolqien ta’ opportunitajiet ta’ investiment ġdid u tiġi promossa l-implimentazzjoni ta’ miżuri tat-tnaqqis tal-ispejjeż, għandhom jittieħdu azzjonijiet sabiex tittejjeb il-koordinazzjoni tal-appoġġ tal-Unjoni għall-broadband mis-CEF u l-appoġġ għall-broadband mis-sorsi l-oħra kollha disponibbli, inkluż permezz ta’ pjanijiet nazzjonali tal-broadband.

Emenda 18

Proposta għal regolament

Premessa 21

Test propost mill-Kummissjoni

Emenda

(21) L-Istrateġija Ewropa 2020 issejjaħ għall-implimentazzjoni tal-Aġenda Diġitali għall-Ewropa li tistabbilixxi qafas legali stabbli biex jiġu stimulati investimenti f’infrastruttura miftuħa u kompetittiva tal-internet b’veloċità qawwija u f’servizzi relatati. Il-Kunsill Ewropew ta’ Ġunju 2010 approva l-Aġenda Diġitali għall-Ewropa u talab lill-istituzzjonijiet kollha biex jimplimentawha kollha kemm hi.

(21) L-Istrateġija Ewropa 2020 issejjaħ għall-implimentazzjoni tal-Aġenda Diġitali għall-Ewropa li tistabbilixxi qafas legali stabbli biex jiġu stimulati l-investiment f’infrastruttura miftuħa u kompetittiva tal-internet b’veloċità qawwija u f’servizzi relatati. L-għan għandu jkun li l-Ewropa jkollha broadband bl-ikbar veloċitajiet fid-dinja billi jsir tentattiv sabiex jiġi żgurat li sal-2020 l-Ewropej kollha jkollhom aċċess għal 100 Mbps u li 50 % tal-unitajiet domestiċi tal-UE jkollhom aċċess għal 1 Gbps jew iżjed fejn possibbli.

Emenda 19

Proposta għal regolament

Premessa 22

Test propost mill-Kummissjoni

Emenda

(22) Fil-31 ta’ Mejju 2010, il-Kunsill ikkonkluda li l-Ewropa għandha tpoġġi r-riżorsi meħtieġa ħalli jiġi żviluppat suq diġitali uniku, ibbażat fuq internet veloċi u ultraveloċi, u applikazzjonijiet interoperabbli u għaraf li investiment effiċjenti u kompetittiv fil-ġenerazzjoni li jmiss ta’ netwerks tal-broadband għandu jkun importanti għall-innovazzjoni, għall-għażla li tingħata lill-konsumatur u għall-kompetittività tal-Unjoni u jkun jista’ jipprovdi kwalità ta' ħajja aħjar permezz ta’ kura tas-saħħa aħjar, trasport aktar sikur, opportunitajiet ġodda għall-mezzi tax-xandir u aċċess eħfef għall-prodotti u s-servizzi, b’mod partikolari minn pajjiż għall-ieħor.

(22) Fil-31 ta’ Mejju 2010, il-Kunsill ikkonkluda li l-Ewropa għandha tpoġġi r-riżorsi meħtieġa ħalli jiġi żviluppat suq diġitali uniku, ibbażat fuq internet veloċi u ultraveloċi, u applikazzjonijiet interoperabbli u għaraf li investiment effiċjenti u kompetittiv fil-ġenerazzjoni li jmiss ta’ netwerks tal-broadband għandu jkun meħtieġ għall-innovazzjoni, għall-għażla li tingħata lill-konsumatur u għall-kompetittività tal-Unjoni u jkun jista’ jipprovdi kwalità ta' ħajja aħjar permezz ta’ kura tas-saħħa aħjar, trasport aktar sikur, opportunitajiet ġodda għall-mezzi tax-xandir u aċċess eħfef għall-prodotti, is-servizzi u l-għarfien, b’mod partikolari minn pajjiż għall-ieħor.

Emenda 20

Proposta għal regolament

Premessa 23a (ġdida)

Test propost mill-Kummissjoni

Emenda

(23a) Konsegwentement, jeħtieġ jiġi stimolat, skont il-prinċipju tan-newtralità teknoloġika, l-użu fl-Unjoni kollha ta’ netwerks veloċi u ultraveloċi ta’ broadband, u li jiġu ffaċiliti l-iżvilupp u l-użu ta’ servizzi diġitali trans-Ewropej. L-investiment pubbliku fin-netwerks ta’ broadband veloċi u ultraveloċi m’għandux iwassal għal distorsjoni tas-suq jew joħloq diżinċentivi għall-investiment. Dan għandu jintuża sabiex jattira investiment privat u biss f’każijiet fejn ikun hemm nuqqas ta’ interess kummerċjali sabiex wieħed jinvesti.

Emenda 21

Proposta għal regolament

Premessa 24

Test propost mill-Kummissjoni

Emenda

(24) Huwa meħtieġ li jiġu żviluppati netwerks qawwija u koerenti mifruxa madwar l-UE għat-twassil permezz ta' mezzi diġitali ta' azzjonijiet li huma meħtieġa għall-ġid pubbliku, bis-sehem ta' atturi pubbliċi u mis-soċjetà ċivili fuq livell nazzjonali u reġjonali, u għal dan il-għan huwa importanti li jiġi żgurat il-finanzjament strutturat mill-UE tal-ispejjeż tat-tfassil tas-sistema u tas-softwer, kif ukoll iż-żamma ta' ċentru reżiljenti għal dawn in-netwerks, fejn ikunu biss l-ispejjeż li jsiru minn ġol-pajjiżi li jitħallew għall-baġits tal-operaturi nazzjonali.

(24) Huwa meħtieġ li jiġu żviluppati netwerks qawwija u koerenti mifruxa madwar l-UE għat-twassil permezz ta' mezzi diġitali ta' azzjonijiet li huma meħtieġa għall-ġid pubbliku, bis-sehem ta' atturi pubbliċi u mis-soċjetà ċivili fuq livell nazzjonali, reġjonali u lokali, u għal dan il-għan huwa importanti li jiġi żgurat il-finanzjament strutturat mill-UE tal-ispejjeż tat-tfassil tas-sistema u tas-softwer, kif ukoll iċ-ċibersigurtà u ż-żamma ta' ċentru reżiljenti għal dawn in-netwerks, fejn ikunu biss l-ispejjeż li jsiru minn ġol-pajjiżi li jitħallew għall-baġits tal-operaturi nazzjonali. Sabiex is-suq diġitali uniku jitlesta, għandhom jiġu żgurati kooperazzjoni mill-qrib u koordinazzjoni tal-attivitajiet taħt il-programm CEF mal-azzjonijiet nazzjonali u reġjonali marbuta mal-broadband.

Emenda 22

Proposta għal regolament

Premessa 25

Test propost mill-Kummissjoni

Emenda

(25) Hemm bżonn ta’ bosta metodi ta’ implimentazzjoni u dawn jeħtieġu rati ta’ finanzjament differenti sabiex tiżdied l-effiċjenza u l-impatt tal-għajnuna finanzjarja tal-Unjoni, sabiex jiġi mħeġġeġ investiment privat, u sabiex jiġu indirizzati r-rekwiżiti speċifiċi ta’ proġetti individwali.

(25) Hemm bżonn ta’ bosta metodi ta’ implimentazzjoni u dawn jeħtieġu rati ta’ finanzjament u strumenti finanzjarji differenti sabiex tiżdied l-effiċjenza u l-impatt tal-għajnuna finanzjarja tal-Unjoni, sabiex jiġi mħeġġeġ investiment privat, u sabiex jiġu indirizzati r-rekwiżiti speċifiċi ta’ proġetti individwali.

Emenda 23

Proposta għal regolament

Premessa 28

Test propost mill-Kummissjoni

Emenda

(28) Servizzi ġeneriċi f’oqsma ta' interess pubbliku (bħala servizzi ewlenin) jintlaqtu spiss minn sitwazzjonijiet fejn is-suq ma jaħdimx kif suppost. Tabilħaqq, l-oqsma li jridu jiġu ffinanzjati huma marbuta mal-għoti ta' servizzi pubbliċi (Gvern elettroniku, Saħħa elettronika, Identità elettronika, Tagħlim elettroniku, Akkwisti elettroniċi u diġitalizzazzjoni tal-wirt kulturali Ewropew) tħaddim fuq skala kbira u interoperabbiltà li minnhom infushom mhumiex kummerċjali meta jibdew. Barra minn hekk, jekk jiġu ffinanzjati biss servizzi ewlenin, l-isfida tkun li jinħolqu l-inċentivi t-tajba fuq il-livell tal-Istati Membri u dak tar-reġjuni sabiex jitħaddmu fil-fatt servizzi ta' interess pubbliku: dan hu partikolarment ikkaġunat min-nuqqas ta' inċentivi fuq il-livell nazzjonali sabiex is-sistemi nazzjonali jiġu kkollegati mas-sistemi ewlenin (u b'hekk jiġu żviluppati il-kundizzjonijiet għall-interoperabbiltà u għas-servizzi transkonfinali) kif ukoll mill-fatt illi l-investituri privati waħedhom mhux ser jiżguraw it-tħaddim tas-servizz fi ħdan oqfsa li jkunu interoperabbli. Il-proġetti ta’ interess komuni relatati mal-għoti transkonfinali ta’ servizzi ta’ Gvern elettroniku għandhom jikkunsidraw il-25 rakkomandazzjoni tal-Qafas Ewropew tal-Interoperabbiltà għas-servizzi pubbliċi Ewropej (EIF) li jindirizzaw rekwiżiti speċifiċi ta’ interoperabbiltà, kif ukoll il-possibilità li jintużaw soluzzjonijiet ta' sorsi miftuħa diġà implimentati fis-settur pubbliku fl-Ewropa kollha.

Emenda 24

Proposta għal regolament

Premessa 29a (ġdida)

Test propost mill-Kummissjoni

Emenda

(29a) It-tħaddim ta’ servizzi transkonfinali permezz tat-twaqqif ta’ proċeduri elettroniċi għall-moviment minn pajjiż Ewropew għall-ieħor se jippermetti soluzzjonijiet elettroniċi tal-proċeduri amministrattivi meħtieġa kollha, u se jiffaċilita l-mobbiltà tal-Ewropej filwaqt li jinvolvu inqas spejjeż. Konsegwentement, dawk is-servizzi għandhom il-potenzjal li jtejbu b’mod pożittiv il-mod faċli li bih l-Ewropej ikunu jistgħu jaħdmu, jistudjaw u jirrisjedu fi kwalunkwe Stat Membru, permezz ta’ Punti ta’ Kuntatt Uniku għar-reġistrazzjoni tat-tibdil tal-indirizz mal-awtoritajiet pubbliċi kollha fil-pajjiż tad-destinazzjoni (l-awtorità lokali, l-iskola, it-tabib, il-pulizija, eċċ.) bl-identità elettronika tal-pajjiż tal-oriġini.

Emenda 25

Proposta għal regolament

Premessa 30

Test propost mill-Kummissjoni

Emenda

(30) Orizzont 2020 – il-Programm Qafas ġejjieni għar-Riċerka u l-Innovazzjoni ser jiffoka fost oħrajn fuq kif jiġu indirizzati l-isfidi tas-soċjetà (bħal pereżempju, trasport intelliġenti, ekoloġiku u integrat; enerġija nadifa, effiċjenti u fiż-żgur; kif ukoll servizzi tas-saħħa, governattivi u żvilupp sostenibbli mwassla permezz tat-teknoloġija tal-informazzjoni u tal-kommunikazzjoni) sabiex jirreaġixxi direttament għall-isfidi identifikati fl-Istrateġija Ewropa 2020 permezz ta' attivatijiet ta' appoġġ li jkopru l-firxa sħiħa, mir-riċerka sas-suq. Orizzont 2020 ser jagħti appoġġ lill-istadji kollha fil-katina tal-innovazzjoni, b'mod partikolari attivitajiet li huma eqreb lejn is-suq, li jinkludu strumenti finanzjarji innovattivi. Bil-għan illi joħroġ impatt akbar mill-finanzjamenti tal-Unjoni u sabiex tiġi żgurata aktar koerenza, il-Faċilità Nikkollegaw l-Ewropa ser tiżviluppa sinerġiji mill-qrib ma' Orizzont 2020.

(30) Orizzont 2020 – il-Programm Qafas ġejjieni għar-Riċerka u l-Innovazzjoni ser jiffoka fost oħrajn fuq kif jiġu indirizzati l-isfidi tas-soċjetà (bħal pereżempju, trasport intelliġenti, ekoloġiku, aċċessibbli u integrat; enerġija nadifa, effiċjenti u fiż-żgur; kif ukoll servizzi tas-saħħa, governattivi u żvilupp sostenibbli mwassla permezz tat-teknoloġija tal-informazzjoni u tal-kommunikazzjoni) sabiex jirreaġixxi direttament għall-isfidi identifikati fl-Istrateġija Ewropa 2020 permezz ta' attivatijiet ta' appoġġ li jkopru l-firxa sħiħa, mir-riċerka sas-suq. Orizzont 2020 ser jagħti appoġġ lill-istadji kollha fil-katina tal-innovazzjoni, b'mod partikolari attivitajiet li huma eqreb lejn is-suq, li jinkludu strumenti finanzjarji innovattivi. Barra dan, l-Istitut Ewropew tal-Innovazzjoni u t-Teknoloġija (EIT) qed jidderiġi l-isforzi tiegħu biex jintlaħqu l-istess għanijiet billi jfittex soluzzjoni għal dawk l-isfidi tas-soċjetà, waqt li jiffoka fuq l-aħjar użu tar-riżultati tar-riċerka u l-iżvilupp ta’ prodotti innovattivi. Bil-għan illi joħroġ impatt akbar mill-finanzjamenti tal-Unjoni u sabiex tiġi żgurata aktar koerenza, is-CEF ser tiżviluppa sinerġiji mill-qrib ma' Orizzont 2020 u l-EIT.

Ġustifikazzjoni

Bil-preżenza ta’ 80 miljun persuna b’diżabbiltajiet fl-Ewropa, it-tixjiħ tal-popolazzjoni, u l-kwistjonijiet ambjentali, l-aċċessibbiltà tat-trasport saret sfida kruċjali tas-soċjetà.

Emenda 26

Proposta għal regolament

Premessa 30a (ġdida)

Test propost mill-Kummissjoni

Emenda

(30a) Fil-Komunikazzjoni tagħha bit-titolu "Lejn Żona Ewropea ta' sikurezza tat-triq: orjentazzjonijiet ta' politika dwar is-sikurezza tat-triq 2011-2020", il-Kummissjoni stabbilit qafas għall-azzjonijiet ta' politika favur infrastruttura sikura bħala element ewlieni li jnaqqas il-korrimenti fit-toroq sa 50 % sal-2020. Is-CEF għandha għalhekk tiżgura li t-talbiet għal fondi tal-Unjoni jikkonformaw mar-rekwiżiti, ir-rakkomandazzjonijiet u l-objettivi ta' sikurezza fil-leġiżlazzjoni relevanti kollha tal-Unjoni dwar is-sikurezza fit-triq. L-evalwazzjoni tar-rendiment tas-CEF għandha tqis it-tnaqqis tal-korrimenti fin-netwerk tat-toroq tal-UE27.

Emenda 27

Proposta għal regolament

Premessi 32 sa 39a (ġdida)

Test propost mill-Kummissjoni

Emenda

(32) L-istrumenti finanzjarji li għandhom jiġu implimentati skont dan ir-Regolament għandhom jirriflettu r-regoli pprovduti fit-Titolu VIII tar-Regolament (UE) Nru XXX/2012 [Ir-regolament finanzjarju ġdid] u l-Att Delegat u f'konformità mar-regoli tal-aqwa prattiki li japplikaw għal strumenti finanzjarji.

imħassar

(33) Il-miżuri fiskali f'bosta Stati Membri ser iwasslu jew diġà wasslu lill-awtoritajiet pubbliċi sabiex jerġgħu jiflu l-programmi ta’ investimenti infrastrutturali tagħhom. F’dan il-kuntest, il-PPPs tqiesu bħala mezzi effiċjenti għat-twettiq ta’ proġetti infrastrutturali li jiżguraw is-seħħ ta’ objettivi tal-politiki bħall-ġlieda kontra t-tibdil fil-klima; il-promozzjoni ta’ sorsi alternattivi ta’ enerġija, kif ukoll l-effiċjenza fl-użu tar-riżorsi u l-enerġija, l-appoġġ għal trasport sostenibbli u l-użu ta’ netwerks tal-broadband. Il-Kummissjoni, fil-Komunikazzjoni PPPs tad-19 ta’ Novembru 2009, impenjat ruħha li ttejjeb l-aċċess finanzjarju għall-PPPs billi twessa’ l-kamp ta’ applikazzjoni ta’ strumenti finanzjarji eżistenti.

(34) Għalkemm il-biċċa l-kbira tal-investimenti taħt l-Istrateġija Ewropa 2020 jistgħu joħorġuhom is-swieq u l-miżuri regolatorji, l-isfida tal-finanzjament teħtieġ interventi pubbliċi u għajnuna mill-Unjoni permezz ta’ għotjiet ta' flus u strumenti finanzjarji innovattivi. Għandhom jintużaw strumenti finanzjarji sabiex jiġu indirizzati ċertu bżonnijiet speċifiċi tas-suq, skont l-objettivi tas-CEF, u ma għandhomx ma jħallux lok għall-finanzjament privat. Qabel ma tiddeċiedi li tuża strumenti finanzjarji, il-Kummissjoni għandha tagħmel valutazzjonijiet ex-ante ta' dawn l-istrumenti.

(34) Għalkemm parti sinifikanti tal-investimenti taħt l-Istrateġija Ewropa 2020 jistgħu joħorġuhom is-swieq u l-miżuri regolatorji, l-isfida tal-finanzjament teħtieġ interventi pubbliċi u għajnuna mill-Unjoni permezz ta’ għotjiet ta' flus u strumenti finanzjarji innovattivi.

(34a) Sabiex il-baġit tal-Unjoni jkun użat bl-aħjar mod possibbli taħt forma ta’ għotjiet, dawn għandhom ikunu riservati għall-proġetti li ftit jiġġeneraw dħul jew ma jiġġeneraw l-ebda dħul.

(34b) Sabiex tiġi żgurata l-ugwaljanza bejn, min-naħa waħda, il-proġetti ta’ trasport li diġà japplikaw il-prinċipju tal-'utent iħallas' fuq bażi mandatorja u, min-naħa l-oħra, dawk li ma jiġbrux tariffi mingħand l-utenti, l-Unjoni għandha tipprovdi wkoll finanzjament permezz ta’ għotjiet għal proġetti tat-trasport li jiġġeneraw dħul.

(34c) Il-miżuri fiskali fl-Istati Membri għandhom iħeġġu lill-awtoritajiet pubbliċi sabiex jippromwovu s-sorsi ta’ enerġija rinnovabbli kif ukoll l-effiċjenza enerġetika u l-effiċjenza fl-użu tar-riżorsi.

