RAKKOMANDAZZJONI dwar il-proposta għal deċiżjoni tal-Kunsill dwar l-iffirmar, f'isem l-Unjoni Ewropea, tal-Ftehim fil-forma ta' skambju ta' ittri bejn l-Unjoni u r-Repubblika Arġentina relatat mal-modifika tal-konċessjonijiet fuq il-kwoti tariffarji kollha inklużi fl-Iskeda CLXXV tal-UE bħala konsegwenza tal-ħruġ tar-Renju Unit mill-Unjoni Ewropea

27.5.2021 - (COM(2021)0107 – C9-0000/2021 – 2021/0054(NLE)) - ***

Kumitat għall-Kummerċ Internazzjonali
Rapporteur: Jordi Cañas

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal deċiżjoni tal-Kunsill dwar l-iffirmar, f'isem l-Unjoni Ewropea, tal-Ftehim fil-forma ta' skambju ta' ittri bejn l-Unjoni u r-Repubblika Arġentina relatat mal-modifika tal-konċessjonijiet fuq il-kwoti tariffarji kollha inklużi fl-Iskeda CLXXV tal-UE bħala konsegwenza tal-ħruġ tar-Renju Unit mill-Unjoni Ewropea

(COM(2021)0107 – C9-0000/2021 – 2021/0054(NLE))

(Approvazzjoni)

Il-Parlament Ewropew,

– wara li kkunsidra l-proposta għal deċiżjoni tal-Kunsill (COM(2021)0107),

– wara li kkunsidra l-abbozz ta' ftehim fil-forma ta' skambju ta' ittri bejn l-Unjoni u r-Repubblika Arġentina skont l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) tal-1994 rigward il-modifika ta' konċessjonijiet dwar il-kwoti tariffarji kollha inklużi fl-Iskeda CLXXV tal-UE bħala konsegwenza tal-ħruġ tar-Renju Unit mill-Unjoni Ewropea (06838/2021),

– wara li kkunsidra t-talba għal approvazzjoni ppreżentata mill-Kunsill skont l-Artikolu 207(4) u l-Artikolu 218(6), it-tieni subparagrafu tat-Trattat dwar il-Funzjonament tal-Unjoni Ewropea (C9-0170/2021),

– wara li kkunsidra l-Artikolu 105(1) u (4), u l-Artikolu 114(7) tar-Regoli ta' Proċedura tiegħu,

– wara li kkunsidra r-rakkomandazzjoni tal-Kumitat għall-Kummerċ Internazzjonali (A9-0175/2021),

1. Jagħti l-approvazzjoni tiegħu għall-konklużjoni tal-ftehim;

2. Jagħti istruzzjonijiet lill-President tiegħu biex jgħaddi l-pożizzjoni tiegħu lill-Kunsill, lill-Kummissjoni u lill-gvernijiet u l-parlamenti tal-Istati Membri u tar-Repubblika Arġentina.

 

 

 

 

 

 

 

 

 

 

 

 

 

 

NOTA SPJEGATTIVA

Fid-dawl tal-ħruġ tar-Renju Unit (UK) mill-Unjoni Ewropea, f'Ottubru 2018, l-Unjoni Ewropea (UE) nediet formalment il-proċess tan-negozjati (skont l-Artikolu XXVIII tal-Ftehim Ġenerali dwar it-Tariffi u l-Kummerċ (GATT) 1994) flimkien ma' għadd ta' Membri tal-Organizzazzjoni Dinjija tal-Kummerċ (WTO), inklużi l-Istati Uniti tal-Amerika (USA). Il-prinċipju sottostanti tan-negozjati huwa "approċċ konġunt" żviluppat bejn l-UE u r-Renju Unit lura fl-2017 dwar kif "jitqassmu" l-impenji kwantitattivi li jinsabu fl-iskeda tad-WTO tal-UE28 għall-143 kwota tariffarja (TRQs) fil-qafas tad-WTO għal prodotti agrikoli, tal-ħut u industrijali. Il-bażi ta' dan l-approċċ huwa li fil-futur jinżamm bis-sħiħ il-volum eżistenti ta' kull TRQ wara l-ħruġ tar-Renju Unit mill-UE, iżda maqsum f'żewġ territorji doganali separati: l-UE27 u r-Renju Unit.

