RAKKOMANDAZZJONI dwar l-abbozz ta' deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u r-Repubblika tal-Korea dwar ċerti aspetti tas-servizzi tal-ajru

26.7.2021 - (05210/2021 – C9-0120/2021 – 2019/0044(NLE)) - ***

Kumitat għat-Trasport u t-Turiżmu
Rapporteur: Dominique Riquet

ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW

dwar l-abbozz ta' deċiżjoni tal-Kunsill dwar il-konklużjoni tal-Ftehim bejn l-Unjoni Ewropea u r-Repubblika tal-Korea dwar ċerti aspetti tas-servizzi tal-ajru

(05210/2021 – C9-0120/2021 – 2019/0044(NLE))

(Approvazzjoni)

Il-Parlament Ewropew,

– wara li kkunsidra l-abbozz ta' deċiżjoni tal-Kunsill (05210/2021),

– wara li kkunsidra l-abbozz ta' ftehim bejn l-Unjoni Ewropea u r-Repubblika tal-Korea dwar ċerti aspetti tas-servizzi tal-ajru (15082/2019),

– wara li kkunsidra t-talba għal approvazzjoni ppreżentata mill-Kunsill skont l-Artikolu 100(2), l-Artikolu 218(6), it-tieni subparagrafu, punt (a)(v) u l-Artikolu 218(7) tat-Trattat dwar il-Funzjonament tal-Unjoni Ewropea (C9-0120/2021),

– wara li kkunsidra l-Artikolu 105(1) u (4) u l-Artikolu 114(7) tar-Regoli ta' Proċedura tiegħu,

– wara li kkunsidra r-rakkomandazzjoni tal-Kumitat għat-Trasport u t-Turiżmu (A9-0251/2021),

1. Jagħti l-approvazzjoni tiegħu għall-konklużjoni tal-ftehim;

2. Jagħti istruzzjonijiet lill-President tiegħu biex jgħaddi l-pożizzjoni tal-Parlament lill-Kunsill u lill-Kummissjoni, kif ukoll lill-gvernijiet u lill-parlamenti tal-Istati Membri u tar-Repubblika tal-Korea.

 

NOTA SPJEGATTIVA

Il-Ftehim bejn l-UE u l-Korea:

Il-Ftehim bejn l-Unjoni Ewropea u r-Repubblika tal-Korea dwar ċerti aspetti tas-servizzi tal-ajru huwa Ftehim Orizzontali dwar l-Avjazzjoni nnegozjat mill-Kummissjoni Ewropea f'isem l-Istati Membri tal-UE u r-Repubblika tal-Korea, insegwitu għas-sentenzi tal-Qorti tal-Ġustizzja fil-kawżi msejħa "Sema Miftuħ". Il-Ftehim jippermetti lil kwalunkwe linja tal-ajru tal-UE li ttir lejn ir-Repubblika tal-Korea minn kwalunkwe wieħed mit-tnejn u għoxrin Stat Membru tal-UE, li attwalment għandhom ftehim bilaterali dwar is-servizzi tal-ajru mar-Repubblika tal-Korea. Minbarra l-opportunitajiet ta' rotot ġodda għat-trasportaturi tal-UE, il-ftehim huwa ta' benefiċċju għaż-żewġ naħat billi jġib ċertezza legali għall-operazzjonijiet kummerċjali u jiżgura approċċ nondiskriminatorju fil-konfront tal-linji tal-ajru li jtiru bejn iż-żewġ territorji rispettivi.

Il-proċedura:

Fil-5 ta' Ġunju 2003 il-Kunsill awtorizza lill-Kummissjoni tiftaħ negozjati ma' pajjiżi terzi rigward is-sostituzzjoni ta' ċerti dispożizzjonijiet fi ftehimiet bilaterali eżistenti dwar is-servizzi tal-ajru bi ftehim fil-livell tal-Unjoni.  Il-ftehim mal-Korea ġie ffirmat fil-25 ta' Ġunju 2020 u, sabiex jiġi konkluż il-Ftehim, il-Kunsill għandu bżonn l-approvazzjoni tal-Parlament Ewropew, kif mitlub mill-Artikolu 218 tat-TFUE.

 

Skont l-Artikoli 105 u 114(5), (7) u (8) tar-Regoli ta' Proċedura tal-Parlament, il-kumitat responsabbli (TRAN) għandu jressaq rakkomandazzjoni għall-approvazzjoni jew iċ-ċaħda tal-att propost. Il-Parlament imbagħad għandu jieħu deċiżjoni permezz ta' votazzjoni unika, u ma tista' titressaq ebda emenda għall-Ftehim. L-emendi fil-kumitat għandhom ikunu ammissibbli biss jekk ikollhom l-għan li jaqilbu s-sens tar-rakkomandazzjoni kif proposta mir-rapporteur.

