MOZZJONI GĦAL RIŻOLUZZJONI  dwar Green Paper dwar l-iżvilupp ta' identità komuni Ewropea

6.11.2017

imressqa skont l-Artikolu 133 tar-Regoli ta' Proċedura

Salvatore Domenico Pogliese

B8-0591/2017

Mozzjoni għal riżoluzzjoni tal-Parlament Ewropew dwar Green Paper dwar l-iżvilupp ta' identità komuni Ewropea

Il-Parlament Ewropew,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi l-Unjoni Ewropea għandha tippromwovi t-tixrid u l-promozzjoni tal-għeruq storiċi, ekonomiċi, kulturali u spiritwali s-sisien tal-Ewropa;

B.  jenfasizza li mingħajr sentiment reali ta' appartenenza għal identità komuni Ewropea, mhuwiex possibbli li jitwettaq bis-sħiħ il-proċess ta' integrazzjoni;

C.  ifakkar li l-popli jingħaqdu b'mod konkret biss jekk jitqanqlu minn motivazzjonijiet profondi u biss jekk iħossuhom parti minn komunità li tikkondividi destin komuni;

1.  Jistieden lill-Kummissjoni Ewropea tippreżenta Green Paper biex tiffaċilita u tistimula riflessjoni ġenerali dwar it-tixrid u l-iżvilupp ta' identità komuni Ewropea.