RAKKOMANDAZZJONI dwar l-abbozz ta' deċiżjoni tal-Kunsill dwar il-konklużjoni, f'isem l-Unjoni, tal-Ftehim bejn l-Unjoni Ewropea u r-Repubblika ta' Mauritius li jemenda l-Ftehim bejn il-Komunità Ewropea u r-Repubblika ta' Mauritius dwar l-eżenzjoni mill-viża għal soġġorn qasir

2.10.2018 - (12396/2017 – C8-0177/2018 – 2017/0167(NLE)) - ***

Kumitat għal-Libertajiet Ċivili, il-Ġustizzja u l-Intern
Rapporteur: Emilian Pavel

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar l-abbozz ta' deċiżjoni tal-Kunsill dwar il-konklużjoni, f'isem l-Unjoni, tal-Ftehim bejn l-Unjoni Ewropea u r-Repubblika ta' Mauritius li jemenda l-Ftehim bejn il-Komunità Ewropea u r-Repubblika ta' Mauritius dwar l-eżenzjoni mill-viża għal soġġorn qasir

(12396/2017 – C8-0177/2018 – 2017/0167(NLE))

(Approvazzjoni)

Il-Parlament Ewropew,

–  wara li kkunsidra l-abbozz ta' deċiżjoni tal-Kunsill (12396/2017),

–  wara li kkunsidra l-abbozz ta' ftehim bejn l-Unjoni Ewropea u r-Repubblika ta' Mauritius li jemenda l-Ftehim bejn il-Komunità Ewropea u r-Repubblika ta' Mauritius dwar l-eżenzjoni mill-viża għal soġġorn qasir (12395/2017),

–  wara li kkunsidra t-talba għal approvazzjoni ppreżentata mill-Kunsill f'konformità mal-Artikolu 77(2)(a) u l-Artikolu 218(6), it-tieni subparagrafu, punt (a)(v), tat-Trattat dwar il-Funzjonament tal-Unjoni Ewropea (C8-0177/2018),

–  wara li kkunsidra l-Artikolu 99(1) u (4) u l-Artikolu 108(7) tar-Regoli ta' Proċedura tiegħu,

–  wara li kkunsidra r-rakkomandazzjoni tal-Kumitat għal-Libertajiet Ċivili, il-Ġustizzja u l-Intern (A8-0303/2018),

1.  Jagħti l-approvazzjoni tiegħu għall-konklużjoni tal-ftehim;

2.  Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill, lill-Kummissjoni u lill-gvernijiet u lill-parlamenti tal-Istati Membri u tar-Repubblika ta' Mauritius.

NOTA SPJEGATTIVA

Dan il-ftehim emendatorju dwar eżenzjoni mill-viża għas-soġġorni qosra fl-istess ħin jikkostitwixxi l-aqwa punt tal-approfondiment tar-relazzjonijiet bejn l-Unjoni Ewropea u r-Repubblika ta' Mauritius, li għandu sinifikat politiku kbir fil-kuntest tal-Ftehim ta' Cotonou. Il-ftehim emendatorju jiżgura koerenza legali, kif ukoll armonizzazzjoni fost l-Istati Membri, billi jaderixxi mad-definizzjoni l-ġdida ta' soġġorn qasir kif previst mill-emenda tal-Kodiċi tal-Fruntieri ta' Schengen, li tipprovdi interpretazzjoni aktar ċara ta' "soġġorn qasir".

Il-Mauritius huwa membru tal-Grupp ta' Stati Afrikani, tal-Karibew u tal-Paċifiku, tal-Unjoni Afrikana, tas-Suq Komuni għall-Afrika tal-Lvant u tan-Nofsinhar, tal-Organizzazzjoni tal-Pajjiżi tal-Oċean Indjan, il-Moviment Mhux Allineat, tal-Organisation Internationale de la Francophonie, tal-Komunità għall-Iżvilupp tal-Afrika tan-Nofsinhar, tan-Nazzjonijiet Uniti u tal-Organizzazzjoni Dinjija tal-Kummerċ. Mauritius jospita l-kwartieri ġenerali tal-Organizzazzjoni tal-Pajjiżi tal-Oċean Indjan.

Mauritius għandu rekord tajjeb ħafna ta' tkabbir. Minkejja l-iżolament tal-pajjiż mis-swieq il-kbar tad-dinja, dan huwa l-aktar wieħed fost l-iżgħar pajjiżi li qegħdin jiżviluppaw li rnexxielu jiddiversifika l-ekonomija tiegħu minn waħda dipendenti fuq komodità agrikola waħda (iz-zokkor) għall-manifattura, it-turiżmu, l-ortikoltura u, aktar reċenti, is-servizzi finanzjarji u l-ICT. Il-manifattura, speċjalment tal-ħwejjeġ u t-tessuti, żviluppaw b'mod rapidu u li b'hekk ipprovdew impjiegi u dħul.

Mil-lat politiku, f'Mauritius il-kostituzzjoni tal-indipendenza stabbiliet demokrazija b'diversi partiti, u l-pajjiż sar repubblika fl-1992. Il-presidenza mhix eżekuttiva: is-setgħa politiku tinsab f'idejn il-Prim Ministru u l-kabinett. Il-President jinħatar għal mandat ta' ħames snin mill-Assemblea Nazzjonali fuq mozzjoni mressqa mill-Prim Ministru u appoġġata bil-vot tal-maġġoranza tal-membri kollha tal-Assemblea.

Id-djalogu politiku tal-UE mad-diversi pajjiżi tal-AKP, u Mauritius b'mod partikolari, qiegħed jiżdied gradwalment.

