Tuarascáil - A9-0159/2021Tuarascáil
A9-0159/2021

    MOLADH DON DARA LÉAMH ar an seasamh ón gComhairle ar an gcéad léamh d’fhonn go nglacfaí rialachán ó Pharlaimint na hEorpa agus ón gComhairle lena mbunaítear Erasmus+: clár an Aontais um oideachas, um oiliúint, um an óige agus um an spórt agus lena n-aisghairtear Rialachán (AE) Uimh. 1288/2013

    12.5.2021 - (14148/1/2020 – C9‑0135/2021 – 2018/0191(COD)) - ***II

    An Coiste um Chultúr agus um Oideachas
    Rapóirtéir: Milan Zver

    Nós Imeachta : 2018/0191(COD)
    Céimeanna an doiciméid sa chruinniú iomlánach
    An doiciméad roghnaithe :  
    A9-0159/2021
    Téacsanna arna gcur síos :
    A9-0159/2021
    Díospóireachtaí :
    Vótaí :
    Téacsanna arna nglacadh :

    DRÉACHT-RÚN REACHTACH Ó PHARLAIMINT NA hEORPA

    ar an seasamh ón gComhairle ar an gcéad léamh d’fhonn go nglacfaí rialachán ó Pharlaimint na hEorpa agus ón gComhairle lena mbunaítear Erasmus+: clár an Aontais um oideachas, um oiliúint, um an óige agus um an spórt agus lena n-aisghairtear Rialachán (AE) Uimh. 1288/2013

    (14148/1/2020 – C9‑0135/2021 – 2018/0191(COD))

    (An gnáthnós imeachta reachtach: an dara léamh)

    Tá Parlaimint na hEorpa,

     ag féachaint don seasamh ón gComhairle ar an gcéad léamh (14148/1/2020 – C9‑0135/2021),

     ag féachaint don tuairim ó Choiste Eacnamaíoch agus Sóisialta na hEorpa an 17 Deireadh Fómhair 2018[1],

     ag féachaint do thuairim ó Choiste na Réigiún an 6 Feabhra 2019[2],

     ag féachaint dá seasamh ar an gcéad léamh[3] ar an togra ón gCoimisiún chuig an bParlaimint agus chuig an gComhairle (COM(2018)0367),

     ag féachaint d’Airteagal 294(7) den Chonradh ar Fheidhmiú an Aontais Eorpaigh,

     ag féachaint don chomhaontú sealadach a d’fhormheas an coiste freagrach faoi Riail 74(4) dá Rialacha Nós Imeachta,

     ag féachaint do Riail 67 dá Rialacha Nós Imeachta,

     ag féachaint don mholadh don dara léamh ón gCoiste um Chultúr agus um Oideachas (A9-0159/2021),

    1. ag formheas an tseasaimh ón gComhairle ar an gcéad léamh;

    2. ag tabhairt dá haire an ráiteas ón gCoimisiún atá i gceangal leis an rún seo, a fhoilseofar i sraith C d’Iris Oifigiúil an Aontais Eorpaigh;

    3. ag tabhairt dá haire go nglactar an gníomh i gcomhréir leis an seasamh ón gComhairle;

    4. á threorú dá hUachtarán an gníomh a shíniú le hUachtarán na Comhairle, i gcomhréir le hAirteagal 297(1) den Chonradh ar Fheidhmiú an Aontais Eorpaigh;

    5. á threorú dá hArd-Rúnaí an gníomh a shíniú, a luaithe a bheidh sé fíoraithe go bhfuil na nósanna imeachta ar fad curtha i gcrích go cuí, agus, i gcomhaontú le hArd-Rúnaí na Comhairle, socrú a dhéanamh maidir lena fhoilsiú, in éineacht leis an ráiteas ón gCoimisiún ina leith, in Iris Oifigiúil an Aontais Eorpaigh;

    6. á threorú dá hUachtarán a seasamh a chur ar aghaidh chuig an gComhairle, chuig an gCoimisiún agus chuig na parlaimintí náisiúnta.


    IARSCRÍBHINN A GHABHANN LEIS AN RÚN REACHTACH

    Ráiteas ón gCoimisiún Eorpach maidir leis na leithdháiltí sonracha le haghaidh ardáin na nIonad barr feabhais gairme

     

    Gan dochar do chumhachtaí an údaráis reachtaigh agus bhuiséadaigh, geallann an Coimisiún go ndéanfaidh sé méid táscach EUR 400 milliún i bpraghsanna reatha a leithdháileadh chun tacú le hardáin na nIonad barr feabhais gairme ar feadh thréimhse iomlán an chláir, ar choinníoll go ndeimhneofar leis an meastóireacht eatramhach ar an gclár measúnú dearfach ar thorthaí na gníomhaíochta.


    RÉASÚNÚ GEARR

    1. Erasmus+ - clár suaitheanta an Aontais Eorpaigh

    Is clár é Clár Erasmus+ a bhfuil rath air san Aontas Eorpach, agus méadú ag teacht i gcónaí ar líon na ndaoine a bhfuil páirt glactha acu ann ó bunaíodh an scéim in 1987, agus luaitear arís agus arís eile é i bpobalbhreitheanna Eorabharaiméadair mar cheann de phríomhghnóthachtálacha an Aontais. Déanann Erasmus+ muintearas Eorpach a chothú, rud a dhéanann soghluaisteacht foghlaimeoirí agus ball foirne agus cruthú caidrimh idirchultúrtha a chumasú; cuireann sé deiseanna fostaíochta níos fearr ar fáil dá rannpháirtithe agus cothaíonn sé comhar idir institiúidí oideachais agus oiliúna, eagraíochtaí óige agus clubanna agus cónaidhmeanna spóirt ar fud na mór-roinne agus ar fud an domhain. I bhfianaise an mhéid sin, bhí sé mar thosaíocht ag Parlaimint na hEorpa an clár sonrach seo a neartú tuilleadh – ó thaobh an airgeadais agus eile de – le linn na caibidlíochta ar an gcreat airgeadais ilbhliantúil don tréimhse 2021-2027.

