RAPPORT dwar il-proposta għal direttiva tal-Parlament Ewropew u tal-Kunsill dwar sistema ta' spezzjonijiet għall-operazzjoni bla periklu ta' laneċ ro-ro u bċejjeċ tal-baħar ta' veloċità għolja għall-passiġġieri f'servizz regolari u li temenda d-Direttiva 2009/16/KE tal-Parlament Ewropew u tal-Kunsill dwar il-kontroll tal-Istat tal-Port u li tħassar id-Direttiva tal-Kunsill 1999/35/KE
19.4.2017 - (COM(2016)0371 – C8-0210/2016 – 2016/0172(COD)) - ***I
Kumitat għat-Trasport u t-Turiżmu
Rapporteur: Dominique Riquet
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal direttiva tal-Parlament Ewropew u tal-Kunsill dwar sistema ta' spezzjonijiet għall-operazzjoni bla periklu ta' laneċ ro-ro u bċejjeċ tal-baħar ta' veloċità għolja għall-passiġġieri f'servizz regolari u li temenda d-Direttiva 2009/16/KE tal-Parlament Ewropew u tal-Kunsill dwar il-kontroll tal-Istat tal-Port u li tħassar id-Direttiva tal-Kunsill 1999/35/KE
(COM(2016)0371 – C8-0210/2016 – 2016/0172(COD))
(Proċedura leġiżlattiva ordinarja: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2016)0371),
– wara li kkunsidra l-Artikolu 294(2) u l-Artikolu 100(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0210/2016),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-opinjoni tal-Kumitat Ekonomiku u Soċjali Ewropew tad-19 ta' Ottubru 2016[1],
– wara li kkunsidra l-Artikolu 59 tar-Regoli ta' Proċedura tiegħu,
– wara li kkunsidra r-rapport tal-Kumitat għat-Trasport u t-Turiżmu (A8-0165/2017),
1. Jadotta l-pożizzjoni fl-ewwel qari li tidher hawn taħt;
2. Jitlob lill-Kummissjoni biex terġa' tirreferi l-kwistjoni lill-Parlament jekk ikollha l-ħsieb li temenda l-proposta b'mod sustanzjali jew li tibdilha b'test ġdid;
3. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
Emenda 1 Proposta għal direttiva Premessa 3 | ||||||||||||||||
|
Test propost mill-Kummissjoni |
Emenda | |||||||||||||||
|
(3) Ħafna Stati Membri diġà jikkombinaw l-istħarriġ obbligatorju għall-operazzjoni bla periklu ta' laneċ ro-ro regolari ma' tipi oħra ta' stħarriġ u spezzjonijiet fejn possibbli, jiġifieri l-istħarriġ tal-Istat tal-bandiera u l-ispezzjonijiet ta' kontroll tal-Istat tal-port. Biex jitnaqqas iżjed l-isforz tal-ispezzjoni u biex jiġi mmassimizzat il-ħin li fih il-vapur ikun jista' jiġi sfruttat kummerċjalment, il-vapuri suġġetti għall-ispezzjonijiet ta' kontroll tal-Istat tal-port għandhom għalhekk jiġu ttrasferiti għad-Direttiva 2009/16/KE u l-kamp ta' applikazzjoni ta' din id-Direttiva għandu jkun limitat għal vapuri li jipprovdu servizzi regolari ta' laneċ ro-ro u bċejjeċ tal-baħar ta' veloċità għolja għall-passiġġieri bejn portijiet fi Stat Membru jew bejn port fi Stat Membru u port fi Stat terz fejn il-bandiera tal-vapur tkun l-istess bħal tal-Istat Membri inkwistjoni. |
(3) Ħafna Stati Membri diġà jikkombinaw l-istħarriġ obbligatorju għall-operazzjoni bla periklu ta' laneċ ro-ro regolari ma' tipi oħra ta' stħarriġ u spezzjonijiet fejn possibbli, jiġifieri l-istħarriġ tal-Istat tal-bandiera u l-ispezzjonijiet ta' kontroll tal-Istat tal-port. Biex jitnaqqas iżjed l-isforz tal-ispezzjoni u biex jiġi mmassimizzat il-ħin li fih il-vapur ikun jista' jiġi sfruttat kummerċjalment, filwaqt li jkomplu jiġu żgurati standards ta' sikurezza għoljin li jenħtieġ li ma jitnaqqrux, il-vapuri suġġetti għall-ispezzjonijiet ta' kontroll tal-Istat tal-port għandhom għalhekk jiġu ttrasferiti għad-Direttiva 2009/16/KE u l-kamp ta' applikazzjoni ta' din id-Direttiva għandu jkun limitat għal vapuri li jipprovdu servizzi regolari ta' laneċ ro-ro u bċejjeċ tal-baħar ta' veloċità għolja għall-passiġġieri bejn portijiet fi Stat Membru jew bejn port fi Stat Membru u port fi Stat terz fejn il-bandiera tal-vapur tkun l-istess bħal tal-Istat Membri inkwistjoni. Għall-bastimenti li jtajru l-bandiera ta' Stat Membru, u li jipprovdu servizzi regolari ta' laneċ ro-ro u bċejjeċ tal-baħar ta' veloċità għolja għall-passiġġieri bejn Stat Membru u pajjiż terz, ir-reġim tad-Direttiva 2009/16/KE (kontroll tal-Istat tal-port) għandu japplika meta l-bandiera tal-bastiment ma tkunx l-istess bħal dik tal-Istat Membru kkonċernat. | |||||||||||||||
