RAPPORT dwar il-proposta għal Regolament tal-Parlament Ewropew u tal-Kunsill li jistabbilixxi pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta dawk l-istokkijiet
16.10.2018 - (COM(2017)0097 – C8-0095/2017 – 2017/0043(COD)) - ***I
Kumitat għas-Sajd
Rapporteur: Ruža Tomašić
- 001-084 (PDF - 240 KB)
- 001-084 (DOC - 52 KB)
- 085-086 (PDF - 334 KB)
- 085-086 (DOC - 23 KB)
- 087-087 (PDF - 410 KB)
- 087-087 (DOC - 69 KB)
- 088-092 (PDF - 377 KB)
- 088-092 (DOC - 75 KB)
- 093-097 (PDF - 385 KB)
- 093-097 (DOC - 32 KB)
- 098-104 (PDF - 382 KB)
- 098-104 (DOC - 73 KB)
- 105-111 (PDF - 400 KB)
- 105-111 (DOC - 78 KB)
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal Regolament tal-Parlament Ewropew u tal-Kunsill li jistabbilixxi pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta dawk l-istokkijiet
(COM(2017)0097 – C8-0095/2017 – 2017/0043(COD))
(Proċedura leġiżlattiva ordinarja: l-ewwel qari)
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2017)0097),
– wara li kkunsidra l-Artikoli 294(2) u 43(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0095/2017),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-opinjoni tal-Kumitat Ekonomiku u Soċjali Ewropew tal-31 ta' Mejju 2017[1],
– wara li kkunsidra l-Artikolu 59 tar-Regoli ta' Proċedura tiegħu,
– wara li kkunsidra r-rapport tal-Kumitat għas-Sajd u l-pożizzjoni f'forma ta' emendi tal-Kumitat għall-Ambjent, is-Saħħa Pubblika u s-Sikurezza tal-Ikel (A8-0337/2018),
1. Jadotta l-pożizzjoni fl-ewwel qari li tidher hawn taħt;
2. Jitlob lill-Kummissjoni biex terġa' tirreferi l-kwistjoni lill-Parlament jekk tibdel il-proposta tagħha, temendaha b'mod sustanzjali jew ikollha l-ħsieb li temendaha b'mod sustanzjali;
3. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
Emenda 1 Proposta għal regolament Premessa 1 | |
Test propost mill-Kummissjoni |
Emenda |
(1) Jenħtieġ li l-politika komuni tas-sajd (il-PKS) tikkontribwixxi għall-ħarsien tal-ambjent marin, għall-ġestjoni sostenibbli tal-ispeċijiet kollha sfruttati b'mod kummerċjali, u b'mod partikulari għall-kisba ta' status ambjentali tajjeb fl-ambjent marin sal-2020, kif stipulat fl-Artikolu 1(1) tad-Direttiva 2008/56/KE tal-Parlament Ewropew u tal-Kunsill.40 |
(1) Jenħtieġ li l-politika komuni tas-sajd (il-PKS) tikkontribwixxi għall-ħarsien tal-ambjent marin, għall-ġestjoni sostenibbli tal-ispeċijiet kollha sfruttati b'mod kummerċjali, u b'mod partikulari għall-kisba ta' status ambjentali tajjeb fl-ambjent marin sal-2020, kif stipulat fl-Artikolu 1(1) tad-Direttiva 2008/56/KE tal-Parlament Ewropew u tal-Kunsill40, u status ta' konservazzjoni favorevoli għall-ispeċijiet u l-ħabitats skont id-Direttiva tal-Kunsill 92/43/KEE40a u d-Direttiva 2009/147/KE tal-Parlament Ewropew u tal-Kunsill40b. |
_________________ |
_________________ |
40 Id-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina)(ĠU L 164, 25.6.2008, p. 19). |
40 Id-Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina)(ĠU L 164, 25.6.2008, p. 19). |
|
40a Id-Direttiva tal-Kunsill 92/43/KEE tal-21 ta' Mejju 1992 dwar il-konservazzjoni tal-ambjent naturali u tal-fawna u l-flora selvaġġi (ĠU L 206, 22.7.1992, p. 7). |
|
40b Id-Direttiva 2009/147/KE tal-Parlament Ewropew u tal-Kunsill tat- 30 ta' Novembru 2009 dwar il-konservazzjoni tal-għasafar selvaġġi (ĠU L 20, 26.1.2010, p. 7). |
Emenda 2 Proposta għal regolament Premessa 1a (ġdida) | |
Test propost mill-Kummissjoni |
Emenda |
|
(1a) Fis-Summit Dinji dwar l-Iżvilupp Sostenibbli li sar fi New York fl-2015, l-Unjoni u l-Istati Membri tagħha impenjaw ruħhom li, sal-2020, itemmu b'mod effettiv il-qbid u s-sajd eċċessiv, is-sajd illegali, mhux irrappurtat u mhux irregolat u l-prattiki ta' sajd qerrieda u jimplementaw pjanijiet ta' ġestjoni bbażati fuq ix-xjenza, sabiex l-istokkijiet tal-ħut jiġu ripristinati fl-inqas żmien fattibbli, għall-inqas sa livelli li jistgħu jipproduċu r-rendiment massimu sostenibbli skont kif determinat mill-karatteristiċi bijoloġiċi tagħhom. |
Emenda 3 Proposta għal regolament Premessa 2 | |
Test propost mill-Kummissjoni |
Emenda |
(2) Ir-Regolament (UE) Nru 1380/2013 tal-Parlament Ewropew u tal-Kunsill41 jistabbilixxi r-regoli tal-PKS f'konformità mal-obbligi internazzjonali tal-Unjoni. L-għanijiet tal-PKS huma, fost l-oħrajn, li jkun żgurat li l-attivitajiet tas-sajd u tal-akkwakultura jkunu sostenibbli fit-tul mil-lat ambjentali, li jiġi applikat l-approċċ ta' prekawzjoni għall-ġestjoni tas-sajd u li jiġi implimentat approċċ ibbażat fuq l-ekosistema għall-ġestjoni tas-sajd. |
(2) Ir-Regolament (UE) Nru 1380/2013 tal-Parlament Ewropew u tal-Kunsill41 jistabbilixxi r-regoli tal-PKS f'konformità mal-obbligi internazzjonali tal-Unjoni. L-għanijiet tal-PKS huma, fost l-oħrajn, li jkun żgurat li l-attivitajiet tas-sajd u tal-akkwakultura jkunu sostenibbli fit-tul mil-lat ambjentali, ekonomiku u soċjali, li jiġi applikat l-approċċ ta' prekawzjoni għall-ġestjoni tas-sajd u li jiġi implimentat approċċ ibbażat fuq l-ekosistema għall-ġestjoni tas-sajd. |
__________________ |
__________________ |
41 Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22). |
41 Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta' Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22). |
Emenda 4 Proposta għal regolament Premessa 2a (ġdida) | |
Test propost mill-Kummissjoni |
Emenda |
|
(2a) F'konformità mar-Regolament (UE) Nru 1380/2013, il-ġestjoni tas-sajd ibbażata fuq l-aħjar parir xjentifiku disponibbli titlob settijiet ta' dejta armonizzati, affidabbli u preċiżi. |
Emenda 5 Proposta għal regolament Premessa 3a (ġdida) | |
Test propost mill-Kummissjoni |
Emenda |
|
(3a) Il-Baħar Adrijatiku huwa subżona importanti fil-Mediterran li tirrappreżenta madwar terz tal-valur totali tal-ħatt l-art. |
Emenda 6 Proposta għal regolament Premessa 4a (ġdida) | |
Test propost mill-Kummissjoni |
Emenda |
|
(4a) Il-pjanijiet ta' ġestjoni implimentati u l-miżuri tekniċi introdotti fl-2016 mistennija jipproduċu effetti fuq l-istokkijiet u jridu jiġu analizzati u kkunsidrati meta jiġi stabbilit pjan pluriennali għall-istokkijiet pelaġiċi fir-reġjun. |
Emenda 7 Proposta għal regolament Premessa 5 | |
Test propost mill-Kummissjoni |
Emenda |
(5) Il-miżuri attwali ta' ġestjoni għall-ispeċijiet pelaġiċi ż-żgħar fil-Baħar Adrijatiku għandhom x'jaqsmu mal-aċċess għall-ilmijiet, mal-kontroll tal-isforz tas-sajd u ma' miżuri tekniċi li jirregolaw l-użu tal-irkaptu. Il-pariri xjentifiċi indikaw li l-kontroll tal-qabdiet huwa l-iktar mezz xieraq biex tiġi adattata l-mortalità mis-sajd u li dan se jkun għodda ta' ġestjoni aktar effettiva għall-ispeċijiet pelaġiċi ż-żgħar.43 |
(5) Il-miżuri attwali ta' ġestjoni għall-ispeċijiet pelaġiċi ż-żgħar fil-Baħar Adrijatiku għandhom x'jaqsmu mal-aċċess għall-ilmijiet, mal-kontroll tal-isforz tas-sajd u ma' miżuri tekniċi li jirregolaw l-użu tal-irkaptu. |
__________________ |
|
43 Id-dokument tal-Kumitat Xjentifiku, Tekniku u Ekonomiku għas-Sajd dwar il-valutazzjoni tal-istokkijiet tal-ħut fil-Baħar Mediterran imsejjaħ "Scientific, Technical and Economic Committee for Fisheries (STECF) Assessment of Mediterranean Sea stocks - part 2 (STECF-11-14)". |
|
Ġustifikazzjoni | |
B'kont meħud tal-aħħar rapport tal-Kumitat Xjentifiku, Tekniku u Ekonomiku għas-Sajd (STECF 16-14) li, billi analizza l-effetti pożittivi u negattivi ta' diversi prinċipji ta' ġestjoni, ikkonkluda li l-aħjar effetti kellhom l-approċċ b'taħlita ta' miżuri differenti ta' ġestjoni (il-qabda, l-isforz, il-limiti tal-kapaċità) u li l-approċċ individwali għal kull miżura fih ukoll effetti negattivi, qed jiġi propost li din id-dikjarazzjoni li ġejja titħassar. | |
Emenda 8 Proposta għal regolament Premessa 6 | |
Test propost mill-Kummissjoni |
Emenda |
(6) Sabiex jintlaħqu l-għanijiet tal-PKS, iridu jiġu adottati għadd ta' miżuri ta' konservazzjoni bħalma huma l-pjanijiet pluriennali, il-miżuri tekniċi, l-iffissar tal-opportunitajiet tas-sajd u l-allokazzjoni tagħhom, skont kif ikun xieraq, fi kwalunkwe kombinament. |
(6) Sabiex jintlaħqu l-għanijiet tal-PKS, iridu jiġu adottati għadd ta' miżuri ta' konservazzjoni bħalma huma l-pjanijiet pluriennali u l-miżuri tekniċi, skont kif ikun xieraq, fi kwalunkwe kombinament tagħhom. |
Emenda 9 Proposta għal regolament Premessa 6a (ġdida) | |
Test propost mill-Kummissjoni |
Emenda |
|
(6a) Is-sajd tal-ħut pelaġiku ż-żgħir fil-Baħar Adrijatiku, speċjalment fis-Subżoni Ġeografiċi 17 u 18 (GSA 17 u 18), għandu impatt soċjoekonomiku importanti ħafna għall-għajxien u l-futur tal-komunità kostali tal-Istati Membri. |
Emenda 10 Proposta għal regolament Premessa 6b (ġdida) | |
Test propost mill-Kummissjoni |
Emenda |
|
(6b) F'konformità mal-prinċipji u l-objettivi tal-PKS u skont l-Artikolu 18 tar-Regolament (UE) Nru 1380/2013, ir-reġjonalizzazzjoni għandha tintuża għall-adozzjoni u l-implimentazzjoni li jieħdu kont tal-ispeċifiċitajiet ta' kull żona tas-sajd u għas-salvagwardja tal-kundizzjonijiet ambjentali tagħhom. |
Emenda 11 Proposta għal regolament Premessa 6c (ġdida) | |
Test propost mill-Kummissjoni |
Emenda |
|
(6c) Jenħtieġ li l-opportunitajiet tas-sajd jiġu allokati f'konformità mal-prinċipji stipulati fl-Artikolu 17 tar-Regolament (UE) Nru 1380/2013, bl-użu ta' kriterji trasparenti u oġġettivi, inklużi dawk ta' natura ambjentali, soċjali u ekonomika. Jenħtieġ li l-opportunitajiet tas-sajd ikunu wkoll distribwiti b'mod ġust fid-diversi segmenti tas-sajd, inkluż is-sajd tradizzjonali u dak fuq skala żgħira. Barra minn hekk, jenħtieġ li l-Istati Membri jipprovdu inċentivi għall-bastimenti tas-sajd li jużaw irkaptu tas-sajd selettiv jew li jużaw tekniki tas-sajd b'impatt ambjentali mnaqqas. |
Emenda 12 Proposta għal regolament Premessa 7 | |
Test propost mill-Kummissjoni |
Emenda |
(7) Skont l-Artikoli 9 u 10 tar-Regolament (UE) Nru 1380/2013, il-pjanijiet pluriennali għandhom ikunu ibbażati fuq pariri xjentifiċi, tekniċi u ekonomiċi u għandhom ikunu jinkludu objettivi, miri kwantifikabbli bi skedi taż-żmien ċari, punti ta' referenza dwar il-konservazzjoni u salvagwardji. |
(7) Skont l-Artikoli 9 u 10 tar-Regolament (UE) Nru 1380/2013, il-pjanijiet pluriennali għandhom ikunu ibbażati fuq pariri xjentifiċi, tekniċi u ekonomiċi u għandhom ikunu jinkludu objettivi, miri kwantifikabbli bi skedi taż-żmien ċari, punti ta' referenza dwar il-konservazzjoni, objettivi għall-miżuri ta' konservazzjoni u tekniċi għall-implimentazzjoni tal-obbligu tal-ħatt l-art, kif ukoll miżuri maħsuba biex kemm jista' jkun jiġu evitati u mnaqqsa l-qabdiet mhux mixtieqa, u salvagwardji. |
Emenda 13 Proposta għal regolament Premessa 8 | |
Test propost mill-Kummissjoni |
Emenda |
(8) L-għan tal-pjan pluriennali għandu jkun li jikkontribwixxi biex jintlaħqu l-għanijiet tal-PKS, u b'mod speċjali biex jintlaħaq u jinżamm l-MSY għall-istokkijiet ikkonċernati, biex is-settur tas-sajd isir sostenibbli u biex jipprovdi qafas ta' ġestjoni effettiv. |
(8) L-għan tal-pjan pluriennali għandu jkun li jikkontribwixxi biex jintlaħqu l-għanijiet tal-PKS, u b'mod speċjali biex l-istokkijiet tal-ħut jerġgħu jiżdiedu u jinżammu 'l fuq mil-livelli ta' bijomassa li jistgħu jipproduċu MSY, jiġi implimentat l-obbligu tal-ħatt l-art, ikun hemm settur tas-sajd sostenibbli u jiġi pprovdut qafas ta' ġestjoni effettiv. |
Emenda 14 Proposta għal regolament Premessa 8a (ġdida) | |
Test propost mill-Kummissjoni |
Emenda |
|
