dwar il-proposta għal deċiżjoni tal-Parlament Ewropew u tal-Kunsill li temenda d-Direttiva 87/217/KEE tal-Kunsill, id-Direttiva 2003/87/KE tal-Parlament Ewropew u tal-Kunsill, id-Direttiva 2009/31/KE tal-Parlament Ewropew u tal-Kunsill, ir-Regolament (UE) Nru 1257/2013 tal-Parlament Ewropew u tal-Kunsill, id-Direttiva tal-Kunsill 86/278/KEE u d-Direttiva tal-Kunsill 94/63/KE f'dak li għandu x'jaqsam mar-regoli ta' proċedura fir-rappurtar fil-qasam tal-ambjent u li tħassar id-Direttiva tal-Kunsill 91/692/KEE

(COM(2016)0789 – C8‑0526/2016 – 2016/0394(COD))

(Proċedura leġiżlattiva ordinarja: l-ewwel qari)

Il-Parlament Ewropew,

–  wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2016)0789),

–  wara li kkunsidra l-Artikolu 294(2) u l-Artikolu 192(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8‑0526/2016),

–  wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

–  wara li kkunsidra l-opinjoni tal-Kumitat Ekonomiku u Soċjali Ewropew tat-22 ta' Frar 2017(1),

–  wara li kkunsidra l-opinjoni tal-Kumitat tar-Reġjuni ta' ...(2),

–  wara li kkunsidra l-Artikolu 59 tar-Regoli ta' Proċedura tiegħu,

–  wara li kkunsidra r-rapport tal-Kumitat għall-Ambjent, is-Saħħa Pubblika u s-Sikurezza tal-Ikel (A8-0253/2017),

1.  Jadotta l-pożizzjoni fl-ewwel qari li tidher hawn taħt;

2.  Jitlob lill-Kummissjoni biex terġa' tirreferi l-kwistjoni lill-Parlament jekk tibdel il-proposta tagħha, temendaha b'mod sustanzjali jew ikollha l-ħsieb li temendaha b'mod sustanzjali;

