RAPPORT dwar il-proposta għal regolament tal-Parlament Ewropew u tal-Kunsill dwar l-użu tal-kapaċità infrastrutturali ferrovjarja fiż-żona ferrovjarja unika Ewropea, li jemenda d-Direttiva 2012/34/UE u li jħassar ir-Regolament (UE) Nru 913/2010

5.3.2024 - (COM(2023)443 – C9‑0304/2023 – 2023/0271(COD)) - ***I

Kumitat għat-Trasport u t-Turiżmu
Rapporteur: Tilly Metz

Emendi

• 001-263 (PDF - 459 KB)
• 001-263 (DOC - 111 KB)

ABBOZZ TA’ RIŻOLUZZJONI LEĠIŻLATTIVA TAL-PARLAMENT EWROPEW

dwar il-proposta għal regolament tal-Parlament Ewropew u tal-Kunsill dwar l-użu tal-kapaċità infrastrutturali ferrovjarja fiż-żona ferrovjarja unika Ewropea, li jemenda d-Direttiva 2012/34/UE u li jħassar ir-Regolament (UE) Nru 913/2010

(COM(2023)443 – C9‑0304/2023 – 2023/0271(COD))

(Proċedura leġiżlattiva ordinarja: l-ewwel qari)

Il-Parlament Ewropew,

– wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2023)443),

– wara li kkunsidra l-Artikolu 294(2) u l-Artikolu 91 tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C9‑0304/2023),

– wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea,

– wara li kkunsidra l-opinjoni tal-Kumitat Ekonomiku u Soċjali Ewropew tal-25 ta’ Ottubru 2023[1],

– wara li kkunsidra l-opinjoni tal-Kumitat tar-Reġjuni ta’ [...][2],

– wara li kkunsidra l-Artikolu 59 tar-Regoli ta’ Proċedura tiegħu,

– wara li kkunsidra r-rapport tal-Kumitat għat-Trasport u t-Turiżmu (A9-0069/2024),

1. Jadotta l-pożizzjoni fl-ewwel qari li tidher hawn taħt;

2. Jitlob lill-Kummissjoni terġa’ tirreferi l-kwistjoni lill-Parlament jekk tibdel il-proposta tagħha, temendaha b’mod sustanzjali jew ikollha l-ħsieb li temendaha b’mod sustanzjali;

3. Jagħti istruzzjonijiet lill-President tiegħu biex tgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali.

Emenda  1

 

Proposta għal regolament

Premessa 2

Test propost mill-Kummissjoni	Emenda
(2) L-Istrateġija għal Mobbiltà Sostenibbli u Intelliġenti15 tistabbilixxi t-tappi biex turi l-perkors tas-sistema Ewropea tat-trasport biex jintlaħqu l-objettivi tal-mobbiltà sostenibbli, intelliġenti u reżiljenti. Din tipprevedi li t-traffiku ferrovarju tal-merkanzija jenħtieġ li jiżdied b’50% sal-2030 u jirdoppja sal-2050; it-traffiku ferrovarju ta’ veloċità għolja jenħtieġ li jirdoppja sal-2030 u jittrippla sal-2050 u l-ivvjaġġar kollettiv skedat sa 500 km jenħtieġ li jkun newtrali għall-karbonju sal-2030 fl-Unjoni. Biex jintlaħqu dawn l-għanijiet, it-trasport ferrovjarju jrid isir aktar attraenti mil-lat ta’ affordabbiltà, affidabbiltà, u servizzi adattati aħjar għall-ħtiġijiet tal-vjaġġaturi u tat-trasportaturi tal-merkanzija.	(2) L-Istrateġija għal Mobbiltà Sostenibbli u Intelliġenti15 tistabbilixxi l-istadji importanti biex turi l-perkors tas-sistema Ewropea tat-trasport biex jintlaħqu l-objettivi tal-mobbiltà sostenibbli, intelliġenti u reżiljenti. Din tipprevedi li t-traffiku ferrovjarju tal-merkanzija jenħtieġ li jiżdied b’50 % sal-2030 u jirdoppja sal-2050; it-traffiku ferrovjarju ta’ veloċità għolja jenħtieġ li jirdoppja sal-2030 u jittrippla sal-2050 u l-ivvjaġġar kollettiv skedat sa 500 km jenħtieġ li jkun newtrali għall-karbonju sal-2030 fl-Unjoni. Biex jintlaħqu dawn l-għanijiet, it-trasport ferrovjarju jrid isir aktar attraenti mil-lat ta’ affordabbiltà, affidabbiltà u aċċessibbiltà, u s-servizzi jridu jkunu adattati aħjar għall-ħtiġijiet tal-vjaġġaturi u tat-trasportaturi tal-merkanzija.
__________________	__________________
15 Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni “Strateġija għal Mobbiltà Sostenibbli u Intelliġenti – inqiegħdu t-trasport Ewropew fit-triq it-tajba għall-futur”, COM(2020) 789 final tad-9 ta’ Diċembru 2020.	15 Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni “Strateġija għal Mobbiltà Sostenibbli u Intelliġenti – inqiegħdu t-trasport Ewropew fit-triq it-tajba għall-futur”, COM(2020) 789 final tad-9 ta’ Diċembru 2020.

Emenda  2

 

Proposta għal regolament

Premessa 2a (ġdida)

Test propost mill-Kummissjoni	Emenda
	(2a) L-għan sottostanti ta’ dan ir-Regolament huwa li tiżdied l-utilizzazzjoni tal-infrastruttura ferrovjarja u b’hekk jiżdied is-sehem modali ferrovjarju. Madankollu, dan ir-Regolament ma jistax jindirizza l-miri tad-dekarbonizzazzjoni u tal-bidla modali tal-Unjoni waħdu. Kemm l-Istati Membri kif ukoll il-Kummissjoni jenħtieġ li jkomplu jaħdmu fuq bosta elementi oħra li jistgħu jgħinu biex ikomplu jiżdiedu kemm il-kapaċità infrastrutturali ferrovjarja kif ukoll il-kapaċità tat-trasport, bħar-raggruppament tal-mogħdijiet ferrovjarji, l-armonizzazzjoni tal-veloċità, il-bidla effiċjenti tal-passiġġieri, l-użu ta’ ferroviji itwal b’żieda fit-tagħbija fuq il-fus, l-introduzzjoni ta’ ERTMS armonizzata madwar l-Ewropa kif ukoll l-operazzjoni awtomatizzata tal-ferroviji.

Emenda  3

 

Proposta għal regolament

Premessa 2b (ġdida)

Test propost mill-Kummissjoni	Emenda
	(2b) L-indirizzar tal-effiċjenza ferrovjarja biex jiżdied l-aspett kompetittiv multimodali bejn modi differenti tat-trasport huwa importanti biex tiġi ffaċilitata bidla modali sostanzjali u biex jintlaħqu l-miri stabbiliti fl-Istrateġija Komprensiva għal Mobbiltà Sostenibbli u Intelliġenti. Għalhekk, jenħtieġ li jiġu kkunsidrati wkoll aktar miżuri biex tiżdied il-kompetittività bil-ferrovija, bħal imposti aktar baxxi għall-aċċess għall-binarji. B’domanda akbar għall-kapaċità ferrovjarja kemm mis-servizzi tat-trasport tal-passiġġieri kif ukoll tal-merkanzija, se jkunu meħtieġa wkoll investimenti biex jitwettqu dawk il-miżuri għat-titjib tal-kapaċità.

Emenda  4

Proposta għal regolament

Premessa 2d (ġdida)

Test propost mill-Kummissjoni	Emenda
	(2d) L-objettivi tal-bidla għall-ferroviji fil-livell tal-UE jeħtieġu miri nazzjonali bbażati fuq pjanijiet nazzjonali konkreti żviluppati mill-Istati Membri b’segwitu ta’ approċċ minn isfel għal fuq.

Ġustifikazzjoni

Mingħajr pjanijiet nazzjonali li l-għan tagħhom huwa li jilħqu l-objettivi ġenerali tal-UE, dawn l-objettivi se jibqgħu biss ambizzjoni mingħajr pjanijiet konkreti realistiċi li jistgħu jiġu mmonitorjati u mmodifikati jekk ikun hemm bżonn.

Emenda  5

 

Proposta għal regolament

Premessa 5

Test propost mill-Kummissjoni	Emenda
(5) Il-ġestjoni tal-kapaċità infrastrutturali ferrovjarja u l-ġestjoni tat-traffiku ferrovjarju huma kruċjali għall-funzjonament tajjeb tas-settur ferrovjarju. L-operazzjoni tas-servizzi tat-trasport ferrovjarju jeħtieġ tiġi ppjanata u kkoordinata bir-reqqa biex il-ferroviji b’karatteristiċi differenti ħafna, bħall-veloċità u d-distanza tal-ibbrejkjar, ikunu jistgħu jikkondividu b’mod sikur l-istess binarji. L-aħjar ġestjoni tal-kapaċità toħloq aktar opportunitajiet għas-servizzi ferrovjarji, u żżid l-affidabbiltà tagħhom. Ir-Regolament jenħtieġ li jipprovdi flessibbiltà biżżejjed lill-meniġers tal-infrastruttura għal ġestjoni effettiva tal-kapaċità filwaqt li jiżgura li l-impriżi ferrovjarji kollha jiġu ttrattati mingħajr diskriminazzjoni fl-aċċess tagħhom għan-network.	(5) Il-ġestjoni tal-kapaċità infrastrutturali ferrovjarja u l-ġestjoni tat-traffiku ferrovjarju huma kruċjali għall-funzjonament tajjeb tas-settur ferrovjarju. L-operazzjoni tas-servizzi tat-trasport ferrovjarju jeħtieġ li tiġi ppjanata u kkoordinata bir-reqqa biex il-ferroviji b’karatteristiċi differenti ħafna, bħall-veloċità u d-distanza tal-ibbrejkjar, ikunu jistgħu jikkondividu b’mod sikur l-istess binarji. L-aħjar ġestjoni tal-kapaċità toħloq aktar opportunitajiet għas-servizzi ferrovjarji, u żżid l-affidabbiltà tagħhom, li huwa rekwiżit partikolarment importanti għaż-żieda fis-suq ta’ ferroviji ta’ billejl kif ukoll l-ambizzjonijiet biex il-merkanzija tinbidel għal merkanzija bil-ferrovija. Ir-Regolament jenħtieġ li jipprovdi flessibbiltà biżżejjed lill-maniġers tal-infrastruttura għal ġestjoni effettiva tal-kapaċità filwaqt li jiżgura li l-impriżi ferrovjarji kollha jiġu ttrattati mingħajr diskriminazzjoni fl-aċċess tagħhom għan-network.

Emenda  6

 

Proposta għal regolament

Premessa 6

Test propost mill-Kummissjoni	Emenda
(6) Id-Direttiva 2012/34/UE tirrikonoxxi d-dritt tal-Istati Membri li ma japplikawx ir-regoli dwar l-allokazzjoni tal-kapaċità infrastrutturali ferrovjarja għal ċerti partijiet tan-network ferrovjarju jew għal ċerti servizzi ferrovjarji, meta din l-esklużjoni mill-kamp ta’ applikazzjoni tad-dritt tal-Unjoni ma tkunx taffettwa l-funzjonament taż-żona ferrovjarja unika Ewropea. Dawn l-esklużjonijiet jenħtieġ li jibqgħu japplikaw u l-Istati Membri jenħtieġ li jibqa’ jkollhom id-dritt li jitolbu dan l-esklużjonijiet fil-futur anke fir-rigward ta’ dan ir-Regolament.	(6) Id-Direttiva 2012/34/UE tirrikonoxxi d-dritt tal-Istati Membri li ma japplikawx ir-regoli dwar l-allokazzjoni tal-kapaċità infrastrutturali ferrovjarja għal ċerti partijiet tan-network ferrovjarju jew għal ċerti servizzi ferrovjarji, meta tali esklużjoni mill-kamp ta’ applikazzjoni tad-dritt tal-Unjoni ma tkunx taffettwa l-funzjonament taż-żona ferrovjarja unika Ewropea. Dawn l-esklużjonijiet, filwaqt li huma strettament limitati, jenħtieġ li jibqgħu japplikaw u l-Istati Membri jenħtieġ li jibqa’ jkollhom id-dritt li jitolbu dan l-esklużjonijiet fil-futur anke fir-rigward ta’ dan ir-Regolament.

Emenda  7

 

Proposta għal regolament

Premessa 7

Test propost mill-Kummissjoni	Emenda
(7) Ir-regoli u l-proċeduri dwar il-ġestjoni tal-kapaċità infrastrutturali ferrovjarja jenħtieġ li jkunu jirriflettu aħjar il-ħtiġijiet tas-segmenti kollha tas-suq ferrovjarju. B’mod partikolari, jenħtieġ li jqisu l-ħtieġa ta’ stabbiltà fit-tul tal-kapaċità disponibbli għas-servizzi tal-passiġġieri, u l-ħtieġa ta’ flessibbiltà fl-immedjat għat-traffiku tal-merkanzija biex twieġeb għad-domanda tas-suq. Għalhekk, il-proċess tal-ġestjoni tal-kapaċità jenħtieġ li ma jibqax ikollu fokus predominantament annwali, iżda jiġi organizzat fi tliet fażijiet sussegwenti ta’ ppjanar strateġiku tal-kapaċità; skedar tas-servizzi ferrovjarji u l-allokazzjoni tal-kapaċità; u adattament u skedar mill-ġdid tal-kapaċità. L-introduzzjoni ta’ fażijiet definiti u strutturati aħjar li jipprevedu l-possibbiltà ta’ ppjanar fit-tul u adattament fi żmien qasir fil-ġestjoni tal-kapaċità, tkun ta’ benefiċċju partikolari għas-servizzi li huma anqas faċli li jiġu ppjanati minn qabel jew li huma aktar kumplessi biex jiġu organizzati, bħall-ferroviji tal-merkanzija u l-ferroviji tal-passiġġieri transfruntieri.	(7) Ir-regoli u l-proċeduri dwar il-ġestjoni tal-kapaċità infrastrutturali ferrovjarja jenħtieġ li jqisu u jissodisfaw il-ħtiġijiet tas-segmenti kollha tas-suq ferrovjarju b’mod mhux diskriminatorju. B’mod partikolari, jenħtieġ li jqisu l-ħtieġa ta’ stabbiltà fit-tul tal-kapaċità disponibbli għas-servizzi tal-passiġġieri, u l-ħtieġa ta’ flessibbiltà fl-immedjat għat-traffiku tal-merkanzija biex twieġeb għad-domanda tas-suq. Għalhekk, il-proċess tal-ġestjoni tal-kapaċità jenħtieġ li ma jibqax ikollu fokus predominantament annwali, iżda jiġi organizzat fi tliet fażijiet sussegwenti ta’ ppjanar strateġiku tal-kapaċità; skedar tas-servizzi ferrovjarji u l-allokazzjoni tal-kapaċità; u adattament u skedar mill-ġdid tal-kapaċità. L-introduzzjoni ta’ fażijiet definiti u strutturati aħjar li jipprevedu l-possibbiltà ta’ ppjanar fit-tul u adattament fi żmien qasir fil-ġestjoni tal-kapaċità, tkun ta’ benefiċċju partikolari għas-servizzi li huma anqas faċli li jiġu ppjanati minn qabel jew li huma aktar kumplessi biex jiġu organizzati, bħall-ferroviji tal-merkanzija u l-ferroviji tal-passiġġieri transfruntieri, inklużi ferroviji ta’ billejl.

Emenda  8

 

Proposta għal regolament

Premessa 8

Test propost mill-Kummissjoni	Emenda
(8) Porzjon dejjem akbar tan-network ferrovjarju tal-Unjoni hu konġestjonat jew qrib li jkun konġestjonat u ma jistax jakkomoda l-ħtiġijiet tal-kapaċità infrastrutturali ferrovjarja tal-applikanti kollha u jappoġġa aktar tkabbir fil-volum tat-trasport ferrovjarju. L-iżvilupp tal-infrastruttura u d-diġitalizzazzjoni, skont l-ispeċifikazzjoni teknika għall-interoperabbiltà żviluppata skont id-Direttiva (UE) 2016/797 tal-Parlament Ewropew u tal-Kunsill, b’mod partikolari s-Sistema Ewropea tal-Ġestjoni tat-Traffiku Ferrovjarju (“ERTMS”), mistennija joħolqu żieda fil-kapaċità disponibbli fi żmien medju u fit-tul. Madankollu, il-meniġers tal-infrastruttura se jkunu meħtieġa jassenjaw prijoritajiet għall-użu tas-sezzjonijiet konġestjonati. Mingħajr preġudizzju għall-prinċipji ġenerali dwar il-prijorità stabbiliti mill-Istati Membri fil-qafas tal-allokazzjoni tal-kapaċità infrastrutturali, il-meniġers tal-infrastruttura jenħtieġ li jieħdu deċiżjonijiet dwar il-prijoritajiet b’metodoloġiji trasparenti u armonizzati li jiċċaraw kif id-deċiżjoni tagħhom qiesu u ġew affettwati minn fatturi soċjali, ekonomiċi u ambjentali.	(8) Porzjon dejjem akbar tan-network ferrovjarju tal-Unjoni hu konġestjonat jew qrib li jkun konġestjonat u ma jistax jakkomoda l-ħtiġijiet tal-kapaċità infrastrutturali ferrovjarja tal-applikanti kollha u jappoġġa aktar tkabbir fil-volum tat-trasport ferrovjarju. L-iżvilupp tal-infrastruttura u d-diġitalizzazzjoni, skont l-ispeċifikazzjoni teknika għall-interoperabbiltà żviluppata skont id-Direttiva (UE) 2016/797 tal-Parlament Ewropew u tal-Kunsill, b’mod partikolari s-Sistema Ewropea tal-Ġestjoni tat-Traffiku Ferrovjarju (“ERTMS”), mistennija joħolqu żieda fil-kapaċità disponibbli fi żmien medju u fit-tul. Madankollu, il-maniġers tal-infrastruttura se jkunu meħtieġa jassenjaw prijoritajiet għall-użu tas-sezzjonijiet konġestjonati. Mingħajr preġudizzju għall-prinċipji ġenerali dwar il-prijorità stabbiliti mill-Istati Membri fil-qafas tal-allokazzjoni tal-kapaċità infrastrutturali, il-maniġers tal-infrastruttura jenħtieġ li jieħdu deċiżjonijiet dwar il-prijoritajiet b’metodoloġiji trasparenti u armonizzati li jiċċaraw kif id-deċiżjoni tagħhom qiesu u ġew affettwati minn fatturi soċjali, ekonomiċi u ambjentali. Dawn il-kriterji soċjoekonomiċi u ambjentali jenħtieġ li jkunu bbażati fuq metodi aċċettati u l-aqwa għarfien disponibbli. Għalhekk, jenħtieġ li l-Kummissjoni tingħata s-setgħa li tadotta att delegat li jistabbilixxi l-proċeduri, il-kriterji u l-metodoloġiji. Meta tħejji dak l-att delegat, jenħtieġ li l-Kummissjoni tikkoopera man-Network Ewropew tal-Maniġers tal-Infrastruttura (ENIM) u mal-Aġenzija tal-Unjoni Ewropea għall-Ferroviji (ERA) stabbilita bir-Regolament (UE) 2016/7961a.
	__________________
	1a Ir-Regolament (UE) 2016/796 tal-Parlament Ewropew u tal-Kunsill tal-11 ta’ Mejju 2016 dwar l-Aġenzija tal-Unjoni Ewropea għall-Ferroviji u li jħassar ir-Regolament (KE) Nru 881/2004 (ĠU L 138, 26.5.2016, p. 1).

Emenda  9

 

Proposta għal regolament

Premessa 8a (ġdida)

Test propost mill-Kummissjoni	Emenda
	(8a) Il-kapaċità tal-infrastruttura ferrovjarja eżistenti mhijiex biżżejjed biex jintlaħqu l-objettivi tal-bidla għall-ferroviji tal-Unjoni għall-2030 u l-2050. Fil-fatt bejn 1990 u 2021 in-network ferrovjarju fl-Unjoni naqas b’aktar minn 12 000 km. Il-kisba tal-objettivi tal-bidla modali tal-Unjoni tiddependi primarjament fuq iż-żieda fl-effiċjenza ferrovjarja u t-tisħiħ tal-kapaċità ferrovjarja, b’din il-kapaċità ferrovjarja teħtieġ investimenti għall-manutenzjoni, it-tiġdid u l-kostruzzjoni ġdida tal-infrastruttura ferrovjarja. Dan jinkludi l-ingranaġġ tal-baġits nazzjonali, il-Faċilità Nikkollegaw l-Ewropa (FNE) stabbilita stabbilit permezz tar-Regolament (UE) 2021/1153 tal-Parlament Ewropew u tal-Kunsill1a, u investimenti privati biex jiġu indirizzati r-rabtiet neqsin kruċjali u jitnaqqsu l-punti ta’ konġestjoni, kif ukoll livelli xierqa ta’ finanzjament għall-manutenzjoni. B’mod partikolari, l-Istati Membri jenħtieġ li jipprevjenu d-degradazzjoni tal-infrastruttura ferrovjarja u jenħtieġ li jimminimizzaw l-impatt tar-restrizzjonijiet possibbli tal-kapaċità billi jiżguraw finanzjament fit-tul adegwat, stabbli u f’waqtu permezz ta’ ftehimiet ta’ prestazzjoni pluriennali li jenħtieġ li jiġu konklużi bejn l-Istat Membru u l-maniġer tal-infrastruttura għall-perjodu ta’ mill-inqas ħames snin.
	__________________
	1a Ir-Regolament (UE) 2021/1153 tal-Parlament Ewropew u tal-Kunsill tas-7 ta’ Lulju 2021 li jistabbilixxi l-Faċilità Nikkollegaw l-Ewropa u li jħassar ir-Regolamenti (UE) Nru 1316/2013 u (UE) Nru 283/2014 (ĠU L 249, 14.7.2011, p. 38).

Emenda  10

 

Proposta għal regolament

Premessa 9

Test propost mill-Kummissjoni	Emenda
(9) L-ippjanar strateġiku tal-kapaċità jenħtieġ li jtejjeb l-użu tal-infrastruttura ferrovjarja billi jantiċipa d-domanda għas-servizzi ferrovjarji u jqis l-iżvilupp, it-tiġdid u l-manutenzjoni ppjanati tal-infrastruttura. Jenħtieġ li jiżgura li l-kapaċità infrastrutturali ferrovjarja tiġi allokata b’mod li jimmassimizza l-valur tas-servizzi ferrovjarji għas-soċjetà. Jenħtieġ li l-meniġers tal-infrastruttura jiżguraw li l-ippjanar strateġiku jipprovdi livell dejjem akbar ta’ dettalji dwar il-kapaċità disponibbli u li dan ikun il-bażi għall-allokazzjoni tal-kapaċità.	(9) L-ippjanar strateġiku tal-kapaċità jenħtieġ li jtejjeb l-użu tal-infrastruttura ferrovjarja billi jantiċipa d-domanda għas-servizzi ferrovjarji u jqis l-iżvilupp, it-tiġdid u l-manutenzjoni ppjanati tal-infrastruttura. Jenħtieġ li jiżgura li l-kapaċità infrastrutturali ferrovjarja tiġi allokata b’mod li jimmassimizza l-valur tas-servizzi ferrovjarji għas-soċjetà filwaqt li jitqiesu l-impatti soċjoekonomiċi u ambjentali. Jenħtieġ li l-maniġers tal-infrastruttura jiżguraw li l-ippjanar strateġiku jipprovdi livell dejjem akbar ta’ dettalji dwar il-kapaċità disponibbli u li dan ikun il-bażi għall-allokazzjoni tal-kapaċità. L-applikanti, il-Pjattaforma Ferrovjarja Ewropea, il-klijenti tas-servizzi tat-trasport ferrovjarju u l-assoċjazzjonijiet tagħhom, l-awtoritajiet pubbliċi tal-Unjoni u nazzjonali jenħtieġ li jiġu kkonsultati matul l-ippjanar strateġiku, u jenħtieġ li jkollhom l-opportunità li jipprovdu kontribut dwar l-istudju “l-Analiżi tal-iżviluppi mistennija fis-suq tat-trasport” kif imsemmi fl-Artikolu 15” u li joffru kummenti indipendenti dwar is-sejbiet.

Emenda  11

 

Proposta għal regolament

Premessa 11

Test propost mill-Kummissjoni	Emenda
(11) Meta jallokaw il-kapaċità, il-meniġers tal-infrastruttura jenħtieġ li jaderixxu mal-pjanijiet strateġiċi tal-provvista tal-kapaċità u fl-istess ħin jiżguraw li l-kapaċità tiġi allokata skont id-domanda tas-suq b’mod ġust u nondiskriminatorju. Għal dak il-għan, xi talbiet għall-kapaċità jistgħu jiġu rifjutati u l-pjan tal-provvista tal-kapaċità jrid jiġi aġġornat regolarment biex ikun jirrifletti d-domanda attwali.	(11) Meta jallokaw il-kapaċità, il-maniġers tal-infrastruttura jenħtieġ li jaderixxu mal-pjanijiet strateġiċi tal-provvista tal-kapaċità u fl-istess ħin jiżguraw li l-kapaċità tiġi allokata skont id-domanda tas-suq b’mod ġust u nondiskriminatorju. Għal dak il-għan, xi talbiet għall-kapaċità jistgħu jiġu offruti kapaċità addizzjonali jew, jekk ma teżistix possibbiltà oħra, jiġu rifjutati u l-pjan tal-provvista tal-kapaċità jrid jiġi aġġornat regolarment biex ikun jirrifletti d-domanda attwali.

Emenda  12

 

Proposta għal regolament

Premessa 11a (ġdida)

Test propost mill-Kummissjoni	Emenda
	(11a) F’diversi swieq ferrovjarji nazzjonali, il-maniġer tal-infrastruttura huwa parti minn kumpanija azzjonarja integrata vertikalment b’operatur wieħed jew aktar tat-trasport tal-passiġġieri u tal-merkanzija. Filwaqt li tiġi allokata kapaċità lil dawn l-impriżi ferrovjarji, huwa tal-akbar importanza għall-funzjonament xieraq tas-suq li l-kapaċità tiġi allokata b’mod ġust, raġonevoli u mhux diskriminatorju. B’mod partikolari, informazzjoni sensittiva kondiviża mal-maniġer tal-infrastruttura bħala parti mill-proċess ta’ allokazzjoni tal-kapaċità jenħtieġ li titqies bħala kunfidenzjali.