(8a) Dan ir-Regolament jenħtieġ li ma jitqiesx bħala preċedent għal pjanijiet pluriennali oħra fil-Baħar Mediterran, sakemm ma jkunx previst mod ieħor. |
Ġustifikazzjoni | |
Din il-proposta għall-Baħar Adrijatiku, kif inhi, toħloq preċedent perikoluż peress li jekk tiġi adottata tista' tintuża bħala mudell għal żoni tal-Baħar Mediterran oħra wkoll, b'impatt ekonomiku u soċjali saħansitra akbar. Kull reġjun tal-baħar għandu karatteristiċi oċeaniċi differenti u ċirkostanzi uniċi. | |
Emenda 15 Proposta għal regolament Premessa 8b (ġdida) | |
Test propost mill-Kummissjoni |
Emenda |
|
(8b) Jenħtieġ li pjan pluriennali dejjem isib bilanċ bejn ir-riżultat li jista' jinkiseb, b'kont meħud tal-perjodu ta' żmien, u l-impatt soċjoekonomiku. |
|
|
Emenda 16 Proposta għal regolament Premessa 10 | |
Test propost mill-Kummissjoni |
Emenda |
(10) F'konformità mal-approċċ ibbażat fuq l-ekosistema, minbarra d-deskrittur relatat mas-sajd mogħti fid-Direttiva 2008/56/KE, id-deskritturi kwalitattivi 1, 4 u 6 mogħtija fl-Anness I tad-Direttiva wkoll għandhom jitqiesu fil-qafas tal-ġestjoni tas-sajd. |
(10) F'konformità mal-approċċ ibbażat fuq l-ekosistema, dan il-pjan jenħtieġ ukoll li jikkontribwixxi għall-ksib ta' status ambjentali tajjeb kif stabbilit fid-Direttiva 2008/56/KE, id-deskritturi kwalitattivi 1, 4 u 6 mogħtija fl-Anness I tad-Direttiva wkoll jenħtieġ li jitqiesu fil-qafas tal-ġestjoni tas-sajd. Jenħtieġ li dan il-pjan jikkontribwixxi wkoll għall-ksib ta' status ta' konservazzjoni favorevoli għall-ħabitats u l-ispeċijiet kif jirrikjedu d-Direttiva 2009/147/KE 1a u d-Direttiva 92/43/KE 1b rispettivament. |
|
_________________ |
|
1a Id-Direttiva 2009/147/KE tal-Parlament Ewropew u tal-Kunsill tat- 30 ta' Novembru 2009 dwar il-konservazzjoni tal-għasafar selvaġġi (ĠU L 20, 26.1.2010, p. 7). |
|
1b Id-Direttiva tal-Kunsill 92/43/KEE tal-21 ta' Mejju 1992 dwar il-konservazzjoni tal-ambjent naturali u tal-fawna u l-flora selvaġġi (ĠU L 206, 22.7.1992, p. 7). |
Emenda 17 Proposta għal regolament Premessa 11 | |
Test propost mill-Kummissjoni |
Emenda |
(11) Skont l-Artikolu 16(4) tar-Regolament (UE) Nru 1380/2013, l-opportunitajiet tas-sajd għandhom jiġu stabbiliti b'mod konsistenti mal-miri stabbiliti fil-pjanijiet pluriennali. |
imħassar |
Emenda 18 Proposta għal regolament Premessa 12 | |
Test propost mill-Kummissjoni |
Emenda |
(12) Huwa xieraq li l-mortalità mis-sajd fil-mira (F) li tikkorrispondi mal-għan li jintlaħaq u jinżamm l-MSY tiġi stabbilita bħala meded ta' valuri li huma konsistenti mal-kisba tar-rendiment massimu sostenibbli (FMSY). Dawk il-meded, ibbażati fuq pariri xjentifiċi, huma meħtieġa sabiex tiġi pprovduta l-flessibbiltà biex jitqiesu l-iżviluppi fil-pariri xjentifiċi, sabiex jingħata kontribut għall-implimentazzjoni tal-obbligu tal-ħatt l-art u sabiex jitqiesu l-karatteristiċi tas-sajd imħallat. Il-meded tal-FMSY ikkalkulahom il-Kumitat Xjentifiku, Tekniku u Ekonomiku għas-Sajd (l-STECF) u huma mfasslin biex jagħtu tnaqqis ta' mhux aktar minn 5 % fir-rendiment fit-tul meta mqabbel mal-MSY.45 Barra minn hekk, il-limitu massimu tal-medda huwa limitat, hekk li l-probabbiltà li l-istokk jaqa' taħt il-Blim mhijiex ta' iktar minn 5 %. |
(12) Huwa xieraq li l-mortalità mis-sajd fil-mira (F) li tikkorrispondi mal-għan li jintlaħaq u jinżamm l-MSY tiġi stabbilita bħala meded ta' valuri li huma konsistenti mal-kisba tar-rendiment massimu sostenibbli (FMSY). Dawk il-meded, ibbażati fuq l-aqwa pariri xjentifiċi disponibbli, huma meħtieġa sabiex tiġi pprovduta l-flessibbiltà biex jitqiesu l-iżviluppi fil-pariri xjentifiċi, sabiex jingħata kontribut għall-implimentazzjoni tal-obbligu tal-ħatt l-art u sabiex jitqiesu l-karatteristiċi tas-sajd imħallat. Il-meded tal-FMSY ikkalkulahom il-Kumitat Xjentifiku, Tekniku u Ekonomiku għas-Sajd (l-STECF)45a. Abbażi ta' dan il-pjan, dawn huma mfasslin biex jagħtu tnaqqis ta' mhux aktar minn 5 % fir-rendiment fit-tul meta mqabbel mal-MSY. Barra minn hekk, il-limitu massimu tal-medda huwa limitat, hekk li l-probabbiltà li l-istokk jaqa' taħt il-Blim mhijiex ta' iktar minn 5 %. |
_________________ |
_________________ |
45 Id-dokument tal-2015 tal-Kumitat Xjentifiku, Tekniku u Ekonomiku għas-Sajd dwar l-istokkijiet pelaġiċi ż-żgħar fil-Baħar Adrijatiku u l-valutazzjonijiet tal-Mediterran imsejjaħ "Scientific, Technical and Economic Committee for Fisheries (STECF) – Small pelagic stocks in the Adriatic Sea". Ir-rapport tal-ewwel parti tal-valutazzjonijiet tal-istokkijiet fil-Baħar Mediterran imsejjaħ "Mediterranean assessments part 1" (STECF-15-14). 2015" ippubblikat mill-Uffiċċju tal-Pubblikazzjonijiet tal-Unjoni Ewropea fil-Lussemburgu bin-numru EUR 27492 EN, JRC 97707, u fih 52 paġna. [It-tieni parti ta' din ir-referenza tidher li hija żbaljata. OPOCE, jekk jogħġbok iċċekkja.] |
|
|
45a Id-dokument tal-2015 tal-Kumitat Xjentifiku, Tekniku u Ekonomiku għas-Sajd dwar l-istokkijiet pelaġiċi ż-żgħar fil-Baħar Adrijatiku imsejjaħ "Scientific, Technical and Economic Committee for Fisheries (STECF) – Small pelagic stocks in the Adriatic Sea. Ir-rapport tal-ewwel parti tal-valutazzjonijiet tal-istokkijiet fil-Baħar Mediterran imsejjaħ "Mediterranean assessments part 1" (STECF-15-14). 2015 ippubblikat mill-Uffiċċju tal-Pubblikazzjonijiet tal-Unjoni Ewropea fil-Lussemburgu bin-numru EUR 27492 EN, JRC 97707, u fih 52 paġna. [It-tieni parti ta' din ir-referenza tidher li hi żbaljata. OPOCE, jekk jogħġbok iċċekkja.] |
Emenda 19 Proposta għal regolament Premessa 13 | |
Test propost mill-Kummissjoni |
Emenda |
(13) Għall-għanijiet tal-iffissar tal-opportunitajiet tas-sajd, irid ikun hemm limitu massimu għall-meded tal-FMSY fil-każ ta' użu normali u limitu ogħla f'ċerti każijiet, dejjem jekk l-istokk ikkonċernat jitqies li jkun fi stat tajjeb. Jenħtieġ li l-opportunitajiet tas-sajd ikunu jistgħu jiġu ffissati sal-limitu ogħla biss jekk, abbażi tal-parir xjentifiku jew tal-evidenza xjentifika, dan ikun meħtieġ biex jinkisbu l-għanijiet stabbiliti f'dan ir-Regolament b'rabta mas-sajd imħallat jew jekk dan ikun meħtieġ biex jiġi evitat id-dannu lil xi stokk ikkawżat mid-dinamika tal-istokk tal-ispeċi jew mid-dinamika ta' bejn l-istokkijiet ta' speċijiet differenti, jew sabiex jiġu llimitati l-varjazzjonijiet fl-opportunitajiet tas-sajd minn sena għall-oħra. |
(13) Sabiex jintlaħqu l-għanijiet tal-pjan pluriennali, jenħtieġ li l-mira għal kull speċi tkun SSBpa. Jenħtieġ li jkun possibbli li tiġi ffissata mira ogħla biss jekk, abbażi tal-parir xjentifiku jew tal-evidenza xjentifika, dan ikun meħtieġ biex jintlaħqu l-għanijiet stabbiliti f'dan ir-Regolament b'rabta mas-sajd imħallat jew jekk dan ikun meħtieġ biex jiġi evitat id-dannu lil xi stokk ikkawżat mid-dinamika tal-istokk tal-ispeċi jew mid-dinamika ta' bejn l-istokkijiet ta' speċijiet differenti, jew fejn wieħed mill-istokkijiet ta' pelaġiċi żgħar ikun inqas mill-SSBlim. |
Ġustifikazzjoni | |
L-użu tal-bijomassa biss huwa aktar xieraq u huwa valur aktar ċert għall-ġestjoni ta' speċijiet pelaġiċi żgħar, li huma aktar dipendenti mill-kundizzjonijiet ambjentali mill-isfruttament, għall-inqas sa ma tittejjeb il-valutazzjoni xjentifika. | |
Emenda 20 Proposta għal regolament Premessa 15 | |
Test propost mill-Kummissjoni |
Emenda |
(15) Għall-istokkijiet li għalihom ikunu disponibbli dawn il-miri, u għall-għanijiet tal-applikazzjoni tal-miżuri ta' salvagwardja, jeħtieġ li jiġu stabbiliti punti ta' referenza dwar il-konservazzjoni mogħtija bħala MSY Btrigger u Blim għall-istokkijiet tal-inċova u tas-sardin. Jekk l-istokkijiet jaqgħu taħt l-MSY Btrigger, il-mortalità mis-sajd għandha titnaqqas iktar mill-FMSY. |
(15) Għall-fini tal-applikazzjoni tal-miżuri ta' salvagwardja, jeħtieġ li jiġu stabbiliti punti ta' referenza għall-konservazzjoni espressi bħala SSBlim u SSBpa għall-ħut pelaġiku żgħir. Jekk l-istokkijiet jaqgħu taħt SSBlim, ikun jenħtieġ li jiġu adottati miżuri ta' rimedju xierqa biex jikkontribwixxu biex l-istokk ikkonċernat jirritorna b'mod rapidu għal livelli ogħla mill-SSBpa. |
Ġustifikazzjoni | |
L-użu tal-bijomassa biss huwa aktar xieraq u huwa valur aktar ċert għall-ġestjoni ta' speċijiet pelaġiċi żgħar, li huma aktar dipendenti mill-kundizzjonijiet ambjentali mill-isfruttament, għall-inqas sa ma tittejjeb il-valutazzjoni xjentifika. | |
Emenda 21 Proposta għal regolament Premessa 16 | |
Test propost mill-Kummissjoni |
Emenda |
(16) Jenħtieġ li jiġu implimentati iktar miżuri ta' salvagwardja jekk id-daqs tal-istokk jaqa' taħt il-punt ta' referenza ta'Blim. Jenħtieġ li l-miżuri ta' salvagwardja jkunu jinkludu t-tnaqqis fl-opportunitajiet tas-sajd u miżuri speċifiċi ta' konservazzjoni meta l-parir xjentifiku jkun jindika li xi stokk ikun mhedded. Jenħtieġ li dawk il-miżuri jkollhom magħhom miżuri oħrajn, skont kif ikun xieraq, bħal miżuri tal-Kummissjoni meħudin skont l-Artikolu 12 tar-Regolament (UE) Nru 1380/2013 jew miżuri tal-Istati Membri meħudin skont l-Artikolu 13 tar-Regolament (UE) Nru 1380/2013. |
imħassar |
Emenda 22 Proposta għal regolament Premessa 17 | |
Test propost mill-Kummissjoni |
Emenda |
(17) Għall-istokkijiet li għalihom ma jkunux disponibbli l-punti ta' referenza, jenħtieġ li japplika l-approċċ ta' prekawzjoni. Fil-każ speċifiku tal-istokkijiet li jinqabdu bħala qabdiet aċċessorji, jekk ma jkunx hemm parir xjentifiku dwar il-livelli minimi tal-bijomassa tal-istokk riproduttiv għat-tali stokkijiet, jenħtieġ li jiġu adottati miżuri speċifiċi ta' konservazzjoni meta l-parir xjentifiku jkun jindika li hemm bżonn ta' miżuri ta' rimedju. |
(17) Għall-istokkijiet li għalihom ma jkunux disponibbli l-punti ta' referenza, jenħtieġ li japplika l-approċċ ta' prekawzjoni. |
Emenda 23 Proposta għal regolament Premessa 18 | |
Test propost mill-Kummissjoni |
Emenda |
(18) Sabiex ikun jista' jiġi implimentat l-obbligu ta' ħatt l-art stabbilit mill-Artikolu 15(1) tar-Regolament (UE) Nru 1380/2013, jenħtieġ li l-pjan jipprevedi miżuri addizzjonali ta' ġestjoni. Jenħtieġ li t-tali miżuri jiġu stabbiliti permezz ta' atti delegati. |
(18) Sabiex ikun jista' jiġi implimentat l-obbligu ta' ħatt l-art stabbilit mill-Artikolu 15(1) tar-Regolament (UE) Nru 1380/2013, jenħtieġ li l-pjan jipprevedi miżuri addizzjonali ta' ġestjoni, b'mod partikolari miżuri biex l-iskartar jiġi eliminat b'mod gradwali, biex jiġi kkalkulat in-numru ta' ħut taħt id-daqs minimu ta' referenza għall-konservazzjoni, u biex jitnaqqsu u, fejn possibbli, jiġu eliminati, l-impatti negattivi tal-attivitajiet tas-sajd minn fuq l-ambjent marin. Jenħtieġ li t-tali miżuri jiġu stabbiliti permezz ta' atti delegati. |
Emenda 24 Proposta għal regolament Premessa 18a (ġdida) | |
Test propost mill-Kummissjoni |
Emenda |
|
(18a) Rakkomandazzjoni konġunta mill-Kroazja, l-Italja u s-Slovenja (Il-Grupp ta' Livell Għoli "Adriatica") u studju dwar il-karatteristiċi tekniċi tax-xbieki bit-tartarun tal-borża u l-impatt tagħhom fuq il-komunitajiet tal-qiegħ ġew sottomessi, u riveduti, minn esperti indipendenti u l-STECF. Huwa għalhekk xieraq li tiġi prevista deroga mit-tieni subparagrafu tal-Artikolu 13(3) tar-Regolament (KE) Nru 1967/2006, u l-punt 2 tal-Anness II tal-istess Regolament. |
Emenda 25 Proposta għal regolament Premessa 19a (ġdida) | |
Test propost mill-Kummissjoni |
Emenda |
|
