Il-Parlament Ewropew,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi s-settur tal-prodotti tal-ġilda Taljani, waħdu jokkupa aktar minn nofs il-produzzjoni kollha Ewropea;

B.  billi dan qed jintlaqat b'mod dirett mill-falsifikazzjoni u mill-kuntrabandu tal-"made in Italy" falz;

C.  billi ċ-ċifri tal-falsifikazzjoni tal-prodotti tal-ġilda Taljani huma allarmanti u qed jiżdiedu b'mod sinifikanti u l-ħsara hija stmata għal EUR 1 biljun, ekwivalenti għal madwar 4 000 impjieg;

D.  billi t-telf ta' dħul mill-VAT u mit-taxxi evażi huma l-kawża tat-tnaqqis fil-bejgħ fl-Unjoni Ewropea kollha;

1.  Jitlob lill-Kummissjoni tadotta miżuri straordinarji bl-għan li treġġa' lura dit-tendenza ta' żieda fil-qgħad fost iż-żgħażagħ fl-Italja;

2.  Iqis neċessarju li tingħata prijorità lill-kwistjoni dwar il-ġlieda kontra l-falsifikazzjoni u l-kuntrabandu;

3.  Jistieden lill-Kummissjoni tadotta miżuri straordinarji bl-għan li timminimizza dan il-fenomenu.