Emenda  13

 

Proposta għal regolament

Premessa 12

Test propost mill-Kummissjoni	Emenda
(12) Is-segmenti differenti tas-suq ferrovjarju għandhom kapaċitajiet differenti biex jantiċipaw il-ħtiġijiet tal-kapaċità infrastrutturali ferrovjarja tagħhom. Xi fornituri tas-servizzi tal-merkanzija, b’mod partikolari, jaf ma jkunux jistgħu jidentifikaw il-ħtiġijiet tal-kapaċità tagħhom fil-ħin biex jiġu inklużi fl-iskeda operatorja, jiġifieri fil-pjan annwali għall-movimenti ferrovjarji u tal-vetturi ferrovjarji, u jaf ma jkunux joqogħdu fl-iskeda annwali tiegħu. Għalhekk, il-meniġers tal-infrastruttura jenħtieġ li jkunu jistgħu joffru kapaċità ta’ kwalità u kwantità biżżejjed anke għas-servizzi ferrovjarji li jkollhom domanda instabbli, li jiġu organizzati fi żmien relattivament qasir, li jkunu jinkludu aktar minn vjaġġ ferrovjarju wieħed, u li jistgħu jitħaddmu kemm-il darba għal perjodu taż-żmien li ma jistax jaħbat mat-tul tal-perjodu tal-iskeda operatorja.	(12) Is-segmenti differenti tas-suq ferrovjarju għandhom kapaċitajiet differenti biex jantiċipaw il-ħtiġijiet tal-kapaċità infrastrutturali ferrovjarja tagħhom. Xi fornituri tas-servizzi tal-merkanzija, b’mod partikolari, jaf ma jkunux jistgħu jidentifikaw il-ħtiġijiet tal-kapaċità tagħhom fil-ħin biex jiġu inklużi fl-iskeda operatorja, li qiegħda fil-pjan annwali għall-movimenti ferrovjarji u tal-vetturi ferrovjarji, u jaf ma jkunux joqogħdu fl-iskeda annwali tiegħu. Għalhekk, il-maniġers tal-infrastruttura jenħtieġ li jkunu jistgħu joffru kapaċità ta’ kwalità u kwantità biżżejjed anke għas-servizzi ferrovjarji li jkollhom domanda instabbli, li jiġu organizzati fi żmien relattivament qasir, li jkunu jinkludu aktar minn vjaġġ ferrovjarju wieħed, u li jistgħu jitħaddmu kemm-il darba għal perjodu taż-żmien li ma jistax jaħbat mat-tul tal-perjodu tal-iskeda operatorja. Dan it-tip ta’ kapaċità offruta jista’ jiġi offrut ukoll f’pakkett ta’ mogħdijiet ferrovjarji mhux riżervati minimi kkalkolati minn qabel li mbagħad jistgħu jiġu allokati fi żmien qasir.

Emenda  14

 

Proposta għal regolament

Premessa 12a (ġdida)

Test propost mill-Kummissjoni	Emenda
	(12a) Fl-Istati Membri jintużaw prattiki differenti għall-ippjanar tal-iskeda u dawn il-kunċetti jenħtieġ li jitqiesu fl-ippjanar strateġiku tal-kapaċità. Dawn il-prattiki jeħtieġu aktar koordinazzjoni bejn il-maniġers tal-infrastruttura bejn il-fruntieri, b’mod partikolari meta l-maniġer tal-infrastruttura jippjana minn qabel il-kapaċità billi juża skedi ċikliċi integrati.

Emenda  15

 

Proposta għal regolament

Premessa 14

Test propost mill-Kummissjoni	Emenda
(14) Parti sinifikanti mit-trasport ferrovarju tal-merkanzija hu fuq distanzi twal u jeħtieġ koordinazzjoni transfruntiera tal-meniġers tal-infrastruttura. L-għan ta’ politika li jiżdied it-traffiku ferrovjarju jiddependi wkoll fuq it-tkabbir tas-servizzi transfruntieri tal-passiġġieri. Biex jiġi ffaċilitat u promoss traffiku dejjem aktar transfruntier fiż-żona ferrovjarja unika Ewropea, jeħtieġ ikunu żgurati konsistenza u armonizzazzjoni akbar tar-regoli u tal-proċeduri dwar il-ġestjoni tal-kapaċità infrastrutturali ferrovjarja. Għaldaqstant, ir-rwol tan-Network Ewropew tal-Meniġers tal-Infrastruttura jenħtieġ li jissaħħaħ biex jiġi fdat bl-iżvilupp ta’ linji gwida għall-implimentazzjoni armonizzata ta’ dan ir-Regolament dwar il-proċeduri u l-metodoloġiji għall-ġestjoni tal-kapaċità infrastrutturali ferrovjarja u bil-koordinazzjoni attiva tal-kapaċità u t-traffiku transfruntieri. B’mod partikolari, in-Network Ewropew tal-Meniġers tal-Infrastruttura jenħtieġ li jiżviluppa oqfsa Ewropej għall-ġestjoni tal-kapaċità, għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet, u għar-rieżami tal-prestazzjoni.	(14) Parti sinifikanti mit-trasport ferrovjarju tal-merkanzija hu fuq distanzi twal u jeħtieġ koordinazzjoni transfruntiera tal-maniġers tal-infrastruttura. L-għan ta’ politika li jiżdied it-traffiku ferrovjarju jiddependi wkoll fuq it-tkabbir tas-servizzi transfruntieri tal-passiġġieri. Biex jiġi ffaċilitat u promoss traffiku dejjem aktar transfruntier fiż-żona ferrovjarja unika Ewropea, jeħtieġ li jkunu żgurati konsistenza u armonizzazzjoni akbar tar-regoli u tal-proċeduri dwar il-ġestjoni tal-kapaċità infrastrutturali ferrovjarja. Għaldaqstant, ir-rwol tan-Network Ewropew tal-Maniġers tal-Infrastruttura jenħtieġ li jissaħħaħ biex jiġi fdat bl-iżvilupp ta’ linji gwida għall-implimentazzjoni armonizzata ta’ dan ir-Regolament dwar il-proċeduri u l-metodoloġiji għall-ġestjoni tal-kapaċità infrastrutturali ferrovjarja u bil-koordinazzjoni attiva tal-kapaċità u t-traffiku transfruntieri. B’mod partikolari, in-Network Ewropew tal-Maniġers tal-Infrastruttura jenħtieġ li jiżviluppa oqfsa Ewropej għall-ġestjoni tal-kapaċità, għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet, u għar-rieżami tal-prestazzjoni. L-impriżi ferrovjarji, l-applikanti u partijiet ikkonċernati operazzjonali oħra jenħtieġ li jiġu kkonsultati wkoll fl-iżvilupp ta’ dawn l-oqfsa Ewropej.

Emenda  16

 

Proposta għal regolament

Premessa 15

Test propost mill-Kummissjoni	Emenda
(15) L-oqfsa Ewropej żviluppati min-Network Ewropew tal-Meniġers tal-Infrastruttura jenħtieġ li jipprovdu linji gwida li l-meniġers tal-infrastruttura jeħtieġ jagħmlu l-almu kollu tagħhom biex isegwu, filwaqt li jerfgħu r-responsabbiltà għad-deċiżjonijiet operazzjonali tagħhom. Jenħtieġ li l-meniġers tal-infrastruttura jagħtu raġuni għal kull devjazzjoni mill-oqfsa żviluppati min-Network Ewropew tal-Meniġers tal-Infrastruttura. Dan l-approċċ jitqies li jsib il-bilanċ bejn il-ħtiġijiet tal-koordinazzjoni u l-applikazzjoni ta’ approċċi armonizzati fiż-żona ferrovjarja unika Ewropea, u l-ħtieġa li l-proċeduri u l-metodoloġiji jiġu adattati għaċ-ċirkostanzi speċifiċi ta’ żoni ġeografiċi partikolari. Wara ħames snin ta’ applikazzjoni ta’ dan ir-Regolament, il-Kummissjoni jenħtieġ li tivvaluta jekk l-istat ta’ konverġenza tal-proċeduri u tal-metodoloġiji u l-effettività tal-proċess ta’ koordinazzjoni bejn il-meniġers tal-infrastruttura, kif ukoll il-progress ġenerali għall-istabbiliment taż-żona ferrovjarja unika Ewropea, jiġġustifikawx l-introduzzjoni ta’ leġiżlazzjoni sekondarja biex tissostitwixxi elementi tal-oqfsa Ewropej żviluppati min-Network Ewropew tal-Meniġers tal-Infrastruttura.	(15) L-oqfsa Ewropej żviluppati min-Network Ewropew tal-Maniġers tal-Infrastruttura jenħtieġ li jipprovdu linji gwida li l-maniġers tal-infrastruttura jeħtieġ li jagħmlu l-almu kollu tagħhom biex isegwu, filwaqt li jerfgħu r-responsabbiltà għad-deċiżjonijiet operazzjonali tagħhom. Jenħtieġ li l-maniġers tal-infrastruttura jiġġustifikaw kull devjazzjoni mill-oqfsa żviluppati min-Network Ewropew tal-Maniġers tal-Infrastruttura, li jenħtieġ li jiġu permessi biss f’każijiet eċċezzjonali u jiġu soġġetti għal approvazzjoni mill-korp regolatorju ferrovjarju nazzjonali. Dan l-approċċ jitqies li jsib il-bilanċ bejn il-ħtiġijiet tal-koordinazzjoni u l-applikazzjoni ta’ approċċi armonizzati fiż-żona ferrovjarja unika Ewropea, u l-ħtieġa li l-proċeduri u l-metodoloġiji jiġu adattati għaċ-ċirkostanzi speċifiċi ta’ żoni ġeografiċi partikolari. Wara ħames snin ta’ applikazzjoni ta’ dan ir-Regolament, il-Kummissjoni jenħtieġ li tivvaluta jekk l-istat ta’ konverġenza tal-proċeduri u tal-metodoloġiji u l-effettività tal-proċess ta’ koordinazzjoni bejn il-maniġers tal-infrastruttura, kif ukoll il-progress ġenerali għall-istabbiliment taż-żona ferrovjarja unika Ewropea, jiġġustifikawx l-introduzzjoni ta’ leġiżlazzjoni sekondarja biex tissostitwixxi elementi tal-oqfsa Ewropej żviluppati min-Network Ewropew tal-Maniġers tal-Infrastruttura.

Emenda  17

 

Proposta għal regolament

Premessa 15a (ġdida)

Test propost mill-Kummissjoni	Emenda
	(15a) Biex jiġi żgurat network ferrovjarju Ewropew mingħajr interruzzjoni u jissaħħaħ it-traffiku ferrovjarju transfruntier f’diversi networks kemm għat-trasport tal-merkanzija kif ukoll tal-passiġġieri, jenħtieġ li jiġu assenjati kompiti ġodda lill-ERA. Jenħtieġ li l-ERA tikkoopera mill-qrib mal-ENIM u mal-Koordinatur tan-Network fit-twettiq tal-kompiti l-ġodda tagħha.

Emenda  18

 

Proposta għal regolament

Premessa 15b (ġdida)

Test propost mill-Kummissjoni	Emenda
	(15b) Ir-riżorsi tal-ERA mhumiex biżżejjed fi-dawl tal-firxa taż-żieda proposta fil-kompiti tal-Aġenzija u l-iskala tal-ambizzjonijiet tal-Unjoni fi ħdan dan ir-Regolament. Għalhekk, l-ammont ta’ riżorsi finanzjarji ddedikat għat-twettiq tal-kompiti tal-ERA fl-ambitu ta’ dan ir-Regolament jenħtieġ li jittieħed mill-marġnijiet mhux allokati skont il-limiti massimi tal-Qafas Finanzjarju Pluriennali (QFP) jew jiġi mmobilizzat permezz tal-istrumenti speċjali mhux tematiċi tal-QFP. Peress li l-proposta tal-Kummissjoni għal reviżjoni tal-QFP ma saħħitx il-baġit tal-ERA, iż-żieda fl-approprjazzjonijiet għall-ERA ma tistax tiġi kkumpensata bi tnaqqis kumpensatorju tal-infiq ipprogrammat taħt l-FNE Trasport jew twassal għal tnaqqis tal-finanzjament għal kwalunkwe programm ieħor tal-Unjoni.

Emenda  19

 

Proposta għal regolament

Premessa 17

Test propost mill-Kummissjoni	Emenda
(17) L-operazzjoni tal-infrastruttura ferrovjarja mhux biss teħtieġ kooperazzjoni mill-qrib bejn il-meniġers tal-infrastruttura, iżda anki interazzjoni qawwija mal-impriżi ferrovjarji u ma’ partijiet ikkonċernati oħra involuti direttament fl-operazzjonijiet tat-trasport ferrovjarju u multimodali u loġistiċi. Għalhekk, jeħtieġ tiġi prevista koordinazzjoni strutturata bejn il-meniġers tal-infrastruttura u partijiet ikkonċernati oħra.	(17) L-operazzjoni tal-infrastruttura ferrovjarja mhux biss teħtieġ kooperazzjoni mill-qrib bejn il-maniġers tal-infrastruttura, iżda anki interazzjoni qawwija mal-impriżi ferrovjarji u ma’ partijiet ikkonċernati oħra involuti direttament fl-operazzjonijiet tat-trasport ferrovjarju u multimodali u loġistiċi. Għalhekk, jeħtieġ li tiġi prevista koordinazzjoni strutturata bejn il-maniġers tal-infrastruttura u partijiet ikkonċernati oħra. Biex jissaħħaħ ir-rwol tal-Impriżi Ferrovjarji u tal-applikanti, l-Pjattaforma Ferrovjarja Ewropea hija stabbilita bħala korp konsultattiv għall-ENIM. L-operaturi tal-faċilitajiet tas-servizzi u t-terminals, partijiet ikkonċernati tal-kapaċità multimodali, bħal portijiet tal-baħar u tal-passaġġi fuq l-ilma intern u s-sidien ta’ faċilitajiet tas-servizzi oħra relatati mal-ferroviji, jistgħu wkoll ikunu parti mill-Pjattaforma Ferrovjarja Ewropea. L-ENIM għandu jikkonsulta lill-Pjattaforma Ferrovjarja Ewropea qabel jipprepara l-adozzjoni tal-oqfsa Ewropej għall-Ġestjoni tal-Kapaċità, il-Ġestjoni tat-Traffiku u l-Ġestjoni tal-Prestazzjoni. Barra minn hekk, il-Pjattaforma Ferrovjarja Ewropea tista’ tipprovdi lill-ENIM ħarsa aktar mill-viċin tal-iżviluppi tas-suq u tista’ toħroġ ukoll opinjonijiet fuq inizjjativa proprja dwar kwalunkwe proposta jew deċiżjoni mill-ENIM u mill-ERA.

Emenda  20

 

Proposta għal regolament

Premessa 18

Test propost mill-Kummissjoni	Emenda
(18) L-affidabbiltà tas-servizzi ferrovjarji hi wieħed mill-aktar aspetti apprezzati mill-klijenti ferrovjarji. L-affidabbiltà tal-iskedi hi wkoll aspett kritiku għall-funzjonament bla xkiel tas-sistema ferrovjarja, li tinvolvi interazzjonijiet qawwija bejn is-servizzi u l-esternalitajiet tan-network. Għal dik ir-raġuni, id-devjazzjonijiet mill-iskeda jenħtieġ li jkunu limitati għall-minimu meħtieġ. Barra minn hekk, jenħtieġ li tiddaħħal sistema ta’ inċentivi adegwati li tippromwovi t-twettiq tal-impenji mill-meniġers tal-infrastruttura, mill-impriżi ferrovjarji u minn partijiet ikkonċernati rilevanti oħra. Dawk l-inċentivi jenħtieġ li jkollhom natura ekonomika u mhux ekonomika.	(18) L-affidabbiltà tas-servizzi ferrovjarji hi wieħed mill-aktar aspetti apprezzati mill-klijenti ferrovjarji, u mhux l-anqas rekwiżit kritiku tas-suq tal-ferroviji ta’ billejl li qed jerġa’ jiżviluppa, fejn il-klijenti u l-applikanti ferrovjarji jeħtieġ li jkunu jafu sew minn qabel kif jistgħu jaħdmu s-servizzi tagħhom. L-affidabbiltà tal-iskedi hi wkoll aspett kritiku għall-funzjonament bla xkiel tas-sistema ferrovjarja, li tinvolvi interazzjonijiet qawwija bejn is-servizzi u l-esternalitajiet tan-network. Għal dik ir-raġuni, id-devjazzjonijiet mill-iskeda jenħtieġ li jkunu limitati għall-minimu meħtieġ. Barra minn hekk, jenħtieġ li tiddaħħal sistema ta’ inċentivi adegwati li tippromwovi t-twettiq tal-impenji mill-maniġers tal-infrastruttura, mill-impriżi ferrovjarji, mill-operaturi ta’ faċilitajiet tas-servizzi u minn partijiet ikkonċernati rilevanti oħra. Dawk l-inċentivi jenħtieġ li jkollhom natura ekonomika u mhux ekonomika.

Emenda  21

 

Proposta għal regolament

Premessa 19

Test propost mill-Kummissjoni	Emenda
(19) Il-monitoraġġ kontinwu tal-kwalità tal-infrastruttura ferrovjarja u tas-servizzi tat-trasport hu prekundizzjoni biex titjieb il-prestazzjoni ta’ dawn is-servizzi. Għalhekk jeħtieġ tiġi stabbilita sistema trasparenti u oġġettiva ta’ indikaturi li tipprovdi rispons dwar aspetti tal-prestazzjoni li huma rilevanti għall-partijiet ikkonċernati operazzjonali differenti u għall-klijenti finali tas-servizzi tat-trasport ferrovjarju. Il-funzjoni ewlenija ta’ dik is-sistema jenħtieġ li tiffoka fuq il-monitoraġġ tat-twettiq tal-impenji magħmula mill-partijiet ikkonċernati operazzjonali u l-progress fil-prestazzjoni maż-żmien filwaqt li jitqiesu ċ-ċirkostanzi u l-karatteristiċi differenti fi ħdan is-settur ferrovjarju. Għall-istabbiliment ta’ din is-sistema u l-analiżi tal-output tagħha, il-Kummissjoni jenħtieġ li tkun tista’ tiddependi fuq esperti indipendenti fil-forma ta’ Korp tar-Rieżami tal-Prestazzjoni. Dan il-korp jenħtieġ li jkun jista’ jagħti parir indipendenti lill-Kummissjoni fl-oqsma kollha li jinfluwenzaw il-prestazzjoni tas-servizzi ferrovjarji u l-ġestjoni tal-infrastruttura.	(19) Il-monitoraġġ kontinwu tal-kwalità tal-infrastruttura ferrovjarja u tas-servizzi tat-trasport hu prekundizzjoni biex titjieb il-prestazzjoni ta’ dawn is-servizzi. Għalhekk, il-maniġers tal-infrastruttura jenħtieġ li jimmonitorjaw u jivvalutaw il-prestazzjoni tas-servizzi tal-infrastruttura ferrovjarja u tas-servizzi tat-trasport ferrovjarju. Il-maniġers tal-infrastruttura, meta jistabbilixxu l-miri ta’ prestazzjoni tagħhom stess fil-pjan imsemmi fl-Artikolu 8(3) tad-Direttiva 2012/34/UE, jenħtieġ li jikkonsultaw lir-regolaturi nazzjonali, lill-ministeri nazzjonali u lill-Kummissjoni sabiex jiżguraw li dawk il-miri jkunu konsistenti mal-miri ta’ prestazzjoni tal-Unjoni. Jeħtieġ ukoll li tiġi stabbilita sistema trasparenti u oġġettiva ta’ indikaturi li tipprovdi rispons dwar aspetti tal-prestazzjoni li huma rilevanti għall-partijiet ikkonċernati operazzjonali differenti u għall-klijenti finali tas-servizzi tat-trasport ferrovjarju. Il-funzjoni ewlenija ta’ tali sistema jenħtieġ li tiffoka fuq il-monitoraġġ tat-twettiq tal-impenji magħmula mill-partijiet ikkonċernati operazzjonali u l-progress fil-prestazzjoni maż-żmien filwaqt li jitqiesu ċ-ċirkostanzi u l-karatteristiċi differenti fi ħdan is-settur ferrovjarju. Għall-istabbiliment ta’ tali sistema u l-analiżi tal-output tagħha, il-Kummissjoni u l-ERA jenħtieġ li jkunu jistgħu jiddependu minn esperti indipendenti b’għarfien profond tas-settur ferrovjarju fil-forma ta’ Korp tar-Rieżami tal-Prestazzjoni. Dan il-korp jenħtieġ li jkun jista’ jagħti parir espert indipendenti lill-Kummissjoni u lill-ERA fl-oqsma kollha li jinfluwenzaw il-prestazzjoni tas-servizzi ferrovjarji u l-ġestjoni tal-infrastruttura.

Emenda  22

 

Proposta għal regolament

Premessa 20

Test propost mill-Kummissjoni	Emenda
(20) Biex titjieb il-prestazzjoni tas-servizzi tal-infrastruttura ferrovjarja fiż-żona ferrovjarja unika Ewropea, jenħtieġ li l-meniġers tal-infrastruttura, b’kooperazzjoni mill-qrib mal-Kummissjoni, il-Korp tar-Rieżami tal-Prestazzjoni u l-partijiet ikkonċernati rilevanti, jistabbilixxu u jimplimentaw qafas komuni għar-rieżami tal-prestazzjoni. Dan il-qafas jenħtieġ li jiżgura li l-meniġers tal-infrastruttura kollha tal-UE jużaw prinċipji u metodoloġiji komuni għall-kejl tal-prestazzjoni skont indikaturi miftiehma. Il-qafas jenħtieġ li jippermetti l-identifikazzjoni tan-nuqqasijiet fil-prestazzjoni fuq in-network ferrovjarju tal-UE. Jenħtieġ li dan jiżgura li l-meniġers tal-infrastruttura jistabbilixxu objettivi tal-prestazzjoni b’mod li jqis l-ispeċifiċitajiet tan-network li jimmaniġġaw, u fl-istess ħin jiżgura koerenza fl-identifikazzjoni tal-aktar nuqqasijiet rilevanti fil-prestazzjoni. Il-qafas jenħtieġ li jippermetti lill-meniġers tal-infrastruttura jikkooperaw fil-livell tal-UE biex jinstabu miżuri li jindirizzaw in-nuqqasijiet fil-prestazzjoni u jżommu rendikont tal-impatt tagħhom. Jenħtieġ li l-meniġers tal-infrastruttura, li jaħdmu flimkien fin-Network Ewropew għall-Meniġers tal-Infrastruttura u filwaqt li jqisu l-opinjoni tal-Korp tar-Rieżami tal-Prestazzjoni u tal-Kummissjoni, jirrevedu dan il-qafas regolarment biex jiżguraw li jkun adattat għall-iskop tiegħu.	(20) Biex titjieb il-prestazzjoni tas-servizzi tal-infrastruttura ferrovjarja fiż-żona ferrovjarja unika Ewropea, jenħtieġ li l-maniġers tal-infrastruttura, b’kooperazzjoni mill-qrib mal-Kummissjoni, l-ERA, il-Korp tar-Rieżami tal-Prestazzjoni u l-partijiet ikkonċernati rilevanti, jimplimentaw qafas komuni għar-rieżami tal-prestazzjoni. Dan il-qafas jenħtieġ li jiżgura li l-maniġers tal-infrastruttura kollha tal-UE jużaw prinċipji u metodoloġiji komuni għall-kejl tal-prestazzjoni skont indikaturi miftiehma. Il-qafas jenħtieġ li jippermetti l-identifikazzjoni tan-nuqqasijiet fil-prestazzjoni fuq in-network ferrovjarju tal-UE. Jenħtieġ li dan jiżgura li l-maniġers tal-infrastruttura jistabbilixxu objettivi tal-prestazzjoni b’mod li jqis l-ispeċifiċitajiet tan-network li jimmaniġġaw, u fl-istess ħin jiżgura koerenza fl-identifikazzjoni tal-aktar nuqqasijiet rilevanti fil-prestazzjoni. Il-qafas jenħtieġ li jippermetti lill-maniġers tal-infrastruttura jikkooperaw fil-livell tal-UE, inkluż fl-ERA biex jinstabu miżuri li jindirizzaw in-nuqqasijiet fil-prestazzjoni u jżommu rendikont tal-impatt tagħhom. Jenħtieġ li l-maniġers tal-infrastruttura, li jaħdmu flimkien mal-ERA fin-Network Ewropew għall-Maniġers tal-Infrastruttura u filwaqt li jqisu l-opinjoni tal-Korp tar-Rieżami tal-Prestazzjoni u tal-Kummissjoni, jirrieżaminaw dan il-qafas regolarment biex jiżguraw li jkun adattat għall-iskop tiegħu.

Emenda  23

 

Proposta għal regolament

Premessa 22

Test propost mill-Kummissjoni	Emenda
(22) Jenħtieġ li l-korpi regolatorji ferrovjarji jikkooperaw fil-livell tal-Unjoni biex jiżguraw l-applikazzjoni koerenti tal-qafas regolatorju u t-trattament konsistenti tal-applikanti fiż-żona ferrovjarja unika Ewropea. Jenħtieġ li jagħmlu dan permezz tan-Network Ewropew tal-Korpi Regolatorji Ferrovjarji biex jiżviluppaw prattiki komuni għat-teħid tad-deċiżjonijiet li qed jingħataw is-setgħa għalihom b’dan ir-Regolament. Għal dak il-għan, in-Network Ewropew tal-Korpi Regolatorji Ferrovjarji jenħtieġ li jwettaq kompiti tal-koordinazzjoni u jadotta rakkomandazzjonijiet u opinjonijiet mhux vinkolanti, li jenħtieġ li ma jkunux jaffettwaw il-kompetenzi tal-korpi regolatorji ferrovjarji jew tal-meniġers tal-infrastruttura.	(22) Jenħtieġ li l-korpi regolatorji ferrovjarji jikkooperaw fil-livell tal-Unjoni biex jiżguraw l-applikazzjoni koerenti tal-qafas regolatorju u t-trattament konsistenti tal-applikanti fiż-żona ferrovjarja unika Ewropea. Jenħtieġ li jagħmlu dan permezz tan-Network Ewropew tal-Korpi Regolatorji Ferrovjarji (ENRRB) biex jiżviluppaw prattiki komuni għat-teħid tad-deċiżjonijiet li qed jingħataw is-setgħa għalihom b’dan ir-Regolament. Għal dak il-għan, l-ENRRB jenħtieġ li jwettaq kompiti tal-koordinazzjoni u jadotta rakkomandazzjonijiet u opinjonijiet mhux vinkolanti, li jenħtieġ li ma jkunux jaffettwaw il-kompetenzi tal-korpi regolatorji ferrovjarji jew tal-maniġers tal-infrastruttura. L-ENRRB jenħtieġ li jivverifika l-kompatibbiltà tal-oqfsa Ewropej mal-objettivi regolatorji tar-Regolament. Is-superviżjoni regolatorja jenħtieġ li tkun imfassla b’tali mod li d-deċiżjonijiet nazzjonali ma jkunux jistgħu jimminaw il-proċeduri armonizzati deskritti fl-oqfsa Ewropej, sakemm ma jkunx previst mod ieħor f’dan ir-Regolament.