(19a) Jenħtieġ li l-Kunsill iqis is-sajd rikreattiv meta l-parir xjentifiku jindika li tali sajd għandu impatt sinifikanti fuq il-mortalità mis-sajd ta' stokk partikolari. Għal dan il-għan, jenħtieġ li l-Kunsill ikun jista' jistabbilixxi qabda totali permissibbli (TAC) għall-qabdiet kummerċjali li tieħu kont tal-volum ta' qabdiet rikreattivi u/jew jadotta miżuri oħra li jillimitaw is-sajd rikreattiv, bħal-limitu tal-qabda u l-perjodi ta' għeluq. |
Emenda 26 Proposta għal regolament Premessa 20 | |
Test propost mill-Kummissjoni |
Emenda |
(20) Jenħtieġ li l-pjan jipprevedi wkoll l-adozzjoni ta' ċerti miżuri tekniċi ta' akkumpanjament, permezz ta' atti delegati, sabiex dawn jikkontribwixxu biex jintlaħqu l-għanijiet tal-pjan, b'mod partikulari f'dak li għandu x'jaqsam mal-protezzjoni tal-ħut li għadu qed jikber jew biex titjieb is-selettività. |
(20) Jenħtieġ li l-pjan jipprevedi wkoll l-adozzjoni ta' ċerti miżuri tekniċi ta' akkumpanjament, kif ukoll miżuri temporali u spazjali, permezz ta' atti delegati u b'kont meħud tal-aqwa parir xjentifiku disponibbli, sabiex dawn jikkontribwixxu biex jintlaħqu l-għanijiet tal-pjan, b'mod partikulari f'dak li għandu x'jaqsam mal-protezzjoni tal-ħut li għadu qed jikber jew biex titjieb is-selettività. |
Emenda 27 Proposta għal regolament Premessa 20a (ġdida) | |
Test propost mill-Kummissjoni |
Emenda |
|
(20a) Jenħtieġ li l-irkapti artiġjanali bbażati fuq prattiki storiċi stabbiliti fil-komunitajiet tas-sajd jiġu ssalvagwardjati meta jiġu definiti l-miżuri tekniċi li jirriżultaw mill-pjan pluriennali jew mill-atti delegati adottati skont il-pjan pluriennali. |
Emenda 28 Proposta għal regolament Premessa 21a (ġdida) | |
Test propost mill-Kummissjoni |
Emenda |
|
(21a) Bil-għan li l-industrija tkun tista' tlaħħaq mal-miżuri għat-tnaqqis tal-isforz tas-sajd u t-tnaqqis konsegwenti ta' introjtu għan-negozji u l-baħħara, jenħtieġ li jkun hemm arranġamenti għal aċċess ta' prijorità għal sostenn xieraq mill-Fond Ewropew għall-Affarijiet Marittimi u s-Sajd (FEMS) skont ir-Regolament Nru 508/2014 tal-Parlament Ewropew u tal-Kunsill1a. |
|
_____________ |
|
1a Ir-Regolament (UE) Nru 508/2014 tal-Parlament Ewropew u tal-Kunsill tal-15 ta' Mejju 2014 dwar il-Fond Ewropew għall-Affarijiet Marittimi u s-Sajd u li jħassar ir-Regolamenti tal-Kunsill (KE) Nru 2328/2003, (KE) Nru 861/2006, (KE) Nru 1198/2006 u (KE) Nru 791/2007 u r-Regolament (UE) Nru 1255/2011 tal-Parlament Ewropew u tal-Kunsill (ĠU L 149, 20.5.2014, p. 1). |
Emenda 29 Proposta għal regolament Premessa 21b (ġdida) | |
Test propost mill-Kummissjoni |
Emenda |
|
(21b) Bil-għan li tiġi żgurata implimentazzjoni konsistenti mal-impatti soċjoekonomiċi, minn naħa waħda jkun ideali li jingħataw derogi mill-perjodi ta' żmien għall-miżuri ta' waqfien temporanju kif imsemmi fl-Artikolu 33 tar-Regolament (UE) Nru 508/2014, u b'hekk tiġi estiża biss għal bastimenti koperti minn dan il-pjan pluriennali u, min-naħa l-oħra, li jiġi permess il-ftuħ mill-ġdid u l-aċċess mill-istess bastimenti għall-miżuri ta' waqfien permanenti previsti mill-Artikolu 34 ta' dan ir-Regolament. |
Emenda 30 Proposta għal regolament Premessa 22 | |
Test propost mill-Kummissjoni |
Emenda |
(22) Filwaqt li jiġi rrikonoxxut li t-tendenza għall-bastimenti li jistadu għall-ispeċijiet pelaġiċi ż-żgħar fil-Baħar Adrijatiku hi li huma jagħmlu vjaġġi qosra tas-sajd, jenħtieġ li l-użu tan-notifiki minn qabel kif inhu meħtieġ skont l-Artikolu 17 tar-Regolament tal-Kunsill (KE) Nru 1224/2009 jiġi adattat sabiex in-notifiki minn qabel jintbagħtu mill-inqas siegħa u nofs qabel il-ħin mistenni tal-wasla fil-port. Madankollu, meta jitqies l-effett limitat ta' vjaġġi tas-sajd li jinvolvu kwantitajiet żgħar ħafna ta' ħut fuq l-istokkijiet ikkonċernati, huwa xieraq li jiġi stabbilit limitu massimu għat-tali notifiki minn qabel meta dawn il-bastimenti jżommu abbord mill-inqas tunnellata ta' inċova jew ta' sardin. |
(22) Filwaqt li jiġi rrikonoxxut li t-tendenza għall-bastimenti li jistadu għall-ispeċijiet pelaġiċi ż-żgħar fil-Baħar Adrijatiku hi li huma jagħmlu vjaġġi qosra tas-sajd, jenħtieġ li l-użu tan-notifiki minn qabel kif inhu meħtieġ skont l-Artikolu 17 tar-Regolament tal-Kunsill (KE) Nru 1224/2009 jiġi adattat sabiex in-notifiki minn qabel jintbagħtu mill-inqas nofs siegħa qabel il-ħin mistenni tal-wasla fil-port. Madankollu, meta jitqies l-effett limitat ta' vjaġġi tas-sajd li jinvolvu kwantitajiet żgħar ħafna ta' ħut fuq l-istokkijiet ikkonċernati, huwa xieraq li jiġi stabbilit limitu massimu għat-tali notifiki minn qabel meta dawn il-bastimenti jżommu abbord mill-inqas tunnellata ta' ħut pelaġiku żgħir. |
Ġustifikazzjoni | |
Minħabba kosta speċifika u minħabba l-fatt li ż-żoni tas-sajd huma relattivament qrib il-portijiet, huwa meħtieġ li jiġi previst perjodu iqsar għan-notifika minn qabel. | |
Emenda 31 Proposta għal regolament Premessa 24 | |
Test propost mill-Kummissjoni |
Emenda |
(24) Jenħtieġ li jiġu stabbiliti limiti massimi għall-qabdiet tal-inċova u tas-sardin li, jekk jaqbiżhom, bastiment tas-sajd għandu jħott l-art il-qabdiet f'port deżinjat jew f'post viċin il-kosta skont l-Artikolu 43 tar-Regolament tal-Kunsill (KE) Nru 1224/2009. Barra minn hekk, meta jkunu qed jagħżlu dawk il-portijiet jew dawk il-postijiet viċin il-kosta, jeħtieġ li l-Istati Membri japplikaw il-kriterji previsti fl-Artikolu 43(5) ta' dak ir-Regolament b'tali mod li jiġi żgurat kontroll effettiv. |
(24) Jenħtieġ li jiġu stabbiliti limiti massimi għall-qabdiet ta' ħut pelaġiku żgħir li, jekk jaqbiżhom, bastiment tas-sajd għandu jħott l-art il-qabdiet f'port deżinjat jew f'post viċin il-kosta skont l-Artikolu 43 tar-Regolament tal-Kunsill (KE) Nru 1224/2009. Barra minn hekk, meta jkunu qed jagħżlu dawk il-portijiet jew dawk il-postijiet viċin il-kosta, jeħtieġ li l-Istati Membri japplikaw il-kriterji previsti fl-Artikolu 43(5) ta' dak ir-Regolament b'tali mod li jiġi żgurat kontroll effettiv. |
Ġustifikazzjoni | |
Qed jiġi propost li tintuża d-definizzjoni ta' "speċijiet pelaġiċi żgħar" mill-pjan ta' ġestjoni attwali tal-GFCM. Din id-definizzjoni timplika li dawn iż-żewġ speċijiet huma immaniġġjati flimkien. Dawn iż-żewġ speċijiet jinqabdu flimkien, u peress li fis-sajd bit-tartarun tal-borża mhuwiex possibbli li tiġi mmirata biss speċi waħda, il-miżuri ta' ġestjoni għandhom japplikaw għat-tnejn li huma flimkien. Barra minn hekk, dawn iż-żewġ speċijiet jalternaw fin-natura tagħhom, u huma dipendenti ħafna mill-kundizzjonijiet ambjentali. Minħabba dan, l-isfruttament ta' dawn l-ispeċijiet għandu jkun ikkontrollat u ġestit flimkien, kif inhu diġà rikonoxxut fil-qafas attwali tal-GFCM. | |
Emenda 32 Proposta għal regolament Premessa 25 | |
Test propost mill-Kummissjoni |
Emenda |
(25) Sabiex ikun hemm adattament f'waqtu u b'mod proporzjonat għall-progress tekniku u xjentifiku u biex tiġi żgurata l-flessibbiltà u tiġi permessa l-evoluzzjoni ta' ċerti miżuri, jenħtieġ li l-Kummissjoni tingħata s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea b'rabta mas-supplimentar ta' dan ir-Regolament f'dak li għandu x'jaqsam ma' miżuri ta' rimedju għall-konservazzjoni tal-kavalli u tas-sawrell, mal-implimentazzjoni tal-obbligu tal-ħatt l-art u ma' miżuri tekniċi. Huwa importanti ferm li l-Kummissjoni twettaq il-konsultazzjonijiet ix-xierqa matul il-ħidma tagħha ta' tħejjija, inkluż fil-livell tal-esperti, u li dawk il-konsultazzjonijiet twettaqhom skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016. B'mod partikulari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jkunu qed jittrattaw it-tħejjija tal-atti delegati. |
(25) Sabiex ikun hemm adattament f'waqtu u b'mod proporzjonat għall-progress tekniku u xjentifiku u biex tiġi żgurata l-flessibbiltà u tiġi permessa l-evoluzzjoni ta' ċerti miżuri, jenħtieġ li l-Kummissjoni tingħata s-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea b'rabta mas-supplimentar ta' dan ir-Regolament f'dak li għandu x'jaqsam mal-implimentazzjoni tal-obbligu tal-ħatt l-art u ma' miżuri tekniċi. Huwa importanti ferm li l-Kummissjoni twettaq il-konsultazzjonijiet ix-xierqa matul il-ħidma tagħha ta' tħejjija, inkluż fil-livell tal-esperti, u li dawk il-konsultazzjonijiet twettaqhom skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta' April 2016. B'mod partikulari, biex tiġi żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jkunu qed jittrattaw it-tħejjija tal-atti delegati. |
Ġustifikazzjoni | |
Id-dispożizzjonijiet tal-pjan pluriennali għandhom japplikaw biss għas-sardin u l-inċova, peress li għal speċijiet oħra (il-kavalli (Scomber spp.) u s-sawrell (Trachurus spp.)) hemm nuqqas qawwi ta' dejta u ta' valutazzjonijiet xjentifiċi. Dawn l-ispeċijiet għandhom jiġu koperti mill-pjan pluriennali minħabba obbligu ta' ħatt l-art, peress li din kienet l-ispjegazzjoni ewlenija tal-KE, iżda dan għandu jkun separat b'mod ċar fl-ambitu tal-pjan pluriennali. | |
Emenda 33 Proposta għal regolament Premessa 26 | |
Test propost mill-Kummissjoni |
Emenda |
(26) Skont l-Artikolu 10(3) tar-Regolament (UE) Nru 1380/2013, jenħtieġ li jiġu stabbiliti dispożizzjonijiet biex il-Kummissjoni twettaq valutazzjoni perjodika tal-adegwatezza u tal-effettività tal-applikazzjoni ta' dan ir-Regolament. Jenħtieġ li t-tali valutazzjoni ssegwi evalwazzjoni perjodika tal-pjan li tkun ibbażata fuq il-parir xjentifiku u li din tissejjes fuqha. Jenħtieġ li l-pjan jiġi evalwat kull ħames snin. Dan il-perjodu jippermetti li jiġi implimentat bis-sħiħ l-obbligu tal-ħatt l-art u li jiġu adottati u implimentati miżuri reġjonalizzati u li dawn jibda jkollhom impatt fuq l-istokkijiet u fuq is-sajd. Dan huwa wkoll il-perjodu minimu meħtieġ mill-korpi xjentifiċi. |
(26) Skont l-Artikolu 10(3) tar-Regolament (UE) Nru 1380/2013, jenħtieġ li jiġu stabbiliti dispożizzjonijiet biex il-Kummissjoni twettaq valutazzjoni perjodika tal-adegwatezza u tal-effettività tal-applikazzjoni ta' dan ir-Regolament. Jenħtieġ li t-tali valutazzjoni ssegwi evalwazzjoni perjodika tal-pjan li tkun ibbażata fuq il-parir xjentifiku u li din tissejjes fuqha. Jenħtieġ li l-pjan jiġi evalwat tliet snin wara d-data tad-dħul fis-seħħ ta' dan ir-Regolament u sussegwentement kull ħames snin. Dan il-perjodu jippermetti li jiġi implimentat bis-sħiħ l-obbligu tal-ħatt l-art u li jiġu adottati u implimentati miżuri reġjonalizzati u li dawn jibda jkollhom impatt fuq l-istokkijiet u fuq is-sajd. Dan huwa wkoll il-perjodu minimu meħtieġ mill-korpi xjentifiċi. |
Emenda 34 Proposta għal regolament Premessa 27a (ġdida) | |
Test propost mill-Kummissjoni |
Emenda |
|
(27a) Bil-għan li s-sajjieda jiġu megħjuna jimplimentaw il-miżuri previsti minn dan ir-Regolament, l-Istati Membri għandhom jagħmlu l-akbar użu possibbli tal-miżuri disponibbli taħt ir-Regolament (UE) Nru 508/2014. Huwa xieraq li jiġi ċċarat li l-miżuri ta' waqfien temporanju li ġew adottati bil-għan li jintlaħqu l-objettivi ta' dan ir-Regolament jistgħu jitqiesu eleġibbli għal appoġġ taħt ir-Regolament (UE) Nru 508/2014, bil-għan li jitqiesu l-aspetti soċjoekonomiċi ta' dan ir-Regolament. Barra minn hekk, huwa xieraq li tingħata deroga, għall-bastimenti milquta minn dan il-pjan pluriennali, mill-perjodi li matulhom jista' jingħata sostenn kif ukoll mil-limitu massimu fuq il-kontribuzzjoni finanzjarja mill-FEMS għall-miżuri ta' waqfien temporanju stabbiliti fir-Regolament Nru 508/2014. |
Emenda 35 Proposta għal regolament Artikolu 1 – paragrafu 2 | |
Test propost mill-Kummissjoni |
Emenda |