3.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda    1 Proposta għal deċiżjoni Premessa 12 Test propost mill-Kummissjoni Emenda (12)  Skont id-Direttiva 2009/31/KE u d-Direttiva 2003/87/KE, l-Istati Membri jridu jipprovdu rapport dwar l-implimentazzjoni ta' dawk id-Direttivi abbażi ta' kwestjonarju jew ta' deskrizzjoni ġenerali li l-Kummissjoni tkun fasslet skont il-proċedura stabbilita fid-Direttiva tal-Kunsill 91/692/KEE. Sabiex jiġi evitat il-vojt legali li jinħoloq bit-tħassir tad-Direttiva tal-Kunsill 91/692/KEE, jeħtieġ li r-referenza għad-Direttiva tal-Kunsill 91/692/KEE tinbidel b'referenza għall-proċedura msemmija fid-Direttiva rilevanti. imħassar Ġustifikazzjoni Tħassir sabiex jiġu rrispettati n-negozjati attwali tat-trilogu dwar l-ETS Emenda    2 Proposta għal deċiżjoni Premessa 14 Test propost mill-Kummissjoni Emenda (14)  Ir-Regolament (UE) Nru 1257/2013 jirreferi għad-Direttiva tal-Kunsill 91/692/KEE. Id-dispożizzjoni rilevanti għandha x'taqsam mal-ewwel eżerċizzju tar-rappurtar, li diġà spiċċa. Għalhekk jenħtieġ li d-dispożizzjoni rilevanti titħassar. (14)  It-tieni subparagrafu tal-Artikolu 21(2) tar-Regolament (UE) Nru 1257/2013 jirreferi għad-Direttiva 91/692/KEE, li se tiġi rrevokata. Skont dik id-dispożizzjoni, l-ewwel eżerċizzju ta' rappurtar għandu jibda fid-data tal-applikazzjoni tar-Regolament (UE) Nru 1257/2013. Fid-19 ta' Diċembru 2016, permezz tad-Deċiżjoni ta' Implimentazzjoni (UE) 2016/2323, il-Kummissjoni stipulat l-ewwel verżjoni tal-Lista Ewropea tal-faċilitajiet ta' riċiklaġġ tal-bastimenti ("il-lista Ewropea"). F'konformità mal-Artikolu 26 tar-Regolament (UE) Nru 1257/2013, l-Istati Membri jistgħu jawtorizzaw ir-riċiklaġġ tal-bastimenti fil-faċilitajiet ta' riċiklaġġ tal-bastimenti inklużi fil-Lista Ewropea qabel id-data tal-applikazzjoni ta' dak ir-Regolament. F'dawn iċ-ċirkustanzi, ir-Regolament (KE) Nru 1013/2006 ma japplikax. Sabiex jiġi evitat li jkun hemm perjodu ta' żmien meta l-informazzjoni tinġabar la skont ir-Regolament (KE) Nru 1013/2006 u lanqas skont ir-Regolament (UE) Nru 1257/2013, huwa xieraq li jkun introdott perjodu ta' rappurtar tranżitorju bejn id-data tal-ewwel awtorizzazzjoni antiċipata skont l-Artikolu 26 tar-Regolament (UE) Nru 1257/2013 fi Stat Membru partikolari u d-data tal-applikazzjoni ta' dak ir-Regolament għal kull Stat Membru li jiddeċiedi li juża l-perjodu tranżitorju previst f'dak l-Artikolu. Sabiex jiġi limitat il-piż amministrattiv relatat għal kull wieħed minn dawn l-Istati Membri, mhuwiex neċessarju li l-informazzjoni miġbura matul dan il-perijodu tranżitorju tifforma l-bażi ta' rapport separat. Minflok, għandu jkun biżżejjed li tali informazzjoni tiġi inkorporata jew tifforma parti mill-ewwel rapport regolari li jkopri l-perjodu ta' tliet snin mid-data tal-applikazzjoni tar-Regolament (UE) Nru 1257/2013. Emenda    3 Proposta għal deċiżjoni Premessa 15a (ġdid) Test propost mill-Kummissjoni Emenda   (15a)  Minħabba li l-għan ta' din id-Deċiżjoni, jiġifieri li jiġu emendati jew irrevokati atti ġuridiċi tal-Unjoni fil-qasam tar-rappurtar dwar l-ambjent li m'għadhomx applikabbli jew rilevanti, ma jistax jinkiseb suffiċjentement mill-Istati Membri iżda, minħabba n-natura tiegħu, jista' jinkiseb