Emenda 2 Proposta għal direttiva Premessa 5 | ||||||||||||||||
|
Test propost mill-Kummissjoni |
Emenda | |||||||||||||||
|
(5) Id-Direttiva 1999/35/KE kienet tipprovdi li f'kull perjodu ta' 12-il xahar għandu jitwettaq stħarriġ speċifiku u stħarriġ waqt is-servizz regolari mill-Istati ospitanti. Minkejja li l-objettiv ta' dan ir-rekwiżit kien li jiżgura li dawn iż-żewġ spezzjonijiet jitwettqu b'ċertu intervall bejniethom, il-kontroll tal-idoneità tar-REFIT wera li dan mhuwiex dejjem il-każ. Biex titneħħa l-ambigwità ta' dak ir-rekwiżit u biex jiġi żgurat livell komuni ta' sikurezza, għandu jiġi ċċarat li ż-żewġ spezzjonijiet annwali għandhom iseħħu f'intervalli regolari, ta' madwar sitt xhur. |
(5) Id-Direttiva 1999/35/KE kienet tipprovdi li f'kull perjodu ta' 12-il xahar għandu jitwettaq stħarriġ speċifiku u stħarriġ waqt is-servizz regolari mill-Istati ospitanti. Minkejja li l-objettiv ta' dan ir-rekwiżit kien li jiżgura li dawn iż-żewġ spezzjonijiet jitwettqu b'intervall suffiċjenti bejniethom, il-kontroll tal-idoneità tar-REFIT wera li dan mhuwiex dejjem il-każ. Sabiex jiġi kkjarifikat ir-reġim ta' spezzjoni u jkun żgurat qafas ta' spezzjoni armonizzat li jiżgura livell għoli ta' sikurezza, filwaqt li jitqiesu l-ħtiġijiet komuni tas-servizzi, għandu jiġi ċċarat li ż-żewġ spezzjonijiet annwali għandhom iseħħu f'intervalli regolari, ta' madwar sitt xhur. Jenħtieġ li dawk l-ispezzjonijiet konsekuttivi jsiru mhux inqas minn erba' xhur u mhux aktar minn tmien xhur 'l bogħod minn xulxin. Bl-istess mod, jenħtieġ li l-Aġenzija Ewropea għas-Sigurtà Marittima twettaq u tippreżenta studju dwar il-konsegwenzi reali tal-applikazzjoni ta' din id-Direttiva. | |||||||||||||||
Emenda 3 Proposta għal direttiva Premessa 6a (ġdid) | ||||||||||||||||
|
Test propost mill-Kummissjoni |
Emenda | |||||||||||||||
|
|
(6a) Minħabba l-profil tar-riskju għoli u speċifiku tagħhom, jenħtieġ li l-laneċ ro-ro u bċejjeċ tal-baħar ta' veloċità għolja għall-passiġġieri jitqiesu sistematikament bħala bastimenti b'riskju għoli u għaldaqstant jenħtieġ li jiġu spezzjonati bħala kwistjoni ta' prijorità. Bħala tali, jenħtieġ li l-ispezzjonijiet tal-laneċ ro-ro jkunu inklużi fin-numru totali ta' spezzjonijiet annwali li għandhom isiru minn kull Stat Membru, kif previst fl-Artikolu 5 tad-Direttiva 2009/16/KE, u, għalhekk, jenħtieġ li l-Anness II ta' dik id-Direttiva jiġi emendat skont dan. | |||||||||||||||
Emenda 4 Proposta għal direttiva Premessa 8a (ġdid) | ||||||||||||||||
|
Test propost mill-Kummissjoni |
Emenda | |||||||||||||||
|
|
(8a) Jentħie' li l-ispezzjonijiet iqisu wkoll l-ambjent tax-xogħol u l-ħajja personali tal-ekwipaġġ, peress li l-kunsiderazzjonijiet tas-sikurezza u dawk soċjali huma marbuta mill-qrib. | |||||||||||||||
Emenda 5 Proposta għal direttiva Artikolu 2 – paragrafu 1 – punt 5 – parti introduttorja | ||||||||||||||||
|
Test propost mill-Kummissjoni |
Emenda | |||||||||||||||
|
(5) "servizz regolari" jfisser serje ta' laneċ ro-ro jew qsim ta' bċejjeċ tal-baħar ta' veloċità għolja għall-passiġġieri mħaddma biex jaqdu t-traffiku bejn l-istess żewġ portijiet jew iżjed, jew serje ta' vjaġġi minn u lejn l-istess port mingħajr waqfiet intermedjarji, jew: |
(5) "servizz regolari" tfisser serje ta' qsim b'laneċ ro-ro jew bċejjeċ tal-baħar ta' veloċità għolja għall-passiġġieri mħaddma biex jaqdu t-traffiku bejn l-istess żewġ portijiet jew iżjed, jew serje ta' vjaġġi minn u lejn l-istess port, mingħajr waqfiet intermedjarji, bi qbil ma' lista ta' ħinijiet tat-tluq u tal-wasla disponibbli pubblikament jew ippjanata, jew: | |||||||||||||||