(34d) Il-miżuri fiskali f'bosta Stati Membri jew reġjuni li għandhom il-kompetenza ser iwasslu jew diġà wasslu lill-awtoritajiet pubbliċi sabiex jerġgħu jiflu l-programmi ta’ investimenti infrastrutturali tagħhom. F’dan il-kuntest, is-sħubijiet pubbliċi-privati (PPPs) għandhom jiffunzjonaw bħala mezzi effiċjenti għat-twettiq ta’ proġetti infrastrutturali li jiżguraw li jintlaħqu l-objettivi tal-politiki bħall-ġlieda kontra t-tibdil fil-klima; il-promozzjoni ta’ sorsi rinnovabbli ta’ enerġija, kif ukoll l-effiċjenza fl-użu tar-riżorsi u l-enerġija, l-appoġġ għal trasport sostenibbli u l-użu ta’ netwerks tal-broadband. Il-Kummissjoni, fil-Komunikazzjoni tagħha dwar il-PPPs tad-19 ta’ Novembru 2009, impenjat ruħha li ttejjeb l-aċċess finanzjarju għall-PPPs billi twessa’ l-kamp ta’ applikazzjoni ta’ strumenti finanzjarji eżistenti.

(35) Ir-Reviżjoni tal-Baġit tal-UE saħqet illi r-regola għall-proġetti b'potenzjal kummerċjali fit-tul għandha tkun li jintużaw fondi tal-Unjoni bi sħubija mas-setturi finanzjarji u bankarji, b’mod partikolari l-Bank Ewropew għall-Investiment ("BEI") u l-istituzzjonijiet finanzjarji pubbliċi tal-Istati Membri, iżda wkoll ma’ istituzzjonijiet finanzjarji internazzjonali oħra u s-settur finanzjarju privat, inkluż fil-livell nazzjonali u dak reġjonali. Jeħtieġ li l-arranġamenti ta’ sħubija jenfasizzaw l-għarfien lokali u r-relazzjonijiet bejn il-proġetti u l-intermedjarji finanzjarji.

(35a) Għandhom jintużaw strumenti finanzjarji sabiex jiġu indirizzati bżonnijiet speċifiċi tas-suq, għal azzjonijiet li għandhom valur miżjud ċar Ewropew u li huma konformi mal-objettivi tas-CEF, u ma għandhomx ma jħallux lok għall-finanzjament privat. Huma għandhom itejbu l-effett ta' lieva li jħalli l-infiq tal-baġit tal-Unjoni u jiksbu effett multiplikatur fir-rigward tal-attrazzjoni ta' finanzjament tas-settur privat. Dan huwa partikolarment rilevanti fil-kuntest ta' diffikultajiet ta' aċċess għall-kreditu u restrizzjonijiet għall-finanzi pubbliċi u fid-dawl tal-ħtieġa li jiġi appoġġat l-irkupru ekonomiku tal-Ewropa. Qabel ma tiddeċiedi li tirrikorri għall-istrumenti finanzjarji, il-Kummissjoni għandha tagħmel valutazzjonijiet ex ante tal-istrument ikkonċernat, sabiex tivverifika jekk teżistix sitwazzjoni ta’ investiment mhux ottimali u li l-istrument ma joħloqx distorsjonijiet fis-suq. Barra minn hekk, proġetti ffinanzjati bis-saħħa ta’ strument finanzjarju innovattiv għandhom jippreżentaw valur miżjud Ewropew, u jkunu konformi mal-objettivi tal-Istrateġija Ewropa 2020

(36) Fl-Istrateġija Ewropa 2020, il-Kummissjoni wegħdet li timmobbilizza strumenti finanzjarji tal-Unjoni bħala parti minn strateġija ta’ finanzjament konsistenti, li tgħaqqad flimkien finanzjament tal-Unjoni ma' dak pubbliku u privat għall-infrastrutturi. Dan huwa bbażat fuq ir-raġunament li f’ħafna każi, sitwazzjonijiet mhux mill-aqwa ta’ investiment u imperfezzjonijiet tas-suq jistgħu jiġu indirizzati b’mod aktar effiċjenti bis-saħħa ta' strumenti finanzjarji milli b’għotjiet ta' flus.

(37) Il-Faċilità Nikkollegaw l-Ewropa għandha tipproponi strumenti finanzjarji biex tħeġġeġ lill-investituri fis-settur privat u l-istituzzjonijiet finanzjarji biex jipparteċipaw b’mod sostanzjali fl-investiment tal-infrastruttura. Sabiex ikunu attraenti biżżejjed għas-settur privat, l-istrumenti finanzjarji għandhom ikunu mfassla u implimentati b'attenzjoni għas-simplifikazzjoni u t-tnaqqis tal-piż amministrattiv, iżda wkoll b'kunsiderazzjoni li jinżamm livell ta' flessibilità sabiex ikunu jistgħu jirreaġixxu b'mod flessibbli għall-bżonnijiet ta' finanzjamenti identifikati. It-tfassil ta' dawn l-istrumenti għandu jibbaża fuq l-esperjenza miksuba mill-implimentazzjoni ta’ strumenti finanzjarji tal-Qafas Finanzjarju Multiannwali 2007-2013, bħall-istrument ta’ Self Garantit għall-proġetti TEN-T (LGTT), il-Faċilità ta’ Finanzjament b’Kondiviżjoni tar-Riskji (RSFF) u l-Fond Ewropew 2020 għall-Enerġija, it-Tibdil fil-Klima, u l-Infrastruttura (il-"Fond Marguerite").

(37) Is-CEF għandha tipproponi strumenti finanzjarji biex tħeġġeġ lill-investituri fis-settur privat u l-istituzzjonijiet finanzjarji biex jipparteċipaw b'mod sostanzjali fl-investiment tal-infrastruttura. Sabiex ikunu attraenti biżżejjed għas-settur privat, l-istrumenti finanzjarji għandhom ikunu mfassla u implimentati b'attenzjoni għas-simplifikazzjoni u t-tnaqqis tal-piżijiet amministrattivi, filwaqt li fl-istess ħin jinżamm livell suffiċjenti ta' flessibilità sabiex ikunu jistgħu jirreaġixxu b'mod flessibbli għall-bżonnijiet ta' finanzjamenti identifikati. L-awtoritajiet ta' ġestjoni responsabbli għandhom joħolqu l-inċentivi meħtieġa biex jiġbdu l-investituri privati. It-tfassil ta' dawn l-istrumenti għandu jibbaża fuq l-esperjenza miksuba mill-implimentazzjoni ta’ strumenti finanzjarji tal-Qafas Finanzjarju Multiannwali 2007-2013, bħall-istrument ta’ Self Garantit għall-proġetti TEN-T (LGTT), il-Faċilità ta’ Finanzjament b’Kondiviżjoni tar-Riskji (RSFF), il-Fond Ewropew 2020 għall-Enerġija, it-Tibdil fil-Klima, u l-Infrastruttura (il-"Fond Marguerite") u l-Inizjattiva ta' ħruġ ta' Bonds għall-Proġetti tal-Ewropa 2020.

(37a) Dawk l-istrumenti finanzjarji innovattivi, bħall-bonds tal-proġetti, jistgħu jtejbu l-finanzjament tal-infrastruttura tat-trasport b’valur miżjud Ewropew. L-użu tagħhom għalhekk għandu jiġi mħeġġeġ bis-sħiħ, sabiex il-baġit Ewropew jintuża bl-iżjed mod effiċjenti.

(38) Filwaqt li l-parti l-kbira tal-istrumenti finanzjarji għandhom ikunu komuni għas-setturi kollha, xi wħud minnhom jistgħu jkunu speċifiċi għal setturi individwali. Is-servizzi tal-Kummissjoni jistmaw li filwaqt li l-appoġġ finanzjarju għall-broadband ikun prinċipalment jibbaża fuq strumenti finanzjarji, għat-trasport u l-enerġija, il-volum ta’ riżorsi baġitarji tal-Unjoni meħtieġ għall-istrumenti finanzjarji ma għandux jaqbeż iż-EUR 2 biljun u l-EUR 1 biljun rispettivament.

(38) Waqt li tkun qiegħda ssir l-għażla tal-forma l-iżjed effettiva ta’ għajnuna finanzjarja, il-karatteristiċi speċifiċi għas-settur u għall-proġett eliġibbli għandhom jiġu kkunsidrati kif xieraq.

(39) Sabiex jiġi żgurat li jkun hemm diversifikazzjoni settorjali tal-benefiċjarji minn strumenti finanzjarji, kif ukoll sabiex titħeġġeġ diversifikazzjoni ġeografika b’mod gradwali ta' benefiċjarji mill-Istati Membri kollha, il-Kummissjoni bi sħab mal-BEI, permezz ta' inizjattivi konġunti bħal pereżempju ċ-Ċentru Ewropew ta' Konsulenza Esperta fuq il-PPPs (EPEC- European PPP Expertise Centre) u Jaspers, għandha tipprovdi appoġġ lill-Istati Membri fl-iżvilupp ta' sensiela ta’ pjanijiet għal proġetti li jistgħu jiġu kkunsidrati għall-finanzjament ta’ proġetti.

(39) Sabiex jiġi żgurat li jkun hemm diversifikazzjoni settorjali tal-benefiċjarji minn strumenti finanzjarji, kif ukoll sabiex titħeġġeġ diversifikazzjoni ġeografika b’mod gradwali ta' benefiċjarji mill-Istati Membri kollha, u b'attenzjoni partikolari għall-Istati Membri eliġibbli għall-appoġġ mill-Fond ta' Koeżjoni, il-Kummissjoni bi sħab mal-BEI, permezz ta' inizjattivi konġunti bħal pereżempju ċ-Ċentru Ewropew ta' Konsulenza Esperta fuq il-PPPs (EPEC- European PPP Expertise Centre) u Jaspers, għandha tipprovdi appoġġ lill-Istati Membri fl-iżvilupp ta' sensiela ta’ pjanijiet għal proġetti li jistgħu jiġu kkunsidrati għall-finanzjament ta’ proġetti.

(39a) L-istrumenti finanzjarji li għandhom jiġu implimentati skont dan ir-Regolament għandhom jirriflettu r-regoli pprovduti fit-Titolu VIII tar-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni¹ u l-Att Delegat u f'konformità mar-regoli tal-aħjar prattika applikabbli għal strumenti finanzjarji².

__________________

¹ ĠU L 298, 26.10.2012, p. 1.

²COM(2011)xxx, Qafas għall-ġenerazzjoni ġdida ta’ strumenti finanzjarji.

Emenda 28

Proposta għal regolament

Premessa 41

Test propost mill-Kummissjoni

Emenda

(41) Il-programmazzjoni multiannwali għall-appoġġ mill-Faċilità għandha tkun intiża biex tappoġġa il-prijoritajiet tal-Unjoni billi tiżgura li jkun hemm ir-riżorsi finanzjarji neċessarji u l-konsistenza u l-kontinwità fl-azzjoni konġunta li ssir mill-Unjoni u l-Istati Membri. Għal proposti mressqa wara l-implimentazzjoni tal-ewwel programm ta’ ħidma multiannwali fis-settur tat-trasport, l-eliġibbiltà tal-ispejjeż għandha tibda fl-1 ta’ Jannar 2014 sabiex tiġi żgurata l-kontinwità ta’ proġetti diġà koperti mir-Regolament (KE) Nru 680/2007 tal-Parlament Ewropew u tal-Kunsill tal-20 ta' Ġunju 2007 li jistabbilixxi r-regoli ġenerali għall-għoti ta' għajnuna finanzjarja Komunitarja fil-qasam tan-netwerks trans-Ewropej tat-trasport u tal-enerġija.

(41) Il-programmazzjoni multiannwali għall-appoġġ mis-CEF għandha tkun intiża biex tappoġġa l-prijoritajiet tal-Unjoni billi tiżgura li jkun hemm ir-riżorsi finanzjarji neċessarji u l-konsistenza, l-ekwità, it-trasparenza u l-kontinwità fl-azzjoni konġunta li ssir mill-Unjoni u l-Istati Membri. Għal proposti mressqa wara l-implimentazzjoni tal-ewwel programm ta’ ħidma multiannwali fis-settur tat-trasport, l-eliġibbiltà tal-ispejjeż għandha tibda fl-1 ta’ Jannar 2014 sabiex tiġi żgurata l-kontinwità ta’ proġetti diġà koperti mir-Regolament (KE) Nru 680/2007 tal-Parlament Ewropew u tal-Kunsill tal-20 ta' Ġunju 2007 li jistabbilixxi r-regoli ġenerali għall-għoti ta' għajnuna finanzjarja Komunitarja fil-qasam tan-netwerks trans-Ewropej tat-trasport u tal-enerġija.

Emenda 29

Proposta għal regolament

Premessa 42a (ġdida)

Test propost mill-Kummissjoni

Emenda

(42a) Meta jitqies il-karattru limitat tar-riżorsi disponibbli fil-livell tal-Unjoni, hemm bżonn ta’ konċentrazzjoni fuq il-proġetti bl-ogħla valur miżjud Ewropew biex jinkisbu r-riżultati mixtieqa. Fis-settur tat-trasport l-appoġġ tal-Unjoni għandu jkun destinat għan-netwerk ċentrali (b’mod partikolari l-kurituri tan-netwerk ewlieni) u l-proġetti ta’ interess komuni fil-qasam tas-sistemi tal-ġestjoni tat-traffiku. Fis-settur tal-enerġija, l-għajnuna finanzjarja għandha tiffoka fuq it-tlestija tas-suq intern tal-enerġija, sabiex tiġi żgurata s-sigurtà tal-provvista, jiġi żgurat it-twassil tal-elettriku rinnovabbli mill-ġenerazzjoni għaċ-ċentri tad-domanda u l-ħżin, u jiġi attirat investiment privat. Fis-settur tat-telekomunikazzjonijiet, l-għajnuna finanzjarja għandha l-ewwel nett tkun iffokata fuq proġetti li jiġġeneraw talba għall-broadband, inkluż il-bini ta' infrastruttura ta' servizz diġitali Ewropew, li min-naħa tagħhom għandhom jistimolaw l-investiment fl-implimentazzjoni tan-netwerk tal-broadband.

Emenda 30

Proposta għal regolament

Premessa 42b (ġdida)

Test propost mill-Kummissjoni

Emenda

(42b) Fis-settur tal-enerġija parti sinifkanti tal-baġit previst għandha tiġi allokata fil-forma ta’ strumenti finanzjarji. Proġetti ta’ interess komuni fis-settur tat-telekomunikazzjoni għandhom ikunu eliġibbli għal għajnuna finanzjarja mill-Unjoni fil-forma ta’ għotjiet għal servizzi ġeneriċi u prijoritajiet orizzontali inkluż l-azzjonijiet ta’ appoġġ għall-programmi, u fil-forma ta’ għotjiet u akkwisti għal pjattaformi ta’ servizz ewlenin. Azzjonijiet fil-qasam ta’ tħaddim tal-broadband, inklużi azzjonijiet li jiġġeneraw domanda għall-broadband, għandhom ikunu eliġibbli għal għajnuna finanzjarja mill-Unjoni fil-forma ta’ strumenti finanzjarji.

Ġustifikazzjoni

Meta titqies l-ispeċifiċità tas-setturi tat-telekomunikazzjoni u sabiex jiġu evitati distorsjonijiet fis-suq u għall-użu l-aktar effiċjenti fil-konfront tal-kostijiet bl-aħjar effett ta’ sfruttament tal-fondi tal-UE, l-appoġġ finanzjarju għandu estensivament jibbaża ruħu fuq l-istrumenti finanzjarji.

Emenda 31

Proposta għal regolament

Premessa 43

Test propost mill-Kummissjoni

Emenda

(43) Għandhom jitwettqu evalwazzjonijiet intermedjarji u retrospettivi mill-Kummissjoni sabiex tiġi vvalutata l-effikaċja u l-effiċjenza tal-finanzjament u l-impatt tiegħu fuq il-miri ġenerali tal-prijoritajiet tal-Faċilità u tal-Istrateġija Ewropa 2020.

(43) Għandhom jitwettqu evalwazzjonijiet intermedjarji u retrospettivi mill-Kummissjoni u jiġu kkomunikati lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, sabiex tiġi vvalutata l-effikaċja u l-effiċjenza tal-finanzjament u l-impatt tiegħu fuq il-miri ġenerali tas-CEF u tal-prijoritajiet tal-Istrateġija Ewropa 2020. Il-Kummissjoni għandha tippubblika u taġġorna l-informazzjoni dwar il-proġetti speċifiċi skont is-CEF għall-inqas darba fis-sena.

Emenda 32

Proposta għal regolament

Premessa 44

Test propost mill-Kummissjoni

Emenda

(44) Fuq il-bażi tal-linji gwida speċifiċi għal kull settur stabbiliti f’Regolamenti separati, tfasslet lista ta’ oqsma ta' prijorità li għalihom għandu japplika dan ir-Regolament u din għandha tkun inkluża fl-Anness. Sabiex jittieħed kont ta' xi bidliet li jista' jkun hemm fil-prijoritajiet politiki u l-kapaċitajiet teknoloġiċi, kif ukoll il-flussi tat-traffiku, għandha tiġi ddelegata lill-Kummissjoni s-setgħa li taddotta atti skont l-Artikolu 290 tat-Trattat dwar il-Funzjonament tal-Unjoni Ewropea sabiex jiġu addottati emendi fl-Anness. Huwa ta' importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell ta' esperti. Il-Kummissjoni, hija u tipprepara u tfassal atti ddelegati, għandha tiżgura illi d-dokumenti rilevanti jintbagħtu simultanjament, fil-ħin u kif suppost lill-Parlament Ewropew u lill-Kunsill.

(44) Fuq il-bażi tal-linji gwida speċifiċi għal kull settur stabbiliti f’Regolamenti separati, tfasslet lista ta’ oqsma ta' prijorità li għalihom għandu japplika dan ir-Regolament u din għandha tkun inkluża fl-Anness. Sabiex jittieħed kont ta' xi bidliet li jista' jkun hemm fil-prijoritajiet politiki u l-kapaċitajiet teknoloġiċi, kif ukoll il-flussi tat-traffiku, għandha tiġi ddelegata lill-Kummissjoni s-setgħa li taddotta atti skont l-Artikolu 290 tat-Trattat dwar il-Funzjonament tal-Unjoni Ewropea sabiex jiġu addottati emendi fl-Anness. Il-Kummissjoni għandha twettaq konsultazzjonijiet xierqa matul il-ħidma preparatorja tagħha, inkluż fil-livell ta' esperti. Il-Kummissjoni, hija u tipprepara u tfassal atti ddelegati, għandha tiżgura illi d-dokumenti rilevanti jintbagħtu simultanjament, fil-ħin u kif suppost lill-Parlament Ewropew u lill-Kunsill.

Emenda 33

Proposta għal regolament

Premessa 47

Test propost mill-Kummissjoni

Emenda

(47) L-interessi finanzjarji tal-Unjoni Ewropea għandhom jiġu mħarsa permezz ta’ miżuri proporzjonati matul iċ-ċiklu tan-nefqa, inklużi l-prevenzjoni, l-iskoperta u l-investigazzjoni ta’ irregolaritajiet, l-irkupru ta’ fondi li jkunu ntilfu, imħallsa bi żball jew użati b’mod mhux korrett u, fejn xieraq, sanzjonijiet.

