MOZZJONI GĦAL RIŻOLUZZJONI dwar Jum l-Ewropa

13.5.2015

imressqa skont l-Artikolu 133 tar-Regoli ta' Proċedura

Aldo Patriciello

B8-0462/2015

Mozzjoni għal riżoluzzjoni tal-Parlament Ewropew dwar Jum l-Ewropa

Il-Parlament Ewropew,

–       wara li kkunsidra l-Artikolu 133 tar-Regoli ta' Proċedura tiegħu,

A.     billi l-kriżi ekonomika u finanzjarja attwali kkontribwixxiet f’dawn l-aħħar snin biex tinħloq skuntentizza profonda fiċ-ċittadini Ewropej fil-konfront tal-UE u l-istituzzjonijiet tagħha;

B.     billi l-kriżi tat lok biex titfaċċa fergħa ta' Ewroxettiċi u partiti ultranazzjonalisti, speċjalment fl-Istati Membri l-qodma, kif juru r-riżultati tal-elezzjonijiet Ewropej tal-2014, li jqisu lill-Unjoni Ewropea bħala piż;

C.     billi l-perċezzjoni negattiva tal-Unjoni hija iktar qawwija fil-pajjiżi tal-Ewropa tal-Punent, filwaqt li ċ-ċittadini tal-Ewropa tal-Lvant għandhom idea pożittiva tal-UE u l-istituzzjonijiet tagħha;

D.     billi Jum l-Ewropa hu opportunità biex inqarrbu ċ-ċittadini kollha lejn l-istituzzjonijiet Ewropej, iżda hemm bżonn ta’ aktar komunikazzjoni dwar it-tifsira ta' dan il-jum;

1.      Jistieden lill-Kummissjoni biex timplimenta politika ta’ komunikazzjoni bl-għan li jintlaħaq għadd akbar ta’ ċittadini sabiex jiġu kkomunikati l-benefiċċji reali li ġġib magħha s-sħubija fl-UE.