RAPPORT dwar il-kompożizzjoni tal-Parlament Ewropew fid-dawl tal-elezzjonijiet tal‑2014

25.2.2013 - (2012/2309(INI))

Kumitat għall-Affarijiet Kostituzzjonali
Rapporteurs: Roberto Gualtieri u Rafał Trzaskowski

MOZZJONI GĦAL RIŻOLUZZJONI TAL-PARLAMENT EWROPEW

dwar il-kompożizzjoni tal-Parlament Ewropew fid-dawl tal-elezzjonijiet tal-2014

(2012/2309(INI))

Il-Parlament Ewropew,

–   wara li kkunsidra l-Artikolu 14(2) tat-Trattat dwar l-Unjoni Ewropea (TUE),

–   wara li kkunsidra l-Protokoll Nru 36 dwar id-dispożizzjonijiet transitorji,

–   wara li kkunsidra t-Trattat rigward l-adeżjoni tar-Repubblika tal-Kroazja fl-Unjoni Ewropea,

–   wara li kkunsidra l-Artikoli 41, 48 u 74f tar-Regoli ta' Proċedura tiegħu,

–   wara li kkunsidra r-riżoluzzjoni tiegħu tal-11 ta' Ottubru 2007 dwar il-kompożizzjoni tal-Parlament Ewropew[1],

–   wara li kkunsidra r-rapport tal-Kumitat għall-Affarijiet Kostituzzjonali (A7-0041/2013),

A. billi l-Artikolu 2(1) u (2) tal-Protokoll Nru 36 se jiskadi fl-aħħar tal-leġislatura 2009-2014,

B.  billi r-Repubblika tal-Kroazja hi mistennija taderixxi mal-Unjoni qabel l-elezzjonijiet tal-Parlament Ewropew li huma mistennija li jsiru fir-rebbiegħa tal-2014, u billi l-Artikolu 19(1) tal-Att rigward il-kundizzjonijiet tal-adeżjoni tar-Repubblika tal-Kroazja u l-aġġustamenti għat-Trattat dwar l-Unjoni Ewropea, it-Trattat dwar il-Funzjonament tal-Unjoni Ewropea u t-Trattat li jistabbilixxi l-Komunità Ewropea tal-Enerġija Atomika se jiskadi fl-aħħar tal-leġislatura 2009-2014,

C. billi l-bidliet demografiċi li seħħew sa mill-aħħar elezzjonijiet għall-Parlament Ewropew għandhom jiġu kkunsidrati,

D. billi t-twaqqif ta' sistema sostenibbli għat-tqassim ta' siġġijiet fil-Parlament Ewropew għandu jiġi kkunsidrat flimkien ma' reviżjoni tas-sistema ta' votazzjoni fil-Kunsill bħala parti minn riforma ġenerali tal-istituzzjonijiet tal-Unjoni li għandha tiġi definita f'Konvenzjoni, konvokata skont l-Artikolu 48(3) TUE, u billi tali riforma għandha tirrikonoxxi li, skont it-Trattati, il-bażi għad-demokrazija tal-Unjoni hi r-rappreżentanza kemm taċ-ċittadini kif ukoll tal-Istati Membri;

E. billi t-tqassim ta' siġġijiet għal-leġislatura li jmiss ma għandux ikun arbitrarju iżda minflok għandu jkun ibbażat fuq kriterji oġġettivi li għandhom jiġu applikati b'mod prammatiku u billi tali tqassim għandu jikkumpensa għal gwadann fin-numru ta' siġġijiet permezz ta' telf b'tali mod li t-telf ikun limitat għal massimu ta' siġġu wieħed għal kull Stat Membru;

1.  Iressaq lill-Kunsill Ewropew il-proposta għal deċiżjoni annessa tal-Kunsill Ewropew li tistabbilixxi l-kompożizzjoni tal-Parlament Ewropew għal-leġislatura 2014‑2019, abbażi tad-dritt ta' inizjattiva tiegħu stabbilit fl-Artikolu 14(2) tat-TUE;

2.  Jenfasizza l-bżonn urġenti li dik id-deċiżjoni tiġi adottata, li jirrikjedi l-approvazzjoni tiegħu, hekk kif it-Trattat rigward l-adeżjoni tar-Repubblika tal-Kroazja mal-Unjoni Ewropea tidħol fis-seħħ, biex ikun possibbli li l-Istati Membri japprovaw, fi żmien utli, id-dispożizzjonijiet interni meħtieġa għall-organizzazzjoni tal-elezzjonijiet għall-Parlament Ewropew għal-leġislatura 20014-2019;

3.  Jimpenja ruħu li fi żmien qasir iressaq proposta bl-għan li ttejjeb l-arranġamenti prattiċi biex isiru l-elezzjonijiet fl-2014;

