MOZZJONI GĦAL RIŻOLUZZJONI dwar razza ġdida tal-virus tal-influwenza avjarja, A-H5N6, li tolqot it-tjur Asjatiku

6.11.2014

imressqa skont l-Artikolu 133 tar-Regoli ta' Proċedura

Mara Bizzotto

B8-0227/2014

Mozzjoni għal riżoluzzjoni tal-Parlament Ewropew dwar razza ġdida tal-virus tal-influwenza avjarja, A-H5N6, li tolqot it-tjur Asjatiku

Il-Parlament Ewropew,

 

–       wara li kkunsidra l-Artikolu 133 tar-Regoli ta' Proċedura tiegħu,

A.     billi razza ġdida tal-virus tal-influwenza avjarja bl-isem A-H5N6 laqtet it-tjur tax-Xlokk tal-Asja;

B.     billi l-virus tal-influwenza huma f'rikombinazzjoni kostanti u jistgħu jittrasformaw ruħhom f'theddid potenzjali ġdid;

C.     billi, skont il-veterinarju kap tal-FAO, l-A-H5N6 hija partikolarment preokkupanti, kemm għax ġiet identifikata f'postijiet ferm 'il bogħod minn xulxin kif ukoll għax hija patoġena ħafna;

1.      Jistaqsi lill-Kummissjoni liema strateġija ta' trażżin biħsiebha tadotta biex tevita li l-virus jolqot it-tjur Ewropew.