Test propost mill-Kummissjoni

Emenda

(1)   L-individwi, meta jfittxu xogħol, jew meta jieħdu deċiżjonijiet dwar xiex u fejn jitgħallmu jew jistudjaw jew jaħdmu jeħtieġu aċċess għal informazzjoni dwar l-opportunitajiet disponibbli, dwar mezzi ta' valutazzjoni tal-ħiliet tagħhom, u dwar mezzi ta' preżentazzjoni ta' informazzjoni rigward il-ħiliet u l-kwalifiki tagħhom.

(1)   L-individwi, meta jfittxu xogħol, jew meta jieħdu deċiżjonijiet dwar xiex u fejn jitgħallmu jew jistudjaw jew jaħdmu jeħtieġu aċċess għal informazzjoni dwar l-opportunitajiet disponibbli, dwar mezzi ta' valutazzjoni tal-ħiliet tagħhom, dwar mezzi ta' preżentazzjoni ta' informazzjoni rigward il-ħiliet, il-kwalifiki u l-għarfien tagħhom, kif ukoll gwida dwar il-karriera.

Test propost mill-Kummissjoni

Emenda

(1a)  Jirriżulta li l-Europass jintuża minn gruppi soċjali b'livell għoli ta' litteriżmu diġitali filwaqt li gruppi anqas vantaġġati, bħal persuni b'livelli baxxi ta' edukazzjoni, iċ-ċittadini anzjani jew persuni qiegħda għal żmien twil, ta' spiss ma jkunux jafu bl-eżistenza tiegħu u għalhekk ma jistgħux jibbenefikaw mill-Europass u l-għodod eżistenti tiegħu.

Test propost mill-Kummissjoni

Emenda

(2)   Id-differenzi fil-lingwa, fid-definizzjonijiet, fil-formats tad- dokumenti, kif ukoll fil-metodi ta' valutazzjoni u validazzjoni tal-kwalifiki, kollha jippreżentaw sfidi konsiderevoli għall-individwi, għall-impjegaturi u għall-awtoritajiet kompetenti. Dawn l-isfidi jinqalgħu speċjalment meta l-individwi jiċċaqalqu minn pajjiż għall-ieħor, inklużi pajjiż terzi, iżda wkoll meta jfittxu impjieg ġdid jew jinvolvu ruħhom fit-tagħlim. Huma meħtieġa informazzjoni ċara u fehim kondiviż sabiex jiġu indirizzati dawn l-isfidi.

(2)   Id-differenzi fil-lingwa, fid-definizzjonijiet, fil-formats tad-dokumenti, kif ukoll fil-metodi ta' valutazzjoni u validazzjoni tal-kwalifiki, kollha jippreżentaw sfidi konsiderevoli għall-individwi, għall-impjegaturi u għall-awtoritajiet kompetenti. Dawn l-isfidi jinqalgħu speċjalment meta l-individwi jiċċaqalqu minn pajjiż għall-ieħor, inklużi pajjiż terzi, iżda wkoll meta jfittxu impjieg ġdid jew jinvolvu ruħhom fit-tagħlim. Informazzjoni ċara, is-simplifikazzjoni tal-qafas tal-Europass, it-tixrid usa' tal-informazzjoni, fehim komuni u trasparenza mtejba huma neċessarji sabiex jiġu indirizzati dawn l-isfidi u tiġi iffaċilitata l-mobilità filwaqt li tiġi żgurata flessibilità suffiċjenti ir-rigward ta' prattiki stabbiliti tal-Istati Membri, u jiġu rispettati d-diversità, is-sussidjarjetà u l-proporzjonalità.

Test propost mill-Kummissjoni

Emenda

(3)    Id-Deċiżjoni 2241/2004/KE tal-Parlament Ewropew u tal-Kunsill24 stabbilixxiet qafas biex jiġu indirizzati dawn l-isfidi. L-għan tagħha kien li tinkiseb aktar trasparenza tal-kwalifiki u tal-kompetenzi permezz ta' portafoll ta' dokumenti, magħrufa bħala "Europass", li l-individwi jkunu jistgħu jużaw fuq bażi volontarja. Id-Deċiżjoni 2241/2004/KE stabbilixxiet ukoll il-korpi nazzjonali, magħrufa bħala ċ-Ċentri Nazzjonali tal-Europass, li jimplimentaw il-qafas tal-Europass.

(3)   Id-Deċiżjoni 2241/2004/KE tal-Parlament Ewropew u tal-Kunsill24 stabbilixxiet qafas biex jiġu indirizzati dawn l-isfidi. Hija kisbet aktar trasparenza u komparabilità tal-kwalifiki u tal-kompetenzi permezz ta' portafoll ta' dokumenti, magħrufa bħala "Europass", li l-individwi jistgħu jużaw fuq bażi volontarja, karatteristika għandha tinżamm. Id-Deċiżjoni 2241/2004/KE stabbilixxiet ukoll il-korpi nazzjonali, magħrufa bħala ċ-Ċentri Nazzjonali tal-Europass (NECs), li jimplimentaw il-qafas tal-Europass.

__________________

__________________

24 ĠU L 390, 31.12.2004, p. 6.

24 ĠU L 390, 31.12.2004, p. 6.

Test propost mill-Kummissjoni

Emenda

(3a)  Id-dokumenti tal-Europass jenħtieġ li jevolvu sabiex jippermettu d-deskrizzjoni ta' tipi differenti ta' tagħlim u ħiliet u, b'mod partikolari, dawk miksuba permezz tat-tagħlim mhux formali u informali.

Test propost mill-Kummissjoni

Emenda

(3b)  Il-qafas il-ġdid tal-Europass previst f'dan ir-Regolament jadatta s-servizzi eżistenti tal-Europass għall-ħtiġijiet u l-aspettattivi tal-utenti u l-fornituri, b'mod partikolari, l-istudenti, dawk li qed ifittxu xogħol, il-ħaddiema u l-impjegaturi (b'mod partikolari l-impriżi żgħar u ta' daqs medju), is-servizzi pubbliċi tal-impjiegi, professjonisti tal-orjentament, il-fornituri tal-edukazzjoni u t-taħriġ, l-imsieħba soċjali, il-voluntiera, l-organizzazzjonijiet taż-żgħażagħ, dawk li jipprovdu xogħol għaż-żgħażagħ, l-NECs u l-awtoritajiet nazzjonali responsabbli. Is-simplifikazzjoni, l-effettività u l-effiċjenza, b'rispett għall-istrutturi nazzjonali u l-arranġamenti amministrattivi, huma l-objettivi ewlenin ta' din id-Deċiżjoni. L-istrumenti u l-għodod kollha għandhom ikunu mfassla b'mod xieraq u allinjati b'tali mod li l-għanijiet speċifiċi tagħhom ma jikkoinċidux u ma għandhomx imorru lil hinn mil-limiti tal-Europass.

Test propost mill-Kummissjoni

Emenda

(3c)  Bħala prinċipju ġenerali, l-obbligi u l-piżijiet amministrattivi u finanzjarji fuq l-Istati Membri għandhom ikunu prevedibbli b'mod ċar u bbilanċjati f'termini ta' spejjeż u benefiċċji.

Test propost mill-Kummissjoni

Emenda

(4)  Sabiex jintlaħaq l-objettiv ewlieni tiegħu, il-qafas tal-Europass iffoka fuq l-għodod għad-dokumentazzjoni tal-ħiliet u tal-kwalifiki. Dawn l-għodod kisbu użu wiesa'. L-attivitajiet miċ-Ċentri Nazzjonali tal-Europass joffru appoġġ u jippromwovu d-dokumentazzjoni tal-ħiliet u l-kwalifiki25.

(4)  Sabiex jintlaħaq l-objettiv ewlieni tiegħu, il-qafas tal-Europass iffoka fuq l-għodod għad-dokumentazzjoni tal-ħiliet u tal-kwalifiki. Dawn l-għodod kisbu użu wiesa', iżda b'mod mhux ugwali f'termini ta' ġeografija u l-grupp ta' età, u r-rata ta' użu tagħhom varja ħafna bejn id-diversi setturi tas-suq tax-xogħol. L-attivitajiet mill-NECs joffru appoġġ integrali u jippromwovu d-dokumentazzjoni tal-ħiliet u l-kwalifiki25.

__________________

__________________

25 It-tieni evalwazzjoni tad-Deċiżjoni tal-Parlament Ewropew u tal-Kunsill dwar qafas Komunitarju uniku għat-trasparenza tal-kwalifiki u l-kompetenzi (Europass), COM(2013) 899 final.

25 It-tieni evalwazzjoni tad-Deċiżjoni tal-Parlament Ewropew u tal-Kunsill dwar qafas Komunitarju uniku għat-trasparenza tal-kwalifiki u l-kompetenzi (Europass), COM(2013) 899 final.