4.  Jintrabat li jressaq, qabel l-aħħar tas-sena 2015, proposta għal deċiżjoni ġdida tal-Kunsill Ewropew bl-għan li tiġi stabbilita, kemm jista' jkun qabel il-bidu tal-leġislatura 2019-2024, sistema sostenibbli u trasparenti li fil-futur, qabel kull elezzjoni għall-Parlament Ewropew, tippermetti li s-siġġijiet jitqassmu bejn l-Istati Membri b'mod oġġettiv, abbażi tal-prinċipju ta' proporzjonalità digressiva kif stabbilit fl-Artikolu 1 tal-proposta għal deċiżjoni annessa, b'kunsiderazzjoni xierqa taż-żieda eventwali tan-numru tagħhom u tal-andamenti demografiċi fil-popolazzjonijiet tagħhom, u mingħajr ma tiġi eskluża l-possibilità li jiġu riservati numru ta' siġġijiet għall-membri eletti fuq listi transnazzjonali;

5.  Josserva li s-sistema l-ġdida tat-tqassim ta' siġġijiet fil-Parlament Ewropew għandha tiġi stabbilita flimkien ma' reviżjoni tas-sistema tal-votazzjoni fil-Kunsill bħala parti mir-reviżjoni neċessarja tat-Trattati; jiddetermina li jagħmel proposti għal dan il-għan fil-Konvenzjoni li jmiss li għandha tiġi konvokata skont l-Artikolu 48(3) tat-TUE;

6.  Jagħti istruzzjonijiet lill-President tiegħu biex iressaq din ir-riżoluzzjoni u l-proposta għal deċiżjoni tal-Kunsill Ewropew fl-anness mehmuż, flimkien mar-rapport imsemmi tal-Kumitat għall-Affarijiet Kostituzzjonali tiegħu, lill-Kunsill Ewropew u lill-gvern u l-parlament tar-Repubblika tal-Kroazja, u, għall-informazzjoni, lill-Kummissjoni u lill-gvernijiet u l-parlamenti tal-Istati Membri.

• [1]  ĠU C 227 E, 4.9.2008, p. 132 (Rapport Lamassoure-Severin).

ANNESS GĦALL-MOZZJONI GĦAL RIŻOLUZZJONI TAL-PARLAMENT EWROPEW

Proposta għal deċiżjoni tal-Kunsill Ewropew li tistabbilixxi l-kompożizzjoni tal-Parlament Ewropew

IL-KUNSILL EWROPEW,

wara li kkunsidra t-Trattat dwar l-Unjoni Ewropea, b’mod partikolari l-Artikolu 14(2) tiegħu,

wara li kkunsidra l-Artikolu 2(3) tal-Protokoll Nru 36 dwar id-dispożizzjonijiet transitorji,

wara li kkunsidra l-inizjattiva tal-Parlament Ewropew,

wara li kkunsidra l-approvazzjoni tal-Parlament Ewropew,

Billi:

(1) L-Artikolu 2(1) u (2) tal-Protokoll Nru 36 dwar id-dispożizzjonijiet transitorji se jiskadu sal-aħħar leġislatura 2009-2014,

(2) L-Artikolu 19(1) tal-Att li jikkonċerna l-kundizzjonijiet tal-adeżjoni tar-Repubblika tal-Kroazja u l-aġġustamenti għat-Trattat dwar l-Unjoni Ewropea (TUE), it-Trattat dwar il-Funzjonament tal-Unjoni Ewropea u t-Trattat li jistabbilixxi l-Komunità Ewropea tal-Enerġija Atomika se jiskadi sal-aħħar tal-leġislatura 2009-2014.

(3) Huwa neċessarju li jkun hemm konformità mingħajr dewmien mad-dispożizzjonijiet tal-Artikolu 2(3) tal-Protokoll Nru 36 u għalhekk li tiġi adottata d-deċiżjoni prevista fit-tieni subparagrafu tal-Artikolu 14(2) tat-Trattat dwar l-Unjoni Ewropea, sabiex l-Istati Membri jkunu jistgħu jadottatw il-miżuri interni neċessarji fi żmien xieraq biex isiru l-elezzjonijiet tal-Parlament Ewropew għal-leġislatura 2009-2014;

(4) Din id-Deċiżjoni hi konformi mal-kriterji stabbiliti fl-ewwel subparagrafu tal-Artikolu 14(2) tat-Trattat dwar l-Unjoni Ewropea, partikolarment li n-numru tar-rappreżentanti taċ-ċittadini tal-Unjoni Ewropea ma jisboqx is-seba' mija u ħamsin, inkluż il-President, liema rappreżentanza għandha tkun proporzjonalment digressiva, b'limitu ta' sitt membri għal kull Stat Membru u l-ebda Stat Membru ma għandu jiġi allokat iktar minn sitta u disgħin siġġu,

ADOTTA DIN ID-DEĊIŻJONI:

Artikolu 1

Fl-applikazzjoni tal-prinċipju ta' proporzjonalità digressiva stabbilita fl-ewwel subparagrafu tal-Artikolu 14(2) tat-TUE, il-prinċipji li ġejjin għandhom jiġu rispettati:

–    l-allokazzjoni ta' siġġijiet fil-Parlament Ewropew għandha tuża b'mod sħiħ in-numru minimu u massimu stabbilit mit-Trattat biex jirrifletti kemm jista' jkun possibbli d-daqs tal-popolazzjonijiet rispettivi tal-Istati Membri;

