RAPPORT dwar il-proposta għal direttiva tal-Parlament Ewropew u tal-Kunsill dwar il-livell minimu ta' taħriġ tal-baħħara (test kodifikat)
30.3.2022 - (COM(2020)0739 – C9-0371/2020 – 2020/0329(COD)) - ***I
Kumitat għall-Affarijiet Legali
Rapporteur: Manon Aubry
(Kodifikazzjoni – Artikolu 109 tar-Regoli ta' Proċedura)
- ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
- ANNESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI TAL-31 TA' MARZU 2021
- ANNESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI TAL-10 TA' MARZU 2022
- PROĊEDURA TAL-KUMITAT RESPONSABBLI
- VOTAZZJONI FINALI B'SEJĦA TAL-ISMIJIET FIL-KUMITAT RESPONSABBLI
ABBOZZ TA' RIŻOLUZZJONI LEĠIŻLATTIVA TAL-PARLAMENT EWROPEW
dwar il-proposta għal direttiva tal-Parlament Ewropew u tal-Kunsill dwar il-livell minimu ta' taħriġ tal-baħħara (test kodifikat)
(COM(2020)0739 – C9-0371/2020 – 2020/0329(COD))
Proċedura leġiżlattiva ordinarja – kodifikazzjoni
Il-Parlament Ewropew,
– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2020)0739),
– wara li kkunsidra l-Artikolu 294(2) u l-Artikolu 100(2) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C9-0371/2020),
– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,
– wara li kkunsidra l-opinjoni tal-Kumitat Ekonomiku u Soċjali Ewropew tas-27 ta' Jannar 2021[1],
– wara li kkunsidra l-Ftehim Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi[2],
– wara li kkunsidra l-Artikoli 109 u 59 tar-Regoli ta' Proċedura tiegħu,
– wara li kkunsidra r-rapport tal-Kumitat għall-Affarijiet Legali (A9-0080/2022),
A. billi, fl-opinjoni tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni, il-proposta kkonċernata tillimita ruħha għal kodifikazzjoni pura u sempliċi tat-testi eżistenti, mingħajr ebda tibdil sustanzjali;
1. Jadotta l-pożizzjoni tiegħu fl-ewwel qari billi jinkorpora l-proposta tal-Kummissjoni kif adattata għar-rakkomandazzjonijiet tal-Grupp ta' Ħidma Konsultattiv tas-Servizzi Legali tal-Parlament Ewropew, tal-Kunsill u tal-Kummissjoni fl-opinjonijiet tiegħu tal-31 ta' Marzu 2021 u tal-10 ta' Marzu 2022;
2. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.
ANNESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI TAL-31 TA' MARZU 2021
|
GRUPP TA' ĦIDMA KONSULTATTIV TAS-SERVIZZI LEGALI |
Brussell, 31 Marzu 2021
OPINJONI
GĦALL-ATTENZJONI TAL-PARLAMENT EWROPEW
TAL-KUNSILL
TAL-KUMMISSJONI
Proposta għal Direttiva tal-Parlament Ewropew u tal-Kunsill dwar il-livell minimu ta' taħriġ tal-baħħara (test kodifikat)
COM(2020)739 final of 18.11.2020 – 2020/0329(COD)
Wara li kkunsidra l-Ftehim Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi, u b'mod partikulari l-punt 4 tiegħu, il-Grupp ta' Ħidma Konsultattiv, magħmul mis-Servizzi Legali rispettivi tal-Parlament Ewropew, tal-Kunsill u tal-Kummissjoni fil-15 ta' Diċembru 2020 u fl-14 ta' Jannar 2021 kellu laqgħat iddedikati għall-eżami tal-proposta msemmija hawn fuq, imressqa mill-Kummissjoni.
Waqt l-eżami[3] tal-proposta għal direttiva tal-Parlament Ewropew u tal-Kunsill intenzjonata li tikkodifika d-Direttiva 2008/106/KE tal-Parlament Ewropew u tal-Kunsill tad-19 ta' Novembru 2008 dwar il-livell minimu ta' taħriġ tal-baħħara, il-Grupp, bi qbil komuni, innota dan li ġej.