(47) L-interessi finanzjarji tal-Unjoni għandhom jiġu mħarsa permezz ta’ miżuri proporzjonati matul iċ-ċiklu tan-nefqa, inklużi l-prevenzjoni, l-iskoperta u l-investigazzjoni ta’ irregolaritajiet, l-irkupru ta’ fondi li jkunu ntilfu, imħallsa bi żball jew użati b’mod mhux korrett u, fejn xieraq, bl-impożizzjoni ta’ sanzjonijiet. Dawn il-miżuri kollha, fil-fażijiet kollha tagħhom, għandhom jiġu mgħoddija lill-Parlament bi transparenza sħiħa

Emenda 34

Proposta għal regolament

Premessa 47a (ġdida)

Test propost mill-Kummissjoni

Emenda

(47a) Il-forma tal-kuntratt li jiġi konkluż bejn il-partijiet għandha tikkorrispondi mal-prinċipji u ċ-ċirkostanzi tal-proġett u għandha tiggarantixxi kompetizzjoni ġusta u wiesgħa għal proġetti li huma kofinanzjati mis-CEF u suġġetti għal proċeduri ta' sejħiet pubbliċi għall-offerti.

Sabiex jinkiseb l-aktar prezz ekonomiku u vantaġġuż u jkun żgurat li l-proġett jiġi implimentat bl-aktar mod effiċjenti possibbli, il-prinċipji tal-kuntratt għandhom ikunu ġusti u jirriflettu kif xieraq ir-riskji marbuta mal-proġett, irrispettivament mill-istandards nazzjonali jew internazzjonali.

Emenda 35

Proposta għal regolament

Premessa 47b (ġdida)

Test propost mill-Kummissjoni

Emenda

(47b) Sabiex tiġi żgurata kompetizzjoni ġusta u wiesgħa għall-proġetti li jiġu ffinanzjati mill-fondi tas-CEF, il-forma tal-kuntratt għandha tkun tikkorrispondi mal-għanijiet u ċ-ċirkostanzi tal-proġett. Il-kundizzjonijiet tal-kuntratt għandhom jitfasslu b’tali mod li jassiguraw firxa ġusta tar-riskji assoċjati mal-ħidma li trid titwettaq, sabiex jinkiseb l-iktar prezz ekonomiku u jiżgura li x-xogħol isir bl-aktar mod effiċjenti possibbli. Dan il-prinċipju għandu japplika irrispettivament minn jekk jintużax mudell tal-kuntratt nazzjonali jew internazzjonali.

Ġustifikazzjoni

F’xi Stati Membri tal-UE hemm it-tendenza li dejjem tikber tal-awtoritajiet kontraenti, li jimmodifikaw il-kundizzjonijiet ġenerali b’kundizzjonijiet speċjali tal-kuntratt u b’hekk, tinbidel id-distribuzzjoni tar-riskji fil-qasam tal-proġetti pubbliċi. Dawn il-bidliet fid-distribuzzjoni tar-riskji mhux biss għandhom impatti negattivi fuq is-sitwazzjoni kuntrattwali tal-kuntrattur rilevanti, iżda wkoll fuq l-ambjent ġenerali kompetittiv fil-pajjiżi rilevanti, kif ukoll fuq il-proġett innifsu.

Emenda 36

Proposta għal regolament

Premessa 47c (ġdida)

Test propost mill-Kummissjoni

Emenda

(47c) Sabiex tiġi żgurata kompetizzjoni wiesgħa u ġusta għall-proġetti li jibbenefikaw minn fondi tas-CEF, l-offerti għandhom ikunu bbażati fuq kundizzjonijiet kuntrattwali ġusti u trasparenti u l-forma ta’ kuntratt użat għandha tkun xierqa għall-għanijiet u ċ-ċirkostanzi tal-proġett.

Emenda 37

Proposta għal regolament

Premessa 48

Test propost mill-Kummissjoni

Emenda

(48) Uħud mill-proġetti ta’ infrastruttura ta’ interess għall-Unjoni jistgħu jeħtieġu kollegament ma’ u jgħaddu minn pajjiżi terzi ġirien, pajjiżi ta’ qabel l-adeżjoni jew oħrajn. Il-Faċilità Nikkollegaw l-Ewropa għandha toffri mezzi ssimplifikati ta’ kif dawn l-infrastrutturi għandhom jiġu kkollegati u ffinanzjati, sabiex tiġi żgurata l-koerenza bejn strumenti interni u esterni tal-baġit tal-Unjoni.

(48) Uħud mill-proġetti ta’ infrastruttura ta’ interess għall-Unjoni jistgħu jeħtieġu kollegament ma’ u jgħaddu minn pajjiżi terzi ġirien, pajjiżi ta’ qabel l-adeżjoni jew oħrajn bħal fin-Nofsinhar u l-Lvant tal-Mediterran, li għandhom enerġija sostanzjali mix-xemx li tista’ tiġi impurtata fl-UE permezz ta’ kollegamenti tal-elettriku fuq distanzi twal. Is-CEF teħtieġ toffri mezzi ssimplifikati ta’ kif dawn l-infrastrutturi għandhom jiġu kkollegati u ffinanzjati, sabiex tiġi żgurata l-koerenza bejn strumenti interni u esterni tal-baġit tal-Unjoni. Għalhekk, huwa meħtieġ li jkun hemm koordinazzjoni bejn id-Direttorati Ġenerali involuti tal-Kummissjoni sabiex ma jinħolqux ostakli għat-twettiq ta’ dawn il-proġetti, b’mod partikolari fir-rigward tal-Awtostradi tal-Baħar.

Emenda 38

Proposta għal regolament

Premessa 48a (ġdida)

Test propost mill-Kummissjoni

Emenda

(48a) Il-parteċipazzjoni ta’ impriżi stabbiliti f’pajjiżi terzi hija kundizzjoni essenzjali sabiex jintlaħqu l-għanijiet tas-CEF permezz tal-esperjenza u n-natura teknika li jistgħu jġibu għall-proġetti. Jeħtieġ tingħata attenzjoni partikolari għar-rispett lejn id-drittijiet tax-xogħol, soċjali u ambjentali, min-naħa tal-istess impriżi. Din hija esiġenza li dejjem qed tikber għas-soċjetà Ewropea. Huwa għalhekk meħtieġ li l-Kummissjoni tingħata l-mezzi biex twettaq il-missjoni tagħha li tippromwovi l-kompetizzjoni ġusta bejn impriżi tal-Unjoni u pajjiżi terzi.

Emenda 39

Proposta għal regolament

Premessa 48b (ġdida)

Test propost mill-Kummissjoni

Emenda

(48b) Il-parteċipazzjoni fi proġetti ffinanzjati mill-impriżi tal-Unjoni stabbiliti f’pajjiżi terzi għandhom ikunu akkumpanjati mir-rekwiżit tar-reċiproċità fir-relazzjonijiet kummerċjali. Meta jagħmlu dan, l-impriżi tal-Unjoni jeħtieġ li jkollhom aċċess għal opportunitajiet simili fil-pajjiżi terzi kkonċernati.

Emenda 40

Proposta għal regolament

Artikolu 1

Test propost mill-Kummissjoni

Emenda

Is-Suġġett

Suġġett u kamp ta' applikazzjoni

Dan ir-Regolament joħloq il-Faċilità Nikkollegaw l-Ewropa u jiddetermina l-kundizzjonijiet, il-metodi u l-proċeduri għall-għoti ta’ għajnuna finanzjarja mill-Unjoni lin-netwerks trans-Ewropej sabiex tagħti appoġġ lil proġetti fil-qasam tal-infrastrutturi tat-trasport, l-enerġija u t-telekomunikazzjoni.

Dan ir-Regolament joħloq il-Faċilità Nikkollegaw l-Ewropa u jiddetermina l-kundizzjonijiet, il-metodi u l-proċeduri għall-għoti ta’ għajnuna finanzjarja mill-Unjoni lin-netwerks trans-Ewropej, kif ukoll ir-riżorsi li jridu jkunu disponibbli fil-Qafas Finanzjarju Pluriennali 2014-2020 u l-istrumenti tal-governanza tagħhom, sabiex jingħata appoġġ lil proġetti ta’ interess komuni fil-qasam tal-infrastrutturi tat-trasport, l-enerġija u t-telekomunikazzjoni u jsir l-akbar użu mis-sinerġiji bejn dawk is-setturi.

Emenda 41

Proposta għal regolament

Artikolu 2 – punt 2

Test propost mill-Kummissjoni

Emenda

(2) "sezzjoni transkonfinali” tfisser is-sezzjoni, li tiżgura il-kontinwità ta’ proġett ta’ interess komuni bejn tal-anqas żewġ Stati Membri jew bejn Stat Membru u pajjiż ġar;

(2) "sezzjoni transkonfinali” tfisser is-sezzjoni, li tiżgura il-kontinwità ta’ proġett ta’ interess komuni bejn l-eqreb nodi urbani, kif definit fil-punt (o) tal-Artikolu 3 tar-Regolament (UE) Nru XXXX/2012 [Linji Gwida TEN-T], fuq iż-żewġ naħat tal-fruntieri ta' żewġ Stati Membri jew bejn Stat Membru u pajjiż ġar;

Emenda 42

Proposta għal regolament

Artikolu 2 – punt 2a (ġdid)

Test propost mill-Kummissjoni

Emenda

(2a) "pajjiż ġar" tfisser il-pajjiż li jaqa’ taħt il-Politika Ewropea tal-Viċinat, inkluża s-Sħubija Strateġika, il-Politika tat-Tkabbir, iż-Żona Ekonomika Ewropea u l-Assoċjazzjoni Ewropea tal-Kummerċ Ħieles;

Emenda 43

Proposta għal regolament

Artikolu 2 – punt 2b (ġdid)

Test propost mill-Kummissjoni

Emenda

(2b) "pajjiż terz" tfisser kwalunkwe pajjiż ġar u l-pajjiżi l-oħra kollha li magħhom l-Unjoni tista’ tikkollabora sabiex jintlaħqu l-objettivi fil-mira ta’ dan ir-Regolament;

Emenda 44

Proposta għal regolament

Artikolu 2 – punt 4

Test propost mill-Kummissjoni

Emenda

(4) "studji” tfisser attivitajiet meħtieġa għat-tħejjija ta’ implimentazzjoni tal-proġett, bħal studji preparatorji, tal-fattibilità, ta’ evalwazzjoni, ta’ ttestjar u ta’ validazzjoni, anki fil-forma ta’ softwer, u kwalunkwe miżura oħra ta’ appoġġ tekniku, li tinkludi azzjoni bil-quddiem sabiex jiġi definit u żviluppat proġett u sabiex tittieħed deċiżjoni dwar il-finanzjament tiegħu, bħal stħarriġ dwar is-siti kkonċernati u l-preparazzjoni tal-pakkett finanzjarju;

(4) "studji” tfisser attivitajiet meħtieġa għat-tħejjija ta’ implimentazzjoni tal-proġett, bħal studji preparatorji, il-kartografija, tal-fattibilità, ta’ evalwazzjoni, ta’ ttestjar u ta’ validazzjoni, anki fil-forma ta’ softwer, u kwalunkwe miżura oħra ta’ appoġġ tekniku, li tinkludi azzjoni bil-quddiem sabiex jiġi definit u żviluppat proġett u sabiex tittieħed deċiżjoni dwar il-finanzjament tiegħu, bħal stħarriġ dwar is-siti kkonċernati u l-preparazzjoni tal-pakkett finanzjarju;

Ġustifikazzjoni

Il-kartografija, u b’mod partikolari l-kartografija tal-broadband jeħtieġ li tiġi inkluża f’din id-definizzjoni ta’ “studji”, li huma ffinanzjati permezz ta’ għotjiet.

Emenda 45

Proposta għal regolament

Artikolu 2 – punt 5

Test propost mill-Kummissjoni

Emenda

(5) "azzjonijiet ta’ appoġġ għall-programm” tfisser miżuri ta’ akkumpanjament, neċessarji għall-implimentazzjoni tal-Faċilità Nikkollegaw l-Ewropa u l-linji gwida individwali speċifiċi għas-settur, bħal servizzi (speċjalment ta’ assistenza teknika), u kif ukoll attivitajiet preparatorji, ta’ fattibbiltà, ta’ koordinazzjoni, ta’ monitoraġġ, ta’ kontroll, ta’ awditjar u ta’ evalwazzjoni li huma direttament meħtieġa għall-ġestjoni ta' din il-Faċilità u s-seħħ tal-objettivi tagħha, u b’mod partikolari l-istudji, il-laqgħat, l-informazzjoni, il-kartografija infrastrutturali, il-ġemellaġġi, it-tqassim ta' informazzjoni, l-azzjonijiet ta’ sensibilizzazzjoni u ta’ komunikazzjoni, l-ispejjeż marbutin man-netwerks tal-IT li jiffukaw fuq l-iskambju ta’ informazzjoni, flimkien ma’ kull spiża teknika u ta’ assistenza amministrattiva oħra li tista’ tkun meħtieġa għall-ġestjoni ta' din il-Faċilità jew l-implimentazzjoni tal-linji gwida individwali speċifiċi għas-settur;

(5) "azzjonijiet ta’ appoġġ għall-programm” tfisser il-miżuri kollha ta’ akkumpanjament, neċessarji għall-implimentazzjoni tal-Faċilità Nikkollegaw l-Ewropa u l-linji gwida individwali speċifiċi għas-settur, bħal servizzi (speċjalment ta’ assistenza teknika u inġinerija finanzjarja), u kif ukoll attivitajiet preparatorji, ta’ fattibbiltà, ta’ koordinazzjoni, ta’ monitoraġġ, ta' konsultazzjoni ta' partijiet interessati, ta’ kontroll, ta’ awditjar u ta’ evalwazzjoni li huma direttament meħtieġa sabiex tiġi ffaċilitata t-tħejjija ta’ proġetti ta' interess komuni partikolarment fil-Pajjiżi ta’ Koeżjoni fid-dawl tal-kisba ta’ finanzjament skont dan ir-Regolament jew fis-suq finanzjarju, jew għall-ġestjoni tal-Faċilità li qed tiġi hawn stabbilita u l-kisba tal-objettivi tagħha. Dan għandu jinkludi b’mod partikolari l-istudji, il-laqgħat, l-informazzjoni, il-kartografija infrastrutturali, it-tqassim ta' informazzjoni, l-azzjonijiet ta’ sensibilizzazzjoni, azzjonijiet ta’ komunikazzjoni u dawk ikkonċertati, l-ispejjeż marbutin man-netwerks tal-IT li jiffukaw fuq l-iskambju ta’ informazzjoni dwar il-faċilità, flimkien ma’ kull spiża teknika u ta’ assistenza amministrattiva oħra li tkun għamlet il-Kummissjoni li tista’ tkun meħtieġa għall-ġestjoni tal-Faċilità jew l-implimentazzjoni tal-linji gwida individwali speċifiċi għas-settur;

Emenda 46

Proposta għal regolament

Artikolu 2 – punt 6

Test propost mill-Kummissjoni

Emenda

(6) "azzjoni" tfisser kwalunkwe attività li hija neċessarja sabiex jiġi implimentat proġett ta’ interess komuni u li tkun indipendenti mil-lat finanzjarju, tekniku jew tul iż-żmien;

(6) "azzjoni": "azzjoni” tfisser kwalunkwe attività li hija neċessarja sabiex jiġi implimentat proġett ta’ interess komuni, identifikabbli finanzjarjament u teknikament u delimitat fiż-żmien;

Emenda 47

Proposta għal regolament

Artikolu 2 – punt 9

Test propost mill-Kummissjoni

Emenda

(9) "korp ta’ implimentazzjoni” tfisser korp jew impriża pubblika jew privata maħtura minn benefiċjarju, liema benefiċjarju huwa xi Stat Membru jew xi organizzazzjoni internazzjonali, sabiex tiġi implimentata l-azzjoni. Din il-ħatra għandha tiġi deċiża mill-benefiċjarju taħt ir-responsabbilità tiegħu propja u, jekk ikun meħtieġ l-għoti ta' kuntratt ta' akkwist, dan isir b’rispett għar-regoli applikabbli dwar l-akkwisti pubbliċi;

(9) "korp ta’ implimentazzjoni”: tfisser korp jew impriża pubblika jew privata maħtura minn benefiċjarju, liema benefiċjarju huwa xi Stat Membru jew xi organizzazzjoni internazzjonali, sabiex tiġi implimentata l-azzjoni. Din il-ħatra għandha tiġi deċiża mill-benefiċjarju taħt ir-responsabbilità tiegħu propja u, jekk ikun meħtieġ l-għoti ta' kuntratt ta' akkwist, dan isir b’rispett għar-regoli applikabbli dwar l-akkwisti pubbliċi tal-Unjoni;

Emenda 48

Proposta għal regolament

Artikolu 2 – punt 9a (ġdid)

Test propost mill-Kummissjoni

Emenda

(9a) "netwerk komprensiv " tfisser l-infrastruttura tat-trasport identifikata bi qbil mal-Kapitolu II tar-Regolament (UE) Nru XXXX/2012 (Linji Gwida tat-TEN-T);

Emenda 49

Proposta għal regolament

Artikolu 2 – punt 12

Test propost mill-Kummissjoni

Emenda

(12) "konġestjoni” tfisser ostaklu fiżiku li jwassal għal twaħħil fis-sistema li jaffetwa l-kontinwità ta’ flussi għal distanzi twal. Ostakolu bħal dan jista’ jiġi assorbit permezz ta’ infrastruttura ġdida bħal pontijiet jew mini li jindirizzaw il-problemi bħal pereżempju inklinazzjonijiet, radji tal-liwjiet, qisien. Il-ħtieġa li tiġi mtejba l-infrastruttura eżistenti ma għandhiex titqies bħala konġestjoni;

(12) "konġestjoni” tfisser ostaklu fiżiku u jew funzjonali fil-qasam tat-trasport li jwassal għal twaħħil fis-sistema li jaffetwa l-kontinwità ta’ flussi għal distanzi twal u li jista' jingħeleb bil-ħolqien ta' infrastruttura ġdida, jew permezz ta’ titjib sostanzjali fl-infrastruttura, li tista’ ġġib titjib sinifikanti li jsolvi t-tfixkil tal-konġestjoni;

Emenda 50

Proposta għal regolament

Artikolu 2 – punt 20 a (ġdid)

Test propost mill-Kummissjoni

Emenda

(20a) “sinerġiji bejn is-setturi” tfisser l-eżistenza ta’ azzjonijiet simili jew kumplimentari mwettqa f’mill-inqas tnejn mit-tliet setturi koperti minn dan ir-Regolament (trasport, enerġija u telekomunikazzjoni) li jippermettu ottimizzazzjoni tal-kostijiet u/jew tar-riżultati permezz tal-ġbir komuni tar-riżorsi finanzjarji, tekniċi u/jew umani;

Emenda 51

Proposta għal regolament

Artikolu 2 – punt 20b (ġdid)

Test propost mill-Kummissjoni

Emenda

(20b) "netwerk iżolat" tfisser in-netwerk ferrovjarju ta’ Stat Membru, jew parti minnu, kif definit fil-punt (qq) tal-Artikolu 3 tar-Regolament (UE) Nru XXXX/2012 [linji gwida tat-TEN-T].