–   il-proporzjon bejn il-popolazzjoni u n-numru ta' siġġijiet ta' kull Stat Membru qabel ma n-numru deċimali jitqarreb lejn numru sħiħ għandu jvarja skont il-popolazzjoni rispettiva tagħhom b'tali mod li kull Membru tal-Parlament Ewropew minn Stat Membru b'popolazzjoni akbar jirrappreżenta iktar ċittadini minn kull Membru ta' Stat Membru b'popolazzjoni żgħira u, bil-maqlub, ikbar ma tkun il-popolazzjoni ta' Stat Membru, akbar ikun id-dritt tiegħu għal numru akbar ta' siġġijiet;

Artikolu 2

      Il-popolazzjoni totali tal-Istati Membri għandha tiġi kkalkolata mill-Kummissjoni (Eurostat) abbażi tad-data pprovduta mill-Istati Membri, skont il-metodu stabbilit permezz ta' regolament tal-Parlament Ewropew u tal-Kunsill.

Artikolu 3

Skont l-Artikolu 1, in-numru ta' rappreżentanti fil-Parlament Ewropew eletti f'kull Stat Membru għaldaqstant huwa stabbilit kif ġej, b'effett mill-bidu tal-leġisatura 2014-2019:

Belġju	21
Bulgarija	17
Repubblika Ċeka	21
Danimarka	13
Ġermanja	96
Estonja	6
Irlanda	11
Ġreċja	21
Spanja	54
Franza	74
Kroazja	11
Italja	73
Ċipru	6
Latvja	8
Litwanja	11
Lussemburgu	6
Ungerija	21
Malta	6
Pajjiżi Baxxi	26
Awstrija	18
Polonja	51
Portugall	21
Rumanija	32
Slovenja	8
Slovakkja	13
Finlandja	13
Svezja	20
Renju Unit	73

Artikolu 4

Din id-deċiżjoni għandha tkun riveduta fi żmien biżżejjed qabel il-bidu tal-leġislatura 2019-2024 bil-għan li tiġi stabbilita sistema li fil-ġejjieni tagħmilha possibbli, qabel kull elezzjoni ġdida tal-Parlament Ewropew, li jiġu allokati s-siġġijiet bejn l-Istati Membri b'mod oġġettiv, ġust, dejjiemi u trasparenti, abbażi tal-prinċipju ta' proporzjonalità digressiva kif stabbilit fl-Artikolu 1, b'kunsiderazzjoni xierqa ta' kwalunkwe bidla fin-numru tagħhom u tal-andamenti demografiċi fil-popolazzjonijiet tagħhom, kif stabbilit b'mod xieraq, kif ukoll b'kunisderazzjoni tas-sistema ta' votazzjoni fil-Kunsill.

Artikolu 5

Din id-deċiżjoni tidħol fis-seħħ l-għada tal-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Magħmul fi ...

Għall-Kunsill Ewropew

Il-President

.

NOTA SPJEGATTIVA

Meta tibda l-leġislatura l-ġdida fl-2014, id-deroga attwali mill-Artikolu 14(2) tat-Trattat dwar l-Unjoni Ewropea (TUE) se tiskadi u l-Parlament Ewropew se jkun magħmul minn 751 Membru (750, u l-President). In-numru attwali ta' siġġijiet hu 754: 736, għal Membri eletti skont it-Trattat ta' Nizza, li kien fis-seħħ fiż-żmien tal-elezzjonijiet tal-2009; flimkien ma' 18 għal Membri maħtura skont it-Trattat ta' Lisbona permezz tal-emenda tal-Artikolu 2 tal-Protokoll Nru 36 dwar id-dispożizzjonijiet transitorji, li stabbiliet deroga temporanja għall-Artikolu 14(2) tat-TUE (li jispeċifika li l-ebda Stat Membru ma għandu jiġi allokat aktar minn 96 siġġu) biex tippermetti il-permanenza sal-2014 tad-99 siġġu allokati għall-Ġermanja skont it-Trattat ta' Nizza.

Meta t-trattat ta' adeżjoni tagħha jidħol fi-seħħ, il-Kroazja se tkun allokata 12-il siġġu fil-Parlament (attwalment għandha 12-il osservatur), skont l-Artikolu 19(1) tal-Att ta' Adeżjoni, li jemenda wkoll l-Artikolu 2 tal-Protokoll Nru 36, u dan jirriżulta f'żieda temporanja fin-numru totali ta' siġġijiet għal 766.