1. Fil-punt (d) tal-Artikolu 19, minflok il-kliem finali "b'lingwa/i komuni tax-xogħol", għandha terġa' tiddaħħal l-espressjoni "bil-lingwa(i) tax-xogħol komuni", li bħalissa tinsab fil-punt (d) tal-Artikolu 18 tad-Direttiva 2008/106/KE.
2. Fl-Artikolu 23(1), fil-verżjoni Ingliża, iż-żieda tal-artikolu "a" qabel il-kliem "valid dispensation" kellha tiġi identifikata bi vleġeġ tal-adattament.
3. Fl-Artikolu 29(2), ir-referenza għall-"Anness V" għandha tiġi sostitwita b'referenza għall-"Anness III".
Dan l-eżami tal-proposta b'hekk wassal biex il-Grupp ta' Ħidma Konsultattiv jikkonkludi, bi qbil komuni, li l-proposta effettivament tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali.
F. DREXLER T. BLANCHET D. CALLEJA CRESPO
Ġurikonsult Ġurikonsult Direttur Ġenerali
ANNESS: OPINJONI TAL-GRUPP TA' ĦIDMA KONSULTATTIV TAS-SERVIZZI LEGALI TAL-PARLAMENT EWROPEW, TAL-KUNSILL U TAL-KUMMISSJONI TAL-10 TA' MARZU 2022
|
GRUPP TA' ĦIDMA KONSULTATTIV TAS-SERVIZZI LEGALI |
Brussell, 10 ta' Marzu 2022
OPINJONI
GĦALL-ATTENZJONI TAL-PARLAMENT EWROPEW
TAL-KUNSILL
TAL-KUMMISSJONI
Proposta għal Direttiva tal-Parlament Ewropew u tal-Kunsill dwar il-livell minimu ta' taħriġ tal-baħħara (test kodifikat)
COM(2020) 739 final of 18.11.2020 - 2020/0329 (COD)
Wara li kkunsidra l-Ftehim Interistituzzjonali tal-20 ta' Diċembru 1994 fuq metodu ta' ħidma aċċellerat tal-kodifikazzjoni uffiċjali tat-testi leġiżlattivi, u b'mod partikulari l-punt 4 tiegħu, il-Grupp ta' Ħidma Konsultattiv, magħmul mis-Servizzi Legali rispettivi tal-Parlament Ewropew, tal-Kunsill u tal-Kummissjoni, fit-2 ta' Diċembru 2021 kellu laqgħa, b'segwitu tal-laqgħat preċedenti tal-15 ta'Diċembru 2020 u tal-14 ta' Jannar 2021, iddedikata għall-eżami tal-proposta msemmija hawn fuq, imressqa mill-Kummissjoni.
Waqt l-eżami[4] tal-proposta għal direttiva tal-Parlament Ewropew u tal-Kunsill intenzjonata li tikkodifika d-Direttiva 2008/106/KE tal-Parlament Ewropew u tal-Kunsill tad-19 ta' Novembru 2008 dwar il-livell minimu ta' taħriġ tal-baħħara, il-Grupp ta' Ħidma Konsultattiv, bi qbil komuni, innota li minbarra l-punti 1, 2 u 3 tal-opinjoni tal-Grupp ta' Ħidma Konsultattiv tal-31 ta'Marzu 2021, adattament ulterjuri huwa wkoll meqjus xieraq fir-rigward tal-abbozz tat-test kodifikat.
Kif ġie ssuġġerit mir-rapporteur tal-Kumitat għall-Affarijiet Legali tal-Parlament Ewropew, il-premessa 16 tad-Direttiva (UE) 2019/1159 tal-Parlament Ewropew u tal-Kunsill tal-20 ta' Ġunju 2019 li temenda d-Direttiva 2008/106/KE dwar il-livell minimu ta' taħriġ tal-baħħara għandha tiddaħħal fil-preambolu għall-att kodifikat. Il-premessi li ġejjin għandhom jiġu nnumerati mill-ġdid skont dan.
