Tuarascáil - A9-0201/2023Tuarascáil
A9-0201/2023
Parlaimint na hEorpa

TUARASCÁIL maidir leis an iarraidh ar dhíolúine Maria Spyraki a tharscaoileadh

30.5.2023 - (2023/2009(IMM))

An Coiste um Ghnóthaí Dlíthiúla
Rapóirtéir: Ilana Cicurel

Nós Imeachta : 2023/2009(IMM)
Céimeanna an doiciméid sa chruinniú iomlánach
An doiciméad roghnaithe :  
A9-0201/2023
Téacsanna arna gcur síos :
A9-0201/2023
Díospóireachtaí :
Vótaí :
Téacsanna arna nglacadh :

TOGRA LE hAGHAIDH CINNEADH Ó PHARLAIMINT NA hEORPA

maidir leis an iarraidh ar dhíolúine Maria Spyraki a tharscaoileadh

(2023/2009 (IMM))

Tá Parlaimint na hEorpa,

– ag féachaint d’iarraidh ar tharscaoileadh dhíolúine Maria Spyraki, a thíolaic an Príomh-Ionchúisitheoir Eorpach, dar dáta an 15 Nollaig 2022 agus a fógraíodh i suí iomlánach an 19 Eanáir 2023,

– tar éis di éisteacht a thabhairt do Maria Spyraki i gcomhréir le Rialacha 95(6) dá Rialacha Nós Imeachta,

– ag féachaint d’Airteagail 8 agus 9 de Phrótacal Uimh. 7 ar Phribhléidí agus Díolúintí an Aontais Eorpaigh agus d’Airteagal 6(2) d’Ionstraim an 20 Meán Fómhair 1976 maidir le toghadh chomhaltaí Pharlaimint na hEorpa trí vótáil chomhchoiteann dhíreach,

– Ag féachaint do Rialachán (AE) 2017/1939 ón gComhairle an 12 Deireadh Fómhair 2017 lena gcuirtear chun feidhme comhar feabhsaithe maidir le bunú Oifig an Ionchúisitheora Phoiblí Eorpaigh[1], agus go háirithe Airteagal 29(2) de,

– ag féachaint do na breithiúnais a thug Cúirt Bhreithiúnais an Aontais Eorpaigh an 21 Deireadh Fómhair 2008, an 19 Márta 2010, an 6 Meán Fómhair 2011, an 17 Eanáir 2013 agus an 19 Nollaig 2019[2],

– ag féachaint d’Airteagal 62 de Bhunreacht na Poblachta Heilléanaí,

– ag féachaint do Riail 5(2), do Riail 6(1) agus do Riail 9 dá Rialacha Nós Imeachta,

– ag féachaint don tuarascáil ón gCoiste um Ghnóthaí Dlíthiúla (A9-0201/2023),

Α. de bhrí gur iarr Ceann Oifig an Ionchúisitheora Phoiblí Eorpaigh go ndéanfaí díolúine pharlaiminteach Maria Spyraki a tharscaoileadh i gcomhthéacs imscrúdú leanúnach ar ghníomhartha a d’fhéadfadh a bheith ina spreagadh calaoise i gcoinne leasanna airgeadais an Aontais Eorpaigh, de bhun Airteagal 4 de Dhlí na Gréige 2803/2000, de réir mar is infheidhme ó tháinig forálacha idirthréimhseacha Airteagal 463(2) de Chód Coiriúil na Gréige i bhfeidhm (le héifeacht ón 1 Iúil 2019) i ndáil le hAirteagal 46(1) agus Airteagal 98 de Chód Coiriúil na Gréige; i gcomhar le hAirteagal 46(1) agus le hAirteagal 98 de Chód Coiriúil na Gréige;

Β. de bhrí, tar éis tuarascáil OLAF a chláraigh OIPE an 1 Iúil 2021, gur oscail Ionchúisitheoir Tarmligthe Eorpach na Gréige an t-imscrúdú i dtrácht an 8 Meán Fómhair 2021;

C. de bhrí go mbaineann na neamhrialtachtaí líomhnaithe, a raibh Maria Spyraki ar an eolas fúthu, go háirithe, le mainneachtain duine dá cúntóirí parlaiminteacha creidiúnaithe (APAnna) a bheith i láthair ina áit oibre idir Samhain 2016 agus Feabhra 2020 agus le comhlíonadh a dhualgas agus, ar an dara dul síos, le horduithe misin agus ráitis speansas a chur isteach agus aisíocaíochtaí a bhailiú le haghaidh misin nach ndearna beirt de APAnna Maria Spyraki, idir Samhain 2014 agus Feabhra 2020 maidir leis an gcéad cheann agus idir Iúil 2014 agus Feabhra 2020 i gcás an dara ceann;