B'konsegwenza ta' dan, ikun hemm bżonn li n-numru totali ta' siġġijiet jonqos bi 15 sabiex ikun konformi man-numru stabbilit mid-dispożizzjonijiet tat-Trattat (751). Hemm bżonn li tlieta minn dawn il-15 jitneħħew mill-kwota tal-Ġermanja, li minn 99 se tinżel għal-limitu tat-Trattat ta' 96. Hemm bżonn li jinstabu t-12 l-oħrajn billi jitnaqqas siġġu jew aktar minn massimu ta' 12 mill-24 Stat Membru (inkluża l-Kroazja) li għandhom aktar mill-minimu tal-limitu tat-Trattat ta' 6 siġġijiet (l-Istati Membri b'6 siġġijiet attwalment huma:Malta, il-Lussemburgu, Ċipru u l-Estonja) Id-deċiżjoni li tistabbilixxi l-kompożizzjoni tal-Parlament il-ġdid hemm mnejn li jkollha bżonn ukoll tistabbilixxi ridistribuzzjoni usa' ta' siġġijiet biex tqis kwalunkwe bidla fil-popolazzjonijiet tal-Istati Membri u/jew biex ittejjeb l-interpretazzjoni u l-implimentazzjoni tal-prinċipju ta' proporzjonalità digressiva tat-Trattat.

Skont l-Artikolu 14(2) tat-TUE, il-kompożizzjoni tal-Parlament il-ġdid trid tiġi stabbilita minn deċiżjoni tal-Kunsill Ewropew adottata b'mod unanimu fuq l-inizjattiva tal-Parlament Ewropew u bl-approvazzjoni tiegħu. Għaldaqstant il-Parlament għandu r-responsabbiltà li jressaq proposta lill-Kunsill Ewropew.

Il-proposta mressqa mir-rapporteurs hija bbażata fuq il-kunsiderazzjonijiet li ġejjin.

L-Artikolu 14(2) tat-TUE jiddikjara li r-rappreżentanza taċ-ċittadini fil-PE trid tkun digressivament proporzjonali. Skont ir-rapport Lamassoure-Severin, proporzjonalità digressiva tfisser dan li ġej: (1) in-numru minimu u massimu stabbilit mit-Trattat 'għandu jkun użat b'mod sħiħ, biex ikun żgurat li l-allokazzjoni ta' siġġijiet tal-Parlament Ewropew tirrifletti kemm jista' jkun possibbli l-firxa ta' popolazzjonijiet tal-Istati Membri'; (2) 'ikbar ma tkun il-popolazzjoni ta' pajjiż, akbar ikun id-dritt tiegħu għal numru akbar ta' siġġijiet'; u (3) 'ikbar ma tkun il-popolazzjoni ta' pajjiż, ikbar ikun in-numru ta' abitanti li kull Membru Parlamentari Ewropew jirrappreżenta'. Din id-definizzjoni tistabbilixxi prinċipju ġenerali u mhux kriterju matematiku. Ma tistax tiġi rispettata b'mod sħiħ fir-rigward tat-tieni prinċipju (li, jekk jitqies b'mod letterali, ma jippermettix li żewġ Stati Membri b'popolazzjoni differenti jkollhom l-istess numru ta' siġġijiet). Madankollu, jista' jiġi implimentat b'modi differenti u ma jwassalx għal riżultat uniku. Fi kwalunkwe każ, l-arranġamenti tal-allokazzjoni attwali ta' siġġijiet għal uħud mill-Istati Membri mhumiex jirrispettaw it-tielet prinċipju, hekk kif jidher fit-Tabella 1 tal-Anness I. Għaldaqstant, l-ewwel kriterju tagħna għandu jkun li kemm jista' jkun nirrispettaw il-proporzjonalità digressiva. Iżda liema wieħed mill-metodi differenti għandu jintgħażel?

Riallokazzjonijiet preċedenti ta' siġġijiet waslu sal-limitu tad-digressività tad-distribuzzjoni ta' siġġijiet, b'hekk il-proporzjoni ta' bejn il-popolazzjoni u s-siġġijiet żdied b'mod konsiderevoli għal Stati Membri akbar meta mqabbla ma' dawk ta' daqs medju (ara l-Anness II), u dan jindika l-bżonn għal indirizzar mill-ġdid ta' din it-tendenza. Barra minn hekk, l-ewwel prinċipju tar-rapport Lamassoure-Severin (li jsir użu sħiħ tal-limiti stabbiliti mit-Trattat) jagħmilha impossibbli li jkun hemm tnaqqis ulterjuri fin-numru ta' siġġijiet allokati għall-Ġermanja taħt il-limitu ta' 96, li jkun politikament kontroproduċenti għall-Parlament Ewropew kollu, minħabba l-opinjoni kritika magħrufa tajjeb tal-Qorti Kostituzzjonali Ġermaniża fir-rigward tal-proporzjonalità digressiva. Dan awtomatikament jeskludi kwalunkwe tnaqqis fin-numru ta' siġġijiet għal Stati Membri kbar, u min-naħa l-oħra jwassal loġikament għal żieda, tal-anqas għal uħud minnhom.

