MOZZJONI GĦAL RIŻOLUZZJONI
PDF 391kWORD 46k
12.9.2016
PE589.602v01-00
 
B8-1015/2016

imressqa skont l-Artikolu 133 tar-Regoli ta' Proċedura


dwar il-promozzjoni tal-attività fiżika


Dominique Bilde

Mozzjoni għal riżoluzzjoni tal-Parlament Ewropew dwar il-promozzjoni tal-attività fiżika  
B8-1015/2016

Il-Parlament Ewropew,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi, skont rapport tas-Centre for Economics and Business Research (CEBR) ta' Ġunju 2015, l-Istati Membri tal-UE jonfqu medja ta' EUR 80,4 biljun fis-sena biex jittrattaw il-mard ikkaġunat minn nuqqas ta' attività fiżika u billi dawn l-ispejjeż mistennijin ikomplu jiżdiedu jekk l-Ewropej ma jagħmlux iżjed eżerċizzju;

B.  billi 42 % taċ-ċittadini Ewropej qatt ma jagħmlu sport jew eżerċizzju fiżiku, skont stħarriġ tal-Ewrobarometru;

C.  billi l-mard marbut ma' nuqqas ta' attività fiżika (dijabete tat-tip 2, mard tal-qalb, eċċ.) jidher li jikkaġuna madwar 500 000 każ ta' mewt fis-sena fl-Ewropa;

D.  billi l-istudju jindika li l-Istati jistgħu jiffrankaw EUR 80,4 biljun jekk l-Ewropej kollha jagħmlu medja ta' 20 minuta eżerċizzju kuljum;

1.  Jistieden lill-Kummissjoni tħeġġeġ lill-Istati Membri jappoġġaw l-attività fiżika fl-iskejjel;

2.  Iħeġġeġ lill-Kummissjoni tappoġġa l-azzjonijiet kollha favur attività fiżika regolari u tniedi kampanja ta' promozzjoni tal-isport u tal-benefiċċji u l-valuri tiegħu.

Avviż legali - Politika tal-privatezza