Test propost mill-Kummissjoni

Emenda

(4a)  L-attivitajiet offruti mill-NECs jipprovdu appoġġ lill-utenti u jippromwovu d-dokumentazzjoni tal-ħiliet u l-kwalifiki. In-Netwerk Euroguidance kkontribwixxa wkoll għall-iżvilupp fl-għoti ta' informazzjoni rigward l-għodod tal-Unjoni għall-ħiliet u l-kwalifiki. Għandhom jiġu żgurati appoġġ iktar qawwi ta' dawk is-servizzi nazzjonali u koordinazzjoni ikbar bejniethom, biex jissaħħaħ l-impatt tagħhom filwaqt li tiġi rispettata d-diversità tas-sistemi nazzjonali.

Test propost mill-Kummissjoni

Emenda

(7a)  Ir-rakkomandazzjoni tal-Kunsill tal-20 ta' Diċembru 2012 dwar il-validazzjoni tat-tagħlim mhux formali u informali stiednet lill-Istati Membri jkollhom fis-seħħ, mhux iktar tard mill-2018, f'konformità maċ-ċirkostanzi u speċifiċitajiet nazzjonali, u kif iqisu xieraq, arranġamenti għall-validazzjoni tat-tagħlim mhux formali u informali li jippermettu lill-individwi li jkollhom konoxxenza, ħiliet u kompetenzi li nkisbu permezz tat-tagħlim mhux formali u informali, validati u biex jiksbu kwalifika sħiħa jew, fejn applikabbli, kwalifika parzjali.

Test propost mill-Kummissjoni

Emenda

(10)   Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO) tmexxiet mill-Kummissjoni bħala lingwa komuni u għodda operazzjonali għall-edukazzjoni/it-taħriġ u x-xogħol30. L-ESCO tirristruttura kunċetti li huma rilevanti għas-suq tax-xogħol tal-UE u l-edukazzjoni u t-taħriġ fi tliet pilastri interkonnessi: i) okkupazzjonijiet, ii) għarfien, ħiliet u kompetenzi u iii) kwalifiki.. Il-pilastri tal-ESCO jistgħu jiġu kkomplementati minn vokabularji awżiljarji li jkopru ambiti relatati, bħall-kuntest tax-xogħol, l-oqsma tal-edukazzjoni u tat-taħriġ jew is-setturi ekonomiċi.

(10)  Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO) qed tiġi żviluppata u ttestjata mill-Kummissjoni bħala terminoloġija komuni u għodda operazzjonali għall-edukazzjoni/it-taħriġ u x-xogħol30. L-ESCO għandha l-għan li tirristruttura kunċetti li huma rilevanti għas-suq tax-xogħol tal-UE u l-edukazzjoni u t-taħriġ fi tliet pilastri interkonnessi: i) okkupazzjonijiet, ii) għarfien, ħiliet u kompetenzi u iii) kwalifiki. li, jistgħu, fuq bażi volontarja, jikkjarifikaw l-ambiti relatati ta' ħiliet u kwalifiki. Ladarba l-ESCO tkun ġiet żviluppata u ttestjata bis-sħiħ fl-Istati Membri, tista' tintuża bħala bażi terminoloġika ta' riferiment tal-Europass. Barra minn hekk, il-klassifikazzjoni tal-ESCO tista' tiġi kkomplementata minn vokabularju awżiljari li jkopri ambiti relatati, bħall-kuntest tax-xogħol, il-qasam tal-edukazzjoni u tat-taħriġ jew is-settur ekonomiku.

__________________

__________________

30 L-istrateġija Ewropa 2020 ħabbret li l-Kummissjoni se taħdem fuq qafas bħal dan, il-Komunikazzjoni tal-Kummissjoni dwar "Ewropa 2020 - Strateġija għal tkabbir intelliġenti, sostenibbli u inklussiv", COM(2010) 2020 final.

30 L-istrateġija Ewropa 2020 ħabbret li l-Kummissjoni se taħdem fuq qafas bħal dan, il-Komunikazzjoni tal-Kummissjoni dwar "Ewropa 2020 - Strateġija għal tkabbir intelliġenti, sostenibbli u inklussiv", COM(2010) 2020 final.

Test propost mill-Kummissjoni

Emenda

(10a)  Bħalissa, l-ESCO ma tistax titqies bażi terminoloġika ta' riferiment tal-Europass. Minħabba l-fatt li għadu għaddej il-proġett, l-ESCO hija strument li ma ġiex żviluppat jew ittestjat bis-sħiħ u ma ġiex approvat mill-Istati Membri. L-użu tal-ESCO bħala terminoloġija ta' riferiment huwa għalhekk kundizzjonali għal sforz mill-Kummissjoni biex tivvaluta l-aċċettazzjoni u l-utilità tagħha min-naħa tal-utenti u partijiet interessati oħrajn, kif ukoll għal sforz biex tintwera l-pożizzjoni tal-ESCO fl-ispazju tal-istrumenti tal-Unjoni, sabiex jintwera l-valur miżjud tal-użu tagħha lis-swieq tax-xogħol, l-impjegaturi, l-impjegati u dawk li qed ifittxu l-impjieg, u s-sinerġiji li jinħolqu permezz tal-użu tal-ESCO b'mod li jkun konsistenti mal-QEK fil-Europass. Ladarba l-ESCO tiġi rikonoxxuta bħala terminoloġija ta' riferiment għall-Europass, hija għandha tiġi aġġornata regolarment, f'kooperazzjoni mill-qrib mal-Istati Membri u mal-partijiet interessati, bħall-imsieħba soċjali, l-assoċjazzjonijiet professjonali, l-istituti tal-edukazzjoni u tat-taħriġ, l-istituti tar-riċerka, l-istituti tal-istatistika u s-servizzi għall-impjiegi.

Test propost mill-Kummissjoni

Emenda

(11)  Ir-Regolament (UE) 2016/589 tal-Parlament u tal-Kunsill31 stabbilixxa s-Servizzi Ewropej tax-Xogħol (EURES), netwerk ta' servizzi għall-impjiegi u mekkaniżmu ta' tlaqqigħ awtomatizzat tal-persuni mal-impjiegi permezz tal-pjattaforma informatika komuni tal-EURES. Biex jippermetti l-iskambju u t-tlaqqigħ ta' postijiet tax-xogħol battala mal-kandidati, dan il-mekkaniżmu jeħtieġ lista komuni u multilingwi ta' ħiliet, kompetenzi u okkupazzjonijiet. Billi tiżviluppa l-ESCO, il-Kummissjoni qed tipprovdi sistema ta' klassifikazzjoni multilingwi ta' okkupazzjonijiet, ħiliet u kompetenzi u kwalifiki li hija adattata għal dan l-għan.

(11)  Ir-Regolament (UE) 2016/589 tal-Parlament u tal-Kunsill31 stabbilixxa s-Servizzi Ewropej tax-Xogħol (EURES), netwerk ta' servizzi għall-impjiegi u mekkaniżmu ta' tlaqqigħ awtomatizzat tal-persuni mal-impjiegi permezz tal-pjattaforma informatika komuni tal-EURES. Biex jippermetti l-iskambju u t-tlaqqigħ ta' postijiet tax-xogħol battala mal-kandidati, dan il-mekkaniżmu jista' jibbenefika minn lista komuni u multilingwi ta' ħiliet, kompetenzi u okkupazzjonijiet. Billi tiżviluppa l-ESCO, il-Kummissjoni qed timmira li tipprovdi sistema ta' klassifikazzjoni multilingwi għall-professjonijiet, ħiliet u kompetenzi u kwalifiki li jistgħu jikkontribwixxu għall-kisba ta' dan l-għan, wara li jittieħed biżżejjed żmien għal reviżjoni kompleta u bir-reqqa. Fi ħdan in-netwerk tal-EURES tiġi pprovduta assistenza lil persuni li qed ifittxu impjieg li jixtiequ jmorru jgħixu f'pajjiż ieħor kif ukoll lill-impjegaturi li jfittxu ħaddiema f'pajjiż ieħor. L-interkonnessjoni u l-kooperazzjoni bejn il-portali tal-Europass u tal-EURES jistgħu jwasslu għal użu iktar effiċjenti taż-żewġ servizzi.

__________________

__________________

31 ĠU L 107, 22.4.2016, p.1.

31 ĠU L 107, 22.4.2016, p.1.

Test propost mill-Kummissjoni

Emenda

(13)  L-edukazzjoni u t-taħriġ qed dejjem aktar jiġu offruti f'forom u kuntesti ġodda minn varjetà ta' fornituri, partikolarment permezz tal-użu ta' teknoloġiji u pjattaformi diġitali. Bl-istess mod, il-ħiliet, l-esperjenzi u l-kisbiet fit-tagħlim huma rikonoxxuti f'forom differenti, bħal pereżempju badges miftuħa diġitali. Dawn huma magħrufa u użati għall-ħiliet miksuba permezz ta' tagħlim mhux formali bħal fil-ħidma fil-qasam taż-żgħażagħ.