Fl-aħħar Konvenzjoni, il-Parlament Ewropew ippropona l-metodu 'proporzjoni fissa (fix-prop)', li ġie żviluppat dan l-aħħar taħt l-isem 'kompromess ta' Cambridge': sitt siġġijiet jiġu allokati għall-Istati Membri kollha, u l-oħrajn jitqassmu fuq bażi ta' proporzjonalità (ara l-Anness I, Tabella 4). Bħala l-aktar mekkaniżmu 'proporzjonali' li jirrispetta l-proporzjonalità digressiva, il-'proporzjoni fissa (fix-prop)' jista' jnaqqas b'mod konsiderevoli l-kritika tal-Qorti Kostituzzjonali Ġermaniża (b'mod speċjali jekk ikkombinat ma' reviżjoni tat-Trattat li tabolixxi l-ogħla limitu ta' 96). Madankollu, l-implimentazzjoni tiegħu tista' tagħti bidu għal riallokazzjoni trawmatika ta' siġġijiet, b'telf kbir għal Stati Membri ta' daqs medju u żgħar u żidiet akbar għall-pajjiżi l-kbar. Barra minn hekk, in-nuqqas ta' abolizzjoni tal-ogħla limitu ta' 96 jista' jiddiskrimina kontra l-Ġermanja fost l-Istati Membri l-kbar, filwaqt li jintroduċi żieda kbira tal-proporzjoni bejn il-popolazzjoni u s-siġġijiet bejn Franza u l-Ġermanja.

Fost il-formuli matematiċi varji possibbli għall-implimentazzjoni tal-prinċipju ta' proporzjonalità digressiva[1], il-metodu 'paraboliku' huwa wieħed mill-aktar digressivi (ara l-Anness I, Tabella 3). Jista' jkun, fuq medda itwal ta’ żmien, li dan il-metodu jintuża bħala parametru fin-nuqqas ta' bidla tat-trattat, iżda r-ridistribuzzjoni kkontemplata f'dan il-mudell tkun drastika wisq biex tkun politikament sostenibbli f'fażi unika.

Għaldaqstant ir-rapporteurs jipproponu soluzzjoni prammatika, ibbażata fuq kriterju differenti, notevolment li jitnaqqas it-telf ta' siġġijiet minn Stati Membri, filwaqt li fl-istess ħin tiġi rispettata kemm jista' jkun il-proporzjonalità digressiva, skont il-prinċipju li 'ħadd ma jiggwadanja, ħadd ma jitlef aktar minn wieħed' (ara l-Anness I, Tabella 1). Din is-soluzzjoni prammatika tista' tinkiseb b'approċċ ta' żewġ fażijiet. L-ewwel fażi (ara l-Anness I, Tabella 2) hija riallokazzjoni kompletament konformi mat-tliet prinċipji ta' proporzjonalità digressiva u, fl-istess ħin, tinvolvi l-inqas bidla possibbli fin-numru ta' siġġijiet. Dan jirriżulta f'telf ta' siġġijiet għal 13-il Stat Membru, u tnejn jitilfu 3 siġġijiet (l-Ungerija u l-Litwanja), sitta jitilfu 2 (ir-Rumanija, il-Greċja, il-Belġju, il-Portugall, ir-Repubblika Ċeka u l-Latvja), u ħamsa jitilfu wieħed (l-Isvezja, il-Bulgarija, l-Irlanda, il-Kroazja u s-Slovenja). Min-naħa l-oħra, Franza tikseb 4 siġġijiet, ir-Renju Unit u Spanja 3 u l-Italja 1. It-tieni fażi tikkonsisti fil-kumpens politiku bejn il-gwadann (11-il siġġu) u t-telf ta' aktar minn siġġu wieħed (10 siġġijiet). Is-siġġu addizzjonali miżmum jiġi allokat għas-Slovenja (li għalhekk iżżomm it-8 siġġijiet tagħha) bħala l-iżgħar pajjiż fost it-telliefa fl-ewwel fażi. Ir-riżultat huwa l-"minimizzazzjoni tat-telf" imsemmi hawn fuq, bi tnax il-Stat Membru biss jitilfu wieħed kull wieħed u l-ebda Stat Membru ma jkollu żieda fin-numru ta' siġġijiet. Ovvjament, din id-'deroga ta' gwadann' tfisser li t-tielet prinċipju ta' proporzjonalità digressiva ma jiġix rispettat bi sħiħ, imma r-riżultat huwa bbażat fuq loġika politika ċara. Barra minn hekk, din is-soluzzjoni hija ferm eqreb il-konformità mar-regola tal-proporzjonalità digressiva minn kwalunkwe oħra bbażata fuq il-mudell 'ħadd ma jiggwadanja u ħadd ma jitlef aktar minn wieħed' (eż. billi jitnaqqsu 12-il siġġu, wieħed minn kull pajjiż li "kiseb" mill-aħħar riallokazzjoni).

Ir-rapporteurs jemmnu li, fiċ-ċirkostanzi preżenti u abbażi tal-proċedura tat-teħid ta' deċiżjoni attwali f'dan il-qasam, is-soluzzjoni proposta hija dik li l-aktar li għandha mnejn tiggwadanja maġġoranza fil-Parlament u uninimità fil-Kunsill filwaqt li tirrispetta kemm jista' jkun il-proporzjonalità digressiva.

Jista' jsir tentattiv ġdid biex tinkiseb sistema aktar permanenti, ibbażata fuq kriterji oġġettivi aċċettabbli għall-entitajiet interessati kollha, f'għamla ta' inizjattiva ġdida tal-Parlament fi żmien adegwat għall-elezzjonijiet ta' wara fl-2019. Flimkien ma' dan, metodu aktar xieraq biex jiġi kkalkolat id-daqs tal-elettorat ta' kull Stat Membru jista' jiġi stabbilit f'regolament speċifiku li jiġi adottat skont il-proċedura leġiżlattiva ordinarja.

