TAIRISCINT I gCOMHAIR RÚIN maidir le bearta tacaíochta oideachais i dtráth neamhghnách
23.3.2020
Christine Anderson, Gianantonio Da Re
B9‑0138/2020
Tairiscint i gcomhair rún ó Pharlaimint na hEorpa maidir le bearta tacaíochta oideachais i dtráth neamhghnách
Tá Parlaimint na hEorpa,
– ag féachaint d’Airteagail 165 agus 166 CFAE,
– ag féachaint do Riail 143 dá Rialacha Nós Imeachta,
A. de bhrí gur tráth neamhghnách iad imthosca amhail paindéim an Choróinvíris atá ann faoi láthair;
B. de bhrí go leagtar síos in Airteagal 165 den Chonradh ar Fheidhmiú an Aontais Eorpaigh go bhfuil inniúlacht eisiach ag na Ballstáit san oideachas agus sa ghairmoiliúint;
C. de bhrí go bhfuil uirlisí tagartha coiteanna (amhail an Creat Eochair-inniúlachtaí) á bhforbairt ag AE, go n-éascaíonn AE an phiarfhoghlaim i measc na mBallstát maidir le hábhair leasa choitinn agus go gcuireann sé tacaíocht airgeadais ar fáil chun, i measc nithe eile, ráta luathfhágála na scoile a laghdú agus an fheidhmíocht acadúil a fheabhsú;
1. á iarraidh nach gcuirfí bac ar ghnóthú na spriocanna thuasluaite, i gcás ina bhfuiltear as láthair ar feadh tréimhse fhada ón scoil, mar shampla de dheasca scoileanna a bheith dúnta agus/nó bearta coraintín;
2. á chreidiúint gur cheart rochtain ar an oideachas a áirithiú fiú i dtráth neamhghnách;
3. á iarraidh ar na Ballstáit pleananna éigeandála a fhorbairt chun an tionchar a bhíonn ag dúnadh fadtéarmach scoileanna i dtráth neamhghnách a chúiteamh;
4. á iarraidh ar na Ballstáit bearta a dhéanamh chun a áirithiú, i dtráth neamhghnách, nach mbeidh an rochtain ar ábhar múinteoireachta ag brath ar a bheith i láthair go fisiciúil in ionad oideachais;
5. i bhfabhar tionscadail a chur chun cinn lenar féidir an méid sin a dhéanamh.