Mozzjoni għal riżoluzzjoni - B8-0354/2018Mozzjoni għal riżoluzzjoni
B8-0354/2018
Parlament Ewropew

MOZZJONI GĦAL RIŻOLUZZJONI dwar il-ħtieġa li dawk li jħaddmu lil barranin mhux Ewropej jiġġiegħlu jikkontribwixxu għat-taħriġ taċ-ċittadini u tal-persuni qiegħda Ewropej

30.8.2018

imressqa skont l-Artikolu 133 tar-Regoli ta' Proċedura

Dominique Martin

B8-0354/2018

Mozzjoni għal riżoluzzjoni tal-Parlament Ewropew dwar il-ħtieġa li dawk li jħaddmu lil barranin mhux Ewropej jiġġiegħlu jikkontribwixxu għat-taħriġ taċ-ċittadini u tal-persuni qiegħda Ewropej

Il-Parlament Ewropew,

–  wara li kkunsidra l-Artikolu 133 tar-Regoli ta' Proċedura tiegħu,

A.  billi, f'Ġunju 2018[1], kien hemm 17-il miljun persuna qiegħda li kienu qed ifittxu impjieg fl-Unjoni Ewropea u r-ritorn tagħhom fis-suq tax-xogħol ikun aktar faċli permezz tal-kisba ta' ħiliet;

B.  billi l-Eurostat[2] iqis li, fl-1 ta' Jannar 2016, 35 miljun persuna mwielda barra mill-Unjoni Ewropea kienu qed jgħixu fit-territorju tal-Unjoni, fosthom 21 miljun li żammew iċ-ċittadinanza ta' oriġini tagħhom;

C.  billi, matul is-sena 2015[3] waħidha, 2,7 miljun ċittadin ta' pajjiżi terzi immigraw lejn l-Unjoni Ewropea;

D.  billi Franza, fl-2016, ir-rata tal-impjieg tal-persuni mwielda barra mill-Unjoni Ewropea kienet ta' 54 %;

E.  billi jeżistu fondi għat-taħriġ taċ-ċittadini u tal-persuni qiegħda residenti fl-Ewropa;

1.  Jitlob lill-Kummissjoni tirriżerva fond għaċ-ċittadini Ewropej biss;

2.  Jitlob lill-Kummissjoni tipproponi l-adeżjoni volontarja għal dan il-fond sal-1 ta' Jannar 2019 min-naħa tal-impriżi li jħaddmu lil barranin mhux Ewropej u, sussegwentement, l-obbligu ta' finanzjament għat-tali fond matul it-18-il xahar li jmiss skont l-għadd ta' barranin impjegati.

 

 

Aġġornata l-aħħar: 19 ta' Settembru 2018
Avviż legali - Politika tal-privatezza