Emenda 6 Proposta għal direttiva Artikolu 2 – paragrafu 1 – punt 12 | ||||||||||||||||
|
Test propost mill-Kummissjoni |
Emenda | |||||||||||||||
|
(12) "spettur" tfisser ħaddiem tas-settur pubbliku jew persuna oħra, debitament awtorizzata mill-awtorità kompetenti tal-Istat Membru biex jagħmlu l-ispezzjonijiet previsti f'din id-Direttiva u responsabbli lejn dik l-awtorità kompetenti u jissodisfa l-kriterji minimi speċifikati fl-Anness XI tad-Direttiva 2009/16/KE. |
(12) "spettur" tfisser ħaddiem tas-settur pubbliku jew persuna oħra, debitament awtorizzata mill-awtorità kompetenti tal-Istat Membru biex jagħmlu l-ispezzjonijiet previsti f'din id-Direttiva u responsabbli lejn dik l-awtorità kompetenti. | |||||||||||||||
Emenda 7 Proposta għal direttiva Artikolu 2 – paragrafu 1 – punt 12a (ġdid) | ||||||||||||||||
|
Test propost mill-Kummissjoni |
Emenda | |||||||||||||||
|
|
(12a) "awtorità kompetenti tal-Istat Membru" tfisser l-awtorità maħtura mill-Istat Membru skont din id-Direttiva u li hija responsabbli għat-twettiq tal-kompiti assenjati lilha permezz ta' din id-Direttiva. | |||||||||||||||
Emenda 8 Proposta għal direttiva Artikolu 3 – paragrafu 1 – parti introduttorja | ||||||||||||||||
|
Test propost mill-Kummissjoni |
Emenda | |||||||||||||||
|
1. Qabel il-bidu tal-operazzjoni mil-laneċ ro-ro jew il-bċejjeċ tal-baħar ta' veloċità għolja għall-passiġġieri fuq servizz regolari koperti minn din id-Direttiva, l-Istati Membri għandhom iwettqu spezzjoni ta' qabel il-bidu, li tikkonsisti fi: |
1. Qabel il-bidu tal-operazzjoni mil-laneċ ro-ro jew il-bċejjeċ tal-baħar ta' veloċità għolja għall-passiġġieri fuq servizz regolari koperti minn din id-Direttiva, l-awtoritajiet kompetenti tal-Istati Membri għandhom iwettqu spezzjoni ta' qabel il-bidu, li tikkonsisti fi: | |||||||||||||||
Emenda 9 Proposta għal direttiva Artikolu 4 – paragrafu -1 (ġdid) | ||||||||||||||||
|
Test propost mill-Kummissjoni |
Emenda | |||||||||||||||
|
|
-1. Fil-każ tal-ispezzjonijiet ta' qabel il-bidu, Stat Membru jista' jeżenta minn ċerti rekwiżiti jew proċeduri stabbiliti jew stipulati fl-Annessi I u II u li huma rilevanti għal stħarriġ jew spezzjoni annwali mwettqa mill-Istat tal-bandiera, matul is-sitt xhur preċedenti, li jew issodisfaw il-proċeduri u l-linji gwida rilevanti għall-istħarriġ kif speċifikat fl-HSSC jew proċeduri mfassla biex jinkiseb l-istess għan. L-Istati Membri għandhom jittrasferixxu l-informazzjoni rilevanti għall-bażi ta' data għall-ispezzjonijiet f'konformità mal-Artikolu 10. | |||||||||||||||
Emenda 10 Proposta għal direttiva Artikolu 4 – paragrafu 1 | ||||||||||||||||
|
Test propost mill-Kummissjoni |
Emenda | |||||||||||||||
|
1. Meta laneċ ro-ro jew bċejjeċ tal-baħar ta' veloċità għolja għall-passiġġieri jkunu se jiġu ingaġġati fuq servizz regolari ieħor, l-Istat Membru għandu jqis l-ispezzjonijiet u l-istħarriġ li jkunu saru qabel għal dawk il-laneċ ro-ro jew bċejjeċ tal-baħar ta' veloċità għolja għall-passiġġieri għall-operazzjoni fuq servizz regolari preċedenti li jaqa' taħt din id-Direttiva. Sakemm l-Istat Membru jkun sodisfatt b'dawk l-ispezzjonijiet u stħarriġ preċedenti u li jkunu rilevanti għall-kundizjonijiet il-ġodda ta' operazzjoni, l-ispezzjonijiet u l-istħarriġ previsti fl-Artikolu 3(1) ma għandhomx għalfejn jiġu applikati qabel ma' l-lanċa ro-ro jew il-biċċa tal-baħar ta' veloċità għolja għall-passiġġieri tkun bdiet topera fuq is-servizz regolari l-ġdid. |
