MOZZJONI GĦAL RIŻOLUZZJONI
PDF 390kWORD 59k
17.12.2015
PE574.528v01-00
 
B8-0008/2016

imressqa skont l-Artikolu 133 tar-Regoli ta' Proċedura


dwar l-għajnuna għall-persuni mingħajr dar fl-Unjoni Ewropea


Dominique Bilde, Sophie Montel, David Martin, Steeve Briois

Mozzjoni għal riżoluzzjoni tal-Parlament Ewropew dwar l-għajnuna għall-persuni mingħajr dar fl-Unjoni Ewropea  
B8-0008/2016

Il-Parlament Ewropew,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi l-Artikolu 34 tal-Karta tad-Drittijiet Fundamentali tal-UE jirrikonoxxi d-dritt fundamentali għal għajnuna għall-abitazzjoni;

B.  billi hemm drittijiet oħra huma marbuta mad-dritt għal abitazzjoni deċenti: id-dritt għall-ħajja privata u għall-ħajja tal-familja, id-dritt għall-privatezza u bosta drittijiet ċivili;

C.  billi, skont studju minn The Guardian, hemm 11-il miljun dar fl-Ewropa li huma vakanti;

D.  billi l-UE għandha kważi 4 miljun persuna bla dar jew b'abitazzjoni ħażina ħafna;

1.  Jistieden lill-Istati Membri biex jagħtu prijorità nazzjonali għall-aċċess għal abitazzjoni lill-kompatrijotti tagħhom l-iktar foqra u mingħajr dar;

2.  Jistieden lill-Kummissjoni u lill-Istati Membri biex jappoġġaw il-politiki kollha li jgħinu fil-ġlieda kontra d-djar mhux adatti għall-għajxien u biex jappoġġaw ir-rinovazzjoni tad-djar dilapidati, b’mod partikolari permezz ta’ xogħlijiet ta' mmodernizzar jew ta' iżolament sabiex jitnaqqsu l-kontijiet tal-enerġija;

3.  Jagħti istruzzjonijiet lill-President tiegħu biex jgħaddi din ir-riżoluzzjoni, flimkien mal-ismijiet tal-firmatarji, lill-Kummissjoni, lill-Kunsill u lill-Istati Membri.

Avviż legali - Politika tal-privatezza