MOZZJONI GĦAL RIŻOLUZZJONI dwar il-ħsara kkawżata mid-Direttiva dwar il-ħaddiema kollokati
20.7.2016
Edouard Ferrand, Mara Bizzotto, Matteo Salvini, Dominique Martin
B8-0859/2016
Mozzjoni għal riżoluzzjoni tal-Parlament Ewropew dwar il-ħsara kkawżata mid-Direttiva dwar il-ħaddiema kollokati
Il-Parlament Ewropew,
– wara li kkunsidra l-Artikolu 133 tar-Regoli ta' Proċedura tiegħu,
A. billi, fl-2015, skont il-Kummissjoni nazzjonali għall-ġlieda kontra l-impjieg illegali, l-awtoritajiet Franċiżi rreġistraw xejn inqas minn 286 025 ħaddiem kollokat, b'żieda ta' 25 % meta mqabbel mas-sena ta' qabel;
B. billi jidher li x-xejra kienet l-istess fl-ekonomiji Ewropej il-kbar kollha;
1. Jinnota li din hi ċifra insostenibbli għas-swieq tax-xogħol fil-pajjiżi ospitanti;
2. Iħeġġeġ lill-Kummissjoni Ewropea tieħu nota tal-ħsara kkawżata mid-Direttiva dwar il-ħaddiema kollokati u tabolixxi din il-miżura, li hija l-kawża ta' ħafna frodi u dumping soċjali bla preċedent fl-Ewropa.