1. Meta laneċ ro-ro jew bċejjeċ tal-baħar ta' veloċità għolja għall-passiġġieri jkunu se jiġu ingaġġati fuq servizz regolari ieħor, l-Istat Membru jista' jqis l-ispezzjonijiet u l-istħarriġ li jkunu saru qabel għal dawk il-laneċ ro-ro jew bċejjeċ tal-baħar ta' veloċità għolja għall-passiġġieri għall-operazzjoni fuq servizz regolari preċedenti li jaqa' taħt din id-Direttiva. Sakemm l-Istat Membru jkun sodisfatt b'dawk l-ispezzjonijiet u stħarriġ preċedenti u li jkunu rilevanti għall-kundizjonijiet il-ġodda ta' operazzjoni, l-ispezzjonijiet u l-istħarriġ previsti fl-Artikolu 3(1) ma għandhomx għalfejn jiġu applikati qabel ma' l-lanċa ro-ro jew il-biċċa tal-baħar ta' veloċità għolja għall-passiġġieri tkun bdiet topera fuq is-servizz regolari l-ġdid. | |||||||||||||||
Emenda 11 Proposta għal direttiva Artikolu 4 – paragrafu 3 – punt a | ||||||||||||||||
|
Test propost mill-Kummissjoni |
Emenda | |||||||||||||||
|
(a) spezzjoni bil-għajn u kontroll ta' dokument ma jqajmu ebda tħassib li l-lanċa ro-ro jew li l-bċejjeċ tal-baħar ta' veloċità għolja għall-passiġġgieri ma jissodisfawx ir-rekwiżiti meħtieġa għall-operazzjoni bla periklu, u |
(Ma taffettwax il-verżjonijiet lingwistiċi kollha.) | |||||||||||||||
Korrezzjoni ortografika fil-verżjoni lingwistika Franċiża. | ||||||||||||||||
Emenda 12 Proposta għal direttiva Artikolu 5 – paragrafu 1 – subparagrafu 1 – punt b | ||||||||||||||||
|
Test propost mill-Kummissjoni |
Emenda | |||||||||||||||
|
(b) spezzjoni matul is-servizz regolari, mhux qabel ħames xhur imma mhux aktar tard minn seba' xhur wara l-ispezzjoni. Din l-ispezzjoni għandha tkopri l-oġġetti elenkati fl-Anness III u numru suffiċjenti tal-oġġetti elenkati fl-Annessi I u II biex jiżguraw li l-laneċ ro-ro jew il-bċejjeċ tal-baħar ta' veloċità għolja għall-passiġġieri jkomplu jissodisfaw ir-rekwiżiti meħtieġa kollha għall-operazzjoni bla periklu. |
(b) it-tieni spezzjoni matul servizz regolari, li m'għandhiex titwettaq qabel erba' xhur jew aktar tard minn tmien xhur wara l-ewwel spezzjoni, imsemmija fil-punt (a); dik it-tieni spezzjoni għandha tkopri l-oġġetti elenkati fl-Anness III u, dak li, skont il-ġudizzju professjonali tal-ispettur, huwa numru suffiċjenti tal-oġġetti elenkati fl-Annessi I u II biex jiżguraw li l-laneċ ro-ro jew il-bċejjeċ tal-baħar ta' veloċità għolja għall-passiġġieri jkomplu jissodisfaw ir-rekwiżiti meħtieġa kollha għall-operazzjoni bla periklu. | |||||||||||||||
Emenda 13 Proposta għal direttiva Artikolu 5 – paragrafu 3 | ||||||||||||||||
|
Test propost mill-Kummissjoni |
Emenda | |||||||||||||||
|
3. L-Istati Membri għandhom iwettqu spezzjoni skont l-Anness II kull darba li l-lanċa ro-ro jew il-biċċa tal-baħar ta' veloċità għolja għall-passiġġieri tkun soġġetta għal tiswija, tibdil u modifikazzjonijiet maġġuri, jew meta jkun hemm bidla fit-tmexxija, jew trasferiment ta' klassi. Madankollu, f'każ ta' bidla fit-tmexxija, jew trasferiment ta' klassi, l-Istat Membru jista', wara li jikkunsidra l-ispezzjonijiet imwettqa qabel għal-laneċ ro-ro jew il-bċejjeċ tal-baħar ta' veloċità għolja għall-passiġġieri, u sakemm l-operazzjoni bla periklu tal-lanċa jew tal-biċċa tal-baħar ma tkunx affettwata minn din il-bidla jew trasferiment, teżenta l-lanċa jew il-biċċa tal-baħar mill-ispezzjoni meħtieġa minn dan il-paragrafu. |
3. L-Istati Membri għandhom iwettqu spezzjoni skont l-Anness II kull darba li l-lanċa ro-ro jew il-biċċa tal-baħar ta' veloċità għolja għall-passiġġieri tkun soġġetta għal tiswija, tibdil u modifikazzjonijiet maġġuri, jew meta jkun hemm bidla fit-tmexxija, jew trasferiment ta' klassi. | |||||||||||||||
Emenda 14 Proposta għal direttiva Artikolu 7 – paragrafu 2 | ||||||||||||||||
|
Test propost mill-Kummissjoni |
Emenda | |||||||||||||||
|
