TAIRISCINT I gCOMHAIR RÚIN maidir le cáin dlúthpháirtíochta agus gnóthaí sóisialta
17.4.2019
Dominique Martin
B8‑0261/2019
Tairiscint i gcomhair rún ó Pharlaimint na hEorpa maidir le cáin dlúthpháirtíochta agus gnóthaí sóisialta
Tá Parlaimint na hEorpa,
– ag féachaint do Riail 133 dá Rialacha Nós Imeachta,
A. de bhun na gciorruithe ar bhuiséad slándála sóisialta na Fraince[1];
B. de bhrí go gcosnaíonn ‘Cúnamh Míochaine an Stáit’ (AME) san Fhrainc, a chuireann cúram míochaine saor in aisce ar fáil do dhaoine a bhfuil a stádas neamhdhlíthiúil[2], EUR 1 bhilliún ar an bhFrainc in aghaidh na bliana[3];
C. de bhrí gur mhol Michel Foucher, iar-ambasadóir, ‘córas comhair um shlándáil shóisialta Afracach’ ag comhdháil de chuid Pharlaimint na hEorpa dar teideal ‘An Imirce a chur i gcroílár an chomhair idir an tAontas Eorpach agus an Afraic’[4];
D. de bhrí go ndeachaigh USD 60 billiún[5] de thabhartais phríobháideacha i dtreo mhór-roinn na hAfraice in 2016, trí Western Union agus seirbhísí poist na dtíortha Eorpacha go príomha;
E. de bhrí go dtoibhítear cánacha 7.45 % ar an meán ar na tabhartais sin;
F. de bhrí go bhfuil méid an-mhór i gceist leis na cánacha sin agus go bhféadfaí sciar díobh a chur ar leataobh do chúram imirceach; de bhrí go gcumhdódh 2 % díobh costais uile AME agus mar sin go bhféadfaí leas a bhaint as cuid de na buiséid do Fhrancaigh a bhfuil cúram áirithe diúltaithe dóibh;
1. á iarraidh ar an gCoimisiún cáin dlúthpháirtíochta de 7.45 % ar an meán a mholadh ionas nach gcuirfí cistí slándála sóisialta na mBallstát i mbaol.
- [1] Mar shampla, an moladh seo chun Aonaid Timpistí agus Éigeandála a dhúnadh san oíche: https://www.huffingtonpost.fr/2019/02/06/doit-on-fermer-les-urgences-de-nuit-des-petits-hopitaux_a_23662765/
- [2] Tá roinnt catagóirí le chéile i gceist anseo: AME an dlí choitinn, AME éigeandála agus AME daonnúil.
- [3] Tagann an tsuim sin as tuarascáil a ghabhann le Buiséad 2016, a chuir Claude Goguen, comhalta de Thionól Náisiúnta na Fraince, i láthair sa Choiste um Airgeadas in 2015: http://www.lefigaro.fr/conjoncture/2015/11/02/20002-20151102ARTFIG00319-le-derapage-cache-et-incontrole-de-l-aide-medicale-d-etat.php
- [4] http://www.entretiens-europeens.org/wp-content/uploads/2019/03/SyntheseConfMigrationsJvASCPE-2019.docx.pdf
- [5] https://www.jeuneafrique.com/450215/societe/diaspora-dix-ans-largent-envoye-vers-lafrique-diaspora-a-progresse-de-36/