Emenda  24

 

Proposta għal regolament

Premessa 23

Test propost mill-Kummissjoni	Emenda
(23) Il-ġestjoni effiċjenti tal-kapaċità ferrovjarja u tat-traffiku teħtieġ l-iskambju ta’ data u informazzjoni bejn il-meniġers tal-infrastruttura, l-applikanti u partijiet ikkonċernati operazzjonali oħra. Dan l-iskambju jista’ jkun konsiderevolment aktar effettiv u effiċjenti bl-appoġġ ta’ għodod diġitali interoperabbli u, meta possibbli, bl-awtomatizzazzjoni. Għalhekk, l-ispeċifikazzjonijiet għall-interoperabbiltà jenħtieġ li jiġu implimentati bħala prijorità u jiġu żviluppati aktar biex ikunu jlaħħqu mal-iżviluppi teknoloġiċi u mal-proċessi l-ġodda ppreżentati f’dan ir-Regolament.	(23) Il-ġestjoni effiċjenti tal-kapaċità ferrovjarja u tat-traffiku teħtieġ l-iskambju ta’ data u informazzjoni bejn il-maniġers tal-infrastruttura, l-applikanti u partijiet ikkonċernati operazzjonali oħra. Dan l-iskambju jista’ jkun konsiderevolment aktar effettiv u effiċjenti bl-appoġġ ta’ għodod diġitali interoperabbli u, meta possibbli, bl-awtomatizzazzjoni. Għalhekk, l-ispeċifikazzjonijiet għall-interoperabbiltà jenħtieġ li jiġu implimentati bħala prijorità u jiġu żviluppati aktar biex ikunu jlaħħqu mal-iżviluppi teknoloġiċi u mal-proċessi l-ġodda ppreżentati f’dan ir-Regolament. Sabiex jiġu żgurati żvilupp u implimentazzjoni rapidi, jenħtieġ li l-Kummissjoni tingħata s-setgħa li tadotta att delegat għall-implimentazzjoni u l-governanza ta’ ġestjoni diġitali integrata tat-traffiku ferrovjarju Ewropew. Peress li l-ERA hija l-awtorità tas-sistema Ewropea għall-applikazzjonijiet telematiċi, jenħtieġ li tkun involuta mill-qrib fl-iżvilupp u fl-implimentazzjoni tal-għodod diġitali msemmija fl-Artikolu 62 ta’ dan ir-Regolament biex jiġi żgurat li dawn ikunu konformi mat-TSI għall-applikazzjonijiet telematiċi kif definit fid-Direttiva (UE) 2016/797 u f’konformità mal-Artikolu 23 tar-Regolament (UE) 2016/796.

Emenda  25

 

Proposta għal regolament

Premessa 23a (ġdida)

Test propost mill-Kummissjoni	Emenda
	(23a) Il-ħaddiema huma kruċjali għall-funzjonament effiċjenti tas-settur ferrovjarju. Biex is-servizzi jsiru aktar effiċjenti u sabiex tiżdied il-kwalità tagħhom, id-diġitalizzazzjoni hija essenzjali. Id-diġitalizzazzjoni u l-awtomatizzazzjoni tal-kapaċità ferrovjarja u tal-ġestjoni tat-traffiku jeħtieġ li jkunu akkumpanjati bi żvilupp tal-ħiliet diġitali għall-impjegati tas-settur. Taħriġ u investiment addizzjonali fl-estensjoni tal-kompetenzi diġitali fir-rigward ta’ rekwiżiti diġitali ġodda jippermettu lill-ħaddiema jadattaw u jikkontribwixxu b’mod pożittiv għall-funzjonament tajjeb tas-settur permezz ta’ titjib tal-komunikazzjoni u l-kapaċità li jittrattaw avvenimenti mhux mistennija.

Emenda  26

 

Proposta għal regolament

Premessa 29

Test propost mill-Kummissjoni	Emenda
(29) L-evalwazzjoni ex post tar-Regolament (UE) Nru 913/201020 kkonkludiet li l-impatt tar-Regolament kien limitat wisq biex jikkontribwixxi għall-bidla modali mit-triq għall-ferrovija. Barra minn hekk, il-kooperazzjoni bejn l-Istati Membri u l-meniġers tal-infrastruttura fil-ġestjoni tal-infrastruttura ferrovjarja kienet għadha mhux effettiva minn perspettiva transfruntiera. L-evalwazzjoni wriet ukoll li l-ġestjoni separata tal-kapaċità fil-kurituri tat-trasport ferrovarju tal-merkanzija u fil-bqija tan-network mhix effiċjenti. Jenħtieġ li japplika qafas regolatorju uniku għall-operazzjoni tal-kapaċità tan-network ferrovjarju, li jikkonsolida d-dispożizzjonijiet relatati fid-Direttiva 2012/34/UE u tar-Regolament (UE) Nru 913/2010. Għalhekk, ir-Regolament (UE) Nru 913/2010 u d-dispożizzjonijiet fid-Direttiva 2012/34/UE dwar l-allokazzjoni tal-kapaċità jenħtieġ li jitħassru u jiġu ssostitwiti b’dan ir-Regolament.	(29) L-evalwazzjoni ex post tar-Regolament (UE) Nru 913/201020 kkonkludiet li l-impatt tar-Regolament kien limitat wisq biex jikkontribwixxi għall-bidla modali mit-triq għall-ferrovija. Barra minn hekk, il-kooperazzjoni bejn l-Istati Membri u l-maniġers tal-infrastruttura fil-ġestjoni tal-infrastruttura ferrovjarja kienet għadha mhux effettiva minn perspettiva transfruntiera. L-evalwazzjoni wriet ukoll li l-ġestjoni separata tal-kapaċità fil-kurituri tat-trasport ferrovjarju tal-merkanzija u fil-bqija tan-network mhix effiċjenti. Jenħtieġ li japplika qafas regolatorju uniku għall-operazzjoni tal-kapaċità tan-network ferrovjarju, li jikkonsolida d-dispożizzjonijiet relatati fid-Direttiva 2012/34/UE u tar-Regolament (UE) Nru 913/2010. Għalhekk, ir-Regolament (UE) Nru 913/2010 u d-dispożizzjonijiet fid-Direttiva 2012/34/UE dwar l-allokazzjoni tal-kapaċità jenħtieġ li jitħassru u jiġu ssostitwiti b’dan ir-Regolament. L-Artikoli rilevanti tar-Regolament 1315/2013 dwar il-Linji gwida tal-Unjoni għall-iżvilupp tan-network trans-Ewropew tat-trasport jenħtieġ li jiġu emendati kif xieraq.
__________________	__________________
20 SWD(2021) 134 final tat-2 ta’ Ġunju 2021.	20 SWD(2021) 134 final tat-2 ta’ Ġunju 2021.

Emenda  27

Proposta għal regolament

Premessa 29a (ġdida)

Test propost mill-Kummissjoni	Emenda
	(29a) B’mod simili, jenħtieġ li jiġi żgurat allinjament mar-regolamenti ta’ implimentazzjoni li ġejjin, għar-regoli ta’ allokazzjoni fil-faċilitajiet ta’ servizzi (ir-Regolament ta’ implimentazzjoni (UE) 2017/2177) u għall-proċeduri u l-kriterji dwar ftehimiet qafas (ir-Regolament ta’ implimentazzjoni (UE) 2016/545).

Emenda  28

 

Proposta għal regolament

Premessa 30

Test propost mill-Kummissjoni	Emenda
(30) It-tħejjija tal-iskeda operatorja teħtieġ it-twettiq ta’ attivitajiet preparatorji fis-snin ta’ qabel id-dħul fis-seħħ tal-iskeda operatorja msemmija. Għalhekk, it-tranżizzjoni mill-qafas regolatorju stabbilit bid-Direttiva 2013/34/UE u r-Regolament (UE) Nru 913/2010 għal dak stabbilit b’dan ir-Regolament timplika li t-tħejjijiet tal-iskedi operatorji skont il-qafas il-ġdid jenħtieġ li jibdew fl-istess ħin mal-applikazzjoni tar-regoli skont il-qafas attwali. Għaldaqstant irid japplika reġim binarju f’fażi ta’ tranżizzjoni li matulha l-passi preparatorji meħtieġa għal skeda operatorja partikolari jenħtieġ li jkunu konformi mal-qafas legali applikabbli għal dik l-iskeda operatorja speċifika. Il-ftehimiet qafas konklużi fil-qafas attwali jenħtieġ li jkollhom il-possibbiltà li jibqgħu japplikaw għal perjodu tranżizzjonali skont ir-reġim il-ġdid.	(30) It-tħejjija tal-iskeda operatorja teħtieġ it-twettiq ta’ attivitajiet preparatorji fis-snin ta’ qabel id-dħul fis-seħħ tal-iskeda operatorja msemmija. Għalhekk, it-tranżizzjoni mill-qafas regolatorju stabbilit bid-Direttiva 2012/34/UE u r-Regolament (UE) Nru 913/2010 għal dak stabbilit b’dan ir-Regolament timplika li t-tħejjijiet tal-iskedi operatorji skont il-qafas il-ġdid jenħtieġ li jibdew fl-istess ħin mal-applikazzjoni tar-regoli skont il-qafas attwali. Għaldaqstant irid japplika reġim binarju f’fażi ta’ tranżizzjoni li matulha l-passi preparatorji meħtieġa għal skeda operatorja partikolari jenħtieġ li jkunu konformi mal-qafas legali applikabbli għal dik l-iskeda operatorja speċifika. Il-ftehimiet qafas konklużi fil-qafas attwali jenħtieġ li jkollhom il-possibbiltà li jibqgħu sa tmiem il-kuntratt tagħhom.

Emenda  29

 

Proposta għal regolament

Premessa 31

Test propost mill-Kummissjoni	Emenda
(31) Skont il-qafas il-ġdid, il-passi preparatorji għal skeda operatorja jenħtieġ li jibdew bil-pubblikazzjoni ta’ strateġija tal-kapaċità ħames snin qabel id-dħul fis-seħħ ta’ skeda operatorja partikolari. Fl-interess ta’ applikazzjoni bikrija tal-qafas regolatorju l-ġdid u filwaqt li titqies il-ħidma preparatorja li diġà twettqet mis-settur, l-iskeda tal-attivitajiet li jwasslu għall-istabbiliment tal-ewwel żewġ skedi operatorji tista’ titqassar għal 38 xahar billi titqassar il-fażi tal-istrateġija tal-kapaċità. Għaldaqstant, l-ewwel skeda operatorja li taqa’ fil-qafas regolatorju l-ġdid jenħtieġ li tkun l-iskeda operatorja li tibda [fid-9 ta’ Diċembru 2029]. Il-partijiet ikkonċernati kollha jenħtieġ li jibdew it-tħejjijiet meħtieġa mingħajr dewmien biex jikkonformaw mal-qafas il-ġdid	(31) Skont il-qafas il-ġdid, il-passi preparatorji għal skeda operatorja jenħtieġ li jibdew bil-pubblikazzjoni ta’ strateġija tal-kapaċità ħames snin qabel id-dħul fis-seħħ ta’ skeda operatorja partikolari. Fl-interess ta’ applikazzjoni bikrija tal-qafas regolatorju l-ġdid u filwaqt li titqies il-ħidma preparatorja li diġà twettqet mis-settur, l-iskeda tal-attivitajiet li jwasslu għall-istabbiliment tal-ewwel żewġ skedi operatorji tista’ titqassar għal 38 xahar billi titqassar il-fażi tal-istrateġija tal-kapaċità. Għaldaqstant, l-ewwel skeda operatorja li taqa’ fil-qafas regolatorju l-ġdid jenħtieġ li tkun l-iskeda operatorja li tibda [fid-9 ta’ Diċembru 2029]. Il-partijiet ikkonċernati kollha jenħtieġ li jibdew it-tħejjijiet meħtieġa mingħajr dewmien biex jikkonformaw mal-qafas il-ġdid Tista’ tiġi kkunsidrata data ta’ applikazzjoni aktar kmieni mill-Istati Membri li jistgħu jagħtu prova li wettqu l-passi kollha meħtieġa qabel id-data tal-adozzjoni tar-Regolament.

Emenda  30

 

Proposta għal regolament

Artikolu 1 – paragrafu 1a (ġdid)

Test propost mill-Kummissjoni	Emenda
	1a. Dan ir-Regolament jistabbilixxi wkoll regoli u proċeduri għall-implimentazzjoni ta’ sistema diġitali integrata Ewropea tal-ġestjoni tat-traffiku ferrovjarju.

Emenda  31

 

Proposta għal regolament

Artikolu 1 – paragrafu 2

Test propost mill-Kummissjoni	Emenda
2. Dan ir-Regolament japplika għall-użu tal-infrastruttura ferrovjarja għas-servizzi ferrovjarji domestiċi u internazzjonali msemmija fl-Artikolu 1(2) tad-Direttiva 2012/34/UE, inkluż il-faċilitajiet tas-servizzi definiti fl-Artikolu 3(11) ta’ dik id-Direttiva.	2. Dan ir-Regolament japplika għas-sistema ferrovjarja tal-Unjoni definita fl-Artikolu 2(1) tad-Direttiva (UE) 2016/97, għall-użu tal-infrastruttura ferrovjarja għas-servizzi ferrovjarji domestiċi u internazzjonali msemmija fl-Artikolu 1(2) tad-Direttiva 2012/34/UE, inkluż il-faċilitajiet tas-servizzi definiti fl-Artikolu 3(11) ta’ dik id-Direttiva.

Emenda  32

 

Proposta għal regolament

Artikolu 1 − paragrafu 3

Test propost mill-Kummissjoni	Emenda
3. Il-Kapitoli II sa V ta’ dan ir-Regolament ma għandhomx japplikaw għall-infrastruttura ferrovjarja jew għas-servizzi ferrovjarji li huma esklużi mill-applikazzjoni tal-Kapitolu IV tad-Direttiva 2012/34/UE f’konformità mal-Artikolu 2(3), (3a), (4), (8), (8a) u (10) ta’ dik id-Direttiva tul il-perjodu tal-validità tal-esklużjonijiet rilevanti.	3. Il-Kapitoli II sa V ta’ dan ir-Regolament ma għandhomx japplikaw għall-infrastruttura ferrovjarja jew għas-servizzi ferrovjarji li huma esklużi mill-applikazzjoni tal-Kapitolu IV tad-Direttiva 2012/34/UE f’konformità mal-Artikolu 2(3), (3a), (4), (8), (8a), (9) u (10) ta’ dik id-Direttiva tul il-perjodu tal-validità tal-esklużjonijiet rilevanti.

Emenda  33

 

Proposta għal regolament

Artikolu 2 – paragrafu 3 – punt a

Test propost mill-Kummissjoni	Emenda
(a) jużaw il-kapaċità infrastrutturali disponibbli bl-aktar mod effettiv kif jeżiġi l-Artikolu 26 tad-Direttiva 2012/34/UE;	(a) jużaw il-kapaċità infrastrutturali disponibbli bl-aktar mod effettiv kif jeżiġi l-Artikolu 26 tad-Direttiva 2012/34/UE bil-għan li jiżdied is-sehem tat-trasport ferrovjarju, kemm għas-servizzi tat-trasport tal-passiġġieri kif ukoll tal-merkanzija, f’konformità mal-miri klimatiċi tal-Unjoni;

Emenda  34

 

Proposta għal regolament

Artikolu 2 – paragrafu 3 – punt d

Test propost mill-Kummissjoni	Emenda
(d) jippermettu traffiku ferrovjarju mingħajr interruzzjoni f’aktar minn network wieħed;	(d) jippermettu traffiku ferrovjarju mingħajr interruzzjoni u puntwali f’aktar minn network wieħed u fuq livell transfruntier billi jagħmlu ħilithom biex jeliminaw il-punti ta’ konġestjoni u l-ostakli operazzjonali;

Emenda  35

 

Proposta għal regolament

Artikolu 2 – paragrafu 3 – punt f

Test propost mill-Kummissjoni	Emenda
(f) jirrieżaminaw u jtejbu l-prestazzjoni tal-infrastruttura ferrovjarja u tas-servizzi tat-trasport b’kooperazzjoni mill-qrib mal-operaturi tas-settur ferrovjarju;	(f) jirrieżaminaw u jtejbu l-prestazzjoni tal-infrastruttura ferrovjarja u tas-servizzi tat-trasport b’kooperazzjoni mill-qrib mal-operaturi tas-settur ferrovjarju, li jinkludu faċilitajiet tas-servizzi li huma direttament involuti f’servizz ferrovjarju;

Emenda  36

 

Proposta għal regolament

Artikolu 2 – paragrafu 3 – punt g

Test propost mill-Kummissjoni	Emenda
(g) jikkontribwixxu għall-implimentazzjoni u għall-iżvilupp taż-żona ferrovjarja unika Ewropea.	(g) jikkontribwixxu għall-implimentazzjoni u għall-iżvilupp taż-żona ferrovjarja unika Ewropea, b’mod partikolari permezz ta’ regoli u standards tekniċi u operazzjonali, rekwiżiti tat-tagħmir tekniku u ċertifikazzjoni tal-persunal komuni Ewropej.

Emenda  37

 

Proposta għal regolament

Artikolu 4 – paragrafu 2 – punt 1

Test propost mill-Kummissjoni	Emenda
(1) “force majeure” tfisser avveniment jew sitwazzjoni mhux prevedibbli jew mhux tas-soltu lil hinn mill-kontroll tal-meniġer tal-infrastruttura jew tal-impriża ferrovjarja, li ma tistax tiġi evitata jew tingħeleb b’antiċipazzjoni u diliġenza raġonevoli, ma tistax tissolva b’miżuri li huma raġonevolment possibbli għalihom mil-lat tekniku, finanzjarju jew ekonomiku, u li effettivament ġrat u li hija oġġettivament verifikabbli, u li tagħmilha impossibbli għall-meniġer tal-infrastruttura li jissodisfa, b’mod temporanju jew permanenti, l-obbligi tiegħu f’konformità ma’ dan ir-Regolament jew id-Direttiva 2012/34/UE jew għall-impriża ferrovjarja li tissodisfa l-obbligi kuntrattwali tagħha lejn meniġer jew meniġers tal-infrastruttura;	(1) “force majeure” tfisser kwalunkwe avveniment jew sitwazzjoni mhux prevedibbli, inevitabbli jew eċċezzjonali lil hinn mill-kontroll tal-maniġer tal-infrastruttura, tal-impriża ferrovjarja jew tal-applikant, li ma tistax tingħeleb b’antiċipazzjoni u diliġenza raġonevoli, ma tistax tissolva b’miżuri li huma raġonevolment possibbli għalihom mil-lat tekniku, finanzjarju jew ekonomiku inkluża rotta differenti bejn il-fruntieri; dan l-avveniment irid ikun fil-fatt seħħ u jeħtieġ li jkun oġġettivament verifikabbli, u jagħmilha impossibbli għall-maniġer tal-infrastruttura li jissodisfa, b’mod temporanju jew permanenti, l-obbligi tiegħu f’konformità ma’ dan ir-Regolament jew id-Direttiva 2012/34/UE jew għall-impriża ferrovjarja li tissodisfa l-obbligi kuntrattwali tagħha lejn maniġer jew maniġers tal-infrastruttura;

Emenda  38

 

Proposta għal regolament

Artikolu 4 – paragrafu 2 – punt 2a (ġdid)

Test propost mill-Kummissjoni	Emenda
	(2a) “applikant” tfisser impriża ferrovjarja jew raggruppament internazzjonali ta’ impriżi ferrovjarji jew ta’ persuni jew ta’ entitajiet ġuridiċi oħra, bħal awtoritajiet kompetenti kif definit fl-Artikolu 2(b) tar-Regolament (KE) Nru 1370/2007 tal-Parlament Ewropew u tal-Kunsill1a u shippers, forwarders tal-merkanzija u operaturi tat-trasport ikkumbinat, b’interess ta’ servizz pubbliku jew b’interess kummerċjali fil-forniment tal-kapaċità tal-infrastruttura;
	__________________
	1a Ir-Regolament (KE) Nru 1370/2007 tal-Parlament Ewropew u tal-Kunsill tat-23 ta' Ottubru 2007 dwar servizzi pubbliċi tat-trasport tal-passiġġieri bil-ferrovija u bit-triq u li jħassar ir-Regolamenti tal-Kunsill (KEE) Nri 1191/69 u 1107/70 (ĠU L 315, 3.12.2007, p. 1).

Emenda  39

 

Proposta għal regolament

Artikolu 4 – paragrafu 2 – punt 3

Test propost mill-Kummissjoni	Emenda
(3) “parti kkonċernata operazzjonali” tfisser applikant, impriża ferrovjarja, meniġer tal-infrastruttura, operatur ta’ faċilità tas-servizzi ferrovjarji, fornitur ta’ servizzi relatati mal-ferroviji, u kwalunkwe entità oħra involuta direttament fl-operazzjoni ta’ servizzi tat-trasport ferrovjarju;	(3) “parti kkonċernata operazzjonali” tfisser applikant, assoċjazzjoni ta’ applikanti, maniġer tal-infrastruttura, operatur ta’ faċilità tas-servizzi, fornitur ta’ servizzi relatati mal-ferroviji, u kwalunkwe entità oħra involuta direttament fl-operazzjoni ta’ servizzi tat-trasport ferrovjarju;

Emenda  40

 

Proposta għal regolament

Artikolu 4 – paragrafu 2 – punt 17a (ġdid)

Test propost mill-Kummissjoni	Emenda
	(17a) “mogħdijiet ferrovjarji sistematiċi” tfisser mogħdijiet ferrovjarji li huma bbażati fuq l-Artikoli 11 u 20 ta’ dan ir-Regolament, ippjanati minn qabel fi skeda regolari għall-perjodu tal-iskeda operatorja,

Emenda  41

 

Proposta għal regolament

Artikolu 6 – paragrafu 1

Test propost mill-Kummissjoni	Emenda
1. Il-meniġers tal-infrastruttura għandhom jagħmlu l-almu tagħhom biex jimxi skont prinċipji u proċeduri komuni għall-ġestjoni tal-kapaċità infrastrutturali ferrovjarja. Għal dan il-għan, l-ENIM għandu jiżviluppa u jadotta “qafas Ewropew għall-ġestjoni tal-kapaċità” f’konformità mad-dispożizzjonijiet tal-Kapitolu II sa [12-il xahar mid-dħul fis-seħħ ta’ dan ir-Regolament].	1. Il-maniġers tal-infrastruttura għandhom jagħmlu l-almu tagħhom biex jimxi skont prinċipji u proċeduri komuni għall-ġestjoni tal-kapaċità infrastrutturali ferrovjarja. Għal dan il-għan, l-ENIM għandu jiżviluppa f’konsultazzjoni mal-Pjattaforma Ferrovjarja Ewropea u jadotta “qafas Ewropew għall-ġestjoni tal-kapaċità” f’konformità mad-dispożizzjonijiet tal-Kapitolu II sa ... [12-il xahar mid-dħul fis-seħħ ta’ dan ir-Regolament].

Emenda  42

 

Proposta għal regolament

Artikolu 6 – paragrafu 4

Test propost mill-Kummissjoni	Emenda
4. Il-meniġers tal-infrastruttura għandhom iqisu bis-sħiħ il-qafas Ewropew għall-ġestjoni tal-kapaċità meta jkunu qed iħejju d-dikjarazzjoni dwar in-network imsemmija fl-Artikolu 27 tad-Direttiva 2012/34/UE, b’mod partikolari l-kontenut speċifikat fl-Anness IV ta’ dan ir-Regolament. Fid-dikjarazzjoni dwar in-network għandhom jispjegaw ir-raġuni għal kull devjazzjoni mill-prinċipji u l-proċeduri komuni stabbiliti fil-qafas Ewropew għall-ġestjoni tal-kapaċità.	4. Il-maniġers tal-infrastruttura għandhom iqisu bis-sħiħ il-qafas Ewropew għall-ġestjoni tal-kapaċità meta jkunu qed iħejju d-dikjarazzjoni dwar in-network imsemmija fl-Artikolu 27 tad-Direttiva 2012/34/UE, b’mod partikolari l-kontenut speċifikat fl-Anness IV ta’ dan ir-Regolament. Fid-dikjarazzjoni dwar in-network għandhom jiġġustifikaw ir-raġuni għal kull devjazzjoni mill-prinċipji u l-proċeduri komuni stabbiliti fil-qafas Ewropew għall-ġestjoni tal-kapaċità. Id-devjazzjonijiet għandhom ikunu permessi biss f’każijiet eċċezzjonali u għandhom ikunu soġġetti għall-approvazzjoni mill-korp regolatorju ferrovjarju nazzjonali.

Emenda  43

 

Proposta għal regolament

Artikolu 6 – paragrafu 4a (ġdid)

Test propost mill-Kummissjoni	Emenda
	4a. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 li jistabbilixxu l-prinċipji u l-proċeduri komuni għall-ġestjoni tal-kapaċità tal-infrastruttura ferrovjarja u biex jiġi emendat il-paragrafu 2 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-data tad-dħul fis-seħħ ta’ dan ir-Regolament].

Emenda  44

 

Proposta għal regolament

Artikolu 7 – paragrafu 1

Test propost mill-Kummissjoni	Emenda
1. L-applikanti għandhom jagħmlu talbiet għall-kapaċità infrastrutturali. Biex jużaw din il-kapaċità infrastrutturali, l-applikanti għandhom jaħtru impriża ferrovjarja biex tikkonkludi fethim mal-meniġer tal-infrastruttura f’konformità mal-Artikolu 28 tad-Direttiva 2012/34/UE. Dan hu mingħajr preġudizzju għad-dritt tal-applikanti li jikkonkludu ftehimiet qafas mal-meniġers tal-infrastruttura skont l-Artikolu 31 ta’ dan ir-Regolament.	1. L-applikanti għandhom jagħmlu talbiet għall-kapaċità infrastrutturali. Sabiex jużaw tali kapaċità infrastrutturali, l-applikanti li ma jkunux impriża ferrovjarja għandhom jaħtru impriża ferrovjarja biex tikkonkludi ftehim mal-maniġer tal-infrastruttura f’konformità mal-Artikolu 28 tad-Direttiva 2012/34/UE. Dan hu mingħajr preġudizzju għad-dritt tal-applikanti li jikkonkludu ftehimiet qafas mal-maniġers tal-infrastruttura skont l-Artikolu 31 ta’ dan ir-Regolament.

Emenda  45

 

Proposta għal regolament

Artikolu 7 – paragrafu 2

Test propost mill-Kummissjoni	Emenda
2. Il-meniġer tal-infrastruttura jista’ jistabbilixxi r-rekwiżiti għall-applikanti biex jiżgura li l-aspettattivi leġittimi tiegħu dwar l-introjtu futur u l-użu tal-infrastruttura jiġu salvagwardjati. Dawn ir-rekwiżiti għandhom ikunu adegwati, trasparenti u nondiskriminatorji. Dawn għandhom jiġu speċifikati fid-dikjarazzjoni dwar in-network kif imsemmi fil-punt (1)(b) tal-Anness IV. Jistgħu jinkludu biss l-għoti ta’ garanzija finanzjarja li ma għandhiex taqbeż livell xieraq jkun proporzjonali għal-livell kontemplat tal-attività tal-applikant, u l-assigurazzjoni tal-kapaċità li jitħejjew offerti konformi għall-kapaċità infrastrutturali.	2. Il-maniġer tal-infrastruttura għandu jistabbilixxi r-rekwiżiti għall-applikanti biex jiżgura li l-aspettattivi leġittimi tiegħu dwar l-introjtu futur u l-użu tal-infrastruttura jiġu salvagwardjati. Dawn ir-rekwiżiti għandhom ikunu adegwati, trasparenti u nondiskriminatorji. Dawn għandhom jiġu speċifikati fid-dikjarazzjoni dwar in-network kif imsemmi fil-punt (2)(c) tal-Anness IV. Jistgħu jinkludu biss l-għoti ta’ garanzija finanzjarja li ma għandhiex taqbeż livell xieraq jkun proporzjonali għal-livell kontemplat tal-attività tal-applikant, u l-assigurazzjoni tal-kapaċità li jitħejjew offerti konformi għall-kapaċità infrastrutturali.

Emenda  46

 

Proposta għal regolament

Artikolu 7 – paragrafu 3

Test propost mill-Kummissjoni	Emenda
3. Il-Kummissjoni tista’ tadotta atti ta’ implimentazzjoni li jistabbilixxu d-dettalji tal-kriterji li jridu jintużaw għall-applikazzjoni tal-paragrafu 2. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).	3. Il-Kummissjoni għandha, sa [24 xahar wara d-dħul fis-seħħ ta’ dan ir-Regolament], tadotta atti ta’ implimentazzjoni biex jistabbilixxu d-dettalji tal-kriterji li jridu jintużaw għall-applikazzjoni tal-paragrafu 2. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3) u għandhom jissostitwixxu d-dispożizzjoni simili msemmija fil-paragrafu 2.