(13)  L-edukazzjoni u t-taħriġ formali, mhux formali u informali qed dejjem aktar jiġu offruti f'forom u kuntesti ġodda bħar-Riżorsi Edukattivi Miftuħa (OER) minn varjetà ta' fornituri inklużi l-fornituri tal-edukazzjoni mhux formali u l-organizzazzjonijiet tas-soċjetà ċivili, partikolarment permezz tal-użu ta' teknoloġiji u ta' pjattaformi diġitali, tagħlim mill-bogħod, tagħlim elettroniku, tagħlim bejn il-pari u korsijiet onlajn miftuħa massivi (MOOCs). Bl-istess mod, il-ħiliet, l-esperjenzi u l-kisbiet fit-tagħlim huma rikonoxxuti f'forom differenti, bħal pereżempju badges miftuħa diġitali, u valutazzjoni oħra rikonoxxuti, inklużi għodod ta' awtovalutazzjoni. Dawn huma magħrufa u użati għall-ħiliet trażversali u personali miksuba permezz ta' tagħlim mhux formali u informali bħall-ħidma fil-qasam taż-żgħażagħ u l-attivitajiet tal-volontarjat sportivi u artisiċi.

Test propost mill-Kummissjoni

Emenda

(14)  Huwa rikonoxxut li qiegħda tikber l-importanza tal-ħiliet trasversali jew personali li jistgħu jiġu applikati f'oqsma differenti. L-individwi jeħtieġu għodod u orjentamenti dwar l-awtovalutazzjoni u dwar id-deskrizzjoni ta' dawn il-ħiliet kif ukoll oħrajn, pereżempju dawk diġitali jew lingwistiċi.

(14)  Barra mill-importanza rikonoxxuta tal-ħiliet tekniċi, hemm rikonoxximent dejjem akbar tal-ħiliet trasversali u personali bħall-ħsieb kritiku, il-ħidma f'tim, is-soluzzjoni tal-problemi, u l-kreattività, u varjetà ta' ħiliet għall-ħajja li huma prerekwiżiti essenzjali għas-sodisfazzjon personali u professjonali u jistgħu, għalhekk, jiġu applikati f'oqsma differenti ta' xogħol, edukazzjoni u taħriġ vokazzjonali. L-individwi jeħtieġu u jistgħu jibbenefikaw minn għodod u orjentamenti dwar l-awtovalutazzjoni u dwar id-deskrizzjoni ta' dawn il-ħiliet kif ukoll oħrajn, pereżempju ħiliet diġitali jew lingwistiċi, hekk kif definiti mill-Qafas Ewropew ta' Kompetenzi Ewlenin.

Test propost mill-Kummissjoni

Emenda

(16)  L-analiżi tal-postijiet tax-xogħol battala, u ta' xejriet oħra tas-suq tax-xogħol, huwa mod stabbilit biex tiġi żviluppata l-informazzjoni dwar il-ħiliet biex wieħed jifhem il-kwistjonijiet tad-diskrepanzi fil-ħiliet u n-nuqqas ta' ħiliet kif ukoll l-asimmetrija fir-rigward tal-kwalifiki. L-użu tat-teknoloġija tal-informatika, bħall-web crawling u l-big data, jgħin biex tittejjeb l-informazzjoni dwar il-ħiliet u għalhekk jiġu indirizzati l-ispariġġi fil-ħiliet.

(16)  L-analiżi tal-postijiet tax-xogħol battala, u ta' xejriet oħra tas-suq tax-xogħol, huwa mod stabbilit biex l-Istati Membri jiżviluppaw l-informazzjoni dwar il-ħiliet biex jifhmu l-kwistjonijiet tad-diskrepanzi fil-ħiliet u n-nuqqas ta' ħiliet kif ukoll l-ispariġġi fir-rigward tal-kwalifiki. L-użu tat-teknoloġija tal-informazzjoni, u skambji ta' dejta jistgħu jgħinu biex jiġi identifikat u jittejjeb l-għarfien dwar il-ħiliet u għalhekk jiġu indirizzati l-ispariġġi fil-ħiliet.

Test propost mill-Kummissjoni

Emenda

(17)  Il-enfasi attwali tal-qafas tal-Europass fuq id-dokumentazzjoni hija wisq limitata biex tingħata risposta għall-bżonnijiet attwali u futuri. Biex jikkomunikaw il-ħiliet u l-kwalifiki u jieħdu deċiżjonijiet opportunitajiet ta' xogħol u ta' taħriġ, l-utenti għandhom bżonn aċċess għall-informazzjoni u l-għodod rilevanti għall-komprensjoni tal-ħiliet u tal-kwalifiki kif ukoll għodod għad-dokumentazzjoni tal-ħiliet u tal-kwalifiki tagħhom.

(17)  L-enfasi attwali tal-qafas tal-Europass jirrikjedi l-iżvilupp ta' terminoloġija komuni fid-dokumentazzjoni, li bħalissa għadha wisq limitata biex tingħata risposta għall-bżonnijiet attwali u futuri. Biex jikkomunikaw il-ħiliet u l-kwalifiki u jieħdu deċiżjonijiet fuq l-opportunitajiet ta' xogħol u ta' taħriġ u ta' validazzjoni, l-utenti għandhom bżonn aċċess għall-informazzjoni u l-għodod rilevanti u aġġornati għall-komprensjoni tal-ħiliet u tal-kwalifiki kif ukoll għodod għad-dokumentazzjoni tal-ħiliet u tal-kwalifiki tagħhom b'mod konformi mal-QEF.

Test propost mill-Kummissjoni

Emenda

(18)  L-għodod u s-servizzi tal-Unjoni għall-ħiliet u l-kwalifiki għandhom jadattaw għall-prattiki li qed jinbidlu u l-avvanzi fit-teknoloġija sabiex ikun żgurat li jibqgħu rilevanti u ta' valur għall-utenti. Dan għandu jinkiseb permezz, fost affarijiet oħra, tal-ħolqien ta' aktar sinerġija bejn għodod u servizzi relatati, inklużi dawk żviluppati minn partijiet terzi, biex jingħata servizz aktar komprensiv u effettiv.

(18)  L-għodod u s-servizzi tal-Unjoni għall-ħiliet u l-kwalifiki għandhom jadattaw għall-prattiki li qed jinbidlu u l-avvanzi fit-teknoloġija sabiex ikun żgurat li jibqgħu rilevanti u ta' valur għall-utenti. Dan għandu jinkiseb permezz, fost affarijiet oħra, tal-ħolqien ta' aktar sinerġiji bejn għodod u servizzi relatati fil-livell nazzjonali u tal-Unjoni, inklużi dawk żviluppati minn partijiet terzi, biex jingħata servizz aktar komprensiv u effettiv, filwaqt li jittieħed kont tal-bżonnijiet speċifiċi ta' persuni b'diżabilità u permezz tat-tisħiħ tal-iskambju tal-aħjar prattiki fost l-Istati Membri. Minbarra dan, miżuri ta' awtentifikazzjoni jistgħu jintużaw biex jappoġġaw il-verifika ta' dokumenti diġitali b'rabta mal-ħiliet u l-kwalifiki.

Test propost mill-Kummissjoni

Emenda

(19  L-approċċ rivedut tal-qafas tal-Europass għandu jikkunsidra l-bżonnijiet tal-utenti potenzjali kollha, inklużi l-istudenti, dawk li jfittxu x-xogħol, il-ħaddiema, l-impjegaturi, il-professjonisti tal-orjentament, is-servizzi pubbliċi tal-impjiegi, l-imsieħba soċjali, il-fornituri tal-edukazzjoni u tat-taħriġ, l-organizzazzjonijiet għall-ħidma fil-qasam taż-żgħażagħ u l-fassala tal-politika.

(19)  L-approċċ rivedut tal-qafas tal-Europass għandu jirrispetta n-natura volontarja tal-Europass u jikkunsidra l-bżonnijiet tal-utenti potenzjali kollha, inklużi l-istudenti, dawk li jfittxu x-xogħol, il-persuni b'diżabilità, il-ħaddiema, l-impjegaturi, b'mod partikolari l-impriżi żgħar u ta' daqs medju, il-professjonisti tal-orjentament, is-servizzi pubbliċi tal-impjiegi, l-imsieħba soċjali, il-fornituri tal-edukazzjoni u tat-taħriġ, il-volontiera, l-organizzazzjonijiet taż-żgħażagħ u l-organizzazzjonijiet għall-ħidma fil-qasam taż-żgħażagħ u dawk li jipprovdu xogħol għaż-żgħażagħ kif ukoll dawk li jfasslu l-politika. Ir-rilevanza ppruvata tal-qafas tal-Europass għall-utenti finali għandha tkun il-prinċipju ta' gwida, u l-partijiet interessati għandhom ikunu involuti mill-qrib.

Test propost mill-Kummissjoni

Emenda

(19a)   Id-dritt tal-Unjoni dwar il-protezzjoni tad-dejta għandu japplika għall-ipproċċesar tad-dejta personali. L-utenti għandhom ikunu jistgħu jagħżlu minn numru ta' għażliet biex jillimitaw l-aċċess għad-dejta tagħhom jew għal ċerti attributi tagħhom.