2. Dan ir-Regolament għandu japplika għall-istokkijiet tal-inċova (Engraulis encrasicolus) u tas-sardin (Sardina pilchardus) fil-Baħar Adrijatiku ("l-istokkijiet ikkonċernati") u għas-sajd li jisfrutta dawk l-istokkijiet. Huwa għandu japplika wkoll għall-qabdiet aċċessorji tal-kavalli (Scomber spp.) u tas-sawrell (Trachurus spp.) fil-Baħar Adrijatiku li jinqabdu waqt is-sajd għal wieħed mill-istokkijiet ikkonċernati jew għat-tnejn li huma. |
2. Dan ir-Regolament għandu japplika għall-istokkijiet tal-inċova (Engraulis encrasicolus) u tas-sardin (Sardina pilchardus) fil-Baħar Adrijatiku ("ħut pelaġiku żgħir") u għas-sajd li jimmira għal dawk l-istokkijiet. Għall-finijiet tal-implimentazzjoni tal-obbligu tal-ħatt l-art stabbilit fl-Artikolu 15 tar-Regolament (UE) Nru 1380/2013, dan ir-Regolament għandu japplika wkoll għall-qabdiet aċċessorji tal-kavalli (Scomber spp.) u tas-sawrell (Trachurus spp.) fil-Baħar Adrijatiku li jinqabdu waqt is-sajd għall-ħut pelaġiku żgħir. |
Ġustifikazzjoni | |
Id-dispożizzjonijiet tal-pjan pluriennali għandhom japplikaw biss għas-sardin u l-inċova, peress li għal speċijiet oħra hemm nuqqas qawwi ta' dejta u ta' valutazzjonijiet xjentifiċi. Dawn l-ispeċijiet għandhom jiġu koperti mill-pjan pluriennali minħabba obbligu ta' ħatt l-art, peress li din kienet l-ispjegazzjoni ewlenija tal-KE, iżda dan għandu jkun separat b'mod ċar fl-ambitu tal-pjan pluriennali. | |
Emenda 36 Proposta għal regolament Artikolu 2 – paragrafu 2 – punt ab (ġdid) | |
Test propost mill-Kummissjoni |
Emenda |
|
(ab) "L-aħjar parir xjentifiku disponibbli" tfisser parir xjentifiku disponibbli b'mod pubbliku li huwa appoġġjat mill-aktar data u metodi xjentifiċi aġġornati u li jkun jew ġie maħruġ jew rieżaminat minn korp xjentifiku indipendenti li huwa rikonoxxut fuq livell tal-Unjoni jew fil-livell internazzjonali. |
Emenda 37 Proposta għal regolament Artikolu 2 – paragrafu 2 – punt b a (ġdid) | |
Test propost mill-Kummissjoni |
Emenda |
|
(ba) "Iffukar" tfisser li s-sardin jew l-inċova jirrappreżentaw tal-inqas 50 % tal-qabda f'piż ħaj; |
Ġustifikazzjoni | |
Id-definizzjoni ta' iffukar hija importanti għall-ġestjoni f'termini ta' jiem ta' sajd. | |
Emenda 38 Proposta għal regolament Artikolu 2 – paragrafu 2 – punt c | |
Test propost mill-Kummissjoni |
Emenda |
(c) "stokkijiet pelaġiċi żgħar" tfisser l-istokkijiet imniżżlin fl-Artikolu 1(2) ta' dan ir-Regolament u kwalunkwe kombinament tagħhom; |
(c) "Ħut pelaġiku żgħir" tfisser stokkijiet tas-sardin (Sardina pilchardus) u l-inċova (Engraulis encrasicolus); |
Ġustifikazzjoni | |
Qed jiġi propost li tintuża d-definizzjoni ta' "speċijiet pelaġiċi żgħar" attwali tal-pjan ta' ġestjoni tal-GFCM MP. Din id-definizzjoni timplika li dawn iż-żewġ speċijiet huma immaniġġjati flimkien. Dawn iż-żewġ speċijiet jinqabdu flimkien, u peress li fis-sajd bit-tartarun tal-borża mhuwiex possibbli li tiġi mmirata biss speċi waħda, il-miżuri ta' ġestjoni għandhom japplikaw għat-tnejn li huma flimkien. Barra minn hekk, dawn iż-żewġ speċijiet jalternaw fin-natura tagħhom, u huma dipendenti ħafna mill-kundizzjonijiet ambjentali. Minħabba dan, l-isfruttament ta' dawn l-ispeċijiet għandu jkun ikkontrollat u ġestit flimkien, kif diġà rikonoxxut fil-qafas attwali tal-GFCM. | |
Emenda 39 Proposta għal regolament Artikolu 2 – paragrafu 2 – punt d | |
Test propost mill-Kummissjoni |
Emenda |
(d) "medda tal-FMSY" tfisser medda ta' valuri fejn, f'sitwazzjonijiet ta' sajd imħallat u bi qbil mal-parir xjentifiku, il-livelli kollha ta' mortalità mis-sajd fil-limiti xjentifikament indikati ta' dik il-medda jwasslu għal rendiment massimu sostenibbli (MSY) fit-tul bil-kundizzjonijiet ambjentali medji eżistenti mingħajr ma jaffettwaw b'mod sinifikanti l-proċess ta' riproduzzjoni tal-istokkijiet ikkonċernati; |
imħassar |
Emenda 40 Proposta għal regolament Artikolu 2 - paragrafu 2 - punt da (ġdid) | |
Test propost mill-Kummissjoni |
Emenda |
|
(da) "Jum tas-sajd" tfisser kwalunkwe perjodu kontinwu ta' 24 siegħa, jew parti minnu, meta bastiment tas-sajd ikun involut f'attività tas-sajd, bħat-tiftix għall-ħut, l-isparar, il-kalar, l-irmonk, l-irfigħ tal-irkaptu tas-sajd, it-teħid tal-qabdiet abbord, it-trasbord, iż-żamma abbord, l-ipproċessar abbord jew it-trasferiment, it-tqegħid fil-gaġeġ, it-tismin u l-ħatt l-art ta' ħut u prodotti tas-sajd, kif definit fil-punt 28 tal-Artikolu 4 tar-Regolament (UE) Nru 1380/2013; . |
Emenda 41 Proposta għal regolament Artikolu 2 – paragrafu 2 – punt db (ġdid) | |
Test propost mill-Kummissjoni |
Emenda |
|
(db) "SSBlim" tfisser il-punt ta' referenza tal-bijomassa ta' stokk riproduttiv li taħtu għandha tittieħed azzjoni ta' ġestjoni ta' rimedju sabiex jiġi żgurat li l-istokk jerġa' jinbena sa livell fejn ikun fil-limiti bijoloġiċi ta' sikurezza; |
Ġustifikazzjoni | |
L-użu tal-bijomassa biss huwa aktar xieraq u huwa valur aktar ċert għall-ġestjoni ta' speċijiet pelaġiċi żgħar, li huma aktar dipendenti fuq mill-kundizzjonijiet ambjentali mill-isfruttament, għall-inqas sa ma titjieb il-valutazzjoni xjentifika. | |
Emenda 42 Proposta għal regolament Artikolu 2 – paragrafu 2 – punt dc (ġdid) | |
Test propost mill-Kummissjoni |
Emenda |
|
(dc) "SSBpa" tfisser il-punt ta' referenza prekawzjonarju tal-bijomassa ta' stokk riproduttiv li taħtu għandha tittieħed azzjoni ta' ġestjoni sabiex jiġi żgurat li l-istokk jerġa' jinbena sa livell fejn ikun fil-limiti bijoloġiċi ta' sikurezza; |
Ġustifikazzjoni | |
L-użu tal-bijomassa biss huwa aktar xieraq u huwa valur aktar ċert għall-ġestjoni ta' speċijiet pelaġiċi żgħar, li huma aktar dipendenti mill-kundizzjonijiet ambjentali mill-isfruttament, għall-inqas sa ma tittejjeb il-valutazzjoni xjentifika. | |
Emenda 43 Proposta għal regolament Artikolu 2 – paragrafu 2 – punt e | |
Test propost mill-Kummissjoni |
Emenda |
(e) "MSY Btrigger" tfisser il-punt ta' referenza tal-bijomassa tal-istokk riproduttiv li taħtu għandha tittieħed azzjoni speċifika u xierqa ta' ġestjoni sabiex ikun żgurat li r-rati tal-isfruttament flimkien mal-varjazzjonijiet naturali jerġgħu jżidu l-istokkijiet għal-livelli 'l fuq minn dawk li jistgħu jipproduċu MSY fit-tul; |
imħassar |
Emenda 44 Proposta għal regolament Artikolu 2 – paragrafu 2 – punt f | |
Test propost mill-Kummissjoni |
Emenda |
(f) "opportunità tas-sajd" tfisser dritt legali kkwantifikat għas-sajd, mogħti f'termini tal-qabdiet u/jew tal-isforz tas-sajd. |
imħassar |
Emenda 45 Proposta għal regolament Artikolu 3 – paragrafu 1 | |
Test propost mill-Kummissjoni |
Emenda |
1. Il-pjan pluriennali għandu jikkontribwixxi għall-kisba tal-għanijiet tal-politika komuni tas-sajd imniżżlin fl-Artikolu 2 tar-Regolament (UE) Nru 1380/2013, b'mod partikulari billi japplika l-approċċ ta' prekawzjoni għall-ġestjoni tas-sajd, u għandu jimmira li jiżgura li l-isfruttament tar-riżorsi bijoloġiċi ħajjin tal-baħar jerġa' jżid il-popolazzjonijiet tal-ispeċijiet mistada u jżommhom f'livelli 'l fuq minn dawk li jistgħu jipproduċu l-MSY. |
1. Il-pjan pluriennali għandu jikkontribwixxi biex jintlaħqu l-għanijiet tal-politika komuni tas-sajd imniżżlin fl-Artikolu 2 tar-Regolament (UE) Nru 1380/2013. |
Ġustifikazzjoni | |
L-għanijiet huma stabbiliti fir-Regolament (UE) Nru 1380/2013 u mhuwiex meħtieġ li jiġu ripetuti hawnhekk. L-għanijiet tal-PKS huma importanti wkoll u l-ilħuq tal-MSY ma jistax ikun aktar importanti minn għanijiet oħra bħalma huma l-istabbiltà soċjali tas-segment tas-sajd ikkonċernat. | |
Emenda 46 Proposta għal regolament Artikolu 3 – paragrafu 2 | |
Test propost mill-Kummissjoni |
Emenda |
2. Il-pjan pluriennali għandu jipprovdi qafas ta' ġestjoni effettiv, sempliċi u stabbli għall-isfruttament tal-istokkijiet pelaġiċi ż-żgħar fil-Baħar Adrijatiku. |
2. Il-pjan pluriennali għandu jipprovdi qafas ta' ġestjoni effettiv, sempliċi u stabbli għall-isfruttament tal-pelaġiċi ż-żgħar fil-Baħar Adrijatiku. |
Emenda 47 Proposta għal regolament Artikolu 3 – paragrafu 2a (ġdid) | |
Test propost mill-Kummissjoni |
Emenda |
|
2a. Il-pjan pluriennali għandu jqis l-aspetti soċjoekonomiċi meta jkun qiegħed jiġi żviluppat jew mibdul, f'konformità mal-Artikolu 2(5) tar-Regolament (UE) Nru 1380/2013. |
Emenda 48 Proposta għal regolament Artikolu 3 – paragrafu 3 | |
Test propost mill-Kummissjoni |
Emenda |
3. Il-pjan pluriennali għandu jikkontribwixxi għall-eliminazzjoni tal-qbid skartat billi jevita l-qabdiet mhux mixtieqa u jnaqqashom kemm jista' jkun u għandu jikkontribwixxi għall-implimentazzjoni tal-obbligu tal-ħatt l-art stabbilit fl-Artikolu 15 tar-Regolament (UE) Nru 1380/2013 għall-ispeċijiet li huma suġġetti għalih u li għalihom japplika dan ir-Regolament. |
3. Il-pjan pluriennali għandu jikkontribwixxi għat-tnaqqis tal-qbid skartat billi jevita l-qabdiet mhux mixtieqa u jnaqqashom kemm jista' jkun u għandu jikkontribwixxi għall-implimentazzjoni tal-obbligu tal-ħatt l-art stabbilit fl-Artikolu 15 tar-Regolament (UE) Nru 1380/2013 għall-ispeċijiet li huma suġġetti għalih u li għalihom japplika dan ir-Regolament. |
Ġustifikazzjoni | |
It-tneħħija totali tal-ħut skartat hija operazzjonalment impossibbli, anki minħabba li d-de minimis xorta għadu possibbiltà prevista fir-regolament bażiku. | |
Emenda 49 Proposta għal regolament Artikolu 3 − paragrafu 4 | |
Test propost mill-Kummissjoni |
Emenda |
4. Il-pjan pluriennali għandu jimplimenta l-approċċ ibbażat fuq l-ekosistema għall-ġestjoni tas-sajd sabiex jiżgura li jitnaqqsu kemm jista' jkun l-impatti negattivi tal-attivitajiet tas-sajd fuq l-ekosistema tal-baħar. Huwa għandu jkun koerenti mal-leġiżlazzjoni tal-Unjoni fil-qasam tal-ambjent u b'mod partikulari mal-għan li jinkiseb status ambjentali tajjeb sal-2020 kif stabbilit fl-Artikolu 1(1) tad-Direttiva 2008/56/KE. |
4. Il-pjan pluriennali għandu jimplimenta l-approċċ ibbażat fuq l-ekosistema għall-ġestjoni tas-sajd sabiex jiżgura li jitnaqqsu kemm jista' jkun, u fejn possibbli jiġu eliminati, l-impatti negattivi tal-attivitajiet tas-sajd fuq l-ekosistema tal-baħar, b'mod partikolari l-ħabitats li jinsabu mhedda u l-ispeċijiet protetti, inklużi l-mammiferi tal-baħar, it-tjur tal-baħar u r-rettili, Huwa għandu jkun koerenti mal-leġiżlazzjoni tal-Unjoni fil-qasam tal-ambjent u b'mod partikulari mal-għan li jinkiseb status ambjentali tajjeb sal-2020 kif stabbilit fl-Artikolu 1(1) tad-Direttiva 2008/56/KE, u mal-miri u r-regoli stabbiliti fid-Direttivi 2009/147/KE u 92/43/KEE. |
Emenda 50 Proposta għal regolament Artikolu 3 – paragrafu 5a (ġdid) | |
Test propost mill-Kummissjoni |
Emenda |
|
5a. Il-miżuri skont il-pjan għandhom jittieħdu f'konformità mal-aħjar parir xjentifiku disponibbli. |
Emenda 51 Proposta għal regolament Kapitolu 2 - Titolu | |
Test propost mill-Kummissjoni |
Emenda |
MIRI, SALVAGWARDJI U MIŻURI SPEĊIFIĊI |
MIRI SOĊJOEKONOMIĊI, SALVAGWARDJI U MIŻURI SPEĊIFIĊI |
Ġustifikazzjoni | |
L-inserzjoni tal-kelma "soċjoekonomiċi" hija konformi mal-emenda lill-Artikolu 4a (għanijiet soċjoekonomiċi) li ġej u l-Premessi l-ġodda (21a) u (24a). | |
Emenda 52 Proposta għal regolament Artikolu 4 – titolu | |
Test propost mill-Kummissjoni |
Emenda |
Miri għall-inċova u għas-sardin |
Miri għall-pelaġiċi ż-żgħar |
Ġustifikazzjoni | |
Din id-definizzjoni timplika li dawn iż-żewġ speċijiet huma immaniġġjati flimkien. | |
Emenda 53 Proposta għal regolament L-Artikolu 4 – paragrafu 1 | |
Test propost mill-Kummissjoni |
Emenda |
1. Il-mortalità mis-sajd fil-mira għandha tintlaħaq mill-aktar fis possibbli u fuq bażi progressiva u inkrimentali sal-2020 għall-istokkijiet ikkonċernati u, wara dak iż-żmien, għandha tinżamm fil-meded stabbiliti fl-Anness I u f'konformità mal-għanijiet stabbiliti fl-Artikolu 3(1). |
