MOZZJONI GĦAL RIŻOLUZZJONI dwar il-ħafna każijiet ta’ infezzjoni bil-meninġite fl-Istati Membri
18.4.2016
Gianluca Buonanno
B8-0514/2016
Mozzjoni għal riżoluzzjoni tal-Parlament Ewropew dwar il-ħafna każijiet ta’ meninġite fl-Istati Membri
Il-Parlament Ewropew,
– wara li kkunsidra l-Artikolu 133 tar-Regoli ta' Proċedura tiegħu,
A. billi l-mortalità minn meninġite qegħda, b’mod preokkupanti, tiżdied fl-Eworpa, speċjalment f’bini magħluq u iffullat għal sigħat twal ta’ kuljum, pereżempju fl-iskejjel u fl-uffiċċji;
B. billi l-prevenzjoni ta’ dawn l-infezzjonijiet ser tinvolvi l-użu ta’ sens komun, il-ħasil tal-idejn u l-ventilazzjoni ta’ spazji magħluqa;
C. billi l-attivazzjoni ta' politiki li jħeġġu t-tilqim, b’mod partikolari fit-territorji tal-UE l-aktar milquta minn meninġite, jista’ jkollha impatt sinifikanti fuq il-fenomenu preokkupanti u li qed jinfirex;
1. Iqis li din il-problema teħtieġ attenzjoni akbar u għandha titqies bħala prijoritarja;
2. Jipproponi lill-Kummissjoni Ewropea toħloq sensibilizzazzjoni dwar it-tilqim taċ-ċittadini Ewropej fit-territorji l-aktar milquta.