Test propost mill-Kummissjoni

Emenda

(20)  Is-servizzi għandhom jiġu pprovduti onlajn fil-livell tal-Unjoni. Is-servizzi għandhom jinkludu wkoll l-iżvilupp u l-użu ta' standards miftuħa, skemi ta' metadejta u assi semantiċi biex jiġi ffaċilitat l-iskambju effettiv ta' informazzjoni, miżuri xierqa ta' awtentikazzjoni ta' dokumenti biex tiġi żgurata l-fiduċja fid-dokumenti diġitali u fl-għarfien u l-informazzjoni dwar il-ħiliet. Barra minn hekk, is-servizzi ta' appoġġ fil-livell nazzjonali għandhom jippromwovu u jiżguraw l-aċċess għal firxa wiesgħa ta' utenti, inklużi ċ-ċittadini ta' pajjiżi terzi.

imħassar

Test propost mill-Kummissjoni

Emenda

(21)   Għalhekk il-qafas tal-Europass stabbilit bid-Deċiżjoni 2241/2004/KE għandu jiġi sostitwit minn qafas ġdid biex jiġu indirizzati l-ħtiġijiet li qed jinbidlu.

(21)  Bl-għan li jiġu żviluppati objettivi b'terminoloġija komuni għar-rikonoxximent tal-kwalifiki u s-sistemi ta' edukazzjoni mhux formali u jiġu indirizzati l-bżonnijiet li dejjem jevolvu u l-avvanzi teknoloġiċi, mingħajr ma jkun hemm impatt fuq il-qafas għall-koordinazzjoni bejn l-awtoritajiet nazzjonali, il-qafas tal-Europass stabbilit bid-Deċiżjoni 2241/2004/KE għandu jiġi sostitwit minn qafas volontarju ġdid u aġġornat.

Test propost mill-Kummissjoni

Emenda

(22)  Il-EURES huwa netwerk kooperattiv responsabbli għall-iskambju tal-informazzjoni u għall-iffaċilitar tal-interazzjoni bejn dawk li qed ifittxu impjieg u l-impjegaturi. Dan jipprovdi assistenza bla ħlas lill-persuni li qed ifittxu impjieg u li jixtiequ jiċċaqalqu lejn pajjiż ieħor u jgħin lill-impjegaturi li jixtiequ jingaġġaw ħaddiema minn pajjiżi oħra. Għandhom jiġu żgurati sinerġiji u kooperazzjoni bejn il-Europass u l-EURES biex ikun rinfurzat l-impatt taż-żewġ servizzi.

imħassar

Test propost mill-Kummissjoni

Emenda

(23)  Il-mudell(i) tas-CV, inkluż is-CV stabbilit tal-Europass, u l-mudell(i) tas-Suppliment għall-Kwalifiki għandhom jiffurmaw parti mill-Qafas. Il-mudelli għandhom ikunu disponibbli onlajn.

(23)  Il-mudell(i) tas-CV, inkluż is-CV stabbilit tal-Europass, u l-mudell(i) tas-Suppliment għall-Kwalifiki għandhom jiffurmaw parti mill-Qafas. Il-mudelli għandhom ikunu interattivi, modifikabbli, u aċċessibbli minn kulħadd, disponibbli onlajn u adattati għall-bżonnijiet tal-utenti finali.

Test propost mill-Kummissjoni

Emenda

(23a)  L-ipproċessar tas-CVs fl-Europass għandu jsir b'mod anonimizzat sabiex jikkontribwixxi għall-prevenzjoni tad-diskriminazzjoni fuq il-bazi tar-razza jew l-oriġini etnika, il-ġeneru jew l-età u biex jappoġġa l-iżvilupp ta' swieq tax-xogħol inklużivi.

Test propost mill-Kummissjoni

Emenda

(24)  Id-deżinjazzjoni tal-Punti ta' Koordinazzjoni Nazzjonali tal-Ħiliet bħala l-interfaċċi u l-benefiċjarji ewlenin tal-fondi tal-Unjoni se tappoġġa amministrazzjoni u rappurtar simplifikati u tista' tappoġġa aktar kooperazzjoni u koordinazzjoni bejn is-servizzi nazzjonali eżistenti, inklużi ċ-Ċentri Nazzjonali tal-Europass, il-Punti ta' Koordinazzjoni Nazzjonali tal-QEK u n-netwerk Euroguidance mingħajr preġudizzju għall-arranġamenti nazzjonali f'termini ta' implimentazzjoni u organizzazzjoni.

imħassar

Test propost mill-Kummissjoni

Emenda

(26a)  Il-kollaborazzjoni kostruttiva bejn il-Kummissjoni, l-Istati Membri, is-servizzi tal-impjiegi, il-professjonisti tal-orjentament, il-fornituri tal-edukazzjoni u t-taħriġ, l-imsieħba soċjali bħalma huma t-trade unions u l-assoċjazzjonijiet tal-impjegaturi, hija ta' importanza kbira għall-iżvilupp u l-implimentazzjoni b'eżitu pożittiv tal-qafas tal-Europass;

Test propost mill-Kummissjoni

Emenda

(27)   Il-Kummissjoni se tiggarantixxi pjattaforma ta' kooperazzjoni bejn l-Istati Membri u l-partijiet interessati biex tiġi żgurata l-koerenza ġenerali tal-implimentazzjoni u l-monitoraġġ ta' din id-Deċiżjoni.

(27)   Il-Kummissjoni għandha tiżgura l-implimentazzjoni koerenti u l-monitoraġġ ta' din id-Deċiżjoni permezz ta' grupp ta' esperti tal-Europass magħmul minn rappreżentanti tal-Istati Membri u l-partijiet interessati. Il-grupp ta' esperti, b'mod partikolari, għandu jagħti pariri dwar l-iżvilupp ta' għodod ibbażati fuq il-web għad-dokumentazzjoni tal-informazzjoni dwar il-ħiliet u l-kwalifiki u dwar l-informazzjoni pprovduta permezz tal-pjattaforma onlajn tal-Europass.

Test propost mill-Kummissjoni

Emenda

(28)  Peress li l-objettiv ta' din id-Deċiżjoni, jiġifieri l-istabbiliment ta' qafas komprensiv u interoperabbli ta' għodod, servizzi u informazzjoni medika għal finijiet impjieg u ta' tagħlim, ma jistax jinkiseb b'mod suffiċjenti mill-Istati Membri waħedhom, iżda jistgħu pjuttost, minħabba l-effetti tal-azzjoni, jinkisbu aħjar fil-livell tal-Unjoni, l-Unjoni tista' tadotta miżuri ta' implimentazzjoni, filwaqt li jiġi rispettat il-prinċipju tas-sussidjarjetà kif stabbilit fl-Artikolu 5 tat-Trattat. Skont il-prinċipju tal-proporzjonalità, kif stabbilit f'dak l-Artikolu, din id-Deċiżjoni ma tmurx lil hinn minn dak li hu meħtieġ biex jintlaħaq dan l-objettiv.

(28)  Peress li l-objettiv ta' din id-Deċiżjoni, jiġifieri l-istabbiliment ta' qafas komprensiv, effettiv, interoperabbli u faċli għall-utent ta' għodod, servizzi simplifikati u aċċessibbli u informazzjoni ċara għal finijiet impjieg u ta' tagħlim, ma jistax jinkiseb b'mod suffiċjenti mill-Istati Membri waħedhom, iżda jista' pjuttost, minħabba l-effetti tal-azzjoni, jinkiseb aħjar fil-livell tal-Unjoni, l-Unjoni tista' tadotta miżuri ta' implimentazzjoni, filwaqt li jiġi rispettat il-prinċipju tas-sussidjarjetà kif stabbilit fl-Artikolu 5 tat-Trattat. Skont il-prinċipju tal-proporzjonalità, kif stabbilit f'dak l-Artikolu, din id-Deċiżjoni ma tmurx lil hinn minn dak li hu meħtieġ biex jintlaħaq dan l-objettiv.

Test propost mill-Kummissjoni

Emenda

(29)  L-attivitajiet imwettqa fil-qafas ta' din id-Deċiżjoni se jkunu appoġġati minn espert tal-Aġenziji tal-Unjoni, b'mod partikolari miċ-Ċentru Ewropew għall-Iżvilupp ta' Taħriġ Professjonali (CEDEFOP), fl-ambitu ta' kompetenza tagħhom,

(29)  L-attivitajiet imwettqa fil-qafas ta' din id-Deċiżjoni se jkunu appoġġati minn espert tal-Aġenziji tal-Unjoni, fl-ambitu ta' kompetenza tagħhom, b'mod partikolari miċ-Ċentru Ewropew għall-Iżvilupp ta' Taħriġ Professjonali (CEDEFOP), b'mod konformi mar-Regolament tal-Kunsill (KEE) Nru 337/75.