Il-prinċipju tal-metodoloġija applikata huwa bbażat fuq il-flussi kummerċjali fl-UE27 u fir-Renju Unit matul perjodu ta' referenza rappreżentattiv (ta' 3 snin mill-2013 sal-2015) għat-TRQs kollha tad-WTO.

Il-metodoloġija miftiehma tat-tqassim hija deskritta fid-dettall fir-Regolament (UE) 2019/216 tal-Parlament Ewropew u tal-Kunsill. B'mod aktar speċifiku, l-Artikolu 2(b) ta' dan ir-Regolament jagħti s-setgħa lill-Kummissjoni li temenda l-ishma tat-tqassim filwaqt li tqis l-informazzjoni pertinenti li tista' tirċievi kemm fil-kuntest tan-negozjati skont l-Artikolu XXVIII tal-GATT tal-1994 kif ukoll minn sorsi oħra b'interess fi kwota tariffarja speċifika.

Fil-15 ta' Ġunju 2018, il-Kunsill awtorizza lill-Kummissjoni biex tniedi negozjati skont l-Artikolu XXVIII tal-GATT mal-Membri rilevanti tad-WTO, inkluż ir-Repubblika Arġentina, bil-ħsieb li jitqassmu l-konċessjonijiet tad-WTO tal-Unjoni dwar it-TRQs.

Ir-Repubblika Arġentina għandha drittijiet ta' negozjar għal 26 TRQ u drittijiet ta' konsultazzjoni għal 4 TRQs.

In-negozjati mar-Repubblika Arġentina rriżultaw fi Ftehim li ġie inizjalat fil-5 ta' Frar 2021 f'Ġinevra ("il-Ftehim"). Ir-Regolament (UE) 2019/216 rilevanti tal-Parlament Ewropew u tal-Kunsill u r-Regolamenti ta' Implimentazzjoni tal-Kummissjoni (UE) 2020/761 u (UE) 2020/1988 se jiġu emendati biex jirriflettu t-TRQ emendati. B'konsegwenza ta' dan, il-Kummissjoni Ewropea tipproponi lill-Kunsill li jawtorizza l-konklużjoni tal-Ftehim.

 

F'konformità mal-Artikolu 218(6) tat-TFUE, hemm bżonn l-approvazzjoni tal-Parlament Ewropew biex il-Kunsill jadotta deċiżjoni li tikkonkludi l-Ftehim.

Fid-dawl ta' dan, ir-rapporteur jirrakkomanda li l-Parlament jagħti l-approvazzjoni tiegħu għall-konklużjoni tal-Ftehim, mingħajr preġudizzju għad-dritt demokratiku tiegħu għal skrutinju kontinwu.

 

 

ANNESS 1 – ITTRA MILL-PRESIDENT TAL-KUMITAT AGRI

 

 

 

 

 

 

Kumitat għall-Agrikoltura u l-Iżvilupp Rurali

Il-President

 

Is-Sur Bernd Lange

President tal-Kumitat għall-Kummerċ Internazzjonali

ASP 12G301

 

 

Ref.: IPOL-COM-AGRI D(2021)5818

 

 

Sur President,

 

Nirreferi għall-proposti għal deċiżjonijiet tal-Kunsill dwar il-konklużjoni ta' ftehimiet bejn l-UE u l-Pakistan (COM(2021)81), l-Indoneżja (COM(2021)84) u l-Arġentina (COM(2021)107), rispettivament, dwar it-tqassim tal-kwoti tar-rati tariffarji wara l-ħruġ tar-Renju Unit mill-Unjoni Ewropea.

 

Il-koordinaturi tal-Kumitat AGRI kkunsidraw il-kwistjoni fil-laqgħa tagħhom tat-23 ta' Marzu. Huma nnutaw li l-ftehimiet proposti ma jbiddlux b'mod sinifikanti t-tqassim u l-impenji kwantitattivi stabbiliti mir-Regolament (UE) 2019/216 fir-rigward tal-prodotti agrikoli u agroalimentari.

 

Konsegwentement, il-Koordinaturi taw l-approvazzjoni tagħhom għall-konklużjoni mill-UE tal-ftehimiet imsemmija hawn fuq mal-Pakistan, l-Indoneżja u l-Arġentina, rispettivament, u talbuni nagħtik l-opinjoni tagħhom skont l-Artikolu 56 tar-Regoli ta' Proċedura.