Emenda 52

Proposta għal regolament

Artikolu 3 – kliem introduttorju

Test propost mill-Kummissjoni

Emenda

Il-Facilità Nikkollegaw l-Ewropa ghandha tippermetti t-tħejjija u l-implimentazzjoni ta’ progetti ta’ interess komuni fi hdan il-qafas tal-politika tan-netwerks trans-Ewropej fis-setturi tal-energija, tat-trasport u tat-telekomunikazzjoni. B’mod partikolari, il-Faċilità Nikkollegaw l-Ewropa għandha tappoġġa l-implimentazzjoni ta’ proġetti mmirati għall-iżvilupp u l-kostruzzjoni ta' infrastruttura ġodda jew għat-titjib ta' dawk eżistenti fil-qasam tat-trasport, l-enerġija u t-telekomunikazzjoni. Għal dan il-għan, il-Faċilità Nikkollegaw l-Ewropa se tfittex li tilħaq dawn l-objettivi li ġejjin:

Il-Facilità Nikkollegaw l-Ewropa ghandha tippermetti t-thejjija u l-implimentazzjoni ta’ progetti ta’ interess komuni fi ħdan il-qafas tal-politika tan-netwerks trans-Ewropej fis-setturi tal-energija, tat-trasport u tat-telekomunikazzjoni. B'mod partikolari, il-Faċilità Nikkollegaw l-Ewropa għandha tappoġġa l-implimentazzjoni ta' proġetti mmirati għall-iżvilupp u l-kostruzzjoni ta' infrastruttura ġdida jew għat-titjib ta' dik eżistenti, fil-qasam tat-trasport, l-enerġija u t-telekomunikazzjoni u li jagħtu prijorità lill-infrastruttura nieqsa. Għal dan il-għan, il-Faċilità Nikkollegaw l-Ewropa se tfittex li tilħaq dawn l-objettivi li ġejjin:

Emenda 53

Proposta għal regolament

Artikolu 3 – punt a

Test propost mill-Kummissjoni

Emenda

(a) li tikkontribwixxi għal tkabbir intelliġenti, sostenibbli u inklużiv billi tiżviluppa netwerks trans-Ewropej moderni u bi prestazzjonijiet tajbin ħafna, u b'hekk toħroġ benefiċċji għall-Unjoni Ewropea kollha kemm hi f’termini ta' kompetittività u koeżjoni ekonomika, soċjali u territorjali fi ħdan is-Suq Uniku u billi toħloq ambjent illi jgħin il-ħolqien ta' investiment privat u pubbliku permezz ta' taħlita ta' strumenti finanzjarji u għajnuna diretta mill-Unjoni u billi jiġu użati bl-aqwa mod s-sinerġiji bejn is-setturi kollha. Il-kisba ta' dan il-għan tiġi mkejla mid-daqs tal-volum ta' investiment pubbliku u privat fi proġetti ta' interess komuni, u b'mod partikolari minn kemm ikun il-volum ta' investimenti pubbliċi u privati fi proġetti ta' interess komuni mwettqa bis-saħħa tal-istrumenti finanzjarji taħt dan ir-Regolament.

(a) li tikkontribwixxi għal tkabbir intelliġenti, sostenibbli u inklużiv, f’konformità mal-istrateġija Ewropa 2020, billi tiżviluppa netwerks trans-Ewropej moderni u bi prestazzjonijiet tajbin ħafna li jikkunsidraw il-flussi futuri tat-traffiku, u b'hekk toħroġ benefiċċji għall-Unjoni kollha kemm hi f’termini ta' titjib tal-kompetittività fis-suq dinji u koeżjoni ekonomika, soċjali u territorjali fi ħdan is-suq uniku u billi toħloq ambjent illi jgħin il-ħolqien ta' investiment privat, pubbliku u pubbliku-privat permezz ta' kombinament ta' strumenti finanzjarji u għajnuna diretta mill-Unjoni fejn il-proġetti jistgħu jibbenefikaw minn taħlita ta' strumenti. Il-kisba ta' dan il-għan tiġi mkejla mid-daqs tal-volum ta' investiment privat, pubbliku jew pubbliku-privat fi proġetti ta' interess komuni u, fost l-oħrajn dawk imwettqa bis-saħħa tal-istrumenti finanzjarji taħt dan ir-Regolament.

Emenda 54

Proposta għal regolament

Artikolu 3 – punt b

Test propost mill-Kummissjoni

Emenda

(b) li tippermetti lill-Unjoni tilħaq il-miri li għandha li tnaqqas b'20 % l-emissjonijiet ta' gassijiet b'effett ta' serra, li żżid b'20 % l-effiċjenza fl-użu tal-enerġija u li tgħolli s-sehem tal-enerġija rinnovabbli għal 20 % sal-2020, filwaqt li tiżgura aktar solidarjetà bejn l-Istati Membri.

(b) li tippermetti lill-Unjoni tilħaq il-miri li għandha tal-iżvilupp sostenibbli, inkluż tnaqqis ta' mill-inqas 20 % tal-emissjonijiet ta’ gassijiet b’effett ta’ serra b'paragun mal-livelli tal-1990 u li żżid b’20 % l-effiċjenza fl-użu tal-enerġija u li tgħolli s-sehem tal-enerġija rinnovabbli għal 20 % sal-2020, biex b'hekk tikkontribwixxi għall-objettivi fi żmien medju u fit-tul tal-Unjoni rigward id-dekarbonizzazzjoni filwaqt li tiżgura aktar solidarjetà bejn l-Istati Membri.

Emenda 55

Proposta għal regolament

Artikolu 3 – punt ba (ġdid)

Test propost mill-Kummissjoni

Emenda

(ba) li żżid l-effikaċja tar-riżorsi użati skont dan ir-Regolament. Il-kisba ta’ dan l-objettiv se tkun ivvalutata f'termini tal-ekonomiji tal-iskala magħmula mill-Kummissjoni fil-livell finanzjarju, tekniku u uman fil-ġestjoni tal-mekkaniżmu u, jekk ikun il-każ, min-numru totali tal-proġetti mwettqa permezz tal-isfruttament tas-sinerġiji bejn is-setturi.

Emenda 56

Proposta għal regolament

Artikolu 3 – punt b a (ġdid)

Test propost mill-Kummissjoni

Emenda

(bb) li tikkontribwixxi għall-appoġġ ta' proġetti b'valur miżjud Ewropew u benefiċċji sinifikanti għas-soċjetà u li ma jirċevux finanzjament adegwat mis-suq.

Emenda 57

Proposta għal regolament

Artikolu 4 – paragrafu 1 – kliem introduttorju

Test propost mill-Kummissjoni

Emenda

1. Barra l-objettivi ġenerali stabbiliti taħt l-Artikolu 3, il-Faċilità Nikkollegaw l-Ewropa għandha tgħin sabiex jintlaħqu l-objettivi speċifiċi settorjali li ġejjin::

1. Mingħajr preġudizzju għall-objettivi ġenerali stabbiliti taħt l-Artikolu 3, il-Faċilità Nikkollegaw l-Ewropa għandha tgħin sabiex jintlaħqu l-objettivi speċifiċi settorjali li ġejjin:

Emenda 58

Proposta għal regolament

Artikolu 4 – paragrafu 1 – punt a – punt i

Test propost mill-Kummissjoni

Emenda

(i) li tneħħi il-konġestjonijiet u tibni l-kollegamenti neqsin, li jitkejlu mill-għadd ta' kollegamenti transkonfinali ġodda jew imtejba u konġestjonijiet imneħħija minn fuq rotot tat-trasport li jkunu bbenefikaw mis-CEF;

(i) li tneħħi l-konġestjonijiet u tibni l-kollegamenti neqsin, b'mod partikolari dwar taqsimiet transkonfinali, u tgħaqqad is-segmenti transkonfinali, li jitkejlu mill-għadd ta' kollegamenti transkonfinali ġodda jew imtejba u konġestjonijiet imneħħija għall-mezzi kollha fuq rotot tat-trasport li jkunu bbenefikaw mill-Faċilità Nikkollegaw l-Ewropa.

Emenda 59

Proposta għal regolament

Artikolu 4 – paragrafu 1 – punt a – punt ii

Test propost mill-Kummissjoni

Emenda

(ii) li tiżgura trasport sostenibbli u effiċjenti fit-tul ta’ żmien, li għandu jiġi mkejjel mit-tul tan-netwerk tal-ferroviji konvenzjonali fl-UE-27 u mit-tul tan-netwerk tal-ferroviji li għandhom veloċità għolja fl-UE-27;

(ii) li tiżgura trasport sostenibbli u effiċjenti fit-tul, li għandu jiġi mkejjel mit-tul tan-netwerk tal-ferroviji u n-netwerk tal-passaġġi tal-ilma interni maħluq jew imtejjeb skont ir-rekwiżiti ewlenin tan-netwerk stabbiliti fl-Artikolu 45(2) tar-Regolament (UE) Nru XXXX/2012 [linji gwida tat-TEN-T] u min-numru ta' punti ta' provvista ta' sorsi alternattivi tal-enerġija għall-vetturi li jużaw in-netwerk ewlieni tat-toroq fl-UE-27;

Emenda 60

Proposta għal regolament

Artikolu 4 – paragrafu 1 – punt a – punt iii

Test propost mill-Kummissjoni

Emenda

li ttejjeb kemm jista' jkun l-integrazzjoni u l-interkollegament bejn il-mezzi ta' trasport u ttejjeb l-interoperabbiltà bejn is-servizzi tat-trasport. Il-kisba ta' dan l-objettiv ser jiġi mkejjel minn kemm ikun hemm portijiet u ajruportijiet kollegati man-netwerk tal-ferrovija.

(iii) li ttejjeb kemm jista' jkun l-integrazzjoni u l-interkollegament bejn il-mezzi ta' trasport u ssaħħaħ il-multimodalità u l-aċċessibbiltà tas-servizzi tat-trasport. Il-kisba ta' dan l-objettiv se tiġi mkejla minn kemm ikun hemm portijiet interni u marittimi u ajruportijiet kollegati man-netwerk tal-ferrovija, kif ukoll min-numru ta’ pjattaformi loġistiċi multimodali u ta’ "Awtostradi tal-Baħar" maħluqa.

Emenda 61

Proposta għal regolament

Artikolu 4 – paragrafu 1 – punt a – punt iiia (ġdid)

Test propost mill-Kummissjoni

Emenda

(iiia) li ttejjeb l-interoperabilità u s-sikurezza tal-mezzi ta' trasport. Il-kisba ta’ dan l-objettiv se tiġi vvalutata skont in-numru ta’ kilometri mgħammra b’sistemi ta’ trasport intelliġenti (ERTMS, u RIS), in-numru ta’ kilometri ta’ linji adattati għall-istandard Ewropew tad-daqs nominali u l-livell ta’ tħaddim ta’ ITS fis-settur tat-toroq SESAR u VTMIS.

Emenda 62

Proposta għal regolament

Artikolu 4 – paragrafu 1 – punt a – punt iiib (ġdid)

Test propost mill-Kummissjoni

Emenda

(iiib) li tħejji għal flussi futuri tat-trasport;

Emenda 63

Proposta għal regolament

Artikolu 4 – paragrafu 1 – punt a – punt iii c (ġdid)

Test propost mill-Kummissjoni

Emenda

(iiic) li tippermetti d-dekarbonizzazzjoni tal-mezzi kollha tat-trasport permezz tat-tranżizzjoni lejn teknoloġiji tat-trasport innovattivi b’livell baxx ta’ emissjonijiet tal-karbonju u li huma effiċjenti fil-konsum tal-enerġija kif ukoll l-introduzzjoni ta’ sistemi alternattivi ta’ propulsjoni u l-provvista tal-infrastruttura adegwata meħtieġa għall-appoġġ tat-tranżizzjoni għal ekonomija u sistema tat-trasport b’livell baxx ta’ emissjonijiet tal-karbonju.

Emenda 64

Proposta għal regolament

Artikolu 4 – paragrafu 1 – punt b – sottopunt i

Test propost mill-Kummissjoni

Emenda

(i) li tgħin sabiex ikun hemm aktar integrazzjoni tas-suq intern tal-enerġija u interoperabbiltà bejn netwerks tal-elettriku u tal-gass irrispettivament mill-fruntieri, fosthom billi tiżgura li ebda Stat Membru ma jkun iżolat min-netwerk Ewropew, li għandu jiġi mkejjel mill-għadd ta' proġetti li jwasslu għal interkollegament effettiv bejn in-netwerks tal-Istati Membri u li jneħħu l-konġestjonijiet interni;

(i) iżżid il-kompetittività billi tippromwovi aktar integrazzjoni tas-suq intern tal-enerġija u interoperabbiltà bejn netwerks tal-elettriku u tal-gass irrispettivament mill-fruntieri, fosthom billi tiżgura li ebda Stat Membru ma jkun iżolat min-netwerk Ewropew jew dipendenti fuq sors uniku, li għandu jiġi mkejjel mill-għadd ta' proġetti li jikkontribwixxu b'mod effikaċi għall-kompetizzjoni bejn is-sorsi u l-konverġenza tal-prezzijiet fis-suq tal-gass billi jwasslu għal interkollegament bejn in-netwerks tal-Istati Membri u jneħħu l-konġestjonijiet interni;

Emenda 65

Proposta għal regolament

Artikolu 4 – paragrafu 1 – punt b – sottopunt ii

Test propost mill-Kummissjoni

Emenda

(ii) li ttejjeb is-sigurtà fil-provvista tal-Unjoni, li għandu jiġi mkejjel minn kemm ikun hemm evoluzzjoni fir-reżiljenza tas-sistema u s-sigurtà fl-operat tas-sistema, u kif ukoll mill-għadd ta' proġetti li jippermettu diversifikazzjoni tas-sorsi ta' provvista, tal-fornituri u tar-rotot;

(ii) li ttejjeb is-sigurtà fil-provvista tal-Unjoni kemm fis-settur tal-elettriku kif ukoll fis-settur tal-gass, li għandu jiġi mkejjel minn kemm ikun hemm evoluzzjoni fir-reżiljenza tas-sistema, l-effiċjenza u s-sigurtà fl-operat tas-sistema, u mill-użu ta' grids intelliġenti, l-użu ottimali tal-assi tal-infrastruttura tal-enerġija u l-integrazzjoni ta' sorsi tal-enerġija rinovabbli, u kif ukoll mill-għadd ta' proġetti li jippermettu diversifikazzjoni tas-sorsi ta' provvista, tal-fornituri u tar-rotot;

Emenda 66

Proposta għal regolament

Artikolu 4 – paragrafu 1 – punt b – sottopunt iii

Test propost mill-Kummissjoni

Emenda

(iii) li tikkontribwixxi lejn l-iżvilupp sostenibbli u l-ħarsien tal-ambjent, b'mod partikolari billi tiffavorixxi l-integrazzjoni ta' enerġija minn sorsi rinnovabbli man-netwerk ta' distribuzzjoni tal-enerġija u tiżviluppa netwerks tad-dijossidu tal-karbonju, li għandu jiġi mkejjel mit-twassil tal-enerġija rinnovabbli miċ-ċentri fejn tiġi ġġenerata lejn dawk ta' konsum u siti ta’ ħżin, u mill-ammont ta' emissjonijiet ta' CO2 li ma jkunux ġew iġġenerati bis-saħħa ta' proġetti li nbnew li jkunu bbenefikaw mis-CEF.

(iii) li tikkontribwixxi lejn l-iżvilupp sostenibbli u l-ħarsien tal-ambjent, b'mod partikolari billi tiffavorixxi l-integrazzjoni ta' enerġija minn sorsi rinnovabbli man-netwerk ta' trażmissjoni u distribuzzjoni tal-enerġija, ittejjeb l-effiċjenza tal-enerġija u tiżviluppa netwerks tal-enerġija intelliġenti u netwerks tad-dijossidu tal-karbonju, li għandu jiġi mkejjel mit-twassil tal-enerġija rinnovabbli miċ-ċentri fejn tiġi ġġenerata lejn dawk ta' konsum u siti ta’ ħżin, il-proporzjon tar-rispons għad-domanda permessa, in-numru ta' grids tal-elettriku intelliġenti, u mill-ammont ta' emissjonijiet ta' CO2 li ma jkunux ġew iġġenerati bis-saħħa ta' proġetti li nbnew li jkunu bbenefikaw mis-CEF, kif ukoll l-output totali mis-sorsi ta' enerġija rinovabbli integrati fis-Sistema Ewropea tal-Enerġija.

Emenda 67

Proposta għal regolament

Artikolu 4 – paragrafu 1 – punt c – sottopunt i

Test propost mill-Kummissjoni

Emenda

(-i) li tiġi stimulata u ġġenerata d-domanda għal servizzi broadband permezz tal-promozzjoni tal-interkonnessjoni u l-interoperabilità tas-servizzi pubbliċi nazzjonali onlajn kif ukoll l-aċċess għal netwerks bħal dawn, li għandhom jitkejlu mill-perċentwal taċ-ċittadini u tan-negozji li jużaw is-servizzi pubbliċi onlajn u d-disponibbiltà ta’ servizzi bħal dawn minn pajjiż għal ieħor;

(i) li jitħaffef il-pass ta' tħaddim ta' netwerks bi broadband veloċi u ultraveloċi u l-użu li jsir minnhom, inkluż mill-intrapriżi żgħar u ta' daqs medju (SMEs), li għandu jiġi mkejjel mil-livell ta' kopertura tal-broadband u tal-broadband ultraveloċi u mill-għadd ta' djar li jkollhom abbonament għal kollegamenti bil-broadband li jaqbżu il-100 Mbps;

(i) li jitħaffef il-pass ta' tħaddim ta' netwerks bi broadband veloċi u ultraveloċi u l-użu li jsir minnhom, sabiex tintlaħaq id-domanda eżistenti u li qiegħda tiżdied, titneħħa d-diviżjoni diġitali u jiġu promossi l-kompetittività, l-impjiegi u t-tkabbir inkluż billi jiġu konnessi l-intrapriżi żgħar u ta' daqs medju (SMEs), li għandu jiġi mkejjel mil-livell ta' kopertura tal-broadband u mill-għadd ta' djar li jkollhom abbonament għal kollegamenti bil-broadband b'veloċità ta' 100 Mbps, 1 Gbps u aktar minn hekk;

Emenda 68

Proposta għal regolament

Artikolu 5 – paragrafu 1

Test propost mill-Kummissjoni

Emenda

1. Il-pakkett finanzjarju għall-implimentazzjoni tal-Faċilità Nikkollegaw l-Ewropa għall-perjodu mill-2014 sal-2020 għandu jkun ta’ EUR 50 000 000 000¹. Dan l-ammont għandu jitqassam bejn is-setturi msemmija fl-Artikolu 3 kif ġej:

1. Il-ħtiġijiet tal-investiment huma stmati għal EUR 970 000 000 000 għall-perjodu sal-2020 għan-netwerks trans-Ewropej fis-setturi tat-trasport, tal-enerġija u tat-telekomunikazzjoni. Il-pakkett finanzjarju għall-implimentazzjoni tal-Faċilità Nikkollegaw l-Ewropa għall-perjodu mill-2014 sal-2020 għandu jkun ta’ [EUR 50 000 000 000¹]. Dan l-ammont ghandu jitqassam bejn is-setturi msemmija fl-Artikolu 3 kif gej:

(a) trasport: EUR 31 694 000 000, li minnhom EUR 10 000 000 000 għandhom jiġu trasferiti mill-Fond ta’ Koezjoni sabiex jintefqu b’konformità ma’ dan ir-Regolament fl-Istati Membri eliġibbli għall-finanzjament mill-Fond ta’ Koeżjoni;

(a) trasport: [EUR 31 694 000 000], li minnhom [EUR 10 000 000 000] għandhom jiġu trasferiti mill-Fond ta’ Koeżjoni sabiex jintefqu b’konformità ma’ dan ir-Regolament esklussivament fl-Istati Membri eliġibbli għall-finanzjament mill-Fond ta’ Koeżjoni;

(b) enerġija: EUR 9 121 000 000;

(b) enerġija: [EUR 9 121 000 000];

__________________

¹ Iċ-ċifri kollha qegħdin fi prezzijiet kostanti tal-2011. L-ammonti korrispondenti, imniżżla fi prezzijiet attwali, jistgħu jinstabu fl-Istqarrija Finanzjarja Legiżlattiva.

