MOZZJONI GĦAL RIŻOLUZZJONI dwar il-kundizzjonijiet tat-trobbija tat-tiġieġ
11.6.2016
Sophie Montel, Florian Philippot
B8-0833/2016
Mozzjoni għal riżoluzzjoni tal-Parlament Ewropew dwar il-kundizzjonijiet tat-trobbija tat-tiġieġ
Il-Parlament Ewropew,
– wara li kkunsidra l-Artikolu 133 tar-Regoli ta' Proċedura tiegħu,
A. billi assoċjazzjonijiet tal-protezzjoni tal-annimali żvelaw prattiki inaċċettabbli li għaddejjin f'ċerti stabbilimenti għat-trobbija tat-tiġieġ;
B. billi 37 miljun tiġieġa jitrabbew kull sena fi Franza biss, prinċipalment għal laħamhom; billi t-tiġieġ ikunu mgħaffġa fuq xulxin f'binjiet iffullati żżejjed jew f'gaġeġ żgħar wisq fejn ma jkollhomx l-ispazju meħtieġ biex iġibu ruħhom b'mod naturali;
C. billi huwa urġenti li jitwaqqfu dawn il-prattiki, iktar u iktar peress li jeżistu soluzzjonijiet alternattivi;
1. Jistieden lill-Kummissjoni tagħti bidu għal riflessjoni dwar kif it-trattament tat-tiġieġ jista' jiġi integrat fi strateġiji nazzjonali biex jittejjeb il-benessri tal-annimali.