aħjar fil-livell tal-Unjoni, l-Unjoni tista' tadotta miżuri f'konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. Bi qbil mal-prinċipju tal-proporzjonalità kif stabbilit f'dak l-Artikolu, din id-Deċiżjoni ma tmurx lil hinn minn dak li huwa meħtieġ biex jintlaħaq dak il-għan. Emenda    4 Proposta għal deċiżjoni Artikolu 1   Test propost mill-Kummissjoni Emenda Artikolu 1 imħassar Emenda tad-Direttiva 2003/87/KE   Ir-raba' sentenza tal-Artikolu 21(1) tad-Direttiva 2003/87/KE qed tinbidel b'dan li ġej:   "Ir-rapport għandu jitfassal fuq il-bażi ta' kwestjonarju jew ta' mudell li l-Kummissjoni tkun adottat fil-forma ta' att ta' implimentazzjoni. Dawk l-atti ta' implimentazzjoni jiġu adottati skont il-proċedura ta' eżami msemmija fl-Artikolu 22a(2)."   Ġustifikazzjoni Tħassir sabiex jiġu rrispettati n-negozjati attwali fit-trilogu Emenda    5 Proposta għal deċiżjoni Artikolu 2 – paragrafu 1 – punt 3 Direttiva 2009/31/KE Artikolu 29a – paragrafu 2   Test propost mill-Kummissjoni Emenda 2.  Il-Kummissjoni għandha tingħata s-setgħa li tadotta l-atti delegati msemmija fl-Artikolu 29 għal perjodu mhux limitat taż-żmien li jibda mid-[data tad-dħul fis-seħħ ta' din id-Direttiva]. 2.  Is-setgħa tal-adozzjoni ta' atti delegati msemmija fl-Artikolu 29 għandha tingħata lill-Kummissjoni għal perjodu ta' ħames snin li jibda minn ... [data tad-dħul fis-seħħ ta' din id-Direttiva]. Id-delega ta' setgħa għandha tiġi estiża awtomatikament għal perjodi ta' tul identiku ta' żmien, ħlief jekk il-Parlament Ewropew jew il-Kunsill jopponu għal tali estensjoni mhux aktar tard minn tliet xhur qabel it-tmiem ta' kull perjodu.   Il-Kummissjoni għandha tfassal rapport dwar id-delega tas-setgħat mhux aktar tard minn disa' xhur qabel tmiem il-perjodu ta' ħames snin. Ir-rapport għandu jiġi ppreżentat lill-Parlament Ewropew u lill-Kunsill. Emenda    6 Proposta għal deċiżjoni Artikolu 3 – paragrafu 1 – punt 1 Direttiva 86/278/KEE Artikolu 13 – paragrafu 1   Test propost mill-Kummissjoni Emenda Il-Kummissjoni għandha s-setgħa tadotta atti delegati skont l-Artikolu 15a sabiex tadatta l-Annessi għall-progress tekniku u xjentifiku li jkun sar. Il-Kummissjoni għandha s-setgħa li tadotta atti delegati f'konformità mal-Artikolu 15a biex temenda l-Annessi sabiex tadattahom għall-progress tekniku u xjentifiku. Emenda    7 Proposta għal deċiżjoni Artikolu 3 – paragrafu 1 – punt 4 Direttiva 86/278/KEE Artikolu 15a – paragrafu 2   Test propost mill-Kummissjoni Emenda 2.  Il-Kummissjoni għandha tingħata s-setgħa li tadotta l-atti delegati msemmija fl-Artikolu 13 għal perjodu mhux limitat taż-żmien li jibda mid-data tad-dħul fis-seħħ ta' din id-Direttiva. 2.  Il-Kummissjoni għandha tingħata s-setgħa li tadotta l-atti delegati msemmija fl-Artikolu 13 għal perjodu ta' ħames snin li jibda minn ... [id-data tad-dħul fis-seħħ ta' din id-Deċiżjoni]. Id-delega ta' setgħa għandha tiġi estiża awtomatikament għal perjodi ta' tul identiku ta' żmien, ħlief jekk il-Parlament Ewropew jew il-Kunsill jopponu għal tali estensjoni mhux aktar tard minn tliet xhur qabel it-tmiem ta' kull perjodu.   