¹ Sakemm jintlaħaq ftehim dwar il-Qafas Finanzjarju Pluriennali għall-perjodu 2014-2020.

Emenda 69

Proposta għal regolament

Artikolu 5 – paragrafu 2

Test propost mill-Kummissjoni

Emenda

2. Il-pakkett finanzjarju tal-Faċilità Nikkollegaw l-Ewropa jista' jkopri spejjeż li għandhom x’jaqsmu ma' attivitajiet ta' preparazzjoni, monitoraġġ, kontroll, awditjar u evalwazzjoni li huma meħtieġa għall-ġestjoni tal-Programm u l-kisba tal-objettivi tiegħu, b’mod partikolari studji, laqgħat ta’ esperti, sakemm huma relatati mal-objettivi ġenerali ta’ dan ir-Regolament, spejjeż marbuta ma’ networks tal-IT li jiffokaw fuq ipproċessar u skambju ta’ informazzjoni, flimkien mal-ispiża ta’ kull assistenza teknika u amministrattiva oħra mġarrba mill-Kummissjoni għall-ġestjoni tal-Programm.

2. Il-pakkett finanzjarju tal-Faċilità Nikkollegaw l-Ewropa għandu jkopri spejjeż li għandhom x’jaqsmu ma':

(a) azzjonijiet maħsuba biex jappoġġjaw il-proġetti ta’ interess komuni kif definiti fl-Artikolu 7;

(b) azzjonijiet ta’ appoġġ tal-programm, kif definiti fl-Artikolu 2(5) sa mhux aktar minn 1.5%;

L-allokazzjoni finanzjarja tista' tkopri wkoll l-ispejjeż għall-assistenza teknika u amministrattiva neċessarja biex tkun żgurata tranżizzjoni bejn il-Programm u l-programmi adottati skont ir-Regolament (KE) Nru 680/2007. Jekk ikun meħtieġ, l-approprjazzjonijiet jistgħu jiddaħħlu fil-baġit wara l-2020 biex ikopru spejjeż simili, sabiex ikun possibbli l-immaniġġjar ta' azzjonijiet li sal-31 ta' Diċembru 2020 ma jkunux kompluti.

(c) l-ispejjeż għall-assistenza teknika u amministrattiva neċessarja biex tkun żgurata t-tranżizzjoni bejn il-Programm u l-programmi adottati skont ir-Regolament (KE) Nru 680/2007.

Emenda 70

Proposta għal regolament

Artikolu 5 – paragrafu 3

Test propost mill-Kummissjoni

Emenda

3. Wara l-evalwazzjoni intermedjarja skont l-Artikolu 26.1, il-Kummissjoni tista’ tittrasferixxi bejn is-setturi l-approprjazzjonijiet tal-allokazzjoni stabbilita fil-paragrafu 1, bl-eċċezzjoni tal-EUR 10 000 000 000 trasferiti mill-Fond ta’ Koeżjoni għall-finanzjament ta' proġetti fis-settur tat-trasport fl-Istati Membri eliġibbli għall-Fond ta’ Koeżjoni.

3. Wara l-evalwazzjoni intermedjarja skont l-Artikolu 26(1), il-Parlament Ewropew u l-Kunsill, fuq proposta tal-Kummissjoni u wara konsultazzjoni mal-kumitati kkonċernati, jistgħu jittrasferixxu bejn is-setturi l-approprjazzjonijiet tal-allokazzjoni stabbilita fil-paragrafu 1, bl-eċċezzjoni tal-[EUR 10 000 000 000]¹ trasferiti mill-Fond ta’ Koeżjoni għall-finanzjament ta' proġetti fis-settur tat-trasport fl-Istati Membri eliġibbli għall-Fond ta’ Koeżjoni.

__________________

1 Sakemm jintlaħaq ftehim dwar il-Qafas Finanzjarju Pluriennali għall-perjodu 2014-2020.

Emenda 71

Proposta għal regolament

Artikolu 5 - paragrafu 3 a (ġdid)

Test propost mill-Kummissjoni

Emenda

3a. L-approprjazzjonijiet annwali għandhom jiġu awtorizzati mill-Parlament Ewropew u mill-Kunsill fil-limiti tal-Qafas Finanzjarju Pluriennali.

Emenda 72

Proposta għal regolament

Artikolu 6 - paragrafu 1 a (ġdid)

Test propost mill-Kummissjoni

Emenda

1a. Il-programmi ta’ ħidma għandhom jistabbilixxu l-forom ta’ għotjiet, akkwisti u strumenti finanzjajri li jistgħu jintużaw għall-iffinanzjar tal-azzjonijiet previsti.

Emenda 73

Proposta għal regolament

Artikolu 6 – paragrafu 2

Test propost mill-Kummissjoni

Emenda

2. Il-Kummissjoni tista’ tafda parti mill-implimentazzjoni tal-Faċilità Nikkollegaw l-Ewropa f’idejn dawk il-korpi stipulati fl-Artikolu 55(1)(c) tar-Regolament (UE) Nru XXXX/2012 [ir-Regolament Finanzjarju l-Ġdid].

2. Il-Kummissjoni tista’, soġġetta għall-valutazzjoni tal-impatt, tafda parti mill-implimentazzjoni tal-Faċilità Nikkollegaw l-Ewropa f’idejn dawk il-korpi msemmija fl-Artikolu 55(1)(a) u l-Artikolu 59 tar-Regolament (UE, Euratom) Nru 966/2012 u b’mod speċjali lill-Aġenzija Eżekuttiva tat-TEN-T filwaqt li tiġi adattata għal ġestjoni ottimali u r-rekwiżiti tal-effiċjenza tal-Faċilità Nikkollegaw l-Ewropa fit-tliet setturi.

Emenda 74

Proposta għal regolament

Artikolu 7 – paragrafu 2

Test propost mill-Kummissjoni

Emenda

Fil-qasam tat-trasport, huma biss azzjonijiet li jikkontribwixxu għall-proġetti ta' interess komuni skont ir-Regolament (UE) Nru XXX/2012 [Linji Gwida tat-TEN-T] u azzjonijiet ta' appoġġ għall-programmi, li huma eliġibbli għal appoġġ permezz ta' għajnuna finanzjarja mill-UE f'għamla ta' akkwisti u strumenti finanzjarji taħt dan ir-Regolament. F'għamla ta' għotjiet ta' flus, huma biss dawn l-azzjonijiet li ġejjin illi għandhom ikunu eliġibbli li jirċievu għajnuna finanzjarja mill-Unjoni skont dan ir-Regolament:

(a) azzjonijiet li jimplimentaw in-netwerk ewlieni skont Kapitolu III tar-Regolament (UE) Nru XXXX/2012 [Linji Gwida tat-TEN-T], inkluż it-tħaddim ta' teknoloġiji ġodda u innovazzjoni skont l-Artikolu 39 tar-Regolament (UE) Nru XXXX/2012 [Linji Gwida tat-TEN-T];

(a) azzjonijiet li jimplimentaw in-netwerk ewlieni skont il-Kapitolu III tar-Regolament (UE) Nru XXXX/2012 [Linji Gwida tat-TEN-T], inkluż it-tħaddim ta' teknoloġiji ġodda u innovazzjoni skont dak ir-Regolament, u prijoritajiet definiti minn qabel fil-Parti 1 tal-Anness ta' dan ir-Regolament;

(b) studji għal proġetti ta' interess komuni kif definiti fl-Artikolu 8(1)(b) u (c) tar-Regolament (UE) Nru XXXX/2012 [Linji Gwida tat-TEN-T];

(b) studji għal proġetti ta' interess komuni kif definiti fl-Artikolu 8(1)(b) u (c) tar-Regolament (UE) Nru XXXX/2012 [Linji Gwida tat-TEN-T] kif ukoll għall-proġetti ta' prijorità transkonfinali definiti fl-Anness III tad-Deċiżjoni Nru 661/2010/UE tal-Parlament Ewropew u tal-Kunsill tas-7 ta' Lulju 2010 fuq linji gwida tal-Unjoni għall-iżvilupp tan-netwerk tat-trasport trans-Ewropew;

(c) azzjonijiet ta' appoġġ għall-proġetti ta' interess komuni kif definiti fl-Artikolu 8(1)(a) u (d) tar-Regolament (UE) Nru XXXX/2012 [Linji Gwida tat-TEN-T];

(ca) azzjonijiet li jappoġġaw in-nodi urbani tan-netwerk ewlieni;

(d) azzjonijiet ta' appoġġ għas-sistemi ta' ġestjoni tat-traffiku skont l-Artikolu 37 tar-Regolament (UE) Nru XXX/2012 [Linji Gwida tat-TEN-T]

(e) azzjonijiet ta' appoġġ għas-servizzi tal-ġarr ta’ merkanzija skont l-Artikolu 38 tar-Regolament XXX/2012 [Linji Gwida tat-TEN-T];

(f) azzjonijiet sabiex jitnaqqas l-istorjbu li joħroġ mill-ferroviji li jġorru l-merkanzija permezz ta' twaħħil ta' tagħmir apposta mal-vetturi kollha li joperaw fuq il-linji tal-ferroviji;

(f) azzjonijiet sabiex jitnaqqas l-istorjbu li joħroġ mill-ferroviji li jġorru l-merkanzija permezz ta' twaħħil ta' tagħmir apposta mal-vetturi kollha li joperaw fuq il-linji tal-ferroviji, bi qbil, fost l-oħrajn, mal-industrija tal-ferrovija;

(g) azzjonijiet ta' appoġġ għall-programmi.

L-azzjonijiet relatati mat-trasport li jinvolvu sezzjoni transkonfinali jew parti minnha għandhom ikunu eliġibbli sabiex jirċievu għajnuna finanzjarja mill-Unjoni jekk hemm ftehim bil-miktub bejn l-Istati Membri kkonċernati jew bejn l-Istati Membri u l-pajjiżi terzi kkonċernati marbut mat-tlestija tas-sezzjoni transkonfinali Bħala eċċezzjoni, meta proġett ikun neċessarju sabiex ikun hemm għaqda man-netwerk ta’ Stat Membru ġar jew ta’ xi pajjiż terz iżda li fil-verità ma jaqsamx il-fruntiera, il-ftehim bil-miktub imsemmi hawn fuq ma għandux ikun meħtieġ.

L-azzjonijiet relatati mat-trasport li jinvolvu sezzjoni transkonfinali jew parti minnha għandhom ikunu eliġibbli sabiex jirċievu għajnuna finanzjarja mill-Unjoni jekk jiġi konkluż ftehim bil-miktub bejn l-Istati Membri kkonċernati jew bejn l-Istati Membri u l-pajjiżi terzi kkonċernati marbut mat-twettiq jew mat-tlestija tas-sezzjoni transkonfinali.

Il-finanzjament f'għamla ta' għotjiet għall-proġetti li għandhom sorsi ta' dħul imdaqqsa mhux ħażin li jiddependu fuq ħlas mill-utenti għandu jkun prinċipalment disponibbli għall-iskopijiet marbuta mat-tħejjija tal-proġett, b'mod partikolari biex issir il-valutazzjoni PPP.

____________

1 ĠU L 204, 5.8.2010, p.1.

Emenda 75

Proposta għal regolament

Artikolu 7 – paragrafu 3

Test propost mill-Kummissjoni

Emenda

3. Fil-qasam tal-enerġija, il-kundizzjonijiet speċifiċi marbuta mal-eliġibbiltà ta’ azzjonijiet li jimplimentaw proġetti ta’ interess komuni biex jirċievu għajnuna finanzjarja mill-Unjoni fl-għamla ta’ strumenti finanzjarji u għotjiet taħt dan ir-Regolament huma stabbiliti fl-Artikolu 15 tar-Regolament (UE) Nru XXXX/2012 [Linji Gwida għall-infrastruttura tal-enerġija].

3. Fil-qasam tal-enerġija, il-kundizzjonijiet speċifiċi marbuta mal-eliġibbiltà ta’ azzjonijiet li jimplimentaw proġetti ta’ interess komuni biex jirċievu appoġġ finanzjarju mill-Unjoni fl-għamla ta’ strumenti finanzjarji u għotjiet taħt dan ir-Regolament huma stabbiliti fl-Artikolu 15 tar-Regolament (UE) Nru XXXX/2012 [Linji Gwida għall-infrastruttura tal-enerġija].

Il-pakkett finanzjarju previst għas-settur tal-enerġija fil-punt (b) tal-Artikolu 5(1) għandu jipprijoritizza l-użu tal-istrumenti finanzjarji sabiex itejjeb l-effett multiplikatur tal-appoġġ finanzjarju tal-Unjoni, skont l-Artikoli 14 u 15 ta' dan ir-Regolament.

Għal dak l-għan, il-Kummissjoni għandha tiżgura li l-appoġġ finanzjarju jiġi allokat l-aktar permezz ta' strumenti finanzjarji, soġġett għal introduzzjoni suffiċjenti fis-suq.

L-għotjiet għandhom jintużaw għall-azzjonijiet li, skont il-pjan tan-negozju tal-proġett u valutazzjonijiet oħra mwettqa, speċjalment minn investituri potenzjali, kredituri jew l-awtorità regolatorja nazzjonali, mhumiex kummerċjalment vijabbli u li għalihom strument finanzjarju mhux se jkun biżżejjed biex iwassal għal deċiżjoni pożittiva ta' investiment.

Barra minn hekk, l-għażla għandha tirrifletti kemm il-proġett jikkontribwixxi għal objettiv rilevanti wieħed jew aktar:

– il-promozzjoni ta’ aktar integrazzjoni tas-suq intern tal-enerġija u l-interoperabilità ta' netwerks tal-elettriku u tal-gass bejn il-fruntieri b'enfażi fuq it-tmiem tal-iżolament tal-enerġija;

– it-titjib fis-sigurtà tal-provvista tal-enerġija tal-Unjoni, billi tittejjeb ir-reżistenza tas-sistema u s-sigurtà tal-operazzjoni tas-sistemi;

– il-kontribuzzjoni għall-iżvilupp sostenibbli u l-ħarsien tal-ambjent, fost l-oħrajn, billi tiġi żgurata t-trażmissjoni ta’ elettriku rinnovabbli mill-ġenerazzjoni sa ċentri u siti ta’ ħżin għal konsum fuq skala kbira;

Emenda 76

Proposta għal regolament

Artikolu 7 - paragrafu 3 a (ġdid)

Test propost mill-Kummissjoni

Emenda

3a. Għall-ewwel żewġ programmi ta' ħidma, għandhom jitqiesu bi prijorità proġetti u azzjonijiet maħsuba biex iġibu fi tmiem l-iżolament tal-enerġija u jeliminaw il-konġestjonijiet tal-eneġrija, filwaqt li tal-inqas 75% tal-allokazzjoni finanzjarja totali prevista għas-settur tal-enerġija skont dan ir-Regolament għandhom jiġu assenjati lill-proġetti tal-infrastruttura tal-elettriku.

Addizzjonalment, il-Faċilità Nikkollegaw l-Ewropa għandha wkoll tappoġġa lill-proġetti relatati mal-enerġija rinovabbli u netwerks tal-elettriku intelliġenti (fil-livell tat-trażmissjoni u tad-distribuzzjoni) permezz ta' faċilitajiet għall-kondiviżjoni tar-riskji li jiffurmaw parti mill-istrumenti finanzjarji deskritti fl-Artikolu 14(3).

Emenda 77

Proposta għal regolament

Artikolu 7 – paragrafu 4

Test propost mill-Kummissjoni

Emenda

4. Fil-qasam tat-telekomunikazzjoni, l-azzjonijiet kollha li jimplimentaw proġetti ta' interess komuni u l-azzjonijiet kollha ta' appoġġ għall-programmi stabbiliti fl-Anness għar-Regolament (UE) Nru XXXX/2012 [Linji Gwida tal-INFSO] għandhom ikunu eliġibbli li jirċievu għajnuna finanzjarja mill-Unjoni fl-għamla ta’ għotja ta' flus, akkwist u strumenti finanzjarji taħt dan ir-Regolament.

4. Fil-qasam tat-telekomunikazzjoni, l-azzjonijiet li jimplimentaw proġetti ta' interess komuni u l-azzjonijiet kollha ta' appoġġ għall-programmi msemmija fl-Anness għar-Regolament (UE) Nru XXXX/2012 [Linji Gwida tal-INFSO] għandhom ikunu eliġibbli li jirċievu għajnuna finanzjarja mill-Unjoni kif ġej.

– servizzi ġeneriċi, pjattaformi ta' servizzi prinċipali u azzjonijiet ta' appoġġ għall-programmi għandhom jiġu ffinanzjati permezz ta' għotjiet u/jew akkwist;

– azzjonijiet fil-qasam tan-netwerks tal-broadband għandhom jiġu ffinanzjati bħala regola permezz ta' strumenti finanzjarji;

– azzjonijiet fil-qasam tan-netwerks tal-broadband jistgħu jiġu ffinanzjati wkoll permezz ta’ għotjiet, għal proġetti li jistgħu jnaqqsu d-diviżjoni diġitali billi jikkollegaw reġjuni rurali, muntanjużi, imbiegħda jew b’densità baxxa tal-popolazzjoni jew reġjuni insulari, maqtugħa mill-baħar u periferiċi, dment li l-għoti ta' għajnuna permezz ta' strument finanzjarju ma jkunx biżżejjed biex iwassal għal deċiżjoni pożittiva ta' investiment.

Emenda 78

Proposta għal regolament

Artikolu 7 - paragrafu 4 a (ġdid)

Test propost mill-Kummissjoni

Emenda

4a. Azzjonijiet li jimplimentaw proġetti ta’ interess komuni b’sinerġiji bejn tal-inqas tnejn mis-setturi koperti mill-Faċilità Nikkollegaw l-Ewropa, u mniżżla fil-parti III tal-Anness, għandhom ikunu eliġibbli biex jirċievu għajnuna finanzjarja mill-Unjoni skont dan ir-Regolament.

Emenda 79

Proposta għal regolament

Artikolu 8 – paragrafu 1 – subparagrafu 2

Test propost mill-Kummissjoni

Emenda

Il-Programmi ta’ Ħidma għandhom jistabbilixxu l-forom ta’ għotjiet ta' flus li jistgħu jintużaw għall-finanzjament tal-azzjonijiet ikkonċernati.