Emenda  47

 

Proposta għal regolament

Artikolu 8 – paragrafu 2 – subparagrafu 2

Test propost mill-Kummissjoni	Emenda
Mingħajr preġudizzju għar-regoli dwar l-għajnuna mill-Istat, l-Istati Membri jistgħu, meta xieraq, jagħtu kumpens lill-meniġer tal-infrastruttura li jkun jikkorrispondi għal telf fl-introjtu relatat esklussivament mal-ħtieġa li jikkonforma mal-gwida strateġika dwar l-użu tal-kapaċità infrastrutturali ferrovjarja.	Mingħajr preġudizzju għar-regoli dwar l-għajnuna mill-Istat, l-Istati Membri għandhom, meta xieraq, jagħtu kumpens lill-maniġer tal-infrastruttura li jkun jikkorrispondi għal telf fl-introjtu relatat esklussivament mal-ħtieġa li jikkonforma mal-gwida strateġika dwar l-użu tal-kapaċità infrastrutturali ferrovjarja.

Emenda  48

 

Proposta għal regolament

Artikolu 8 – paragrafu 4 – subparagrafu 2 – parti introduttorja

Test propost mill-Kummissjoni	Emenda
Dawk il-proċeduri għandhom jivvalutaw alternattivi għall-użu tal-kapaċità infrastrutturali, skont il-kriterji soċjoekonomiċi u ambjentali li ġejjin, soġġetti għad-disponibbiltà tad-data:	Dawk il-proċeduri għandhom jivvalutaw alternattivi għall-użu tal-kapaċità infrastrutturali, abbażi tal-kriterji soċjoekonomiċi u ambjentali li ġejjin, soġġetti għad-disponibbiltà ta’ data standardizzata li l-applikanti għandhom iqiegħdu għad-disponibbiltà tal-maniġers tal-infrastruttura. Il-kriterji għandhom jinkludu dawn li ġejjin, iżda ma għandhomx ikunu limitati għalihom:

Emenda  49

 

Proposta għal regolament

Artikolu 8 – paragrafu 4 – subparagrafu 2 – punt c

Test propost mill-Kummissjoni	Emenda
(c) il-konnettività u l-aċċessibbiltà għall-persuni u r-reġjuni moqdija mis-servizzi tat-trasport ferrovjarju;	(c) il-konnettività u l-aċċessibbiltà, kemm bħala effett tan-network fuq in-network globali kif ukoll fuq segmenti tan-network, għall-persuni u r-reġjuni moqdija mis-servizzi tat-trasport ferrovjarju;

Emenda  50

 

Proposta għal regolament

Artikolu 8 – paragrafu 4 – subparagrafu 2 – punt ea (ġdid)

Test propost mill-Kummissjoni	Emenda
	(ea) l-effetti tal-bidla modali fuq il-ferroviji.

Emenda  51

 

Proposta għal regolament

Artikolu 8 – paragrafu 5 – parti introduttorja

Test propost mill-Kummissjoni	Emenda
5. L-ENIM għandu jħejji u jadotta l-proċeduri msemmija fil-paragrafu 4 u jinkludihom fil-qafas tal-UE għall-ġestjoni tal-kapaċità msemmi fl-Artikolu 6. Il-proċeduri għandhom jinvolvu l-passi li ġejjin:	5. L-ENIM għandu, f’konsultazzjoni mal-Pjattaforma Ferrovjarja Ewropea jħejji u jadotta l-proċeduri msemmija fil-paragrafu 4 u jinkludihom fil-qafas Ewropew għall-ġestjoni tal-kapaċità msemmi fl-Artikolu 6. Il-proċeduri għandhom jinvolvu l-passi li ġejjin:

Emenda  52

 

Proposta għal regolament

Artikolu 8 – paragrafu 5 – punt a

Test propost mill-Kummissjoni	Emenda
(a) tfassil ta’ xenarji alternattivi għal tqassim tal-kapaċità disponibbli għal tipi differenti ta’ servizzi tat-trasport ferrovjarju, li jinvolvi, meta possibbli, il-provvista ta’ kapaċità alternattiva f’rotot oħra jew ħinijiet alternattivi b’karatteristiċi komparabbli;	(a) tfassil ta’ xenarji alternattivi għal tqassim tal-kapaċità disponibbli għal kull tip differenti ta’ servizzi tat-trasport ferrovjarju li japplikaw għall-istess kapaċità, li jinvolvi, meta possibbli, il-provvista ta’ kapaċità alternattiva f’rotot oħra jew ħinijiet alternattivi b’karatteristiċi komparabbli għas-servizzi kemm nazzjonali kif ukoll transfruntiera;

Emenda  53

 

Proposta għal regolament

Artikolu 8 – paragrafu 5 – punt aa (ġdid)

Test propost mill-Kummissjoni	Emenda
	(aa) tfassil ta’ xenarji alternattivi biex jiġu indirizzati kunflitti ta’ kapaċità bejn żewġ talbiet li t-tnejn ma humiex konsistenti mal-ippjanar strateġiku tal-kapaċità;

Emenda  54

 

Proposta għal regolament

Artikolu 8 – paragrafu 6

Test propost mill-Kummissjoni	Emenda
6. L-ENIM għandu jiżviluppa l-metodoloġiji msemmija fil-paragrafu 5, il-punt b. Il-parametri ta’ dawk il-metodoloġiji għandhom jagħmluha possibbli li jitqiesu ċ-ċirkostanzi lokali jew nazzjonali skont approċċi aċċettati u evidenza empirika. L-ENIM għandu jinkludi dawk il-metodoloġiji fil-qafas Ewropew għall-ġestjoni tal-kapaċità msemmi fl-Artikolu 6.	6. L-ENIM għandu, f’konsultazzjoni mal-Pjattaforma Ferrovjarja Ewropea, jiżviluppa l-metodoloġiji msemmija fil-paragrafu 5, il-punt (b) ta’ dan l-Artikolu. Il-parametri ta’ dawk il-metodoloġiji għandhom jagħmluha possibbli li jitqiesu ċ-ċirkostanzi lokali jew nazzjonali skont approċċi aċċettati u evidenza empirika. L-ENIM għandu jinkludi dawk il-metodoloġiji fil-qafas Ewropew għall-ġestjoni tal-kapaċità msemmi fl-Artikolu 6.

Emenda  55

 

Proposta għal regolament

Artikolu 8 – paragrafu 7

Test propost mill-Kummissjoni	Emenda
7. Filwaqt li tqis l-esperjenzi bit-tħejjija u l-implimentazzjoni tal-qafas imsemmi fil-paragrafu 6, il-Kummissjoni tista’ tadotta atti ta’ implimentazzjoni li jistabbilixxu l-proċeduri, il-kriterji u l-metodoloġiji speċifiċi li jridu jiġu applikati għall-ġestjoni tal-kapaċità skarsa. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).	7. Filwaqt li tqis l-esperjenzi bit-tħejjija u l-implimentazzjoni tal-qafas imsemmi fil-paragrafu 6, il-Kummissjoni għandha tingħata s-setgħa li tadotta, atti delegati f’konformità mal-Artikolu 71 li jistabbilixxu l-proċeduri, id-data standardizzata li tirrifletti s-segmenti differenti tas-suq għall-kriterji u l-metodoloġiji standardizzati li jridu jiġu applikati għall-ġestjoni tal-kapaċità skarsa u biex jiġi emendat il-paragrafu 6 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-data tad-dħul fis-seħħ ta’ dan ir-Regolament]. Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  56

 

Proposta għal regolament

Artikolu 9 – paragrafu 1 – subparagrafu 1

Test propost mill-Kummissjoni	Emenda
Il-meniġers tal-infrastruttura għandhom jipprovdu informazzjoni eżatta u aġġornata lill-partijiet interessati, b’mod partikolari lill-applikanti, l-applikanti potenzjali u l-korpi regolatorji, dwar id-disponibbiltà tal-kapaċità infrastrutturali tul il-proċess kollu tal-ġestjoni tal-kapaċità, inkluż waqt l-ippjanar strateġiku msemmi fit-Taqsima 2, waqt l-iskedar u l-allokazzjoni stabbiliti fit-Taqsima 3 u kull meta jkun hemm bidliet fil-kapaċità allokata msemmija fit-Taqsima 4.	Il-maniġers tal-infrastruttura għandhom jipprovdu informazzjoni eżatta u aġġornata lill-partijiet interessati, b’mod partikolari lill-applikanti, l-applikanti potenzjali u l-korpi regolatorji, dwar id-disponibbiltà tal-kapaċità infrastrutturali tul il-proċess kollu tal-ġestjoni tal-kapaċità, inkluż waqt il-fażi tal-ippjanar strateġiku msemmi fit-Taqsima 2, waqt il-proċessi tal-iskedar u l-allokazzjoni stabbiliti fit-Taqsima 3 u kull meta jkun hemm bidliet fil-kapaċità allokata msemmija fit-Taqsima 4, skont id-disponibbiltà tal-istrateġija tal-kapaċità ppubblikata, il-mudell tal-kapaċità u l-pjan tal-provvista tal-kapaċità.

Emenda  57

 

Proposta għal regolament

Artikolu 9 – paragrafu 3

Test propost mill-Kummissjoni	Emenda
3. Meta jitolbuhom l-applikanti, il-meniġers tal-infrastruttura għandhom jipprovdu l-informazzjoni msemmija fil-paragrafu 1 abbażi ta’ speċifikazzjonijiet konkreti tal-ħtiġijiet kummerċjali u operazzjonali (“valutazzjonijiet tal-fattibbiltà”). Għas-servizzi transfruntieri, il-meniġers tal-infrastruttura għandhom jirċievu u jwieġbu dawn it-talbiet f’post uniku u b’operazzjoni waħda jew b’interfaċċa unika.	3. Meta jitolbuhom l-applikanti, il-maniġers tal-infrastruttura għandhom jipprovdu l-informazzjoni msemmija fil-paragrafu 1 ta’ dan l-Artikolu abbażi ta’ speċifikazzjonijiet konkreti tal-ħtiġijiet kummerċjali u operazzjonali (“valutazzjonijiet tal-fattibbiltà”). Għas-servizzi transfruntieri, il-maniġers tal-infrastruttura għandhom jirċievu u jwieġbu dawn it-talbiet f’post uniku u b’operazzjoni waħda jew b’interfaċċa unika stabbilita f’konformità mal-Artikolu 27(4).

Emenda  58

 

Proposta għal regolament

Artikolu 10 – paragrafu 1

Test propost mill-Kummissjoni	Emenda
1. Mingħajr preġudizzju għall-Artikoli 7, 7c u 7e tad-Direttiva 2012/34/UE, il-meniġers tal-infrastruttura għandhom jippjanaw ix-xogħol infrastrutturali f’konformità mal-pjan kummerċjali u mal-programmi tal-investiment u finanzjarji msemmija fl-Artikolu 8(3) tad-Direttiva 2012/34/UE. Meta l-emendi għal dawk il-programmi wara l-adozzjoni tal-pjan kummerċjali jkunu jaffettwaw jew aktarx jaffettwaw l-ippjanar tax-xogħlijiet infrastrutturali, il-meniġer tal-infrastruttura għandu jagħti ħarsa ġenerali ta’ dawn l-emendi u l-impatt probabbli tagħhom fid-dikjarazzjoni dwar in-network.	1. Mingħajr preġudizzju għall-Artikoli 7, 7c u 7e tad-Direttiva 2012/34/UE, il-maniġers tal-infrastruttura għandhom jippjanaw ix-xogħol infrastrutturali f’konformità mal-pjan kummerċjali u mal-programmi tal-investiment u finanzjarji msemmija fl-Artikolu 8(3) tad-Direttiva 2012/34/UE. Meta l-emendi għal dawk il-programmi wara l-adozzjoni tal-pjan kummerċjali jkunu jaffettwaw jew aktarx jaffettwaw l-ippjanar tax-xogħlijiet infrastrutturali, il-maniġer tal-infrastruttura għandu jagħti ħarsa ġenerali ta’ dawn l-emendi u l-impatt probabbli tagħhom fid-dikjarazzjoni dwar in-network. L-Istat Membru għandu jipprovdi lill-maniġer tal-infrastruttura b’finanzjament pluriennali stabbli u f’waqtu għall-manutenzjoni, it-tiġdid u l-kostruzzjoni ġdida ta’ infrastruttura ferrovjarja għal perjodu kontinwu ta’ mill-inqas ħames snin permezz tal-ftehim ta’ prestazzjoni pluriennali sabiex jiġu appoġġati l-maniġers tal-infrastruttura biex tiġi pprevenuta d-degradazzjoni tal-infrastruttura ferrovjarja u biex jiġi minimizzat l-impatt fuq ir-restrizzjonijiet possibbli tal-kapaċità. Il-baġit annwali disponibbli għall-maniġers tal-infrastruttura għandu jkun trasparenti għall-maniġer tal-infrastruttura u jiġi allokat b’mod affidabbli.

Emenda  59

 

Proposta għal regolament

Artikolu 10 – paragrafu 2 – subparagrafu 2a (ġdid)

Test propost mill-Kummissjoni	Emenda
	Il-finanzjament ipprovdut mill-Istat Membru lill-maniġer tal-infrastruttura għandu jkollu l-għan li jiġi stabbilit tali bilanċ. L-informazzjoni meħtieġa għall-maniġer tal-infrastruttura biex jikkonforma ma’ din id-dispożizzjoni għandha tiġi pprovduta mill-applikanti fil-ħin.

Emenda  60

 

Proposta għal regolament

Artikolu 10 – paragrafu 2 – subparagrafu 2b (ġdid)

Test propost mill-Kummissjoni	Emenda
	Il-finanzjament ipprovdut mill-Istat Membru lill-maniġer tal-infrastruttura għandu jkollu l-għan li jiġi stabbilit dan il-bilanċ. L-informazzjoni meħtieġa biex il-maniġer tal-infrastruttura jikkonforma ma’ din id-dispożizzjoni għandha tiġi pprovduta mill-applikanti fil-ħin.

Emenda  61

 

Proposta għal regolament

Artikolu 10 – paragrafu 3

Test propost mill-Kummissjoni	Emenda
3. Il-meniġers tal-infrastruttura għandhom jikkonsultaw mal-applikanti dwar ix-xogħlijiet infrastrutturali fil-kuntest tal-mekkaniżmi tal-koordinazzjoni msemmija fl-Artikolu 7e tad-Direttiva 2012/34/KE u, rigward is-servizzi ferrovjarji transfruntieri, f’konformità mal-Artikolu 54 ta’ dan ir-Regolament.	3. Il-maniġers tal-infrastruttura għandhom jikkonsultaw mal-applikanti dwar ix-xogħlijiet infrastrutturali fil-kuntest tal-mekkaniżmi tal-koordinazzjoni msemmija fl-Artikolu 7e tad-Direttiva 2012/34/UE u, rigward is-servizzi ferrovjarji transfruntieri, f’konformità mal-Artikolu 54 ta’ dan ir-Regolament.

Emenda  62

 

Proposta għal regolament

Artikolu 10 – paragrafu 5 – subparagrafu 2

Test propost mill-Kummissjoni	Emenda
Il-koordinazzjoni għandha tindirizza b’mod partikolari l-ottimizzazzjoni tal-iskeda tax-xogħlijiet infrastrutturali u l-għoti ta’ kapaċità alternattiva fil-linja affettwata u f’rotot alternattivi, filwaqt li jitqiesu l-ħtiġijiet operazzjonali u kummerċjali tal-applikanti.	Il-koordinazzjoni għandha tindirizza b’mod partikolari l-ottimizzazzjoni tal-iskeda tax-xogħlijiet infrastrutturali u l-għoti ta’ kapaċità alternattiva fil-linja affettwata u f’rotot alternattivi, filwaqt li jitqiesu l-ħtiġijiet operazzjonali, infrastrutturali u kummerċjali ta’ diversi applikanti.

Emenda  63

 

Proposta għal regolament

Artikolu 10 – paragrafu 5 – subparagrafu 2a (ġdid)

Test propost mill-Kummissjoni	Emenda
	Il-governanza tat-trasport ferrovjarju tal-merkanzija għandu jippreżenta rakkomandazzjoni dwar il-koordinazzjoni tax-xogħlijiet lill-maniġers tal-infrastruttura rispettivi tiegħu tliet xhur qabel il-perjodu kif definit fil-paragrafu 4.

Emenda  64

 

Proposta għal regolament

Artikolu 11 – paragrafu 2 – subparagrafu 2

Test propost mill-Kummissjoni	Emenda
Il-kontenut u l-iskeda għat-tħejjija ta’ dawk ir-riżultati tanġibbli jinsabu fit-Taqsimiet 1 u 2 tal-Anness I.	Il-kontenut u l-iskeda għat-tħejjija ta’ dawk ir-riżultati tanġibbli jinsabu fit-Taqsimiet 1 u 2 tal-Anness I. Il-kontenut kollu għandu jiġi magħmul disponibbli mill-maniġer tal-infrastruttura bil-lingwa nazzjonali tal-Istat Membru u bl-Ingliż.

Emenda  65

 

Proposta għal regolament

Artikolu 11 – paragrafu 2 – subparagrafu 4

Test propost mill-Kummissjoni	Emenda
Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex temenda t-Taqsimiet 1 u 2 tal-Anness I, biex tiżgura proċess tal-ippjanar strateġiku effiċjenti u tirrifletti t-tħassib operazzjonali tal-meniġers tal-infrastruttura u tal-applikanti, filwaqt li tqis l-esperjenza tal-ENIM, tal-meniġers tal-infrastruttura, tal-applikanti u ta’ partijiet ikkonċernati operazzjonali oħra, tal-korpi regolatorji u tal-ENRB fl-implimentazzjoni ta’ din it-Taqsima.	Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex temenda t-Taqsimiet 1 u 2 tal-Anness I, biex tiżgura proċess tal-ippjanar strateġiku effiċjenti u tirrifletti t-tħassib operazzjonali tal-maniġers tal-infrastruttura u tal-applikanti, filwaqt li tqis rakkomandazzjoni mingħand l-ERA u l-esperjenza tal-ENIM, tal-maniġers tal-infrastruttura, tal-applikanti u ta’ partijiet ikkonċernati operazzjonali oħra, tal-korpi regolatorji u tal-ENRRB fl-implimentazzjoni ta’ din it-Taqsima.

Emenda  66

 

Proposta għal regolament

Artikolu 11 – paragrafu 3 – subparagrafu 1 – parti introduttorja

Test propost mill-Kummissjoni	Emenda
Soġġetti għall-prinċipju tal-indipendenza tal-ġestjoni stabbilit fl-Artikolu 4 tad-Direttiva 2012/34/UE, l-Istati Membri jistgħu jipprovdu gwida strateġika lill-meniġer tal-infrastruttura abbażi tal-istrateġiji indikattivi għall-iżvilupp tal-infrastruttura ferrovjarja msemmija fl-Artikolu 8(1) tad-Direttiva 2012/34/UE. Dik il-gwida tista’ tkopri jew tkun tinkludi b’mod partikolari:	Soġġetti għall-prinċipju tal-indipendenza tal-ġestjoni stabbilit fl-Artikolu 4 tad-Direttiva 2012/34/UE, l-Istati Membri jistgħu jipprovdu gwida strateġika lill-maniġer tal-infrastruttura abbażi tal-istrateġiji indikattivi għall-iżvilupp tal-infrastruttura ferrovjarja msemmija fl-Artikolu 8(1) tad-Direttiva 2012/34/UE. Il-gwida għandha tiġi pprovduta mill-Istati Membri fil-ħin, biex il-maniġers tal-infrastruttura u l-partijiet ikkonċernati operazzjonali jkunu jistgħu jsegwu l-iskadenzi stabbiliti fl-Anness I ta’ dan ir-Regolament. Dik il-gwida tista’ tkopri jew tkun tinkludi b’mod partikolari:

Emenda  67

 

Proposta għal regolament

Artikolu 11 – paragrafu 3 – subparagrafu 1 – punt b

Test propost mill-Kummissjoni	Emenda
(b) perspettiva dwar l-iżvilupp tal-infrastruttura ferrovjarja, filwaqt li tqis il-pjanijiet u l-istrateġiji rilevanti fil-livell nazzjonali jew reġjonali u l-pjanijiet ta’ ħidma tal-Kurituri Ewropej tat-Trasport imsemmija fl-Artikolu 53 tar-[Regolament TEN-T il-ġdid];	(b) perspettiva dwar l-iżvilupp tal-infrastruttura ferrovjarja, filwaqt li tqis il-pjanijiet rilevanti, inklużi l-pjanijiet u l-istrateġiji dwar l-infrastruttura strateġika fuq żmien fit-tul fil-livell nazzjonali jew reġjonali u l-pjanijiet ta’ ħidma tal-Kurituri Ewropej tat-Trasport imsemmija fl-Artikolu 54 tar-Regolament (UE) 2024/... tal-Parlament Ewropew u tal-Kunsill1a [ir-Regolament TEN-T il-ġdid];
	__________________
	1a  Ir-Regolament (UE) 2024/... tal-Parlament Ewropew u tal-Kunsill ta’ ...dwar linji gwida tal-Unjoni għall-iżvilupp tan-network trans-Ewropew tat-trasport, li jemenda r-Regolamenti (UE) 2021/1153 u (UE) Nru 913/2010 u li jħassar ir-Regolament (UE) 1315/2013 (ĠU...).

Emenda  68

 

Proposta għal regolament

Artikolu 11 – paragrafu 3 – subparagrafu 2

Test propost mill-Kummissjoni	Emenda
L-Istati Membri għandhom jikkoordinaw bejniethom biex jiżguraw il-konsistenza bejn il-gwida strateġika rispettiva li dawn jipprovdu f’konformità ma’ dan il-paragrafu biex jappoġġaw l-iżvilupp tas-servizzi ferrovjarji internazzjonali tal-passiġġieri u tal-merkanzija.	L-Istati Membri għandhom jikkoordinaw bejniethom l-għoti f’waqtu tal-gwida u jiżguraw il-konsistenza bejn il-gwida strateġika rispettiva li dawn jipprovdu f’konformità ma’ dan il-paragrafu biex jappoġġaw l-iżvilupp tas-servizzi ferrovjarji internazzjonali tal-passiġġieri u tal-merkanzija. Fir-rigward tal-Artikolu 8 tad-Direttiva 2012/34/UE, l-Istati Membri għandhom jiżguraw l-allokazzjoni bil-quddiem tar-riżorsi finanzjarji lill-maniġers tal-infrastruttura għall-manutenzjoni regolari tal-infrastruttura u tar-riżorsi finanzjarji għall-iżvilupp tal-infrastruttura deskritti fl-istrateġija tal-kapaċità kif imsemmi fl-Artikolu 16 ta’ dan ir-Regolament. L-Istati Membri għandhom jikkoordinaw bejniethom l-infrastruttura strateġika fit-tul u l-pjanijiet tal-iskedar, l-iżvilupp tal-infrastruttura tagħhom ibbażat fuq dawn il-pjanijiet, u jikkoordinaw il-kalendarji għall-implimentazzjoni tagħhom.

Emenda  69

 

Proposta għal regolament

Artikolu 11 – paragrafu 4a (ġdid)

Test propost mill-Kummissjoni	Emenda
	4a. B’kont meħud tal-esperjenzi bit-tħejjija u l-implimentazzjoni tal-gwida strateġika msemmija fil-paragrafu 3, il-Kummissjoni tista’ tadotta atti delegati f’konformità mal-Artikolu 71 biex tistabbilixxi l-istatus legali speċifiku, il-mudell, il-proċeduri, il-kriterji u l-metodoloġiji li għandhom jiġu applikati għall-adozzjoni ta’ gwida strateġika nazzjonali sabiex tiġi żgurata l-konsistenza bejn dawk il-linji gwida strateġiċi maħruġa mill-Istati Membri, li huma meħtieġa biex jappoġġaw l-iżvilupp ta’ servizzi internazzjonali tat-trasport ferrovjarju tal-merkanzija u tal-passiġġieri.

Emenda  70

 

Proposta għal regolament

Artikolu 12 – paragrafu 2 – subparagrafu 2

Test propost mill-Kummissjoni	Emenda
Jekk ikun meħtieġ, fid-dawl tal-esperjenza miksuba bl-implimentazzjoni ta’ dan ir-Regolament, l-ENIM jista’ jiddefinixxi lista aktar dettaljata li tkompli tiddivrenzja aktar bejn it-tipi ta’ servizzi tat-trasport ferrovjarju. Biex tiġi appoġġata l-konsistenza transfruntiera tal-proċess tal-ippjanar strateġiku, għandha tiġi inkluża lista armonizzata fil-qafas Ewropew għall-ġestjoni tal-kapaċità msemmi fl-Artikolu 6.	Jekk ikun meħtieġ, fid-dawl tal-esperjenza miksuba bl-implimentazzjoni ta’ dan ir-Regolament, l-ENIM, f’kollaborazzjoni mal-ERP, jista’ jiddefinixxi lista aktar dettaljata li tkompli tiddivrenzja aktar bejn it-tipi ta’ servizzi tat-trasport ferrovjarju. Biex tiġi appoġġata l-konsistenza transfruntiera tal-proċess tal-ippjanar strateġiku, għandha tiġi inkluża lista armonizzata fil-qafas Ewropew għall-ġestjoni tal-kapaċità msemmi fl-Artikolu 6.

Emenda  71

 

Proposta għal regolament

Artikolu 12 – paragrafu 4 – punt c

Test propost mill-Kummissjoni	Emenda
(c) il-kontribut mill-konsultazzjoni tal-applikanti attwali u potenzjali f’konformità mal-Artikolu 13;	(c) il-ħtiġijiet tal-kapaċità mħabbra mill-partijiet ikkonċernati operazzjonali u l-kontribut mill-konsultazzjoni tal-applikanti attwali u potenzjali f’konformità mal-Artikolu 13;

Emenda  72

 

Proposta għal regolament

Artikolu 12 – paragrafu 4 – punt fa (ġdid)

Test propost mill-Kummissjoni	Emenda
	(fa) kemm jista’ jkun possibbli, l-impatt soċjoekonomiku u ambjentali tal-użu tal-kapaċità tal-infrastruttura.

Emenda  73

 

Proposta għal regolament

Artikolu 12 – paragrafu 6 – subparagrafu 1

Test propost mill-Kummissjoni	Emenda
L-ippjanar strateġiku tal-kapaċità għandu jkopri l-parti tal-linji tan-network ewlieni u ewlieni estiż tat-TEN-T imsemmi fl-Artikolu 6 u fl-Anness I tar-[Regolament TEN-T il-ġdid]. Il-maniġers tal-infrastruttura jistgħu jinkludu linji u nodi tan-network oħra li jimmaniġġaw.	L-ippjanar strateġiku tal-kapaċità għandu jkopri ż-Żona Ferrovjarja Unika Ewropea.