2. Fil-każ ta' nuqqasijiet li b'mod ċar huma perikolużi għas-sikurezza jew is-saħħa jew li joħolqu periklu immedjat għall-ħajja, għal-lanċa ro-ro jew għall-biċċa tal-baħar ta' veloċità għolja għall-passiġġieri, għall-ekwipaġġ u għall-passiġġieri tagħha, l-Istat Membru għandu jiżgura li l-lanċa ro-ro jew il-biċċa tal-baħar ta' veloċità għolja għall-passiġġieri tkun suġġetta għal projbizzjoni tal-ordni tat-tluq. Il-kaptan għandu jingħata kopja tal-ordni tal-projbizzjoni tat-tluq. |
2. Fil-każ ta' nuqqasijiet tal-lanċa ro-ro jew tal-biċċa tal-baħar ta' veloċità għolja għall-passiġġieri li b'mod ċar huma perikolużi għas-sikurezza jew li joħolqu periklu immedjat għas-saħħa jew il-ħajja tal-ekwipaġġ u tal-passiġġieri, l-Istat Membru għandu jiżgura li l-lanċa ro-ro jew il-biċċa tal-baħar ta' veloċità għolja għall-passiġġieri tkun suġġetta għal projbizzjoni tal-ordni tat-tluq. Il-kaptan għandu jingħata kopja tal-ordni tal-projbizzjoni tat-tluq. | |||||||||||||||
Emenda 15 Proposta għal direttiva Artikolu 7 – paragrafu 3 | ||||||||||||||||
|
Test propost mill-Kummissjoni |
Emenda | |||||||||||||||
|
3. Il-projbizzjoni tat-tluq m'għandhiex titneħħa sakemm ma jkunx tneħħa l-periklu jew sakemm l-Istat Membru ma jkunx stabbilixxa li l-vapur jista', suġġett għal kwalunkwe kundizzjoni meħtieħa, jipproċedi lejn il-baħar jew titkompla l-operazzjoni mingħajr riskju għas-sikurezza u s-saħħa tal-passiġġieri jew l-ekwipaġġ, jew riskju għal-lanċa ro-ro jew il-biċċa tal-baħar ta' veloċità għolja għall-passiġġieri jew vapuri oħra. |
3. Il-projbizzjoni tat-tluq m'għandhiex titneħħa sakemm il-periklu ma jkunx tneħħa b'mod affidabbli jew sakemm l-Istat Membru ma jkunx stabbilixxa li l-vapur jista', suġġett għal kwalunkwe kundizzjoni meħtieġa, jipproċedi lejn il-baħar jew titkompla l-operazzjoni mingħajr riskju għas-sikurezza u s-saħħa tal-passiġġieri jew l-ekwipaġġ, jew riskju għal-lanċa ro-ro jew il-biċċa tal-baħar ta' veloċità għolja għall-passiġġieri jew vapuri oħra. | |||||||||||||||
Emenda 16 Proposta għal direttiva Artikolu 7 – paragrafu 7 | ||||||||||||||||
|
Test propost mill-Kummissjoni |
Emenda | |||||||||||||||
|
7. Sabiex tittaffa l-konġestjoni tal-port, l-Istat Membru jista' jippermetti li lanċa ro-ro jew biċċa tal-baħar ta' veloċità għolja għall-passiġġieri suġġetta għal projbizzjoni ta' ordni tat-tluq tiċċaqlaq għal parti oħra tal-port jekk ikun sikur li jsir dan. Madankollu, ir-riskju tal-konġestjoni tal-port m'għandux ikun konsiderazzjoni għad-deċiżjoni dwar il-projbizzjoni tal-ordni tat-tluq jew it-tneħħija ta' projbizzjoni ta' ordni tat-tluq. L-awtoritajiet jew il-korpi tal-port għandhom jiffaċilitaw l-akkomodazzjoni ta' dawn il-vapuri. |
7. Sabiex tittaffa l-konġestjoni tal-port, l-awtorità kompetenti tal-Istat Membru jista' jippermetti li lanċa ro-ro jew biċċa tal-baħar ta' veloċità għolja għall-passiġġieri suġġetta għal projbizzjoni ta' ordni tat-tluq tiċċaqlaq għal parti oħra tal-port jekk ikun sikur li jsir dan. Madankollu, ir-riskju tal-konġestjoni tal-port m'għandux ikun konsiderazzjoni għad-deċiżjoni dwar il-projbizzjoni tal-ordni tat-tluq jew it-tneħħija ta' projbizzjoni ta' ordni tat-tluq. L-awtoritajiet jew il-korpi tal-port għandhom jiffaċilitaw l-akkomodazzjoni ta' dawn il-vapuri. | |||||||||||||||
Emenda 17 Proposta għal direttiva Artikolu 9 – paragrafu 1 | ||||||||||||||||
|
Test propost mill-Kummissjoni |
Emenda | |||||||||||||||
|
1. Jekk l-ispezzjonijiet imsemmija fl-Artikoli 3 u 5 jikkonfermaw jew jiżvelaw nuqqasijiet li jkun jitolbu projbizzjoni tat-tluq, l-ispejjeż kollha relatati mal-ispezzjonijiet għandhom jiġu koperti mill-kumpanija. |
1. Jekk l-ispezzjonijiet imsemmija fl-Artikoli 3 u 5 jikkonfermaw jew jiżvelaw nuqqasijiet li jkun jitolbu projbizzjoni tat-tluq, l-ispejjeż kollha relatati mal-ispezzjonijiet għandhom jiġu koperti mill-kumpanija. Ir-reġim tal-ispejjeż addizzjonali potenzjali għall-port għandhom ikunu rregolat mir-relazzjonijiet kuntrattwali bejn l-operatur u l-port. | |||||||||||||||