Il-programmi ta’ ħidma msemmija fl-Artikolu 17 għandhom jistabbilixxu l-forom ta’ għotjiet ta' flus li jistgħu jintużaw għall-finanzjament tal-azzjonijiet ikkonċernati.

Emenda 80

Proposta għal regolament

Artikolu 8 – paragrafu 5

Test propost mill-Kummissjoni

Emenda

5. Nefqa marbuta ma’ studji ambjentali dwar il-ħarsien tal-ambjent u l-konformità mal-acquis tal-Unjoni jistgħu jkunu eliġibbli.

5. Nefqa marbuta ma’ studji ambjentali dwar il-ħarsien tal-ambjent u l-konformità mal-acquis tal-Unjoni għandhom ikunu eliġibbli.

Ġustifikazzjoni

Valutazzjonijiet tal-Impatt Ambjentali kif meħtieġa fid-dispożizzjonijiet tad-direttiva 85/337 u 2001/42 huma passi li jridu jittieħdu li ma jistgħux jiġu evitati u obbligatorji u għalhekk eliġibbli kif xieraq.

Emenda 81

Proposta għal regolament

Artikolu 8 – paragrafu 6

Test propost mill-Kummissjoni

Emenda

6. Nefqa marbuta max-xiri ta’ art ma għandhiex titqies bħala spiża eliġibbli.

6. Nefqa marbuta max-xiri ta’ art ma għandhiex titqies bħala spiża eliġibbli, ħlief fil-każ ta' proġetti appoġġjati minn ammonti trasferiti mill-Fond ta' Koeżjoni.

Emenda 82

Proposta għal regolament

Artikolu 9 – paragrafu 4 – subparagrafu 1

Test propost mill-Kummissjoni

Emenda

4. Fejn ikun meħtieġ sabiex jintlaħqu l-objettivi ta' xi proġett partikolari ta' interess komuni, pajjizi terzi u entitajiet stabbiliti f'pajjiżi terzi jistgħu jieħdu sehem f'azzjonijiet illi jikkontribwixxu għall-proġetti ta' interess komuni.

4. Fejn ikun meħtieġ sabiex jintlaħqu l-objettivi ta' xi proġett partikolari ta' interess komuni u fejn debitament motivat, pajjizi terzi u entitajiet stabbiliti f'pajjiżi terzi jistgħu jieħdu sehem f'azzjonijiet illi jikkontribwixxu għall-proġetti ta' interess komuni, b’mod partikolari rigward id-diversifikazzjoni ta’ sorsi ta’ provvista u sikurezza fil-provvista fis-settur tal-enerġija.

Emenda 83

Proposta għal regolament

Artikolu 9 – paragrafu 4 – subparagrafu 2

Test propost mill-Kummissjoni

Emenda

Dawn ma jistgħux jirċievu finanzjament skont dan ir-Regolament, ħlief meta dan ikun indispensabbli sabiex jintlaħqu l-objettivi ta' xi proġett partikolari ta' interess komuni.

Dawn ma jistgħux jirċievu finanzjament fl-għamla ta’ għotjiet skont dan ir-Regolament, ħlief meta dan ikun indispensabbli sabiex jintlaħqu l-objettivi ta' xi proġett partikolari ta' interess komuni u wara li tiġi vverifikata l-impossibilità li l-azzjoni tiġi appoġġjata permezz ta’ forom oħra ta’ għajnuna finanzjarja previsti taħt il-Faċilità Nikkollegaw l-Ewropa jew taħt programmi oħra tal-Unjoni. B'referenza partikolari għall-proġetti tal-Awtostradi tal-Baħar, il-Kummissjoni għandha tistabbilixxi kundizzjonijiet favorevoli għall-iżvilupp ta' dawn il-proġetti ma' pajjiżi terzi fiż-żona ta' tkabbir.

Emenda 84

Proposta għal regolament

Artikolu 9 – paragrafu 4 – subparagrafu 3

Test propost mill-Kummissjoni

Emenda

Meta dan ikun meħtieġ għal implimentazzjoni ta' azzjonijiet rilevanti li jikkontribwixxu għal proġetti ta’ interess komuni b'mod aktar effettiv f’pajjiżi terzi skont ir-Regolamenti (UE) Nru XXX/2012 [Linji gwida TEN-T], (UE) Nru XXX/2012 [Linji gwida TEN-E, (UE) Nru XXX/2012 [Linji gwida għal infrastrutturi tal-enerġija] u XXX/2012 [Linji gwida INFSO], il-finanzjament skont dan ir-Regolament jista’ jinġabar flimkien ma’ fondi koperti minn regolament oħra rilevanti tal-Unjoni. F’dan il-każ, il-Kummissjoni tista’ tiddeċiedi, permezz ta’ att ta’ implimentazzjoni, dwar ġabra unika ta’ regoli li għandhom japplikaw għall-implimentazzjoni.

imħassar

Emenda 85

Proposta għal regolament

Artikolu 9 – paragrafu 6

Test propost mill-Kummissjoni

Emenda

6. Il-Programmi ta’ Ħidma multiannwali u annwali jistgħu jipprovdu regoli speċifici addizzjonali dwar tressiq ta’ proposti

6. Il-programmi ta’ ħidma multiannwali u annwali msemmija fl-Artikolu 17 jistgħu jipprovdu regoli speċifici addizzjonali dwar tressiq ta’ proposti.

Emenda 86

Proposta għal regolament

Artikolu 10 – paragrafu 2 – punt b

Test propost mill-Kummissjoni

Emenda

(b) fir-rigward ta' għotjiet ta' flus għal xogħlijiet:

(i) ferroviji u passaġġi tal-ilma fuq l-art: l-ammont ta' għajnuna finanzjarja mill-Unjoni ma għandux jaqbeż l-20 % tal-ispiża eliġibbli; ir-rata ta' finanzjament tista' tiġi miżjuda għal 30 % għal azzjonijiet li jindirizzaw il-konġestjonijiet; ir-rata ta' finanzjament tista' tiġi miżjuda għal 40 % għal azzjonijiet li jikkonċernaw sezzjonijiet transkonfinali;

(i) netwerks ferrovjarji u tat-toroq fil-każ ta’ Stati Membri li ma għandhomx netwerk ferrovjarju stabbilit fit-territorju tagħhom jew fil-każ ta’ Stat Membru b’netwerk iżolat kif definit fl-Artikolu 3(qq) tar-Regolament (UE) Nru XXXX/2012 [linji gwida tat-TEN-T] mingħajr trasport ferrovjarju tal-merkanzija għal distanzi twal; l-ammont ta' għajnuna finanzjarja mill-Unjoni ma għandux jaqbeż l-20 % tal-ispiża eliġibbli; ir-rata ta' finanzjament tista' tiġi miżjuda għal 30 % għal azzjonijiet li jindirizzaw il-konġestjonijiet; ir-rata ta' finanzjament tista' tiġi miżjuda għal 40 % għal azzjonijiet li jikkonċernaw sezzjonijiet transkonfinali u azzjonijiet għat-tisħiħ tal-interoperabilità ferrovjarja;

(ia) għall-passaġġi tal-ilma interni: l-ammont ta' għajnuna finanzjarja mill-Unjoni ma għandux jaqbeż it-30 % tal-ispiża eliġibbli; ir-rata ta’ finanzjament tista’ tiġi miżjuda għal 40 % għal azzjonijiet li jindirizzaw konġestjonijiet u għal azzjonijiet li jikkonċernaw taqsimiet transkonfinali;

(ii) kollegamenti ta' transport fuq l-art bejn portijiet u ajruportijiet, azzjonijiet sabiex jitnaqqas l-istorjbu li joħroġ mill-ferroviji li jġorru l-merkanzija permezz ta' twaħħil ta' tagħmir apposta mal-vetturi kollha li joperaw fuq il-linji tal-ferroviji, kif ukoll l-iżvilupp ta' portijiet u pjattaformi multimodali: l-ammont tal-għajnuna finanzjarja mill-Unjoni ma għandux jaqbeż l-20 % tal-ispiża eliġibbli.

(ii) kollegamenti ta' transport fuq l-art bejn portijiet interni u marittimi u ajruportijiet, kif ukoll l-iżvilupp ta' portijiet marittimi u interni u pjattaformi multimodali: l-ammont tal-għajnuna finanzjarja mill-Unjoni ma għandux jaqbeż l-20 % tal-ispiża eliġibbli;

(iia) azzjonijiet sabiex jitnaqqas l-istorjbu mill-ferroviji li jġorru l-merkanzija permezz ta' twaħħil ta' tagħmir apposta mal-vetturi kollha li joperaw fuq il-linji tal-ferroviji; l-ammont tal-għajnuna finanzjarja tal-Unjoni m'għandhiex taqbeż l-20% tal-ispiża eliġibbli sa limitu kkombinat ta' 1% tar-riżorsi finanzjarji msemmija fil-punt (a) tal-Artikolu 5(1);

(iib) aċċessibilità aħjar għat-trasport (infrastruttura u servizzi) għall-persuni b'diżabilità: l-ammont ta' għajnuna finanzjarja mill-Unjoni ma għandux jaqbeż it-30 % tal-ispiża eliġibbli ta' xogħlijiet ta' adattament, li fl-ebda każ m'għandhom jaqbżu l-10% tal-ispiża eliġibbli tax-xogħlijiet;

Emenda 87

Proposta għal regolament

Artikolu 10 – paragrafu 2 – punt c u punt ca (ġdid)

Test propost mill-Kummissjoni

Emenda

(i) is-Sistema Ewropea għall-Ġestjoni tat-Traffiku Ferrovjarju (ERTMS – European Rail Traffic Management System): l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli;

(i) is-Sistema Ewropea tal-Ġestjoni tat-Traffiku Ferrovjarju (ERTMS – European Rail Traffic Management System), is-Servizzi tal-Informazzjoni tax-Xmajjar (RIS) is-Sistema ta' Monitoraġġ tat-Traffiku tal-Bastimenti u ta' Informazzjoni (VTMIS), SESAR u s-sistemi ta' ġestjoni tat-traffiku bit-toroq (ITS): għall-komponenti bbażati fuq l-art l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli; għal tagħmir abbord, l-ammont tal-għajnuna finanzjarja tal-Unjoni m'għandux jaqbeż l-40% tal-ispiża eliġibbli għall-ERTMS u 20% tal-ispiża eliġibbli għal RIS, VTMIS, SESAR u ITS għas-settur tat-triq sa limitu kombinat ta' 5% tar-riżorsi baġitarji msemmija fil-punt (a) tal-Artikolu 5(1);

(ii) sistemi ta' ġestjoni tat-traffiku, servizzi ta' ġarr ta’ merkanzija, parkings siguri fuq in-network ewlieni tat-toroq, kif ukoll azzjonijiet ta' appoġġ għall-iżvilupp tal-Awtostradi tal-Ibħra: l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli.

(ii) servizzi ta' ġarr ta’ merkanzija u tat-trasport kombinat u żoni ta' parkeġġ siguri fuq in-network ewlieni tat-toroq l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli;

(iia) azzjonijiet li jappoġġjaw l-iżvilupp tal-Awtostradi tal-Baħar: l-ammont ta' għajnuna finanzjarja mill-Unjoni ma għandux jaqbeż it-30 % tal-ispiża eliġibbli;

(ca) rigward għotjiet għal azzjonijiet li jappoġġjaw teknoloġiji ġodda u innovazzjoni għall-mezzi kollha ta’ trasport: l-ammont ta' għajnuna finanzjarja mill-Unjoni m'għandux jaqbeż l-20% tal-ispiża eliġibbli.

Emenda 88

Proposta għal regolament

Artikolu 10 – paragrafu 3 – punti a u b

Test propost mill-Kummissjoni

Emenda

(a) l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli biex isiru studji u/jew xogħlijiet;

(a) l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli biex isiru studji u 40% tal-ispiża eliġibbli tax-xogħlijiet;

(b) ir-rati ta' kofinanzjament jistgħu jiġu miżjuda sa massimu ta' 80 % għal azzjonijiet li skont l-provi murija msemmija fl-Artikolu 15(2)(a) tar-Regolament (UE) Nru XXXX/2012 [Linji Gwida għall-infrastruttura tal-enerġija], joffru livell għoli ta' sigurtà ta’ provvista fuq livell reġjonali jew madwar l-Unjoni, jew isaħħu s-solidarjetà tal-Unjoni jew ikun fihom soluzzjonijiet innovattivi bil-kbir.

(b) ir-rati ta' kofinanzjament jistgħu jiġu miżjuda sa massimu ta' 70 % għal azzjonijiet li skont l-provi murija msemmija fl-Artikolu 7, joffru livell għoli ta' sigurtà ta’ provvista fuq livell reġjonali jew madwar l-Unjoni, jew isaħħu s-solidarjetà tal-Unjoni u/jew jikkontribwixxu għal żvilupp sostenibbli u l-protezzjoni tal-ambjent, partikolarment l-ismart grids.

Emenda 89

Proposta għal regolament

Artikolu 10 – paragrafu 4 – punt a

Test propost mill-Kummissjoni

Emenda

(a) azzjonijiet fil-qasam tan-netwerks tal-broadband: l-ammont ta' għajnuna finanzjarja mill-Unjoni ma għandux jaqbeż il-50 % tal-ispiża eliġibbli;

(a) azzjonijiet fil-qasam tan-netwerks tal-broadband: l-ammont ta' għajnuna finanzjarja mill-Unjoni ma għandux jaqbeż l-40 % tal-ispiża eliġibbli;

Emenda 90

Proposta għal regolament

Artikolu 10 – paragrafu 5

Test propost mill-Kummissjoni

Emenda

5. Ir-rati ta' kofinanzjament imsemmija hawn fuq jistgħu jiġu miżjuda b'sa mhux aktar minn 10 punti perċentwali għal azzjonijiet li għandhom sinerġiji transsettorjali, li jilħqu l-objettivi ta' mitigazzjoni fil-klima, li jtejbu r-reżiljenza għall-klima jew li jnaqqsu l-emissjonijiet tal-gassijiet b'effett ta' serra.

5. Ir-rati ta' kofinanzjament jistgħu jiġu miżjuda b'sa mhux aktar minn 10 punti perċentwali fuq il-perċentwali stabbiliti fil-paragrafi 2, 3 u 4 għall-azzjonijiet b'sinerġiji bejn tal-inqas tnejn mis-setturi koperti mill-Faċilità Nikkollegaw l-Ewropa.

Din iż-żieda ma għandhiex tapplika għar-rati ta' kofinanzjament imsemmija fl-Artikolu 11.

Għal dawn l-azzjonijiet, l-ammont tal-għajnuna finanzjarja tal-Unjoni għandu jittieħed mill-baġits settorjali stipulati fl-Artikolu 5(1), u jiġi peżat skont l-involviment tagħhom fl-azzjoni.

Il-Kummissjoni għandha tipproponi, fil-programmi annwali u pluriennali msemmija fl-Artikolu 17, il-kriterji għall-għoti ta’ rati ta’ kofinanzjament stabbiliti f'dan l-Artikolu. Għal dan l-għan, hi għandha tiżviluppa metodoloġija għall-valutazzjoni ta' dawk il-kriterji.

Emenda 91

Proposta għal regolament

Artikolu 10 – paragrafu 6

Test propost mill-Kummissjoni

Emenda

6. L-ammont ta' għajnuna finanzjarja li tingħata għall-azzjonijiet magħżula jkun adattat abbażi ta' analiżi tal-benefiċċju miksub għall-flus li jintefqu ta’ kull proġett, id-disponibiltà tar-riżorsi baġitarji, u l-bżonn li jittieħed vantaġġ massimu mill-finanzajment tal-UE.

6. L-ammont ta' għajnuna finanzjarja li tingħata għall-azzjonijiet magħżula jista' jkun adattat abbażi ta' analiżi tal-benefiċċju miksub għall-flus li jintefqu ta’ kull proġett, id-disponibiltà tar-riżorsi baġitarji, u l-bżonn li jittieħed vantaġġ massimu mill-finanzajment tal-UE.

Emenda 92

Proposta għal regolament

Artikolu 11 – paragrafi 1, 2 u 2 a (ġodda)

Test propost mill-Kummissjoni

Emenda

1. Fir-rigward tal-EUR 10 000 000 000 transferiti mill-Fond ta’ Koeżjoni [Regolament XXX l-Artikolu XX] li għandhom jintefqu fl-Istati Membri eliġibbli għal finanzjament mill-Fond ta’ Koeżjoni, se jiġu mnedija sejħiet speċifiċi għal proġetti li jimplimentaw in-netwerk ewlieni esklussivament fl-Istati Membri eliġibbli għal finanzjament mill-Fond ta’ Koeżjoni.

1. Fir-rigward tal-EUR 10 000 000 000 transferiti mill-Fond ta’ Koeżjoni [Regolament XXX l-Artikolu XX] li għandhom jintefqu esklussivament fl-Istati Membri eliġibbli għal finanzjament mill-Fond ta’ Koeżjoni, se jiġu mnedija sejħiet speċifiċi għal proġetti li jimplimentaw in-netwerk ewlieni (u b'mod partikolari l-kurituri tan-netwerk ewlieni) jew li jkunu relatati mal-prijoritajiet orizzontali esklussivament fl-Istati Membri eliġibbli għal finanzjament mill-Fond ta’ Koeżjoni.

2. Ir-regoli applikabbli għas-settur tat-trasport skont dan ir-Regolament għandhom japplikaw għal dawn is-sejħiet speċifiċi. Meta jkun il-waqt li jiġu implimentati dawn is-sejħiet, għandha tingħata l-ogħla prijorità possibbli lill-proġetti li jirrispettaw l-allokazzjonijiet nazzjonali taħt il-Fond ta' Koeżjoni.

2. Ir-regoli applikabbli għas-settur tat-trasport skont dan ir-Regolament għandhom japplikaw għal dawn is-sejħiet speċifiċi. Sal-31 ta’ Diċembru 2016, l-għażla tal-proġetti eliġibbli għall-finanzjament għandha tirrispetta l-allokazzjonijiet nazzjonali taħt il-Fond ta’ Koeżjoni. Sa mill-1 ta' Jannar 2017, ir-riżorsi trasferiti lill-Faċilità Nikkollegaw l-Ewropa li ma ġewx impenjati għal proġett tal-infrastruttura tat-trasport, għandhom jitqiegħdu għad-dispożizzjoni tal-Istati Membri kollha eliġibbli għal finanzjament mill-Fond ta' Koeżjoni biex jiffinanzjaw proġetti tal-infrastruttura tat-trasport skont dan ir-Regolament.

