MOZZJONI GĦAL RIŻOLUZZJONI
PDF 392kWORD 47k
22.11.2016
PE596.663v01-00
 
B8-1393/2016

imressqa skont l-Artikolu 133 tar-Regoli ta' Proċedura


dwar id-Dryocosmus kuriphilus


Mireille D’Ornano, Sylvie Goddyn

Mozzjoni għal riżoluzzjoni tal-Parlament Ewropew dwar id-Dryocosmus kuriphilus  
B8-1393/2016

Il-Parlament Ewropew,

–  wara li kkunsidra l-Artikolu 168 tat-Trattat dwar il-Funzjonament tal-Unjoni Ewropea,

–  wara li kkunsidra d-Direttivi 2000/29/KE u 2014/78/KE;

–  wara li kkunsidra d-Deċiżjonijiet 2006/464/KE u 2014/690/UE kif ukoll ir-Regolament 707/2014,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi l-Dryocosmus kuriphilus (l-"organiżmu") jagħmel ħsara lill-għelejjel tal-Castanea sativa (il-"pjanta") li tirriżulta f'telf sa 70 % taż-żmien tal-ħsad;

 

B.  billi l-organiżmu ġie osservat fis-Slovenja fl-2004 u stabbilixxa ruħu f'tal-anqas għaxar Stati Membri u billi Stati Membri oħrajn li fihom tikber il-pjanta huma esposti għall-organiżmu;

 

C.  billi l-fatt li huwa diffiċli li l-organiżmu jiġi identifikat fil-fażi inattiva u li s-soluzzjonijiet fitosanitarji u bijoloġiċi mhumiex biżżejjed effikaċi kontra l-organiżmu, dawn ippermettew il-proliferazzjoni ta' dan tal-aħħar;

 

D.  billi d-Direttiva 2014/78/UE u r-Regolament 707/2014, li jemenda d-Direttiva 2000/29/KE, taw lill-Irlanda, lill-Portugall u lir-Renju Unit status provviżorju ta' żoni protetti, iżda billi l-miżuri ta' emerġenza applikabbli għall-Istati Membri ġew revokati skont id-Deċiżjoni 2014/690/UE;

 

1.  Jinkoraġġixxi lill-Kummissjoni Ewropea tiżgura l-protezzjoni tal-Istati Membri kollha kontra l-organiżmu bis-saħħa tad-Direttiva 2000/29/KE;

 

2.  Iħeġġeġ lill-Kummissjoni Ewropea tappoġġa r-riċerka xjentifika dwar l-organiżmu.

 

Avviż legali - Politika tal-privatezza