D. de bhrí gur aisíoc Maria Spyraki leis an bParlaimint na méideanna uile a íocadh go míchuí go dtí seo; de bhrí nach ndéanann aisíoc na suimeanna sin difear don fhíoras go bhféadfadh sí a bheith faoi dhliteanas coiriúil;

E. de bhrí nach féidir le Parlaimint na hEorpa ról cúirte a ghlacadh, agus de bhrí nach féidir, i nós imeachta um dhíolúine a tharscaoileadh, Feisire a mheas mar chosantóir[3];

F. de bhrí nach mbaineann an cion líomhnaithe le tuairimí nó vótaí arna gcaitheamh ag Maria Spyraki i gcomhlíonadh a dualgas mar Fheisire de Pharlaimint na hEorpa de réir bhrí Airteagal 8 de Phrótacal Uimh. 7 ar Phribhléidí agus Díolúintí an Aontais Eorpaigh;

G. de bhrí, de bhun Airteagal 9 de Phrótacal Uimh. 7 ar Phribhléidí agus Díolúintí an Aontais Eorpaigh, go dteachtann na Feisirí, ina gcríoch náisiúnta, na díolúintí a dheonaítear do chomhaltaí pharlaimint náisiúnta a dtíre;

H. de bhrí go bhforáiltear le hAirteagal 62 de Bhunreacht na Gréige, inter alia, nach ndéanfar, le linn an téarma pharlaimintigh, Feisirí den Pharlaimint a ionchúiseamh, a ghabháil, a phríosúnú ná a chur faoi aon srian eile gan údarú a fháil roimh ré ón bParlaimint;

I. de bhrí gurb é is cuspóir do dhíolúine pharlaiminteach ná Parlaimint na hEorpa agus a Fheisirí a chosaint ar imeachtaí dlíthiúla a bhaineann le gníomhaíochtaí a dhéantar agus dualgais pharlaiminteacha á gcomhlíonadh agus nach féidir a scaradh ó na dualgais sin;

J. de bhrí gur faoi Pharlaimint na hEorpa amháin atá sé a chinneadh cibé acu a tharscaoilfidh sí nó nach dtarscaoilfidh sí díolúine i gcás ar leith; de bhrí gur féidir le Parlaimint na hEorpa seasamh an Fheisire a chur san áireamh go réasúnach chun a chinneadh cibé acu a dhéanfaidh sí nó nach ndéanfaidh sí a dhíolúine a tharscaoileadh[4];

K. de bhrí nár aimsigh an Pharlaimint, sa chás seo, aon fhianaise ar fumus persecutionis, i.e. gnéithe fíorasacha a thugann le fios go bhféadfadh sé gurb é rún an nós imeachta dlíthiúil ná dochar a dhéanamh do ghníomhaíocht pholaitiúil an Fheisire agus, dá bhrí sin, do Pharlaimint na hEorpa;

1. á chinneadh díolúine Maria Spyraki a tharscaoileadh

2. á threorú dá hUachtarán an cinneadh seo agus tuarascáil a coiste a chur ar aghaidh láithreach chuig Oifig an Ionchúisitheora Phoiblí Eorpaigh agus chuig Maria Spyraki.

 


FAISNÉIS MAIDIR LE GLACADH SA CHOISTE FREAGRACH

Dáta an ghlactha

23.5.2023

 

 

 

Toradh na vótála críochnaithí

+:

–:

0:

9

6

2

Feisirí a bhí i láthair ag an vótáil chríochnaitheach

Gunnar Beck, Ilana Cicurel, Angel Dzhambazki, Ibán García Del Blanco, Sergey Lagodinsky, Gilles Lebreton, Sabrina Pignedoli, Jiří Pospíšil, Lara Wolters

Comhaltaí ionaid a bhí i láthair ag an vótáil chríochnaitheach

Patrick Breyer, Andrzej Halicki, Emil Radev

Comhaltaí ionaid faoi Riail 209(7) a bhí i láthair ag an vótáil chríochnaitheach

João Albuquerque, Eider Gardiazabal Rubial, Vlad Gheorghe, Liudas Mažylis, Ljudmila Novak

 

 

An nuashonrú is déanaí: 30 Bealtaine 2023
Fógra dlíthiúil - Beartas príobháideachais