Il-Kummissjoni għandha tfassal rapport dwar id-delega tas-setgħat mhux aktar tard minn disa' xhur qabel tmiem il-perjodu ta' ħames snin. Ir-rapport għandu jiġi ppreżentat lill-Parlament Ewropew u lill-Kunsill. Emenda    8 Proposta għal deċiżjoni Artikolu 5 – paragrafu 1 – parti introduttorja Test propost mill-Kummissjoni Emenda L-Artikolu 21(2) tar-Regolament (UE) Nru 1257/2013 qed jinbidel b'dan li ġej: Fl-Artikolu 21(2) tar-Regolament (UE) Nru 1257/2013, l-ewwel u t-tieni subparagrafi qed jiġu sostitwiti b'dan li ġej: Emenda    9 Proposta għal deċiżjoni Artikolu 5 – paragrafu 1 Regolament (UE) Nru 1257/2013 Artikolu 21 – paragrafu 2 – subparagrafu 2   Test propost mill-Kummissjoni Emenda L-ewwel rapport elettroniku għandu jkopri l-perjodu mid-data tal-pubblikazzjoni tal-Lista Ewropea sal-31 ta' Diċembru 2018. L-ewwel rapport elettroniku għandu jkopri l-perjodu ta' tliet snin li jibda fid-data tal-applikazzjoni ta' dan ir-Regolament, skont l-Artikolu 32(1). Meta Stat Membru jawtorizza r-riċiklaġġ tal-bastimenti fil-faċilitajiet ta' riċiklaġġ tal-bastimenti inklużi fil-Lista Ewropea qabel id-data tal-applikazzjoni ta' dan ir-Regolament skont l-Artikolu 26, l-ewwel rapport elettroniku ta' dak l-Istat Membru għandu jkopri wkoll il-perjodu mid-data tat-tali awtorizzazzjoni sad-data tal-applikazzjoni ta' dan ir-Regolament. Emenda    10 Proposta għal deċiżjoni Artikolu 6 – paragrafu 1 – punt 3a (ġdid) Direttiva 94/63/KE Artikolu 9 – it-tieni sentenza   Test fis-seħħ Emenda   3a.  Fl-Artikolu 9, it-tieni sentenza hija sostitwita b'dan li ġej: Il-Kummissjoni hija mistiedna li takkumpanja l-ewwel rapporti tagħha fejn xieraq bi proposti għal emendi ta' din id-Direttiva, inkluż b'mod partikolari l-estensjoni tal-kamp ta' applikazzjoni biex jinkludi kontroll tal-gass u sistemi ta' rkupru għat-tagħbija ta' stallazzjonijiet u bastimenti. Il-Kummissjoni hija mistiedna li takkumpanja r-rapporti tagħha fejn xieraq bi proposti għal emendi ta' din id-Direttiva, inkluż b'mod partikolari l-estensjoni tal-kamp ta' applikazzjoni biex jinkludi kontroll tal-gass u sistemi ta' rkupru għat-tagħbija ta' stallazzjonijiet u bastimenti. Emenda    11 Proposta għal deċiżjoni Artikolu 8 – paragrafu 2 Test propost mill-Kummissjoni Emenda Hija għandha tapplika mill-[Uffiċċju tal-Pubblikazzjonijiet: id-DATA tad-dħul fis-seħħ tal-emenda tal-Artikolu 37(1)42 tad-Direttiva 2008/98/KE, tal-emenda tal-Artikolu 943 tad-Direttiva 2000/53/KE, tal-emenda tal-Artikolu 1544 tad-Direttiva tal-Kunsill 1999/31/KE u tal-emenda tal-Artikolu 1745 tad-Direttiva tal-Parlament Ewropew u tal-Kunsill 94/62/KE]. imħassar _________________   42 COM(2015) 595 final   43 COM(2015) 593 final   44 COM(2015) 594 final   45 COM(2015) 596 final COM/2015/0337   Ġustifikazzjoni Tħassir tar-referenzi biex jiġu rrispettati n-negozjati attwali tat-trilogu dwar il-pakkett tal-Ekonomija Ċirkolari u r-riżultati tagħhom Emenda    12 Proposta għal deċiżjoni Artikolu 8 – paragrafu 3 Test propost mill-Kummissjoni Emenda L-Artikolu 1 għandu japplika mill-[Uffiċċju tal-Pubblikazzjonijiet: id-DATA tad-dħul fis-seħħ tal-emenda tal-Artikolu 22a tad-Direttiva 2003/87/KE46]. imħassar _________________   46 COM/2015/0337   Ġustifikazzjoni Tħassir tar-referenzi u tad-data tad-dħul fis-seħħ biex jiġu rrispettati n-negozjati attwali tat-trilogu dwar l-ETS u r-riżultati tagħhom