Test propost mill-Kummissjoni

Emenda

(29a)  L-Istati Membri u l-Unjoni ħadu l-impenn li jieħdu miżuri xierqa biex jiżguraw li l-persuni b'diżabilità jkollhom aċċess ugwali għas-suq tax-xogħol kif ukoll għas-sistemi u t-teknoloġiji ta' informazzjoni u komunikazzjoni.

Test propost mill-Kummissjoni

Emenda

1.   Din id-Deċiżjoni tistabbilixxi qafas Ewropew, inklużi l-għodod ibbażati fuq il-web, l-informazzjoni u l-iżvilupp ta' standards miftuħa biex jiġu appoġġati t-trasparenza u l-fehim tal-ħiliet u l-kwalifiki. Il-qafas għandu jkun magħruf bħala "Europass".

1.   Din id-Deċiżjoni tistabbilixxi qafas Ewropew, magħruf bħala "Europass", ibbażat fuq portafoll personali u volontarju ta' dokumenti bl-għan li l-kwalifiki u l-kompetenzi jsiru trasparenti u interoperabbli ġol-Istati Membri u bejniethom; il-Europass jinkludi għodod aċċessibbli bbażati fuq il-web, informazzjoni u l-iżvilupp ta' standards miftuħa biex jappoġġaw aktar trasparenza u fehim tal-ħiliet u l-kwalifiki bejn l-Istati Membri miksuba permezz ta' tagħlim formali, mhux formali u informali u permezz ta' esperjenzi prattiċi, inkluża l-mobilità. Dawk l-għodod ibbażati fuq il-web u dik l-informazzjoni huma maħsuba biex jgħinu lill-utenti jikkomunikaw u jippreżentaw aħjar il-ħiliet u l-kwalifiki tagħhom.

Test propost mill-Kummissjoni

Emenda

2.  Il-Europass għandu jiġi amministrat mill-Kummissjoni u appoġġat mill-Punti ta' Koordinazzjoni Nazzjonali tal-Ħiliet.

2.  Il-Europass għandu jiġi amministrat mill-Kummissjoni u appoġġat miċ-Ċentri Nazzjonali tal-Europass, b'mod li jirrispetta l-istrutturi u l-arranġamenti amministrattivi tal-Istati Membri.

Test propost mill-Kummissjoni

Emenda

3.  L-użu tal-Europass ma għandu jimponi l-ebda obbligu jew ma għandu jikkonferixxi l-ebda dritt għajr dawk definiti f'din id-Deċiżjoni.

3.  L-użu tal-Europass huwa volontarju u ma għandu jimponi l-ebda obbligu jew ma għandu jikkonferixxi l-ebda dritt għajr dawk definiti f'din id-Deċiżjoni.

Test propost mill-Kummissjoni

Emenda

(a)  "Suppliment għaċ-Ċertifikat" tfisser dokument mehmuż ma' ċertifikat vokazzjonali, sabiex jagħmilha iktar faċli għal terzi partijiet biex jifhmu l-eżiti tat-tagħlim miksuba mid-detentur tal-kwalifika kif ukoll in-natura, il-livell, il-kuntest, il-kontenut u l-istatus tal-istudji li tlestew;

(a)  "Suppliment għaċ-Ċertifikat" tfisser dokument mehmuż ma' ċertifikat ta' edukazzjoni u taħriġ vokazzjonali (ETV) jew ċertifikat professjonali, sabiex jagħmilha iktar faċli għal terzi partijiet biex jifhmu l-eżiti tat-tagħlim miksuba mid-detentur tal-kwalifika kif ukoll in-natura, il-livell, il-kuntest, il-kontenut, l-istatus tal-istudji li tlestew u l-ħiliet miksuba;

Test propost mill-Kummissjoni

Emenda

(ca)  "gwida" tfisser proċess kontinwu li jagħmilha possibbli għall-individwi li jidentifikaw il-kapaċitajiet, il-kompetenzi u l-interessi tagħhom, jieħdu deċiżjonijiet dwar l-edukazzjoni, it-taħriġ u l-impjieg u jimmaniġġjaw it-triqat tal-ħajja individwali tagħhom fil-kuntesti tat-tagħlim, tax-xogħol u f'kuntesti oħra li fihom dawk il-kapaċitajiet u l-kompetenzi huma miksuba jew użati;

Test propost mill-Kummissjoni

Emenda

(d)  "metadejta" tfisser dejta li tipprovdi informazzjoni dwar dejta oħra li tintuża f'dokumenti tal-Europass;

imħassar

Test propost mill-Kummissjoni

Emenda

(e)  "skemi ta' metadejta" tfisser deskrizzjoni ta' elementi ta' metadejta, il-valuri possibbli tagħhom, il-livell ta' obbligu tal-valuri u r-relazzjonijiet bejn dawn l-elementi ta' metadejta;

imħassar

Test propost mill-Kummissjoni

Emenda

(f)  "okkupazzjoni" tfisser raggruppament ta' impjiegi li jinvolvu kompiti simili u li jirrikjedu sett ta' ħiliet simili;

(f)  "okkupazzjoni" tfisser serje ta' impjiegi li fir-rigward tagħhom il-kompiti u d-dmirijiet ewlenin huma kkaratterizzati minn grad għoli ta' xebh;

Test propost mill-Kummissjoni

Emenda

(g)   "oganizzazzjonijiet" tfisser impjegaturi, dawk li jirreklutaw, l-istituzzjonijiet tal-edukazzjoni u t-taħriġ, u partijiet interessati oħra li għandhom interess fi kwistjonijiet dwar l-edukazzjoni, it-taħriġ u l-impjiegi;

(g)   "organizzazzjonijiet" tfisser l-imsieħba soċjali, dawk li jirreklutaw, l-istituzzjonijiet tal-edukazzjoni u t-taħriġ u partijiet interessati oħra bħall-kmamar tal-kummerċ, il-fornituri tal-edukazzjoni mhux formali u l-organizzazzjonijiet tas-soċjetà ċivili, li għandhom interess fi kwistjonijiet dwar l-edukazzjoni, it-taħriġ u l-impjiegi;

Test propost mill-Kummissjoni

Emenda

(h)  "kwalifika" tfisser eżitu formali ta' proċess ta' valutazzjoni u ta' validazzjoni li jinkiseb meta korp kompetenti jiddetermina li individwu kiseb l-eżiti tat-tagħlim sal-istandards preskritti;

(h)  "kwalifika" tfisser eżitu formali ta' proċess ta' valutazzjoni u ta' validazzjoni li jinkiseb meta awtorità kompetenti, bħal korp nazzjonali msemmi fil-liġi bħala dak kompetenti, tiddetermina li individwu jkun kiseb l-eżiti tat-tagħlim sal-istandards preskritti;

Test propost mill-Kummissjoni

Emenda

(i)  "assi semantiċi" tfisser ġabra ta' metadejta jew dejta ta' referenza ampjament riutilizzabbli bħal listi ta' kodiċijiet, tassonomiji, dizzjunarji jew vokabularji li jintużaw għall-iżvilupp ta' sistemi;

imħassar

Test propost mill-Kummissjoni

Emenda

(j)  "valutazzjoni tal-ħiliet" tfisser il-proċess jew il-metodu użat għall-evalwazzjoni, il-kejl u eventwalment id-deskrizzjoni tal-ħiliet tal-individwi. Dan jista' jinkludi awtovalutazzjoni jew valutazzjoni iċċertifikata minn parti terza;

(j)  "valutazzjoni tal-ħiliet" tfisser il-proċess jew il-metodu użat għall-evalwazzjoni, il-kejl u eventwalment id-deskrizzjoni tal-ħiliet tal-individwi miksuba f'ambiti formali jew mhux formali. Dan jista' jinkludi awtovalutazzjoni jew valutazzjoni iċċertifikata minn parti terza;

Test propost mill-Kummissjoni

Emenda

(k)  "standards" tfisser ftehimiet rikonoxxuti dwar kriterji jew speċifikazzjonijiet ta' prodott, servizz, proċess jew metodu, inklużi skemi ta' metadejta u assi semantiċi.

(k)  "standards" tfisser ftehimiet rikonoxxuti dwar kriterji jew speċifikazzjonijiet ta' prodott, servizz, proċess jew metodu.