Dan l-eżami tal-proposta b'hekk wassal biex il-Grupp ta' Ħidma Konsultattiv jikkonkludi, bi qbil komuni, li l-proposta effettivament tillimita ruħha għal kodifikazzjoni pura u sempliċi tat-testi eżistenti, mingħajr tibdil sustanzjali.
F. DREXLER T. BLANCHET D. CALLEJA CRESPO
Ġurikonsult Ġurikonsult Direttur Ġenerali
PROĊEDURA TAL-KUMITAT RESPONSABBLI
Titolu |
Il-livell minimu ta’ taħriġ tal-baħħara (kodifikazzjoni) |
|||
Referenzi |
COM(2020)0739 – C9-0371/2020 – 2020/0329(COD) |
|||
Data meta ġiet ippreżentata lill-PE |
18.11.2020 |
|
|
|
Kumitat responsabbli Data tat-tħabbir fis-seduta plenarja |
JURI 23.11.2020 |
|
|
|
Rapporteurs Data tal-ħatra |
Manon Aubry 1.7.2021 |
|
|
|
Rapporteurs preċedenti |
Magdalena Adamowicz, Karen Melchior, Manon Aubry |
|||
Data tal-adozzjoni |
28.3.2022 |
|
|
|
Riżultat tal-votazzjoni finali |
+: –: 0: |
23 0 0 |
||
Membri preżenti għall-votazzjoni finali |
Pascal Arimont, Manon Aubry, Gunnar Beck, Ilana Cicurel, Pascal Durand, Angel Dzhambazki, Ibán García Del Blanco, Jean-Paul Garraud, Sergey Lagodinsky, Gilles Lebreton, Maria-Manuel Leitão-Marques, Sabrina Pignedoli, Jiří Pospíšil, Franco Roberti, Raffaele Stancanelli, Adrián Vázquez Lázara, Axel Voss, Marion Walsmann, Tiemo Wölken, Lara Wolters |
|||
Sostituti preżenti għall-votazzjoni finali |
Patrick Breyer, Daniel Buda, Emil Radev, Yana Toom |
|||
Data tat-tressiq |
30.3.2022 |
|||
VOTAZZJONI FINALI B'SEJĦA TAL-ISMIJIET FIL-KUMITAT RESPONSABBLI
23 |
+ |
PPE |
Pascal Arimont, Jiří Pospíšil, Emil Radev, Axel Voss, Marion Walsmann |
S&D |
Ibán García Del Blanco, Maria-Manuel Leitão-Marques, Franco Roberti, Tiemo Wölken, Lara Wolters |
Renew |
Ilana Cicurel, Pascal Durand, Yana Toom, Adrián Vázquez Lázara |
ID |
Gunnar Beck, Jean-Paul Garraud, Gilles Lebreton |
Verts/ALE |
Patrick Breyer, Sergey Lagodinsky |
ECR |
Angel Dzhambazki, Raffaele Stancanelli |
The Left |
Manon Aubry |
NI |
Sabrina Pignedoli |
0 |
- |
|
|
0 |
0 |
|
|
Tifsira tas-simboli użati:
+ : favur
- : kontra
0 : astensjoni
- [1] ĠU C 123, 9.4.2021, p. 80.
- [2] ĠU C 102, 4.4.1996, p. 2.
- [3] Il-Grupp ta' Ħidma Konsultattiv ħadem fuq il-bażi tal-verżjoni Ingliża tal-proposta, il-verżjoni lingwistika oriġinali tat-test eżaminat.
- [4] Il-Grupp ta' Ħidma Konsultattiv ħadem fuq il-bażi tal-verżjoni Ingliża tal-proposta, il-verżjoni lingwistika oriġinali tat-test eżaminat.