    2. Caibidlíocht idirinstitiúideach

    Tar éis ghlacadh sheasamh Pharlaimint na hEorpa ar an gcéad léamh an 28 Márta 2019, tharla caibidlíocht idirinstitiúideach ó mhí Dheireadh Fómhair 2019 go mí na Nollag 2020. Tar éis cúig bhabhta de chruinnithe tríthaobhacha, thángthas ar chomhaontú sealadach le hUachtaránacht na Gearmáine ar an gComhairle an 11 Nollaig 2020.

    Cuireadh téacs an chomhaontaithe shealadaigh faoi bhráid an Choiste um Chultúr agus um Oideachas, a dheimhnigh an téacs ina dhiaidh sin, an 11 Eanáir 2021. Ar bhonn an fhormheasta ón gCoiste, léirigh Cathaoirleach Choiste CULT, i litir chuig Uachtaránacht na Comhairle, go molfadh sí don Suí Iomlánach gur ceart an seasamh ón gComhairle a fhormheas gan leasuithe, ar choinníoll go mbeadh sé i gcomhréir leis an gcomhaontú sealadach arna thabhairt i gcrích idir an dá institiúid. Tar éis fíorú dlítheangeolaíoch, rinne an Chomhairle a seasamh a ghlacadh go foirmiúil an 13 Aibreán 2021 i gcomhréir leis an gcomhaontú sealadach.

    3. Moladh

    Ós rud é go bhfuil an seasamh ón gComhairle i gcomhréir leis an gcomhaontú sealadach a tugadh i gcrích le linn na caibidlíochta idirinstitiúidí, molann an Rapóirtéir é a fhormheas gan leasuithe.


    AN NÓS IMEACHTA - COISTE FREAGRACH

    Teideal

    ‘Erasmus’: clár an Aontais um oideachas, um oiliúint, um an óige agus um an spórt

    Tagairtí

    14148/1/2020 – C9-0135/2021 – 2018/0191(COD)

    Dáta don chéad léamh ag an bParlaimint – P uimhir

    28.3.2019 T8-0324/2019

    Togra ón gCoimisiún

    COM(2018)0367 - C8-0233/2018

    Fógra sa suí iomlánach go bhfuarthas an seasamh ón gComhairle ar an gcéad léamh

    26.4.2021

    An Coiste Freagrach

     Dáta a fógraíodh sa suí iomlánach

    CULT

    26.4.2021

     

     

     

    Rapóirtéirí

     Dáta an cheapacháin

    Milan Zver

    18.7.2019

     

     

     

    Pléite sa choiste

    5.11.2019

    4.12.2019

    21.1.2020

     

    Dáta an ghlactha

    10.5.2021

     

     

     

    Toradh na vótála críochnaithí

    +:

    –:

    0:

    29

    0

    0

    Feisirí a bhí i láthair ag an vótáil chríochnaitheach

    Asim Ademov, Ilana Cicurel, Gilbert Collard, Gianantonio Da Re, Laurence Farreng, Tomasz Frankowski, Romeo Franz, Alexis Georgoulis, Hannes Heide, Irena Joveva, Petra Kammerevert, Niyazi Kizilyürek, Ryszard Antoni Legutko, Dace Melbārde, Victor Negrescu, Niklas Nienaß, Peter Pollák, Marcos Ros Sempere, Domènec Ruiz Devesa, Monica Semedo, Andrey Slabakov, Michaela Šojdrová, Sabine Verheyen, Maria Walsh, Salima Yenbou, Theodoros Zagorakis, Milan Zver

    Comhaltaí ionaid a bhí i láthair ag an vótáil chríochnaitheach

    Heléne Fritzon, Łukasz Kohut

    Dáta don chur síos

    12.5.2021

     


    VÓTÁIL CHRÍOCHNAITHEACH LE GLAO ROLLA SA CHOISTE FREAGRACH

     

     

    29

    +

    ECR

    Ryszard Antoni Legutko, Dace Melbārde, Andrey Slabakov

    ID

    Gilbert Collard, Gianantonio Da Re

    PPE

    Asim Ademov, Tomasz Frankowski, Peter Pollák, Michaela Šojdrová, Sabine Verheyen, Maria Walsh, Theodoros Zagorakis, Milan Zver

    Renew

    Ilana Cicurel, Laurence Farreng, Irena Joveva, Monica Semedo

    S&D

    Heléne Fritzon, Hannes Heide, Petra Kammerevert, Łukasz Kohut, Victor Negrescu, Marcos Ros Sempere, Domènec Ruiz Devesa

    An Chlé

    Alexis Georgoulis, Niyazi Kizilyürek

    Verts/ALE

    Romeo Franz, Niklas Nienaß, Salima Yenbou

     

    0

    -

     

     

     

     

     

    0

    0

     

     

     

     

     

    Eochair do na siombailí:

    + : i bhfabhar

    - : i gcoinne

    0 : staonadh

     

     

    An nuashonrú is déanaí: 12 Bealtaine 2021
    Fógra dlíthiúil - Beartas príobháideachais