Emenda 18 Proposta għal direttiva Artikolu 10 – paragrafu 1 | ||||||||||||||||
|
Test propost mill-Kummissjoni |
Emenda | |||||||||||||||
|
1. Il-Kummissjoni għandha tiżviluppa, iżżomm u taġġorna bażi tad-dejta għall-ispezzjonijiet li jkun fiha l-informazzjoni kollha meħtieġa għall-implimentazzjoni tas-sistema tal-ispezzjoni prevista minn din id-Direttiva jew ittejjeb aktar il-bażi tad-dejta għall-ispezzjonijiet imsemmija fl-Artikolu 24 tad-Direttiva 2009/16/KE. |
1. Il-Kummissjoni għandha tiżviluppa, iżżomm u taġġorna bażi tad-data għall-ispezzjonijiet li jkun fiha l-informazzjoni kollha meħtieġa għall-implimentazzjoni tas-sistema tal-ispezzjoni prevista minn din id-Direttiva u li tikkollega mal-bażi tad-data għall-ispezzjonijiet imsemmija fl-Artikolu 24 tad-Direttiva 2009/16/KE. | |||||||||||||||
Emenda 19 Proposta għal direttiva Artikolu 10 – paragrafu 2 | ||||||||||||||||
|
Test propost mill-Kummissjoni |
Emenda | |||||||||||||||
|
2. L-Istati Membri għandhom jiżguraw li l-informazzjoni relatata mal-ispezzjonijiet imwettqa skont din id-Direttiva, inkluż dwar nuqqasijiet u projbizzjoni tal-ordnijiet tat-tluq, tiġi ttrasferita għall-bażi tad-dejta għall-ispezzjonijiet hekk kif jitlesta r-rapport tal-ispezzjoni jew titneħħa l-projbizzjoni tal-ordni tat-tluq. Fir-rigward tad-dettalji tal-informazzjoni, id-dispożizzjonijiet tal-Anness XIII tad-Direttiva 2009/16/KE għandhom japplikaw mutatis mutandis. |
2. L-Istati Membri għandhom jiżguraw li l-informazzjoni relatata mal-ispezzjonijiet imwettqa skont din id-Direttiva, inkluż dwar nuqqasijiet u projbizzjoni tal-ordnijiet tat-tluq, tiġi ttrasferita għall-bażi tad-data fi żmien 24 siegħa minn meta jitlesta r-rapport tal-ispezzjoni jew minn meta titneħħa l-projbizzjoni tal-ordni tat-tluq. Fir-rigward tad-dettalji tal-informazzjoni, id-dispożizzjonijiet tal-Anness XIII tad-Direttiva 2009/16/KE għandhom japplikaw mutatis mutandis. | |||||||||||||||
Emenda 20 Proposta għal direttiva Artikolu 13 – paragrafu 2 | ||||||||||||||||
|
Test propost mill-Kummissjoni |
Emenda | |||||||||||||||
|
2. Is-setgħa biex jiġu adottati l-atti ddelegati msemmija fl-Artikolu 12 qiegħda tingħata lill-Kummissjoni għal perjodu ta' żmien indeterminat mid-[data tad-dħul fis-seħħ]. |
2. Is-setgħa ta' adozzjoni ta' atti delegati msemmija fl-Artikolu 12 hija mogħtija lill-Kummissjoni għal perjodu ta' ħames snin mid-[data tad-dħul fis-seħħ ta' din id-Direttiva. Il-Kummissjoni għandha tfassal rapport fir-rigward tad-delega ta' setgħa mhux aktar tard minn disa' xhur qabel it-tmiem tal-perjodu ta' ħames snin. Id-delega tas-setgħa għandha tiġi estiża awtomatikament għal perjodi ta' żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn tliet xhur qabel it-tmiem ta' kull perjodu. | |||||||||||||||
Emenda 21 Proposta għal direttiva Artikolu 14 – paragrafu 1 – punt 3 Direttiva 2009/16/KE Artikolu 14a – paragrafu 4 | ||||||||||||||||
| ||||||||||||||||
Emenda 22 Proposta għal direttiva Artikolu 14 – paragrafu 1 – punt 3 Direttiva 2009/16/KE Artikolu 14a – paragrafu 4a (ġdid) | ||||||||||||||||
| ||||||||||||||||
Emenda 23 Proposta għal direttiva Artikolu 14 – paragrafu 1 – punt 5a (ġdid) Direttiva 2009/16/KE Artikolu 19 – paragrafu 10a (ġdid) | ||||||||||||||||
| ||||||||||||||||
- [1] ĠU C 34, 2.2.2017, p. 176.
NOTA SPJEGATTIVA
Sfond
Il-proposta tal-Kummissjoni dwar l-ispezzjonijiet tal-laneċ ro-ro u l-bċejjeċ tal-baħar ta' veloċità għolja għall-passiġġieri hija parti mill-programm REFIT, li għandu l-għan li jissimplifika u jirrazzjonalizza l-qafas leġiżlattiv attwali. Id-dibattitu tal-Parlament dwar il-proposta se jiftaħ f'mument kruċjali għas-settur marittimu, peress li l-2017 hija s-sena Ewropea tal-baħar. Is-sena 2017, għalhekk, għandha tkun kruċjali biex jissaħħaħ ir-rwol tas-settur marittimu fis-suq intern.