Test propost mill-Kummissjoni

Emenda

Il-Europass għandu jipprovdi l-għodod ibbażati fuq il-web li ġejjin :

Il-Europass għandu jipprovdi l-għodod u s-supplimenti bbażati fuq il-web li ġejjin b'mod aċċessibbli:

Test propost mill-Kummissjoni

Emenda

(-a)  għodod għad-dokumentazzjoni u d-deskrizzjoni ta' ħiliet u kwalifiki miksuba permezz ta' esperjenzi ta' ħidma u ta' tagħlim, inkluża l-mobilità transfruntiera;

Test propost mill-Kummissjoni

Emenda

(b)  għodod ta' awtovalutazzjoni tal-ħiliet individwali, inkluż permezz ta' kwestjonarji, b'referenza għal deskrizzjonijiet stabbiliti tal-ħiliet jew permezz tal-integrazzjoni ta' dejta minn għodod oħra ta' awtovalutazzjoni eżistenti tal-UE bħall-Youthpass;

(b)  għodod ta' (awto)valutazzjoni tal-ħiliet individwali, bl-iktar mod wiesa' possibbli, permezz ta' metodi validati, inkluż permezz ta' kwestjonarji, b'referenza għal deskrizzjonijiet stabbiliti tal-ħiliet jew permezz tal-integrazzjoni ta' dejta minn għodod ta' awtovalutazzjoni allinjati u sinkronizzati oħra eżistenti fl-UE bħall-Youthpass u għodod ta' (awto)valutazzjoni rikonoxxuti oħra, maħluqa u użati minn organizzazzjonijiet ta' żgħażagħ bħall-badges ta' tagħlim diġitali;

Test propost mill-Kummissjoni

Emenda

(c)  mudell(i) ta' Supplimenti tal-Europass għall-Kwalifiki , kif imsemmi fl-Artikolu 5;

(c)  Supplimenti tal-Europass għad-Diploma u Ċertifikat ta' Kwalifika;

Test propost mill-Kummissjoni

Emenda

(d)  għodod meħtieġa għall-appoġġ tal-preżentazzjoni u l-iskambju ta' informazzjoni minn organizzazzjonijiet.

(d)  għodod għall-appoġġ tal-preżentazzjoni u l-iskambju ta' informazzjoni minn organizzazzjonijiet.

Test propost mill-Kummissjoni

Emenda

2.  Il-Europass għandu jipprovdi informazzjoni dwar dan li ġej:

2.  Il-Europass, f'kooperazzjoni mal-Istati Membri, jista' jipprovdi informazzjoni dwar dan li ġej:

Test propost mill-Kummissjoni

Emenda

(aa)  kwalifiki u oqfsa ta' kwalifiki

Test propost mill-Kummissjoni

Emenda

(c)   prattiki u deċiżjonijiet ta' rikonoxximent f'diversi pajjiżi, inklużi pajjiżi terzi, sabiex l-individwi u l-partijiet interessati l-oħra jingħataw l-għajnuna ħalli jifhmu l-kwalifiki;

(c)   Liġijiet, prattiki u deċiżjonijiet ta' rikonoxximent f'diversi Stati Membri, inklużi pajjiżi terzi, sabiex l-individwi u l-partijiet interessati l-oħra jingħataw l-għajnuna ħalli jqabblu u jifhmu l-kwalifiki;

Test propost mill-Kummissjoni

Emenda

(e)  analiżi tax-xejriet fil-provvista u d-domanda u tipi oħra ta' informazzjoni dwar il-ħiliet inkluż fil-livell ġeografiku u dak settorjali, bl-użu ta' mezzi teknoloġiċi bħall-analiżi tal-big data u l-web crawling;

imħassar

Test propost mill-Kummissjoni

Emenda

(f)  kwalunkwe informazzjoni addizzjonali dwar il-ħiliet u l-kwalifiki li tista' tkunu rilevanti għall-ħtiġijiet partikolari tal-migranti li jaslu jew li jgħixu fl-UE sabiex jingħata appoġġ lill-integrazzjoni tagħhom.

(f)  kwalunkwe informazzjoni addizzjonali dwar il-ħiliet u l-kwalifiki li tista' tkun rilevanti għall-ħtiġijiet partikolari ta' ċittadini minn pajjiżi terzi li jaslu jew li jgħixu fl-UE, b'mod legali, sabiex jingħata appoġġ lill-integrazzjoni tagħhom.

Test propost mill-Kummissjoni

Emenda

2a.  Il-Europass għandu jipprovdi informazzjoni fis-sens tal-paragrafu 2 wara konsultazzjoni mal-Istati Membri kkonċernati.

Test propost mill-Kummissjoni

Emenda

3.   Il-Europass għandu jappoġġa l-kooperazzjoni dwar l-iżvilupp, l-użu u d-disseminazzjoni ta' standards miftuħa, inklużi l-iskemi ta' metadejta u l-assi semantiċi, biex jiġi ffaċilitat l-iskambju aktar effettiv ta' informazzjoni dwar il-ħiliet u l-kwalifiki fil-livell tal-UE u mill-Istati Membri u partijiet terzi. Din is-sistema ta' klassifikazzjoni multilingwi l-ESCO (Klassifikazzjoni Ewropea ta' Ħiliet, Kompetenzi, Kwalifiki u Impjiegi) imsemmija fl-Artikolu 6 għandha tintuża biex jingħata appoġġ lil din il-ħidma.

3.   Il-Europass għandu jappoġġa l-kooperazzjoni dwar l-iżvilupp, l-użu u d-disseminazzjoni ta' standards miftuħa, biex jiġi ffaċilitat skambju aktar effettiv ta' informazzjoni dwar il-ħiliet u l-kwalifiki fil-livell tal-UE u mill-Istati Membri u partijiet terzi.

Test propost mill-Kummissjoni

Emenda

1.  L-informazzjoni u l-istandards miftuħa offruti permezz tal-Europass għandhom jiġu ppubblikati, mingħajr ħlas, għal użu mill-ġdid mill-Istati Membri u partijiet interessati oħra fuq bażi volontarja.

1.  L-informazzjoni offruta permezz tal-Europass għandha tiġi ppubblikata, mingħajr ħlas, għal użu mill-ġdid mill-Istati Membri u partijiet interessati oħra fuq bażi volontarja.

Test propost mill-Kummissjoni

Emenda

2.  Il-Europass għandu jfittex li jtejjeb it-trasparenza u l-fehim tat-tagħlim miksub f'kuntesti formali, mhux formali u informali u permezz ta' esperjenzi prattiċi, inkluża l-mobilità.

2.   Il-Europass għandu jfittex li jtejjeb it-trasparenza u l-fehim tat-tagħlim miksub f'kuntesti formali, mhux formali u informali u permezz ta' esperjenzi prattiċi, inkluża l-mobilità fuq perjodu twil u qasir fil-livelli kollha tal-edukazzjoni u l-volontarjat. Għodod ta' valutazzjoni għandhom jgħaddu minn proċess ta' assigurazzjoni tal-kwalità qabel ma jiġu integrati fil-Europass.

Test propost mill-Kummissjoni

Emenda

3.  Il-Europass għandu jinkludi għodod li jiffaċilitaw l-fehim tal-ħiliet permezz ta' valutazzjoni minn partijiet terzi jew awtodikjarazzjoni mill-individwi.

3.  Il-Europass għandu jinkludi għodod koordinati u ppruvati li jiffaċilitaw il-fehim tal-ħiliet permezz ta' valutazzjoni minn partijiet terzi u awtodikjarazzjoni mill-individwi.

Test propost mill-Kummissjoni

Emenda

4.  Il-Qafas Ewropew tal-Kwalifiki (QEK) għandu jintuża bħala qafas ta' appoġġ għall-forniment ta' informazzjoni fil-Europass. Issir referenza għall-QEK fl-informazzjoni dwar il-kwalifiki, fid-deskrizzjonijiet tas-sistemi ta' edukazzjoni u taħriġ nazzjonali u f'oqsma rilevanti oħra.

4.  Il-Qafas Ewropew tal-Kwalifiki (QEK) jista' jintuża bħala qafas ta' appoġġ għall-forniment ta' informazzjoni fil-Europass. Issir referenza għall-QEK fl-informazzjoni dwar il-kwalifiki, fid-deskrizzjonijiet tas-sistemi ta' edukazzjoni u taħriġ nazzjonali u f'oqsma rilevanti oħra. Kwalunkwe inkonsistenza bejn l-oqfsa proposti mill-QEK u l-ESCO għandha tiġi riżolta qabel l-implimentazzjoni tal-Europass.

Test propost mill-Kummissjoni

Emenda

5.   Il-Europass għandu juża l-Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO) stabbilita fl-Artikolu 6 biex tkun żgurata l-interoperabilità semantika bejn l-għodod ta' dokumentazzjoni u ta' informazzjoni. L-ESCO għandha tipprovdi wkoll pjattaforma ta' interoperabilità ma' servizzi rilevanti oħra bħal dawk żviluppati mis-suq tax-xogħol.

5.   Ladarba jiġi ttestjat u approvat mill-Istati Membri, il-Europass jista' jipproċedi bl-iżvilupp effettiv tal-Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO) biex tkun żgurata l-interoperabilità semantika bejn l-għodod ta' dokumentazzjoni u ta' informazzjoni. L-ESCO tista' tipprovdi wkoll pjattaforma ta' interoperabilità ma' servizzi rilevanti oħra bħal dawk żviluppati mis-suq tax-xogħol.

Test propost mill-Kummissjoni

Emenda

6.   Il-qafas tal-Europass jista' jinkludi opzjoni biex l-informazzjoni personali tinħażen mill-utenti, bħal profil personali.