Emenda  74

 

Proposta għal regolament

Artikolu 12 – paragrafu 8 – punt b

Test propost mill-Kummissjoni	Emenda
(b) bidliet fid-domanda tas-suq għall-kapaċità infrastrutturali;	(b) bidliet fid-domanda tas-suq għall-kapaċità infrastrutturali b’kont meħud tal-ħtiġijiet imħabbra mill-applikanti għal servizzi ġodda jew modifikati;

Emenda  75

 

Proposta għal regolament

Artikolu 12 – paragrafu 9

Test propost mill-Kummissjoni	Emenda
9. L-ENIM għandu jiżviluppa linji gwida li jistabbilixxu prinċipji, proċeduri u metodoloġiji komuni għall-ippjanar strateġiku tal-kapaċità. Dan għandu jinkludi dawk il-linji gwida fil-qafas Ewropew għall-ġestjoni tal-kapaċità msemmi fl-Artikolu 6 ta’ dan ir-Regolament. Dawk il-linji gwida għandu jkun fihom mill-anqas l-elementi elenkati fl-Anness III ta’ dan ir-Regolament. Il-meniġers tal-infrastruttura għandhom iqisu bis-sħiħ dawk il-linji gwida fid-dikjarazzjoni dwar in-network imsemmija fl-Artikolu 27 tad-Direttiva 2012/34/UE. Fid-dikjarazzjoni dwar in-network għandhom jispjegaw ir-raġuni għal kull devjazzjoni mill-prinċipji, il-proċeduri u l-metodoloġiji komuni stabbiliti fil-linji gwida.	9. sa [12-il xahar wara d-dħul fis-seħħ ta’ dan ir-Regolament], l-ENIM għandu jiżviluppa linji gwida li jistabbilixxu prinċipji, proċeduri u metodoloġiji komuni għall-ippjanar strateġiku tal-kapaċità. Dan għandu jinkludi dawk il-linji gwida fil-qafas Ewropew għall-ġestjoni tal-kapaċità msemmi fl-Artikolu 6 ta’ dan ir-Regolament. Dawk il-linji gwida għandu jkun fihom mill-anqas l-elementi elenkati fl-Anness III ta’ dan ir-Regolament. Il-maniġers tal-infrastruttura għandhom iqisu bis-sħiħ dawk il-linji gwida fid-dikjarazzjoni dwar in-network imsemmija fl-Artikolu 27 tad-Direttiva 2012/34/UE. Fid-dikjarazzjoni dwar in-network għandhom jispjegaw ir-raġuni għal kull devjazzjoni mill-prinċipji, il-proċeduri u l-metodoloġiji komuni stabbiliti fil-linji gwida.

Emenda  76

 

Proposta għal regolament

Artikolu 12 - paragrafu 9a (ġdid)

Test propost mill-Kummissjoni	Emenda
	9a. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex tistabbilixxi prinċipji, proċeduri u metodoloġiji komuni għall-ippjanar strateġiku tal-kapaċità u biex temenda l-paragrafu 9 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament].  Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  77

 

Proposta għal regolament

Artikolu 13 – paragrafu 2

Test propost mill-Kummissjoni	Emenda
2. Il-meniġers tal-infrastruttura għandhom jikkonsultaw mal-partijiet ikkonċernati operazzjonali kollha li joperaw servizzi ferrovjarji f’diversi networks dwar l-ippjanar strateġiku tal-kapaċità f’konformità mal-Artikoli 53 u 54.	2. Il-maniġers tal-infrastruttura għandhom jikkonsultaw mal-partijiet ikkonċernati operazzjonali kollha li joperaw servizzi ferrovjarji f’diversi networks dwar l-ippjanar strateġiku tal-kapaċità matul il-fażi strateġika tal-ġestjoni tal-kapaċità, u tal-inqas f’konformità mal-istadji importanti stabbiliti fl-Anness I f’konformità mal-Artikoli 53 u 54.

Emenda  78

 

Proposta għal regolament

Artikolu 13 – paragrafu 2a (ġdid)

Test propost mill-Kummissjoni	Emenda
	2a. Il-maniġers tal-infrastruttura għandhom jagħtu lill-applikanti l-possibbiltà li jħabbru l-ħtiġijiet tal-kapaċità tagħhom f’format strutturat matul il-proċess tal-ġestjoni tal-kapaċità, li għalihom l-ENIM għandu jispeċifika kalendarji xierqa. Il-maniġers tal-infrastruttura għandhom jagħmlu l-aħjar sforz biex jintegraw il-ħtiġijiet imħabbra mill-applikanti fid-dokumenti tal-ippjanar strateġiku tal-kapaċità msemmi fl-Artikolu 11(2). Jekk ma jkunx hemm disponibbli alternattivi għall-ħtiġijiet kollha tal-kapaċità mħabbra, il-maniġers tal-infrastruttura għandhom jagħmlu l-aħjar sforzi biex isolvu l-kunflitti potenzjali permezz tal-mekkaniżmu tar-riżoluzzjoni kunsenswali msemmi fl-Artikolu 36.

Emenda  79

 

Proposta għal regolament

Artikolu 13 – paragrafu 2b (ġdid)

Test propost mill-Kummissjoni	Emenda
	2b. Il-korp regolatorju għandu jimmonitorja l-attivitajiet tal-maniġer tal-infrastruttura fl-ippjanar strateġiku tal-kapaċità f’konformità mal-Artikolu 63.

Emenda  80

 

Proposta għal regolament

Artikolu 14 – paragrafu 1 – subparagrafu 2 - punt d

Test propost mill-Kummissjoni	Emenda
(d) l-involviment tal-partijiet ikkonċernati operazzjonali kollha, tal-korpi regolatorji u tan-Network Ewropew tal-Korpi Regolatorji Ferrovjarji (“l-ENRRB”), tal-Koordinaturi Ewropej u, meta meħtieġ, tal-awtoritajiet tal-Istati Membri u ta’ partijiet ikkonċernati oħra.	(d) l-involviment tal-partijiet ikkonċernati operazzjonali kollha u l-ERP, tal-korpi regolatorji u tan-Network Ewropew tal-Korpi Regolatorji Ferrovjarji (“l-ENRRB”), tal-Koordinaturi Ewropej u, meta meħtieġ, tal-awtoritajiet tal-Istati Membri u ta’ partijiet ikkonċernati oħra.

Emenda  81

 

Proposta għal regolament

Artikolu 14 – paragrafu 3a (ġdid)

Test propost mill-Kummissjoni	Emenda
	3a. Il-governanza tat-trasport ferrovjarju tal-merkanzija għandha tippreżenta rakkomandazzjoni dwar strateġija tal-kapaċità kkoordinata lill-maniġers tal-infrastruttura rispettivi tliet xhur qabel il-perjodu kif definit fl-Artikolu 10(4).

Emenda  82

 

Proposta għal regolament

Artikolu 15 – paragrafu 1

Test propost mill-Kummissjoni	Emenda
1. Il-meniġers tal-infrastruttura u l-ENIM għandhom jimmonitorjaw u janalizzaw regolarment is-swieq tat-trasport biex jinformaw l-istrateġija kummerċjali ġenerali tagħhom, il-ġestjoni tal-kapaċità u ta’ kontinġenza, u d-deċiżjonijiet tal-investiment. Il-meniġers tal-infrastruttura għandhom jikkomunikaw ir-riżultati ta’ din l-analiżi lil partijiet ikkonċernati oħra għal skopijiet simili, inkluż lill-Koordinaturi Ewropej.	1. Il-maniġers tal-infrastruttura u l-ENIM, f’konsultazzjoni mal-ENRRB u l-ERP, għandhom jimmonitorjaw u janalizzaw regolarment is-swieq tat-trasport u l-aspetti multimodali rilevanti għall-ferroviji biex jinformaw l-istrateġija kummerċjali ġenerali tagħhom, il-ġestjoni tal-kapaċità u ta’ kontinġenza, u d-deċiżjonijiet tal-investiment. Il-maniġers tal-infrastruttura għandhom jikkomunikaw ir-riżultati ta’ din l-analiżi lil partijiet ikkonċernati oħra għal skopijiet simili, inkluż lill-Koordinaturi Ewropej.

Emenda  83

 

Proposta għal regolament

Artikolu 15 – paragrafu 3 – punt ca (ġdid)

Test propost mill-Kummissjoni	Emenda
	(ca) jekk ikun possibbli, l-impatt tal-effetti tat-tibdil fil-klima mbassra fuq l-infrastruttura u s-servizzi pprovduti.

Emenda  84

 

Proposta għal regolament

Artikolu 15 – paragrafu 4

Test propost mill-Kummissjoni	Emenda
4. L-ENIM għandu jikkonsulta mal-applikanti, il-klijenti tas-servizzi tat-trasport ferrovjarju u l-assoċjazzjonijiet tagħhom, l-awtoritajiet pubbliċi nazzjonali u tal-UE dwar it-termini ta’ referenza għall-istudju, b’mod partikolari rigward l-iskop tal-istudju u l-proċess għall-involviment tal-partijiet ikkonċernati.	4. L-ENIM għandu jikkonsulta mal-applikanti, mal-ERP, il-klijenti tas-servizzi tat-trasport ferrovjarju u l-assoċjazzjonijiet tagħhom, l-awtoritajiet pubbliċi nazzjonali u tal-UE dwar it-termini ta’ referenza għall-istudju, b’mod partikolari rigward l-iskop tal-istudju u l-proċess għall-involviment tal-partijiet ikkonċernati.

Emenda  85

 

Proposta għal regolament

Artikolu 15 – paragrafu 5a (ġdid)

Test propost mill-Kummissjoni	Emenda
	5a. Id-data kollha għall-istudju u l-istudju nnifsu għandhom jiġu ppubblikati u jkunu aċċessibbli liberament. Id-data għandha tkun tista’ tinqara mill-magni.

Emenda  86

 

Proposta għal regolament

Artikolu 16 – paragrafu 4

Test propost mill-Kummissjoni	Emenda
4. Il-meniġer tal-infrastruttura għandu jħejji, jippubblika u jaġġorna regolarment l-istrateġija tal-kapaċità f’konformità mal-iskeda u l-kontenuti stabbiliti fit-Taqsima 2 tal-Anness I.	4. Il-maniġer tal-infrastruttura għandu jħejji, jippubblika u, meta jkun meħtieġ, jaġġorna l-istrateġija tal-kapaċità f’konformità mal-iskeda u l-kontenuti stabbiliti fit-Taqsima 2 tal-Anness I.

Emenda  87

 

Proposta għal regolament

Artikolu 16 – paragraph 5

Test propost mill-Kummissjoni	Emenda
5. Il-meniġers tal-infrastruttura għandhom jikkonsultaw mal-applikanti dwar l-istrateġija tal-kapaċità f’konformità mal-Artikolu 13 u jikkoordinaw l-istrateġiji tal-kapaċitajiet ma’ meniġers tal-infrastruttura oħrajn f’konformità mal-Artikolu 14.	5. Il-maniġers tal-infrastruttura għandhom jikkonsultaw mal-applikanti u mal-faċilitajiet ta’ servizzi milquta dwar l-istrateġija tal-kapaċità f’konformità mal-Artikolu 13 u jikkoordinaw l-istrateġiji tal-kapaċitajiet ma’ maniġers tal-infrastruttura kkonċernati oħrajn f’konformità mal-Artikolu 14.

Emenda  88

 

Proposta għal regolament

Artikolu 16 – paragrafu 5a (ġdid)

Test propost mill-Kummissjoni	Emenda
	5a. Il-maniġer tal-infrastruttura għandu jippreżenta l-istrateġija tal-kapaċità lill-korp regolatorju. Fi żmien tliet xhur wara l-pubblikazzjoni, il-korp regolatorju għandu, wara analiżi, ikollu s-setgħa li jitlob lill-maniġer tal-infrastruttura jemendaha.

Emenda  89

 

Proposta għal regolament

Artikolu 17 – paragrafu 2

Test propost mill-Kummissjoni	Emenda
2. Il-mudell tal-kapaċità għandu tal-anqas jipprovdi informazzjoni dwar il-volum totali tal-kapaċità disponibbli skont is-sezzjoni tan-network, l-ishma tal-kapaċità riżervata għal segmenti differenti tas-servizzi tat-trasport ferrovjarju u għar-restrizzjonijiet tal-kapaċità li jinħolqu minħabba xogħlijiet infrastrutturali. Il-meniġers tal-infrastruttura għandhom iħejju u jippubblikaw il-mudell tal-kapaċità għal kull perjodu tal-iskeda operatorja u jaġġornaw regolarment il-mudell tal-kapaċità f’konformità mal-kontenut u l-iskeda stabbiliti fit-Taqsimiet 1 u 2 tal-Anness I.	2. Il-mudell tal-kapaċità għandu tal-anqas jipprovdi informazzjoni dwar il-volum totali tal-kapaċità disponibbli skont is-sezzjoni tan-network, l-ishma tal-kapaċità riżervata għal segmenti differenti tas-servizzi tat-trasport ferrovjarju u għar-restrizzjonijiet tal-kapaċità li jinħolqu minħabba xogħlijiet infrastrutturali. Dan għandu jkun fih ukoll informazzjoni dwar il-kapaċità tal-faċilitajiet ta’ servizzi rispettivi msemmija fl-Artikolu 29(1). Il-maniġers tal-infrastruttura għandhom iħejju u jippubblikaw il-mudell tal-kapaċità għal kull perjodu tal-iskeda operatorja u jaġġornaw meta jkun meħtieġ il-mudell tal-kapaċità f’konformità mal-kontenut u l-iskeda stabbiliti fit-Taqsimiet 1 u 2 tal-Anness I.

Emenda  90

 

Proposta għal regolament

Artikolu 17 – paragrafu 3

Test propost mill-Kummissjoni	Emenda
3. Il-meniġers tal-infrastruttura għandhom jiddokumentaw u, meta rilevanti, jiġġustifikaw kull diverġenza bejn il-mudell tal-kapaċità u l-istrateġija tal-kapaċità dwar l-istess perjodu tal-iskeda operatorja. Meta meħtieġ, l-istrateġija tal-kapaċità għandha tiġi riveduta fid-dawl ta’ żviluppi wara l-adozzjoni jew wara l-aħħar aġġornament tal-istrateġija tal-kapaċità.	3. Il-maniġers tal-infrastruttura għandhom jiddokumentaw u, meta rilevanti, jiġġustifikaw kull diverġenza bejn il-mudell tal-kapaċità u l-istrateġija tal-kapaċità dwar l-istess perjodu tal-iskeda operatorja. L-istrateġija tal-kapaċità ma hemmx għalfejn tiġi aġġornata f’każ li l-mudell tal-kapaċità jkun diġà ġie ppubblikat għall-istess perjodu tal-iskeda.

Emenda  91

 

Proposta għal regolament

Artikolu 17 – paragrafu 4

Test propost mill-Kummissjoni	Emenda
4. Il-meniġers tal-infrastruttura għandhom jikkonsultaw mal-applikanti dwar il-mudell tal-kapaċità f’konformità mal-Artikolu 13 u jikkoordinaw l-istrateġiji tal-kapaċitajiet ma’ meniġers tal-infrastruttura oħrajn f’konformità mal-Artikolu 14.	4. Il-maniġers tal-infrastruttura għandhom jikkonsultaw mal-applikanti u l-korp regolatorju dwar il-mudell tal-kapaċità f’konformità mal-Artikolu 13 u jikkoordinaw l-istrateġiji tal-kapaċitajiet ma’ maniġers tal-infrastruttura kkonċernati oħrajn f’konformità mal-Artikolu 14.

Emenda  92

 

Proposta għal regolament

Artikolu 17 - paragrafu 4a (ġdid)

Test propost mill-Kummissjoni	Emenda
	4a. Il-maniġer tal-infrastruttura għandu jippreżenta l-mudell tal-kapaċità lill-korp regolatorju għal skrutinju xahrejn qabel il-pubblikazzjoni. Il-korp regolatorju jista’ jieħu deċiżjoni mhux aktar minn xahar qabel il-pubblikazzjoni, li tirrikjedi li l-maniġer tal-infrastruttura jemenda l-mudell tal-kapaċità qabel il-pubblikazzjoni. Bil-ħsieb li tiġi żgurata l-konsistenza transfruntiera tal-mudelli tal-kapaċità, id-deċiżjoni tal-korp regolatorju għandha tqis, meta jkun rilevanti, kwalunkwe opinjoni jew rakkomandazzjoni mill-ENIM, l-ERA jew minn korpi regolatorji oħrajn.

Emenda  93

 

Proposta għal regolament

Artikolu 18 – paragrafu 1 – subparagrafu 1 – punt a

Test propost mill-Kummissjoni	Emenda
(a) il-kapaċità infrastrutturali disponibbli għall-allokazzjoni lill-applikanti;	(a) il-kapaċità infrastrutturali disponibbli għall-allokazzjoni lill-applikanti fl-iskeda ta’ żmien operatorja u ssalvagwardjata għal talbiet li jsiru aktar tard skont l-Artikolu 33, inklużi l-faċilitajiet ta’ servizzi; ;

Emenda  94

 

Proposta għal regolament

Artikolu 18 – paragrafu 4

Test propost mill-Kummissjoni	Emenda
4. Fil-pjan tal-provvista tal-kapaċità, il-meniġers tal-infrastruttura jistgħu jindikaw il-kapaċità infrastrutturali bħala ppjanata minn qabel. Kapaċità ppjanata minn qabel tfisser il-kapaċità li għaliha l-meniġer tal-infrastruttura jiddefinixxi l-karatteristiċi u l-volumi tal-kapaċità disponibbli għat-talbiet mill-applikanti, jistabbilixxi regoli għall-allokazzjoni ta’ din il-kapaċità u jiddefinixxi l-proċess bih tista’ tintalab din il-kapaċità, f’konformità mal-Artikolu 20. Il-karatteristiċi, ir-regoli u l-proċessi tal-allokazzjoni speċifikati għandhom jitqiesu meta tiġi allokata l-kapaċità ppjanata minn qabel.	4. Fil-pjan tal-provvista tal-kapaċità, il-maniġers tal-infrastruttura jistgħu jindikaw il-kapaċità infrastrutturali u l-kapaċità fil-faċilitajiet ta’ servizzi kif imsemmi fl-Artikolu 29(1) bħala ppjanata minn qabel. Kapaċità ppjanata minn qabel tfisser il-kapaċità li għaliha l-maniġer tal-infrastruttura jiddefinixxi l-karatteristiċi u l-volumi tal-kapaċità disponibbli għat-talbiet mill-applikanti, jistabbilixxi regoli għall-allokazzjoni ta’ din il-kapaċità u jiddefinixxi l-proċess bih tista’ tintalab din il-kapaċità, f’konformità mal-Artikolu 20. Il-karatteristiċi, ir-regoli u l-proċessi tal-allokazzjoni speċifikati għandhom jitqiesu meta tiġi allokata l-kapaċità ppjanata minn qabel.

Emenda  95

 

Proposta għal regolament

Artikolu 18 – paragrafu 7 – subparagrafu 2

Test propost mill-Kummissjoni	Emenda
Fil-pjan tal-provvista tal-kapaċità, il-meniġers tal-infrastruttura għandhom jinkludu l-elementi kollha elenkati fil-paragrafu 6 għal-linji u n-nodi kollha inklużi fin-network ewlieni u fin-network ewlieni estiż tat-TEN-T kif definit fir-[Regolament TEN-T il-ġdid].	Fil-pjan tal-provvista tal-kapaċità, il-maniġers tal-infrastruttura għandhom jinkludu l-elementi kollha elenkati fil-paragrafu 6 u jiżguraw il-koerenza mal-istrateġija tal-kapaċità.

Emenda  96

 

Proposta għal regolament

Artikolu 18 – paragrafu 9

Test propost mill-Kummissjoni	Emenda
9. Il-korp regolatorju għandu janalizza l-pjan tal-provvista tal-kapaċità u jista’ jieħu deċiżjoni li teżiġi lill-meniġer tal-infrastruttura jemenda l-pjan tal-provvista tal-kapaċità. Id-deċiżjoni tal-korp regolatorju għandha tqis kull opinjoni jew rakkomandazzjoni mill-ENIM, meta din tkun ingħatat.	9. Il-maniġer tal-infrastruttura għandu jippreżenta l-abbozz ta’ pjan tal-provvista tal-kapaċità lill-korp regolatorju għal skrutinju xahrejn qabel il-pubblikazzjoni. Il-korp regolatorju għandu janalizza dan il-pjan u jista’ jieħu deċiżjoni mhux aktar minn xahar qabel il-pubblikazzjoni, li teżiġi li l-maniġer tal-infrastruttura jemenda l-pjan tal-provvista tal-kapaċità.

Emenda  97

 

Proposta għal regolament

Artikolu 18 – paragrafu 9a (ġdid)

Test propost mill-Kummissjoni	Emenda
	9a. Bil-ħsieb li tiġi żgurata l-konsistenza transfruntiera tal-pjanijiet tal-provvista tal-kapaċità, id-deċiżjoni tal-korp regolatorju għandha tqis, meta jkun rilevanti, kwalunkwe opinjoni jew rakkomandazzjoni mill-ENRRB, l-ERA jew minn korpi regolatorji oħrajn.

Emenda  98

 

Proposta għal regolament

Artikolu 18 – paragrafu 10 – parti introduttorja

Test propost mill-Kummissjoni	Emenda
10. L-ENIM għandu jadotta linji gwida u jinkludihom fil-qafas Ewropew għall-ġestjoni tal-kapaċità msemmi fl-Artikolu 6, li jistabbilixxi dawn li ġejjin:	10. Sa ... [12-il xahar wara d-dħul fis-seħħ ta’ dan ir-Regolament], u f’konsultazzjoni mal-ERP, l-ENIM għandu jadotta linji gwida u jinkludihom fil-qafas Ewropew għall-ġestjoni tal-kapaċità msemmi fl-Artikolu 6, li jistabbilixxi dawn li ġejjin:

Emenda  99

 

Proposta għal regolament

Artikolu 18 – paragrafu 10a (ġdid)

Test propost mill-Kummissjoni	Emenda
	10a. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex tistabbilixxi prinċipji, proċeduri u metodoloġiji komuni għal-linji gwida msemmija fil-paragrafu 10 ta’ dan l-Artikolu u biex temenda l-paragrafu 10 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament]. Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  100

 

Proposta għal regolament

Artikolu 19 – paragrafu 2 – punt a

Test propost mill-Kummissjoni	Emenda
(a) id-deżinjazzjoni ta’ rotot alternattivi biex ikun jista’ jiddawwar it-traffiku f’każ ta’ nuqqas ta’ disponibbiltà tal-linji inklużi fin-network ewlieni u ewlieni estiż tat-TEN-T kif stabbilit fl-Artikolu 6 u fl-Anness I tar-[Regolament TEN-T il-ġdid];	(a) id-deżinjazzjoni ta’ rotot alternattivi biex ikun jista’ jiddawwar it-traffiku f’każ ta’ nuqqas ta’ disponibbiltà ta’ linja;

Emenda  101

 

Proposta għal regolament

Artikolu 19 – paragrafu 5

Test propost mill-Kummissjoni	Emenda
5. Il-Kummissjoni għandha tadotta atti ta’ implimentazzjoni li jistabbilixxu d-dettalji tal-proċedura u l-kriterji li jridu jintużaw għall-applikazzjoni tal-paragrafu 2, b’mod partikolari f’sitwazzjonijiet li jaf iħallu impatt fuq it-traffiku transfruntier. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).	5. Il-Kummissjoni għandhatingħata s-setgħa li tadotta atti delegati f’konformità mal-Artikolu 71 biex tistabbilixxi d-dettalji tal-proċedura u l-kriterji li jridu jintużaw għall-applikazzjoni tal-paragrafu 2 ta’ dan l-Artikolu, b’mod partikolari f’sitwazzjonijiet li jaf iħallu impatt fuq it-traffiku transfruntier. Dawn l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament],

Emenda  102

 

Proposta għal regolament

Artikolu 20 – paragrafu 2

Test propost mill-Kummissjoni	Emenda
2. L-oġġetti tal-ippjanar tal-kapaċità għandhom jiddefinixxu l-karatteristiċi u l-proprjetajiet ta’ tipi differenti ta’ kapaċità ppjanata minn qabel, inkluż il-kapaċità disponibbli għat-talbiet mill-applikanti, il-kapaċità riżervata għax-xogħlijiet infrastrutturali u l-kapaċità diġà allokata. Dawk il-karatteristiċi u l-proprjetajiet għandhom jinkludu l-aspetti kollha rilevanti għal tipi speċifiċi ta’ kapaċità ppjanata minn qabel, bħar-rotta, it-twaqqit, il-veloċità minima ggarantita jew meħtieġa, il-kompatibbiltà teknika bejn il-vetturi ferrovjarji mal-infrastruttura, il-parametri u l-għadd ta’ slots inklużi.	2. L-oġġetti tal-ippjanar tal-kapaċità għandhom jiddefinixxu l-karatteristiċi u l-proprjetajiet ta’ tipi differenti ta’ kapaċità ppjanata minn qabel, inkluż il-kapaċità disponibbli għat-talbiet mill-applikanti, il-kapaċità riżervata għax-xogħlijiet infrastrutturali u l-kapaċità diġà allokata. Dawk il-karatteristiċi u l-proprjetajiet għandhom jinkludu l-aspetti kollha rilevanti għal tipi speċifiċi ta’ kapaċità ppjanata minn qabel, bħar-rotta, it-twaqqit, il-veloċità minima ggarantita jew meħtieġa, il-kompatibbiltà teknika bejn il-vetturi ferrovjarji mal-infrastruttura, il-parametri u l-għadd ta’ vjaġġi tal-ferrovija inklużi.

Emenda  103

 

Proposta għal regolament

Artikolu 20 – paragrafu 3

Test propost mill-Kummissjoni	Emenda
3. L-ENIM għandu jiżviluppa qafas komuni għall-kriterji u l-proċeduri msemmija fil-paragrafu 1 u jinkludih fil-qafas Ewropew għall-ġestjoni tal-kapaċità msemmi fl-Artikolu 6. Dak il-qafas komuni għandu jibbilanċja l-benefiċċji li tiġi riżervata kapaċità għal tipi speċifiċi ta’ servizzi ferrovjarji jew proċessi tal-allokazzjoni biex tkun żgurata l-flessibbiltà fil-mod kif jiġu akkomodati l-ħtiġijiet tas-suq fl-allokazzjoni tal-kapaċità. Għal dak il-għan, il-qafas komuni għandu jipprevedi l-possibbiltà li jitqiesu t-talbiet għad-drittijiet tal-kapaċità li ma jkunux konsistenti mal-kapaċità ppjanata minn qabel fil-kuntest tal-mekkaniżmu tar-riżoluzzjoni kunsenswali tal-kunflitti msemmi fl-Artikolu 36.	3. Sa .. [12-il xahar wara d-dħul fis-seħħ ta’ dan ir-Regolament], u f’konsultazzjoni mal-ERP, l-ENIM għandu jiżviluppa qafas komuni għall-kriterji u l-proċeduri msemmija fil-paragrafu 1 ta’ dan l-Artikolu u jinkludih fil-qafas Ewropew għall-ġestjoni tal-kapaċità msemmi fl-Artikolu 6. Dak il-qafas komuni għandu jibbilanċja l-benefiċċji li tiġi riżervata kapaċità għal tipi speċifiċi ta’ servizzi ferrovjarji jew proċessi tal-allokazzjoni biex tkun żgurata l-flessibbiltà fil-mod kif jiġu akkomodati l-ħtiġijiet tas-suq fl-allokazzjoni tal-kapaċità. Għal dak il-għan, il-qafas komuni għandu jipprevedi l-possibbiltà li jitqiesu t-talbiet għad-drittijiet tal-kapaċità li ma jkunux konsistenti mal-kapaċità ppjanata minn qabel fil-kuntest tal-mekkaniżmu tar-riżoluzzjoni kunsenswali tal-kunflitti msemmi fl-Artikolu 36.