1. Il-punti ta' referenza fil-mira għall-pelaġiċi ż-żgħar għandhom jintlaħqu mill-aktar fis possibbli u għandhom, minn hemm 'il quddiem, jinżammu 'l fuq mill-valuri mogħtija fl-Anness I u f'konformità mal-għanijiet stabbiliti fl-Artikolu 3(1). |
Ġustifikazzjoni | |
Dan huwa aġġustament tad-dispożizzjonijiet tal-Artikolu 4 skont il-proposta għal punti ta' referenza bbażati fuq il-bijomassa. | |
Emenda 54 Proposta għal regolament Artikolu 4 – paragrafu 2 | |
Test propost mill-Kummissjoni |
Emenda |
2. L-opportunitajiet tas-sajd għandhom jikkonformaw mal-meded tal-mortalità mis-sajd fil-mira stabbiliti fil-kolonna A tal-Anness I ta' dan ir-Regolament. |
2. Il-miżuri ta' ġestjoni għall-pelaġiċi ż-żgħar għandhom jikkonformaw mal-punti ta' referenza fil-mira stabbiliti fil-kolonna A tal-Anness I ta' dan ir-Regolament. |
Ġustifikazzjoni | |
Dan huwa aġġustament tad-dispożizzjonijiet tal-Artikolu 4 skont il-proposta għal punti ta' referenza bbażati fuq il-bijomassa. Qed jiġi propost li jitħassar it-terminu "opportunitajiet tas-sajd" u li dan jinbidel bit-terminu "miżuri ta' ġestjoni". B'mod partikolari, it-terminu "opportunitajiet tas-sajd" jindika s-sistema tal-qabdiet totali permissibbli (TAC) u, minflok, qed jiġi propost li dan it-terminu jiġi sostitwit bit-terminu "miżuri ta' ġestjoni" li hu aktar xieraq għal sistema ta' ġestjoni bbażata fuq l-isforzi. | |
Emenda 55 Proposta għal regolament Artikolu 4 − paragrafu 3 | |
Test propost mill-Kummissjoni |
Emenda |
3. Minkejja l-paragrafi 1 u 2, l-opportunitajiet tas-sajd jistgħu jiġu ffissati f'livelli li jikkorrispondu għal livelli aktar baxxi ta' mortalità mis-sajd minn dawk stabbiliti fil-kolonna A tal-Anness I. |
3. Minkejja l-paragrafi 1 u 2, il-miżuri ta' ġestjoni jista' jkollhom fil-mira l-livelli li jikkorrispondu għal valuri ogħla minn dawk stabbiliti fil-kolonna A tal-Anness I jekk: |
|
(a) abbażi tal-parir xjentifiku jew tal-evidenza xjentifika, dan ikun meħtieġ biex jintlaħqu l-objettivi stabbiliti fl-Artikolu 3 fil-każ tas-sajd imħallat; |
|
(b) abbażi tal-parir xjentifiku jew tal-evidenza xjentifika, dan ikun meħtieġ biex jiġi evitat dannu serju lil xi stokk ikkawżat mid-dinamika tal-istokk tal-ispeċi jew mid-dinamika ta' bejn l-istokkijiet ta' speċijiet differenti; jew |
|
(c) wieħed mill-istokkijiet tal-pelaġiċi ż-żgħar huwa inqas mill-punt ta' referenza spjegat fil-kolonna B tal-Anness I. |
Ġustifikazzjoni | |
Dan huwa aġġustament tad-dispożizzjonijiet tal-Artikolu 4 skont il-proposta għal punti ta' referenza bbażati fuq il-bijomassa. B'mod partikolari, it-terminu "opportunitajiet tas-sajd" jindika s-sistema tal-qabdiet totali permissibbli (TAC) u, minflok, qed jiġi propost li dan it-terminu jiġi sostitwit bit-terminu "miżuri ta' ġestjoni" li hu aktar xieraq għal sistema ta' ġestjoni bbażata fuq l-isforzi. | |
Emenda 56 Proposta għal regolament Artikolu 4 – paragrafu 4 | |
Test propost mill-Kummissjoni |
Emenda |
4. Minkejja l-paragrafi 2 u 3, l-opportunitajiet tas-sajd għal xi stokk partikulari jistgħu jiġu ffissati skont il-meded tal-mortalità mis-sajd stabbiliti fil-kolonna B tal-Anness I, dejjem jekk l-istokk ikkonċernat ikun f'livell ogħla mil-livell minimu tal-punt ta' referenza tal-bijomassa tal-istokk riproduttiv stabbilit fil-kolonna A tal-Anness II: |
imħassar |
(a) jekk, abbażi tal-parir xjentifiku jew tal-evidenza xjentifika, dan ikun meħtieġ biex jinkisbu l-għanijiet stabbiliti fl-Artikolu 3 fil-każ tas-sajd imħallat; |
|
(b) jekk, abbażi tal-parir xjentifiku jew tal-evidenza xjentifika, dan ikun meħtieġ biex jiġi evitat dannu serju lil xi stokk ikkawżat mid-dinamika tal-istokk tal-ispeċi jew mid-dinamika ta' bejn l-istokkijiet ta' speċijiet differenti, jew |
|
(c) sabiex il-varjazzjonijiet fl-opportunitajiet tas-sajd bejn snin konsekuttivi jiġu llimitati għal mhux aktar minn 20 %. |
|
Emenda 57 Proposta għal regolament Artikolu 4 – paragrafu 4a (ġdid) | |
Test propost mill-Kummissjoni |
Emenda |
|
4a. Meta l-parir xjentifiku jindika li s-sajd rikreattiv ikollu impatt sinifikanti fuq il-mortalità mis-sajd ta' xi stokk partikolari, il-Kunsill dan għandu jqisu u jista' jillimita s-sajd rikreattiv meta jkun qed jiffissa l-opportunitajiet tas-sajd biex jevita li tinqabeż il-mira totali tal-mortalità mis-sajd. |
|
|
Emenda 58 Proposta għal regolament Artikolu 4a (ġdid) | |
Test propost mill-Kummissjoni |
Emenda |
|
Artikolu 4a |
|
L-għanijiet soċjoekonomiċi |
|
Bil-għan li jitqiesu l-objettivi soċjoekonomiċi spjegati fil-punt (f) tal-Artikolu 2(5) tar-Regolament (UE) Nru 1380/2013, meta jkunu qed japplikaw il-miżuri tekniċi u ta' konservazzjoni previsti f'dan ir-Regolament, l-Istati Membri għandhom jagħmlu użu estensiv tal-miżuri rilevanti spjegati fir-Regolament (UE) Nru 508/2014. |
Ġustifikazzjoni | |
L-emenda hija maħsuba biex tagħmilha possibbli li, meta s-sajjieda huma affettwati minn miżuri tekniċi u/jew ta' konservazzjoni li għandhom impatt partikolarment qawwi li jaffettwa ħażin kemm lill-kumpaniji kif ukoll lill-ħaddiema, l-Istati Membri jagħtu aċċess għall-appoġġ finanzjarju mill-Fond Ewropew għall-Affarijiet Marittimi u s-Sajd (FEMS). | |
Emenda 59 Proposta għal regolament Artikolu 5 − paragrafu 1 | |
Test propost mill-Kummissjoni |
Emenda |
1. Il-punti ta' referenza dwar il-konservazzjoni mogħtija bħala livelli minimi u livelli ta' limitu tal-bijomassa tal-istokk riproduttiv li għandhom jiġu applikati sabiex tiġi ssalvagwardjata l-kapaċità riproduttiva sħiħa tal-istokkijiet ikkonċernati huma stabbiliti fl-Anness II. |
1. Il-punti ta' referenza dwar il-konservazzjoni mogħtija bħala livelli minimi u livelli ta' limitu tal-bijomassa tal-istokk riproduttiv għandhom jiġu applikati sabiex tiġi ssalvagwardjata l-kapaċità riproduttiva sħiħa tal-istokkijiet ikkonċernati. |
Emenda 60 Proposta għal regolament Artikolu 5 – paragrafu 1a (ġdid) | |
Test propost mill-Kummissjoni |
Emenda |
|
1a. Tliet snin wara l-applikazzjoni tal-miżuri ta' ġestjoni msemmija fl-Artikolu 6(1a), ir-riċerka xjentifika għandha tivverifika l-effikaċja tal-miżuri li jkunu ttieħdu, b'mod partikulari fuq l-istokkijiet li għalihom japplika dan ir-Regolament u fuq is-sajd li jisfrutta lil dawk l-istokkijiet. |
Ġustifikazzjoni | |
Din l-emenda hija meħtieġa biex tiġi vvalutata l-effettività tal-miżuri proposti fl-Artikolu 4a. | |
Emenda 61 Proposta għal regolament Artikolu 5 – paragrafu 2 | |
Test propost mill-Kummissjoni |
Emenda |
2. Meta l-parir xjentifiku jindika li l-bijomassa tal-istokk riproduttiv ta' kwalunkwe wieħed mill-istokkijiet ikkonċernati tkun taħt il-livell minimu tal-punt ta' referenza tal-bijomassa tal-istokk riproduttiv stabbilit fil-kolonna A tal-Anness II ta' dan ir-Regolament, għandhom jiġu adottati l-miżuri kollha ta' rimedju x-xierqa biex ikun żgurat li l-istokk ikkonċernat jerġa' jitla' malajr għal livelli li jkunu 'l fuq minn dawk li jistgħu jipproduċu l-MSY. B'mod partikulari, b'deroga mill-Artikolu 4(2) u (4) ta' dan ir-Regolament, l-opportunitajiet tas-sajd għall-istokkijiet ikkonċernati għandhom jiġu ffissati f'livell li jkun konsistenti ma' mortalità mis-sajd li tkun tnaqqset iktar mill-medda stabbilita fil-kolonna A tal-Anness I ta' dan ir-Regolament, filwaqt li jitqies it-tnaqqis fil-bijomassa ta' dak l-istokk. |
2. Meta l-parir xjentifiku jindika li l-bijomassa tal-istokk riproduttiv ta' kwalunkwe wieħed mill-pelaġiċi ż-żgħar tkun taħt il-livell minimu tal-punt ta' referenza tal-bijomassa tal-istokk riproduttiv stabbilit fil-kolonna B tal-Anness I ta' dan ir-Regolament, għandhom jiġu adottati l-miżuri kollha ta' rimedju x-xierqa biex isir kontribut ħalli l-popolazzjonijiet tal-pelaġiċi ż-żgħar jerġgħu jitilgħu malajr għal livelli li jkunu 'l fuq mill-punt ta' referenza mogħti fil-kolonna A tal-Anness I. B'mod partikulari, b'deroga mill-Artikolu 4(2) u f'konformità mal-Artikolu 4(3) ta' dan ir-Regolament, il-miżuri ta' ġestjoni għandhom jiġu aġġustati filwaqt li jitqies it-tnaqqis fil-bijomassa ta' dak l-istokk. |
Ġustifikazzjoni | |
Il-bidliet proposti huma konformi ma' proposti oħra li huma bbażati fuq il-bijomassa bħala valur aktar ċert. | |
Emenda 62 Proposta għal regolament Artikolu 5 − paragrafu 3 | |
Test propost mill-Kummissjoni |
Emenda |
3. Meta l-parir xjentifiku jindika li l-bijomassa tal-istokk riproduttiv ta' kwalunkwe wieħed mill-istokkijiet ikkonċernati tkun taħt il-limitu tal-punt ta' referenza tal-bijomassa tal-istokk riproduttiv (Blim) kif stabbilit fil-kolonna B tal-Anness II ta' dan ir-Regolament, għandhom jittieħdu iktar miżuri ta' rimedju biex ikun żgurat li l-istokk ikkonċernat jerġa' jitla' malajr għal livelli li jkunu 'l fuq minn dak li jista' jipproduċi l-MSY. B'mod partikulari, b'deroga mill-Artikolu 4(2) u (4), dawk il-miżuri ta' rimedju jistgħu jinkludu s-sospensjoni tas-sajd li jkollu fil-mira lill-istokk ikkonċernat u t-tnaqqis ix-xieraq tal-opportunitajiet tas-sajd. |
3. Meta l-parir xjentifiku jindika li l-bijomassa tal-istokk riproduttiv taż-żewġ stokkijiet ta' pelaġiċi ż-żgħar tkun taħt il-limitu tal-punt ta' referenza tal-bijomassa tal-istokk riproduttiv (SSBlim) kif stabbilit fil-kolonna B tal-Anness I ta' dan ir-Regolament, għandhom jittieħdu iktar miżuri ta' rimedju biex isir kontribut ħalli ż-żewġ stokkijiet jerġgħu jitilgħu malajr għal livelli li jkunu 'l fuq mill-punt ta' referenza mogħti fil-kolonna A tal-Anness I. B'mod partikulari, b'deroga mill-Artikolu 4(2), dawk il-miżuri ta' rimedju jistgħu jinkludu s-sospensjoni tas-sajd li jkollu fil-mira lill-istokk ikkonċernat u miżuri oħra adegwati ta' ġestjoni. |
Ġustifikazzjoni | |
Il-bidliet proposti huma konformi ma' proposti oħra li huma bbażati fuq il-bijomassa bħala valur aktar ċert. | |
Emenda 63 Proposta għal regolament Artikolu 6 – paragrafu 1 – parti introduttorja | |
Test propost mill-Kummissjoni |
Emenda |
Meta l-parir xjentifiku jindika li hemm bżonn ta' azzjoni ta' rimedju biex tkun żgurata l-konservazzjoni tal-istokkijiet pelaġiċi ż-żgħar imsemmijin fl-Artikolu 1(2) ta' dan ir-Regolament jew, fil-każ tal-inċova u tas-sardin, meta l-bijomassa tal-istokk riproduttiv ta' kwalunkwe wieħed minn dawn l-istokkijiet għal sena partikulari tkun taħt il-punti ta' referenza dwar il-konservazzjoni stabbiliti fil-kolonna A tal-Anness II ta' dan ir-Regolament, il-Kummissjoni għandha s-setgħa tadotta atti delegati skont l-Artikolu 16 ta' dan ir-Regolament u l-Artikolu 18 tar-Regolament (UE) Nru 1380/2013 b'rabta mal-affarijiet li ġejjin: |
1. Meta l-parir xjentifiku jindika li hemm bżonn ta' azzjoni ta' rimedju għall-konservazzjoni tal-pelaġiċi ż-żgħar jew meta l-bijomassa tal-istokk riproduttiv ta' kwalunkwe wieħed minn dawn l-istokkijiet għal sena partikulari tkun taħt il-punti ta' referenza dwar il-konservazzjoni stabbiliti fil-kolonna B tal-Anness I ta' dan ir-Regolament, il-Kummissjoni għandha s-setgħa tadotta atti delegati skont l-Artikolu 16 ta' dan ir-Regolament u l-Artikolu 18 tar-Regolament (UE) Nru 1380/2013 b'rabta mal-affarijiet li ġejjin: |
Ġustifikazzjoni | |
Il-bidliet proposti huma konformi ma' proposti oħra li huma bbażati fuq il-bijomassa bħala valur aktar ċert. | |
Emenda 64 Proposta għal regolament Artikolu 6 – paragrafu 1 – punt a | |
Test propost mill-Kummissjoni |
Emenda |
(a) il-karatteristiċi tal-irkaptu tas-sajd, b'mod partikulari d-daqs tal-malja, il-bini tal-irkaptu, id-daqs tal-irkaptu jew l-użu ta' tagħmir tas-selettività sabiex tkun żgurata s-selettività jew sabiex din tittejjeb; |