(1)   Għadha mhix ippubblikata f'Il-Ġurnal Uffiċjali. (2)   Għadha mhix ippubblikata f'Il-Ġurnal Uffiċjali.

Kuntest

L-ammont ta' leġiżlazzjoni ambjentali ilu jiżdied b'mod kostanti mis-snin sebgħin, u r-rappurtar minn dejjem kien parti mil-leġiżlazzjoni ambjentali kollha. It-tentattivi biex jiġu ssimplifikati l-obbligi ta' rappurtar bdew bid-Direttiva tar-Rappurtar Standardizzat (SRD) 91/692/KEE. L-SRD kellha l-għan li tirrazzjonalizza u ttejjeb, fuq bażi settorjali, id-disposizzjonijiet dwar it-trażmissjoni tal-informazzjoni u l-pubblikazzjoni tar-rapporti. Hija ssimplifikat il-proċeduri u introduċiet ċiklu ta' rrappurtar ta' tliet snin għal-leġiżlazzjoni kollha koperta, eż. fl-oqsma tal-ilma u l-iskart. Il-kontenut dettaljat imbagħad tniżżel fi kwestjonarji speċifiċi għas-settur. Konsegwentement, għadd kbir ta' atti ta' implimentazzjoni ġew adottati mill-Kummissjoni matul is-snin. L-SRD bħalissa tkopri 28 att ambjentali. Wara għadd ta' tħassir, għadhom fis-seħħ regolament wieħed, disa' direttivi u 23 deċiżjoni b'referenzi għall-SRD, għalkemm il-biċċa l-kbira ta' dawn ir-referenzi m'għadhomx jgħoddu u ma għad għandhom l-ebda effett legali.

Għalkemm l-SDR kellha l-għan ta' kopertura kompluta tal-obbligi ta' rappurtar ambjentali, mhux ir-rekwiżiti kollha ġew armonizzati. Pereżempju, id-Direttiva 91/271/KEE dwar it-Trattament tal-Ilma Urban Mormi u d-Direttiva 91/676/KEE dwar in-Nitrati kienu esklużi mill-kamp ta' applikazzjoni tal-SRD. Matul l-aħħar 25 sena, intwera li kien diffiċli biex l-SRD tiġi implimentata, u saret dejjem aktar obsoleta. Ir-rilevanza tal-SRD naqset bl-iżvilupp tal-acquis ambjentali, inklużi reviżjonijiet ta' biċċiet individwali tal-leġiżlazzjoni ambjentali, li sikwit neħħew l-obbligi tar-rappurtar mill-SRD. Id-Direttiva Qafas 2000/60/KE dwar l-Ilma, pereżempju, ħassret il-leġiżlazzjoni aktar qadima dwar l-ilma bir-riżultat li l-kwestjonarju dwar l-ilma adottat fl-ambitu tal-SRD spiċċa żejjed. Id-Direttiva 96/61/KE dwar il-prevenzjoni u l-kontroll integrat tat-tniġġis u d-Direttiva 2010/75/KE dwar l-emissjonijiet industrijali introduċew ukoll l-obbligi ta' rappurtar indipendenti.

Raġuni oħra għan-nuqqasijiet tal-SRD kienet il-progress mhux imbassar fit-teknoloġiji tal-informatika u l-komunikazzjoni, u ħtieġa akbar għal informazzjoni ambjentali f'waqtha, transkonfinali u interattiva. Fl-1994 ġiet stabbilita l-Aġenzija Ewropea għall-Ambjent (EEA). Parti mill-mandat tagħha hu li tagħti lill-UE u lill-Istati Membri l-informazzjoni oġġettiva meħtieġa għat-tfassil u l-implementazzjoni ta' politiki ambjentali sodi u effettivi, u tirrekordja, tiġbor u tevalwa d-data dwar il-qagħda tal-ambjent. L-EEA tikkoordina n-netwerk Ewropew ta' informazzjoni u osservazzjoni tal-ambjent (Eionet). Segwew diversi inizjattivi settorjali bħalma huma s-Sistema ta' Informazzjoni dwar l-Ilma għall-Ewropa u s-Sistema Ewropea ta' Informazzjoni dwar il-Bijodiversità. Fl-2007, ġiet adottata d-Direttiva 2007/2/KE li tistabbilixxi Infrastruttura għall-Informazzjoni Ġeografika fil-Komunità Ewropea (INSPIRE).

