Mozzjoni għal riżoluzzjoni - B8-0177/2018Mozzjoni għal riżoluzzjoni
B8-0177/2018

    MOZZJONI GĦAL RIŻOLUZZJONI dwar it-terroriżmu fl-Ewropa: it-tkeċċija ta' terroristi barranin ikkundannati

    14.3.2018

    imressqa skont l-Artikolu 133 tar-Regoli ta' Proċedura

    Dominique Martin

    B8-0177/2018

    Mozzjoni għal riżoluzzjoni tal-Parlament Ewropew dwar it-terroriżmu fl-Ewropa: it-tkeċċija ta' terroristi barranin ikkundannati

    Il-Parlament Ewropew,

    –  wara li kkunsidra l-Artikolu 133 tar-Regoli ta' Proċedura tiegħu,

    A.  billi fl-2017, f'Barċellona, f'Manchester, fi Stokkolma u f'Turku (fil-Finlandja), persuni Marokkini, Libjani jew Użbeki daħlu fuq folla u attakkaw kunċert u suq;

    B.  billi, skont l-Europol u l-Eurojust, bejn l-2014 u l-2016, 1 537 persuna ġew ikkundannati fl-Ewropa għal attivitajiet relatati mat-terroriżmu, li terz minnhom ma kellhomx ċittadinanza Ewropea;

    C.  billi fl-1996, wara l-ewwel attakk tal-World Trade Center, il-President Clinton iffirma liġi kontra t-terroriżmu li għamlitha obbligatorja li jitkeċċew ir-residenti barranin kollha kkundannati għal sentenza ta' mill-inqas sena ħabs;

    D.  billi, sa mill-2014, 40 000 terrorista minn 110 pajjiżi ġġieldu bħala membri tal-"Istat Iżlamiku"; billi ladarba tispiċċa l-gwerra, xi wħud minnhom se jiġu fl-Ewropa; billi huwa inevitabbli li xi wħud jibqgħu konvinti mill-"ġiħad";

    1.  Jitlob lill-Europol biex, fir-rapport annwali tiegħu dwar it-terroriżmu, jippubblika ismijiet il-kundannati;

    2.  Jitlob lill-Kummissjoni tirrakkomanda li kull barrani terrorista kkundannat li jkun ħareġ mill-ħabs jiġi pprojbit milli jidħol fit-territorju Ewropew.

     

    Aġġornata l-aħħar: 26 ta' Marzu 2018
    Avviż legali - Politika tal-privatezza