TAIRISCINT I gCOMHAIR RÚIN maidir le bonn tionsclaíoch láidir a choinneáil san Eoraip
29.10.2018
Ivan Jakovčić, Jozo Radoš
B8‑0512/2018
Tairiscint i gcomhair rún ó Pharlaimint na hEorpa maidir le bonn tionsclaíoch láidir a choinneáil san Eoraip
Tá Parlaimint na hEorpa,
– ag féachaint do Riail 133 dá Rialacha Nós Imeachta,
A. de bhrí gurb ionann an tionscal Eorpach agus bunús gheilleagar agus shaibhreas na hEorpa, le sprioc go mbeadh sciar 20 % de OTI an Aontais bunaithe ar thionscal roimh 2020;
B. de bhrí nach bhféadfar sprioc mar sin a bhaint amach mura neartaíonn agus mura láidríonn an tAontas Eorpach na hionstraimí chun an tionscal Eorpach a chosaint ar gheilleagair a iomaitheoirí, a ndéantar fóirdheonú suntasach orthu;
C. de bhrí nach mór don Aontas a bheith freagrach, uaillmhianach agus réalaíoch chun ‘ionstraimí’ éifeachtúla agus cothroma a bhaint amach, lena ndaingneofar cosaint agus cinnteacht dhlíthiúil dár dtionscail;
1. ag tathant ar an gCoimisiún uirlisí éifeachtacha a úsáid chun cuideachtaí Eorpacha a chur ar comhchéim lena n-iomaitheoirí, go háirithe maidir le tacaíocht a thabhairt d’onnmhairiú tháirgí agus theicneolaíochtaí AE;
2. ag iarraidh ar an gCoimisiún córas faireacháin a chur ar bun lena ndéanfar scrúdú ar na hualaigh a chuirtear ar an tionscal Eorpach, agus nach mbíonn iomaitheoirí domhanda faoina réir;
3. ag iarraidh ar an gCoimisiún sainmhíniú cuíchóirithe ar Státchabhair a éileamh taobh istigh d’eagraíochtaí iomaíochta idirnáisiúnta, amhail an Líonra Idirnáisiúnta um Iomaíocht;
4. á threorú dá hUachtarán an rún seo a chur ar aghaidh chuig an gComhairle, chuig an gCoimisiún, agus chuig rialtais agus parlaimintí na mBallstát.