 

Dejjem tiegħek,

 

 

Norbert Lins

Kopja: Is-Sur Martin Hlaváček, Rapporteur Permanenti AGRI għall-kwistjonijiet relatati mal-Brexit

PROĊEDURA TAL-KUMITAT RESPONSABBLI

Titolu	Ftehim fil-forma ta’ skambju ta’ ittri bejn l-Unjoni u r-Repubblika Arġentina relatat mal-modifika tal-konċessjonijiet fuq il-kwoti tariffarji kollha inklużi fl-Iskeda CLXXV tal-UE b’konsegwenza tal-ħruġ tar-Renju Unit mill-Unjoni Ewropea
Referenzi	06837/2021 – C9-0170/2021 – 2021/0054(NLE)
Data tal-konsultazzjoni / talba għal approvazzjoni	10.5.2021
Kumitat responsabbli  Data tat-tħabbir fis-seduta plenarja	INTA 17.5.2021
Kumitati mitluba jagħtu opinjoni  Data tat-tħabbir fis-seduta plenarja	AGRI 17.5.2021
Opinjoni(jiet) mhux mogħtija  Data tad-deċiżjoni	AGRI 14.4.2021
Rapporteurs  Data tal-ħatra	Jordi Cañas 11.2.2021
Eżami fil-kumitat	15.4.2021
Data tal-adozzjoni	25.5.2021
Riżultat tal-votazzjoni finali	+: –: 0:	36 1 4
Membri preżenti għall-votazzjoni finali	Barry Andrews, Anna-Michelle Asimakopoulou, Tiziana Beghin, Geert Bourgeois, Jordi Cañas, Daniel Caspary, Miroslav Číž, Arnaud Danjean, Paolo De Castro, Emmanouil Fragkos, Raphaël Glucksmann, Markéta Gregorová, Roman Haider, Christophe Hansen, Heidi Hautala, Danuta Maria Hübner, Herve Juvin, Karin Karlsbro, Maximilian Krah, Danilo Oscar Lancini, Bernd Lange, Margarida Marques, Gabriel Mato, Sara Matthieu, Emmanuel Maurel, Carles Puigdemont i Casamajó, Samira Rafaela, Inma Rodríguez-Piñero, Massimiliano Salini, Helmut Scholz, Sven Simon, Dominik Tarczyński, Mihai Tudose, Kathleen Van Brempt, Marie-Pierre Vedrenne, Jörgen Warborn, Iuliu Winkler, Juan Ignacio Zoido Álvarez
Sostituti preżenti għall-votazzjoni finali	Sergio Berlato, Jean-Lin Lacapelle, Morten Løkkegaard
Data tat-tressiq	27.5.2021

 

 

VOTAZZJONI FINALI B'SEJĦA TAL-ISMIJIET FIL-KUMITAT RESPONSABBLI

36	+
ECR	Sergio Berlato, Geert Bourgeois, Emmanouil Fragkos, Dominik Tarczyński
ID	Roman Haider, Maximilian Krah
NI	Tiziana Beghin, Carles Puigdemont i Casamajó
PPE	Anna-Michelle Asimakopoulou, Daniel Caspary, Arnaud Danjean, Christophe Hansen, Danuta Maria Hübner, Gabriel Mato, Massimiliano Salini, Sven Simon, Jörgen Warborn, Iuliu Winkler, Juan Ignacio Zoido Álvarez
Renew	Barry Andrews, Jordi Cañas, Karin Karlsbro, Morten Løkkegaard, Samira Rafaela, Marie-Pierre Vedrenne
S&D	Miroslav Číž, Paolo De Castro, Raphaël Glucksmann, Bernd Lange, Margarida Marques, Inma Rodríguez-Piñero, Mihai Tudose, Kathleen Van Brempt
Verts/ALE	Markéta Gregorová, Heidi Hautala, Sara Matthieu

 

1	-
ID	Danilo Oscar Lancini

 

4	0
ID	Herve Juvin, Jean-Lin Lacapelle
The Left	Emmanuel Maurel, Helmut Scholz

 

Tifsira tas-simboli użati:

+ : favur

- : kontra

0 : astensjoni