MOLADH maidir leis an dréachtchinneadh ón gComhairle maidir le tabhairt i gcrích an Chomhaontaithe, thar ceann an Aontais Eorpaigh, idir an tAontas Eorpach agus an Nua-Shéalainn de bhun Airteagal XXVIII den Chomhaontú Ginearálta um Tharaifí agus Trádáil (CGTT) 1994 a bhaineann le modhnú na lamháltas ar na cuótaí ráta taraife uile a chuimsítear i Sceideal AE CLXXV mar thoradh ar tharraingt siar na Ríochta Aontaithe as an Aontas Eorpach

16.11.2022 - (07910/2022 – C9‑0296/2022 – 2022/0098(NLE)) - ***

An Coiste um Thrádáil Idirnáisiúnta
Rapóirtéir: Daniel Caspary

DRÉACHTRÚN REACHTACH Ó PHARLAIMINT NA hEORPA

maidir leis an dréachtchinneadh ón gComhairle maidir le tabhairt i gcrích an Chomhaontaithe, thar ceann an Aontais Eorpaigh, idir an tAontas Eorpach agus an Nua-Shéalainn de bhun Airteagal XXVIII den Chomhaontú Ginearálta um Tharaifí agus Trádáil (CGTT) 1994 a bhaineann le modhnú na lamháltas ar na cuótaí ráta taraife uile a chuimsítear i Sceideal AE CLXXV mar thoradh ar tharraingt siar na Ríochta Aontaithe as an Aontas Eorpach

(07910/2022 – C9‑0296/2022 – 2022/0098(NLE))

(Toiliú)

Tá Parlaimint na hEorpa,

– ag féachaint don dréachtchinneadh ón gComhairle (07910/2022),

– ag féachaint don dréacht-chomhaontú idir an tAontas Eorpach agus an Nua-Shéalainn de bhun Airteagal XXVIII den Chomhaontú Ginearálta um Tharaifí agus Thrádáil (CGTT) 1994 a bhaineann le modhnú na lamháltas ar na cuótaí ráta taraife uile a chuimsítear i Sceideal AE CLXXV mar thoradh tharraingt siar na Ríochta Aontaithe as an Aontas Eorpach (07911/2022),

– ag féachaint don iarraidh ar thoiliú a thíolaic an Chomhairle i gcomhréir le hAirteagal 207(4), an chéad fhomhír, agus Airteagal 218(6), an dara fomhír, pointe (a)(v), den Chonradh ar Fheidhmiú an Aontais Eorpaigh (C9‑0296/2022),

– ag féachaint do Riail 105(1) agus (4), agus Riail 114(7) dá Rialacha Nós Imeachta,

– ag féachaint don mholadh ón gCoiste um Thrádáil Idirnáisiúnta (A9-0273/2022),

1. ag tabhairt a toilithe do thabhairt i gcrích an chomhaontaithe;

2. á threorú dá hUachtarán a seasamh a chur ar aghaidh chuig an gComhairle, chuig an gCoimisiún, agus chuig rialtais agus parlaimintí na mBallstát agus na Nua-Shéalainne.

 

 

 

 

 

 

 

 

 

 

 

 

 

 

RÁITEAS MÍNIÚCHÁIN

I bhfianaise tharraingt siar na Ríochta Aontaithe as an Aontas Eorpach (AE), i mí Dheireadh Fómhair 2018, sheol AE caibidlíochtaí go foirmiúil faoi Airteagal XXVIII de Chomhaontú Ginearálta um Tharaifí agus Trádáil (CGTT) 1994 le roinnt Comhaltaí den Eagraíocht Dhomhanda Trádála (EDT), lena n-áirítear an Nua-Shéalainn. Is é bunphrionsabal na gcaibidlíochtaí ná ‘cur chuige comhpháirteach’ a forbraíodh idir AE agus an Ríocht Aontaithe in 2017 maidir le conas na gealltanais chainníochtúla atá i sceideal AE28 de chuid EDT don 143 chuóta ráta taraife (TRQanna) talmhaíochta, éisc agus tionsclaíocha de chuid AE a ‘chionroinnt’. Is é bunús an chur chuige seo ná go gcoimeádfaí méid reatha gach TRQ ina iomláine i ndiaidh tharraingt siar na Ríochta Aontaithe as AE, ach go ndéanfaí iad a roinnt idir dhá chríoch chustaim éagsúla: AE27 agus an Ríocht Aontaithe.

Ní mór do na comhaontuithe a caibidlíodh faoi Airteagal XXVIII de CGTT a áirithiú nach gcuirfear isteach ar shreafaí trádála isteach san Aontas agus sa Ríocht Aontaithe a tugadh faoi deara le déanaí i gcás na trádála lena mbaineann faoi na TRQanna. Dá bhrí sin, tá an ‘cur chuige comhpháirteach’ ceaptha a ráthú go gcothófar cearta na gcomhaltaí den Eagraíocht Dhomhanda Trádála lena mbaineann ar rochtain ar an margadh sa staid seo nach bhfacthas a leithéid riamh roimhe seo. Mar sin féin, cheistigh roinnt comhpháirtithe trádála, lena n-áirítear an Nua-Shéalainn, prionsabal agus modheolaíocht na cionroinnte atá beartaithe, rud a d’fhág go raibh caibidlíocht fhairsing ann.