Annessi:

I.    Tabelli li jiddiskrivu l-effetti tal-metodi ta' kalkolu differenti.

II.   Kuntest storiku

• [1]  Għall-analiżi u d-deskrizzjoni tal-formuli matematiċi varji, ara l-Ħarġa Speċjali tax-'Xjenzi soċjali matematiċi", 63 (2012), pp. 65-191, speċjalment it-Tabella 2 f'p. 100.

ANNESS I

TABELLA 1: SOLUZZJONI PRAMMATIKA
Stati Membri	Popolazzjoni*	Siġġijiet (allokazzjoni attwali)	Proporzjon pop./siġġijiet	Siġġijiet (allokazzjoni ġdida)	Differenza	Proporzjon pop./siġġijiet (allokazzjoni ġdida)
Ġermanja	81843743	99	826704	96	3 inqas	852539
Franza	65397912	74	883756	74		883756
Renju Unit	62989550	73	862871	73		862871
Italja	60820764	73	833161	73		833161
Spanja	46196276	54	855487	54		855487
Polonja	38538447	51	755656	51		755656
Rumanija	21355849	33	647147	32	1 inqas	667370
Pajjiżi Baxxi	16730348	26	643475	26		643475
Ġreċja	11290935	22	513224	21	1 inqas	537664
Belġju	11041266	22	501876	21	1 inqas	525775
Portugall	10541840	22	479175	21	1 inqas	501992
Repubblika Ċeka	10505445	22	477520	21	1 inqas	500259
Ungerija	9957731	22	452624	21	1 inqas	474178
Svezja	9482855	20	474143	19	1 inqas	499098
Awstrija	8443018	19	444369	19		444369
Bulgarija	7327224	18	407068	17	1 inqas	431013
Danimarka	5580516	13	429270	13		429270
Slovakkja	5404322	13	415717	13		415717
Finlandja	5401267	13	415482	13		415482
Irlanda	4582769	12	381897	11	1 inqas	416615
Kroazja	4398150	12	366513	11	1 inqas	399832
Litwanja	3007758	12	250647	11	1 inqas	273433
Slovenja	2055496	8	256937	8		256937
Latvja	2041763	9	226863	8	1 inqas	255220
Estonja	1339662	6	223277	6		223277
Ċipru	862011	6	143669	6		143669
Lussemburgu	524853	6	87476	6		87476
Malta	416110	6	69352	6		69352
TOTALI		766		751

* mill-1 ta' Jannar 2012

TABELLA 2: SOLUZZJONI PRAMMATIKA - iż-żewġ fażijiet
Stati Membri	Popolazzjoni*	Siġġijiet (l-1 fażi)	Differenza	Proporzjon pop./siġġijiet (l-1 fażi)	Siġġijiet (it-2 fażi)	Differenza	Proporzjon pop./siġġijiet (it-2 fażi)
Ġermanja	81843743	96	3 inqas	852539	96	3 inqas	852539
Franza	65397912	78	4 iktar	838435	74		883756
Renju Unit	62989550	76	3 iktar	828810	73		862871
Italja	60820764	74	1 iktar	821902	73		833161
Spanja	46196276	57	3 iktar	810461	54		855487
Polonja	38538447	51		755656	51		755656
Rumanija	21355849	31	2 inqas	688898	32	1 inqas	667370
Pajjiżi Baxxi	16730348	26		643475	26		643475
Ġreċja	11290935	20	2 inqas	564547	21	1 inqas	537664
Belġju	11041266	20	2 inqas	552063	21	1 inqas	525775
Portugall	10541840	20	2 inqas	527092	21	1 inqas	501992
Repubblika Ċeka	10505445	20	2 inqas	525272	21	1 inqas	500259
Ungerija	9957731	19	3 inqas	524091	21	1 inqas	474178
Svezja	9482855	19	1 inqas	499098	19	1 inqas	499098
Awstrija	8443018	19		444369	19		444369
Bulgarija	7327224	17	1 inqas	431013	17	1 inqas	431013
Danimarka	5580516	13		429270	13		429270
Slovakkja	5404322	13		415717	13		415717
Finlandja	5401267	13		415482	13		415482
Irlanda	4582769	11	1 inqas	416615	11	1 inqas	416615
Kroazja	4398150	11	1 inqas	399832	11	1 inqas	399832
Litwanja	3007758	9	3 inqas	334195	11	1 inqas	273433
Slovenja	2055496	7	1 inqas	293642	8		256937
Latvja	2041763	7	2 inqas	291680	8	1 inqas	255220
Estonja	1339662	6		223277	6		223277
Ċipru	862011	6		143669	6		143669
Lussemburgu	524853	6		87476	6		87476
Malta	416110	6		69352	6		69352
TOTALI		751			751