6.   Il-qafas tal-Europass jista' jinkludi opzjoni għall-utenti biex jaħżnu dejta personali bħal profil personali, filwaqt li jiżgura l-privatezza u l-protezzjoni tad-dejta.

Test propost mill-Kummissjoni

Emenda

8.   L-għodod web tal-Europass għandhom jiġu pprovduti fil-lingwa uffiċjali tal-Unjoni Ewropea.

8.   L-għodod web tal-Europass għandhom jiġu pprovduti fil-lingwi uffiċjali kollha tal-Unjoni Ewropea, għandhom ikunu interoperabbli u sikuri, u jkunu aċċessibbli għall-persuni b'diżabilità;

Test propost mill-Kummissjoni

Emenda

10.  Il-Europass għandu jitħaddem biex jiġu appoġġati u żgurati sinerġiji ma' strumenti u servizzi oħra offruti fil-livell tal-UE u dak nazzjonali. L-iżvilupp ta' skemi ta' metadata miftuħa għandu jkun kompatibbli mal-istandards tekniċi applikati skont ir-Regolament (UE) Nru 2016/589.

10.  Il-Europass għandu jitħaddem biex jiġu appoġġati u żgurati sinerġiji ma' strumenti u servizzi oħra offruti fil-livell tal-UE u dak nazzjonali.

Test propost mill-Kummissjoni

Emenda

10a.  Il-Europass għandu jiżgura l-protezzjoni tad-dejta tal-utenti tiegħu f'kull waqt. L-utent għandu jiddeċiedi liema informazzjoni tkun viżibbli u tkun tista' titfittex mill-impjegaturi u l-utenti.

Test propost mill-Kummissjoni

Emenda

1.  Is-Suppliment(i) tal-Europass għall-Kwalifiki għandu jew għandhom jinħarġu mill-awtoritajiet nazzjonali kompetenti skont mudelli żviluppati mill-Kummissjoni Ewropea u partijiet interessati oħra32 bħall-Kunsill tal-Ewropa u l-UNESCO.

1.  Is-Suppliment(i) tal-Europass għall-Kwalifiki għandu/għandhom jinħareġ/jinħarġu mill-awtoritajiet nazzjonali kompetenti jew minn assoċjazzjonijiet u korpi professjonali rikonoxxuti, skont il-mudelli żviluppati mill-Kummissjoni Ewropea u partijiet interessati oħra32 bħall-Kunsill tal-Ewropa u l-UNESCO, inkwantu jkunu konsistenti. Kwalunkwe tibdil f'dan il-qasam għandu jqis ir-riżultati tal-ħidma tal-Grupp Konsultattiv dwar ir-Reviżjoni tas-Suppliment tad-Diploma tal-Grupp ta' Segwitu ta' Bologna, jirreferi għalihom u jkun konformi magħhom.

_________________

_________________

32 Is-supplimenti attwali huma s-Suppliment għaċ-Ċertifikat u s-Suppliment għad-Diploma.

32 Is-supplimenti attwali huma s-Suppliment għaċ-Ċertifikat u s-Suppliment għad-Diploma.

Test propost mill-Kummissjoni

Emenda

(a)  jiġu rispettati mill-awtoritajiet nazzjonali rilevanti meta jimlew u joħorġu s-supplimenti. B'mod partikolari, l-ordni ta' kull element għandha tiġi rispettata u kull taqsima għandha timtela sabiex jiġu ffaċilitati l-fehim u l-għoti ta' informazzjoni sħiħa;

(a)  jiġu rispettati mill-awtoritajiet nazzjonali rilevanti u assoċjazzjonijiet u korpi professjonali rikonoxxuti meta jimlew u joħorġu s-supplimenti. B'mod partikolari, l-ordni ta' kull element għandha tiġi rispettata u kull taqsima għandha timtela sabiex jiġu ffaċilitati l-fehim u l-għoti ta' informazzjoni sħiħa;

Test propost mill-Kummissjoni

Emenda

(d)  ikunu soġġetti għal reviżjonijiet regolari sabiex jiġu żgurati r-rilevanza u l-użabilità tas-supplimenti.

(d)  ikunu soġġetti għal reviżjonijiet regolari, li għandhom jinkludu stħarriġ tas-sodisfazzjon tal-utenti, rakkomandazzjonijiet miċ-Ċentri Nazzjonali tal-Europass u gruppi ta' ħidma esperti, sabiex jiġu żgurati r-rilevanza u l-użabilità tas-supplimenti.

Test propost mill-Kummissjoni

Emenda

3.   Id-dokumenti kollha tas-Supplimenti tal-Europass għall-Kwalifiki maħruġa minn korpi awtorizzati għandhom jinħarġu b'mod awtomatiku u mingħajr ħlas f'forma elettronika, fil-lingwa nazzjonali u/jew f'lingwa Ewropea prinċipali, skont il-proċeduri maqbula bejn il-korpi emittenti u l-Punti ta' Koordinazzjoni Nazzjonali tal-Ħiliet msemmija fl-Artikolu 8 u f'konformità ma' kwalunkwe proċedura maqbula bejn il-Kummissjoni Ewropea u l-partijiet interessati.

3.   Id-dokumenti kollha tas-Supplimenti tal-Europass għall-Kwalifiki maħruġa minn korpi awtorizzati għandhom jinħarġu b'mod awtomatiku u mingħajr ħlas f'forma elettronika, fil-lingwa nazzjonali u/jew f'lingwa Ewropea prinċipali, skont il-proċeduri maqbula bejn il-korpi emittenti u ċ-Ċentri Nazzjonali tal-Europass imsemmija fl-Artikolu 8 u f'konformità mal-proċeduri maqbula bejn il-Kummissjoni u l-partijiet interessati.

Test propost mill-Kummissjoni

Emenda

Artikolu 6

imħassar

Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO)

1.   Il-Kummissjoni għandha tamministra klassifikazzjoni multilingwi ta' kunċetti li huma rilevanti għas-sistema ta' taħriġ u edukazzjoni u għas-suq tax-xogħol tal-UE magħrufa bħala l-Klassifikazzjoni Ewropea ta' Ħiliet, Kompetenzi, Kwalifiki u Impjiegi (ESCO).

2.   Il-klassifikazzjoni ESCO tappoġġa b'mod dirett il-funzjonament tal-Europass billi tipprovdi lingwa ta' referenza komuni għall-iskambju ta' informazzjoni u dokumenti dwar il-ħiliet u l-kwalifiki u għall-fini ta' tfittix ta' xogħol, tlaqqigħ ta' impjiegi, tfittix għal opportunitajiet ta' edukazzjoni u ta' taħriġ u għoti ta' orjentament fir-rigward tat-tagħlim u l-karriera.

Test propost mill-Kummissjoni

Emenda

1.  Il-Kummissjoni, b'kooperazzjoni mal-Istati Membri, għandha:

1.  Il-Kummissjoni, wara li tikkonsulta mal-Istati Membru u b'kooperazzjoni magħhom, filwaqt li tirrispetta bis-sħiħ ir-responsabbiltà tal-Istati Membri għall-politika tal-edukazzjoni u t-taħriġ, għandha:

Test propost mill-Kummissjoni

Emenda

(a)  tiżviluppa għodod ibbażati fuq il-web għall-operat tal-Europass;

(a)  tiżviluppa għodod ibbażati fuq il-web li jkunu interoperabbli, faċli għall-utent u sikuri, li jkunu faċilment aċċessibbli għall-utenti kollha, għall-operat tal-Europass; Id-dokumenti tal-Europass imsemmija fl-Artikolu 2 tad-Deċiżjoni Nru 2241/2004/KE għandhom jiġu inkorporati fil-qafas tal-Europass stabbilit b'din id-Deċiżjoni.