Il-proposta għandha l-għan li tneħħi l-inċertezza u r-ripetizzjoni legali kkawżati mill-koeżistenza ta' żewġ direttivi dwar l-ispezzjonijiet tal-bastimenti: id-Direttiva 1999/35/KE li tipprevedi spezzjonijiet speċifiċi għall-laneċ ro-ro u l-bċejjeċ tal-baħar ta' veloċità għolja għall-passiġġieri u d-Direttiva 2009/16/KE li tistabbilixxi reġim ta' spezzjoni mill-Istat tal-port għall-bastimenti bbażata fuq il-valutazzjoni tar-riskju.
Il-proposta tal-Kummissjoni għandha tippermetti wkoll li jitnaqqsu l-piżijiet amministrattivi u ekonomiċi għall-operaturi/għas-sidien filwaqt li jiġu evitati d-duplikazzjonijiet bejn iż-żjarat speċifiċi previsti mid-Direttiva 1999/35/KE u l-ispezzjonijiet imsaħħ skont id-Direttiva 2009/16/KE jew inkella ż-żjarat annwali mill-Istat tal-bandiera, filwaqt li jinżamm livell għoli ta' sigurtà.
Fil-fatt, il-proposta għal direttiva, peress li għandha l-għan li tissostitwixxi d-Direttiva 1999/35/KE, tnaqqas il-kamp ta' applikazzjoni ta' din tal-aħħar. Il-proposta tirristrinġi l-ispezzjonijiet unikament għal-laneċ ro-ro u l-bċejjeċ tal-baħar ta' veloċità għolja għall-passiġġieri b'servizz regolari bejn port ta' Stat Membru u port li jinsab f'pajjiż terz meta l-bandiera tal-vapur tkun l-istess bħal dik tal-Istat Membru kkonċernat, jew fuq f'servizz regolari fi vjaġġi nazzjonali f'żoni marittimi li jistgħu joperaw fihom il-vapuri tal-Klassi A skont id-Direttiva 2009/45/KE.
Il-kamp ta' applikazzjoni tad-Direttiva 2009/16/KE dwar il-kontroll mill-Istat tal-Port qed jitwessa' b'dettalji dwar in-natura tal-ispezzjonijiet meħtieġa għall-operazzjoni bla periklu tal-laneċ ro-ro jew il-bċejjeċ tal-baħar ta' veloċità għolja għall-passiġġieri.
Il-pożizzjoni tar-rapporteur
Ir-rapporteur jappoġġja u jilqa' b'mod favorevoli ħafna l-proposta tal-Kummissjoni li għandha l-għan li tiżgura regoli komuni ċari, issimplifikati u msaħħa għall-laneċ ro-ro u l-bċejjeċ tal-baħar ta' veloċità għolja għall-passiġġieri li jitilqu minn jew jaslu fl-UE. Huwa tal-opinjoni li dan il-qafas ġuridiku robust u koerenti huwa meħtieġ sabiex ikun żgurat mhux biss livell ta' sikurezza komuni iżda wkoll ambjent kompetittiv mhux preġudikat għall-operaturi kollha indipendentement min-nazzjonalità tagħhom jew mill-bandiera tal-bastiment.
B'mod partikolari, huwa jqis li l-proposta tmur fid-direzzjoni ta' simplifikazzjoni billi tevita d-duplikazzjoni ġuridika u tiċċara l-kamp ta' applikazzjoni bejn din id-Direttiva u d-Direttiva 2009/16/KE dwar il-kontroll mill-Istat tal-Port.
Minbarra dan, il-proposta tiżgura l-infurzar tad-Direttiva billi ddaħħal frekwenza semiannwali tal-ispezzjoni, jiġifieri żewġ spezzjonijiet f'intervalli ta' sitt xhur, u billi timla l-lakuni ġuridiċi mingħajr ma ttaqqal jew tipperikola s-simplifikazzjoni tad-Direttiva.
Jistħoqq li jsiru xi kjarifiki speċifiċi. Fil-premessa 3, ir-rapporteur jixtieq jiċċara aktar il-kamp ta' applikazzjoni ta' din id-Direttiva u dak tad-Direttiva 2009/16/KE, billi jippreżenta każi differenti ta' ċifri ta' servizzi regolari bejn l-Istati Membri tal-Unjoni Ewropea u l-pajjiżi terzi, sabiex b'hekk jiġi evitat kwalunkwe vojt ġuridiku.
Imbagħad, ir-rapporteur iqis li fl-Artikolu 2 jeħtieġ li tiġi definita l-awtorità kompetenti tal-Istat Membru, għaliex id-Direttiva ħafna drabi tagħmel referenza għaliha, u din tista' tkun ta' natura differenti skont l-Istat Membru.
