MOZZJONI GĦAL RIŻOLUZZJONI dwar it-titjib fl-identifikazzjoni u t-trażżin tal-pedopornografija

8.1.2021

imressqa skont l-Artikolu 143 tar-Regoli ta' Proċedura

Jean-Lin Lacapelle, Aurélia Beigneux, Marco Campomenosi, Emmanouil Fragkos, Jean-Paul Garraud, Elżbieta Kruk, Thierry Mariani, André Rougé, Hermann Tertsch, Julie Lechanteux

B9-0451/2020

Mozzjoni għal riżoluzzjoni tal-Parlament Ewropew dwar it-titjib fl-identifikazzjoni u t-trażżin tal-pedopornografija

Il-Parlament Ewropew,

– wara li kkunsidra l-Artikolu 83(1) tat-Trattat dwar il-Funzjonament tal-Unjoni Ewropea,

– wara li kkunsidra l-Artikolu 143 tar-Regoli ta' Proċedura tiegħu,

A. billi 165 000 tifel u tifla fis-sena huma allegatament vittmi ta' vjolenza sesswali fi Franza;  billi, madankollu, dawn il-figuri huma bbażati fuq stimi minn sorsi mhux istituzzjonali u, f'kull każ, mhumiex armonizzati fil-livell tal-UE;

B. billi, attwalment, prodotti – xogħlijiet intellettwali jew oġġetti sesswali – li jirriproduċu l-immaġni jew r-rappreżentazzjoni ta' minorenni f'kuntest pornografiku qed jitqegħdu għad-dispożizzjoni tal-pubbliku ġenerali; billi jeżistu jew qed jerġgħu jidhru fix-xena organizzazzjonijiet jew partijiet li jiġġustifikaw it-tendenzi pedofiliċi u li qed jitolbu reviżjoni tal-liġijiet li jikkastigawhom;

1. Jikkundanna bil-qawwa l-ġustifikazzjoni tal-pedofilija u jistieden lill-Istati Membri jressqu quddiem il-qrati kriminali dawk li jwettquha;

2. Huwa allarmat bil-produzzjonijiet u l-komunikazzjonijiet ta' natura sesswali li jużaw ir-rappreżentazzjoni, u mhux l-immaġni, ta' minorenni, u jistieden lill-Istati Membri jipprojbixxu l-kummerċjalizzazzjoni tagħhom, kemm online kif ukoll f'kummerċ dirett;

3. Iħeġġeġ lill-Istati Membri jadottaw approċċi u definizzjonijiet komuni għaċ-ċensiment ta' atti ta' vjolenza sesswali fuq minorenni, u jipproduċu statistika preċiża u regolari dwar dan il-fenomenu.