* mill-1 ta' Jannar 2012

TABELLA 3: FORMULA PARABOLIKA
Stati Membri	Popolazzjoni*0	Siġġijiet	Differenza	Proporzjon popolazzjoni/siġġijiet
Ġermanja	81843743	96	3 inqas	852539
Franza	65397912	80	6 iktar	817474
Renju Unit	62989550	78	5 iktar	807558
Italja	60820764	75	2 iktar	810944
Spanja	46196276	60	6 iktar	769938
Polonja	38538447	51		755656
Rumanija	21355849	32	1 inqas	667370
Pajjiżi Baxxi	16730348	26		643475
Ġreċja	11290935	20	2 inqas	564547
Belġju	11041266	19	3 inqas	581119
Portugall	10541840	19	3 inqas	554834
Repubblika Ċeka	10505445	19	3 inqas	552918
Ungerija	9957731	18	4 inqas	553207
Svezja	9482855	17	3 inqas	557815
Awstrija	8443018	16	3 inqas	527689
Bulgarija	7327224	15	3 inqas	488482
Danimarka	5580516	13		429270
Slovakkja	5404322	12	1 inqas	450360
Finlandja	5401267	12	1 inqas	450106
Irlanda	4582769	11	1 inqas	416615
Kroazja	4398150	11	1 inqas	399832
Litwanja	3007758	9	3 inqas	334195
Slovenja	2055496	8		256937
Latvja	2041763	8	1 inqas	255220
Estonja	1339662	7	1 iktar	191380
Ċipru	862011	7	1 iktar	123144
Lussemburgu	524853	6		87476
Malta	416110	6		69352
TOTALI		751

* mill-1 ta' Jannar 2012

TABELLA 4: "FIX-PROP" - KOMPROMESS TA' CAMBRIDGE
Stati Membri	Popolazzjoni*	Siġġijiet	Differenza	Proporzjon popolazzjoni/siġġijiet
Ġermanja	81751602	96	3 inqas	851579
Franza	65048412	83	9 iktar	783716
Renju Unit	62435709	80	7 iktar	780446
Italja	60626442	78	5 iktar	777262
Spanja	46152926	61	7 iktar	756605
Polonja	38200037	51		749020
Rumanija	21413815	31	2 inqas	690768
Pajjiżi Baxxi	16655799	25	1 inqas	666232
Ġreċja	11309885	19	3 inqas	595257
Belġju	10951665	18	4 inqas	608426
Portugall	10636979	18	4 inqas	590943
Repubblika Ċeka	10532770	18	4 inqas	585154
Ungerija	9985722	17	5 inqas	587395
Svezja	9415570	17	3 inqas	553857
Awstrija	8404252	16	3 inqas	525266
Bulgarija	7504868	15	3 inqas	500325
Danimarka	5560628	12	1 inqas	463386
Slovakkja	5435273	12	1 inqas	452939
Finlandja	5375276	12	1 inqas	447940
Irlanda	4480858	11	1 inqas	407351
Kroazja	4412137	11	1 inqas	401103
Litwanja	3244601	9	3 inqas	360511
Slovenja	2229641	8	1 inqas	278705
Latvja	2050189	8		256274
Estonja	1340194	7	1 iktar	191456
Ċipru	804435	6		134073
Lussemburgu	511840	6		85307
Malta	417617	6		69603
TOTALI		751
*kalkolu bbażat fuq id-data tal-popolazzjoni tal-2011

ANNESS I

TABELLA 1: 1979
Stati Membri	Popolazzjoni	Siġġijiet	Proporzjon popolazzjoni/siġġijiet
Ġermanja	61.321.663	81	757058
Franza	53.481.073	81	660260
Renju Unit	56.209.039	81	693939
Italja	56.247.017	81	694408
Pajjiżi Baxxi	13.985.526	25	559421
Belġju	9.841.654	24	410069
Danimarka	5.111.537	16	319471
Irlanda	3.354.700	15	223647
Lussemburgu	362.261	6	60377
TOTALI		410

TABELLA 2: 1986
Stati Membri	Popolazzjoni	Siġġijiet	Proporzjon popolazzjoni/siġġijiet
Ġermanja	61.020.474	81	753339
Franza	55.411.238	81	684089
Renju Unit	56.618.895	81	698999
Italja	56.597.823	81	698739
Spanja	38.484.642	60	641411
Pajjiżi Baxxi	14.529.430	25	581177
Portugall	10.030.621	24	417943
Ġreċja	9.949.100	24	414546
Belġju	9.858.895	24	410787
Danimarka	5.116.273	16	319767
Irlanda	3.534.117	15	235608
Lussemburgu	367.210	6	61202
TOTALI		518

TABELLA 3: 1995
Stati Membri	Popolazzjoni	Siġġijiet	Proporzjon popolazzjoni/siġġijiet
Ġermanja	81538603	99	823622
Franza	59315139	87	681783
Renju Unit	57943472	87	666017
Italja	56844408	87	653384
Spanja	39343100	64	614736
Pajjiżi Baxxi	15424122	31	497552
Ġreċja	10595074	25	423803
Belġju	10130574	25	405223
Portugall	10017571	25	400703
Svezja	8816381	22	400745
Awstrija	7943489	21	378261
Danimarka	5215718	16	325982
Finlandja	5098754	16	318672
Irlanda	3597617	15	239841
Lussemburgu	405650	6	67608
TOTALI		626