Fl-2008, il-Kummissjoni kienet diġà kkonkludiet, fil-kuntest tal-iżvilupp ta' Sistema Komuni ta' Informazzjoni Ambjentali (SEIS), li, fid-dawl tal-modernizzazzjoni li kienet għaddejja tar-rappurtar, id-dispożizzjonijiet skaduti tal-SRD kien jenħtiġilhom li jiġu revokati, sabiex jagħmlu l-aċċess għal-liġi tal-UE, eż. permezz ta' għodod online, aktar sempliċi u aktar effiċjenti. Fil-Komunikazzjoni tagħha tal-2014 dwar il-Programm dwar l-Idoneità u l-Prestazzjoni tar-Regolamentazzjoni (REFIT), il-Kummissjoni ħabbret li kienet se tipproponi t-tħassir tal-obbligi obsoleti jew li ma kinux għadhom applikabbli fil-qasam tar-rappurtar ambjentali standardizzat. Il-Kummissjoni talbet ukoll rieżami wiesa' tal-obbligi tar-rappurtar eżistenti fil-Komunikazzjoni dwar Regolamentazzjoni Aħjar tagħha ta' Mejju 2015, u tat bidu għall-Kontroll tal-Idoneità REFIT għall-monitoraġġ u r-rappurtar ambjentali fil-Programm ta' Ħidma tagħha għall-2016.

B'segwitu għal dawn l-impenji, hija pproponiet pakkett għat-tneħħija tal-SRD li ġie ppubblikat fil-15 ta' Diċembru 2016. Dan il-pakkett jikkonsisti fi tliet inizjattivi: l-ewwel inizjattiva hija l-Komunikazzjoni tal-Kummissjoni COM(2016)793 li tistabbilixxi rikonoxximent formali li għadd ta' atti tal-liġi tal-Unjoni fil-qasam tal-ambjent li ġew adottati skont l-SRD m'għadhomx jgħoddu. Din il-Komunikazzjoni telenka ħdax-il att ta' implimentazzjoni li kienu stabbilixxew kwestjonarji dwar rappurtar ambjentali. L-atti rispettivi jirreferu għall-inċinerazzjoni tal-iskart, l-emissjonijiet tal-VOC, l-IPPC, il-kontroll ta' perikli ta' inċidenti kbar li jinvolvu sustanzi perikolużi, l-iskart perikoluż, u l-ilma.

It-tieni inizjattiva tikkonsisti f'żewġ proposti għal Deċiżjonijiet tal-Kummissjoni, li se jħassru d-Deċiżjonijiet tal-Kummissjoni 2011/92/UE dwar il-ħżin ġeoloġiku tad-diossidu tal-karbonju u 2010/681/UE dwar il-limitazzjoni ta' emissjonijiet ta' taħlit volatili organiku [komposti organiċi volatili] (VOC) minħabba l-użu ta' solventi organiċi f'ċerti attivitajiet u stallazzjonijiet matul il-perjodu 2011-2013. Id-Deċiżjonijiet it-tnejn li huma m'għadhomx rilevanti, iżda għal raġunijiet proċedurali se jitħassru permezz tal-komitoloġija fi stadju aktar tard.

Il-proposta

It-tielet l-inizjattiva - dik ewlenija - tal-pakkett ta' tħassir hija din il-proposta għal Deċiżjoni tal-Parlament Ewropew u tal-Kunsill, li tħassar l-SRD u temenda sitt atti legali li jirreferu għaliha. Għal raġunijiet ta' ċarezza legali, id-deċiżjoni li tħassar l-SRD temenda r-referenzi kollha għall-SRD meta dawn ikunu obsoleti. Ma saret ebda bidla fil-kontenut u lanqas mhi prevista li ssir. Minbarra t-tħassir effettiv tal-SRD, li huwa stipulat fl-Artikolu 7, il-proposta tinkludi erba' gruppi differenti ta' dispożizzjonijiet.

