PROPOSTA GĦAL DEĊIŻJONI dwar il-ħatra ta' Rachida Dati għall-bord imsemmi fl-Artikolu 14(3) tar-Regolament tal-Kunsill (UE) 2017/1939 tat-12 ta' Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew ("l-UPPE")

26.4.2018 - (2018/2032(INS))

Claude Moraes f'isem il-Kumitat għal-Libertajiet Ċivili, il-Ġustizzja u l-Intern  

B8‑0219/2018

Deċiżjoni tal-Parlament Ewropew dwar il-ħatra ta' Rachida Dati għall-bord imsemmi fl-Artikolu 14(3) tar-Regolament tal-Kunsill (UE) 2017/1939 tat-12 ta' Ottubru 2017

li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew ("l-UPPE")
(2018/2032(INS))

Il-Parlament Ewropew,

–  wara li kkunsidra l-Artikolu 14(3) tar-Regolament tal-Kunsill (UE) 2017/1939 tat-12 ta' Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew ("l-UPPE"),

–  wara li kkunsidra r-Regoli ta' Proċedura tiegħu,

A.  billi Rachida Dati tissodisfa l-kundizzjonijiet stabbiliti fl-Artikolu 14(3) tar-Regolament imsemmi hawn fuq;

1.  Jipproponi li Rachida Dati tinħatar għall-bord;

2.  Jagħti istruzzjonijiet lill-President tiegħu biex jgħaddi din id-deċiżjoni lill-Kunsill u lill-Kummissjoni.