Fil-fehma tarr-rapporteur l-eżenzjoni fl-Artikolu 5 mill-ispezzjoni tas-servizzi regolari hekk kif proposta mill-Kummissjoni Ewropea tista' ddgħajjef is-sigurtà u s-sikurezza tal-passiġġieri. Ir-rapporteur għalhekk jirrakkomanda li din titneħħa mill-proposta.
Fir-rigward tal-ispejjeż imġarrba waqt l-immobilizzazzjoni ta' bastiment, ir-rapporteur jissuġġerixxi li jiġi ċċarat it-test billi jiġi speċifikat li l-ispejjeż konsekwenti marbuta mal-port huma koperti mir-relazzjonijiet kuntrattwali, sabiex b'hekk tiġi evitata kwalunkwe inċertezza ġuridika.
Fl-aħħar nett, hemm bżonn li jkun hemm xi dettalji oħra bil-għan li jiġi ċċarat aktar it-test.
PROĊEDURA TAL-KUMITAT RESPONSABBLI
|
Titolu |
Sistema ta’ spezzjonijiet għall-operazzjoni bla periklu ta’ laneċ ro-ro u bċejjeċ tal-baħar ta’ veloċità għolja għall-passiġġieri f’servizz regolari u emenda tad-Direttiva 2009/16/KE tal-Parlament Ewropew u tal-Kunsill dwar il-kontroll tal-Istat tal-Port u li tħassar id-Direttiva tal-Kunsill 1999/35/KE |
||||
|
Referenzi |
COM(2016)0371 – C8-0210/2016 – 2016/0172(COD) |
||||
|
Data meta ġiet ippreżentata lill-PE |
6.6.2016 |
|
|
|
|
|
Kumitat responsabbli Data tat-tħabbir fis-seduta plenarja |
TRAN 9.6.2016 |
|
|
|
|
|
Rapporteurs Data tal-ħatra |
Dominique Riquet 27.6.2016 |
|
|
|
|
|
Eżami fil-kumitat |
27.2.2017 |
10.4.2017 |
|
|
|
|
Data tal-adozzjoni |
11.4.2017 |
|
|
|
|
|
Riżultat tal-votazzjoni finali |
+: –: 0: |
45 0 0 |
|||
|
Membri preżenti għall-votazzjoni finali |
Daniela Aiuto, Lucy Anderson, Inés Ayala Sender, Georges Bach, Izaskun Bilbao Barandica, Deirdre Clune, Michael Cramer, Luis de Grandes Pascual, Andor Deli, Isabella De Monte, Ismail Ertug, Jacqueline Foster, Dieter-Lebrecht Koch, Merja Kyllönen, Miltiadis Kyrkos, Bogusław Liberadzki, Peter Lundgren, Marian-Jean Marinescu, Cláudia Monteiro de Aguiar, Jens Nilsson, Markus Pieper, Salvatore Domenico Pogliese, Tomasz Piotr Poręba, Gabriele Preuß, Dominique Riquet, Massimiliano Salini, David-Maria Sassoli, Claudia Schmidt, Claudia Țapardel, Keith Taylor, Pavel Telička, István Ujhelyi, Peter van Dalen, Wim van de Camp, Elissavet Vozemberg-Vrionidi, Janusz Zemke, Kosma Złotowski, Elżbieta Katarzyna Łukacijewska |
||||
|
Sostituti preżenti għall-votazzjoni finali |
Jakop Dalunde, Maria Grapini, Kateřina Konečná, Evžen Tošenovský, Matthijs van Miltenburg, Henna Virkkunen |
||||
|
Data tat-tressiq |
19.4.2017 |
||||
VOTAZZJONI FINALI B'SEJĦA TAL-ISMIJIETFIL-KUMITAT RESPONSABBLI
|
45 |
+ |
|
|
ALDE |
Izaskun Bilbao Barandica, Dominique Riquet, Pavel Telička, Matthijs van Miltenburg |
|
|
ECR |
Jacqueline Foster, Tomasz Piotr Poręba, Evžen Tošenovský, Kosma Złotowski, Peter van Dalen |
|
|
EFDD |
Daniela Aiuto, Peter Lundgren |
|
|
GUE/NGL |
Kateřina Konečná, Merja Kyllönen, Jiří Maštálka, |
|
|
PPE |
Georges Bach, Deirdre Clune, Andor Deli, Dieter-Lebrecht Koch, Elżbieta Katarzyna Łukacijewska, Marian-Jean Marinescu, Cláudia Monteiro de Aguiar, Markus Pieper, Salvatore Domenico Pogliese, Massimiliano Salini, Claudia Schmidt, Henna Virkkunen, Elissavet Vozemberg-Vrionidi, Luis de Grandes Pascual, Wim van de Cam |
|
|
S&D |
Lucy Anderson, Inés Ayala Sender, Isabella De Monte, Ismail Ertug, Maria Grapini, Miltiadis Kyrkos, Bogusław Liberadzki, Jens Nilsson, Gabriele Preuß, David-Maria Sassoli, Claudia Țapardel, István Ujhelyi, Janusz Zemke |
|
|
VERTS/ALE |
Michael Cramer, Jakop Dalunde, Keith Taylor |
|
|
0 |
- |
|
|
|
|
|
|
0 |
0 |
|
|
|
|
|
Tifsira tas-simboli użati:
+ : favur
- : kontra
0 : astensjoni