Emenda  104

 

Proposta għal regolament

Artikolu 20 – paragrafu 4

Test propost mill-Kummissjoni	Emenda
4. L-ENIM għandu jiżviluppa u jadotta speċifikazzjonijiet formali għall-oġġetti tal-ippjanar tal-kapaċità b’format li jinqara mill-bniedem u minn magna. L-ENIM għandu jinkludi dawn l-ispeċifikazzjonijiet fil-qafas Ewropew għall-ġestjoni tal-kapaċità msemmi fl-Artikolu 6. Mill-esperjenza tiegħu bl-applikazzjoni ta’ dan l-Artikolu, l-ENIM għandu jipprovdi informazzjoni lill-Kummissjoni dwar emendi possibbli fl-ispeċifikazzjonijiet tekniċi dwar l-interoperabbiltà kif previst fid-Direttiva (UE) 2016/797 u fl-atti ta’ implimentazzjoni adottati skont dik id-Direttiva, f’konformità mal-Artikolu 62(3) ta’ dan ir-Regolament.	4. L-ENIM għandu jiżviluppa u jadotta speċifikazzjonijiet formali għall-oġġetti tal-ippjanar tal-kapaċità b’format li jinqara mill-bniedem u minn magna. L-ENIM għandu jinkludi dawn l-ispeċifikazzjonijiet fil-qafas Ewropew għall-ġestjoni tal-kapaċità msemmi fl-Artikolu 6 ta’ dan ir-Regolament. Mill-esperjenza tiegħu bl-applikazzjoni ta’ dan l-Artikolu, l-ENIM, wara konsultazzjoni mal-ERP, għandu jipprovdi informazzjoni lill-Kummissjoni dwar emendi possibbli fl-ispeċifikazzjonijiet tekniċi dwar l-interoperabbiltà kif previst fid-Direttiva (UE) 2016/797 u fl-atti ta’ implimentazzjoni adottati skont dik id-Direttiva, f’konformità mal-Artikolu 62(3) ta’ dan ir-Regolament.

Emenda  105

 

Proposta għal regolament

Artikolu 20 – paragrafu 4a (ġdid)

Test propost mill-Kummissjoni	Emenda
	4a. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex tistabbilixxi d-dettalji tal-proċedura u l-kriterji li jridu jintużaw għall-applikazzjoni tal-paragrafu 1 ta’ dan l-Artikolu, b’mod partikolari f’sitwazzjonijiet li jaf iħallu impatt fuq it-traffiku transfruntier, u li temenda l-paragrafu 1 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament].

Emenda  106

 

Proposta għal regolament

Artikolu 21 – paragrafu 3

Test propost mill-Kummissjoni	Emenda
3. It-talbiet individwali kunfliġġenti għall-kapaċità sottomessi għall-allokazzjoni tul l-iskeda operatorja ma għandhomx ikunu raġuni biex jiġi dikjarat li element infrastrutturali hu użat ħafna jew konġestjonat sakemm ma jiġux issodisfati l-kundizzjonijiet stabbiliti fil-paragrafu 1.	3. It-talbiet individwali kunfliġġenti għall-kapaċità sottomessi għall-allokazzjoni tul il-perjodu tal-iskeda operatorja ma għandhomx ikunu raġuni biex jiġi dikjarat li element infrastrutturali hu użat ħafna jew konġestjonat sakemm ma jiġux issodisfati l-kundizzjonijiet stabbiliti fil-paragrafu 1.

Emenda  107

 

Proposta għal regolament

Artikolu 21 – paragrafu 8

Test propost mill-Kummissjoni	Emenda
8. Il-proċeduri u l-kriterji li jridu jintużaw meta l-infrastruttura tkun konġestjonata għandhom jiġu stabbiliti fid-dikjarazzjoni dwar in-network u għandhom jirrispettaw kull miżura u kriterju adottat f’konformità mal-paragrafu 7.	8. Il-proċeduri u l-kriterji li jridu jintużaw meta l-infrastruttura tkun konġestjonata għandhom jiġu stabbiliti fid-dikjarazzjoni dwar in-network u għandhom jirrispettaw kull miżura u kriterju adottat f’konformità mal-paragrafu 6.

Emenda  108

 

Proposta għal regolament

Artikolu 21 – paragrafu 9

Test propost mill-Kummissjoni	Emenda
9. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex temenda l-Anness II biex tiżgura ġestjoni effiċjenti tal-kapaċità f’infrastruttura użata ħafna u konġestjonata u tirrifletti t-tħassib operazzjonali tal-meniġers tal-infrastruttura u tal-applikanti, filwaqt li tqis l-esperjenza tal-ENIM, tal-meniġers tal-infrastruttura, tal-applikanti u ta’ partijiet ikkonċernati operazzjonali oħra, tal-korpi regolatorji u tal-ENRB fl-implimentazzjoni ta’ dan l-Artikolu.	9. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex temenda l-Anness II biex tiżgura ġestjoni effiċjenti tal-kapaċità f’infrastruttura użata ħafna u konġestjonata u tirrifletti t-tħassib operazzjonali tal-maniġers tal-infrastruttura u tal-applikanti, filwaqt li tqis l-esperjenza tal-ENIM, tal-maniġers tal-infrastruttura, tal-applikanti u ta’ partijiet ikkonċernati operazzjonali oħra, tal-korpi regolatorji u tal-ENRRB fl-implimentazzjoni ta’ dan l-Artikolu.

Emenda  109

 

Proposta għal regolament

Artikolu 22 – paragrafu 1 – subparagrafu 3

Test propost mill-Kummissjoni	Emenda
L-analiżi tal-kapaċità għandha tinkludi wkoll l-ewwel sett indikattiv ta’ miżuri possibbli li jridu jittieħdu fl-immedjat, fi żmien medju u fit-tul biex tittaffa l-konġestjoni u tiżdied id-disponibbiltà tal-kapaċità.	L-analiżi tal-kapaċità għandha tinkludi wkoll l-ewwel sett indikattiv ta’ miżuri possibbli li jridu jittieħdu fl-immedjat, fi żmien medju u fit-tul biex tittaffa l-konġestjoni u tiżdied id-disponibbiltà tal-kapaċità. L-analiżi tal-kapaċità għandha tiddifferenzja bejn il-miżuri għall-infrastruttura li tintuża ħafna u għall-infrastruttura konġestjonata.

Emenda  110

 

Proposta għal regolament

Artikolu 22 – paragrafu 2

Test propost mill-Kummissjoni	Emenda
2. L-analiżi tal-kapaċità għandha tqis il-karatteristiċi tal-infrastruttura mil-lat ta’ kapaċità, abbiltà u interoperabbiltà, proċeduri operattivi, in-natura tas-servizzi differenti li qed jaħdmu u l-effett ta’ dawn il-fatturi kollha fuq il-kapaċità infrastrutturali. Il-miżuri li jridu jitqiesu għandhom ikunu jinkludu b’mod partikolari s-servizzi ta’ tidwir tar-rotot, l-iskedar mill-ġdid tas-servizzi, il-bidliet fil-veloċità, l-armonizzazzjoni tal-proċeduri operattivi, u t-titjib fl-infrastruttura.	2. L-analiżi tal-kapaċità għandha tqis il-karatteristiċi tal-infrastruttura mil-lat ta’ kapaċità, abbiltà u interoperabbiltà, proċeduri operattivi, in-natura tas-servizzi differenti li qed jaħdmu u l-effett ta’ dawn il-fatturi kollha fuq il-kapaċità infrastrutturali. Il-miżuri li jridu jitqiesu għandhom ikunu jinkludu b’mod partikolari s-servizzi ta’ tidwir tar-rotot, inkluż permezz ta’ networks differenti jekk ikun applikabbli, l-iskedar mill-ġdid tas-servizzi, il-bidliet fil-veloċità, l-armonizzazzjoni tal-proċeduri operattivi, u t-titjib fl-infrastruttura.

Emenda  111

 

Proposta għal regolament

Artikolu 22 – paragrafu 4 – subparagrafu 1

Test propost mill-Kummissjoni	Emenda
Il-meniġers tal-infrastruttura għandhom iqisu r-riżultati ta’ kull analiżi tal-kapaċità li ssir skont dan l-Artikolu fl-ippjanar strateġiku tal-kapaċità, b’mod partikolari fl-istrateġija tal-kapaċità, fil-mudell tal-kapaċità u fil-pjan tal-provvista tal-kapaċità.	Il-maniġers tal-infrastruttura għandhom iqisu r-riżultati ta’ kull analiżi tal-kapaċità li ssir, inkluż f’networks ikkonċernati oħrajn skont dan l-Artikolu fl-ippjanar strateġiku tal-kapaċità, b’mod partikolari fl-istrateġija tal-kapaċità, fil-mudell tal-kapaċità u fil-pjan tal-provvista tal-kapaċità.

Emenda  112

 

Proposta għal regolament

Artikolu 23 – paragrafu 1 – subparagrafu 1

Test propost mill-Kummissjoni	Emenda
Fi żmien sitt xhur mit-tlestija ta’ analiżi tal-kapaċità f’konformità mal-Artikolu 22, il-meniġer tal-infrastruttura għandu jistabbilixxi pjan għat-titjib tal-kapaċità.	Għall-infrastruttura ddikjarata li hija kkonġestjonata f’konformità mal-Artikolu 21 u fi żmien sitt xhur mit-tlestija ta’ analiżi tal-kapaċità f’konformità mal-Artikolu 22, il-maniġer tal-infrastruttura għandu jistabbilixxi pjan għat-titjib tal-kapaċità.

Emenda  113

 

Proposta għal regolament

Artikolu 23 – paragrafu 1 – subparagrafu 2 - punt d

Test propost mill-Kummissjoni	Emenda
(d) l-alternattivi u l-kostijiet għat-titjib tal-kapaċità, inkluż il-bidliet possibbli fl-imposti tal-aċċess.	(d) l-alternattivi u l-kostijiet għat-titjib tal-kapaċità, inklużi l-miżuri deskritti fl-Artikolu 22(2) u l-bidliet possibbli fl-imposti tal-aċċess.

Emenda  114

 

Proposta għal regolament

Artikolu 23 – paragrafu 3 – subparagrafu 2a (ġdid)

Test propost mill-Kummissjoni	Emenda
	Fuq il-bażi ta’ analiżi tal-kapaċità, l-Istat Membru għandu jibni jew jaġġorna l-infrastruttura meħtieġa.

Emenda  115

 

Proposta għal regolament

Artikolu 25 – paragrafu 2 – subparagrafu 1

Test propost mill-Kummissjoni	Emenda
Meta jqassam il-kapaċità infrastrutturali skont il-paragrafu 1, il-meniġer tal-infrastruttura għandu jaġixxi f’konformità mal-Artikolu 8.	Meta jqassam il-kapaċità infrastrutturali ddikjarata li hija konġestjonata skont il-paragrafu 1, il-maniġer tal-infrastruttura għandu jaġixxi f’konformità mal-Artikolu 8.

Emenda  116

 

Proposta għal regolament

Artikolu 25 – paragrafu 2 – subparagrafu 1a (ġdid)

Test propost mill-Kummissjoni	Emenda
	Sa ... [24 xahar mid-dħul fis-seħħ ta’ dan ir-Regolament], meta t-tqassim tal-kapaċità infrastrutturali tkun ġiet iddikjarata li tintuża ħafna skont il-paragrafu 1 ta’ dan l-Artikolu, il-maniġer tal-infrastruttura għandu jaġixxi f’konformità mal-Artikolu 8.

Emenda  117

 

Proposta għal regolament

Artikolu 25 – paragrafu 2 – subparagrafu 2

Test propost mill-Kummissjoni	Emenda
Il-meniġer tal-infrastruttura għandu jqis il-ħtieġa ta’ kapaċità għal servizzi ferrovjarji f’diversi networks.	Il-maniġer tal-infrastruttura għandu jqis il-ħtieġa ta’ kapaċità għal servizzi ferrovjarji f’diversi networks, speċjalment servizzi internazzjonali tat-trasport ferrovjarju tal-merkanzija.

Emenda  118

 

Proposta għal regolament

Artikolu 27 – paragrafu 2 – subparagrafu 1

Test propost mill-Kummissjoni	Emenda
L-applikanti għandu jkollhom id-dritt li jitolbu drittijiet tal-kapaċità f’diversi networks, u li jirċievu tweġibiet għal dawn it-talbiet, f’post uniku u b’operazzjoni waħda. Il-maniġers tal-infrastruttura għandhom jikkooperaw fl-allokazzjoni tal-kapaċità għas-servizzi ferrovjarji f’diversi networks, inkluż b’mod partikolari s-servizzi internazzjonali tat-trasport ferrovarju tal-merkanzija u tat-trasport ferrovarju tal-passiġġieri.	L-applikanti għandhom jitolbu drittijiet tal-kapaċità f’diversi networks, u għandhom jirċievu tweġibiet għal dawn it-talbiet, f’post uniku u b’operazzjoni waħda kif previst fil-paragrafu 4 ta’ dan l-Artikolu. Il-maniġers tal-infrastruttura għandhom jikkooperaw fl-allokazzjoni tal-kapaċità għas-servizzi ferrovjarji f’diversi networks, inkluż b’mod partikolari s-servizzi internazzjonali tat-trasport ferrovarju tal-merkanzija u tat-trasport ferrovarju tal-passiġġieri.

Emenda  119

 

Proposta għal regolament

Artikolu 27 – paragrafu 3

Test propost mill-Kummissjoni	Emenda
3. Il-meniġers tal-infrastruttura għandhom jirrispettaw il-kunfidenzjalità kummerċjali tal-informazzjoni mogħtija lilhom.	3. Il-maniġers tal-infrastruttura għandhom jirrispettaw il-kunfidenzjalità kummerċjali tal-informazzjoni mogħtija lilhom, speċjalment fil-każ ta’ kumpaniji ferrovjarji integrati vertikalment. Informazzjoni bħal-linja speċifika soġġetta għat-talba, in-numru tagħha jew il-frekwenza tagħha għandha titqies bħala kunfidenzjali.

Emenda  120

 

Proposta għal regolament

Artikolu 27 – paragrafu 4 – subparagrafu 2

Test propost mill-Kummissjoni	Emenda
Għad-drittijiet tal-kapaċità f’diversi networks, l-ENIM għandu jistabbilixxi interfaċċa unika jew sistema komuni f’konformità mal-Artikolu 62, biex timmaniġġja l-allokazzjoni tal-kapaċità f’post uniku u b’operazzjoni waħda.	Għad-drittijiet tal-kapaċità f’diversi networks, l-ENIM għandu, mal-approvazzjoni mill-ERA tal-konformità mat-TSIs u sa ... [12-il xahar mid-data tad-dħul fis-seħħ ta’ dan ir-Regolament], jistabbilixxi punt uniku tas-servizz f’interfaċċa unika jew sistema komuni żviluppata f’konformità mal-Artikolu 62. Il-maniġers tal-infrastruttura għandhom jużaw dik l-interfaċċa unika biex jimmaniġġjaw l-allokazzjoni tal-kapaċità f’post uniku u b’operazzjoni waħda. Is-servizzi ferrovjarji konnessi jew raggruppati għandu jkollhom maniġer tal-infrastruttura wieħed bħala l-punt uniku ta’ kuntatt. Tali servizzi ferrovjarji konnessi jew raggruppati għandhom jiġu ddikjarati fit-talba għall-kapaċità.

Emenda  121

 

Proposta għal regolament

Artikolu 27 – paragrafu 6 – subparagrafu 1

Test propost mill-Kummissjoni	Emenda
Il-meniġer tal-infrastruttura għandu jħassar dritt għall-kapaċità jekk, tul perjodu ta’ mill-anqas xahar, ikun intuża anqas mill-kwota limitu, li trid tiġi stabbilit fid-dikjarazzjoni dwar in-network, sakemm dan ma kienx minħabba raġunijet mhux ekonomiċi lil hinn mill-kontroll tal-applikant. L-ENIM għandu jiddefinixxi l-firxiet għall-kwota limitu u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.	Il-maniġer tal-infrastruttura għandu jħassar dritt għall-kapaċità jekk, tul perjodu ta’ mill-anqas xahar, ikun intuża anqas mill-kwota limitu, li trid tiġi stabbilit fid-dikjarazzjoni dwar in-network, sakemm dan ma kienx minħabba raġunijet mhux ekonomiċi lil hinn mill-kontroll tal-applikant. L-ENIM għandu jikkonsulta mal-ERP biex jiddefinixxi l-firxiet għall-kwota limitu u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.

Emenda  122

 

Proposta għal regolament

Artikolu 27 – paragrafu 7

Test propost mill-Kummissjoni	Emenda
7. Meta l-meniġer tal-infrastruttura jħassar, f’konformità mal-paragrafu 6, id-drittijiet tal-kapaċità f’diversi networks, il-korp regolatorju responsabbli għal dak il-meniġer tal-infrastruttura għandu jinforma lill-korpi regolatorji rilevanti u lill-ENRRB.	7. Meta l-maniġer tal-infrastruttura jħassar, f’konformità mal-paragrafu 6, id-drittijiet tal-kapaċità f’diversi networks, huwa għandu jinforma lill-korp regolatorju responsabbli għal dak il-maniġer tal-infrastruttura. Dak il-korp regolatorju għandu jinforma lill-korpi regolatorji rilevanti u lill-ENRRB.

Emenda  123

 

Proposta għal regolament

Artikolu 27 – paragrafu 7a (ġdid)

Test propost mill-Kummissjoni	Emenda
	7a. Il-maniġer tal-infrastruttura għandu jitħalla juża, meta jkun rilevanti, approċċi ta’ skedi ta’ żmien speċifiċi. Jekk il-maniġer tal-infrastruttura jiddeċiedi li jippjana minn qabel il-kapaċità billi juża mogħdijiet ferrovjarji sistematiċi b’rilevanza transfruntiera, il-maniġer tal-infrastruttura għandu jikkoordina mal-maniġers tal-infrastruttura ġirien u ma’ maniġers tal-infrastruttura kkonċernati oħrajn biex isib soluzzjonijiet miftiehma b’mod reċiproku għat-traffiku transfruntier. Irrispettivament mill-għażla nazzjonali li l-Istati Membri jsegwu għall-iskedar tagħhom, il-maniġers tal-infrastruttura għandhom jiżguraw allokazzjoni bilanċjata, ġusta u mhux diskriminatorja tal-mogħdijiet ferrovijarji. Fir-rigward tal-kumpens għal bidliet fid-drittijiet tal-kapaċità msemmija fl-Artikolu 40 li jinvolvu wkoll mogħdijiet ferrovjarji sistematiċi, il-valur tiegħu għandu jiġi stabbilit għal mill-inqas 1,25 darba tal-valur definit għall-mogħdijiet ferrovjarji mhux sistematiċi skont il-proċess stabbilit fl-Artikolu 40.

Emenda  124

 

Proposta għal regolament

Artikolu 27 – paragrafu 7 b (ġdid)

Test propost mill-Kummissjoni	Emenda
	7b. Il-maniġers tal-infrastruttura għandhom jinformaw lill-korp regolatorju dwar it-talbiet kollha għall-kapaċità riċevuti li ma kinux jaqblu mal-parametri tal-kapaċità disponibbli kif definit fil-pjan tal-provvista tal-kapaċità, irrispettivament minn jekk ikunux ġew aċċettati jew rifjutati. Abbażi ta’ din l-informazzjoni, il-korp regolatorju għandu joħroġ opinjoni mill-anqas kull sentejn, li fiha jista’ jirrakkomanda lill-maniġer tal-infrastruttura biex jemenda l-mudell tal-kapaċità.

Emenda  125

 

Proposta għal regolament

Artikolu 28 – paragrafu 2 – subparagrafu 1 – punt a

Test propost mill-Kummissjoni	Emenda
(a) il-ħatra ta’ punt uniku tal-kuntatt inkarigat mill-komunikazzjoni mal-applikant fir-rigward tat-talba għal dritt tal-kapaċità f’diversi networks, li għandu jiġi notifikat lill-applikant mingħajr dewmien wara li jirċievi t-talba;	(a) il-ħatra ta’ punt uniku tas-servizz, kif imsemmi fl-Artikolu 27(4), inkarigat mill-komunikazzjoni mal-applikant fir-rigward ta’ kull talba għal dritt tal-kapaċità f’diversi networks, li għandu jiġi notifikat lill-applikant mingħajr dewmien wara li jirċievi t-talba. Dan għandu japplika wkoll fil-każ ta’ pari ta’ ferroviji transfruntieri li jkunu servizzi ferrovjarji internazzjonali lejn u minn destinazzjoni fi Stat Membru ieħor;

Emenda  126

 

Proposta għal regolament

Artikolu 28 – paragrafu 5

Test propost mill-Kummissjoni	Emenda
5. L-ENIM għandu jiddefinixxi l-proċeduri u l-metodi dettaljati għall-implimentazzjoni ta’ dan l-Artikolu u r-rekwiżiti minimi tal-kwalità msemmija fil-paragrafu 2(b) u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.	5. Sa ... [24 xahar wara d-dħul fis-seħħ ta’ dan ir-Regolament], u wara li jikkonsulta l-ERP, l-ENIM għandu jiddefinixxi l-proċeduri u l-metodi dettaljati għall-implimentazzjoni ta’ dan l-Artikolu u r-rekwiżiti minimi tal-kwalità msemmija fil-paragrafu 2(b) u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.

Emenda  127

 

Proposta għal regolament

Artikolu 28 – paragrafu 5a (ġdid)

Test propost mill-Kummissjoni	Emenda
	5a. Il-Kummissjoni għandha, sa ... [24 xahar wara d-dħul fis-seħħ ta’ dan ir-Regolament], tadotta atti ta’ implimentazzjoni biex tistabbilixxi l-proċeduri u l-metodi dettaljati għall-implimentazzjoni ta’ dan l-Artikolu u r-rekwiżiti ta’ kwalità minimi msemmija fil-paragrafu 2(b) u biex temenda l-paragrafu 5 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3) u għandhom jiġu inklużi fil-qafas Ewropew għall-ġestjoni tal-kapaċità.

Emenda  128

 

Proposta għal regolament

Artikolu 29 – paragrafu 1

Test propost mill-Kummissjoni	Emenda
1. L-operaturi tal-faċilitajiet tas-servizzi li jagħtu informazzjoni indikattiva dwar il-kapaċità disponibbli ta’ faċilità tas-servizzi f’konformità mal-Artikolu 6(3) tar-Regolament ta’ Implimentazzjoni tal-Kummissjoni (UE) 2017/217722 għandhom jikkooperaw mal-meniġers tal-infrastruttura għall-finijiet biex dawn tal-aħħar joffru mogħdijiet ferrovjarji li jkunu jinkludu kapaċità ta’ faċilità ferrovjarja. Operaturi oħra tal-faċilitajiet tas-servizzi jistgħu jagħmlu ftehim mal-meniġers tal-infrastruttura għall-forniment konġunt tal-kapaċità.	1. L-operaturi tal-faċilitajiet tas-servizzi li jagħtu informazzjoni indikattiva dwar il-kapaċità disponibbli ta’ faċilità tas-servizzi f’konformità mal-Artikolu 6(3) tar-Regolament ta’ Implimentazzjoni tal-Kummissjoni (UE) 2017/217722 għandhom jikkooperaw mal-maniġers tal-infrastruttura għall-finijiet biex dawn tal-aħħar joffru mogħdijiet ferrovjarji li jkunu jinkludu l-kapaċità tal-faċilità ta’ servizz. Operaturi oħra tal-faċilitajiet tas-servizzi jistgħu jagħmlu ftehim mal-maniġers tal-infrastruttura għall-forniment konġunt tal-kapaċità.
__________________	__________________
22 Ir-Regolament ta’ Implimentazzjoni tal-Kummissjoni (UE) 2017/2177 tat-22 ta’ Novembru 2017 dwar l-aċċess għall-faċilitajiet ta’ servizz u għas-servizzi relatati mal-ferroviji (ĠU L 307, 23.11.2017, p. 1).	22 Ir-Regolament ta’ Implimentazzjoni tal-Kummissjoni (UE) 2017/2177 tat-22 ta’ Novembru 2017 dwar l-aċċess għall-faċilitajiet ta’ servizz u għas-servizzi relatati mal-ferroviji (ĠU L 307, 23.11.2017, p. 1).

Emenda  129

 

Proposta għal regolament

Artikolu 29 – paragrafu 3

Test propost mill-Kummissjoni	Emenda
3. Il-meniġers tal-infrastruttura għandhom jiżguraw li l-applikanti jkunu jistgħu jitolbu f’post wieħed u b’operazzjoni waħda drittijiet tal-kapaċità għal infrastruttura ferrovjarja u fil-faċilitajiet tas-servizzi msemmija fil-paragrafu 1.	3. Il-maniġers tal-infrastruttura għandhom jiżguraw li l-applikanti jkunu jistgħu jitolbu f’post wieħed stabbilit f’konformità mal-Artikolu 27(4), id-drittijiet tal-kapaċità ta’ operazzjoni fuq l-infrastruttura ferrovjarja u fil-faċilitajiet tas-servizzi msemmija fil-paragrafu 1.

Emenda  130

 

Proposta għal regolament

Artikolu 29 – paragrafu 4

Test propost mill-Kummissjoni	Emenda
4. Għall-finijiet tal-paragrafu 3, il-meniġers tal-infrastruttura u l-operaturi tal-faċilitajiet tas-servizzi għandhom jikkoordinaw il-kapaċità u għandhom jipprovdu drittijiet tal-kapaċità, inkluż il-kapaċità fil-faċilità ferrovjarja, li jkunu jissodisfaw ir-rekwiżiti tal-applikant, jew għandhom jagħmlu sforz biex jipprovdu alternattiva vijabbli.	4. Għall-finijiet tal-paragrafu 3, il-maniġers tal-infrastruttura u l-operaturi tal-faċilitajiet tas-servizzi għandhom jikkoordinaw il-kapaċità u għandhom jipprovdu drittijiet tal-kapaċità, inkluża l-kapaċità fil-faċilità ta’ servizzi, li jkunu jissodisfaw ir-rekwiżiti tal-applikant, jew għandhom jagħmlu sforz biex jipprovdu alternattiva vijabbli.

Emenda  131

 

Proposta għal regolament

Artikolu 29 – paragrafu 5

Test propost mill-Kummissjoni	Emenda
5. L-operaturi tal-faċilitajiet tas-servizzi msemmija fil-paragrafu 1 għandhom jagħmlu disponibbli informazzjoni, meta jintalbu jew fil-ħin reali meta meħtieġ, dwar il-kapaċità disponibbli għall-meniġer tal-infrastruttura b’format diġitali f’konformità mal-Artikolu 62.	5. L-operaturi tal-faċilitajiet tas-servizzi milquta msemmija fil-paragrafu 1 għandhom jagħmlu disponibbli informazzjoni fil-ħin reali dwar il-kapaċità disponibbli għall-maniġer tal-infrastruttura b’format diġitali f’konformità mal-Artikolu 62.

Emenda  132

 

Proposta għal regolament

Artikolu 29 – paragrafu 5a (ġdid)

Test propost mill-Kummissjoni	Emenda
	5a. Meta jitolbu drittijiet ta’ kapaċità biex jaċċessaw faċilità ta’ servizz, l-applikanti għandhom jiddokumentaw il-ftehim tas-sid tal-faċilità ta’ servizz li jakkomoda l-vetturi tagħhom.