2a. Sabiex ikunu appoġġjati Stati Membri eliġibbli għal finanzjament mill-Fond ta’ Koeżjoni, li jistgħu jesperjenzaw diffikultajiet fit-tfassil ta’ proġetti li jkunu ta’ biżżejjed maturità u/jew kwalità u li jkollhom biżżejjed valur miżjud tal-Unjoni, għandha tingħata attenzjoni speċjali lill-azzjonijiet ta’ appoġġ tal-programm skont il-Faċilità Nikkollegaw l-Ewropa li għandhom il-mira li jsaħħu l-kapaċità u l-effiċjenza istituzzjonali tal-amministrazzjonijiet pubbliċi u s-servizzi pubbliċi relatati mal-iżvilupp u l-implimentazzjoni tal-proġetti elenkati fl-Anness 1 ta’ dan ir-Regolament. Sabiex ikun żgurat l-ogħla assorbiment possibbli tal-fondi trasferiti fl-Istati Membri kollha eliġibbli għal finanzjament mill-Fond ta’ Koeżjoni, il-Kummissjoni tista’ torganizza sejħiet addizzjonali.

Emenda 93

Proposta għal regolament

Artikolu 11 – paragrafu 3

Test propost mill-Kummissjoni

Emenda

3. Permezz ta' deroga mill-Artikolu 10, u fir-rigward tal-EUR 10 000 000 000 trasferiti mill-Fond ta' Koeżjoni [Regolament XXX l-Artikolu XX] li għandhom jintefqu mill-Istati Membri eliġibbli għal finanzjament mill-Fond ta' Koeżjoni, ir-rati massimi ta' finanzjament għandhom ikunu dawk aplikabbli għal Fond ta’ Koeżjoni msemmija fl-Artikoli 22 u 110.3 tar-Regolament (UE) Nru XXX2012 [Ir-Regolament li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu għall-Iżvilupp Rurali u l-Fond Ewropew għall-Affarijiet Marittimi u s-Sajd koperti mill-Qafas Strateġiku Komuni u li jistipula dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jirrevoka r-Regolament (KE) Nru 1083/2006] għall-azzjonijiet li ġejjin:

3. Permezz ta' deroga mill-Artikolu 10, u fir-rigward tal-EUR 10 000 000 000 trasferiti mill-Fond ta' Koeżjoni [Regolament XXX l-Artikolu XX] li għandhom jintefqu esklussivament mill-Istati Membri eliġibbli għal finanzjament mill-Fond ta' Koeżjoni, ir-rati massimi ta' finanzjament għandhom ikunu dawk aplikabbli għal Fond ta’ Koeżjoni msemmija fl-Artikoli 22 u 110.3 tar-Regolament (UE) Nru XXX2012 [Ir-Regolament li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta’ Koeżjoni, il-Fond Agrikolu għall-Iżvilupp Rurali u l-Fond Ewropew għall-Affarijiet Marittimi u s-Sajd koperti mill-Qafas Strateġiku Komuni u li jistipula dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni u li jirrevoka r-Regolament (KE) Nru 1083/2006] għall-azzjonijiet li ġejjin:

(a) fir-rigward ta' għotjiet ta' flus sabiex isiru studji;

(b) fir-rigward ta' għotjiet ta' flus għal xogħlijiet:

(i) ferroviji u passaġġi tal-ilma fuq l-art;

(ii) azzjonijiet ta' appoġġ għal sezzjonijiet minn toroq li jkunu transkonfinali;

(ii) azzjonijiet ta' appoġġ għal sezzjonijiet minn toroq li jkunu transkonfinali u, fil-każ ta' Stati Membri li ma għandhomx netwerks ferrovjarji n-netwerk tat-toroq TEN-T;

(iii) kollegamenti ta' trasport fuq l-art għal portijiet u ajruportijiet, l-iżvilupp ta' pjattaformi multimodali u ta' portijiet;

(iii) kollegamenti ta' trasport fuq l-art għal portijiet marittimi u interni u ajruportijiet, l-iżvilupp ta' pjattaformi multimodali inklużi faċilitajiet awtomatiċi għat-tibdil tad-daqs, u ta' portijiet, kif ukoll punti ta' interkollegamenti, bi prijorità mogħtija lill-konnessjonijiet ferrovjarji;

(i) is-Sistema Ewropea għall-Ġestjoni tat-Traffiku Ferrovjarju (European Rail Traffic Management System – ERTMS);

(i) is-Sistema Ewropea għall-Ġestjoni tat-Traffiku Ferrovjarju (European Rail Traffic Management System – ERTMS), is-Servizzi tal-Informazzjoni tax-Xmajjar (RIS), is-Sistema ta' Monitoraġġ tat-Traffiku tal-Bastimenti u ta' Informazzjoni (VTMIS), SESAR u ITS għas-settur tat-toroq;

(ii) sistemi ta' ġestjoni tat-traffiku;

(iia) azzjonijiet li jappoġġjaw l-iżvilupp tal-awtostradi tal-baħar:

(ca) rigward għotjiet għal azzjonijiet li jappoġġjaw teknoloġiji ġodda u innovazzjoni għall-mezzi kollha ta’ trasport.

Emenda 94

Proposta għal regolament

Artikolu 12

Test propost mill-Kummissjoni

Emenda

1. Il-Kummissjoni għandha tirrevoka, ħlief f'każijiet debitament ġustifikati, l-għajnuna finanzjarja mogħtija għal azzjonijiet li jkunu għadhom ma nbdewx fi żmien sena wara d-data li suppost bdiet fiha l-azzjoni stabbilita fil-kundizzjonijiet li jirregolaw l-għoti tal-għajnuna.

1. Il-Kummissjoni għandha tirrevoka, ħlief f'każijiet debitament ġustifikati, l-għajnuna finanzjarja mogħtija għal studji li jkunu għadhom ma nbdewx fi żmien sena wara d-data stabbilita fil-kundizzjonijiet li jirregolaw l-għoti tal-għajnuna jew fi żmien sentejn minn din id-data għall-azzjonijiet l-oħra kollha eliġibbli biex jirċievu appoġġ finanzjarju skont ir-Regolament preżenti.

2. Il-Kummissjoni tista' tissospendi, tnaqqas, tirkupra jew twaqqaf l-għajnuna finanzjarja skont il-kundizzjonijiet stabbiliti fir-Regolament (UE) Nru XXX/2012 [ir-Regolament Finanzjarju l-Ġdid] b'mod partikolari:

2. Il-Kummissjoni tista' tissospendi, tnaqqas, tirkupra jew twaqqaf l-għajnuna finanzjarja skont il-kundizzjonijiet stabbiliti fir-Regolament (UE, Euratom) Nru 966/2012 b'mod partikolari:

(a) f'kaz ta' xi irregolarità li tkun twettqet fl-implimentazzjoni tal-azzjoni fid-dawl tad-dispożizzjonijiet tal-liġi tal-Unjoni;

(b) f'kaz ta' nuqqas ta' konformità mal-kundizzjonijiet li jirregolaw l-għotja ta' flus, b'mod partikolari jekk mingħajr l-approvazzjoni tal-Kummissjoni tkun saret xi bidla kbira li tolqot in-natura ta' xi proġett jew azzjoni;

(c) wara evalwazzjoni ta' kif qed jimxi l-proġett, b'mod partikolari f'kaz ta' dewmien kbir fl-implimentazzjoni tal-azzjoni.

3. Il-Kummissjoni tista' titlob ir-rimborż tal-għajnuna finanzjarja mogħtija jekk, fi żmien sentejn mid-data tat-tlestija kif stabbilita fil-kundizzjonijiet li jirregolaw l-għoti tal-għajnuna, l-implimentazzjoni tal-azzjoni li tirċievi l-għajnuna finanzjarja tkun għadha ma tlestietx.

4. Qabel ma l-Kummissjoni tieħu kwalunkwe deċiżjoni minn dawk previsti fil-paragrafi 1, 2 u 3, hija għandha teżamina l-każ partikolari u tgħarraf lill-benefiċjarji kkonċernati sabiex b'hekk huma jkunu jistgħu jressqu l-kummenti tagħhom saż-żmien stipulat. Hi għandha tinnotifika lill-Parlament Ewropew u lill-Kunsill bid-deċiżjonijiet kollha meħuda dwar l-adozzjoni tal-programmi annwali msmemija fl-Artikolu 17.

Emenda 95

Proposta għal regolament

Artikolu 13 – paragrafu 1 – punt a

Test propost mill-Kummissjoni

Emenda

(a) jistgħu jipprovdu għal kundizzjonijiet speċifiċi bħall-post li fih jitwettqu l-attivitajiet tal-akkwisit, ġustifikati kif inhu xieraq mill-objettivi tal-azzjonijiet u sakemm tali kundizzjonijiet ma jiksrux il-prinċipji marbuta mal-akkwist pubbliku;

(a) jistgħu jipprovdu għal kundizzjonijiet speċifiċi bħall-post li fih jitwettqu l-attivitajiet tal-akkwist, ġustifikati kif inhu xieraq mill-objettivi tal-azzjonijiet u sakemm tali kundizzjonijiet ma jiksrux il-prinċipji tal-Unjoni marbuta mal-akkwist pubbliku;

Emenda 96

Proposta għal regolament

Artikolu 14 – paragrafu 1

Test propost mill-Kummissjoni

Emenda

1. Strumenti finanzjarji stabbiliti skont it-Titolu VIII tar-Regolament (KE) Nru XXXX/2012 [Il-Regolament Finanzjarju l-Ġdid tal-2012], jistgħu jintużaw sabiex jiffaċilitaw l-aċċess għal finanzjamenti minn entitajiet li jimplimentaw azzjonijiet li jikkontribwixxu għal proġetti ta’ interess komuni kif definiti fir-Regolamenti (UE) Nru XXXX/2012, (UE) Nru XXX 2012, u (UE) Nru XXX/2012, u għal-kisba tal-objettivi tagħhom. L-istrumenti finanzjarji għandhom ikunu bbażati fuq valutazzjonijiet ex-ante tal-imperfezzjonijiet fis-suq jew qagħdiet ta’ investiment mhux fl-aqwa tagħhom u bżonnijiet ta’ investiment.

1. Strumenti finanzjarji stabbiliti skont it-Titolu VIII tar-Regolament (UE, Euratom) Nru 966/2012, jistgħu jintużaw sabiex jiffaċilitaw l-aċċess għal finanzjamenti minn entitajiet li jimplimentaw azzjonijiet li jikkontribwixxu għal proġetti ta’ interess komuni kif definiti fir-Regolamenti (UE) Nru XXXX/2012, (UE) Nru XXX 2012, u (UE) Nru XXX/2012, u għal-kisba tal-objettivi tagħhom.

Emenda 97

Proposta għal regolament

Artikolu 14 – paragrafu 3 – kliem introduttorju

Test propost mill-Kummissjoni

Emenda

3. Jistgħu jintużaw l-istrumenti finanzjarji li ġejjin:

3. B’mod partikolari, jistgħu jintużaw l-istrumenti finanzjarji li ġejjin:

Emenda 98

Proposta għal regolament

Artikolu 14 – paragrafu 3 – punt (b)

Test propost mill-Kummissjoni

Emenda

(b) self u/jew garanziji iffaċilitati permezz ta' strumenti bbażati fuq il-kondiviżjoni tar-riskji, inkluż mekkaniżmu ta’ tiżwieq għal bonds marbuta ma’ proġetti, maħruġin minn istituzzjoni finanzjarja bir-riżorsi tagħha stess u b’kontribuzzjoni mill-Unjoni għall-provvediment u/jew l-allokazzjoni ta’ kapital;

(b) self u/jew garanziji ffaċilitati permezz ta' strumenti bbażati fuq il-kondiviżjoni tar-riskji, inkluż fost l-oħrajn mekkaniżmu ta’ tiżwieq għal bonds marbuta ma’ proġetti, b'appoġġ għal proġetti individwali jew portafolli ta' proġetti maħruġin minn istituzzjoni finanzjarja bir-riżorsi tagħha stess u b’kontribuzzjoni mill-Unjoni għall-provvediment u/jew l-allokazzjoni ta’ kapital;

Emenda 99

Proposta għal regolament

Artikolu 14 – paragrafu 3 – punt c

Test propost mill-Kummissjoni

Emenda

– konformità mar-Regolament (UE, Euratom) Nru 966/2012; kif ukoll

– konformità mal-objettivi ta' dan ir-Regolament;

Il-Kummissjoni għandu jkollha s-setgħa tadotta atti delegati skont l-Artikolu 25 ta' dan ir-Regolament dwar l-istrumenti finanzjarji msemmija fil-punt (c) ta' dan il-paragrafu;

Emenda 100

Proposta għal regolament

Artikolu 14 – paragrafu 3 – punt ca (ġdid)

Test propost mill-Kummissjoni

Emenda

(ca) strumenti finanzjarji li għandhom l-għan li jiffaċilitaw investiment privat għall-introduzzjoni ta’ teknoloġiji innovattivi b’riskji ogħla ta’ investiment.

Emenda 101

Proposta għal regolament

Artikolu 15

Test propost mill-Kummissjoni

Emenda

1. Azzjonijiet appoġġati permezz ta’ strumenti finanzjarji għandhom jintgħażlu fuq il-bażi ta’ min ikun applika l-ewwel jinqeda l-ewwel u għandhom ifittxu li jkollhom diversifikazzjoni settorjali skont l-Artikoli 3 u 4, kif ukoll diversifikazzjoni ġeografika gradwali minn fost l-Istati Membri.

1. Azzjonijiet eliġibbli għal appoġġ permezz ta’ strumenti finanzjarji għandhom jintgħażlu fuq il-bażi ta’ maturità, f’konformità mal-Artikolu 17, għandhom ifittxu li jkollhom diversifikazzjoni settorjali u ġeografika mal-Istati Membri u għandhom ikunu konformi mal-kriterji kollha li ġejjin:

– jirrappreżentaw valur miżjud Ewropew;

– iwieġbu għall-għanijiet tal-istrateġija Ewropa 2020;

– jiżguraw li ma jkunx hemm distorsjoni tal-kompetizzjoni fis-suq intern;

– jippreżentaw effett ta’ lieva fir-rigward tal-appoġġ tal-Unjoni.

2. L-Unjoni, kwalunkwe Stat Membru u investituri oħra jistgħu joffru għajnuna finanzjarja addizzjonali barra l-kontribuzzjonijiet li jirċievu permezz tal-użu tal-istrumenti finanzjarji, sakemm il-Kummissjoni taqbel ma’ kull bidla fil-kriterji ta’ eliġibbiltà tal-azzjonijiet u/jew l-istrateġija ta’ investiment tal-istrument li tista’ tkun neċessarja minħabba l-kontribuzzjoni addizzjonali.

3. L-istrumenti finanzjarji għandom jimmiraw illi jżommu l-valur tal-assi pprovduti mill-baġit tal-Unjoni. Dawn jistgħu jiġġeneraw qligħ aċċettabbli li jilħaq l-objettivi ta’ msieħba jew investituri oħra.

3. L-istrumenti finanzjarji għandhom jimmiraw li jsaħħu l-effett multiplikatur tal-infiq tal-Unjoni billi jattiraw riżorsi addizzjonali mill-investituri pubbliċi kif ukoll privati, filwaqt illi jżommu l-valur tal-assi pprovduti mill-baġit tal-Unjoni. Dawn jistgħu jiġġeneraw qligħ aċċettabbli, mingħajr ma ssir ħsara għall-implimentazzjoni tal-azzjonijiet appoġġjati skont dan ir-Regolament.

4. L-istrumenti finanzjarji jistgħu jingħaqdu ma’ għotjiet iffinanzjati mill-baġit tal-Unjoni, inkluż li jaqa’ taħt dan ir-Regolament.

4. Tipi differenti ta' strumenti finanzjarji jistgħu jingħaqdu ma’ għotjiet iffinanzjati mill-baġit tal-Unjoni, inkluż li jaqa’ taħt dan ir-Regolament, sakemm ikun neċessarju sabiex jiġi żgurat li l-proġett ikun vijabbli.

5. Il-Programmi ta’ Ħidma jistgħu jistabbilixxu kundizzjonijiet addizzjonali skont il-ħtiġijiet speċifiċi tas-setturi.

5. Il-programmi ta’ ħidma jistgħu jistabbilixxu kundizzjonijiet addizzjonali skont il-ħtiġijiet speċifiċi tas-setturi.

6. Skont l-Artikolu 18(2) tar-Regolament (UE) Nru XXXX/2012 [ir-Regolament Finanzjarju l-Ġdid], id-dħul u l-ħlasijiet lura ġġenerati minn strument finanzjarju partikolari għandhom jiġu assenjati lil dak l-istrument finanzjarju. Għal strumenti finanzjarji diġà stabbiliti fil-qafas finanzjarju multiannwali għall-perjodu 2007-2013, id-dħul u l-ħlasijiet lura ġġenerati minn operazzjonijiet mibdija tul dak il-perjodu għandhom ikunu assenjati lill-istrument finanzjarju fil-perjodu 2014-2020.

6. Skont l-Artikolu 18(2) tar-Regolament (UE, Euratom) Nru 966/2012, id-dħul u l-ħlasijiet lura ġġenerati minn strument finanzjarju partikolari għandhom jiġu assenjati lil dak l-istrument finanzjarju sakemm ikollu effett dan ir-Regolament.

Emenda 102

Proposta għal regolament

Artikolu 17 – paragrafi 1 u 2

Test propost mill-Kummissjoni

Emenda

1. Il-Kummissjoni għandha taddotta programmi ta’ ħidma multiannwali u annwali għal kull settur. Il-Kummissjoni tista’ taddotta wkoll programmi ta’ ħidma multiannwali u annwali li jkopru aktar minn settur wieħed. Dawn l-atti ta' implimentazzjoni għandhom jiġu addottati f'konformità mal-proċedura ta' eżami msemmija fl-Artikolu 24(2).

1. Il-Kummissjoni għandha taddotta atti delegati skont l-Artikolu 25 dwar programmi ta’ ħidma multiannwali u annwali għal kull settur. Il-Kummissjoni tista’ taddotta wkoll atti delegati skont l-Artikolu 25 dwar programmi ta’ ħidma multiannwali u annwali li jkopru aktar minn settur wieħed.

2. Il-programm ta’ ħidma multiannwali għandu jkun revedut tal-inqas f’nofs il-perjodu. Jekk ikun meħtieġ, il-Kummissjoni għandha tirrevedi l-programm ta' ħidma multiannwali permezz ta' att ta' implimentazzjoni. Dawn l-atti ta' implimentazzjoni għandhom jiġu addottati skont il-proċedura ta' eżami msemmija fl-Artikolu 24(2).

2. Il-programm ta’ hidma multiannwali ghandu jkun revedut tal-inqas f’nofs il-perjodu. Jekk ikun meħtieġ, il-Kummissjoni għandha tadotta atti delegati skont l-Artikolu 25 biex tirrevedi l-programm ta' ħidma multiannwali.

Emenda 103

Proposta għal regolament

Artikolu 17 - paragrafu 3 a (ġdid)

Test propost mill-Kummissjoni

Emenda

3a. Fil-qasam tat-trasport mill-inqas 4 % sa 5 % tar-riżorsi baġitarji msemmija fl-Artikolu 5(1)(a) għandhom jintużaw għal strumenti finanzjarji innovattivi.