imħassar |
Emenda 65 Proposta għal regolament Artikolu 6 – paragrafu 1 – punt b | |
Test propost mill-Kummissjoni |
Emenda |
(b) l-użu tal-irkaptu tas-sajd u l-fond li fih jintuża l-irkaptu sabiex tkun żgurata s-selettività jew sabiex din tittejjeb; |
imħassar |
Emenda 66 Proposta għal regolament Artikolu 6 – paragrafu 1 – punt c | |
Test propost mill-Kummissjoni |
Emenda |
(c) il-projbizzjoni tas-sajd f'żoni speċifiċi jew il-limitazzjoni tas-sajd fihom sabiex jiġi protett il-ħut riproduttiv u l-ħut li għadu qed jikber jew il-ħut ta' daqs li jkun inqas mid-daqs minimu ta' referenza għall-konservazzjoni jew biex jiġu protetti l-ispeċijiet tal-ħut li ma jkunux fil-mira; |
imħassar |
Emenda 67 Proposta għal regolament Artikolu 6 – paragrafu 1 – punt d | |
Test propost mill-Kummissjoni |
Emenda |
(d) il-projbizzjoni tas-sajd jew tal-użu ta' ċertu tip ta' rkaptu f'ċerti perjodi taż-żmien jew il-limitazzjoni tagħhom f'dawn il-perjodi sabiex jiġi protett il-ħut riproduttiv jew il-ħut ta' daqs li jkun inqas mid-daqs minimu ta' referenza għall-konservazzjoni jew biex jiġu protetti l-ispeċijiet tal-ħut li ma jkunux fil-mira; |
imħassar |
Emenda 68 Proposta għal regolament Artikolu 6 – paragrafu 1 – punt e | |
Test propost mill-Kummissjoni |
Emenda |
(e) id-daqsijiet minimi ta' referenza għall-konservazzjoni sabiex tkun żgurata l-protezzjoni taż-żgħar tal-organiżmi tal-baħar, u |
imħassar |
Emenda 69 Proposta għal regolament Artikolu 6 – paragrafu 1 – punt f | |
Test propost mill-Kummissjoni |
Emenda |
(f) karatteristiċi oħrajn marbutin mas-selettività. |
imħassar |
Ġustifikazzjoni | |
It-termini użati fil-punt (f), is-suġġett ta' delega, huma tant ġenerali li jistgħu jiksru l-limiti sostantivi imposti mill-Artikolu 290 tat-TFUE. Huwa aħjar li wieħed jagħżel li t-test jitħassar. | |
Emenda 70 Proposta għal regolament Artikolu 6 – paragrafu 1a (ġdid) | |
Test propost mill-Kummissjoni |
Emenda |
|
1a. Minkejja l-paragrafu 1, sabiex jintlaħqu l-miri spjegati fl-Artikolu 4, għandhom japplikaw il-miżuri li ġejjin għas-snin 2019–2022: |
|
(a) fl-2019 il-limitu tal-qabdiet għall-pelaġiċi ż-żgħar għandu jkun stabbilit fil-livell tal-qbid tal-2014; ibda mill-2020, il-limiti tal-qabdiet għall-pelaġiċi ż-żgħar għandhom jitnaqqsu gradwalment kull sena għall-Istat Membru kkonċernat b'4 % meta mqabbel mas-sena preċedenti sal-2022; madankollu, it-tnaqqis ma għandux japplika jekk fis-sena ta' qabel il-qabda totali għal kull Stat Membru kkonċernat tkun ta' aktar minn 2 % taħt il-livell tal-qabdiet tal-2014; |
|
(b) l-isforz tas-sajd tal-bastimenti tas-sajd li jimmiraw għal pelaġiċi ż-żgħar ma għandux jaqbeż il-180 jum ta' sajd fis-sena u l-20 jum ta' sajd fix-xahar, b'massimu ta' 144 jum ta' sajd fis-sena mmirati għas-sardin u b'massimu ta' 144 jum ta' sajd fis-sena mmirati għall-inċova; |
|
(c) l-għeluq ġeotemporali għandu jiġi implimentat kull sena sabiex jiġu protetti ż-żoni tat-tkabbir u tar-riproduzzjoni. tali għeluq, għal tipi differenti ta' rkaptu tas-sajd, għandhom ikopru d-distribuzzjoni sħiħa tal-pelaġiċi ż-żgħar fil-Baħar Adrijatiku, għal perjodi ta' mhux anqas minn 15-il jum kontinwi u sa 30 jum kontinwi. dak l-għeluq għandu jseħħ matul il-perijodi li ġejjin: |
|
(i) għas-sardin, mill-1 ta' Ottubru sal-31 ta' Marzu, u |
|
(ii) għall-inċova, mill-1 ta' April sat-30 ta' Settembru; |
|
(d) għeluq addizzjonali għall-bastimenti ta' tul totali ta' aktar minn 12 il metru, separatament għal kull tip ta' rkaptu tas-sajd, għandu jiġi implimentat għal mhux inqas minn sitt xhur; tali għeluq għandu jkopri mill-inqas 30 % taż-żona li tkun ġiet identifikata bħala żona ta' tkabbir jew bħala żona li tkun importanti għall-protezzjoni ta' klassijiet ta' ħut ta' età bikrija (f'ibħra territorjali u interni); |
|
(e) il-kapaċità totali tal-flotta tal-bastimenti tat-tkarkir u tal-bastiment tas-sajd bit-tartarun tal-borża li jkunu qed jistadu b'mod attiv għal stokkijiet pelaġiċi ż-żgħar ma għandhiex taqbeż il-kapaċità tal-flotta reġistrata tal-flotta attiva tal-2014 f'termini ta' tunnellaġġ gross (GT) u/jew tunnellaġġ reġistrat gross (GRT), saħħa tal-magna (kW) u numru ta' bastimenti. |
Emenda 71 Proposta għal regolament Artikolu 6 – paragrafu 1b (ġdid) | |
Test propost mill-Kummissjoni |
Emenda |
|
1b. Minkejja l-paragrafu 1a, sabiex tiġi żgurata l-istabbiltà u jiġu limitati l-varjazzjonijiet fil-miżuri ta' ġestjoni, id-durata tal-għeluq imsemmi fil-punti (c) u (d) tiegħu ma għandhiex tvarja b'aktar minn 10 % minn sena għall-oħra konsekuttivi. |
Ġustifikazzjoni | |
Il-miżuri proposti ġew implimentati għalkollox mill-2017 'il quddiem, u parzjalment mill-2015. Dawn huma konformi mal-pjan ta' ġestjoni tal-Kummissjoni Ġenerali għas-Sajd fil-Mediterran (GFCM) u huwa essenzjali li jitkompla l-użu tal-istess approċċ u miżuri ta' ġestjoni sabiex inkunu nistgħu nivvalutaw kif suppost l-effett tagħhom. Barra minn hekk, qed jiġi propost li jiġi implimentat tnaqqis gradwali tal-limitu tal-qabdiet għall-istess perjodu. | |
Emenda 72 Proposta għal regolament Artikolu 6a (ġdid) | |
Test propost mill-Kummissjoni |
Emenda |
|
Artikolu 6a |
|
Miżuri tekniċi |
|
1. Għall-finijiet ta' dan ir-Regolament, it-tieni subparagrafu tal-Artikolu 13(3) tar-Regolament (KE) Nru 1967/2006, u l-punt 2 tal-Anness II tal-istess Regolament ma għandhomx japplikaw. |
|
2. Għall-finijiet ta' dan ir-Regolament, it-tul massimu tax-xbieki tat-tidwir (tartarun tal-borża u tartaruni mingħajr borża) għandu jkun ristrett għal 600 metru, l-għoli ta' kemm tinżel ix-xibka tkun ta' massimu ta' 1/3 tat-tul tagħha. |
Ġustifikazzjoni | |
Għall-implimentazzjoni ta' kwalunkwe pjan ta' ġestjoni huwa essenzjali li dawn id-dispożizzjonijiet jiġu inklużi fil-pjan ta' ġestjoni pluriennali. Dan diġà ġie mitlub permezz ta' rakkomandazzjoni konġunta mill-Istati Membri Adriatiċi u elaborat permezz ta' Studju dwar il-karatteristiċi tekniċi tat-tartarun bil-borża u l-impatt tagħhom fuq il-komunitajiet tal-qiegħ. Dan l-istudju u t-talba ġew ukoll riveduti minn esperti indipendenti u mill-STECF, li kkonfermaw l-konklużjonijiet. Dan jirrappreżenta waħda mid-dispożizzjonijiet ewlenin biex tiġi żgurata l-vijabbiltà tas-sajd bit-tartarun tal-borża għall-pelaġiċi ż-żgħar fl-Adrijatiku. | |
Emenda 73 Proposta għal regolament Artikolu 7 – paragrafu 1 – parti introduttorja | |
Test propost mill-Kummissjoni |
Emenda |
Il-Kummissjoni għandha s-setgħa tadotta atti delegati skont l-Artikolu 18 tar-Regolament (UE) Nru 1380/2013 dwar l-affarijiet li ġejjin: |
Il-Kummissjoni għandha s-setgħa tadotta atti delegati skont l-Artikolu 15 ta' dan ir-Regolament u l-Artikolu 18 tar-Regolament (UE) Nru 1380/2013 dwar l-affarijiet li ġejjin: |
Ġustifikazzjoni | |
Ir-regoli mogħtija fir-Regolament (UE) Nru 1380/2013 dwar l-obbligu tal-ħatt l-art u r-reġjonalizzazzjoni huma biżżejjed. Għalhekk, ma jkunx xieraq li l-Kummissjoni tieħu kwalunkwe miżura ulterjuri permezz ta' atti delegati. | |
Emenda 74 Proposta għal regolament Artikolu 7 – paragrafu 1 – punt a | |
Test propost mill-Kummissjoni |
Emenda |
(a) l-eżenzjonijiet mill-applikazzjoni tal-obbligu tal-ħatt l-art għal speċijiet li għalihom l-evidenza xjentifika turi rati għoljin ta' sopravvivenza, filwaqt li jitqiesu l-karatteristiċi tal-irkaptu, il-prattiki tas-sajd u l-ekosistema, sabiex tiġi ffaċilitata l-implimentazzjoni tal-obbligu tal-ħatt l-art; u |
(a) l-eżenzjonijiet mill-applikazzjoni tal-obbligu tal-ħatt l-art għal speċijiet li għalihom l-aqwa parir xjentifiku disponibbli juri rati għoljin ta' sopravivenza, filwaqt li jitqiesu l-karatteristiċi tal-irkaptu, il-prattiki tas-sajd u l-ekosistema, sabiex tiġi ffaċilitata l-implimentazzjoni tal-obbligu tal-ħatt l-art; u |
Emenda 75 Proposta għal regolament Artikolu 7 – paragrafu 1 – punt d | |
Test propost mill-Kummissjoni |
Emenda |
(d) l-iffissar tad-daqsijiet minimi ta' referenza għall-konservazzjoni sabiex tkun żgurata l-protezzjoni taż-żgħar tal-organiżmi tal-baħar. |
imħassar |
Ġustifikazzjoni | |
L-ittra (d) għandha titħassar peress li din iż-żona diġà hija koperta fl-Artikolu 6 hawn fuq u ma hemmx bżonn ta' ripetizzjoni. | |
Emenda 76 Proposta għal regolament Artikolu 10 − paragrafu 1 | |
Test propost mill-Kummissjoni |
Emenda |
1. B'deroga mill-Artikolu 17(1) tar-Regolament tal-Kunsill (KE) Nru 1224/2009, in-notifika minn qabel imsemmija f'dak l-Artikolu għandha ssir mill-inqas siegħa u nofs qabel il-ħin mistenni tal-wasla fil-port. L-awtoritajiet kompetenti tal-Istati Membri kostali jistgħu, fuq il-bażi ta' każ b'każ, jagħtu permess għal dħul qabel fil-port. |
1. B'deroga mill-Artikolu 17(1) tar-Regolament tal-Kunsill (KE) Nru 1224/2009, in-notifika minn qabel imsemmija f'dak l-Artikolu għandha ssir mill-inqas nofs siegħa qabel il-ħin mistenni tal-wasla fil-port. L-awtoritajiet kompetenti tal-Istati Membri kostali jistgħu, fuq il-bażi ta' każ b'każ, jagħtu permess għal dħul qabel fil-port. |
Ġustifikazzjoni | |
F'ħafna żoni tal-Adrijatiku, il-membri tal-ekwipaġġ ikunu għadhom imħabbtin jagħżlu l-ħut li jkunu qabdu fil-kaxxi xierqa, minuti biss qabel jerġgħu lura lejn il-port. L-għoti tan-notifika msemmija hawn fuq qabel il-wasla fil-port, li jfisser li l-kaptani tal-bastimenti tas-sajd ikollhom jikkomunikaw ġabra ta' informazzjoni dwar il-bastiment u l-qabda ħafna qabel lill-awtoritajiet kompetenti tal-Istat Membru tal-bandiera tagħhom, huwa rekwiżit pjuttost oneruż. | |
Emenda 77 Proposta għal regolament Artikolu 10 – paragrafu 2 | |
Test propost mill-Kummissjoni |
Emenda |
2. L-obbligu ta' notifika minn qabel għandu japplika għall-kaptani tal-bastimenti tas-sajd tal-Unjoni li jżommu abbord mill-inqas tunnellata ta' inċova jew tunnellata ta' sardin. |
2. L-obbligu ta' notifika minn qabel għandu japplika għall-kaptani tal-bastimenti tas-sajd tal-Unjoni li jżommu abbord mill-inqas żewġ tunnellati ta' inċova jew tunnellata ta' sardin. Dawk il-kwantitajiet għandhom jiġu kkalkolati wara li jitnaqqsu l-qabdiet imsemmija fl-Artikolu 15(11) tar-Regolament (UE) Nru 1380/2013. |
Ġustifikazzjoni | |
Huwa importanti li dan jiġi speċifikat minħabba l-obbligu ta' ħatt l-art, li taħtu l-prodotti li jkunu iżgħar mid-daqs minimu ta' referenza għall-konservazzjoni jridu jinħattu l-art u jiġu mgħoddija għal użu dirett għajr il-konsum mill-bniedem. Il-kwantitajiet huma dawk stabbiliti fl-Artikolu 13(a) u (b) ta' din il-proposta għal regolament. | |
Emenda 78 Proposta għal regolament Artikolu 12 – paragrafu 2a (ġdid) | |
Test propost mill-Kummissjoni |
Emenda |
|
2a. B'deroga mill-Artikolu 15(2) tar-Regolament (KE) Nru 1224/2009, il-kaptani tal-bastimenti kollha tal-Unjoni b'tul globali ta' 12-il metri jew aktar għandhom jibagħtu l-informazzjoni msemmija fl-Artikolu 14 ta' dak ir-Regolament qabel il-bidu tal-operazzjonijiet tal-ħatt l-art. |
|
|
Ġustifikazzjoni | |
Il-bastimenti soġġetti għar-rekwiżiti ta' dan il-pjan ta' ġestjoni u li jaħdmu fuq speċijiet kbar ta' ħut għandhom jitħallew jimlew il-ġurnal ta' abbord tas-sajd qabel ma jibdew l-operazzjonijiet tal-ħatt l-art. Li wieħed jibgħat din l-informazzjoni qabel ma jidħol fil-port skont ir-regolamenti ġenerali jista' jkun diffiċli u kultant jista' jkun perikoluż, kemm minħabba d-diffikultà tal-ittrakkar u kemm minħabba l-ammonti kbar ta' ħut li jridu jiġu magħżula u mqiegħda fil-kaxxi. | |
Emenda 79 Proposta għal regolament Artikolu 13 − paragrafu 1 | |
Test propost mill-Kummissjoni |
Emenda |