TABELLA 4: 2004
Stati Membri	Popolazzjoni	Siġġijiet	Proporzjon popolazzjoni/siġġijiet
Ġermanja	81751602	99	825774
Franza	65048412	78	833954
Renju Unit	62435709	78	800458
Italja	60626442	78	777262
Spanja	46152926	54	854684
Polonja	38200037	54	707408
Pajjiżi Baxxi	16655799	27	616881
Ġreċja	11309885	24	471245
Belġju	10951665	24	456319
Portugall	10636979	24	443207
Repubblika Ċeka	10532770	24	438865
Ungerija	9985722	24	416072
Svezja	9415570	19	495556
Awstrija	8404252	18	466903
Danimarka	5560628	14	397188
Slovakkja	5435273	14	388234
Finlandja	5375276	14	383948
Irlanda	4480858	13	344681
Litwanja	3244601	13	249585
Latvja	2229641	9	247738
Slovenja	2050189	7	292884
Estonja	1340194	6	223366
Ċipru	804435	6	134073
Lussemburgu	511840	6	85307
Malta	417617	5	83523
TOTALI		732

TABELLA 5: 2009
Stati Membri	Popolazzjoni	Siġġijiet	Proporzjon popolazzjoni/siġġijiet
Ġermanja	82002356	99	828307
Franza	64350226	72	893753
Renju Unit	60045068	72	833959
Italja	61595091	72	855487
Spanja	45828172	50	916563
Polonja	38135876	50	762718
Rumanija	21498616	33	651473
Pajjiżi Baxxi	16485787	25	659431
Ġreċja	10753080	22	488776
Belġju	11260402	22	511836
Portugall	10627250	22	483057
Repubblika Ċeka	10467542	22	475797
Ungerija	10030975	22	455953
Svezja	9256347	18	514242
Awstrija	8355260	17	491486
Bulgarija	7606551	17	447444
Danimarka	5511451	13	423958
Slovakkja	5326314	13	409716
Finlandja	5412254	13	416327
Irlanda	4450030	12	370836
Litwanja	3349872	12	279156
Latvja	2261294	8	282662
Slovenja	2032362	7	290337
Estonja	493500	6	82250
Ċipru	1340415	6	223403
Lussemburgu	796875	6	132813
Malta	413609	5	82722
TOTALI		736

TABELLA 6: 2009 u 18-IL MEMBRU TAL-PE AKTAR
Stati Membri	Popolazzjoni	Siġġijiet			Differenza		Proporzjon popolazzjoni/siġġijiet
Ġermanja	82002356	99					828307
Franza	64350226	74			2 iktar		869598
Renju Unit	60045068	73			1 iktar		822535
Italja	61595091	73			1 iktar		843768
Spanja	45828172	54			4 iktar		848670
Polonja	38135876	51			1 iktar		747762
Rumanija	21498616	33					651473
Pajjiżi Baxxi	16485787	26					634069
Ġreċja	10753080	22			1 iktar		488776
Belġju	11260402	22					511836
Portugall	10627250	22					483057
Repubblika Ċeka	10467542	22					475797
Ungerija	10030975	22					455953
Svezja	9256347	20			2 iktar		462817
Awstrija	8355260	19			2 iktar		439751
Bulgarija	7606551	18			1 iktar		422586
Danimarka	5511451	13					423958
Slovakkja	5326314	13					409716
Finlandja	5412254	13					416327
Irlanda	4450030	12					370836
Litwanja	3349872	12					279156
Latvja	2261294	9			1 iktar		251255
Slovenja	2032362	8			1 iktar		254045
Estonja	493500	6					82250
Ċipru	1340415	6					223403
Lussemburgu	796875	6					132813
Malta	413609	6			1 iktar		68935
TOTALI		754

RIŻULTAT TAL-VOTAZZJONI FINALI FIL-KUMITAT

Data tal-adozzjoni	19.2.2013
Riżultat tal-votazzjoni finali	+: –: 0:	21 0 1
Membri preżenti għall-votazzjoni finali	Alfredo Antoniozzi, Andrew Henry William Brons, Carlo Casini, Andrew Duff, Ashley Fox, Roberto Gualtieri, Enrique Guerrero Salom, Zita Gurmai, Gerald Häfner, Constance Le Grip, Morten Messerschmidt, Paulo Rangel, Algirdas Saudargas, Indrek Tarand, Rafał Trzaskowski, Luis Yáñez-Barnuevo García
Sostitut(i) preżenti għall-votazzjoni finali	Elmar Brok, Zuzana Brzobohatá, Andrea Češková, Sylvie Guillaume, Anneli Jäätteenmäki, Vital Moreira, Evelyn Regner, Helmut Scholz, György Schöpflin, Alexandra Thein
Sostitut(i) (skont l-Artikolu 187(2)) preżenti għall-votazzjoni finali	Csaba Őry