Emenda 104

Proposta għal regolament

Artikolu 17 – paragrafu 4

Test propost mill-Kummissjoni

Emenda

4. Il-programmi ta’ ħidma multiannwali fil-qasam tal-enerġija u tat-telekomunikazzjoni għandhom joffru orjentazzjoni strateġika fil-qasam ta’ proġetti ta’ interess komuni u jistgħu jinkludu proġetti speċifiċi ta’ interess komuni.

imħassar

Emenda 105

Proposta għal regolament

Artikolu 17 – paragrafu 6

Test propost mill-Kummissjoni

Emenda

6. Il-Kummissjoni, li taġixxi skont il-proċedura msemmija fil-paragrafu 1, meta tistabbilixxi programmi ta’ ħidma settorjali multiannwali u annwali, għandha tistabbilixxi l-kriterji tal-għażla u tal-għoti skont l-objettivi u l-prijoritajiet stabbiliti fl-Artikoli 3 u 4 ta’ dan ir-Regolament u fir-Regolament (UE) Nru XXXX/2012 [Linji Gwida TEN-T], (UE) Nru XXX 2012 [Linji Gwida għall-Infrastruttura tal-Enerġija Trans-Ewropea] jew (UE) Nru XXX/2012 Linji Gwida INFSO]. Il-kriterji li ġejjin għandhom jiġu kkunsidrati:

(a) il-maturità tal-azzjoni fl-iżvilupp tal-proġett u fl-istadji tal-preparazzjoni u s-solidità tal-implimentazzjoni proposta;

(b) l-effett ta' lieva tal-appoġġ tal-Unjoni fuq investiment pubbliku u privat u s-suq uniku;

(c) il-bżonn li jingħelbu ostakli finanzjarji speċifiċi u n-nuqqas ta’ finanzjament tas-suq, marbuta man-natura jew l-urġenza tal-proġett;

(d) l-ispejjeż u l-benefiċċji inklużi dawk ekonomiċi, soċjali, gass b’effett ta’ serra u/jew impatti ambjentali oħra, u aċċessibilità;

(e) id-dimensjoni transkonfinali u l-abilità li jitnaqqas jew jintemm l-iżolament tal-Istati Membru.

(a) għat-trasport fir-Regolament (UE) Nru XXXX/2012 [Linji Gwida tat-TEN-T];

(b) għall-energija fir-Regolament (UE) Nru XXXX/2012 [Linji Gwida għall-infrastruttura trans-Ewropea tal-enerġija];

Emenda 106

Proposta għal regolament

Artikolu 17 – paragrafu 7

Test propost mill-Kummissjoni

Emenda

7. Il-programmi ta’ ħidma għandhom jiġu kkoordinati sabiex jiġu sfruttati s-sinerġiji bejn it-trasport, l-enerġija u t-telekomunikazzjoni, b’mod partikolari f’tali oqsma bħal grilji intelliġenti tal-enerġija, mobbiltà b’mezzi li jaħdmu bl-elettriku, sistemi intelliġenti u sostenibbli tat-trasport, drittijiet ta’ passaġġ konġunti jew ħidma konġunta fl-infrastruttura. Tista' tiġi addottata sejħa multisettorjali għall-proposti, u l-ammonti finanzjarji allokati għal kull settur huma dawk stipulati fl-Artikolu 5(1), u peżati skont l-involviment relattiv ta' kull settur fl-azzjoni.

Emenda 107

Proposta għal regolament

Artikolu 18 – paragrafu 2

Test propost mill-Kummissjoni

Emenda

L-iskeda indikattiva ta’ żmien li tkopri l-impenn tal-ħlasijiet annwali individwali bin-nifs għandha tiġi kkomunikata lill-benefiċjarji tal-għotjiet u, jekk tgħodd għal xi strumenti finanzjarji, lill-istituzzjonijiet finanzjarji kkonċernati.

L-iskeda indikattiva ta’ żmien li tkopri l-impenn tal-ħlasijiet annwali individwali bin-nifs għandha tiġi kkomunikata lill-benefiċjarji tal-għotjiet, lill-Istati Membri kkonċernati u lill-Parlament Ewropew u, jekk tgħodd għal xi strumenti finanzjarji, lill-istituzzjonijiet finanzjarji kkonċernati

Emenda 108

Proposta għal regolament

Artikolu 19 – paragrafu 1

Test propost mill-Kummissjoni

Emenda

Approprjazzjonijiet li ma jkunux intużaw sal-aħħar tas-sena finanzjarja li ddaħħlu taħtha għandhom jiġu riportati awtomatikament b’sena.

Approprjazzjonijiet li ma jkunux intużaw sal-aħħar tas-sena finanzjarja li ddaħħlu taħtha għandhom jiġu riportati awtomatikament b’sena, skont l-Artikoli 9 u 10 tar-Regolament (UE, Euratom) Nru°966/2012.

Emenda 109

Proposta għal regolament

Artikolu 20 – paragrafu 1

Test propost mill-Kummissjoni

Emenda

Il-Kummissjoni għandha tingħata s-setgħa li taddotta atti iddelegati skont l-Artikolu 25 rigward iż-żieda jew il-modifika tal-listi previsti fl-Anness.]

Il-Kummissjoni għandha tingħata s-setgħa li taddotta atti iddelegati skont l-Artikolu 25 rigward iż-żieda jew il-modifika tal-listi previsti fl-Anness u fit-twettiq tal-programm ta’ xogħol multiannwali u annwali għal kull settur jew li jkopri aktar minn settur wieħed skont l-Artikolu 17.

Emenda 110

Proposta għal regolament

Artikolu 21 – paragrafu 2

Test propost mill-Kummissjoni

Emenda

L-Istati Membri għandhom, għal proġetti relatati mas-setturi tat-trasport u l-enerġija, iwettqu l-monitoraġġ tekniku u l-kontroll finanzjarju ta’ azzjonijiet b’kooperazzjoni mill-qrib mal-Kummissjoni u għandhom jiċċertifikaw ir-realtà u l-konformità tal-ispiża li tkun saret fir-rigward ta’ proġetti jew partijiet ta’ proġetti. L-Istati Membri jistgħu jitolbu l-parteċipazzjoni tal-Kummissjoni waqt kontrolli fuq il-post.

L-Istati Membri għandhom iwettqu l-monitoraġġ tekniku u l-kontroll finanzjarju ta’ azzjonijiet b’kooperazzjoni mill-qrib mal-Kummissjoni u għandhom jiċċertifikaw ir-realtà u l-konformità tal-ispiża li tkun saret fir-rigward ta’ proġetti jew partijiet ta’ proġetti. L-Istati Membri jistgħu jitolbu l-parteċipazzjoni tal-Kummissjoni waqt kontrolli fuq il-post.

Emenda 111

Proposta għal regolament

Artikolu 21 – paragrafu 3

Test propost mill-Kummissjoni

Emenda

Fil-qasam tat-telekomunikazzjoni b’mod partikolari, l-awtoritajiet regolatorji nazzjonali għandhom jagħmlu kull sforz sabiex jassiguraw iċ-ċertezza legali meħtieġa u l-kundizzjonijiet ta’ investiment li jiffaċilitaw l-implimentazzjoni tal-proġetti li jirċievu għajnuna finanzjarja mill-Unjoni skont dan ir-Regolament.

imħassar

Ġustifikazzjoni

Għal raġuni ta' simplifikazzjoni, ikun xieraq li r-regoli dwar ir-responsabilitajiet tal-Istati Membri għat-tliet setturi jiġu armonizzati.

Emenda 112

Proposta għal regolament

Artikolu 21 – paragrafu 4

Test propost mill-Kummissjoni

Emenda

L-Istati Membri għandhom kontinwament jgħarrfu lill-Kummissjoni, jekk ikun rilevanti permezz tas-sistemi interattivi ta' informazzjoni ġeografika u teknika, li fil-każ tan-netwerks trans-Ewropej tat-Trasport hija TENtec, dwar il-progress li jkun għaddej fl-implimentazzjoni tal-proġetti ta' interess komuni u l-investimenti magħmula għal dan l-iskop, inkluż l-ammont ta' għajnuna użata għall-objettivi marbuta mat-tibdil fil-klima.

L-Istati Membri għandhom jgħarrfu lill-Kummissjoni regolarment, jew tal-anqas darba fis-sena, permezz ta' sistema interattiva ta' informazzjoni ġeografika, teknika, pubblika u faċilment aċċessibbli, li fil-każ tan-netwerks trans-Ewropej tat-Trasport hija TENtec, dwar il-progress li jkun għaddej fl-implimentazzjoni tal-proġetti ta' interess komuni u l-investimenti magħmula għal dan l-iskop, inkluż l-ammont ta' għajnuna użata għall-objettivi marbuta mat-tibdil fil-klima. Fuq dik il-bażi, il-Kummissjoni għandha tippubblika, u taġġorna tal-anqas darba fis-sena, informazzjoni dwar proġetti speċifiċi skont il-Faċilità Nikkollegaw l-Ewropa, inklużi, fejn xieraq, il-forom u l-ammonti tal-kofinanzjament tal-Unjoni kif ukoll il-progress ta' kull proġett. Għal dak il-għan, il-BEI għandu, fuq talba, jgħaddi informazzjoni rilevanti lill-Kummissjoni, filwaqt li jissalvagwardja informazzjoni kummerċjali kunfidenzjali.

Emenda 113

Proposta għal regolament

Artikolu 23 – paragrafu 1

Test propost mill-Kummissjoni

Emenda

1. Il-Kummissjoni għandha tieħu l-miżuri kollha addattati illi jiżguraw li, meta xi azzjonijiet skont dan ir-Regolament jiġu implimentati, l-interessi finanzjarji tal-Unjoni jitħarsu permezz tal-applikazzjoni ta' miżuri ta' prevenzjoni kontra l-frodi, il-korruzzjoni jew kwalunkwe attività illegali oħra, permezz ta' verifiki effettivi u, jekk jinstabu xi irregolaritajiet, permezz tal-irkupru tal-ammonti mħallsa fejn mhux dovuti u, fejn japplika, permezz ta' sanzjonijiet effettivi, proporzjonali u ta' deterrent.

1. Il-Kummissjoni għandha tieħu l-miżuri kollha addattati illi jiżguraw li, meta xi azzjonijiet skont dan ir-Regolament jiġu implimentati, l-interessi finanzjarji tal-Unjoni jitħarsu billi jiġi żgurat li l-ispejjeż ma jkunux sproporzjonati għall-infrastruttura tal-istess tip fl-Istati Membri differenti, filwaqt li jitqiesu b'mod xieraq il-prezzijiet lokali, permezz tal-applikazzjoni ta' miżuri ta' prevenzjoni kontra l-frodi, il-korruzzjoni jew kwalunkwe attività illegali oħra, permezz ta' verifiki effettivi u, jekk jinstabu xi irregolaritajiet, permezz tal-irkupru tal-ammonti mħallsa fejn mhux dovuti u, fejn japplika, permezz ta' sanzjonijiet effettivi, proporzjonali u ta' deterrent.

Ġustifikazzjoni

Għandu jiġi żgurat, kemm jista' jkun possibbli, li l-ispiża tal-proġetti infrastrutturali ffinanzjati mill-flus tal-UE tkun omoġenja fl-Istati Membri differenti, imsejsa fuq il-prezz tax-xogħol lokali u l-materjal.

Emenda 114

Proposta għal regolament

Artikolu 24 – paragrafu 3

Test propost mill-Kummissjoni

Emenda

3. Il-kumitat għandu jiżgura li jkollu stampa ġenerali orizzontali tal-programmi ta' ħidma msemmija fl-Artikolu 18 sabiex jiżgura konsistenza u li jiġu identifikati s-sinerġiji u sfruttati mis-setturi bejniethom.

3. Il-kumitat għandu jiżgura li jkollu stampa ġenerali orizzontali tal-programmi ta' ħidma msemmija fl-Artikolu 18 sabiex jiżgura l-konsistenza tagħhom u li s-sinerġiji jiġu identifikati, sfruttati u vvalutati bejn is-setturi, u għandu jfittex b'mod partikolari li jiżgura kontribuzzjoni ġusta mill-pakketti finanzjarji ta' kull settur f'sejħiet transsettorjali għall-proposti u meta jistabbilixxi r-rati ta' kofinanzjament għall-azzjonijiet b'sinerġiji bejn is-setturi.

Emenda 115

Proposta għal regolament

Artikolu 25 – paragrafu 2

Test propost mill-Kummissjoni

Emenda

2. Għandha tingħata lill-Kummissjoni s-setgħa li taddotta atti ddelegati msemmija fl-Artikolu 20 għal perjodu ta' żmien indeterminat mid-data tad-dħul fis-seħħ ta’ dan ir-Regolament.

2. Għandha tingħata lill-Kummissjoni s-setgħa li taddotta atti ddelegati msemmija fl-Artikoli 17 u 20 għat-tul ta' żmien tal-Qafas Finanzjarju Pluriennali tal-2014-2020.

Il-Kummissoni għandha tfassal rapport fir-rigward tad-delega tas-setgħa mhux aktar tard minn disa’ xhur qabel it-tmiem tal-perjodu ta’ seba' snin. Id-delega tas-setgħa għandha tiġi estiża b'mod taċitu għal perijodi ta' tul ta' żmien identiku, dment li l-Parlament Ewropew jew il-Kunsill ma jopponux tali estensjoni sa mhux aktar tard minn tliet xhur qabel it-tmiem ta' kull perjodu.

Emenda 116

Proposta għal regolament

Artikolu 26 – paragrafu 1

Test propost mill-Kummissjoni

Emenda

1. Sa mhux aktar tard minn nofs l-2018, il-Kummissjoni għandha tagħmel rapport ta' evalwazzjoni dwar il-kisba tal-objettivi tal-miżuri kollha (fuq il-livell ta' riżultati u impatti), l-effiċjenza fl-użu tar-riżorsi u l-valur miżjud Ewropew tagħhom, fil-perspettiva ta' deċiżjoni li tittieħdet fuq it-tiġdid, modifika jew sospensjoni tal-miżuri. Barra minn hekk, l-evalwazzjoni għandha tindirizza jekk hemmx lok għal simplifikazzjoni, il-koerenza interna u esterna tagħha, jekk l-objettivi kollha għadhomx rilevanti, kif ukoll il-kontribut tal-miżuri għall-prijoritajiet tal-Unjoni li jkun hemm tkabbir intelliġenti, sostenibbli u inklużiv. Din għandha tikkunsidra r-riżultati li joħorġu mill-evalwazzjoni rigward l-impatt fit-tul tal-miżuri li jkunu ttieħdu qabel.

1. Sa mhux aktar tard mill-31 ta’ Diċembru 2017, il-Kummissjoni għandha tippreżenta lill-Parlament Ewropew u lill-Kunsill rapport ta' evalwazzjoni dwar il-kisba tal-objettivi tal-miżuri kollha (fuq il-livell ta' riżultati u impatti), l-effiċjenza fl-użu tar-riżorsi u l-valur miżjud Ewropew tagħhom, fil-perspettiva ta' deċiżjoni li tittieħed fuq it-tiġdid, modifika jew sospensjoni tal-miżuri. Barra minn hekk, l-evalwazzjoni għandha tindirizza jekk hemmx lok għal simplifikazzjoni, il-koerenza interna u esterna tagħha u jekk l-objettivi kollha għadhomx rilevanti, kif ukoll il-kontribut tal-miżuri għall-prijoritajiet tal-Unjoni li jkun hemm tkabbir intelliġenti, sostenibbli u inklużiv, inkluż l-impatt tagħhom fuq il-koeżjoni ekonomika, soċjali u territorjali. Din għandha tikkunsidra r-riżultati dwar l-evalwazzjoni rigward l-impatt fit-tul tal-miżuri li jkunu ttieħdu qabel. Barra minn hekk, f'dik l-evalwazzjoni l-Kummissjoni għandha tagħmel valutazzjoni tal-passi li għandhom jittieħdu fil-futur sabiex tissaħħaħ l-effiċjenza tal-infiq tal-Unjoni kif ukoll sabiex jiżdiedu l-volumi ta' investiment fil-proġetti ta' prijorità. Dik il-valutazzjoni għandha teżamina wkoll fost l-oħrajn, kif l-istrumenti finanzjarji jistgħu jsiru saħansitra aktar attraenti għal firxa usa' ta' investituri fuq perjodu twil, inklużi dawk pubbliċi, u kif l-ambitu tal-proġetti eliġibbli jista' jitwessa', u l-iżvilupp possibbli ta' strumenti ta' ekwità għall-finanzjament tal-infrastruttura tal-Unjoni.

Emenda 117

Proposta għal regolament

Artikolu 26 – paragrafu 1a (ġdid)

Test propost mill-Kummissjoni

Emenda

1a. Il-Faċilità Nikkollegaw l-Ewropa għandha tqis l-evalwazzjoni sħiħa indipendenti tal-Inizjattiva dwar Bonds li jiffinanzjaw Proġetti Ewropa 2020, li għandha titwettaq fl-2015. Fuq il-bażi ta' dik l-evalwazzjoni, il-Kummissjoni għandha tivvaluta r-relevanza tal-Inizjattiva dwar Bonds li jiffinanzjaw Proġetti Ewropa 2020 u l-effikaċja tagħha biex iżżid il-volum ta' investiment fi proġetti ta' prijorità u biex issaħħaħ l-effiċjenza tal-infiq tal-Unjoni. Fid-dawl ta' dik il-valutazzjoni, b'kunsiderazzjoni għall-alternattivi kollha, il-Kummissjoni għandha tikkunsidra li tipproponi tibdiliet regolatorji xierqa, inklużi tibidliet leġiżlattivi, b'mod partikolari, jekk l-assorbiment tas-suq previst ma jkunx sodisfaċenti jew fil-każ li sorsi alternattivi għall-finanzjament fit-tul tad-dejn isiru disponibbli b'mod suffiċjenti.

Emenda 118

Proposta għal regolament

Artikolu 27 – paragrafu 1

Test propost mill-Kummissjoni

Emenda

1. Il-benefiċjarji u, fejn hu xieraq, l-Istati Membri kkonċernati għandhom jassiguraw li ssir pubbliċità addattata għall-għajnuna mogħtija skont dan ir-Regolament sabiex il-pubbliku jiġi mgħarraf bir-rwol tal-Unjoni fl-implimentazzjoni tal-proġetti.

1. Il-benefiċjarji u, fejn hu xieraq, l-Istati Membri kkonċernati għandhom jassiguraw li ssir pubbliċità addattata, u li tiġi applikata trasparenza, għall-għajnuna mogħtija skont dan ir-Regolament sabiex il-pubbliku jiġi mgħarraf bir-rwol tal-Unjoni fl-implimentazzjoni tal-proġetti.

Emenda 119

Proposta għal regolament

Artikolu 27 – paragrafu 2

Test propost mill-Kummissjoni

Emenda

2. Il-Kummissjoni għandha timplimenta azzjonijiet ta’ informazzjoni u ta' komunikazzjoni dwar il-proġetti u r-riżultati tal-Faċilità Nikkollegaw l-Ewropa. Barra minn hekk, il-baġit allokat għall-komunikazzjoni taħt dan ir-Regolament għandu jkopri wkoll il-komunikazzjoni korporattiva dwar il-prijoritajiet tal-politiki tal-Unjoni.

2. Il-Kummissjoni għandha timplimenta azzjonijiet ta’ informazzjoni u ta' komunikazzjoni dwar il-proġetti u r-riżultati tal-Faċilità Nikkollegaw l-Ewropa.

Emenda 120

Proposta għal regolament

Annex – Taqsima I – punt a – Prijoritajiet orizzontali