Il-limiti massimi li japplikaw għall-piż ħaj tal-ispeċijiet tal-istokkijiet rispettivi li huma suġġetti għall-pjan pluriennali li, jekk jaqbiżhom, bastiment tas-sajd għandu jħott l-art il-qabdiet tiegħu f'port deżinjat jew f'post viċin il-kosta kif stabbilit fl-Artikolu 43 tar-Regolament tal-Kunsill (KE) Nru 1224/2009 għandhom ikunu dawn li ġejjin: |
Il-limitu massimu applikabbli għall-piż ħaj tal-pelaġiċi ż-żgħar, li jekk jinqabeż, il-bastiment tas-sajd għandu jħott l-art il-qabdiet tiegħu f'port deżinjat jew f'post viċin il-kosta kif stabbilit fl-Artikolu 43 tar-Regolament tal-Kunsill (KE) Nru 1224/2009, għandu jkun ta' 4 tunnellati. |
(a) 2 000 kg ta' inċova; |
|
(b) 2 000 kg ta' sardin. |
|
Emenda 80 Proposta għal regolament Artikolu 14 − paragrafu 1 | |
Test propost mill-Kummissjoni |
Emenda |
Ħames snin wara d-dħul fis-seħħ ta' dan ir-Regolament, u kull ħames snin wara dak iż-żmien, il-Kummissjoni għandha tiżgura evalwazzjoni tal-impatt tal-pjan pluriennali fuq l-istokkijiet li għalihom japplika dan ir-Regolament u fuq is-sajd li jisfrutta dawk l-istokkijiet. Il-Kummissjoni għandha tibgħat ir-riżultati ta' din l-evalwazzjoni lill-Parlament Ewropew u lill-Kunsill. |
Tliet snin wara d-dħul fis-seħħ ta' dan ir-Regolament], u kull ħames snin wara dak iż-żmien, il-Kummissjoni għandha tiżgura evalwazzjoni tal-impatt tal-pjan pluriennali fuq l-istokkijiet li għalihom japplika dan ir-Regolament u fuq is-sajd li jisfrutta dawk l-istokkijiet. Il-Kummissjoni għandha tibgħat ir-riżultati ta' din l-evalwazzjoni lill-Parlament Ewropew u lill-Kunsill u għandha, jekk ikun xieraq, tressaq proposta biex dan ir-Regolament jiġi emendat. |
Emenda 81 Proposta għal regolament Artikolu 15 − paragrafu 1 | |
Test propost mill-Kummissjoni |
Emenda |
1. Il-Kummissjoni qed tingħata s-setgħa li tadotta atti delegati bil-kundizzjonijiet stabbiliti f'dan l-Artikolu. |
1. Is-setgħa tal-adozzjoni ta' atti delegati tingħata lill-Kummissjoni soġġett għall-kondizzjonijiet stipulati fl-Artikoli 18 tar-Regolament (UE) Nru 1380/2013. |
Emenda 82 Proposta għal regolament Artikolu 15a (ġdid) | |
Test propost mill-Kummissjoni |
Emenda |
|
Artikolu 15a |
|
Appoġġ mill-FEMS |
|
1. Il-miżuri ta' waqfien temporanju adottati sabiex jintlaħqu l-għanijiet tal-pjan pluriennali għandhom jitqiesu bħala waqfien temporanju tal-attivitajiet tas-sajd għall-finijiet tal-punti (a) u (c) tal-Artikolu 33(1) tar-Regolament (UE) Nru 508/2014. |
|
2. B'deroga mill-Artikolu 33(2) tar-Regolament (UE) Nru 508/2014, sal-31 ta' Diċembru 2020 id-durata massima tal-appoġġ taħt dak ir-Regolament għandha tkun ta' disa' xhur, għall-bastimenti tas-sajd soġġetti għall-għeluq ġeografiku u temporali previst f'dan ir-Regolament. |
|
3. Sabiex tiġi żgurata l-implimentazzjoni tal-paragrafu 2 ta' dan l-Artikolu, bħala deroga mill-Artikolu 25(3) tar-Regolament (UE) Nru 508/2014, għandu jkun possibbli li tiżdied il-kontribuzzjoni finanzjarja totali mill-FEMS 'il fuq mil-limitu massimu ta' 15 % stabbilit f'dak l-Artikolu. |
|
4. Fl-implimentazzjoni tal-azzjonijiet previsti fl-Artikolu 30 tar-Regolament (UE) Nru 508/2014, għandha tingħata prijorità lis-sajjieda affettwati mill-implimentazzjoni tal-miżuri li jinsabu f'dan il-pjan pluriennali. |
|
5. Sal-31 ta' Diċembru 2020, u b'deroga mill-iskadenza stabbilita fl-Artikolu 34(4) tar-Regolament (UE) Nru 508/2014, il-bastimenti li jkunu waqqfu l-attivitajiet tas-sajd kollha b'riżultat tal-miżuri biex jitnaqqas l-isforz tas-sajd imsemmi f'dan ir-Regolament jistgħu jkunu eliġibbli għall-appoġġ għall-waqfien permanenti kif imsemmi fl-Artikolu 34 tar-Regolament (UE) Nru 508/2014. |
|
|
|
|
Emenda 83 Proposta għal regolament Anness I | |
Test propost mill-Kummissjoni |
Emenda |
[...] |
imħassar |
Emenda 84 Proposta għal regolament Anness II | |
Test propost mill-Kummissjoni |
Emenda |
[...] |
imħassar |
- [1] ĠU C 288, 31.8.2017, p. 68.
NOTA SPJEGATTIVA
1) Sfond tal-proposta tal-Kummissjoni
Il-pjan pluriennali għall-istokkijiet pelaġiċi ż-żgħar fil-Baħar Adrijatiku u s-sajd li jisfrutta lil dawk l-istokkijiet (minn hawn' il quddiem "pjan pluriennali għall-Baħar Adrijatiku") qed jiġi stabbilit skont ir-Regolament Bażiku. Il-pjanijiet pluriennali huma adottati bħala prijorità, abbażi ta' parir xjentifiku, tekniku u ekonomiku, u jridu jinkludu miżuri ta' konservazzjoni sabiex jerġgħu jiżdiedu l-livelli tal-istokkijiet u jinżammu 'l fuq mil-livelli li jistgħu jipproduċu r-rendiment massimu sostenibbli. Ir-Regolament Bażiku jistipula wkoll li l-miżuri ma jistgħux jiġu inklużi fil-pjanijiet pluriennali sakemm ma jkunx ġie kkunsidrat l-impatt ekonomiku u soċjali tagħhom.
Il-pjan pluriennali għall-Baħar Adrijatiku, l-ewwel pjan tat-tip tiegħu fiż-żona tal-Mediterran, x'aktarx li jkollu impatt kbir fuq il-ġestjoni tas-sajd fil-Mediterran kollu kemm hu.
Il-Baħar Adrijatiku huwa subżona importanti tal-Mediterran li tirrappreżenta madwar terz tal-valur totali tal-ħatt l-art ta' ħut. Is-sardin u l-inċova jiffurmaw il-parti l-kbira tal-qabdiet pelaġiċi ż-żgħar. L-ikbar kwantitajiet jinqabdu mill-Italja u l-Kroazja. Stat Membru ieħor, is-Slovenja, jaqbad inqas minn 1 %, u l-Albanija u l-Montenegro jirrappreżentaw proporzjonijiet żgħar simili għal tas-Slovenja. Fil-preżent, is-sajd ta' pelaġiċi ż-żgħar huwa regolat fil-livell nazzjonali, fil-livell tal-UE u fil-livell internazzjonali. Il-Kummissjoni Ġenerali tas-Sajd għall-Mediterran hija l-korp internazzjonali li bħalissa qed jirregola s-sajd ta' dan it-tip.
L-għan aħħari tal-proposta huwa li jintlaħaq ir-rendiment massimu sostenibbli (MSY) sal-2020, kif rekwiżit mill-politika komuni tas-sajd. Fil-memorandum ta' spjegazzjoni tal-proposta, il-Kummissjoni tiddikjara li l-għan ewlieni tal-pjan pluriennali għall-Baħar Adrijatiku huwa li l-istokkijiet u s-settur tas-sajd jitreġġgħu lura għal stat b'saħħtu billi jiġi żgurat li s-sajd isir sostenibbli.
2) Is-sostanza tal-proposta
Fl-24 ta' Frar 2017, il-Kummissjoni ppreżentat proposta għal pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta lil dawn l-istokkijiet. Il-pjan pluriennali għall-Baħar Adrijatiku jista' japplika għall-istokkijiet tal-inċova, tas-sardin, tal-kavalli, u tas-sawrell. L-għan fundamentali tal-pjan pluriennali huwa li jintlaħaq u jinżamm ir-rendiment massimu sostenibbli (MSY) għall-istokkijiet ikkonċernati, li s-settur tas-sajd isir sostenibbli, u jiġi pprovdut qafas ta' ġestjoni effettiv.
Skont il-pjan pluriennali għall-Baħar Adrijatiku, il-miri proposti huma espressi bħala meded tal-mortalità mis-sajd madwar l-FMSY kif irrakkomandat mill-Kumitat Xjentifiku, Tekniku u Ekonomiku għas-Sajd (STECF), bl-iskadenza tal-2020. Ġew inklużi miri għall-inċova u għas-sardin, u l-meded huma bbażati fuq rakkomandazzjonijiet maħruġa mill-STECF. Skont il-memorandum ta' spjegazzjoni tal-Kummissjoni, dawn il-meded se jippermettu li l-istokkijiet ikkonċernati jiġu ġestiti fuq bażi ta' MSY u preżumibbilment jagħtu lok għal aġġustament jekk ikun hemm xi bidliet fil-parir xjentifiku. Fejn ikun hemm dejta disponibbli dwar l-istokkijiet tal-ħut, dawn il-punti ta' referenza huma espressi bħala bijomassa ta' stokk riproduttiv;
Il-proposta tinkludi dispożizzjonijiet marbuta mal-obbligu tal-ħatt l-art li għandhom jiġu adottati għall-finijiet tar-reġjonalizzazzjoni.
3) Pożizzjoni tar-rapporteur
Ir-Rapporteur tilqa' l-pjan pluriennali għall-Baħar Adrijatiku, peress li se jipprovdi għodda għall-ġestjoni pluriennali tar-riżorsi bijoloġiċi tal-baħar biex ikunu jistgħu jerġgħu jinbnew l-istokkijiet u s-settur tas-sajd ikun jista' jerġa' lura għal livell sostenibbli. Skont il-valutazzjonijiet xjentifiċi tal-istatus tal-istokkijiet tas-sardin u tal-inċova, il-livell attwali tas-sajd fl-Adrijatiku jikkostitwixxi sfruttament żejjed. Ir-rapporteur jappoġġa l-miżuri maħsuba biex itejbu l-istat tal-istokkijiet, b'enfasi partikolari fuq il-protezzjoni spazjali ta' żoni li fihom ikun jista' jiġi priservat il-ħut li għadu ta' età żgħira u jiġi protett stokk waqt li jkun qed ibid.
Filwaqt li jitqiesu l-istat tal-istokkijiet, in-natura speċifika tas-sajd, u s-sitwazzjoni soċjoekonomika kumplessa fl-Adrijatiku, u bil-ħsieb li tiġi żgurata ġestjoni effettiva u li jiġu ċċarati u ssimplifikati d-dispożizzjonijiet individwali tal-proposta, ir-Rapporteur qed tipproponi li jsiru l-emendi li ġejjin:
Ġestjoni konġunta tas-sardin u tal-inċova
Ir-Rapporteur ma taqbilx mal-proposta tal-Kummissjoni dwar il-ġestjoni separata għas-sardin u għall-inċova, u qed tipproponi minflok li dawn iż-żewġ speċijiet jiġu ġestiti flimkien. Il-bijomassa tal-pelaġiċi ż-żgħar tista' tvarja ħafna minn sena għall-oħra, irrispettivament mill-mortalità mis-sajd, peress li l-pelaġiċi ż-żgħar jiddependu ħafna mill-kundizzjonijiet ambjentali. Minħabba li fis-sajd mhuwiex kompletament possibbli li esklussivament tiġi mmirata waħda miż-żewġ speċijiet ta' hawn fuq, ir-Rapporteur tqis li dawn għandhom jiġu ġestiti flimkien. Barra minn hekk, iż-żewġ speċijiet, is-sardin u l-inċova, għandhom l-istess niċċa ekoloġika u l-bijomassa tagħhom qed tinbidel. Fil-proposta, ir-Rapporteur tintroduċi t-terminu "il-pelaġiċi ż-żgħar", li jintuża wkoll fil-pjan reġjonali mfassal mill-Kummissjoni Ġenerali għas-Sajd fil-Mediterran.
Iż-żamma tal-prinċipju ta' reġim ibbażat fuq il-ġestjoni tal-isforz tas-sajd
Ir-Rapporteur toġġezzjona b'mod qawwi għat-tentattivi min-naħa tal-Kummissjoni li tiżgura li s-sajd huwa rregolat billi tistabbilixxi l-volumi totali tal-qabdiet u tistabbilixxi sistema ta' kwoti. Fil-preżent, iż-żona Adrijatika kollha kemm hi (GSA 17 u GSA 18) hija koperta mill-pjan ta' ġestjoni li pproduċiet il-Kummissjoni Ġenerali għas-Sajd fil-Mediterran (GFCM), li huwa bbażat fuq ir-regolamentazzjoni tal-isforz u l-kapaċità tas-sajd permezz tar-regolamentazzjoni u l-limiti ġeotemporali fuq in-numru ta' ġranet ta' sajd għal kull bastiment, iżda inizjalment jistabbilixxi limitu sikur tal-qabdiet fil-livell tal-qabdiet tal-2014. Ir-rakkomandazzjoni tal-GFCM li issa tinsab fis-seħħ (GFCM/40/2016/2) inħarġet fl-2016. Ir-Rapporteur tqis li r-rakkomandazzjoni attwali hija partikolarment importanti minħabba li tagħti stabbiltà relattiva lis-settur. Il-pakkett ta' miżuri qed jiġi applikat fl-2017 u fl-2018, u matul dak iż-żmien għandu jidher ċar jekk dawk il-miżuri, li ilhom applikabbli bis-sħiħ sa mill-2015, humiex effettivi u humiex qed jipproduċu riżultati.
Fil-Mediterran kollu kemm hu, is-sistema ta' ġestjoni qed tiġi implimentata kif deskritt hawn fuq, u kwalunkwe bidla sinifikanti fil-ġestjoni f'parti żgħira waħda x'aktarx li tisfratta s-suq tal-UE, tiftaħ l-ispazju għal aktar importazzjonijiet minn pajjiżi barra mill-UE, u tpoġġi s-settur tas-sajd f'pożizzjoni tas-suq mhux ugwali.
Peress li l-proposta tar-rapporteur hija bbażata fuq il-ġestjoni tal-isforz tas-sajd, qed tipproponi li tbiddel l-arranġament ta' ġestjoni li jinvolvi "opportunitajiet" b' "miżuri ta' ġestjoni".
Ir-Rapporteur tindika li l-valutazzjonijiet u r-rakkomandazzjonijiet xjentifiċi għandu mnejn jinbidlu u jqis li din hija raġuni oħra għala wieħed għandu jitbiegħed mis-sistemi tal-kwoti. Ta' min jenfasizza l-fatt li nkisbu riżultati differenti mill-istess dejta prodotti mill-gruppi ta' ħidma tal-GFCM u tal-STECF. L-inċertezza inerenti f'dawn il-valutazzjonijiet toħloq dubji addizzjonali meta jkunu qed jittieħdu deċiżjonijiet importanti ħafna b’impatt wiesa' bbażati fuq rakkomandazzjonijiet xjentifiċi li jistgħu jvarjaw b'mod daqshekk kbir.