Cumhdaíodh sna caibidlíochtaí leis an Nua-Shéalainn TRQanna maidir le táirgí íogaire amhail caoireoil, feoil bó-ainmhithe agus táirgí déiríochta, lena n-áirítear im, cáis le haghaidh próiseála agus cáis chéadair. Ar deireadh, níor tháinig aon athrú ar mhéideanna na TRQanna a shainmhínítear le modheolaíocht an ‘chur chuige chomhpháirtigh’, seachas dhá TRQ thírshonracha feola a coigeartaíodh bunaithe ar shonraí níos déanaí, agus dhá TRQ thírshonracha déiríochta a cuireadh in oiriúint d’fhonn feabhas a chur ar bhainistiú na TRQanna sin.

I gcomhréir le hAirteagal 218(6) CFAE, tá gá le toiliú ó Pharlaimint na hEorpa chun go nglacfaidh an Chomhairle cinneadh lena dtabharfar an Comhaontú i gcrích agus go dtiocfaidh sé i bhfeidhm in am trátha.

I bhfianaise an mhéid thuasluaite, molann an Rapóirtéir go dtabharfaidh an Pharlaimint a toiliú an comhaontú a thabhairt i gcrích, gan dochar dá ceart daonlathach maidir le grinnscrúdú leanúnach.

 

AN NÓS IMEACHTA - COISTE FREAGRACH

Teideal	Comhaontú idir an tAontas Eorpach agus an Nua-Shéalainn a bhaineann le modhnú na lamháltas ar na cuótaí ráta taraife uile a chuimsítear i Sceideal AE CLXXV mar thoradh ar tharraingt siar na Ríochta Aontaithe as an Aontas Eorpach
Tagairtí	07910/2022 – C9-0296/2022 – 2022/0098(NLE)
Dáta an chomhairliúcháin nó na hiarrata ar thoiliú	20.7.2022
An Coiste Freagrach  Dáta a fógraíodh sa suí iomlánach	INTA 12.9.2022
Coistí ar iarradh tuairim orthu  Dáta a fógraíodh sa suí iomlánach	AGRI 12.9.2022
Gan tuairim a thabhairt  Dáta an chinnidh	AGRI 23.5.2022
Rapóirtéirí:  Dáta an cheapacháin	Daniel Caspary 20.4.2022
Pléite sa choiste	24.10.2022
Dáta an ghlactha	14.11.2022
Toradh na vótala críochnaithí	+: –: 0:	29 0 1
Feisirí a bhí i láthair ag an vótáil chríochnaitheach	Barry Andrews, Anna-Michelle Asimakopoulou, Saskia Bricmont, Udo Bullmann, Jordi Cañas, Arnaud Danjean, Raphaël Glucksmann, Heidi Hautala, Danuta Maria Hübner, Karin Karlsbro, Bernd Lange, Margarida Marques, Carles Puigdemont i Casamajó, Samira Rafaela, Catharina Rinzema, Inma Rodríguez-Piñero, Massimiliano Salini, Helmut Scholz, Mihai Tudose, Iuliu Winkler, Jan Zahradil
Comhaltaí ionaid a bhí i láthair ag an vótáil chríochnaitheach	Anna Cavazzini, Svenja Hahn, Javier Moreno Sánchez, Annie Schreijer-Pierik, Joachim Schuster, Massimiliano Smeriglio, Angelika Winzig
Comhaltaí ionaid faoi Riail 209(7) a bhí i láthair ag an vótáil chríochnaitheach	Stefan Berger, Andreas Schwab
Dáta don chur síos	16.11.2022

 

VÓTÁIL CHRÍOCHNAITHEACH LE GLAO ROLLA SA CHOISTE FREAGRACH

29	+
ECR	Jan Zahradil
NI	Carles Puigdemont i Casamajó
PPE	Anna-Michelle Asimakopoulou, Stefan Berger, Arnaud Danjean, Danuta Maria Hübner, Massimiliano Salini, Annie Schreijer-Pierik, Andreas Schwab, Iuliu Winkler, Angelika Winzig
RENEW	Barry Andrews, Jordi Cañas, Svenja Hahn, Karin Karlsbro, Samira Rafaela, Catharina Rinzema
S&D	Udo Bullmann, Raphaël Glucksmann, Bernd Lange, Margarida Marques, Javier Moreno Sánchez, Inma Rodríguez-Piñero, Joachim Schuster, Massimiliano Smeriglio, Mihai Tudose
VERTS/ALE	Saskia Bricmont, Anna Cavazzini, Heidi Hautala

 

0	-

 

1	0
THE LEFT	Helmut Scholz

 

Eochair do na siombailí a úsáidtear:

+ : i bhfabhar

- : i gcoinne

0 : staonadh: