Proċedura : 2018/2847(RSP)
Ċiklu ta' ħajja waqt sessjoni
Ċiklu relatat mad-dokument : B8-0390/2018

Testi mressqa :

B8-0390/2018

Dibattiti :

Votazzjonijiet :

PV 13/09/2018 - 10.8

Testi adottati :

P8_TA(2018)0350

MOZZJONI GĦAL RIŻOLUZZJONI
PDF 403kWORD 49k
Ara wkoll il-mozzjoni għal riżoluzzjoni komuni RC-B8-0388/2018
11.9.2018
PE624.099v01-00
 
B8-0390/2018

imressqa wara d-dikjarazzjoni tal-Kummissjoni

skont l-Artikolu 123(2) tar-Regoli ta' Proċedura


dwar in-nirien ta' Lulju 2018 f'Mati fir-reġjun ta' Attika, il-Greċja, u r-reazzjoni tal-UE (2018/2847(RSP))


Matthijs van Miltenburg

f'isem il-Grupp ALDE

Riżoluzzjoni tal-Parlament Ewropew dwar in-nirien ta' Lulju 2018 f'Mati fir-reġjun ta' Attika, il-Greċja, u r-reazzjoni tal-UE (2018/2847(RSP))  
B8-0390/2018

Il-Parlament Ewropew,

–  wara li kkunsidra r-riżoluzzjoni tiegħu tat-18 ta' Mejju 2006 dwar id-diżastri naturali(1),

–  wara li kkunsidra d-dibattitu tiegħu tal-25 ta' Ottubru 2017 dwar mekkaniżmi ta' rispons għan-nirien fil-foresti fit-Tramuntana ta' Spanja u fil-Portugall (2017/2899(RSP)),

–  wara li kkunsidra l-Artikolu 123(2) tar-Regoli ta' Proċedura tiegħu,

A.  billi t-tibdil fil-klima qiegħed jikkawża u jintensifika avvenimenti estremi tat-temp u d-diżastri naturali (bħall-għargħar, nixfa estrema u nirien), li qegħdin iseħħu b'mod ħafna aktar frekwenti madwar id-dinja, u qegħdin jikkawżaw danni gravi f'termini ta' mwiet ta' persuni, deterjorament ambjentali u tnaqqis tal-attività ambjentali;

B.  billi sitwazzjonijiet ta' nixfa estrema u nirien fil-foresti saru aktar frekwenti u ta' intensità akbar madwar l-Ewropa kollha, u billi dawn is-sitwazzjonijiet, filwaqt li huma aggravati mit-tibdil fil-klima, sa ċertu punt huma kemm imprevedibbli kif ukoll inevitabbli;

C.  billi l-Greċja mhijiex l-uniku Stat Membru li talab għall-appoġġ tal-UE minħabba n-nirien fil-foresti, iżda anke l-Latvja u l-Iżvezja għamlu l-istess talba;

D.  billi r-Regolament dwar il-Fond ta' Solidarjetà (KE) Nru 2012/2002(2) huwa mfassal speċifikament biex jipprovdi għajnuna lill-Istati Membri li jkunu esperjenzaw diżastri fuq skala kbira;

E.  billi l-għajnuna lill-Greċja permezz ta' ajruplani, vetturi, persunal mediku u ħaddiema tat-tifi tan-nar ingħatat mill-Istati Membri l-oħra fl-ambitu tal-Mekkaniżmu tal-Unjoni għall-Protezzjoni Ċivili;

F.  billi s-Sistema tas-Satellita Copernicus tal-UE pprovdiet mapep speċjalizzati ferm lill-awtoritajiet Griegi;

1.  Jiddeplora l-fatt li minkejja l-isforzi enormi kemm fil-livell nazzjonali kif ukoll fil-livell Ewropew, 98 persuna tilfet ħajjitha f'Attica, il-Ġreċja, fis-sajf tal-2018, fit-tieni każ ta' nirien fil-foresti li l-aktar li kkawża fatalitajiet fl-Ewropa;

2.  Jinnota s-sett ta' mekkaniżmi u għodda eżistenti tal-UE biex jgħinu jiġġieldu kontra d-diżastri naturali, bħan-nirien fil-foresti, jew jirrisolvuhom, bħal pereżempju l-Mekkaniżmu tal-Unjoni għall-Protezzjoni Ċivili, il-Fond ta' Solidarjetà u l-Programm ta' Emerġenza għar-Ristabbiliment tal-Foresti (Emergency Forest Restoration Programme - EFRP);

3.  Jilqa' r-Regolament emendat dwar il-Mekkaniżmu għall-Protezzjoni Ċivili, rescEU, li ġie adottat fil-31 ta' Mejju 2018;

4.  Jenfasizza l-ħtieġa għal aktar finanzjament għar-riċerka xjentifika fil-mekkaniżmi tal-valutazzjoni tar-riskju, fis-sistemi ta' prevenzjoni u f'mezzi oħra li jiġġieldu kontra dawn il-fenomeni;

5.  Jagħti struzzjonijiet lill-President tiegħu biex jgħaddi din ir-riżoluzzjoni lill-Kunsill, lill-Kummissjoni u lill-parlamenti u l-gvernijiet tal-Istati Membri.

 

 

(1)

ĠU C 298 E, 8.12.2006, p. 238.

(2)

ĠU L 311, 14.11.2002, p. 3.

Aġġornata l-aħħar: 12 ta' Settembru 2018Avviż legali - Politika tal-privatezza