Il-valutazzjonijiet xjentifiċi u l-użu tagħhom fil-pjan propost
Waħda mid-dispożizzjonijiet ewlenin tal-proposta hija marbuta mal-punti ta' referenza bijoloġiċi. Fil-proposta dawn il-punti ta' referenza huma bbażati fuq il-valur tal-mortalità mis-sajd (F), li jikkorrispondi għall-isfruttament tar-riżorsi fi stat ta' rendiment massimu sostenibbli (FMSY). Dak il-valur jikkostitwixxi l-livell fil-mira li jrid jintlaħaq, skont ir-Regolament Bażiku, sal-2020. Madankollu, il-valur tal-mortalità mis-sajd li jikkorrispondi għall-valur teoretiku tal-isfruttament fi stat ta' rendiment massimu sostenibbli jiddependi minn għadd ta' suppożizzjonijiet inkorporati fil-proċedura għall-valutazzjoni xjentifika tal-istatus tal-istokk u għalhekk jista' jvarja ħafna. Fl-2016, pereżempju, l-STECF kien tal-fehma li l-valur tal-FMSY għas-sardin kien ta' 0.08, filwaqt li, fl-istess ħin, il-GFCM qiegħdet il-valur għal 0.7, fi kliem ieħor kważi għaxar darbiet ogħla. Fl-aħħar laqgħa plenarja tal-STECF (17-01) inħarġet rakkomandazzjoni bl-effett li l-valur li għandu jintuża għal-livell immirat ta' rendiment massimu sostenibbli ma għandux ikun FMSY, iżda konverżjoni teoretika b'rata ta' sfruttament (proporzjon bejn il-mortalità mis-sajd u l-mortalità totali, E=0.4), li tista' tiġi espressa wkoll bħala l-valur tal-mortalità mis-sajd F. Minħabba li anki l-korp xjentifiku konsultattiv tal-Kummissjoni (l-STECF) ikkonkluda li hemm bosta inċertezzi f'dawn il-valutazzjonijiet, ir-Rapporteur tipproponi li l-punt ta' referenza li għandu jintuża fil-pjan pluriennali għall-Baħar Adrijatiku għandu jkun il-bijomassa tal-istokk u mhux il-mortalità mis-sajd. Huwa partikolarment importanti li, fi żmien meta din il-kwistjoni qed tqajjem kontroversja fi ħdan il-komunità xjentifika, ma għandu jkun hemm l-ebda possibbiltà li tiġi introdotta sistema ta' kwoti, fejn il-qabda totali tiġi ddeterminata preċiżament billi jiġu mmirati dawk il-punti ta' referenza. Minħabba l-varjazzjonijiet fil-punti ta' referenza, dawn ma jistgħux jintużaw biex tiġi ddeterminata l-qabda totali permissibbli; l-arranġament li għandu jiġi applikat għandu jkun ibbażat fuq ir-regolamentazzjoni tal-isforz tas-sajd sabiex tiġi żgurata s-sopravivenza ta' speċi individwali fi kwantità suffiċjenti f'termini tal-bijomassa tagħha.
Id-definizzjoni tal-karatteristiċi tekniċi tat-tartarun tal-borża għas-sajd tal-pelaġiċi ż-żgħar fl-Adrijatiku
Ir-Rapporteur tipproponi li l-proposta tal-pjan tiddisponi għal eżenzjoni mid-dispożizzjoni tar-Regolament dwar il-Mediterran li tikkonċerna l-għoli ta' kemm jinżel it-tartarun tal-borża u r-relazzjoni tal-fond mal-għoli nett ta' kemm jinżel it-tartarun. Għandu jiġi enfasizzat li l-pjan qed jiġi prodott skont il-karatteristiċi reġjonali u għandu jkun adattat għas-sajd taż-żona li għaliha huwa ddisinjat; għandu wkoll, mill-bidu nett, jirrikonoxxi, u jippermetti, il-karatteristiċi speċifiċi tal-irkaptu tas-sajd li jintuża fl-Adrijatiku.
Il-pajjiżi tal-Adrijatiku miġbura flimkien fi ħdan AdriaMed (inizjattiva subreġjonali fil-forma ta' proġett tal-FAO), wettqu studju xjentifiku sabiex jiddeskrivu l-karatteristiċi tekniċi tat-tartaruni tal-borża fil-Baħar Adrijatiku, l-impatt possibbli tagħhom fuq qiegħ il-baħar u l-imġiba tas-sajd tagħhom. Dan l-istudju wera li l-Italja, il-Kroazja, u s-Slovenja huma korretti meta qed jitolbu li l-qisien ta' tartarun tal-borża jiġu definiti b'tali mod skont il-pjan li t-tul massimu se jkun 600 m u l-għoli ta' kemm jinżel ma jkunx ta' aktar minn 1/3 it-tul tiegħu. Minħabba li dawk huma d-dimensjonijiet li qed jiġu proposti, huwa essenzjali li titneħħa d-dispożizzjoni tar-Regolament dwar il-Mediterran li tirrestrinġi l-użu tat-tartaruni tal-borża f'żoni li huma aktar baxxi minn 70 % tal-għoli nett ta' kemm jinslu dawn ix-xbieki; minħabba l-konfigurazzjoni ta' qiegħ il-baħar tal-Adrijatiku, dan mhuwiex infurzabbli.
L-impatt soċjoekonomiku tal-pjan propost
Ir-Regolament Bażiku jistipula, fost affarijiet oħra, li l-miżuri ma jistgħux jiġu inklużi fil-pjanijiet pluriennali sakemm ma jkunx tqies l-impatt ekonomiku u soċjali tagħhom.
Ir-Rapporteur tirrimarka li fil-proposta tal-Kummissjoni ma hemm l-ebda valutazzjoni dettaljata tal-impatti soċjoekonomiċi. Hija tinsab inkwetata b'mod partikolari għaliex is-settur tas-sajd fil-Mediterran ilu fi kriżi għal aktar minn għoxrin sena, u dispożizzjonijiet ġodda li ma jkunux ġew maħsuba sew jista' jkollhom effett sinifikanti u jġibu r-rovina tas-settur kollu kemm hu. Barra minn hekk, ma hemm xejn bħala appoġġ finanzjarju u/jew miżuri ta' konverżjoni għad-ditti u l-ħaddiema flimkien mal-proposta biex jitnaqqsu l-qabdiet tas-sardin u tal-inċova, minkejja li dawn huma riżorsa ekonomika ewlenija għall-komunitajiet lokali żgħar, speċjalment il-komunitajiet tal-gżejjer, u għall-industriji lokali żgħar.
OPINJONI tal-Kumitat għall-Ambjent, is-Saħħa Pubblika u s-Sikurezza tal-Ikel (14.9.2017)
għall-Kumitat għas-Sajd
dwar il-proposta għal Regolament tal-Parlament Ewropew u tal-Kunsill li jistabbilixxi pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta dawk l-istokkijiet
(COM(2017)0097 – C8-0095/2017 – 2017/0043(COD))
EMENDI
Il-Kumitat għall-Ambjent, is-Saħħa Pubblika u s-Sikurezza tal-Ikel jistieden lill-Kumitat għas-Sajd, bħala l-kumitat responsabbli, biex jieħu inkunsiderazzjoni l-emendi li ġejjin:
Emenda 1 Proposta għal regolament Premessa 1 | |
Test propost mill-Kummissjoni |
Emenda |
(1) Jenħtieġ li l-politika komuni tas-sajd (il-PKS) tikkontribwixxi għall-ħarsien tal-ambjent marin, għall-ġestjoni sostenibbli tal-ispeċijiet kollha sfruttati b'mod kummerċjali, u b'mod partikulari għall-kisba ta' status ambjentali tajjeb fl-ambjent marin sal-2020, kif stipulat fl-Artikolu 1(1) tad-Direttiva 2008/56/KE tal-Parlament Ewropew u tal-Kunsill.40 |
(1) Jenħtieġ li l-politika komuni tas-sajd (il-PKS) tiżgura l-ħarsien tal-ambjent marin u l-ġestjoni sostenibbli tal-ispeċijiet kollha sfruttati b'mod kummerċjali, u jenħtieġ li tikkontribwixxi għall-kisba ta' status ambjentali tajjeb fl-ambjent marin sal-2020, kif stipulat fl-Artikolu 1(1) tad-Direttiva 2008/56/KE tal-Parlament Ewropew u tal-Kunsill.40 |
__________________ |
__________________ |
40 Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina) (ĠU L 164, 25.6.2008, p. 19). |
40 Direttiva 2008/56/KE tal-Parlament Ewropew u tal-Kunsill tas-17 ta' Ġunju 2008 li tistabbilixxi Qafas għal Azzjoni Komunitarja fil-qasam tal-Politika tal-Ambjent Marin (Direttiva Kwadru dwar l-Istrateġija Marina) (ĠU L 164, 25.6.2008, p. 19). |
Emenda 2 Proposta għal regolament Premessa 6a (ġdida) | |
Test propost mill-Kummissjoni |
Emenda |
|
(6a) Jenħtieġ li r-reġjonalizzazzjoni tintuża biex jinħolqu miżuri mfassla apposta li jqisu l-ispeċifiċitajiet ta' kull żona tas-sajd u jħarsu l-kundizzjonijiet ambjentali tagħhom. |
Emenda 3 Proposta għal regolament Premessa 6b (ġdida) | |
Test propost mill-Kummissjoni |
Emenda |
|
(6b) Jenħtieġ li l-opportunitajiet tas-sajd jiġu allokati f'konformità mal-prinċipji stipulati fl-Artikolu 17 tar-Regolament (UE) Nru 1380/2013, bl-użu ta' kriterji trasparenti u oġġettivi, inklużi dawk ta' natura ambjentali, soċjali u ekonomika. Jenħtieġ li l-opportunitajiet tas-sajd ikunu wkoll distribwiti b'mod ġust fid-diversi segmenti tas-sajd, inkluż is-sajd tradizzjonali u s-sajd fuq skala żgħira. Barra minn hekk, jenħtieġ li l-Istati Membri jipprovdu inċentivi għall-bastimenti tas-sajd li jużaw irkaptu tas-sajd selettiv jew li jużaw tekniki tas-sajd b'impatt ambjentali iċken. |
Emenda 4 Proposta għal regolament Artikolu 5 – paragrafu 3a (ġdid) | |
Test propost mill-Kummissjoni |
Emenda |
|
3a. Dawk il-miżuri ta' rimedju jistgħu jinkludu wkoll, kif xieraq, is-sottomissjoni ta' proposti leġiżlattivi mill-Kummissjoni u miżuri ta' emerġenza adottati mill-Kummissjoni skont l-Artikolu 12 tar-Regolament (UE) Nru 1380/2013. |
Emenda 5 Proposta għal regolament Artikolu 14 – paragrafu 1 | |
Test propost mill-Kummissjoni |
Emenda |
Ħames snin wara d-dħul fis-seħħ ta' dan ir-Regolament, u kull ħames snin wara dak iż-żmien, il-Kummissjoni għandha tiżgura evalwazzjoni tal-impatt tal-pjan pluriennali fuq l-istokkijiet li għalihom japplika dan ir-Regolament u fuq is-sajd li jisfrutta dawk l-istokkijiet. Il-Kummissjoni għandha tibgħat ir-riżultati ta' din l-evalwazzjoni lill-Parlament Ewropew u lill-Kunsill. |
Tliet snin wara d-dħul fis-seħħ ta' dan ir-Regolament, u kull ħames snin minn dakinhar 'il quddiem, il-Kummissjoni għandha tiżgura valutazzjoni tal-impatt tal-pjan pluriennali fuq l-istokkijiet li għalihom japplika dan ir-Regolament u fuq is-sajd li jisfrutta dawk l-istokkijiet, b'mod partikolari fir-rigward tal-progress miksub għall-irkupru u ż-żamma tal-istokkijiet tal-ħut 'il fuq mil-livelli li jkunu kapaċi jipproduċu rendiment massimu sostenibbli. Il-Kummissjoni għandha tissottometti r-riżultati ta' din l-evalwazzjoni lill-Parlament Ewropew u lill-Kunsill u tista', fejn xieraq u filwaqt li jitqiesu l-pariri xjentifiċi l-aktar riċenti, tipproponi adattamenti għall-pjan pluriennali jew tagħti bidu għall-modifiki tal-atti delegati. |
PROĊEDURA TAL-KUMITAT LI JINTALAB JAGĦTI OPINJONI
Titolu |
Pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta dawk l-istokkijiet |
||||
Referenzi |
COM(2017)0097 – C8-0095/2017 – 2017/0043(COD) |
||||
Kumitat responsabbli Data tat-tħabbir fis-seduta plenarja |
PECH 1.3.2017 |
|
|
|
|
Opinjoni mogħtija minn Data tat-tħabbir fis-seduta plenarja |
ENVI 1.3.2017 |
||||
Data tal-adozzjoni |
7.9.2017 |
|
|
|
|
PROĊEDURA TAL-KUMITAT RESPONSABBLI
Titolu |
Pjan pluriennali għall-istokkijiet pelaġiċi ż-żgħar fil-Baħar Adrijatiku u għas-sajd li jisfrutta dawk l-istokkijiet |
||||
Referenzi |
COM(2017)0097 – C8-0095/2017 – 2017/0043(COD) |
||||
Data meta ġiet ippreżentata lill-PE |
24.2.2017 |
|
|
|
|
Kumitat responsabbli Data tat-tħabbir fis-seduta plenarja |
PECH 1.3.2017 |
|
|
|
|
Kumitati mitluba jagħtu opinjoni Data tat-tħabbir fis-seduta plenarja |
ENVI 1.3.2017 |
|
|
|
|
Rapporteurs Data tal-ħatra |
Ruža Tomašić 22.3.2017 |
|
|
|
|
Eżami fil-kumitat |
25.4.2017 |
21.6.2017 |
21.11.2017 |
21.3.2018 |
|
Data tal-adozzjoni |
9.10.2018 |
|
|
|
|
Riżultat tal-votazzjoni finali |
+: –: 0: |
14 11 1 |
|||
Membri preżenti għall-votazzjoni finali |
Marco Affronte, Clara Eugenia Aguilera García, Renata Briano, Alain Cadec, Linnéa Engström, Sylvie Goddyn, Carlos Iturgaiz, Werner Kuhn, António Marinho e Pinto, Gabriel Mato, Norica Nicolai, Ulrike Rodust, Remo Sernagiotto, Ricardo Serrão Santos, Ruža Tomašić |
||||
Sostituti preżenti għall-votazzjoni finali |
Nicola Caputo, Rosa D’Amato, Giuseppe Ferrandino, Elisabetta Gardini, Anja Hazekamp, Francisco José Millán Mon, Nosheena Mobarik |
||||
Sostituti (skont l-Artikolu 200(2)) preżenti għall-votazzjoni finali |
David Borrelli, Klaus Buchner, Fabio Massimo Castaldo, Tadeusz Zwiefka |
||||
Data tat-tressiq |
16.10.2018 |
||||
VOTAZZJONI FINALI B'SEJĦA TAL-ISMIJIETFIL-KUMITAT RESPONSABBLI
14 |
+ |
|
ECR |
Nosheena Mobarik, Remo Sernagiotto, Ruža Tomašić |
|
EFDD |
Fabio Massimo Castaldo, Rosa D'Amato |
|
NI |
David Borrelli |
|
PPE |
Alain Cadec, Elisabetta Gardini, Carlos Iturgaiz, Werner Kuhn, Gabriel Mato, Francisco José Millán Mon, Tadeusz Zwiefka |
|
S&D |
Renata Briano |
|
11 |
- |
|
ALDE |
António Marinho e Pinto, Norica Nicolai |
|
GUE/NGL |
Anja Hazekamp |
|
S&D |
Clara Eugenia Aguilera García, Nicola Caputo, Giuseppe Ferrandino, Ulrike Rodust, Ricardo Serrão Santos |
|
VERTS/ALE |
Marco Affronte, Klaus Buchner, Linnéa Engström |
|
1 |
0 |
|
ENF |
Sylvie Goddyn |
|
Tifsira tas-simboli użati:
+ : favur
- : kontra
0 : astensjoni