Emenda  133

 

Proposta għal regolament

Artikolu 29 – paragrafu 6

Test propost mill-Kummissjoni	Emenda
6. Għall-finijiet ta’ dan l-Artikolu u f’konformità mal-Artikolu 62, l-ENIM għandu jipprovdi linji gwida dwar ir-rekwiżiti funzjonali u tekniċi għall-iskambju tal-informazzjoni bejn l-operaturi tal-faċilitajiet ferrovjarji u l-meniġers tal-infrastruttura għall-finijiet ta’ dan l-Artikolu. Mingħajr preġudizzju għall-Artikolu 2 tar-Regolament ta’ Implimentazzjoni (UE) 2017/2177, l-operaturi tal-faċilitajiet tas-servizzi jistgħu jitolbu li jiġu eżentati mill-applikazzjoni ta’ dan l-Artikolu. Dawn it-talbiet għandhom jiġu ppreżentati lill-korp regolatorju u jiġu sostanzjati kif xieraq. Il-korpi regolatorji jistgħu jiddeċiedu li jestendu eżenzjoni f’każijiet debitament ġustifikati.	6. Għall-finijiet ta’ dan l-Artikolu u f’konformità mal-Artikolu 62, l-ENIM għandu, mal-approvazzjoni mill-ERA u sa... [24 xahar wara d-dħul fis-seħħ ta’ dan ir-Regolament], jipprovdi linji gwida dwar ir-rekwiżiti funzjonali u tekniċi għall-iskambju tal-informazzjoni bejn l-operaturi tal-faċilitajiet ta’ servizz u l-maniġers tal-infrastruttura. Mingħajr preġudizzju għall-Artikolu 2 tar-Regolament ta’ Implimentazzjoni (UE) 2017/2177, l-operaturi tal-faċilitajiet tas-servizzi jistgħu jitolbu li jiġu eżentati mill-applikazzjoni ta’ dan l-Artikolu. Dawn it-talbiet għandhom jiġu ppreżentati lill-korp regolatorju u jiġu sostanzjati kif xieraq. Il-korpi regolatorji jistgħu jiddeċiedu li jestendu eżenzjoni f’każijiet debitament ġustifikati.

Emenda  134

 

Proposta għal regolament

Artikolu 29 – paragrafu 7

Test propost mill-Kummissjoni	Emenda
7. L-ENRRB għandu jimmonitorja l-applikazzjoni tal-paragrafu 7 u għandu jipprovdi rakkomandazzjonijiet dwar il-kriterji li jridu jintużaw fil-valutazzjoni tat-talbiet għal eżenzjonijiet.	7. L-ENRRB għandu jimmonitorja l-applikazzjoni tal-paragrafu 6 u għandu jipprovdi rakkomandazzjonijiet dwar il-kriterji li jridu jintużaw fil-valutazzjoni tat-talbiet għal eżenzjonijiet.

Emenda  135

 

Proposta għal regolament

Artikolu 29 – paragrafu 7a (ġdid)

Test propost mill-Kummissjoni	Emenda
	7a. Il-maniġers tal-infrastruttura għandhom jinformaw lill-korp regolatorju dwar it-talbiet kollha għall-kapaċità riċevuti li ma kinux jaqblu mal-parametri tal-kapaċità disponibbli kif definita fil-pjan tal-provvista tal-kapaċità, u li għalhekk ġew rifjutati. Abbażi ta’ din l-informazzjoni, il-korp regolatorju għandu joħroġ opinjoni mill-anqas kull sentejn, li fiha jista’ jirrakkomanda lill-maniġer tal-infrastruttura biex jemenda l-mudell tal-kapaċità.

Emenda  136

 

Proposta għal regolament

Artikolu 29 – paragrafu 7 b (ġdid)

Test propost mill-Kummissjoni	Emenda
	7b. Il-Kummissjoni għandha tadotta, sa ... [24 xahar wara d-dħul fis-seħħ ta’ dan ir-Regolament], atti ta’ implimentazzjoni biex tistabbilixxi dettalji dwar ir-rekwiżiti funzjonali u tekniċi għall-iskambju tal-informazzjoni bejn l-operaturi tal-faċilitajiet ferrovjarji u l-maniġers tal-infrastruttura għall-finijiet ta’ dan l-Artikolu u biex temenda l-paragrafu 6 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).

Emenda  137

 

Proposta għal regolament

Artikolu 30 – paragrafu 2

Test propost mill-Kummissjoni	Emenda
2. Il-meniġers tal-infrastruttura għandhom jaġġornaw kontinwament l-iskeda operatorja sa tmiem il-perjodu tal-iskeda operatorja, filwaqt li jqisu l-kapaċità allokata bil-proċess tal-ippjanar kontinwu msemmi fl-Artikolu 33, il-kapaċità allokata bil-proċess ad hoc imsemmi fl-Artikolu 34, il-bidliet fid-drittijiet tal-kapaċità f’konformità mal-Artikolu 39, u l-iskedar mill-ġdid fil-kuntest tal-ġestjoni tat-tfixkil u tal-ġestjoni tal-kriżijiet f’konformità mal-Artikolu 41.	2. Il-maniġers tal-infrastruttura għandhom jaġġornaw f’intervalli regolari l-iskeda operatorja sa tmiem il-perjodu tal-iskeda operatorja, filwaqt li jqisu l-kapaċità allokata bil-proċess tal-ippjanar kontinwu msemmi fl-Artikolu 33, il-kapaċità allokata bil-proċess ad hoc imsemmi fl-Artikolu 34, il-bidliet fid-drittijiet tal-kapaċità f’konformità mal-Artikolu 39, u l-iskedar mill-ġdid fil-kuntest tal-ġestjoni tat-tfixkil u tal-ġestjoni tal-kriżijiet f’konformità mal-Artikolu 41.

Emenda  138

 

Proposta għal regolament

Artikolu 31 – paragrafu 1 – subparagrafu 3a (ġdid)

Test propost mill-Kummissjoni	Emenda
	Il-ftehimiet qafas għandhom jiġu nnotifikati lill-korp regolatorju u għandhom jiġu approvati minnu. Fil-każ ta’ ftehimiet qafas f’diversi networks, l-approvazzjoni għandha tqis l-opinjoni tal-ENRRB.

Emenda  139

 

Proposta għal regolament

Artikolu 31 – paragrafu 3

Test propost mill-Kummissjoni	Emenda
3. Il-meniġers tal-infrastruttura għandhom jikkonkludu ftehimiet qafas biss meta d-dritt tal-kapaċità mitlub ikun konsistenti mad-dokumenti tal-ippjanar tal-kapaċità strateġika msemmija fl-Artikolu 11(2). Il-meniġers tal-infrastruttura għandhom jindikaw il-kapaċità li jkunu qed jippjanaw li jirriżervaw għall-allokazzjoni bi ftehimiet qafas f’dawn id-dokumenti tal-ippjanar.	3. Il-maniġers tal-infrastruttura għandhom jikkonkludu ftehimiet qafas biss meta d-dritt tal-kapaċità mitlub ikun konsistenti mad-dokumenti tal-ippjanar tal-kapaċità strateġika msemmija fl-Artikolu 11(2). Il-maniġers tal-infrastruttura,  wara konsultazzjoni man-networks ġirien, għandhom jindikaw il-kapaċità li jkunu qed jippjanaw li jirriżervaw għall-allokazzjoni bi ftehimiet qafas f’dawn id-dokumenti tal-ippjanar.

Emenda  140

 

Proposta għal regolament

Artikolu 31 – paragrafu 4

Test propost mill-Kummissjoni	Emenda
4. Il-ftehimiet qafas ma għandhomx ikunu b’tali mod li jipprekludu l-użu tal-infrastruttura rilevanti minn applikanti jew servizzi oħra. Għal dan il-għan, il-meniġers tal-infrastruttura għandhom jistabbilixxu l-ishma massimi tal-kapaċità totali li jistgħu jiġu allokati bi ftehimiet qafas u jinkluduhom fid-dikjarazzjoni dwar in-network.	4. Il-ftehimiet qafas ma għandhomx ikunu b’tali mod li jipprekludu l-użu tal-infrastruttura rilevanti minn applikanti jew servizzi oħra. Għal dan il-għan, il-maniġers tal-infrastruttura għandhom, wara konsultazzjoni tal-korp regolatorju, jistabbilixxu l-ishma massimi tal-kapaċità totali li jistgħu jiġu allokati bi ftehimiet qafas u jinkluduhom fid-dikjarazzjoni dwar in-network. Il-maniġers tal-infrastruttura tal-pajjiżi ġirien li jkunu kkonkludew ftehimiet qafas transfruntieri għandhom jallinjaw dawn l-ishma massimi tal-kapaċità totali u jagħmluhom kemm jista’ jkun konsistenti.

Emenda  141

 

Proposta għal regolament

Artikolu 31 – paragrafu 7

Test propost mill-Kummissjoni	Emenda
7. Il-ftehimiet qafas għandhom, fil-prinċipju, ikopru l-perjodu indikat fit-Taqsima 5 tal-Anness I. Il-meniġer tal-infrastruttura jista’ jaqbel fuq perjodu iqsar jew itwal f’każijiet speċifiċi. Kull perjodu itwal mill-perjodu indikat fit-Taqsima 5 tal-Anness I għandu jkun ġustifikat bir-rekwiżit tal-investimenti ddedikati minn parteċipanti ġodda jew min-novità sostanzjali tas-servizz.	7. Il-ftehimiet qafas għandhom, fil-prinċipju, ikopru l-perjodu indikat fit-Taqsima 5 tal-Anness I. Il-maniġer tal-infrastruttura jista’ jaqbel fuq perjodu iqsar jew itwal f’każijiet speċifiċi. Kull perjodu itwal mill-perjodu indikat fit-Taqsima 5 tal-Anness I għandu jkun ġustifikat bir-rekwiżit tal-investimenti ddedikati minn parteċipanti ġodda jew min-novità sostanzjali tas-servizz.

Emenda  142

 

Proposta għal regolament

Artikolu 31 – paragrafu 11

Test propost mill-Kummissjoni	Emenda
11. Abbażi tal-esperjenza tal-korpi regolatorji, tal-awtoritajiet kompetenti u tal-impriżi ferrovjarji u abbażi tal-attivitajiet tal-ENRRB, il-Kummissjoni tista’ tadotta att ta’ implimentazzjoni li jistabbilixxi d-dettalji tal-proċedura u tal-kriterji li jridu jintużaw għall-applikazzjoni uniformi ta’ dan l-Artikolu u tal-Artikolu 33. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).	11. Abbażi tal-esperjenza tal-korpi regolatorji, tal-awtoritajiet kompetenti u tal-impriżi ferrovjarji u abbażi tal-attivitajiet tal-ENRRB, il-Kummissjoni għandha, sa [24 xahar wara d-dħul fis-seħħ ta’ dan ir-Regolament], tadotta att ta’ implimentazzjoni biex tistabbilixxi d-dettalji tal-proċedura u tal-kriterji li jridu jintużaw għall-applikazzjoni uniformi ta’ dan l-Artikolu u tal-Artikolu 33 u biex temenda dan l-Artikolu u l-Artikolu 33. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).

Emenda  143

 

Proposta għal regolament

Artikolu 32 – paragrafu 3

Test propost mill-Kummissjoni	Emenda
3. Fil-każ ta’ kunflitt bejn żewġ talbiet għall-kapaċità jew aktar, il-meniġers tal-infrastruttura għandhom l-ewwel jippruvaw isolvu l-kunflitt bil-mekkaniżmu tar-riżoluzzjoni kunsenswali msemmi fl-Artikolu 36.	3. Fil-każ ta’ kunflitt bejn żewġ talbiet għall-kapaċità jew aktar jew fil-każ ta’ talbiet għall-kapaċità mhux konsistenti mal-pjan tal-provvista tal-kapaċità, il-maniġers tal-infrastruttura għandhom l-ewwel jippruvaw isolvu l-kunflitt bil-mekkaniżmu tar-riżoluzzjoni kunsenswali tal-kunflitti msemmi fl-Artikolu 36.

Emenda  144

 

Proposta għal regolament

Artikolu 32 – paragrafu 5 – subparagrafu 1

Test propost mill-Kummissjoni	Emenda
F’konformità mal-Artikolu 18 u l-Artikolu 20, il-meniġer tal-infrastruttura għandu jagħti prijorità lit-talbiet li jkunu konsistenti mal-kapaċità ppjanata minn qabel definita fil-pjan tal-provvista tal-kapaċità. Permezz ta’ hekk, il-meniġer tal-infrastruttura jista’ jaċċetta jew jirrifjuta t-talbiet li ma jkunux konsistenti mal-pjan tal-provvista tal-kapaċità.	F’konformità mal-Artikolu 18 u l-Artikolu 20, il-maniġer tal-infrastruttura għandu jagħti prijorità lit-talbiet li jkunu konsistenti mal-kapaċità ppjanata minn qabel definita fil-pjan tal-provvista tal-kapaċità, dment li l-partijiet operazzjonali kkonċernati jkunu ġew ikkonsultati kif xieraq u t-tħabbiriet tagħhom dwar il-kapaċità jkunu tqiesu bis-sħiħ.

Emenda  145

 

Proposta għal regolament

Artikolu 32 – paragrafu 5 – subparagrafu 2

Test propost mill-Kummissjoni	Emenda
Meta jaċċetta talbiet li ma jkunux konsistenti mal-pjan tal-provvista tal-kapaċità, il-meniġer tal-infrastruttura għandu jara li jżomm il-bilanċ ġenerali bejn l-elementi tal-pjan tal-provvista tal-kapaċità elenkati fl-Artikolu 18(6).	Meta jaċċetta talbiet li ma jkunux konsistenti mal-pjan tal-provvista tal-kapaċità, il-maniġer tal-infrastruttura għandu jara li jżomm il-bilanċ ġenerali bejn l-elementi tal-pjan tal-provvista tal-kapaċità elenkati fl-Artikolu 18(6) u t-talba nnifisha. Dawn l-applikazzjonijiet għandhom jitqiesu jekk ikun hemm biżżejjed kapaċità libera disponibbli mingħajr ma jiġu ristretti l-ħtiġijiet ta’ applikazzjonijiet sussegwenti.

Emenda  146

 

Proposta għal regolament

Artikolu 32 – paragrafu 5 – subparagrafu 3

Test propost mill-Kummissjoni	Emenda
Meta jirrifjuta talbiet mhux konsistenti mal-pjan tal-provvista tal-kapaċità, il-meniġer tal-infrastruttura għandu, mingħajr dewmien, jinforma lill-applikant ikkonċernat bl-intenzjoni tiegħu li jirrifjuta talba. Dan tal-aħħar għandu jkollu d-dritt li jippreżenta lment lill-korp regolatorju.	Meta jipproċessa talbiet mhux konsistenti mal-pjan tal-provvista tal-kapaċità, il-maniġer tal-infrastruttura għandu joffri alternattiva u, meta jkun possibbli mil-lat taż-żmien, tkun ippreċeduta minn konsultazzjoni mal-applikanti kkonċernati. Jekk offerta alternattiva ma tkunx possibbli, il-maniġer tal-infrastruttura, meta jirrifjuta talba għandu, mingħajr dewmien, jinforma lill-applikant ikkonċernat bl-intenzjoni tiegħu li jirrifjuta talba. Dan tal-aħħar għandu jkollu d-dritt li jippreżenta lment lill-korp regolatorju.

Emenda  147

 

Proposta għal regolament

Artikolu 32 – paragrafu 8

Test propost mill-Kummissjoni	Emenda
8. Il-meniġer tal-infrastruttura għandu jqis it-talbiet ippreżentati wara l-iskadenza inizjali u qabel l-iskadenza finali stabbilita fil-punt 4 tal-Anness I. F’każijiet bħal dawn, il-meniġers tal-infrastruttura għandhom jallokaw id-drittijiet tal-kapaċità f’konformità mat-Taqsima 4, il-punt 2 tal-Anness I.	8. Il-maniġer tal-infrastruttura għandu jqis it-talbiet ippreżentati wara l-iskadenza inizjali u qabel l-iskadenza finali stabbilita fit-Taqsima 4 tal-Anness I. F’każijiet bħal dawn, il-maniġers tal-infrastruttura għandhom jallokaw id-drittijiet tal-kapaċità f’konformità mat-Taqsima 4, il-punt 2 tal-Anness I.

Emenda  148

 

Proposta għal regolament

Artikolu 33 – paragrafu 1

Test propost mill-Kummissjoni	Emenda
1. Il-meniġers tal-infrastruttura għandhom jallokaw il-kapaċità bil-proċess tal-ippjanar kontinwu skont l-iskadenzi stabbiliti fil-punt 6 tal-Anness I. Il-meniġers tal-infrastruttura għandhom jerfgħu kapaċità għal dan il-għan fil-pjan tal-provvista tal-kapaċità msemmi fl-Artikolu 18.	1. Il-maniġers tal-infrastruttura għandhom jallokaw il-kapaċità bil-proċess tal-ippjanar kontinwu skont l-iskadenzi stabbiliti fit-Taqsima 6 tal-Anness I. Il-maniġers tal-infrastruttura għandhom jerfgħu kapaċità għal dan il-għan fil-pjan tal-provvista tal-kapaċità msemmi fl-Artikolu 18.

 

Emenda  149

 

Proposta għal regolament

Artikolu 33 – paragrafu 2 – subparagrafu 1 – punt b

Test propost mill-Kummissjoni	Emenda
(b) l-ispeċifikazzjonijiet tal-kapaċità għall-jiem operattivi kollha lil hinn mill-perjodu tal-iskeda operatorja li jinkludu l-ewwel jum inkluż fit-talba għal perjodu massimu speċifikat fil-punt 6 tal-Anness I.	(b) l-ispeċifikazzjonijiet tal-kapaċità għall-jiem operattivi kollha lil hinn mill-perjodu tal-iskeda operatorja li jinkludu l-ewwel jum inkluż fit-talba għal perjodu massimu speċifikat fit-Taqsima 6 tal-Anness I.

Emenda  150

 

Proposta għal regolament

Artikolu 33 – paragrafu 3

Test propost mill-Kummissjoni	Emenda
3. Mingħajr preġudizzju għall-Artikolu 18, il-meniġers tal-infrastruttura għandhom jallokaw il-kapaċità riżervata għall-proċess tal-allokazzjoni tal-ippjanar kontinwu abbażi tal-prinċipju tal-allokazzjoni stabbilit fit-Taqsima 5, il-punt 2 tal-Anness I.	3. Mingħajr preġudizzju għall-Artikolu 18, il-maniġers tal-infrastruttura għandhom jallokaw il-kapaċità riżervata għall-proċess tal-allokazzjoni tal-ippjanar kontinwu abbażi tal-prinċipju tal-allokazzjoni stabbilit fit-Taqsima 6, il-punt 2 tal-Anness I.

Emenda  151

 

Proposta għal regolament

Artikolu 33 – paragrafu 4

Test propost mill-Kummissjoni	Emenda
4. F’konformità mar-regoli u l-proċeduri stabbiliti fl-Artikolu 20, il-meniġers tal-infrastruttura jistgħu jirrifjutaw li jallokaw kapaċità għal talbiet tal-ippjanar kontinwu jekk it-talbiet ma jkunux konsistenti mal-pjan tal-provvista tal-kapaċità adottat f’konformità mal-Artikolu 18. Rifjut għandu jiġi kkomunikat lill-applikant mingħajr dewmien. L-applikant għandu jkollu d-dritt li jippreżenta lment lill-korp regolatorju.	4. F’konformità mar-regoli u l-proċeduri stabbiliti fl-Artikolu 20, il-maniġers tal-infrastruttura għandhom jagħmlu kull sforz biex joffru kapaċità alternattiva għal talbiet tal-ippjanar kontinwu jekk it-talbiet ma jkunux konsistenti mal-pjan tal-provvista tal-kapaċità adottat f’konformità mal-Artikolu 18. Jekk ma jkunx possibbli li tiġi offruta alternattiva, il-maniġer tal-infrastruttura jista’ jirrifjuta li jalloka kapaċità għal tali talba inkonsistenti. L-applikant għandu jkollu d-dritt li jippreżenta lment lill-korp regolatorju.

Emenda  152

 

Proposta għal regolament

Artikolu 33 – paragrafu 5

Test propost mill-Kummissjoni	Emenda
5. Il-meniġers tal-infrastruttura għandhom jinformaw lill-korp regolatorju dwar it-talbiet kollha għall-kapaċità riċevuti li ma kinux jaqblu mal-parametri tal-kapaċità disponibbli kif definita fil-pjan tal-provvista tal-kapaċità, irrispettivament minn jekk ikunux ġew aċċettati jew rifjutati. Abbażi ta’ din l-informazzjoni, il-korp regolatorju għandu joħroġ opinjoni mill-anqas kull sentejn, li tista’ tirrakkomanda lill-meniġer tal-infrastruttura biex jemenda l-mudell tal-kapaċità.	5. Imħassar

Emenda  153

 

Proposta għal regolament

Artikolu 36 – paragrafu 8

Test propost mill-Kummissjoni	Emenda
8. L-ENIM għandu jħejji linji gwida għall-mekkaniżmu tar-riżoluzzjoni kunsenswali tal-kunflitti għat-talbiet għall-kapaċità f’diversi networks u jinkludihom fil-qafas Ewropew tal-ġestjoni tal-kapaċità msemmi fl-Artikolu 6.	8. Sa ... [24 xahar wara d-dħul fis-seħħ ta’ dan ir-Regolament] u wara li jikkonsulta l-Pjattaforma Ferrovjarja Ewropea, l-ENIM għandu jħejji linji gwida għall-mekkaniżmu tar-riżoluzzjoni kunsenswali tal-kunflitti għat-talbiet għall-kapaċità f’diversi networks u jinkludihom fil-qafas Ewropew tal-ġestjoni tal-kapaċità msemmi fl-Artikolu 6.

Emenda  154

 

Proposta għal regolament

Artikolu 36 – paragrafu 8a (ġdid)

Test propost mill-Kummissjoni	Emenda
	8a. Il-Kummissjoni għandha, sa [24 xahar wara d-dħul fis-seħħ ta’ dan ir-Regolament], tadotta att ta’ implimentazzjoni biex tistabbilixxi d-dettalji tal-proċedura u l-kriterji li għandhom jiġu segwiti għall-mekkaniżmu tar-riżoluzzjoni kunsenswali tal-kunflitti għal talbiet għall-kapaċità f’diversi networks u biex temenda l-paragrafu 8 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3). Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  155

 

Proposta għal regolament

Artikolu 37 – paragrafu 2

Test propost mill-Kummissjoni	Emenda
2. Fil-kuntest tal-proċess formali tar-riżoluzzjoni tal-kunflitti, it-talbiet għad-drittijiet tal-kapaċità f’diversi networks għandhom jitqiesu fl-intier tagħhom. Jekk, f’konformità mal-Artikolu 8(6), ikunu japplikaw parametri nazzjonali differenti, dawk il-parametri għandhom jintużaw għas-sezzjonijiet rispettivi.	2. Fil-kuntest tal-mekkaniżmu formali tar-riżoluzzjoni tal-kunflitti, it-talbiet għad-drittijiet tal-kapaċità f’diversi networks għandhom jitqiesu fl-intier tagħhom. Jekk, f’konformità mal-Artikolu 8(6), ikunu japplikaw parametri nazzjonali differenti, dawk il-parametri għandhom jintużaw għas-sezzjonijiet rispettivi.

Emenda  156

 

Proposta għal regolament

Artikolu 37 – paragrafu 3a (ġdid)

Test propost mill-Kummissjoni	Emenda
	3a. F’dan ir-rigward, l-ENRRB għandu jikkompila linji gwida biex jiffaċilita l-applikazzjoni armonizzata tal-Artikolu 3.

Emenda  157

 

Proposta għal regolament

Artikolu 39 – paragrafu 4a (ġdid)

Test propost mill-Kummissjoni	Emenda
	4a. Fil-każijiet fejn il-kapaċità tiġi riżervata iżda ma tintużax, għandu japplika pagament ta’ kumpens f’konformità mal-Artikolu 40.

Emenda  158

 

Proposta għal regolament

Artikolu 39 – paragrafu 7 – subparagrafu 2

Test propost mill-Kummissjoni	Emenda
Il-meniġer tal-infrastruttura għandu joffri drittijiet tal-kapaċità alternattivi lill-applikant sal-iskadenzi stabbiliti fit-Taqsima 8 tal-Anness I. Meta dan ma jkunx possibbli, il-meniġer tal-infrastruttura għandu jagħti informazzjoni rilevanti lill-applikant biex ikun jista’ jagħmel talba ġdida għall-kapaċità infrastrutturali. Meta rilevanti, dik l-informazzjoni għandha tagħmel referenza għall-pjan tal-provvista tal-kapaċità msemmi fl-Artikolu 18 u għall-ippjanar ta’ kontinġenza msemmi fl-Artikolu 19.	Il-maniġer tal-infrastruttura għandu joffri drittijiet tal-kapaċità alternattivi lill-applikant sal-iskadenzi stabbiliti fit-Taqsima 8 tal-Anness I. Meta ma tkun fattibbli l-ebda offerta alternattiva f’konformità mal-Artikolu 32(5) u l-Artikolu 33(4), il-maniġer(s) tal-infrastruttura għandu/hom jagħti/u informazzjoni rilevanti lill-applikant biex l-applikant ikun jista’ jagħmel talba ġdida għall-kapaċità infrastrutturali. Meta rilevanti, dik l-informazzjoni għandha tagħmel referenza għall-pjan tal-provvista tal-kapaċità msemmi fl-Artikolu 18 u għall-ippjanar ta’ kontinġenza msemmi fl-Artikolu 19.

Emenda  159

 

Proposta għal regolament

Artikolu 39 – paragrafu 8 – subparagrafu 1

Test propost mill-Kummissjoni	Emenda
L-ENIM għandu jħejji u jadotta proċeduri armonizzati għall-ġestjoni tal-bidliet fid-drittijiet tal-kapaċità wara l-allokazzjoni u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.	Sa ... [12-il xahar mid-dħul fis-seħħ ta’ dan ir-Regolament] l-ENIM għandu jħejji u jadotta proċeduri armonizzati għall-ġestjoni tal-bidliet fid-drittijiet tal-kapaċità wara l-allokazzjoni u jinkludihom fil-qafas Ewropew għall-ġestjoni tal-kapaċità msemmi fl-Artikolu 6.

Emenda  160

 

Proposta għal regolament

Artikolu 39 – paragrafu 8a (ġdid)

Test propost mill-Kummissjoni	Emenda
	8a. Il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex tistabbilixxi regoli u proċeduri għall-ġestjoni tal-bidliet fid-drittijiet tal-kapaċità wara l-allokazzjoni u biex temenda l-paragrafu 8 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament].  Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  161

 

Proposta għal regolament

Artikolu 40 – paragrafu 3

Test propost mill-Kummissjoni	Emenda
3. Wara konsultazzjoni mal-ENRRB, l-ENIM għandu jiddefinixxi kundizzjonijiet armonizzati li jwasslu għal kumpens. Dawk il-kundizzjonijiet għandhom iqisu r-regoli stabbiliti fl-Artikolu 39(4) u (8). L-ENIM għandu jinkludi dawn il-kundizzjonijiet fil-qafas Ewropew għall-ġestjoni tal-kapaċità msemmi fl-Artikolu 6. L-ENRRB għandu jippubblika opinjoni dwar il-kundizzjonijiet definiti mill-ENIM.	3. Wara konsultazzjoni mal-ENRRB u l-Pjattaforma Ferrovjarja Ewropea, l-ENIM għandu, sa [12-il xahar mid-dħul fis-seħħ ta’ dan ir-Regolament], jiddefinixxi kundizzjonijiet armonizzati li jwasslu għal kumpens. Dawk il-kundizzjonijiet għandhom iqisu r-regoli stabbiliti fl-Artikolu 39(4) u (8). L-ENIM għandu jinkludi dawn il-kundizzjonijiet fil-qafas Ewropew għall-ġestjoni tal-kapaċità msemmi fl-Artikolu 6. L-ENRRB għandu jippubblika opinjoni dwar il-kundizzjonijiet definiti mill-ENIM.