Il-pożizzjoni tar-rapporteur:

 

L-avjazzjoni ċivili hija settur strateġiku ewlieni fl-Unjoni Ewropea, li tipprovdi soluzzjonijiet ta' mobbiltà u impjiegi liċ-ċittadini Ewropej u hija wkoll vitali għas-settur tat-turiżmu Ewropew. Dan il-ftehim jissostitwixxi jew jikkomplementa l-ftehimiet bilaterali eżistenti dwar is-servizzi tal-ajru bejn l-Istati Membri u r-Repubblika tal-Korea, li għandu jkompli jtejjeb il-konnettività bejn l-Unjoni Ewropea u l-Asja, iżid il-kompetizzjoni u jipprovdi ċertezza legali għal-linji tal-ajru. Abbażi ta' dan kollu, ir-rapporteur jirrakkomanda li l-Kumitat għat-Trasport u t-Turiżmu jagħti l-approvazzjoni tiegħu għall-konklużjoni ta' dan il-ftehim.

PROĊEDURA TAL-KUMITAT RESPONSABBLI

Titolu	Ftehim bejn l-Unjoni Ewropea u r-Repubblika tal-Korea dwar ċerti aspetti tas-servizzi tal-ajru
Referenzi	05210/2021 – C9-0120/2021 – 2019/0044(NLE)
Data tal-konsultazzjoni / talba għal approvazzjoni	24.3.2021
Kumitat responsabbli  Data tat-tħabbir fis-seduta plenarja	TRAN 26.4.2021
Rapporteurs  Data tal-ħatra	Dominique Riquet 12.9.2019
Data tal-adozzjoni	12.7.2021
Riżultat tal-votazzjoni finali	+: –: 0:	48 1 0
Membri preżenti għall-votazzjoni finali	Magdalena Adamowicz, Andris Ameriks, Izaskun Bilbao Barandica, Paolo Borchia, Marco Campomenosi, Massimo Casanova, Ciarán Cuffe, Jakop G. Dalunde, Johan Danielsson, Karima Delli, Anna Deparnay-Grunenberg, Gheorghe Falcă, Giuseppe Ferrandino, Mario Furore, Søren Gade, Isabel García Muñoz, Elsi Katainen, Kateřina Konečná, Julie Lechanteux, Peter Lundgren, Benoît Lutgen, Elżbieta Katarzyna Łukacijewska, Marian-Jean Marinescu, Tilly Metz, Cláudia Monteiro de Aguiar, Caroline Nagtegaal, Jan-Christoph Oetjen, Philippe Olivier, João Pimenta Lopes, Rovana Plumb, Dominique Riquet, Dorien Rookmaker, Massimiliano Salini, Sven Schulze, Vera Tax, Barbara Thaler, Henna Virkkunen, Petar Vitanov, Elissavet Vozemberg-Vrionidi, Roberts Zīle, Kosma Złotowski
Sostituti preżenti għall-votazzjoni finali	Clare Daly, Nicola Danti, Angel Dzhambazki, Tomasz Frankowski, Michael Gahler, Maria Grapini, Alessandra Moretti, Marianne Vind
Data tat-tressiq	26.7.2021

 

 

VOTAZZJONI FINALI B'SEJĦA TAL-ISMIJIET FIL-KUMITAT RESPONSABBLI

48	+
ECR	Angel Dzhambazki, Peter Lundgren, Roberts Zīle, Kosma Złotowski
ID	Paolo Borchia, Marco Campomenosi, Massimo Casanova, Julie Lechanteux, Philippe Olivier
NI	Mario Furore, Dorien Rookmaker
PPE	Magdalena Adamowicz, Gheorghe Falcă, Tomasz Frankowski, Michael Gahler, Elżbieta Katarzyna Łukacijewska, Benoît Lutgen, Marian-Jean Marinescu, Cláudia Monteiro de Aguiar, Massimiliano Salini, Sven Schulze, Barbara Thaler, Henna Virkkunen, Elissavet Vozemberg-Vrionidi
Renew	Izaskun Bilbao Barandica, Nicola Danti, Søren Gade, Elsi Katainen, Caroline Nagtegaal, Jan-Christoph Oetjen, Dominique Riquet
S&D	Andris Ameriks, Johan Danielsson, Giuseppe Ferrandino, Isabel García Muñoz, Maria Grapini, Alessandra Moretti, Rovana Plumb, Vera Tax, Marianne Vind, Petar Vitanov
The Left	Clare Daly, Kateřina Konečná
Verts/ALE	Ciarán Cuffe, Jakop G. Dalunde, Karima Delli, Anna Deparnay-Grunenberg, Tilly Metz

 

1	-
The Left	João Pimenta Lopes

 

Tifsira tas-simboli użati:

+ : favur

- : kontra

0 : astensjoni