MOZZJONI GĦAL RIŻOLUZZJONI dwar ir-riċiklaġġ tal-bastimenti Ewropej
23.8.2016
Dominique Bilde, Steeve Briois
B8-0981/2016
Mozzjoni għal riżoluzzjoni tal-Parlament Ewropew dwar ir-riċiklaġġ tal-bastimenti Ewropej
Il-Parlament Ewropew,
– wara li kkunsidra l-Artikolu 133 tar-Regoli ta' Proċedura tiegħu,
A. Billi l-prattika tar-riċiklaġġ tal-bastimenti Ewropej ta' sikwit isseħħ fix-Xlokk tal-Asja, u l-aktar fl-Indja, il-Pakistan jew fil-Bangladexx, u billi din il-prattika tiddegrada l-ambjent (f'dak li jirrigwarda t-trasport, it-tniġġis tal-ħamrija, tal-ilma u tal-bijodiversità...);
B. billi bejn l-1983 u l-2013, mietu 470 ħaddiem fl-industrija Indjana taż-żarmar tal-vapuri;
C. billi 40 % tal-bastimenti tal-flotta merkantili dinjija huma ta' sidien Ewropej u, per eżempju, 74 % tal-bastimenti Ġermaniżi u 87 % tal-bastimenti Griegi ġew abbandunati fuq l-ixtut tan-Nofsinhar tal-Asja;
D. wara li kkunsidra l-Konvenzjoni ta' Hong Kong ta' Mejju 2009 li tirregola ż-żarmar tal-bastimenti fi tmiem ħajjithom;
1. Jitlob lill-Kummissjoni tinkoraġġixxi lill-Istati Membri jiffirmaw il-Konvenzjoni ta' Hong Kong sabiex din tal-aħħar tidħol fis-seħħ;
2. Iħeġġeġ lill-Kummissjoni tappoġġja ż-żarmar tal-bastimenti Ewropej fil-faċilitajiet li jirrispettaw l-ambjent fl-Ewropa, fl-eżempju ta' dak li huwa pprattikat fin-Norveġja;
3. Jagħti istruzzjonijiet lill-President tiegħu biex jgħaddi din ir-riżoluzzjoni lill-Kummissjoni, lill-Kunsill u lill-Istati Membri.