MOZZJONI GĦAL RIŻOLUZZJONI dwar l-isfruttament tal-ħaddiema barranin
29.11.2016
Dominique Martin
B8-1333/2016
Mozzjoni għal riżoluzzjoni tal-Parlament Ewropew dwar l-isfruttament tal-ħaddiema barranin
Il-Parlament Ewropew,
– wara li kkunsidra r-rapport dwar forom ta' sfruttament gravi ta' ħaddiema barranin fi ħdan l-Unjoni Ewropea, ippubblikat mill-Aġenzija tal-Unjoni Ewropea għad-Drittijiet Fundamentali[1],
– wara li kkunsidra l-Artikolu 133 tar-Regoli ta' Proċedura tiegħu,
A. billi f'bosta Stati Membri, il-ħaddiema barranin isofru sfruttament gravi tax-xogħol;
B. billi s-setturi l-iktar ikkonċernati huma dawk li jattiraw ħaddiema mhux kwalifikati; billi n-natura tax-xogħol f'dawn is-setturi tinkoraġġixxi l-immigrazzjoni illegali;
C. billi l-immigranti huma l-ewwel vittmi tal-immigrazzjoni illegali u mhux kontrollata;
D. billi l-Istati Membri li għandhom kontroll reali tat-territorju tagħhom jistgħu jiġġieldu aħjar l-aġenziji tax-xogħol diżonesti u t-traffikanti tal-bnedmin;
1. Jitlob l-abolizzjoni immedjata tal-ftehimiet ta' Schengen u l-istabbiliment mill-ġdid tal-fruntieri nazzjonali.
- [1] Severe labour exploitation: workers moving within or into the European Union – States’ obligations and victims’ rights ("L-isfruttament gravi tax-xogħol: il-ħaddiema li jiċċaqilqu fi ħdan l-Unjoni Ewropea jew li jidħlu fiha - l-obbligi tal-Istati Membri u d-drittijiet tal-vittmi"), l-Aġenzija tal-Unjoni Ewropea għad-Drittijiet Fundamentali, 2015.