Emenda  162

 

Proposta għal regolament

Artikolu 40 – paragrafu 6

Test propost mill-Kummissjoni	Emenda
6. Il-korpi regolatorji għandhom jiddeċiedu dwar it-tilwim relatat mar-raġuni għall-bidla għal dritt tal-kapaċità jew għal kumpens tard u għandhom jieħdu deċiżjoni mingħajr dewmien u fi żmien xahar mill-ġbir tal-informazzjoni kollha meħtieġa biex jivvalutaw il-kawża tal-bidla. Il-korpi regolatorji għandhom jinformaw u jistgħu jikkonsultaw mal-ENRRB dwar dawn id-deċiżjonijiet. L-ENRRB għandu jiżgura li dawn id-deċiżjonijiet ikunu koerenti u bbażati fuq prinċipji rikonoxxuti b’mod komuni.	6. Il-korpi regolatorji għandhom jiddeċiedu dwar it-tilwim relatat mar-raġuni għall-bidla għal dritt tal-kapaċità jew dewmien fil-ħlas tal-kumpens u għandhom jieħdu deċiżjoni mingħajr dewmien u fi żmien xahar mill-ġbir tal-informazzjoni kollha meħtieġa biex jivvalutaw il-kawża tal-bidla. Il-korpi regolatorji għandhom jinformaw u jistgħu jikkonsultaw mal-ENRRB dwar dawn id-deċiżjonijiet. L-ENRRB għandu jiżgura li dawn id-deċiżjonijiet ikunu koerenti u bbażati fuq prinċipji rikonoxxuti b’mod komuni.

Emenda  163

 

Proposta għal regolament

Artikolu 40 – paragrafu 7

Test propost mill-Kummissjoni	Emenda
7. Il-Kummissjoni tista’ tadotta atti ta’ implimentazzjoni li jistabbilixxu l-kundizzjonijiet li jwasslu għall-ħlas tal-kumpensi, il-kategorizzazzjoni tal-bidliet fid-drittijiet tal-kapaċità u l-metodoloġiji biex jiġu stabbiliti l-livelli ta’ kumpens. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).	7. Il-Kummissjoni għandha tingħata dritt li tadotta atti delegati f’konformità mal-Artikolu 71 biex tistabbilixxi l-kundizzjonijiet li jwasslu għall-ħlas tal-kumpensi, il-kategorizzazzjoni tal-bidliet fid-drittijiet tal-kapaċità u l-metodoloġiji biex jiġu stabbiliti l-livelli ta’ kumpens, u biex temenda l-paragrafu 2 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament].  Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  164

 

Proposta għal regolament

Artikolu 41 – paragrafu 2 – subparagrafu 1

Test propost mill-Kummissjoni	Emenda
L-ENIM għandu jiżviluppa u jadotta linji gwida għall-ġestjoni u l-allokazzjoni tal-kapaċità infrastrutturali f’każ ta’ tfixkil fin-network b’mod trasparenti u nondiskriminatorju. B’mod partikolari, l-ENIM għandu jipprovdi linji gwida dwar l-applikazzjoni tal-proċess tal-allokazzjoni simultanja tal-kapaċità u l-prinċipju ta’ min jiġi l-ewwel, jinqeda l-ewwel.	Sa [12-il xahar mid-dħul fis-seħħ ta’ dan ir-Regolament, l-ENIM għandu jiżviluppa u jadotta linji gwida għall-ġestjoni u l-allokazzjoni tal-kapaċità infrastrutturali f’każ ta’ tfixkil fin-network b’mod trasparenti u nondiskriminatorju. B’mod partikolari, l-ENIM għandu jipprovdi linji gwida dwar l-applikazzjoni tal-proċess tal-allokazzjoni simultanja tal-kapaċità u l-prinċipju ta’ min jiġi l-ewwel, jinqeda l-ewwel.

Emenda  165

 

Proposta għal regolament

Artikolu 41 – paragrafu 2 – subparagrafu 2

Test propost mill-Kummissjoni	Emenda
Meta jkun japplika l-proċess tal-allokazzjoni simultanja, l-ENIM għandu jipprovdi linji gwida dwar il-proċeduri li jridu jiġu applikati, u jinvolvi kif xieraq l-applikazzjoni tal-proċess tar-riżoluzzjoni kunsenswali tal-kunflitti msemmi fl-Artikolu 36 u tal-proċess formali tar-riżoluzzjoni tal-kunflitti msemmi fl-Artikolu 37. L-ENIM għandu jinkludi dawk il-linji gwida fil-qafas Ewropew għall-ġestjoni tal-kapaċità msemmi fl-Artikolu 6.	Meta jkun japplika l-proċess tal-allokazzjoni simultanja, l-ENIM għandu jipprovdi linji gwida dwar il-proċeduri li jridu jiġu applikati, u jinvolvi kif xieraq l-applikazzjoni tal-mekkaniżmu tar-riżoluzzjoni kunsenswali tal-kunflitti msemmi fl-Artikolu 36 u tal-mekkaniżmu formali tar-riżoluzzjoni tal-kunflitti msemmi fl-Artikolu 37. L-ENIM għandu jinkludi dawk il-linji gwida fil-qafas Ewropew għall-ġestjoni tal-kapaċità msemmi fl-Artikolu 6.

Emenda  166

 

Proposta għal regolament

Artikolu 41 – paragrafu 3

Test propost mill-Kummissjoni	Emenda
3. Meta jsir skedar mill-ġdid, il-meniġers tal-infrastruttura ma għandhomx ibiddlu jew iħassru b’mod unilaterali d-drittijiet eżistenti tal-kapaċità għall-fini tal-ġestjoni tat-tfixkil. Madankollu, abbażi tal-esperjenza tal-korpi regolatorji, tal-meniġers tal-infrastruttura u tal-impriżi ferrovjarji u abbażi tal-attivitajiet tal-ENIM u tal-ENRRB, il-Kummissjoni tista’ tadotta att ta’ implimentazzjoni li jistabbilixxi l-kriterji u l-proċeduri għall-iskedar mill-ġdid, inkluż bidliet unilaterali fid-drittijiet tal-kapaċità allokati mill-meniġers tal-infrastruttura għall-fini tal-ġestjoni tat-tfixkil fin-network. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 72(3).	3. Meta jsir skedar mill-ġdid, il-maniġers tal-infrastruttura ma għandhomx ibiddlu jew iħassru b’mod unilaterali d-drittijiet eżistenti tal-kapaċità għall-fini tal-ġestjoni tat-tfixkil. Madankollu, abbażi tal-esperjenza tal-korpi regolatorji, tal-maniġers tal-infrastruttura u tal-impriżi ferrovjarji u abbażi tal-attivitajiet tal-ENIM u tal-ENRRB, il-Kummissjoni għandha tingħata d-dritt li tadotta att delegat f’konformità mal-Artikolu 71 biex tistabbilixxi l-kriterji u l-proċeduri għall-iskedar mill-ġdid, inkluż bidliet unilaterali fid-drittijiet tal-kapaċità allokati mill-maniġers tal-infrastruttura għall-fini tal-ġestjoni tat-tfixkil fin-network u biex temenda l-paragrafu 2 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-dħul fis-seħħ ta’ dan ir-Regolament].  Dawn għandhom jiġu inklużi fil-qafas Ewropew għall-ġestjoni tal-kapaċità.

Emenda  167

 

Proposta għal regolament

Artikolu 42 – paragrafu 2a (ġdid)

Test propost mill-Kummissjoni	Emenda
	2a. Il-maniġers tal-infrastruttura għandhom jippubblikaw u jagħmlu aċċessibbli liberament ir-regoli u l-proċeduri speċjali msemmija fil-paragrafu 2. Għandhom jiġu notifikati lill-Kummissjoni.

Emenda  168

 

Proposta għal regolament

Artikolu 43 – paragrafu 1

Test propost mill-Kummissjoni	Emenda
1. Il-meniġers tal-infrastruttura għandhom jistabbilixxu regoli u proċeduri għall-ġestjoni tad-devjazzjonijiet tal-movimenti ferrovjarji mill-iskeda operatorja. Dawk ir-regoli u l-proċeduri għandhom jiġu ppubblikati fid-dikjarazzjoni dwar in-network imsemmija fl-Artikolu 27 tad-Direttiva 2012/34/UE u għandhom ikopru l-ġestjoni tat-traffiku fis-sitwazzjonijiet stabbiliti fl-Artikolu 42(1), il-punti (a), (b) u (c) ta’ dan ir-Regolament.	1. Sa ... [18-il xahar mid-dħul fis-seħħ ta’ dan ir-Regolament], il-maniġers tal-infrastruttura għandhom jistabbilixxu regoli u proċeduri għall-ġestjoni tad-devjazzjonijiet tal-movimenti ferrovjarji mill-iskeda operatorja. Dawk ir-regoli u l-proċeduri għandhom jiġu ppubblikati fid-dikjarazzjoni dwar in-network imsemmija fl-Artikolu 27 tad-Direttiva 2012/34/UE u għandhom ikopru l-ġestjoni tat-traffiku fis-sitwazzjonijiet stabbiliti fl-Artikolu 42(1), il-punti (a), (b) u (c) ta’ dan ir-Regolament.

Emenda  169

 

Proposta għal regolament

Artikolu 43 – paragrafu 2

Test propost mill-Kummissjoni	Emenda
2. Ir-regoli u l-proċeduri msemmija fil-paragrafu 1 għandhom jimmiraw li jnaqqsu kemm jista’ jkun l-impatt ġenerali tad-devjazzjonijiet mill-iskeda fuq it-traffiku ferrovjarju, filwaqt li jqisu l-ħtiġijiet tat-tipi kollha tat-trasport. Il-prinċipji jistgħu jkunu jinvolvu regoli ta’ prijorità għall-ġestjoni bejn it-tipi differenti ta’ traffiku u l-proċeduri, il-kriterji u l-miri speċifiċi li jridu jiġu applikati f’approċċ ibbażat fuq l-ottimizzazzjoni li jistrieħ fuq l-ottimizzazzjoni ta’ xi funzjoni fil-mira, bħat-tnaqqis kemm jista’ jkun possibbli tal-minuti ttardjati jew tal-ħin għar-ritorn għal operazzjonijiet normali, aktar milli regoli ta’ prijorità espliċiti.	2. Ir-regoli u l-proċeduri msemmija fil-paragrafu 1 għandhom jimmiraw li jnaqqsu kemm jista’ jkun l-impatt ġenerali tad-devjazzjonijiet mill-iskeda fuq it-traffiku ferrovjarju, filwaqt li jqisu l-ħtiġijiet tat-tipi kollha tat-trasport. Ir-regoli u l-proċeduri jistgħu jkunu jinvolvu regoli ta’ prijorità għall-ġestjoni bejn it-tipi differenti ta’ traffiku u l-proċeduri, il-kriterji u l-miri speċifiċi li jridu jiġu applikati f’approċċ ibbażat fuq l-ottimizzazzjoni li jistrieħ fuq l-ottimizzazzjoni ta’ xi funzjoni fil-mira, bħat-tnaqqis kemm jista’ jkun possibbli tal-minuti ttardjati jew tal-ħin għar-ritorn għal operazzjonijiet normali, aktar milli regoli ta’ prijorità espliċiti.

Emenda  170

 

Proposta għal regolament

Artikolu 43 – paragrafu 3

Test propost mill-Kummissjoni	Emenda
3. Fil-każ ta’ tfixkil fil-movimenti tal-ferroviji minħabba ħsara teknika jew inċident, il-meniġer tal-infrastruttura għandu jieħu l-passi kollha meħtieġa biex ireġġa’ lura s-sitwazzjoni għan-normal. Għal dak il-għan, dan għandu jimplimenta pjan ta’ kontinġenza f’konformità mal-Artikolu 19. Fil-każ ta’ disturb li jkollu impatt potenzjali fuq it-traffiku transfruntier, il-meniġers tal-infrastruttura kkonċernati għandhom jikkooperaw flimkien biex jerġgħu jistabbilixxu t-traffiku transfruntier għan-normal f’konformità mal-qafas Ewropew għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet imsemmi fl-Artikolu 44.	3. Fil-każ ta’ tfixkil fil-movimenti tal-ferroviji minħabba ħsara teknika jew inċident, il-maniġer tal-infrastruttura għandu, mingħajr dewmien, jieħu l-passi kollha meħtieġa biex ireġġa’ lura s-sitwazzjoni għan-normal. Għal dak il-għan, dan għandu jimplimenta pjan ta’ kontinġenza f’konformità mal-Artikolu 19. Fil-każ ta’ disturb li jkollu impatt potenzjali fuq it-traffiku transfruntier, il-maniġers tal-infrastruttura kkonċernati għandhom jikkooperaw flimkien biex jerġgħu jistabbilixxu t-traffiku transfruntier għan-normal f’konformità mal-qafas Ewropew għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet imsemmi fl-Artikolu 44.

Emenda  171

 

Proposta għal regolament

Artikolu 43 – paragrafu 4a (ġdid)

Test propost mill-Kummissjoni	Emenda
	4a. Id-devjazzjonijiet għandhom ikunu permessi biss f’każijiet raġonevoli u għandhom jiġu approvati mill-korp regolatorju nazzjonali.

Emenda  172

 

Proposta għal regolament

Artikolu 43 – paragrafu 5 – subparagrafu 1

Test propost mill-Kummissjoni	Emenda
F’każijiet ta’ force majeure u meta assolutament meħtieġ, meta minħabba xi inċident l-infrastruttura ma tkunx tista’ tintuża temporanjament, id-drittijiet tal-kapaċità allokati jistgħu jiġu rtirati mingħajr twissija għal kemm ikun meħtieġ biex tissewwa s-sistema.	F’każijiet ta’ force majeure u, meta assolutament meħtieġ, meta minħabba xi inċident l-infrastruttura ma tkunx tista’ tintuża temporanjament, id-drittijiet tal-kapaċità allokati jistgħu jiġu rtirati mingħajr twissija għal kemm ikun meħtieġ biex tissewwa s-sistema filwaqt li fl-istess ħin isir kull sforz biex jiġu pprovduti alternattivi possibbli.

Emenda  173

 

Proposta għal regolament

Artikolu 43 - paragrafu 5a (ġdid)

Test propost mill-Kummissjoni	Emenda
	5a. Fil-każ ta’ rtirar tal-kapaċità, il-maniġers tal-infrastruttura għandhom iżommu lill-impriżi ferrovjarji informati f’ħin utli dwar il-ġestjoni tal-ħin tagħhom, dwar il-progress tat-tiswijiet u dwar alternattivi possibbli għall-kapaċità allokata tagħhom.

Emenda  174

 

Proposta għal regolament

Artikolu 43 – paragrafu 6a (ġdid)

Test propost mill-Kummissjoni	Emenda
	6a. Il-Kummissjoni għandha tadotta, sa [24 xahar mid-dħul fis-seħħ ta’ dan ir-Regolament], atti ta’ implimentazzjoni biex tistabbilixxi r-regoli u l-proċeduri għall-ġestjoni ta’ devjazzjonijiet tal-movimenti tal-ferroviji mill-iskeda ta’ żmien operatorja, u biex temenda l-paragrafu1 ta’ dan l-Artikolu. Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 72(3).

Emenda  175

 

Proposta għal regolament

Artikolu 44 – paragrafu 1 – subparagrafu 2

Test propost mill-Kummissjoni	Emenda
L-ENIM għandu jiżviluppa l-qafas Ewropew għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet b’kooperazzjoni mal-partijiet ikkonċernati operazzjonali u l-partijiet interessati bil-proċess tal-konsultazzjoni msemmi fl-Artikolu 54, filwaqt li jqis il-ħidma tal-Impriża Konġunta Ferrovjarja tal-Ewropa stabbilita fit-Titolu IV tar-Regolament (UE 2012/2085.	L-ENIM għandu jiżviluppa l-qafas Ewropew għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet b’kooperazzjoni mal-partijiet ikkonċernati operazzjonali u l-partijiet interessati bil-proċess tal-konsultazzjoni msemmi fl-Artikolu 54, filwaqt li jqis il-ħidma tal-Impriża Konġunta Ferrovjarja tal-Ewropa stabbilita fit-Titolu IV tar-Regolament (UE 2021/2085.

Emenda  176

 

Proposta għal regolament

Artikolu 44 – paragrafu 2

Test propost mill-Kummissjoni	Emenda
2. Il-qafas Ewropew għall-koordinazzjoni tal-ġestjoni tat-traffiku transfruntier, tal-ġestjoni tat-tfixkil u tal-ġestjoni tal-kriżijiet għandu jipprovdi linji gwida għall-koordinazzjoni bejn il-meniġers tal-infrastruttura, l-impriżi ferrovjarji u partijiet ikkonċernati operazzjonali oħra.	2. Il-qafas Ewropew għall-koordinazzjoni tal-ġestjoni tat-traffiku transfruntier, tal-ġestjoni tat-tfixkil u tal-ġestjoni tal-kriżijiet għandu jipprovdi linji gwida għall-koordinazzjoni bejn il-maniġers tal-infrastruttura, l-impriżi ferrovjarji u partijiet ikkonċernati operazzjonali oħra.

Emenda  177

 

Proposta għal regolament

Artikolu 44 – paragrafu 3a (ġdid)

Test propost mill-Kummissjoni	Emenda
	3a. Filwaqt li jitqies il-qafas adottat mill-ENIM f’konformità mal-paragrafu 1, il-Kummissjoni għandha tingħata s-setgħa li tadotta atti delegati f’konformità mal-Artikolu 71 biex tistabbilixxi d-dettalji għall-koordinazzjoni transfruntiera tal-ġestjoni tat-traffiku, tal-ġestjoni tat-tfixkil u tal-ġestjoni tal-kriżijiet u biex temenda l-paragrafu 2 ta’ dan l-Artikolu. Dawk l-atti delegati għandhom jiġu adottati sa ... [24 xahar mid-data tad-dħul fis-seħħ ta’ dan ir-Regolament].

Emenda  178

 

Proposta għal regolament

Artikolu 46 – paragrafu 2

Test propost mill-Kummissjoni	Emenda
2. Meta l-inċident ikollu jew aktarx ikun se jkollu impatti fuq aktar minn network wieħed, il-meniġer tal-infrastruttura fejn isir l-inċident għandu jiddikjara tfixkil f’diversi networks u jikkoordina l-azzjonijiet f’konformità mal-Artikoli 44, 45 u 53.	2. Meta l-inċident ikollu jew aktarx ikun se jkollu impatti fuq aktar minn network wieħed, il-maniġer tal-infrastruttura li fiha jsir l-inċident għandu jiddikjara tfixkil f’diversi networks u jikkoordina l-azzjonijiet f’konformità mal-Artikoli 44, 45 u 53.

Emenda  179

 

Proposta għal regolament

Artikolu 46 – paragrafu 3

Test propost mill-Kummissjoni	Emenda
3. L-ENIM għandu jiddefinixxi metodu armonizzat biex jistma t-tul taż-żmien u l-impatt probabbli tat-tfixkil fin-network u jinkludih fil-qafas Ewropew għall-koordinazzjoni tal-ġestjoni tat-traffiku u tal-kriżijiet imsemmi fl-Artikolu 44.	3. L-ENIM għandu jiddefinixxi metodu armonizzat biex jistma t-tul taż-żmien u l-impatt probabbli tat-tfixkil fin-network u jinkludih fil-qafas Ewropew għall-koordinazzjoni tal-ġestjoni tat-traffiku, tat-tfixkil u tal-kriżijiet imsemmi fl-Artikolu 44.

Emenda  180

 

Proposta għal regolament

Artikolu 46 – paragrafu 4a (ġdid)

Test propost mill-Kummissjoni	Emenda
	4a. Fil-każ ta’ interruzzjoni parzjali jew totali tas-servizzi kkawżata minn interruzzjoni tal-operazzjoni ferrovjarja minħabba ħsara teknika, inċident jew aċċident fuq linja transfruntiera li ddum aktar minn 15-il jum, il-maniġers tal-infrastruttura milquta għandhom, fi żmien 30 jum mill-okkorrenza, iħejju rapport tal-inċident. Ir-rapport tal-inċident għandu jinkludi tal-anqas:
	a) informazzjoni dwar il-miżuri operazzjonali kollha meħuda biex jiġu żgurati rotot alternattivi;
	b) informazzjoni dwar l-azzjonijiet kollha meħuda biex jiġu restawrati s-servizzi regolari fuq il-linja interrotta.
	Ir-rapport għandu jkun disponibbli għall-pubbliku u għandu jiġi aġġornat regolarment sakemm titneħħa l-interruzzjoni.
	L-ERA tista’ toħroġ rakkomandazzjonijiet dwar miżuri mtejba biex jiġu indirizzati t-tfixkil u r-restrizzjonijiet tal-kapaċità tat-traffiku kkawżati mill-aċċident.

Emenda  181

 

Proposta għal regolament

Artikolu 47 – paragrafu 1 – subparagrafu 2

Test propost mill-Kummissjoni	Emenda
L-Istat Membru kkonċernat għandu jiżgura li l-miżuri ta’ emerġenza jkunu jimxu kemm jista’ jkun mal-prinċipji tal-ġestjoni tal-kapaċità u tat-traffiku stabbiliti f’dan ir-Regolament u li jużaw il-pjanijiet eżistenti mħejjija f’konformità mal-Artikolu 19. Dawn għandhom jikkoordinaw dawn il-miżuri ta’ emerġenza ma’ Stati Membri oħra.	L-Istat Membru kkonċernat għandu jiżgura li l-miżuri ta’ emerġenza jkunu jimxu kemm jista’ jkun mal-prinċipji tal-ġestjoni tal-kapaċità u tat-traffiku stabbiliti f’dan ir-Regolament u li jużaw il-pjanijiet eżistenti mħejjija f’konformità mal-Artikolu 19. Dan għandu jikkoordina dawn il-miżuri ta’ emerġenza ma’ Stati Membri oħra.

Emenda  182

 

Proposta għal regolament

Artikolu 49 – paragrafu 1

Test propost mill-Kummissjoni	Emenda
1. F’konformità mal-Artikolu 7f, il-punt (d) tad-Direttiva 2012/34/UE, l-ENIM għandu jimmonitorja u jivvaluta l-prestazzjoni tas-servizzi tal-infrastruttura ferrovjarja filwaqt li jqis l-objettivi ġenerali stabbiliti fl-Artikolu 2 ta’ dan ir-Regolament. Il-meniġers tal-infrastruttura ferrovjarja għandhom jimmonitorjaw ukoll il-prestazzjoni tas-servizzi tat-trasport ferrovjarju.	1. Il-Kummissjoni għandha tadotta l-miri tal-prestazzjoni tal-Unjoni għall-oqsma ta’ prestazzjoni stabbiliti fl-Anness VII. Il-miri għandhom ikunu f’konformità mal-għanijiet tal-bidla modali u għandhom jiġu aġġornati regolarment. F’konformità mal-Artikolu 7f, il-punt (d) tad-Direttiva 2012/34/UE, l-ENIM, bl-appoġġ mal-maniġers tal-infrastruttura ferrovjarja, għandu jimmonitorja u jivvaluta l-prestazzjoni tas-servizzi tal-infrastruttura ferrovjarja u s-servizzi tat-trasport ferrovjarju filwaqt li jqis il-miri tal-prestazzjoni tal-Unjoni u tal-maniġers tal-infrastruttura ferrovjarja. L-ENIM għandu jinforma perjodikament lill-Korp tar-Rieżami tal-Prestazzjoni u lill-Kummissjoni.

Emenda  183

 

Proposta għal regolament

Artikolu 49 – paragrafu 2

Test propost mill-Kummissjoni	Emenda
2. Għal dan il-għan, il-meniġers tal-infrastruttura għandhom jistabbilixxu l-miri tal-prestazzjoni tagħhom stess fil-pjan imsemmi fl-Artikolu 8(3) tad-Direttiva 2012/34/UE, filwaqt li jqisu l-objettivi stabbilit fil-ftehimiet kuntrattwali msemmija fl-Artikolu 30 ta’ dik id-Direttiva. Għandhom jistabbilixxu u jwettqu proċeduri biex jimmonitorjaw u jirrapportaw dwar il-progress li jkun sar biex jintlaħqu l-miri, biex jidentifikaw il-kawżi tan-nuqqasijiet fil-prestazzjoni mal-partijiet ikkonċernati operazzjonali u biex ifasslu u jimplimentaw miżuri ta’ rimedju li jtejbu l-prestazzjoni. Dawn il-proċeduri għandhom iqisu l-qafas Ewropew għar-rieżami tal-prestazzjoni msemmi fl-Artikolu 50 ta’ dan ir-Regolament. Fid-dikjarazzjoni dwar in-network, il-meniġers tal-infrastruttura għandhom jispjegaw ir-raġuni għal kull devjazzjoni mill-proċeduri komuni stabbiliti fil-qafas Ewropew għar-rieżami tal-prestazzjoni.	2. Għal dan il-għan, il-maniġers tal-infrastruttura għandhom jistabbilixxu l-miri tal-prestazzjoni tagħhom stess fil-pjan imsemmi fl-Artikolu 8(3) tad-Direttiva 2012/34/UE, filwaqt li jqisu l-objettivi stabbilit fil-ftehimiet kuntrattwali msemmija fl-Artikolu 30 ta’ dik id-Direttiva. Il-maniġers tal-infrastruttura għandhom jikkonsultaw mal-korpi nazzjonali u Ewropej rilevanti sabiex jiżguraw li dawk il-miri jkunu konsistenti mal-miri tal-prestazzjoni tal-Unjoni. Għandhom jistabbilixxu u jwettqu proċeduri biex jimmonitorjaw u jirrapportaw dwar il-progress li jkun sar biex jintlaħqu l-miri, biex jidentifikaw il-kawżi tan-nuqqasijiet fil-prestazzjoni mal-partijiet ikkonċernati operazzjonali u biex ifasslu u jimplimentaw miżuri ta’ rimedju li jtejbu l-prestazzjoni. Dawn il-proċeduri għandhom iqisu l-qafas Ewropew għar-rieżami tal-prestazzjoni msemmi fl-Artikolu 50 ta’ dan ir-Regolament. Fid-dikjarazzjoni dwar in-network, il-maniġers tal-infrastruttura għandhom jispjegaw ir-raġuni għal kull devjazzjoni mill-proċeduri komuni stabbiliti fil-qafas Ewropew għar-rieżami tal-prestazzjoni. Id-devjazzjonijiet għandhom ikunu permessi biss f’każijiet raġonevoli u għandhom jiġu approvati mill-korp regolatorju.

Emenda  184

 

Proposta għal regolament

Artikolu 50 – paragrafu 1