Test propost mill-Kummissjoni

Emenda

(aa)  tibqa' aġġornata dwar l-aħħar tagħrif fis-siti web u fl-applikazzjonijiet mobbli li jistgħu jtejbu l-aċċessibilità tal-Europass għal nies aktar anzjani u l-persuni b'diżabilità u tinkorpora tali tagħrif;

Test propost mill-Kummissjoni

Emenda

(b)  tiżgura li jitwettqu attivitajiet adegwati ta' promozzjoni u ta' informazzjoni fil-livell tal-Unjoni u dak nazzjonali sabiex jintlaħqu l-utenti u l-partijiet interessati rilevanti;

(b)  tiżgura li jitwettqu attivitajiet adegwati u effettivi ta' promozzjoni, ta' informazzjoni u ta' orjentament fil-livell tal-Unjoni u dak nazzjonali sabiex jintlaħqu l-utenti, inklużi l-persuni b'diżabilità, u l-partijiet interessati rilevanti;

Test propost mill-Kummissjoni

Emenda

(d)  taġġorna regolarment il-klassifikazzjoni ESCO, f'kooperazzjoni mill-qrib mal-Istati Membri u mal- partijiet interessati, bħall-imsieħba soċjali, l-assoċjazzjonijiet professjonali, l-istituti tal-edukazzjoni u tat-taħriġ, l-istituti tar-riċerka, l-istituti tal-istatistika u s-servizzi tal-impjiegi.

imħassar

Test propost mill-Kummissjoni

Emenda

(a)  tippromwovi u timmonitorja l-effettività tal-għodod web tal-Europass u taġġorna u tiżviluppa s-servizzi tal-Europass skont il-ħtiġijiet tal-utenti;

(a)  tippromwovi u timmonitorja l-effettività tal-għodod web tal-Europass li huma interoperabbli, faċilment aċċessibbli għall-utenti kollha, faċli għall-utent u sikuri, inkluża l-aċċessibilità għall-persuni b'diżabilità, u taġġorna u tiżviluppa s-servizzi tal-Europass skont il-ħtiġijiet tal-utenti;

Test propost mill-Kummissjoni

Emenda

(b)   timmonitorja l-effettività tal-appoġġ għall-iżvilupp ta' standards miftuħa, skemi ta' metadejta u assi semantiċi għall-interoperabilità;

(b)   timmonitorja l-effettività tal-appoġġ għall-iżvilupp ta' standards miftuħa;

Test propost mill-Kummissjoni

Emenda

(c)  tappoġġa l-implimentazzjoni tal-Artikolu 14 tar-Regolament (UE) Nru 2016/589 dwar il-klassifikazzjoni ESCO, u tappoġġa l-aġġornament kontinwu tal-ESCO;

imħassar

Test propost mill-Kummissjoni

Emenda

(e)  tappoġġa l-iskambju ta' informazzjoni dwar id-deċiżjonijiet u l-prattiki ta' rikonoxximent;

(e)  tappoġġa l-iskambju ta' informazzjoni dwar id-deċiżjonijiet u l-prattiki ta' komparabilità u rikonoxximent;

Test propost mill-Kummissjoni

Emenda

(f)  tappoġġa l-iżvilupp ta' politika ta' orjentament u servizzi ta' orjentament;

(f)  tappoġġa l-iżvilupp ta' politika ta' orjentament u servizzi ta' orjentament, inkluż permezz ta' kuntatt dirett ma' individwi;

Test propost mill-Kummissjoni

Emenda

(g)   timmonitorja l-attivitajiet tal-Punti ta' Koordinazzjoni Nazzjonali tal-Ħiliet, il-konsistenza tal-informazzjoni li jipprovdu għall-analiżi tax-xejriet fil-provvista u d-domanda tal-ħiliet, u l-informazzjoni provduta dwar l-opportunitajiet ta' tagħlim għall-portal rilevanti fil-livell tal-Unjoni;

(g)   timmonitorja l-attivitajiet taċ-Ċentri Nazzjonali tal-Europass u l-konsistenza tal-informazzjoni li jipprovdu għall-analiżi tax-xejriet fil-provvista u d-domanda tal-ħiliet, u l-informazzjoni provduta dwar l-opportunitajiet ta' tagħlim għall-portal rilevanti fil-livell tal-Unjoni;

Test propost mill-Kummissjoni

Emenda

(h)  tistabbilixxi reviżjonijiet bejn il-pari u skambji tal-aħjar prattiki fost l-Istati Membri.

(h)  tistabbilixxi skambji tal-aħjar prattiki fost l-Istati Membri.

Test propost mill-Kummissjoni

Emenda

(a)  jagħżlu u jamministraw, skont iċ-ċirkostanzi nazzjonali, Punti ta' Koordinazzjoni Nazzjonali tal-Ħiliet, biex jappoġġaw il-koordinazzjoni u l-kooperazzjoni bejn is-servizzi nazzjonali msemmija f'din id-Deċiżjoni;

(a)  jagħżlu u jamministraw, skont iċ-ċirkostanzi nazzjonali, Ċentru Nazzjonali tal-Europass, biex jiġu appoġġati l-koordinazzjoni u l-kooperazzjoni kemm bejn attivitajiet speċifiċi kif ukoll bejn is-servizzi nazzjonali msemmija f'din id-Deċiżjoni;

Test propost mill-Kummissjoni

Emenda

(b)  jiżguraw, permezz tal-Punti ta' Koordinazzjoni Nazzjonali tal-Ħiliet, l-għoti f'waqtu u effikaċi ta' dejta u informazzjoni disponibbli fil-livell nazzjonali għall-aġġornament tal-qafas tal-Europass;

(b)  jiżguraw, permezz taċ-Ċentru Nazzjonali tal-Europass, l-għoti f'waqtu u effikaċi ta' dejta u informazzjoni disponibbli fil-livell nazzjonali għall-aġġornament tal-qafas tal-Europass;

Test propost mill-Kummissjoni

Emenda

(c)   jipprovdu lill-utenti tal-Europass aċċess għall-informazzjoni jew id-data rilevanti disponibbli fl-Istat Membru, partikolarment l-aċċess għall-informazzjoni dwar l-opportunitajiet ta' tagħlim, il-kwalifiki u s-sistemi ta' kwalifiki u għall-assi semantiċi fil-livell nazzjonali;

(c)   jipprovdu lill-utenti tal-Europass, b'mod sempliċi, effettiv u kosteffiċjenti b'aċċess għall-informazzjoni jew id-dejta rilevanti disponibbli fl-Istati Membri, partikolarment l-aċċess għall-informazzjoni dwar l-opportunitajiet ta' tagħlim u validazzjoni, il-kwalifiki u s-sistemi ta' kwalifiki u għall-assi semantiċi fil-livell nazzjonali;

Test propost mill-Kummissjoni

Emenda

(da)  jiżguraw il-viżibilità u l-promozzjoni fil-livell nazzjonali tal-Europass, permezz ta' korpi edukattivi u ta' taħriġ u partijiet interessati oħra fil-qasam tal-edukazzjoni, it-taħriġ u l-impjiegi;

Test propost mill-Kummissjoni

Emenda

2.  Kull Punt ta' Koordinazzjoni Nazzjonali tal-Ħiliet għandu:

2.  Kull Ċentru Nazzjonali tal-Europass għandu:

Test propost mill-Kummissjoni

Emenda

(b)   jippromwovi u jipprovdi informazzjoni dwar l-orjentament għal finijiet ta' tagħlim u ta' impjieg u jagħmel l-informazzjoni dwar l-opportunitajiet ta' tagħlim disponibbli pubblikament fil-livell nazzjonali u permezz tal-għodda onlajn tal-Unjoni.

(b)  jippromwovi u jipprovdi informazzjoni dwar l-orjentament għal finijiet ta' tagħlim u ta' karriera, fejn xieraq;

Test propost mill-Kummissjoni

Emenda

(c)  jimmonitorja l-ġbir u d-disseminazzjoni ta' informazzjoni bbażata fuq il-fatti u f'ħin reali dwar il-ħiliet fil-livell nazzjonali u dak reġjonali;

imħassar

Test propost mill-Kummissjoni

Emenda

3.  Il-Punti ta' Koordinazzjoni Nazzjonali tal-Ħiliet għandhom ikunu l-benefiċjarju tal-finanzjament mill-Unjoni mogħti għall-implementazzjoni ta' din id-Deċiżjoni.

3.  Iċ-Ċentri Nazzjonali tal-Europass għandhom ikunu l-benefiċjarji tal-finanzjament mill-Unjoni mogħti għall-implementazzjoni ta' din id-Deċiżjoni.

Test propost mill-Kummissjoni

Emenda

Il-miżuri previsti f'din id-Deċiżjoni għandhom jitwettqu skont il-liġi tal-Unjoni dwar il-protezzjoni tad-dejta personali, b'mod partikolari d-Direttiva 95/46/KE u r-Regolament (KE) No 45/200133.

Il-miżuri previsti f'din id-Deċiżjoni għandhom jitwettqu skont il-liġi tal-Unjoni dwar il-protezzjoni tad-dejta personali, b'mod partikolari d-Direttiva 95/46/KE33 u r-Regolament (KE) No 45/2001.

Id-dejta personali trid tiġi protetta f'konformità mal-ogħla standards. Id-dejta personali tibqa' taħt il-kontroll tas-suġġett tad-dejta, li jista' jirrettifika jew iħassar d-dejta. Meta d-dejta personali tiġi pproċessata għall-finijiet tal-Europass, din għandha tkun anonima.

_________________

_________________

33 Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

33 Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

Test propost mill-Kummissjoni

Emenda

1.   L-implimentazzjoni ta' din id-Deċiżjoni għandha tiġi kofinanzjata permezz tal-programmi tal-Unjoni. L-approprjazzjonijiet annwali għandhom jiġu awtorizzati mill-Parlament Ewropew u tal-Kunsill fil-limiti tal-qafas finanzjarju.

1.   Din id-Deċiżjoni għandha tiġi implimentata permezz ta' għotjiet operazzjonali pluriennali liċ-Ċentri Nazzjonali tal-Europass. Il-Kummissjoni għandha tipprovdi prospettiva fuq ħames snin li tinkludi estimi tal-implikazzjonijiet finanzjarji għall-Istati Membri.