Barra minn hekk, ir-rapporteur jenfasizza l-impatt xejn negliġibbli li l-eżenzjoni mill-viża ser ikollha fuq it-tqarrib bejn il-popli tal-Ewropa u Mauritius. Il-ftehim emendatorju ta' eżenzjoni mill-viża sejjer jippermetti li ċ-ċittadini mhux biss igawdu bis-sħiħ mis-sħubija AKP-UE, iżda jkomplu jipparteċipaw ukoll fiha billi jivvjaġġaw bi prezz imraħħas, ekonomiku u prattiku f'qafas ġuridiku aktar ċar u koerenti.

F'dan il-kuntest ir-rapporteur jilqa' r-rwol tal-membri tal-Assemblea Parlamentari Konġunta AKP-UE, li kkontribwew bil-kbir għall-konklużjoni ta' dan il-ftehim li, barra minn hekk, ser jiffaċilita l-parteċipazzjoni tagħhom fil-laqgħat tal-Assemblea Parlamentari Konġunta AKP-UE.

Dispożizzjonijiet speċifiċi

Is-sitwazzjoni partikolari tar-Renju Unit u tal-Irlanda titqies fil-preambolu. Għalhekk, ir-Renju Unit u l-Irlanda mhumiex sejrin jipparteċipaw fil-ftehim konkluż u mhumiex suġġetti għad-dispożizzjonijiet tiegħu.

L-involviment mill-qrib tan-Norveġja, l-Iżlanda, l-Iżvizzera u l-Liechtenstein fl-implimentazzjoni, l-applikazzjoni u l-iżvilupp tal-acquis ta' Schengen huwa rifless ukoll f'dikjarazzjoni konġunta annessa għall-Ftehim. Id-dikjarazzjoni tħeġġeġ lill-awtoritajiet ta' dawn il-pajjiżi jikkonkludu mill-aktar fis possibbli ftehimiet bilaterali mar-Repubblika ta' Mauritius dwar l-eżenzjoni mill-viża għal soġġorn qasir f'termini simili għal dawk tal-Ftehim preżenti.

**

Fl-aħħar nett, ir-rapporteur jirrakkomanda li l-Membri tal-Kumitat għal-Libertajiet Ċivili, il-Ġustizzja u l-Intern tal-Parlament jagħtu l-appoġġ tagħhom lil dan ir-rapport u li l-Parlament Ewropew jagħti l-approvazzjoni tiegħu.

PROĊEDURA TAL-KUMITAT RESPONSABBLI

Titolu	Ftehim bejn l-Unjoni Ewropea u r-Repubblika ta’ Mauritius li jemenda l-Ftehim bejn il-Komunità Ewropea u r-Repubblika ta’ Mauritius dwar l-eżenzjoni mill-viża għal soġġorn qasir
Referenzi	12396/2017 – C8-0177/2018 – COM(2017)0388 – 2017/0167(NLE)
Data tal-konsultazzjoni / talba għal approvazzjoni	30.4.2018
Kumitat responsabbli        Data tat-tħabbir fis-seduta plenarja	LIBE 28.5.2018
Rapporteurs        Data tal-ħatra	Emilian Pavel 25.9.2017
Eżami fil-kumitat	21.11.2017	20.2.2018	27.9.2018
Data tal-adozzjoni	27.9.2018
Riżultat tal-votazzjoni finali	+: –: 0:	34 1 0
Membri preżenti għall-votazzjoni finali	Asim Ademov, Caterina Chinnici, Daniel Dalton, Rachida Dati, Tanja Fajon, Ana Gomes, Nathalie Griesbeck, Sylvie Guillaume, Kinga Gál, Barbara Kudrycka, Cécile Kashetu Kyenge, Juan Fernando López Aguilar, Péter Niedermüller, Ivari Padar, Judith Sargentini, Birgit Sippel, Helga Stevens, Csaba Sógor, Traian Ungureanu, Bodil Valero, Marie-Christine Vergiat, Cecilia Wikström, Auke Zijlstra, Sophia in ‘t Veld
Sostituti preżenti għall-votazzjoni finali	Carlos Coelho, Pál Csáky, Jeroen Lenaers, Innocenzo Leontini, Andrejs Mamikins, Emilian Pavel, John Procter, Róża Gräfin von Thun und Hohenstein
Sostituti (skont l-Artikolu 200(2)) preżenti għall-votazzjoni finali	Ilhan Kyuchyuk, Georg Mayer, Sabine Verheyen
Data tat-tressiq	2.10.2018

VOTAZZJONI FINALI B'SEJĦA TAL-ISMIJIETFIL-KUMITAT RESPONSABBLI

34	+
ALDE	Nathalie Griesbeck, Sophia in 't Veld, Ilhan Kyuchyuk, Cecilia Wikström
ECR	Daniel Dalton, John Procter, Helga Stevens
ENF	Georg Mayer
GUE/NGL	Marie-Christine Vergiat
PPE	Asim Ademov, Carlos Coelho, Pál Csáky, Rachida Dati, Kinga Gál, Barbara Kudrycka, Jeroen Lenaers, Innocenzo Leontini, Csaba Sógor, Róża Gräfin von Thun und Hohenstein, Traian Ungureanu, Sabine Verheyen
S&D	Caterina Chinnici, Tanja Fajon, Ana Gomes, Sylvie Guillaume, Cécile Kashetu Kyenge, Juan Fernando López Aguilar, Andrejs Mamikins, Péter Niedermüller, Ivari Padar, Emilian Pavel, Birgit Sippel
VERTS/ALE	Judith Sargentini, Bodil Valero

1	-
ENF	Auke Zijlstra

0	0

Tifsira tas-simboli użati:

+  :  favur

-  :  kontra

0  :  astensjoni