L-Artikoli 1 u 5 jissostitwixxu r-riferenza għall-SRD fid-Direttiva 2003/87/KE dwar l-Iskema għall-Iskambju ta' Kwoti tal-Emissjonijiet (ETS) li attwalment qed tiġi riveduta, u fir-Regolament (UE) 1257/2013 dwar ir-Riċiklaġġ tal-Bastimenti. L-Artikolu 5 jallinja wkoll il-kalendarju għar-rapporti elettroniċi skont ir-Regolament dwar ir-Riċiklaġġ tal-Bastimenti ma' obbligi ta' rappurtar oħrajn, u jistabbilixxi l-31 ta' Diċembru 2018 bħala d-data ta' tmiem l-ewwel perjodu ta' rappurtar. Billi r-Regolament dwar ir-Riċiklaġġ tal-Bastimenti oriġinali jmur lura għall-2013, iċ-ċiklu ta' rappurtar ta' 3 snin intemm fl-2016, u dan jagħti lill-Istati Membri sentejn aktar milli kien oriġinarjament previst.

L-Artikoli 2 u 3 jallinjaw l-użu ta' atti ta' implimentazzjoni u atti ddelegati fid-Direttiva 2009/31/KE dwar il-Qbid u l-Ħżin tal-Karbonju u fid-Direttiva 86/278/KEE dwar il-Ħama tad-Drenaġġ. L-Artikoli 4 u 6 jħassru l-obbligi ta' rappurtar obsoleti fid-Direttiva 87/217/KEE dwar l-Asbestos u fid-Direttiva 94/63/KE (VOC(1)). L-Artikolu 8 jallinja d-data ta' applikazzjoni tal-proposta mad-data li għad trid tiġi determinata tad-dħul fis-seħħ tal-Pakkett tal-Ekonomija Ċirkolari u r-reviżjoni tad-Direttiva dwar l-ETS.

Il-kwestjonarji adottati għall-ETS u għall-iskart li għadhom jintużaw, jiġifieri skont id-Direttiva Qafas dwar l-Iskart, għall-iskart ta' tagħmir elettriku u elettroniku (WEEE), skart perikoluż, ir-rimi ta' skart fil-miżbliet, il-vetturi li m'għadhomx jintużaw eċċ., baqgħu kif kienu.

Il-Kummissjoni tikkonkludi li huwa biss jekk jitneħħew kompletament l-obbligi ta' rappurtar obsoleti bbażati fuq l-SRD, li tiġi żgurata ċ-ċertezza legali u t-trasparenza u leġiżlazzjoni tal-UE li tkun adattata għall-iskop f'konformità mal-aġenda ta' Regolamentazzjoni Aħjar.

Ir-rapporteur jaqbel li d-Direttiva 91/692/KEE dwar ir-Rappurtar Standardizzat hija skaduta u li l-obbligi ta' rrappurtar ambjentali mhumiex trasparenti biżżejjed u - f'xi każijiet - jistgħu jkunu limitati. Huwa jqis is-sejbiet ippreżentati u l-proposta bħala konklużivi, u jagħraf l-isforz magħmul mill-Kummissjoni fit-tindif tal-obbligi ta' rrappurtar eżistenti mingħajr ma tbiddel l-acquis. Huwa jilqa' l-approċċ tal-Kummissjoni li jiġi evitat piż eċċessiv fuq il-persuni, l-organizzazzjonijiet u l-Istati Membri u jaqbel li kwalunkwe leġiżlazzjoni li ma sservix l-għan tagħha jenħtieġ li titneħħa mis-sistema legali tal-UE. Ir-rapporteur jappoġġa l-kjarifika rigward id-data ta' skadenza tal-ewwel rapport skont ir-Regolament dwar ir-Riċiklaġġ tal-Bastimenti. Huwa jaqbel ukoll dwar l-għażla ta' atti ddelegati għall-adattament tal-Annessi għad-Direttivi dwar il-Qbid u l-Ħżin tal-Karbonju u dwar il-Ħama tad-Drenaġġ għall-progress tekniku u xjentifiku.

Tifsira tas-simboli użati:

+  :  favur

-  :  kontra

0  :  astensjoni